ប្រតិបត្តិការនេះធ្វើឡើងក្រោមការបញ្ជាផ្ទាល់ពីលោកឧត្តមសេនីយ៍ឯក ជួន ណារិន្ទ ស្នងការនគរបាលរាជធានីភ្នំពេញ បន្ទាប់ពីសមត្ថកិច្ចទទួលបានព័ត៌មានពាក់ព័ន្ធនឹងសកម្មភាពសង្ស័យ នៃការបង្ខាំងមនុស្សខុសច្បាប់នៅទីតាំងខាងលើ។

តាមប្រភពព័ត៌មានពីសមត្ថកិច្ច បានឲ្យដឹងថា ជនសង្ស័យទាំង ២ នាក់ ដែលត្រូវបានឃាត់ខ្លួនរួមមាន ៖ ឈ្មោះ Qin Liang Liang ភេទប្រុស អាយុ ៣៨ ឆ្នាំ ជនជាតិចិន និង ឈ្មោះ Zhang Janjun ភេទប្រុស អាយុ ៣៧ ឆ្នាំ ជនជាតិចិន។ អ្នកទាំងពីរមានមុខរបរមិនពិតប្រាកដ។ ចំណែកជនរងគ្រោះទាំង ៤ នាក់ ត្រូវបានជួយសង្គ្រោះរួមមាន ៖ ឈ្មោះ Zhang Jipeng ភេទប្រុស អាយុ ៣៨ ឆ្នាំ , ឈ្មោះ Hong Dayan ភេទប្រុស អាយុ ៣៨ ឆ្នាំ , ឈ្មោះ Chen Genkai ភេទប្រុស អាយុ ៣៨ ឆ្នាំ និង ឈ្មោះ Xu Wen Kai ភេទប្រុស អាយុ ៣៧ ឆ្នាំ ដែលសុទ្ធសឹងជាជនជាតិចិន និង​មានមុខរបរមិនពិតប្រាកដដូចគ្នា។

ក្នុងប្រតិបត្តិការបង្ក្រាបនេះ សមត្ថកិច្ចបានដកហូតវត្ថុតាងមួយចំនួន រួមមាន ៖ ខ្នោះដៃចំនួន ២ គូ , ឧបករណ៍សម្រាប់ឆក់ (ពិលឆក់) ពណ៌ខ្មៅចំនួន ១ , ដំបងដែករលាស់ចំនួន ១ , ច្រវាក់ដែកប្រវែង ៥២ សង់ទីម៉ែត្រចំនួន ១ ខ្សែ , ញញួរចំនួន ១, កូនកាំបិតបត់ចំនួន ១ និង ទូរស័ព្ទដៃចំនួន ៣ គ្រឿង។

បច្ចុប្បន្ន ជនសង្ស័យ និង វត្ថុតាង ត្រូវបានបញ្ជូនទៅកាន់ការិយាល័យជំនាញ ដើម្បីបន្តកសាងសំណុំរឿង និង អនុវត្តតាមនីតិវិធីច្បាប់ជាធរមាន ខណៈសមត្ថកិច្ចកំពុងបន្តស្រាវជ្រាវស្វែងរកអ្នកពាក់ព័ន្ធផ្សេងទៀត ប្រសិនបើមាន៕
អត្ថបទ ៖ សំណាង

The post បង្ក្រាបករណីចាប់បង្ខាំងមនុស្សនៅខណ្ឌពោធិ៍សែនជ័យ ឃាត់ខ្លួនជនជាតិចិន ២ នាក់ និង រំដោះជនរងគ្រោះ ៤ នាក់ appeared first on Kampuchea Thmey Daily.

ប្រតិបត្តិការនេះធ្វើឡើងបន្ទាប់ពីកម្លាំងជំនាញទទួលបានបណ្ដឹងសុំជំនួយអន្ដរាគមន៍ពាក់ព័ន្ធករណីចាប់បង្ខាំងមនុស្សដោយខុសច្បាប់។

សេចក្ដីរាយការណ៍បានបញ្ជាក់ថា នៅក្នុងរង្វង់ប្រតិបត្តិការនេះ កម្លាំងជំនាញរបស់អគ្គស្នងការដ្ឋាននគរបាលជាតិ ដោយចូលរួមសហការពីស្នងការដ្ឋាននគរបាលខេត្តបន្ទាយមានជ័យ និងកងរាជអាវុធហត្ថខេត្តបន្ទាយមានជ័យ បានចាប់ខ្លួនជនល្មើសដែលជាជនជាតិថៃម្នាក់ផងដែរ។ ដោយឡែក ជនរងគ្រោះជនជាតិថៃ ចំនួន២៨នាក់ ក្នុងនោះមានស្រី១២នាក់ ត្រូវបានសង្គ្រោះដោយសុវត្ថិភាព។

ក្រោយពីប្រតិបត្តិការសង្គ្រោះ កម្លាំងជំនាញនាំទាំងជនរងគ្រោះ និងជនល្មើសទៅសាកសួរ និងប្រគល់ជូនអគ្គនាយកដ្ឋានអន្ដោប្រវេសន៍ ដើម្បីធ្វើការបណ្ដេញចេញពីប្រទេសកម្ពុជា ខណៈទីតាំងត្រូវបានសមត្ថកិច្ចបិទសៀលជាបណ្ដោះអាសន្ន ដើម្បីបន្ដនីតិវិធី៕

The post កម្លាំងជំនាញរំដោះជនជាតិថៃ ២៨នាក់ ពាក់ព័ន្ធករណីចាប់បង្ខាំងដោយខុសច្បាប់ ខណៈជនល្មើសម្នាក់ត្រូវឃាត់ខ្លួន appeared first on Kampuchea Thmey Daily.

ការបង្រ្កាបឃាត់ខ្លួននេះធ្វើឡើងកាលពីវេលាម៉ោង ០៥ និង ៤០ នាទីល្ងាច ថ្ងៃទី ២៩ ខែមេសា ឆ្នាំ ២០២៦ នៅចំណុចផ្លូវលេខ ៥៣ ប៉េ ភូមិដីថ្មី សង្កាត់គោកឃ្លាង ខណ្ឌសែនសុខ រាជធានីភ្នំពេញ។

ជនសង្ស័យទាំង ០៣ នាក់ រួមមាន ៖ ០១.ឈ្មោះ Chen lang shu ភេទប្រុស អាយុ ២២ ឆ្នាំ ជនជាតិចិន , ០២.ឈ្មោះ Xiao Xiong ភេទប្រុស អាយុ ២៨ ឆ្នាំ ជនជាតិចិន , ០៣.ឈ្មោះ Han Ling ភេទប្រុស អាយុ ១៩ ឆ្នាំ ជនជាតិចិន។ ជនសង្ស័យទាំង ៣ នាក់ ស្នាក់នៅបន្ទប់ជួលជាមួយគ្នា ផ្លូវបេតុង សង្កាត់ទួលសង្កែ ០១ ខណ្ឌឫស្សីកែវ រាជធានីភ្នំពេញ។

តាមការបញ្ជាក់ពីនគរបាលជំនាញ នៃការិយាល័យព្រហ្មទណ្ឌកម្រិតស្រាលរាជធានីភ្នំពេញ បានឲ្យដឹងថា កាលពីវេលាម៉ោង ០១ យប់រំលងអធ្រាត្រ ឈានចូលថ្ងៃទី ២៩ ខែមេសា ឆ្នាំ ២០២៦ នៅចំណុចសណ្ឋាគារ WH ជាន់ទី ០៣ បន្ទប់ ៣០២ ផ្លូវ ៣១០ ភូមិ ០៧ សង្កាត់បឹងកេងកង ០៣ ខណ្ឌបឹងកេងកង រាជធានីភ្នំពេញ មានករណីជនសង្ស័យបានប្រើហិង្សាចាប់មនុស្សបង្ខាំង និងជំរិតទារប្រាក់ ចំនួន ៨០០ ដុល្លារ ចេញពីចំណុចកើតហេតុ រួចគេចខ្លួនតែម្តង។

នគរបាលជំនាញ បន្តថា លុះមកដល់វេលាម៉ោង ០៥ ល្ងាច ថ្ងៃដដែល សមត្ថកិច្ច បានស្រាវជ្រាវ និងកំណត់ទីតាំងជនសង្ស័យបានយ៉ាងច្បាស់លាស់។ ភ្លាមៗ កម្លាំងជំនាញ បានប្រតិបត្តិការ ឃាត់ខ្លួនជនសង្ស័យចំនួន ០៣ នាក់ ដោយដកហូតវត្ថុតាង ទូរស័ព្ទដៃម៉ាកអាយហ្វូន ចំនួន ០៣ គ្រឿង , កន្រ្តៃចំនួន ០១ និងកូនកាំបិតចំនួន ០១ ហើយជួយសង្គ្រោះ ជនរងគ្រោះបានមកវិញដោយសុវត្ថិភាព។

បច្ចុប្បន្ន នគបាល បានបញ្ជូនជនសង្ស័យទាំង ០៣ នាក់ រួមទាំងវត្ថុតាង ទៅកាន់សាលាដំបូងរាជធានីភ្នំពេញ ដើម្បីបន្តនីតិវិធីច្បាប់៕
អត្ថបទ ៖ រដ្ឋា

The post បង្រ្កាបជនជាតិចិន ០៣ នាក់ ដែលប្រើហិង្សាបង្ខាំងមនុស្សជំរិតទារប្រាក់ appeared first on Kampuchea Thmey Daily.

លោកឧត្តមសេនីយ៍ត្រី ហេង ប៊ុនទី មេបញ្ជាការអាវុធហត្ថខេត្ត ក្រោមការសម្របសម្រួលពីតំណាងអយ្យការអមសាលាដំបូងខេត្ត ដោយទទួលបានព័ត៌មានថាមានករណីបង្ខាំងជនជាតិចិន ដោយការធ្វើទារុណកម្មនៅបន្ទប់ជាន់ទី១៦ កាស៊ីណូ ហ្គាន់ដាវ ក្រុងព្រះសីហនុ កម្លាំងអាវុធហត្ថខេត្តបានចុះធើ្វការស្រាវជ្រាវរហូតឈានដល់ឃាត់ខ្លួនក្រុមជនល្មើសពាក់ពន្ធ័មួយចំនួន។ ក្នុងនោះផងដែលកម្លាំងអាវុធហត្ថបានរកឃើញមានបទល្មើស Scam Online ដែលក្រុមជនល្មើសបានប្រព្រឹត្តនៅក្នុងកាស៊ីណូនេះផងដែរ។

ក្រោយប្រតិបត្តិការចុះបង្ក្រាបរួចកម្លាំងអាវុធហត្ថខេត្តព្រះសីហនុបានឃាត់ខ្លួនក្រុមជនល្មើសជាច្រើននាក់ យកមកសួរនាំនៅមូលដ្ឋានកងរាជអាវុធហត្ថ ដើម្បីចាត់ការបន្តតាមនិតិវិធីច្បាប់៕

The post អាវុធហត្ថខេត្តព្រះសីហនុ បើកប្រតិបត្តិការបង្រ្កាបករណីបង្ខាំងមនុស្សខុសច្បាប់ និងមានបទល្មើស Scam Online នៅកាស៊ីណូហ្គាន់ដាវ appeared first on Kampuchea Thmey Daily.

ប្រតិបត្តិការ​បង្ក្រាប​នេះ​ធ្វើឡើង​កាលពី​ថ្ងៃ​ទី ១១ ខែ​មករា ឆ្នាំ ២០២៦ ថ្មីៗ នេះ ក្រោយ​ជនសង្ស័យ​ធ្វើ​សកម្មភាព​ចាប់​មនុស្ស​បង្ខាំង និង​ជំរិត​ទារ​ប្រាក់ ប៉ុន្មាន​ម៉ោង​តែប៉ុណ្ណោះ ដោយ​ជួយ​សង្គ្រោះ​ជនរងគ្រោះ​មកវិញ​ដោយ​សុវត្ថិភាព។

ជនសង្ស័យ​ទាំង ០២ នាក់ រួមមាន ៖ ០១-ឈ្មោះ Zhang Wei អាយុ ៣៦ ឆ្នាំ ភេទ​ប្រុស ជនជាតិ​ចិន និង ០២-​ឈ្មោះ Wang Yu Zhuo ភេទ​ប្រុស អាយុ ៣៣ ឆ្នាំ ជនជាតិ​ចិន។

លោក​ឧត្ដមសេនីយ៍​ត្រី ហ៊ុន មុន្នីរ័ត្ន អនុ​ប្រធាន​នាយកដ្ឋាន​នគរបាល​ព្រហ្មទណ្ឌ​កម្រិត​ធ្ងន់ បាន​ឲ្យ​ដឹង​ថា កម្លាំង​នគរបាល​សហការ​ជាមួយ​ស្នងការដ្ឋាន​នគរបាល​ព្រះសីហនុ ធ្វើការ​ស្រាវជ្រាវ​តាម​នីតិវិធី និង​ជំនាញ រហូត​កំណត់​បាន​ទីតាំង​លាក់ខ្លួន​របស់​ក្រុម​ជនសង្ស័យ​ខាងលើ​យ៉ាង​ជាក់ច្បាស់ បន្ទាប់ពី​ធ្វើ​សកម្មភាព​ចាប់​ជនរងគ្រោះ​នារី​ជា​ជនជាតិ​វៀតណាម។ រហូតមកដល់​វេលា​ម៉ោង ០៨ និង ៤០ នាទី​យប់ ថ្ងៃ​ទី ១១ ខែ​មករា ឆ្នាំ ២០២៦ ដដែល កម្លាំង​ជំនាញ បាន​ធ្វើការ​ជួយ​សង្គ្រោះ​ជនរងគ្រោះ​ខាងលើ និង​ឃាត់ខ្លួន​ជនសង្ស័យ​ចំនួន ០២ នាក់ ត្រង់​ចំណុច​ផ្លូវ​លេខ ១៩៨៦ សង្កាត់​ភ្នំពេញ​ថ្មី ខណ្ឌ​សែន​សុខ រាជធានី​ភ្នំពេញ។

បច្ចុប្បន្ន ជនសង្ស័យ កម្លាំង​នាយកដ្ឋាន​នគរបាល​ព្រហ្មទណ្ឌ បាន​ប្រគល់​ជូន​ស្នងការដ្ឋាន​នគរបាល​ខេត្ត​ព្រះសីហនុ ដើម្បី​ចាត់ការ​បន្ត​តាម​នីតិវិធី។

គួរ​បញ្ជាក់​ថា កាលពី​ថ្ងៃ​ទី ១១ ខែ​មករា ឆ្នាំ ២០២៦ មាន​ជនសង្ស័យ ០២ នាក់ បាន​ធ្វើ​សកម្មភាព​ចាប់​ឃុំឃាំង បង្ខាំង​ដោយ​ខុសច្បាប់ និង​ជំរិត​ទារ​ប្រាក់​ចំនួន ២០,០០០ ដុល្លារ ទៅ​លើ​ជនរងគ្រោះ​ឈ្មោះ Do Thi My Duyen ភេទ​ស្រី អាយុ ២៣ ឆ្នាំ ជនជាតិ​វៀតណាម ចេញពី​ចំណុច សណ្ឋាគារ​ជៀវ​ជូវ ស្ថិត​ក្នុង​ក្រុង​ព្រះសីហនុ ខេត្ត​ព្រះសីហនុ រួច​រត់​គេច​ខ្លួន​បាត់​ស្រមោល៕

អត្ថបទ ៖ រដ្ឋា

The post នគរបាលព្រហ្មទណ្ឌកម្រិតធ្ងន់ បង្ក្រាបជនជាតិចិន ០២ នាក់ ពាក់ព័ន្ធការចាប់បង្ខាំងមនុស្សខុសច្បាប់ និងជំរិតទារប្រាក់ appeared first on Kampuchea Thmey Daily.

លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានឲ្យដឹងនៅព្រឹកថ្ងៃទី១០ ខែមករា ឆ្នាំ២០២៦នេះថា កាលពីថ្ងៃទី៥ ខែមករា ឆ្នាំ២០២៦ កម្លាំងជំនាញរួមមានការិយាល័យប្រឆាំងបទល្មើសបច្ចេកវិទ្យា ការិយាល័យអន្តរាគមន៍ និងតម្រួតបទបញ្ជា និងអធិការដ្ឋាននគរបាលខណ្ឌចំការមន ដោយមានការសម្របសម្រួលនីតិវិធីពីលោក សេង ហៀង ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានចុះត្រួតពិនិត្យដើម្បីធ្វើការស្រាវជ្រាវនៅទីតាំងសង្ស័យមានករណីបង្ខាំងជំរិតទារប្រាក់នៅបន្ទប់លេខ៣៩-១០ ជាន់ទី៣៩,​បន្ទប់លេខ​៤០-០៩ ជាន់ទី៤០ សណ្ឋាគារ ហ័រ ហួយ គ័ន ស៊ី ជាន ថាង ហូថែល ឯ.ក ស្ថិតក្នុងអគារ ហ័រសាន អន្តរជាតិ ផ្លូវបើក ថ្មី ភូមិ១៤ សង្កាត់ទន្លេបាសាក់ ខណ្ឌចំការមន រាជធានី ភ្នំពេញ។

លោកស្នងការបញ្ជាក់ថា ក្នុងរង្វង់ប្រតិបត្តិការ កម្លាំងសមត្ថកិច្ចជំនាញបានរកឃើញជនរងគ្រោះឈ្មោះ LIANG TAO ភេទប្រុស អាយុ៤៧ឆ្នាំ ជនជាតិចិន (រងរបួសធ្ងន់) ក្នុងបរិវេណសណ្ឋាគារខាងលើ និងបានធ្វើការឃាត់ខ្លួនជនសង្ស័យម្នាក់ឈ្មោះ ម៉ា ជីវ៉ៃ ភេទប្រុស អាយុ៣២ ឆ្នាំជនជាតិចិន សញ្ជាតិខ្មែរ។ សមត្ថកិច្ចរកឃើញ វត្ថុតាង បន្សល់ទុកនៅកន្លែងកើតហេតុបន្ទប់លេខ ៤០-០៩ ជាន់ទី៤០ រួមមាន ឧបករណ៍សម្រាប់ឆក់ ពណ៌ខ្មៅ ចំនួន១គ្រឿង និងកំរាលតុ ពណ៌ប្រផេះ ចំនួន១កំរាល (ប្រើប្រាស់សម្រាប់គ្រប បាំងមុខជនរងគ្រោះ) និងបានបញ្ជូនមកស្នងការដ្ឋាននគរបាល រាជធានីភ្នំពេញ ដើម្បីសាកសួរ។

ក្រោយមកសមត្ថកិច្ចបានបន្តធ្វើការស្រាវជ្រាវស្វែងរកឃើញអត្តសញ្ញាណជនសង្ស័យដែលបានរត់គេចខ្លួនចំនួន២នាក់ទៀត (ជនដៃដល់) ទី១៖ ឈ្មោះ CHEN XIANGLIANG ភេទប្រុស អាយុ៣៦ឆ្នាំ ជនជាតិចិន និងទី២៖ ឈ្មោះ FU DONGDONG ភេទប្រុស អាយុ៣៦ឆ្នាំ ជនជាតិចិន និងឃាត់ជនសង្ស័យ ចំនួន១នាក់ខាងលើ នាំខ្លួនមកកាន់ស្នងការដ្ឋានដ្ឋាននគរបាលរាជធានី។

លោកបានបន្ដថា យោងវត្ថុតាងដែលបានដកហូតពីកន្លែងកើតហេតុលទ្ធផល ស្រាវជ្រាវត្រួតពិនិត្យ និងតាមការស្តាប់ចម្លើយសមត្ថកិច្ចឃាត់ខ្លួនមនុស្សចំនួន៣នាក់ បញ្ជូនទៅតុលាការ រួមមាន៖ ទី១៖ ឈ្មោះ ម៉ា ជីវ៉ៃ ភេទប្រុស អាយុ៣២ឆ្នាំ ជនជាតិចិន សញ្ជាតិខ្មែរ (អ្នកផ្សំគំនិត) ឃាត់បាននៅនឹងកន្លែង ទី២៖ ឈ្មោះ CHEN XIANGLIANG ភេទប្រុស អាយុ៣៦ឆ្នាំ ជនជាតិចិន សញ្ជាតិចិន (ជនដៃដល់) ឃាត់ នៅអាកាសយានដ្ឋានអន្តរជាតិតេជោ បាន ព្យាយាមលួចរត់ចេញទៅក្រៅប្រទេស ទី៣៖ ឈ្មោះ FU DONGDONG ភេទប្រុស អាយុ៣៦ឆ្នាំ ជនជាតិចិន សញ្ជាតិចិន (ជនដៃដល់) ឃាត់ នៅអាកាសយានដ្ឋានអន្តរជាតិតេជោ បានព្យាយាមលួចរត់ចេញទៅក្រៅប្រទេស។

ជនសង្ស័យទាំង៣នាក់ បានសារភាពថា ខ្លួន និងបក្ខពួកពិតជាបានប្រព្រឹត្តបទល្មើសនៅរាជធានីភ្នំពេញ កាលពីថ្ងៃទី ៤ ខែមករា ឆ្នាំ២០២៦ ប្រាកដមែន។ ក្នុងចំណោមបក្ខពួកខាងលើ គឺនៅសល់បក្ខពួកមួយចំនួនទៀត ដែលសមត្ថកិច្ចកំពុងតាមចាប់ខ្លួនបន្ត។ ក្រុមជនសង្ស័យខាងលើបានរៀបចំគម្រោងផែនការគិតទុកជាមុន ដោយជនសង្ស័យឈ្មោះ CHEN XIANGLIANG បានណាត់ជនរងគ្រោះ មកជួបនៅបន្ទប់លេខ ៣៩-១០ ដែលជាបន្ទប់ បានកក់ទុករួចសម្រាប់បង្ខាំងធ្វើទារុណកម្មជំរិតទារប្រាក់ពីជនរងគ្រោះឈ្មោះ LIANG TAO ហើយជនសង្ស័យឈ្មោះ ម៉ា ជីវ៉ៃ, FU DONG DONG និងបក្ខពួក រង់ចាំនៅក្នុងបន្ទប់លេខ ៣៩-១០ ជាមុន។

ជាមួយគ្នានេះ លោកឧត្តមសេនីយ៍ឯក ជួន ណារិន្ទ បានអំពាវនាវដល់ជនរងគ្រោះផ្សេងទៀត មកដាក់ពាក្យបណ្ដឹងនៅស្នងការដ្ឋាននគរបាលរាជធានីភ្នំពេញ ដើម្បីចូលរួមកំចាត់ក្រុមឧក្រិដ្ឋជនខាងលើនេះ សំដៅធានាសុខសុវត្ថិភាព សណ្ដាប់ធ្នាបជូនប្រជាពលរដ្ឋ និងអ្នកវិនិយោគជាតិ និងអន្តរជាតិ៕

អត្ថបទ៖ សុភា

The post នគរបាលរាជធានីភ្នំពេញ ឃាត់ខ្លួនជនជាតិ​ចិន​៣​នាក់​ពាក់ព័ន្ធករណីបង្ខាំងជំរិតទារប្រាក់ appeared first on Kampuchea Thmey Daily.

តាមរបាយការណ៍របស់នាយកដ្ឋាននគរបាលព្រហ្មទណ្ឌ ក្រុមជនសង្ស័យដែលឃាត់ខ្លួនមានជនជាតិចិន២នាក់ និងជនជាតិមីយ៉ាន់ម៉ា៦នាក់ ខណៈជនរងគ្រោះជាជនជាតិចិន៦នាក់ ត្រូវបានរំដោះ បន្ទាប់ពីកម្លាំងជំនាញធ្វើការស្រាវជ្រាវតាមនីតិវិធី ដោយកំណត់បានទីតាំងដែលក្រុមជនសង្ស័យយកជនរងគ្រោះទៅបង្ខាំង និងធ្វើទារុណកម្ម។

តាមរបាយការណ៍ កាលពីថ្ងៃទី៤ ខែធ្នូ ឆ្នាំ២០២៥ វេលាម៉ោង០០និង៥៥នាទី មានជនសង្ស័យ១ក្រុម ជាជនជាតិចិន បានធ្វើសកម្មភាពចាប់បុរសជនជាតិចិនម្នាក់ដាក់ចូលក្នុងរថយន្ត១គ្រឿងម៉ាក RANGE ROVER ពណ៌ស ផ្លាកលេខ ភ្នំពេញ2CD-8488 ចេញពីចំណុចផ្លូវជាតិលេខ១ ស្ថិតក្នុងសង្កាត់បាវិត ក្រុងបាវិត ខេត្តស្វាយរៀង។ ក្រោយពីមានហេតុការណ៍នេះ កម្លាំងជំនាញបានសហការស្រាវជ្រាវ រហូតឈានដល់ការឃាត់ខ្លួនក្រុមជនសង្ស័យខាងលើ រួមទាំងវត្ថុតាង ប្រគល់ជូនស្នងការដ្ឋាននគរបាលខេត្តស្វាយរៀង ដើម្បីអនុវត្តនីតិវិធីបន្ត៕

The post នគរបាលព្រហ្មទណ្ឌបង្ក្រាបក្រុមចាប់បង្ខាំងមនុស្ស​ខុសច្បាប់៨នាក់ និងរំដោះជនរងគ្រោះ​បាន៦នាក់ appeared first on Kampuchea Thmey Daily.

ហេតុការណ៍បែកធ្លាយរូបភាពខាងលើ កើតឡើងកាលពីព្រឹកថ្ងៃទី១៧ ខែវិច្ឆិកា ឆ្នាំ២០២៥ ដោយទីតាំងដែលសង្ស័យ និងត្រូវបានសមត្ថកិច្ចចុះពិនិត្យនោះ ស្ថិតនៅចំណុចស្រះបេះដូង ខាងលិចផ្លូវស្តង់តាងួន ក្នុងសង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។

តាមរូបភាពវីដេអូដែលត្រូវបានគេថតបង្ហោះតាមបណ្តាញសង្គម គឺ មានបុរសម្នាក់ ឯកសណ្ឋានពណ៌ខ្មៅ ឈរលើអគារមុខបន្ទប់ជាន់លើគេ ដែលមានដែកចង្រឹងបិទជិត បានបង្ហាញពីការវាយដំធ្វើទារុណកម្ម ទំនងជាត្រូវការជំនួយសង្រ្គោះបន្ទាន់ ។

បើតាមសមត្ថកិច្ចនគរបាលខេត្តបន្ទាយមានជ័យ បានឱ្យដឹងថា ករណីនេះកំពុងត្រូវបានអាជ្ញាធរខេត្តដែលដឹកនាំដោយលោកលៀម សុដាអភិបាលរងខេត្តរួមនឹងកម្លាំងអាវុធហត្ថខេត្ត និងស្នងការនគរបាលខេត្ត ព្រមទាំងអភិបាលក្រុង អធិការក្រុង ក្រោមការសម្របសម្រួលពីព្រះរាជ្ញាអមសាលាដំបូងខេត្តបន្ទាយមានជ័យ បានចុះទៅដល់ទីតាំងសង្ស័យខាងលើ កាលពីរសៀលថ្ងៃទី១៧ នេះតែម្តង ។ តែបើតាមប្រភពពីចំណុចទីតាំងអគារខាងលើ  មុនពេលដែលសមត្ថកិច្ចទៅដល់ និងក្រោយការបង្ហោះលើបណ្តាញសង្គម គេឃើញមានរថយន្តប្រភេទរត់ទូទំនើបៗ ជាច្រើនបានបើកចេញពីទីតាំងអគារដែលមានរបងបិទជិតខាងលើ ដោយមហាជនសង្ស័យថា ជាការជន្លៀសមនុស្សចេញពីក្នុង។

គួរបញ្ជាក់ផងដែរថា បទល្មើសអនឡាញ ឬការជំរិត បង្ខាំមនុស្សខុសច្បាប់ កំពុងត្រូវបានរដ្ឋាភិបាលកម្ពុជាយកចិត្តទុកដាក់ ហើយជាក់ស្តែង កាលពីពេលថ្មីៗនេះ នៅក្រុងប៉ោយប៉ែត ត្រូវបាននគរបាលក្រសួងមហាផ្ទៃ ចុះប្រតិបត្តិការបង្ក្រាបទីតាំងសង្ស័យអនឡាញមួយនៅក្នុងបុរី សាន ស៊ានហូ បានឃាត់ខ្លួនជនបរទេស រាប់សិបនាក់ ជាមួយនឹងឧបករណ៍សម្ភារៈជាច្រើនគ្រឿង៕

ដោយ៖ អពៅ

The post សមត្ថកិច្ចចុះពិនិត្យទីតាំងអគារសង្ស័យបង្ខាំធ្វើទារុណកម្ម មួយកន្លែង នៅក្រុងប៉ោយប៉ែត  appeared first on Kampuchea Thmey Daily.