ករុណា ពេជ្រ វិលមករំលឹកអនុស្សាវរីយ៍ជាង ១០ឆ្នាំមុន ជាមួយការនិពន្ធកែច្នៃថ្មី ពីបទ «អ្នកកំដរ និង អស់ឱកាស»

ផលិតកម្ម Town ទើបតែបញ្ចេញបទល្បីដែលធ្លាប់អង្រួនចិត្តយុវវ័យប៉ុន្មានឆ្នាំមុន ចំណងជើង «អ្នកកំដរ និង អស់ឱកាស» របស់លោក ករុណា ពេជ្រ ដោយបញ្ចូលបទទាំងពីររួមគ្នា ប្តូរចង្វាក់ថ្មី ដែលលើសពីបទមនោសញ្ចេតនាធម្មតា ដោយបន្ថែមនូវការ Rap របស់តារាចម្រៀងប្រុសម្នាក់ទៀត។

ក្រោយប្រកាសវិលវិញប្រមាណជា ១សប្តាហ៍ តារាចម្រៀងល្បីឈ្មោះរបស់ផលិតកម្ម Town លោក ករុណា ពេជ្រ បានធ្វើតាមការសន្យា ដោយវិលវិញជាមួយរសជាតិថ្មីលើទ្រនំចាស់ និងពាំនាំនូវបទបែបថ្មី ដែលច្រៀងរួមគ្នានឹងតារាចម្រៀងប្រុសម្នាក់ទៀត គឺលោក Trapz Young ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិតជាប្លែក ខណៈអ្នកគាំទ្រក៏ដូចជាសាធារណជនទូទៅ ធ្លាប់តែបានស្គាល់តារាចម្រៀងប្រុសរូបនេះ តាមរយៈ​បទមនោសញ្ចេនា ប៉ុន្តែបទចម្រៀងដែល Remake ថ្មីមួយបទនេះ បានធ្វើឱ្យអ្នកគាំទ្រភ្ញាក់ផ្អើល និងកាន់តែចាប់អារម្មណ៍ជាមួយនឹងតារាចម្រៀងប្រុសរូបនេះសារជាថ្មី។

គួររម្លឹកថា ទោះបីជាតារាចម្រៀង ករុណា ពេជ្រ ហាក់ឃ្លាតឆ្ងាយពីសិល្ប:មួយរយ:ធំ តែទឹកចិត្តលោកគឺនៅតែនឹកដល់អ្នកគាំទ្រនិងអាជីពចាស់របស់ខ្លួន ដែលធ្លាប់សាងភាពល្បីឈ្មោះជាច្រើនឆ្នាំកន្លងមក។ តួយ៉ាងពេលនេះ ករុណា ពេជ្រ បានធ្វើតាមសន្យា វិលមកវិញជាមួយនឹងរសជាតិថ្មី ដើម្បីបន្តបំពេរអារម្មណ៍ដល់អ្នកគាំទ្ររបស់ខ្លួន។

លោក ករុណា ពេជ្រ ធ្លាប់បានអះអាងថា វត្តមានសារជាថ្មីរបស់លោក គឺមកដោយការជឿជាក់ មករំលឹកអនុស្សាវរីយ៍ កាលពី១៤ឆ្នាំមុន ក្នុងការនិពន្ធកែច្នៃបទភ្លេងថ្មីទាំងបទចាស់និងនិពន្ធថ្មី៕