លោក ករុណា ពេជ្របានចែករំលែកវីដេអូមួយពីសកម្មភាពរបស់លោកវណ្ណដា បណ្តើរសង្សា Lauryn នៅតាមផ្លូវដោយបានបង្ហាញនូវភាពសាមញ្ញរបស់ខ្លួន ខណ:លោក ករុណា ពេជ្រ ចាត់ទុកថាជាគំរូល្អសម្រាប់អ្នកគាំទ្រ។ លោក ករុណា ពេជ្រ បានរំលឹកថា ពេលដែលលោកមើលរូបភាពសាមញ្ញមួយនេះ មានអារម្មណ៍ថារីករាយផងដែរ។

តារាចម្រៀង ករុណា ពេជ្រ បានប្រៀបប្រដូចថា ចរិត វណ្ណដា លោកហ៊ានទទួលស្គាល់ថាស្រដៀងខ្លួន ៨០ ភាគរយហើយលោកហ៊ាននិយាយបន្ទាប់ពីឃើញរូបភាពសាមញ្ញដើរតាមផ្លូវដ៏កម្រមួនេះហើយ លោកក៏ធ្លាប់ជួបវណ្ណដាម្តងទៀតនៅថ្ងៃច្រៀងកម្មវិធីនៅវិមានឈ្នះឈ្នះកាលពីមុន ខណៈនៅពេលនោះ លោកកំពុងអង្គុយរង់ចាំត្រៀមឡើងឆាករួមគ្នាជាតារាល្បីៗជាច្រើនទៀត ពេលនោះក៏ស្រាប់តែឭស្រែកខ្លះហ៊ោ ខ្លះនិយាយឭៗថា “វណ្ណដា”។

ករុណា ពេជ្រ បន្តទៀតថា “ពេលនោះ ខ្ញុំគ្រាន់តែឭខ្ញុំក៏អង្គុយធ្វើធម្មតាបែរខ្នង ហើយបែរមុខធ្វើទៅមើលទិសដៅផ្សេងដើម្បីកុំឱ្យវណ្ណដាឃើញ តែទង្វើនេះមិនមែនស្អប់គាត់ គ្រាន់ថាមិនដឹងនិយាយអី្វជាមួយគាត់ ហើយម្យ៉ាងមិនដឹងរៀបឫករបៀបម៉េចជាមួយគាត់ ប៉ុន្តែអ្វីដែលមិននឹកស្មាន វណ្ណដា ស្រាប់តែចេញពីកៅអីគាត់នៅរំលងខ្ញុំប្រហែល ៤ជួរ ដើរមករកខ្ញុំ”។

លោកបន្តថាពេលនោះ វណ្ណដា បានលើកដៃជម្រាបសួរ ពេលឃើញសកម្មភាពទន់ភ្លន់របស់ វណ្ណដា ចេះគោរពអោនលំទោនហើយចេះប្រើភាសាឱ្យតម្លៃកិត្តិយសអ្នកជុំវិញខ្លួន ក៏ដូចជារូបលោកបែបនេះ លោកពិតជារំភើបនិងសរសើរចំពោះអត្តចរិតរបស់គាត់ខ្លាំង។

លោកករុណា ពេជ្រ និយាយដែរថា “ខ្ញុំអាចសន្និដ្ឋានបានថា វណ្ណដា ជាមនុស្សដើរចូលសង្គមចុះគ្រប់មជ្ឈដ្ឋាន ហើយជាមនុស្សដែលមានឪពុកម្តាយ អប់រំបានល្អ សាមញ្ញ មិនឆ្មើងឆ្មៃពាក្យសម្តីប្រើចេញមកសុទ្ធជាភាពឱ្យតម្លៃទៅកាន់មនុស្សជុំវិញខ្លួន ហើយខ្ញុំហ៊ាននិយាយថា នៅថ្ងៃមុខ ប្អូននិងកាន់តែជោគជ័យលើវិស័យសិល្ប: ហើយបើថ្ងៃណាមួយប្អូនឈប់សិល្បៈក៏ប្អូនគង់តែជោគជ័យលើវ័ស័យការងារ មុខងារផ្សេងទៀតដែរ (ភាពជោគជ័យនេះបានមកពីចរិតចេះឱ្យតម្លៃមនុស្សជុំវិញខ្លួន)៕ អត្ថបទ៖ ចាន់រ៉ា

The post ចរិតសាមញ្ញ វណ្ណដា ទទួលបានការសរសើរពីរៀមច្បង ករុណា ពេជ្រ ហើយស្រដៀងគ្នានឹងលោកដែរ appeared first on Kampuchea Thmey Daily.

ក្រោយប្រកាសវិលវិញប្រមាណជា ១សប្តាហ៍ តារាចម្រៀងល្បីឈ្មោះរបស់ផលិតកម្ម Town លោក ករុណា ពេជ្រ បានធ្វើតាមការសន្យា ដោយវិលវិញជាមួយរសជាតិថ្មីលើទ្រនំចាស់ និងពាំនាំនូវបទបែបថ្មី ដែលច្រៀងរួមគ្នានឹងតារាចម្រៀងប្រុសម្នាក់ទៀត គឺលោក Trapz Young ។

ពិតជាប្លែក ខណៈអ្នកគាំទ្រក៏ដូចជាសាធារណជនទូទៅ ធ្លាប់តែបានស្គាល់តារាចម្រៀងប្រុសរូបនេះ តាមរយៈ​បទមនោសញ្ចេនា ប៉ុន្តែបទចម្រៀងដែល Remake ថ្មីមួយបទនេះ បានធ្វើឱ្យអ្នកគាំទ្រភ្ញាក់ផ្អើល និងកាន់តែចាប់អារម្មណ៍ជាមួយនឹងតារាចម្រៀងប្រុសរូបនេះសារជាថ្មី។

គួររម្លឹកថា ទោះបីជាតារាចម្រៀង ករុណា ពេជ្រ ហាក់ឃ្លាតឆ្ងាយពីសិល្ប:មួយរយ:ធំ តែទឹកចិត្តលោកគឺនៅតែនឹកដល់អ្នកគាំទ្រនិងអាជីពចាស់របស់ខ្លួន ដែលធ្លាប់សាងភាពល្បីឈ្មោះជាច្រើនឆ្នាំកន្លងមក។ តួយ៉ាងពេលនេះ ករុណា ពេជ្រ បានធ្វើតាមសន្យា វិលមកវិញជាមួយនឹងរសជាតិថ្មី ដើម្បីបន្តបំពេរអារម្មណ៍ដល់អ្នកគាំទ្ររបស់ខ្លួន។

លោក ករុណា ពេជ្រ ធ្លាប់បានអះអាងថា វត្តមានសារជាថ្មីរបស់លោក គឺមកដោយការជឿជាក់ មករំលឹកអនុស្សាវរីយ៍ កាលពី១៤ឆ្នាំមុន ក្នុងការនិពន្ធកែច្នៃបទភ្លេងថ្មីទាំងបទចាស់និងនិពន្ធថ្មី៕

The post ករុណា ពេជ្រ វិលមករំលឹកអនុស្សាវរីយ៍ជាង ១០ឆ្នាំមុន ជាមួយការនិពន្ធកែច្នៃថ្មី ពីបទ «អ្នកកំដរ និង អស់ឱកាស» appeared first on Kampuchea Thmey Daily.

ប្រាកដ​ណាស់ កាលពី​ថ្ងៃ​ទី ២៥ ខែ​កក្កដា ឆ្នាំ ២០២៤ តារា​ចម្រៀង​លោក ម៉ា ច័ន្ទបញ្ញា បាន​លើក​ឡើង​ជា​យោបល់​ចំនួន ៦ ចំណុច ពាក់ព័ន្ធ​រឿង​ទេសចរណ៍ ខណៈ​គេ​ក៏​សង្កេត​ឃើញ​មាន​មហាជន និង​អ្នក​ដែល​គាំទ្រ​នៅ​លើ​បណ្ដាញ​សង្គម​មួយ​ចំនួន​បាន​ចាប់​អារម្មណ៍ ព្រមទាំង​បញ្ចេញ​មតិ​យោបល់​ដោយ​ខ្លះ​យល់ឃើញ​ដូច​តារា​ចម្រៀង​រូប​នេះ​ផង​ដែរ។

តារា​ចម្រៀង​ជើងចាស់​លោក ករុណា ពេជ្រ ភ្លាមៗ នោះ ក៏បាន​បញ្ចេញ​ទស្សនៈ​គាំទ្រ​ចំពោះ​ការ​លើក​ឡើង ៦ ចំណុច លោក ម៉ា ច័ន្ទ​បញ្ញា ដែរ។ លោក ករុណា ពេជ្រ បាន​និយាយ​ថា គំនិត​ល្អ សម័យនេះ​ជា​សម័យ​ក្មេង​មិន​ដល់​ចាស់ ហើយក៏​មិនមែន​ចាស់​ត្រូវ​គ្រប់​រឿង​នោះ​ដែរ ជា​សម័យ​ចេះ​ពិភាក្សា​យោគយល់​អធ្យាស្រ័យ​កែច្នៃ​ដើម្បី​ភាព​រីកចម្រើន និង​អភិវឌ្ឍន៍។

តារា​ចម្រៀង​លោក ករុណា ពេជ្រ បាន​លើក​ឡើង​បន្ថែម​ទៀត​ថា សម្រាប់​មនុស្ស​ចាស់​នៅតែ​ជា​ផ្លូវ​ដ៏​ល្អ​សម្រាប់​ក្មេងៗ ជំនាន់​ក្រោយ​(​រួមគ្នា​ដើម្បី​កម្ពុជា​)។

លោក ម៉ា ច័ន្ទ​បញ្ញា បាន​ឲ្យ​ដឹង​ថា សូម​ចូលរួម​យោបល់​មួយ​រឿង​ទេសចរណ៍ អាជ្ញាធរ​ប្រកាស​អនុញ្ញាត​ការ​ថត​នៅ​ប្រាសាទ​គឺជា​ដំណឹង​មួយ​ល្អ។ លោក​លើក​ឡើង​ទៀត​ថា រដ្ឋ គួរតែ​ធ្វើ​សេចក្ដី​ប្រកាស​មួយ​លើក​មុខ លើក​មាត់ ប៉ះប៉ូវ​បញ្ហា​កើត​មាន​កន្លងមក តែ​មុននឹង​ចាប់ផ្ដើម​រដ្ឋ​គួរតែ​ផ្ដល់​ទំនុក​ចិត្ត​ដល់​អ្នក​ផ្សព្វផ្សាយ​ជាមុន ជៀសវាង​សេចក្ដី​សម្រេច​មិន​ស្រប​នឹង​ស្ថានភាព​ជាក់ស្ដែង៕

អត្ថបទ ៖ ចាន់រ៉ា

The post ករុណា ពេជ្រ គាំទ្រគំនិតលើកឡើង ៦ ចំណុច របស់ ម៉ា ច័ន្ទបញ្ញា ពាក់ព័ន្ធវិស័យទេសចរណ៍ជាតិ appeared first on Kampuchea Thmey Daily.

ដូចគ្នាទៅនឹងអ្នកគាំទ្រតារាចម្រៀងរៀមច្បងលោក ករុណា ពេជ្រ ដោយឃើញសកម្មភាពការងារសង្គមដូច្នេះលោកបានកោតសរសើរ និងលើកទឹកចិត្តចំពោះឆន្ទ:យ៉ាងមោះមុតរបស់នាថការីរបាំកញ្ញា សុគា គឹមលាង។ មិនតែប៉ុណ្ណោះលោក ករុណា ពេជ្រ បានលើកទឹកចិត្តនាថការីរបាំ សុគា គឹមលាង ដើម្បីបន្តសកម្មភាពលើកស្ទួយវប្បធម៌ជាតិ។

តារាចម្រៀងលោក ករុណា ពេជ្រ បានបញ្ជាក់ឲ្យដឹងថា មើលហើយរំភើបចេញពីចិត្ត Sokea Kimleang សង្ឃឹមថាប្អូនស្រីគឺថានឹងបន្តថែរក្សារហូតដល់ប្អូនៗជំនាន់ក្រោយ។ ជាការឆ្លើតតបនាថការី សុគា គឹមលាង បានបញ្ជាក់ថា​“អរគុណបង ប្អូននឹងបង្តនូវឆន្ទៈមួយនេះ“។

ការលើកឡើងរបស់លោក ករុណា ពេជ្រ បន្ទាប់ពីលោកឃើញសកម្មភាពកញ្ញា សុគា គឹមលាង បានបង្ហោះវីដេអូចែករំលែកបទពិសោធន៍ ក្នុងនាមជា «នាដការីរបាំ» និងរម្លឹកដឹងគុណចំពោះលោកគ្រូអ្នកគ្រូជាមួយការបង្ហាត់បង្រៀនសិស្ស។ កញ្ញា សុគា គឹ​ម​លាង ហៅ កូនអាន់ កាលពីកន្លងនាងក៏ធ្លាប់​ត្រូវបាន​ទស្សនិកជនដឹងថា ​នាងគឺបានតំណែងជា​កញ្ញាឯក​សង្ក្រាន្ត​ដ៏​សស្រស់ស្អាតនាអំឡុងឆ្នាំ២០១៨។

ប្រាកដណាស់គេមើលឃើញថា សិល្បការិនីដ៏ឆ្នើម ឬនាថការីកញ្ញា សុគា គឹមលាង កន្លងមកត្រូវបានទស្សនិកជនបានដឹងគ្រប់គ្នាថា នាងតែងមានភាលេចធ្លោលើសកម្មភាពផ្សព្វផ្សាយវប្បធម៌សិល្ប:ខ្មែរ។ តួយ៉ាងថ្មីៗនេះ សុគា គឹមលាង​ក៏បានចេញមុខប្តេជ្ញាចូលរួមផ្សព្វផ្សាយវប្បធម៌អរិយធម៌កេរ្ដិ៍មរតកដូនតាខ្មែរមិនអាចឲ្យស្លាប់ទេ៕

អត្ថបទ៖ ចាន់រ៉ា

The post ករុណា ពេជ្រ លើកទឹកចិត្តនាថការីរបាំ សុគា គឹមលាង បន្តសកម្មភាពលើកស្ទួយវប្បធម៌ជាតិ appeared first on Kampuchea Thmey Daily.

ការ​លើក​ឡើង​របស់​តារា​ចម្រៀង​លោក ករុណា ពេជ្រ នេះ ស្រប​ពេល​ដែល​ថ្មីៗ នេះ ផ្ទុះ​ការ​រិះគន់ និង​វែកញែក ពាក់ព័ន្ធ​នឹង​រឿង​ដ៏​ហួសចិត្ត​មួយ បន្ទាប់ពី​ក្រុម​តន្ត្រី Hashtag band ត្រូវ​បាន​គណៈ​គ្រប់គ្រង​សាលា​មួយ​នៅ​ខេត្ត​កំពង់ចាម ប្រកាស​ឲ្យ​បញ្ឈប់​ការ​សម្តែង​ទាំង​ពាក់កណ្ដាល​ទី​ក្នុង​ថ្ងៃ​អបអរ​សង្ក្រាន្ត​ចូល​ឆ្នាំ​ថ្មី។

លោក ករុណា ពេជ្រ បាន​សរសេរ​ភ្ជាប់​សាច់រឿង​នេះ​ដោយ​ក្តី​ហួសចិត្ត​ថា «មើល​វីដេអូ​នេះ​ហើយ ខ្ញុំ​ក៏​ជា​អ្នក​សិល្បៈ​ម្នាក់ ពិត​សោកស្ដាយ​ណាស់​ដែល​ក្រុម​ភ្លេង និង​ចម្រៀង​របស់​ប្អូនៗ មិន​គួរ​ណា​ទៅ​ស្ម័គ្រ​ចិត្ត​សម្តែង​ប៉ះ​ចំ​អ្នក​រៀបចំ​កម្មវិធី​ដែល​ខ្វះ​សុជីវធម៌​បែបនេះ​សោះ ស្មើ​នឹង​ការ​បំបាក់មុខ​ដោយ​មនុស្ស​ម្នាក់​ដែល​ខ្វះ​តម្លៃ​ទទួលខុសត្រូវ និង​ការ​សម្របសម្រួល​ក្នុងនាម​ជា​ថ្នាក់ដឹកនាំ​វិទ្យាល័យ​មួយ​រូប ហើយក៏​ជា​អ្នកដឹកនាំ​កម្មវិធី​ម្នាក់​ដែរ​…..»។

ករុណា ពេជ្រ បន្ត​ថា លោក​ហ៊ាន​ឲ្យ​តម្លៃ​ថា វា​អាក្រក់​បំផុត​នៅ​ពេល​ដែល​បាន​ឮ​សំឡេង​បែបនេះ លើ​ឆាក​តន្ត្រី​ដែល​ក្រុម​តន្ត្រី Hashtag band កំពុង​ប្រគំ។ ទោះបីជា​លោក​បាន​ចូល​ប្រឡូក​សិល្បៈ​ជិត ២០ ឆ្នាំ ដែរ ប៉ុន្តែ​មិនដែល​ឮ​សំឡេង​អសីលធម៌ និង​ជួប​មនុស្ស​ប្រើ​សម្ដី​បែបនេះ ក្នុង​ពេល​កំពុង​សម្តែង​របស់​លោក​នោះ​ទេ។ លោក​បន្ថែម​ថា «ខ្ញុំ សូម​ចូលរួម​ឲ្យ​កម្លាំង​ចិត្ត​ដល់​ប្អូនៗ ក្រុម​តន្ត្រីករ និង​អ្នកចម្រៀង»។

សូម​បញ្ជាក់​ថា មុន​នេះ ទស្សនិកជន និង​អ្នកគាំទ្រ មាន​ការ​ចាប់​អារម្មណ៍ បន្ទាប់ពី​មាន​ការ​ចែក​រំលែក​ពាក់ព័ន្ធ​នឹង​រឿង​ហួសចិត្ត​មួយ​រវាង​ក្រុម​តន្ត្រី Hashtag band ជាមួយ​គណៈ​គ្រប់គ្រង​សាលា ក្នុង​ថ្ងៃ​អបអរ​សង្ក្រាន្ត​វិទ្យាល័យ​ព្រះសីហនុ​ខេត្ត​កំពង់ចាម ខណៈ​ក្រុម​នេះ​កំពុង​លេង​សុខៗ ក៏​ត្រូវ​បាន​បញ្ឈប់​ទាំង​កណ្ដាល​ទី​តែម្ដង។ ចំពោះ​មូលហេតុ​ដែល​ក្រុម Hashtag band សម្រេច​ឈប់​លេង និង​ចុះ​ចេញ​ពី​លើ​ឆាក​ដោយ​ភ្លាមៗ នោះ ដោយសារ​តែ​ពួកគេ​មាន​ការ​អន់ចិត្ត​ជាមួយ​គណៈ​គ្រប់គ្រង​សាលា​ដែល​បាន​និយាយ​កាត់​ចង្វាក់​ដើម្បី​សុំ​ឲ្យ​មាន​ការ​ចាក់​ធុងបាស​ជំនួស​វិញ ពោល​គឺ​ចង់​ឲ្យ​សិស្ស​បាន​រាំ​សប្បាយ​គ្រប់គ្នា។ ប៉ុន្តែ​ភ្លាមៗ នោះ​ដែរ ក្រុម​ខាង​លើ ក៏បាន​បញ្ឈប់​សកម្មភាព​ច្រៀង​របស់​ខ្លួន​តែម្ដង៕

អត្ថបទ ៖ ចាន់រ៉ា

The post ប្រឡូកសិល្បៈជិត ២០ ឆ្នាំ ករុណា ពេជ្រ អះអាងមិនធ្លាប់ជួបមនុស្សអាក្រក់ប្រើសម្ដីអសីលធម៌ទេ appeared first on Kampuchea Thmey Daily.

លោក ករុណា ពេជ្រ បាន​លើកឡើង​ដោយ​ការ​មិន​សប្បាយចិត្ត​ថា អរគុណ​បងអ្នក​សារព័ត៌មាន​បាន​តេ​មក​សម្ភាសន៍​ច្បាស់​នៅ ករុណា ពេជ្រ មួយ​ដឹង​មួយ​អត់​និយាយ​តែ​ធ្វើ ចូលចិត្ត​និយាយលេង​ច្រើនតែ​អត់​ប៉ប៉ាច់ប៉ប៉ោច​អេចអូច​ ចាក់​រុក ឆ្កឺះឆ្កៀល​ ទេ ​បើមិនព្រម​ចប់​ខ្ញុំស្អប់​មុខអ្នកឯង គឺខ្ពើម​ជួប ចាំ​ជួបជាមួយ​បងប្អូនមេធាវីស្មគ្រ័ចិត្ត ចាំជួយ​ខ្ញុំ ករុណា ពេជ្រ វិញ​ទៅ….។

លោកបញ្ជាក់ថា សូម​ចាំ​ថា បើអ្នកឯងល្អ​ហើយកុំដើរ​តេ ដើរឆាត និយាយ​មិនល្អ​ពីគេចាក់រុក​ឲ្យ​គេឈ្លោះគ្នា រវាង​ខ្ញុំ និងរ៉ាយុ ហើយ​មិន​អស់ចិត្តសុទ្ធ​តែ​ចាក់រុក​ម៉ែ ខ្ញុំជា​មួយអ្នកជិតខាងគាត់​ឲ្យបន្ថែម​កំហឹង​ដាក់​គ្នា សារជាថ្មី​ដោយ​សារតែយក​អាសារ​អ្នកឯង​មកដេកផ្ទះ នៅ​បារាំង ដល់​ទៅវិញ​បក​ក្បាល​ខាំ​គេ​ទាំងម៉ែទាំងកូនអ៊ីចឹងទេ ករុណា ពេជ្រ និយាយ​ណែ​នាំ​ឲ្យស្គាល់​ចរិត ករុណា ពេជ្រ ថា​ចូលចិត្ត​សប្បាយ​បង្កើត​បរិយាកាស​ឲ្យ​មនុស្សជុំវិញ​ខ្លួនមាន​ស្នាមញញឹម និយាយលេង ប៉ុន្តែ​មិនមែន​និយាយ​ដើម​គេចំៗ ដូចអ្នក​ឯងទេ ។

លោក ករុណា ពេជ្រ បាន​និយាយ​ទៀត​ថា ករុណា ធ្លាប់​និយាយ​ហើយ​អ្នកឯងថ្ងៃក្រោយ​ងាប់រស់​ដោយមាត់ ហើយ​ស៊យ គឺ​ពី​គំនិត​ខ្លួនឯង​គិតតែ​ភាពអវិជ្ចមាន តែ​សុំផ្តាំបើ​លេង​​ចូល​ទៅជា​ការ​ចូល​បទ​បរិហារកេរ្តិ៍ រឺ​ញុះញង់​នោះ អ្នកឯង​និង​ប្រឈម​មុខនឹង​ផ្លូវច្បាប់ ករុណា ពេជ្រ មិន​ចូល​ហែកហួរ​លើ Facebook ​ ក្រៅ​ពី​អ្នក​ឯង បង្ហោះ​ជា​សាធារណៈ​ដៀល​ពូជ​ខាងម៉ែ​ខ្ញុំ ញុះញង់​បង្កើត​បន្ថែម​រវាង​ខ្ញុំ និង​រ៉ាយុ ចាក់រុក​ម៉ែ​ខ្ញុំ និង​អ្នក​ជិតខាង​ឲ្យកាន់តែឈ្លោះ​គ្នាខ្លាំង គឺខ្ញុំមិនតបអ្នកឯងទេ។

តារា​ចម្រៀង ករុណា ពេជ្រ លើកឡើង​ទៀត​ថា សុំ​ចាំថា​មេធាវី ករុណា ពេជ្រ បាន​សិក្សាអ​ស់ហើយថា ភស្តុតាង សាក្សី ដែល​ ករុណា មាន​​ល្មម​យក​ជាការណ៍បាន​គ្រប់គ្រាន់​មិនដូច មេធាវីអ្នកឯង ថា អ្នកឯង​មាន​ភស្តុតាង​ស្ទើមិនទាន់​យកជាការណ៍បាននោះទេ អីចឹង​ឈប់បានឈប់ទៅទាន់ ករុណា ទុកមុខ​ឲ្យជាលើកចុងក្រោយ​ មួយទៀតរឿង​ជា​ច្រើនរបស់អ្នកឯងនិយាយ ពី​ឪ​អ្នកឯង​អី្វខ្លះ​ចាំអត់ហើយមកដល់ពេលនេះ​តើ ករុ​ណា មាន​ពេល​ឯណា ដូច​អ្នក​ឯង​ដើរ​តេ​ ដើរឆាត អួត ខ្លួនឯងល្អ ខ្លួនឯងត្រូវ ដល់អ្នកស្គាល់ខ្ញុំទាំងអស់ដូចអ្នកឯងនៅ។

ករុណា ពេជ្រ បន្តថា អរគុណអ្នកឯង​ទៅវិញ​ទេ ដោយ​សារមាត់​អ្នកឯង សារសម្លេង​អ្នកឯង​ហ្នឹងហើយ​ដែលធ្វើ​ឲ្យ ករុណា ចាត់វិធាន​ការ​តាមផ្លូវច្បាប់ដោយស្របច្បាប់ ដោយត្រឹមត្រូវ ហើយផ្តាំអ្នកឯងមួយទៀតកុំសុខៗទៅឆាត ទៅតេ និយាយពីខ្ញុំដល់គេ តែដល់គេមិនគាំទ្រអ្នកឯងហើយគេនិយាយត្រង់ពីចរិតអ្នកឯង ហើយបែរជា​ភ័យខ្មាស់គេ​រួចទៅ​គំរាមប្តឹងគេ ទាំងគេ​នៅ​ធ្វើការនៅឥណ្ឌា​សោះ ខ្លាចគេមិនដឹងអ្នកឯងល្អដល់ឥណ្ឌាទៀតមែន។

តារាចម្រៀងលោក ករុណា ពេជ្រ បន្ថែមថា តិចច្រឡំធំ​ថា ករុណា មិន​លូក​ដៃ ករុណា នឹង នៅ​ពីក្រោយ​គាត់ហើយចាំ​បកអ្នកឯងវិញប្តឹងគាត់យកប៉ុន្មានម៉ឺន ចាំខ្ញុំគុណ​ជាបី​ពីលើហ្នឹងវិញកំពុងក្ស័យធន់ផង ប្តឹងយកលុយបង់ផ្ទះវិញ​ឥឡូវកុំចង់​សាកខូច​គេម៉េះ​និយាយពីគេ​ហើយ​អួតខ្លួនឯងល្អ​ដល់គេអត់កាន់ជើងចង់ប្តឹងគេ ហើយភ័យរត់ទៅលុបសារសម្លេងខ្លួនឯងចោលតែ សោកស្តាយ ករុណា បាន​ឲ្យថតគេជាវីដេអូពី SMS នឹង អស់ហើយ ប្រូបាន ឲ្យគេផ្ញើសម្លេងនោះទៅ​ឲ្យ​អ្នកឯងស្តាប់​ម៉េចចុកចាប់ណាស់មែនទេ?។

សរុបម​កបើ​ចង់​ចប់​គឺ​ចប់​​បើ​ចង់​បន្ត ករុណា កំដរ​បាន ករុណា មិនល្អ ដូចអ្នកឯង​ដើរប្រាប់ខ្លួនឯង​ល្អ​មែនទេ​ប៉ុន្តែ​មនុស្ស​មិនល្អដូច ករុណា នេះ​តាមកំដរអ្នកកំពុងតេអ្នកឆាតដូចខ្លួនឯងថាខ្លួនឯងល្អនោះ ដល់ទីបញ្ចប់។ លោក ករុណា ពេជ្រ បញ្ជាក់​បន្ថែម៕

អត្ថបទ៖ ចាន់រ៉ា

The post ករុណា ពេជ្រ ព្រមានចាត់វិធានការផ្លូវច្បាប់លើបុគ្គលម្នាក់ ព្យាយាមបង្កើតរឿងចាក់រុកឆ្កឹះឆ្កៀលពីខ្លួន appeared first on Kampuchea Thmey Daily.

លោក ករុណា ពេជ្រ បាន​បញ្ជាក់​ឲ្យ​ដឹង​ថា លោក​មាន​បំណង​ចង់​យក​បទ​ចាស់ៗ ល្បីៗ ពី​មុន​មក​Cover ឡើង​វិញ មុន​លាឈប់​ពី​សិល្បៈ ប៉ុន្តែ​អត់​មាន​អ្នកណា​ផ្តល់​កម្លាំង​ចិត្ត​សោះ មាន​តែ​គេ​មើល​រំលង ចុងក្រោយ​មិន​ហ៊ាន​និយាយ បាន​ត្រឹម​ឆ្អែត​ចិត្ត រួច​ធ្វើជា​បន្លប់​ខ្លួនឯង ម្តង​រត់​ទៅ​នេះ ម្តង​រត់​ទៅ​នោះ ដើម្បី​លួង​ខ្លួនឯង​ថា​កំពុង​រវល់​ខ្លាំង​ណាស់។

លោក ករុណា ពេជ្រ បាន​និយាយ​បន្ត​ថា «គិត​យូរៗ ទៅ អាណិត​ខ្លួនឯង​ខ្លោចចិត្ត​ទីបំផុត ព្រោះ​គ្មាន​អ្នកណា​ជួយ​យើង​បានទេ​ក្រៅពី​ខ្លួនឯង ឲ្យ​កម្លាំង​ចិត្ត​ខ្លួន​ឯង​នៅ​ពេល​ដែល​ខ្លួនឯង​លែង​មាន​គេ​ឲ្យ​តម្លៃ So sad ប៉ុន្តែ​នៅតែ​អរគុណ​បងៗ ខាង​ព័ត៌មាន ក៏​ដូច Page ផ្សេងៗ នៅតែ​ព្យាយាម​គាស់កកាយ អ្វីៗ ដែល​ខ្ញុំ​ធ្លាប់​មាន​នៅ​ក្នុង​វិស័យ​សិល្បៈ ទាំង​ចាស់​ទាំង​ថ្មី ជួយ​ផ្សព្វផ្សាយ​ឲ្យ​បងប្អូន ក៏​ដូច​ក្មេងៗ ជំនាន់​ក្រោយ​បាន​ស្គាល់​នៅ​សិល្បករ​ម្នាក់​នេះ»។

លោក ករុណា ពេជ្រ បាន​បន្ថែម​ថា «Drama បែប​លាយ​រឿង​ពិត​ខ្លះ បញ្ជាក់​ឆ្លង​ឆ្នាំ​បងប្អូន​កុំ​ហៅ​ករុណា ពេជ្រ ច្រៀង​អី ព្រោះ ករុណា ពេជ្រ រវល់​ទៅ Countdown នៅ​ប្រទេស​ថៃ​ហើយ ចុងក្រោយ​លួង​ខ្លួនឯង​ទៀត»។ ទោះ​យ៉ាងណា មាន​អ្នកគាំទ្រ​លោក ករុណា ពេជ្រ បាន​លើក​ទឹកចិត្ត​ឲ្យ​តារា​រូប​នេះ បន្ត​អាជីព និង Cover ឡើងវិញ​នូវ​បទ​ចាស់ៗ របស់​ខ្លួន៕

អត្ថបទ ៖ ចាន់រ៉ា

The post ករុណា ពេជ្រ ចង់យកបទចាស់ៗ Cover ឡើងវិញ មុនលាឈប់ពីសិល្បៈ តែខ្វះការលើកទឹកចិត្ត appeared first on Kampuchea Thmey Daily.

ដោយ​សង្កេត​ឃើញ​សកម្មភាព​​មិន​ល្អ​​បែប​​នេះ​លោក ករុណា ពេជ្រ បាន​​ចេញ​មក​បញ្ជាក់​ថា Wow! ករុណា ចាស់​ហើយ​ទុក ករុណា មួយ​​យក​តែ​បុណ្យ​កុំ Fake អី្វ​យក​រូប​គេ​ក្មេង​ៗ​ទៅ fake ទៅ​បង​ប្អូន យក​រូប​មនុស្ស​ចាស់​អ៊ី​ចឹង​ទៅ​បោក​គេ​អ្នក​ណា​គេ​ជឿ។ ករុណា មាន តែ​ឈ្មោះ​មួយ​នេះ​ទេ​អត់​មាន​ឈ្មោះ Next Name Sokhom Arun រស្មី​ ភក្តី​មាន​រិទ្ធិ​ អី្វ​នោះ​ទេ។

លោក ករុណា ពេជ្រ ​​បាន​លើក​ឡើង​ទៀត​ថា និយាយ​​លេង​​ទេ​បង​ប្អូន ប៉ុន្តែ​សូម​បញ្ជាក់​មែន​ទែន​សូម​បង​ប្អូន​​ក្នុង​ប្រទេស និង​ក្រៅ​ប្រទេស​មេត្តា​ប្រុង​ប្រយ័ត្ន​បើ Account​Facebook  នេះ​ឆាត​លេង ឬ​ក៏​មាន​​គោល​បំណង​ធ្វើ​ជា​ករណី​បោក​ប្រាស់​ កុហក ឬ​សុំ​ខ្ចី​លុយ​អី្វ​​រូប​ខ្ញុំ​បាទ ម៉ុក ករុណា ឬ​ករុណា ពេជ្រ សុំ​​មិន​ទទួល​ខុស​ត្រូវ​ទេ​ ព្រោះ​មិន​មែន Account Facebook ពិត​ប្រាកដ​របស់​ខ្ញុំ​បាទ​ទេ។

តារា​ចម្រៀង​លោក ករុណា ពេជ្រ បាន​​បញ្ជាក់​បន្ថែម​ថា “បើ​បង​ប្អូន​ស្រលាញ់​គោរព​រាប់អាន​ខ្ញុំ​ សុំ​ជួយ​​ស៊ែរ ម្នាក់​មួយ​ផង ដើម្បី​ចៀស​​វាង​​ការ​ចាញ់​​បោក​​ប្រាស់​​គេ​អោយ​សោះ“។

តាម​ការ​កត់​សម្គាល់​ នេះ​ពុំ​មែន​ទើប​តែ​កើត​ឡើង​លើក​ទី​១ ចំពោះ​តារា​​ចម្រៀង​លោក ករុណា ពេជ្រ ខណៈ​កន្លង​មក​ធ្លាប់​​មាន​តារា​សិល្បៈ​ប្រុស-ស្រី ខ្មែរ​ច្រើន​នាក់​មក​ហើយ​ក៏​ធ្លាប់​ប្រកាស​ពី​ដំណឹង​ដូច​គ្នា​នឹង​លោក ករុណា ពេជ្រ ផង​ដែរ៕

អត្ថបទ​៖ ចាន់រ៉ា

The post ករុណា ពេជ្រ ប្រកាសប្រាប់អ្នកស្គាល់ប្រុងប្រយ័ត្នករណីកុហកបោកប្រាស់ ឬសុំខ្ចីលុយ appeared first on Kampuchea Thmey Daily.