លោក ឡុច សាន់ ជាកសិករគំរូក្នុងសហគមន៍មាន់ស្រែធម្មជាតិសុវត្ថិភាពកៀនសង្កែ បានឲ្យដឹងថា ការសម្រេចយកការ៉ុងស៊ីម៉ងត៍មកធ្វើជាផើងដាំដំណាំ បានផ្ដល់ភាពងាយស្រួលក្នុងការដាំដុះ , ការផ្លាស់ទី និងមិនរើសទីតាំងដីដាំដុះ ជាពិសេសជៀសវាងការយកសំបកការ៉ុងទៅដុតចោល ដែលធ្វើឲ្យប៉ះពាល់ដល់បរិស្ថាន និងសុខភាពសាធារណៈ។

លោកថា ការដាំដុះដំណាំក្នុងការ៉ុងនេះ អាចដាំបានគ្រប់ប្រភេទបន្លែ មានដូចជា បន្លែស្លឹក បន្លែម៉ើម និងបន្លែផ្លែ ហើយវាក៏ទទួលបានទិន្នផលល្អដូចដាំដុះលើដីផ្ទាល់ ជាពិសេសកសិករងាយស្រួលក្នុងការជម្រះយកស្មៅចេញ។

កសិករគំរូរូបនេះ បានឲ្យដឹងទៀតថា បើដាំលើផ្ទាល់ដីវាធ្វើឲ្យស្មៅ ឬរុក្ខជាតិផ្សេងៗ ស្រូបយកជីវជាតិពីបន្លែ ប៉ុន្តែការដាំក្នុងការ៉ុង ពួកគាត់អាចគ្រប់គ្រងជីបានល្អ ព្រោះមិនមានរុក្ខជាតិផ្សេងៗ បឺតយកជីជាតិក្នុងការ៉ុងបានទេ ខណៈនៅរដូវវស្សាមានភ្លៀងច្រើន អាចមានទឹកជន់លិច នោះកសិករក៏អាចចល័តការ៉ុងដំណាំ ដើម្បីជៀសពីការជន់លិចធ្វើឲ្យរលួយដំណាំបានយ៉ាងងាយស្រួល។

គួរជម្រាបថា លោក ឡុច សាន់ រស់នៅក្នុងឃុំកៀនសង្កែ ស្រុកសូទ្រនិគម ខេត្តសៀមរាប ជាកសិករគំរូមួយរូប ដែលបានជ្រើសរើសយកការដាំបន្លែចម្រុះ និងការចិញ្ចឹមសត្វ មិនត្រឹមតែជួយកាត់បន្ថយការចំណាយប្រចាំថ្ងៃប៉ុណ្ណោះទេ តែក៏អាចយកទៅលក់លើទីផ្សារ ដោយក្នុងមួយខែ លោកអាចរកចំណូលបានពី ៤០ ម៉ឺនរៀល ទៅ ៥០ ម៉ឺនរៀល ផងដែរ៕
អត្ថបទ ៖ គឿនវេត

The post កសិករគំរូស្រុកសូទ្រនិគម ថា ច្នៃការ៉ុងស៊ីម៉ងត៍ដែលគេបោះចោល ឲ្យក្លាយជាថង់ដាំដុះដ៏មានប្រយោជន៍ appeared first on Kampuchea Thmey Daily.

កាលពីរសៀលថ្ងៃទី២៤ ខែធ្នូ ឆ្នាំ២០២៥ លោកអភិបាលខណ្ឌ៧មករា បានដឹកនាំមន្ត្រីក្រោមឱវាទ រួមជាមួយលោកគ្រូ អ្នកគ្រូ សិក្សានុសិស្ស នៃវិទ្យាល័យបាក់ទូក បានចូលរួមចលនា​ដាំ​បន្លែបង្ការ​នៅ​ក្នុង​បរិវេណ​សាលារៀន។

លោក ថេង សុថុល អភិបាលខណ្ឌបានបញ្ជាក់ថា បន្លែសេរីរាង្គដែលអាច​ដាំដុះ​ងាយបានផលក្នុង​រយៈពេលខ្លី​មានដូចជា ស្ពៃគ្រប់ប្រភេទ ត្រកួន ត្រប់ ជាដើម ដែលជាដំណាំរយះពេលខ្លី ដែលអាច​បម្រើ​ការ​ចាំបាច់ក្នុងជីវភាពប្រចាំថ្ងៃ និងជួយ​​ដល់ពលរដ្ឋភៀសសឹកផង និងវីរកងទ័ពជូរមុខលើគ្រប់គោលដៅ ដោយដំណាំ​ទាំង​នេះដាំដុះ​ងាយទទួល​បាន​ទិន្នផល​។

ក្នុងនោះផងដែរលោកគ្រូ និងសិស្សនៅវិទ្យាល័យបាក់ទូក បាន​ប្ដេជ្ញា​ថែទាំ​បន្លែបង្ការ​ឲ្យ​បាន​ដិតដល់ ដូចជា​ស្រោច​ទឹក និង​ដាក់​ជី ដើម្បី​ឆាប់​ធំ​យក​ទៅ​ចែក​ជូន​ដល់​ទ័ព​កម្ពុជា និង​ជនភៀសសឹក។

គួរ​បញ្ជាក់​ដែរ​ថា ចលនា “​យើង​រួមគ្នា​ដើម្បី​ជាតិ​” ផ្ដួចផ្ដើម​គំនិត​ដោយ​លោកជំទាវ​បណ្ឌិត ពេជ ចន្ទ​មុន្នី ហ៊ុន ម៉ាណែត អគ្គស្នងការ​សមាគម​កាយឫទ្ធិ​នារី​កម្ពុជា ក្នុង​គោលបំណង​ផុស​សកម្មភាព​ដាំ​បន្លែ​ ដែល​អាច​ឆាប់​ប្រមូល​ផល​បាន​នៅ​តាម​សាលារៀន ផ្ទះសំបែង វត្ត​អារាម និង​ដី​សហគមន៍ សំដៅ​កសាង​កសិផល​ជាតិ ដើម្បី​ទ្រទ្រង់​ដល់​វីរ​កងទ័ព វីរ​នគរបាល​ជួរមុខ​ការពារ​ព្រំដែន និង​ជនភៀសសឹក​ដោយសារ​ការ​ឈ្លានពាន​ពី​ប្រទេស​ថៃ៕

The post អភិបាលខណ្ឌ៧មករា ដឹកនាំចលនាដាំដុះបន្លែបង្ការនៅវិទ្យាល័យបាក់ទូក appeared first on Kampuchea Thmey Daily.

ជាក់ស្តែងនៅព្រឹកថ្ងៃ ទី១៦ ខែធ្នូ ឆ្នាំ២០២៥នេះ រដ្ឋបាលខណ្ឌ៧មករា លោក ថេង សុថុល អភិបាល នៃគណៈអភិបាលខណ្ឌ៧មករា បានអញ្ជើញចុះត្រួតពិនិត្យមើលសួនដាំបន្លែតាមសាលារៀន ក្នុងមូលដ្ឋានខណ្ឌ ដើម្បីជូនដល់បងប្អូនប្រជាពលរដ្ឋភៀសសឹក។

លោក ថេង សុថុល អភិបាលខណ្ឌ៧មករា បានអោយដឹងថា តាមការណែនាំរបស់លោកជំទាវបណ្ឌិត ពេជ ចន្ទមុន្នី ធ្វើការណែនាំអោយ លោកស្វែងរក នឹងត្រួតពិនិត្យទីតាំងតាមសាលារៀន ដែលមានដីទំនេរ ត្រៀមដាំបន្លែបង្ការ ឆាប់បានទទួលផល ដើម្បីត្រៀមទុកចែកជូនពលរដ្ឋភៀសសឹក អាចយកទៅបរិភោគបានមួយរយៈកាល។

អភិបាលខណ្ឌ៧មករា បានបន្តថា ជាក់ស្តែងការដាំដុះបន្លែនេះ គឺអាចជួយកាត់បន្ថយការចំណាយបានមួយផ្នែក ដោយមិនតម្រូវការប្រើប្រាស់ថវិកា ក្នុងការទិញនោះឡើយ ។ ហើយនៅថ្ងៃនេះ លោកបានចុះមកត្រួតពិនិត្យ នឹងណែនាំទៅកាន់នាយកសាលា ស្វែងរកនូវដីទំនេរសម្រាប់ដាំបន្លែបង្ការ ដូចជា ស្ពៃ , ត្រកួន នឹងផ្សេងៗទៀត ដែលឆាប់បានទទួលផល ត្រៀមទុកចែកអោយបងប្អូនភៀសសឹក ដែលមានការខ្វះខាតផងដែរ។

ក្នុងនោះដែរ លោកអភិបាលខណ្ឌ៧មករា បានបញ្ជាក់បន្ថែមថា ប្រសិនបើតាមសាលារៀន ខ្វះខាតគ្រាប់ពូជបន្លែសម្រាប់ដាំដុះ អាជ្ញាធរខណ្ឌនឹងផ្គត់ផ្គង់ ទៅតាមតម្រូវការ ដែលអាចដាំដុះបានគ្រប់គ្រាន់ផងដែរ៕ អត្ថបទ ៖ រដ្ឋា

The post អាជ្ញាធរខណ្ឌ៧មករា ជម្រុញអោយតាមសាលារៀនក្នុងមូលដ្ឋាន ដាំដុះបន្លែឆាប់ទទួលផល ទុកចែកជូនពលរដ្ឋភៀសសឹក appeared first on Kampuchea Thmey Daily.

លោក យឹម បុណ្យ ប្រធានបណ្តុំបន្លែសុវត្ថិភាពសហគមន៍ព្រៃតាព្រឹកសាមគ្គីមានជ័យ ស្ថិតនៅភូមិព្រៃតាព្រឹក ឃុំស្តេចគង់ខាងលិច ស្រុកបន្ទាយមាស ខេត្តកំពត បានបញ្ជាក់ឱ្យដឹងថា ឆ្លងកាត់បទពិសោធន៍ដាំបន្លែចម្រុះវិលជុំជាច្រើនឆ្នាំ លោកមានបច្ចេកទេសគ្រប់គ្រាន់ដើម្បីជួយដល់បងប្អូនប្រជាពលរដ្ឋ ដែលចង់ដាំបន្លែ ទាំងនៅខាងក្រៅ និងក្នុងផ្ទះសំណាញ់ ពិសេសការដាំបន្លែសុវត្ថិភាពវិលជុំ ដើម្បីមានប្រាក់ចំណូលប្រចាំថ្ងៃ រក្សាជីវជាតិដី និងកាត់បន្ថយសត្វល្អិតចង្រៃ។  

ប្រធានបណ្តុំបន្លែសុវត្ថិភាពរូបនោះ បានបន្ថែមថា ដើម្បីលើកកម្ពស់ការដាំដុះបន្លែ និងឆ្លើយតបទៅនឹងតម្រូវការប្រើប្រាស់របស់ប្រជាពលរដ្ឋ ខណៈដែលច្រកទ្វារព្រំដែន កម្ពុជា-ថៃ ត្រូវបានបិទជាបណ្តោះអាសន្ន គ្មានការនាំចូលបន្លែពីប្រទេសថៃនោះ លោកមានគម្រោងពង្រឹងសហគមន៍ឱ្យកាន់តែប្រសើរតាមរយៈការដាំបន្លែប្រវាស់ដៃគ្នា (អ្នកខ្លាំង ជួយអ្នកខ្សោយ ឬ អ្នកមាន ជួយអ្នកមិនសូវមាន) ដើម្បីអាចឈានទៅពង្រីកសមាជិកបន្ថែមផងដែរ ប៉ុន្តែវាក៏អាស្រ័យទៅលើការជួយជ្រោមជ្រែកផ្នែកថវិកាគម្រោងផងដែរ។

លោកប្រធានបណ្តុំបន្លែសុវត្ថិភាពនៅសហគមន៍ព្រៃតាព្រឹកសាមគ្គីមានជ័យក៏បានលើកទឹកចិត្ត ដល់ប្រជាពលរដ្ឋខិតខំប្រឹងប្រែងធ្វើកសិកម្ម ដាំបន្លែ និងចិញ្ចឹមសត្វផ្សេងៗ ដើម្បីទ្រទ្រង់ជីវភាព ហើយសូមកុំព្យាយាមធ្វើចំណាកស្រុក។ 

សូមបញ្ជាក់ថា សហគមន៍ព្រៃតាព្រឹកសាមគ្គីមានជ័យ មានសមាជិក១២១គ្រួសារ ក្នុងនោះមានអ្នកចិញ្ចឹមសត្វភាគច្រើន ហើយអ្នកដាំបន្លែប្រហែល៣០គ្រួសារប៉ុណ្ណោះ ដោយសារកង្វះដើមទុន៕

ដោយ ៖ សឹង រ៉ាត់

The post ប្រធានសហគមន៍លើកទឹកចិត្តកសិករឱ្យបង្កើនការដាំបន្លែរួមផ្សំវិលជុំចងក្រងជាបណ្តុំ ដើម្បីឱ្យមានទីផ្សារល្អ appeared first on Kampuchea Thmey Daily.

ថ្លែងនៅក្នុងវេទិកានេះ លោក ញ៉ែម សំអឿន អភិបាលខេត្តរតនគិរី បានលើកឡើងថា យោងតាមធាតុចូលជាច្រើនដែលទទួលបានពីកសិករនៅក្នុងខេត្ត ក៏ដូចជា ដៃគូអភិវឌ្ឍ តាមរយៈមន្ត្រីកសិកម្ម និងវេទិកានានា រដ្ឋបាលខេត្តបានកត់សម្គាល់ឃើញថា មានការរអ៊ូរទាំចេញពីក្រុមផលិត ដែលបានលើកឡើងចំពោះទីផ្សារកសិផលមានលក្ខណៈតូចចង្អៀត និងមានតម្លៃទាប និងពេលខ្លះផលិតបានហើយ មិនដឹងថាយកទៅលក់នៅឯណា។ កង្វល់ទាំងអស់នេះ ត្រូវបានរដ្ឋបាលខេត្តប្រមូលផ្តុំ និងរៀបចំជាផែនការយុទ្ធសាស្ត្រគ្រប់ជ្រុងជ្រោយ ដើម្បីព្យាយាមឱ្យអស់លទ្ធភាពក្នុងការស្វែងរកដំណោះស្រាយជូនកសិករ ដោយធ្វើការផ្សព្វផ្សាយ កៀរគរ និងទាក់ទាញវិនិយោគិន ឱ្យចូលមកបណ្តាក់ទុននៅក្នុងខេត្តជាបន្តបន្ទាប់។ 

លោកបន្តថា តាមរយៈវេទិកាផ្សព្វផ្សាយ និងពិគ្រោះយោបល់ ស្តីពីការចងក្រងសហគមន៍កសិកម្មទំនើប សម្រាប់ ដំណាំទុរេន ដំណាំម្រេច ដំណាំចន្ទី និងទីផ្សារបញ្ជាទិញ នៅថ្ងៃនេះ នឹងជួយដល់កសិករទទួលបាននូវចំណេះដឹង និងបទពិសោធន៍ថ្មីៗបន្ថែមទៀត ក្នុងការដាំដំណាំយុទ្ធសាស្ត្រប្រកបដោយសក្តានុពលបែបទំនើប ជាពិសេស បញ្ហាខ្វះទីផ្សារ លែងជាកង្វល់តទៅទៀតហើយចាប់ពីនេះតទៅ។

វេទិកានេះ ក៏មានបទបង្ហាញចែករំលែកការដាំដំណាំ និងការបង្ហាញពីក្រុមហ៊ុនបញ្ជាទិញកសិផលរបស់កសិករ ក្នុងតម្លៃទីផ្សារសមរម្យអាចទទួលយកបាន តាមរយៈការចុះកិច្ចសន្យាដោយផ្ទាល់រវាងក្រុមហ៊ុន និងប្រជាកសិករ ក្រោមការសម្របសម្រួលរបស់អាជ្ញាធរខេត្ត ដែលមានមន្ទីរកសិកម្ម រុក្ខាប្រមាញ់ និងនេសាទ ជាសេនាធិការ ក្នុងនោះដែរទីផ្សានាំចេញដ៏ធំបំផុតរបស់ខេត្តរតនគិរី គឺក្រុមហ៊ុនពីប្រទេសចិន ជាអ្នកចុះមកទទួលទិញដោយផ្ទាល់។

លោក ញ៉ែម សំអឿន បានគាំទ្រយ៉ាងពេញទំហឹងចំពោះក្រុមហ៊ុន K&D ក្រុមហ៊ុន H&G និងក្រុមហ៊ុនសេះបង្កង់ ដែលបានចូលរួមចំណែកក្នុងជួយដោះស្រាយចំពោះទុក្ខកង្វល់របស់ប្រជាកសិករនៅក្នុងខេត្តរតនគិរី ហើយក៏បានស្នើដល់ក្រុមហ៊ុន ឱ្យយកចិត្តទុកដាក់ក្នុងការជួយដល់ប្រជាកសិករ រួមទាំងការកសាងទំនុកចិត្តគ្នាទៅវិញទៅមក ដើម្បីធានាថា ថ្លៃដើមផលិតទាប កសិផលមាន គុណភាព មានសុវត្ថិភាព និងមានតម្លៃល្អ ស្របតាមស្តង់ដារ GAP (Good Agriculture Practices) សម្រាប់ការនាំចេញ ក្នុងក្របខ័ណ្ឌប្រកួតប្រជែងទីផ្សារសេរី។

សូមបញ្ជាក់ថា វេទិកានេះរៀបចំឡើងក្នុងគោលបំណង ដើម្បីពង្រីកវិសាលភាព នៃកំណើនសេដ្ឋកិច្ចខេត្តរតនគិរី ក្នុងវិស័យកសិកម្ម និងកសិ-ឧស្សាហកម្ម ដោយធ្វើការផ្លាស់ប្តូរផ្នត់គំនិតកសិករ លើការងារដាំដុះដំណាំដែលមានសក្តានុពល ដោយប្រើប្រាស់ ផ្ទៃដីដាំដុះតិច ប៉ុន្តែអាចផ្តល់អត្ថប្រយោជន៍ច្រើនមានចំណូលខ្ពស់ និងការរំដោះខ្លួនឱ្យផុតពីបន្ទាត់នៃភាពក្រីក្រ ស្របតាមយុទ្ធសាស្ត្របញ្ចកោណរបស់រាជរដ្ឋាភិបាលកម្ពុជា អាណត្តិទី៧ នៃរដ្ឋសភា ក្រោមការដឹក នាំដ៏ឆ្លាតវៃ ប្រកបដោយថាមពលរបស់ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ឆ្ពោះទៅការសម្រេចគោលដៅយុទ្ធសាស្ត្រ ឆ្នាំ២០៣០-២០៥០៕

ដោយ៖ ខៀវ ចាប

The post រដ្ឋបាលខេត្តរតនគិរី រៀបចំវេទិកាដើម្បីបញ្ជ្រាបចំណេះដឹង និងបទពិសោធន៍ថ្មីៗបន្ថែមដល់កសិករ ក្នុងការដាំដំណាំ appeared first on Kampuchea Thmey Daily.

ដូច​នេះ​កសិករ​ និង​អ្នក​បង្ក​បង្កើន​ផល​ទាំង​អស់​នៅ​ស្រុក​ចិន កំពុង​ផ្តើម​មមាញឹក​ភ្ជួរ​រាស់​ដាំ​ដុះ ដើម្បី​ឲ្យ​បាន​ទាន់​ពេល​វេលា​កូន​រដូវ​វស្សា​តាម​ធម្មជាតិ​ និង​ជា​ប្រពៃណី​ត​ពី​ដូន​តា​នេះ​។

​ប្រភព​សារព័ត៌មាន​ដដែល​ក៏​បាន​​ថត​បង្ហាញ​ទិដ្ឋភាព​ទាំង​អស់​ពី​តាម​បណ្តា​ខេត្ត​ចិន​ដែល​ជា​ទី​វាល​ទំនាប​អាច​ដាំ​ដុះ​បាន​។ ប្រិយ​មិត្ត​អាច​ទស្សនា​ទិដ្ឋ​ភាព​ទាំង​នោះ​បាន​៖

ដោយ៖ មាន រតនា

The post កសិករពេញមួយផ្ទៃប្រទេស ចិន សម្រុកដាំដំណាំប្រណាំងកូនរដូវវស្សា appeared first on Kampuchea Thmey Daily.

Vostok គឺជាស្ថានីយតែមួយគត់របស់រុស្ស៊ីដែលស្ថិតនៅអង់តាក់ទិច ខណៈនៅខែកក្កដាឆ្នាំ ១៩៨៣ វាមានសីតុណ្ហភាព -៨៩.២ អង្សាសេ ។

ពួកគេបានដាំឪឡឹកទុំដែលមានរសជាតិផ្អែមចំនួន ៨ ផ្លែក្នុងរយៈពេល ១០៣ ថ្ងៃដោយប្រើបច្ចេកវិទ្យាគ្មានដីរបស់ panoponics ។

AARI បាននិយាយនៅក្នុងសេចក្តីថ្លែងការណ៍មួយថា “អ្នកវិទ្យាសាស្ត្រនៃបេសកកម្មអង់តាក់ទិចរុស្ស៊ីលើកទី ៦៨ រួមជាមួយនឹងសហការីរបស់ពួកគេបានបញ្ចប់នូវការពិសោធន៍ដំបូងលើការដាំឪឡឹកនៅស្ថានីយ Vostok ដែលជាកន្លែងត្រជាក់បំផុតនៅលើផែនដីដោយជោគជ័យ” ។

ទន្ទឹមនេះ លោក Alexander Makarov នាយក AARI មានប្រសាសន៍ថា “ក្រៅពីចំណាប់អារម្មណ៍ផ្នែកវិទ្យាសាស្ត្រ និងអត្ថប្រយោជន៍ដែលបានមកពីបន្លែ ផ្លែឈើ គម្រោងរបស់យើងមានអត្ថប្រយោជន៍បន្ថែមសំខាន់ៗជាច្រើនទៀត” ។

វិទ្យាស្ថានក៏បានប្រកាសផងដែរនូវផែនការ ដើម្បីអនុវត្តបច្ចេកវិទ្យានៃការដាំដុះ blackberries, blueberries និង strawberries នៅតំបន់អង់តាក់ទិច ។

តាមពិតទៅ ការពិសោធន៍លើការដាំដំណាំបន្លែនៅស្ថានីយ៍ Vostok ដែលគេដាក់ចំណងជើងថា “Rastenia” មានន័យថា “រុក្ខជាតិ” ជាភាសារុស្សី បានចាប់ផ្តើមតាំងពីខែកុម្ភៈ ឆ្នាំ ២០២០ មកម្ល៉េះ ហើយកាលពីរដូវមុន អ្នករុករកតំបន់ប៉ូលរុស្ស៊ីបានទទួលផលប៉េងប៉ោះប្រហែល ២៨ គីឡូក្រាម និងម្រេច ៩ គីឡូក្រាម ។

គួរជម្រាបថា គោលដៅមួយក្នុងចំណោមគោលដៅនៃការពិសោធន៍គឺ ដើម្បីសាកល្បងបច្ចេកវិទ្យាដាំដុះរុក្ខជាតិនៅលើឋានព្រះច័ន្ទផងដែរ ៕

ប្រែសម្រួល៖ វារី

ប្រភព៖ sputnikglobe

ចុចអាន៖ អ្នកវិទ្យាសាស្រ្តព្រមានថា ទៅថ្ងៃមុខ ពិភពលោក នឹងជួបរលកកម្តៅយ៉ាងធ្ងន់ធ្ងរ និងរដូវរងាដ៏សែនត្រជាក់

The post អ្នកវិទ្យាសាស្ត្ររុស្ស៊ីជោគជ័យក្នុងការដាំឪឡឹកនៅ អង់តាក់ទិក (មានវីដេអូ) appeared first on Kampuchea Thmey Daily.

ការជំរុញរបស់សម្ដេចតេជោ ហ៊ុន សែន ខាងលើនេះ បានធ្វើឡើងក្នុងពិធីប្រគល់សញ្ញាបត្រជូនដល់និស្សិតជ័យលាភី នៃសាកលវិទ្យាល័យភូមិន្ទកសិកម្ម វិទ្យាស្ថានជាតិកសិកម្មព្រែកលៀប និងវិទ្យាស្ថានជាតិកសិកម្មកំពង់ចាម នាព្រឹកថ្ងៃទី ១៥ ខែឧសភា ឆ្នាំ ២០២៣នេះ។

សម្ដេចតេជោ ហ៊ុន សែន បានជំរុញធ្វើយ៉ាងណាឲ្យថ្លៃដើមផលិតនៃការដាំដុះ និងការចិញ្ចឹមសត្វរបស់ប្រជាកសិករមានតម្លៃថោក ដើម្បីប្រកួតប្រជែងជាមួយបណ្ដាប្រទេសដទៃ។  

សម្ដេចតេជោ ហ៊ុន សែន ថ្លែងបែបនេះថា «ចំណុចនេះ គឺជាចំណុចគន្លឹះមួយក្នុងចំណោមចំណុចគន្លឹះ ដែលយើងត្រូវដោះស្រាយ បើសិនជាកសិករយើងផលិតនូវតែមានតម្លៃខ្ពស់ ការប្រកួតប្រជែងក្នុងក្របខ័ណ្ឌទីផ្សារជាមួយប្រទេសដទៃ ដែលយើងត្រូវនាំចូលយកមកផ្គត់ផ្គង់ក្នុងស្រុក ដែលវាថោកជាងផលិតផលក្នុងស្រុកហ្នឹង វានៅតែជាបញ្ហាៗ»។

សម្ដេចតេជោ ហ៊ុន សែន បានសង្កត់ធ្ងន់ឲ្យក្រសួង-ស្ថាប័នពាក់ព័ន្ធ ត្រូវរួមគ្នាដោះស្រាយធ្វើយ៉ាងណាឲ្យថ្លៃដើមផលិតនៃការដាំដុះ និងការចិញ្ចឹមសត្វឲ្យមានតម្លៃថោក៕

The post សម្ដេចតេជោ ជំរុញឲ្យដោះស្រាយថ្លៃដើមផលិតនៃការដាំដុះ និងការចិញ្ចឹមសត្វរបស់កសិករមានតម្លៃថោក appeared first on Kampuchea Thmey Daily.