ការថតរូប Archives - Kampuchea Thmey Daily

ប្រាសាទអង្គរវត្តដ៏ល្បីល្បាញ និងជាទីពេញនិយម នៃការថតរូបកូនកំលោះក្រមុំ មុនរៀបមង្គលការ

អ៊ិន ពិសី — Thu, 30 Oct 2025 07:02:35 +0000

នៅចុងខែតុលា នេះ ប្រាង្គប្រាសាទអង្គរវត្ត ដ៏ល្បីល្បាញ ជាទីកន្លែងដែលទាក់ទាញទេសចរចម្រុះជាតិសាសន៍ឱ្យមកទស្សនា និងថតរូបអនុស្សាវរីយ៍ជាមួយសំណង់ស្ថាបត្យកម្មដ៏អស្ចារ្យ ក្បាច់ចម្លាក់ទេពកថា ទេសភាពព្រៃឈើ និងវាលស្មៅបៃតងជាដើម។ មិនត្រឹមតែប៉ុណ្ណោះ ប្រាសាទអង្គរវត្ត ក៏ជាទីតាំងទាក់ទាញសម្រាប់ថតរូបមុនរៀបអាពាហ៍ពិពាហ៍ ឬហៅថា ថតរូប Pre Wedding ដល់កូនកំលោះក្រមុំមកពីគ្រប់បណ្ដាខេត្ត-ក្រុងផ្សេងៗ និងបរទេស ត្រៀមសម្រាប់មុនថ្ងៃចូលរោងមង្គលការផងដែរ។

លោក ឡេក គឹមលីន ប្រធានគ្រប់គ្រងភ្នាក់ងារទេសចរណ៍ប្រាសាទអង្គរវត្ត បានឲ្យដឹងថា ប្រាសាទអង្គរវត្ត មានទីតាំងជាច្រើនដែលកូនកំលោះក្រមុំនិយមថតរូប មានចាប់ពីច្រាំងកសិន្ធុច្រកចូលពីទិសខាងលិច រោងទងទី ១ បណ្ណាល័យខាងត្បូងខាងជើង ស្រះទឹក ក្ដារបែន តាមជ្រុងនីមួយៗ នៃរួតទី ១ និងច្រកទ្វារចុះទៅខ្លោងទ្វារខាងជើង ឬហៅថា គុហ៍តាឡឹក រួមនឹងទីតាំងជាច្រើនទៀត តាមការច្នៃប្រឌិតរបស់អ្នកថតរូបនីមួយៗ។ ក្រៅពីប្រាសាទអង្គរវត្ត នៅក្រុងអង្គរធំ និងប្រាសាទផ្សេងៗ ទៀត ក៏ជាទីពេញនិយម នៃថតរូបអាពាហ៍ពិពាហ៍ដែរ មានដូចជា នៅខ្លោងទ្វារទន្លេអុំ ខ្លោងទ្វារតាកាវ ខ្លោងទ្វារដីឆ្នាំង ព្រះលានជល់ដំរី ប្រាសាទព្រះខ័ន ប្រាសាទនាគព័ន្ធ ប្រាសាទបន្ទាយក្តី និងប្រាសាទប្រែរូបជាដើម។

លោក ឡេក គឹមលីន បានបន្តថា ជារៀងរាល់ឆ្នាំ ក្រោយថ្ងៃចេញវស្សា នៅប្រាសាទអង្គរ ក្នុងមួយថ្ងៃមានកូនកំលោះក្រមុំ យ៉ាងហោចណាស់ពី ៥០ ទៅ ៦០ គូ មកថតរូបមុនរៀបអាពាហ៍ពិពាហ៍ទុកជាអនុស្សាវរីយ៍។ ការថតរូបអាពាហ៍ពិពាហ៍ដោយភ្ជាប់ជាមួយប្រាសាទអង្គរវត្ត មានតាំងតែពីម៉ោង ៧ ព្រឹក រហូតដល់ម៉ោង ៥ ល្ងាច។ អ្នកថតរូបទៀតសោត បានជ្រើសរើសទីតាំងពិសេសៗ និងកាលវេលាតាមការច្នៃប្រឌិតបានធ្វើឱ្យរូបភាពមានកាន់តែមានសោភ័ណភាព និងស្រស់ស្អាតប្រៀបបានឋានសួគ៌លើដី។ ម្យ៉ាងទៀត ការស្លៀកពាក់បែបប្រពៃណីខ្មែរស័ក្តិសមទៅនឹងសំណង់ប្រាសាទបុរាណដ៏អស្ចារ្យ ដែលបុព្វបុរសខ្មែរបានបន្សល់ទុក ហើយរួមជាមួយនឹងទេសភាពប្រាសាទជាមួយព្រៃឈើ និងស្មៅពណ៌បៃតងផងនោះ កាន់តែធ្វើឱ្យរូបភាពអនុស្សាវរីយ៍មានតម្លៃ និងស្រស់ស្អាត។

ក្នុងនោះដែរ អាជ្ញាធរជាតិអប្សរា បានសំណូមពរដល់អ្នកថត ត្រូវចេះយោគយល់គ្នានៅពេលដែលមានអ្នកថតច្រើនចំពោះទីតាំងមានការមមាញឹកថត និងទីតាំងចង្អៀត។ សូមរួមគ្នាលើកតម្លៃ នៃរមណីយដ្ឋានអង្គរ ព្រមទាំងបរិស្ថានស្អាត ដើម្បីលើកស្ទួយវប្បធម៌ និងទេសចរណ៍នៅកម្ពុជាកាន់តែរីកចម្រើនថែមទៀត៕

អត្ថបទ ៖ ជុន កុសល

The post ប្រាសាទអង្គរវត្តដ៏ល្បីល្បាញ និងជាទីពេញនិយម នៃការថតរូបកូនកំលោះក្រមុំ មុនរៀបមង្គលការ appeared first on Kampuchea Thmey Daily.

សាលាស្ទូឌីយ៉ូ អ៊ីមេចស៍ ផ្តល់អាហារូបករណ៍សិក្សាជំនាញថតរូប ពេលរយៈពេល ២ឆ្នាំ

Ken Malis — Thu, 29 Aug 2024 02:35:36 +0000

សាលាស្ទូឌីយ៉ូ អ៊ីមេចស៍ ផ្ទះរូបថត STUDIO IMAGES 2-YEAR SCHOLARSHIP ផ្តល់អាហារូបករណ៍សម្រាប់យុវជនកម្ពុជាដែលមានបំណងចង់សិក្សាជំនាញថតរូប រយៈពេល ២ឆ្នាំ។

អាហារូបករណ៍ សាលាស្ទូឌីយ៉ូ អ៊ីមេចស៍ ផ្ទះរូបថត កំពុងផ្ដល់ឱកាសសម្រាប់យុវជនកម្ពុជាដែលមានបំណងចង់សិក្សាជំនាញថតរូប សិល្បៈច្នៃប្រឌិត និងការអភិវឌ្ឍន៍ជំនាញ។ កម្មវិធីសិក្សាមានរយៈពេល ២ឆ្នាំ ដែលគ្របដណ្តប់ទូលំទូលាយលើវគ្គសិក្សាទ្រឹស្តី បច្ចេកទេស ការអនុវត្ត និងការសិក្ខាសាលាលើប្រធានបទផ្សេងៗ។ ដើម្បីចុះឈ្មោះ សូមចុចលើតំណរភ្ជាប់នេះ https://forms.gle/CLABRoTLjPNmvy538 ។ ផុតកំណត់ទទួលពាក្យ នៅថ្ងៃទី ៣១ ខែសីហា ឆ្នាំ២០២៤ ម៉ោង ២៣៖៥៩យប់។ ចំពោះកាលបរិច្ឆេទចូលរៀន គឺថ្ងៃទី២៥ ខែកញ្ញា ឆ្នាំ២០២៤។

សម្រាប់ព័ត៌មានបន្ថែម សូមទាក់ទងទៅកាន់ការិយាល័យ សាលាស្ទូឌីយ៉ូ អ៊ីមេចស៍ ផ្ទះរូបថត ផ្លូវ 24BT ភូមិត្នោតជ្រុំ សង្កាត់បឹងទំពុន២ ខណ្ឌមានជ័យ រាជធានីភ្នំពេញ ឬតាមរយៈលេខ 010 668 60/ 011 503 519៕

The post សាលាស្ទូឌីយ៉ូ អ៊ីមេចស៍ ផ្តល់អាហារូបករណ៍សិក្សាជំនាញថតរូប ពេលរយៈពេល ២ឆ្នាំ appeared first on Kampuchea Thmey Daily.

លោក ជា ច័ន្ទបរិបូរណ៍ ថា មិនគួរមានការតឹងតែងចំពោះការថតរូបនៅតំបន់ប្រវត្តិសាស្ត្រទេ

អុន ស្រីមាន — Tue, 05 Sep 2023 09:36:37 +0000

រដ្ឋលេខាធិការក្រសួងព័ត៌មាន លោក ជា ច័ន្ទបរិបូរណ៍ បានលើកឡើងថា មិនគួរមានការតឹងតែងក្នុងការថតរបស់មហាជននៅតាមតំបន់ទេសចរណ៍ប្រវត្តិសាស្ត្រ ឬតំបន់ធម្មជាតិឡើយ ព្រោះ នេះជាការផ្សព្វផ្សាយយ៉ាងទូលំលាយពីប្រវត្តិសាស្ត្រ វប្បធម៌ អរិយធម៌ខ្មែរទៅកាន់ឆាកអន្តរជាតិ។ លោកបានលើកឡើងដូច្នេះ នៅលើទំព័រហ្វេសប៊ុករបស់លោក នៅថ្ងៃទី០៥ ខែកញ្ញា ឆ្នាំ២០២៣នេះ។

កញ្ញា ពេជ្រ ចរណៃ

ការលើកឡើងរបស់លោកបែបនេះ បន្ទាប់ពីកញ្ញា ពេជ្រ ចរណៃ អ្នកស្រឡាញ់ និងអភិរក្សល្បុក្កតោខ្មែរមួយរូប បានសរសេរនៅលើហ្វេសប៊ុករបស់ខ្លួនពីភាពលំបាកក្នុងការសុំអនុញ្ញាតពីអាជ្ញាធរ សម្រាប់ថតរូបបង្ហាញពីក្បាច់គុនខ្មែរ ជាមួយប្រាសាទអង្គរវត្ តដើម្បីផ្សព្វផ្សាយវប្បធម៌ខ្មែរទៅកាន់ពិភពលោកឱ្យបានស្គាល់។

នៅក្នុងសំណេរនោះ កញ្ញា បន្តថា រាល់ការថតពីក្បាច់គុនខ្មែរ ដើម្បីផ្សព្វផ្សាយទៅកាន់ពិភពលោក គឺសុទ្ធតែជាការចំណាយថវិកា និងពេលវេលាផ្ទាល់ខ្លួនទាំងអស់។ រីឯ កាសុំច្បាប់ថតក្បាច់គុនខ្មែរជាមួយប្រាសាទអង្គរវត្តម្តងៗ គឺពិបាក និងប្រើពេលយូរចំពោះការស្នើសុំថត មិនក្រោម១០ដងនោះទេ ហើយមិនត្រូវបានអនុញ្ញាត សូម្បីតែមួយលើក។

ការបង្ហាញក្បាច់គុនខ្មែររបស់ កញ្ញា ពេជ្រ ចរណៃ

ជុំវិញករណីនេះ រដ្ឋលេខាធិការក្រសួងព័ត៌មាន លោក ជា ច័ន្ទបរិបូរណ៍ បានសរសេរលើហ្វេសប៊ុកថា៖ “ខ្ញុំយល់ថា មិនគួរតឹងតែងក្នុងការថតតាមតំបន់ទេសចរណ៍ប្រវត្តិសាស្ត្រ ឬធម្មជាតិឡើយ ហើយត្រូវធ្វើការលើកទឹកចិត្ត ដោយផ្តល់ជារង្វាន់ដល់អ្នកផលិតមាតិការទេសចរណ៍ណា ដែលទទួលបានការមើលច្រើនថែមទៀតផង”។ លោកជឿថា ការផ្សព្វផ្សាយពីតំបន់ទេសចរណ៍ប្រវត្តិសាស្រ្តតាមរយៈមហាជននេះ គឺធ្វើឱ្យពិភពលោកស្គាល់កម្ពុជា បានច្រើនជាងការជួលឱ្យប្រព័ន្ធផ្សព្វផ្សាយធំៗផ្សព្វផ្សាយថែមទៀត ហើយក៏មិនអស់ប្រាក់នោះដែរ៕

The post លោក ជា ច័ន្ទបរិបូរណ៍ ថា មិនគួរមានការតឹងតែងចំពោះការថតរូបនៅតំបន់ប្រវត្តិសាស្ត្រទេ appeared first on Kampuchea Thmey Daily.

ទស្សនិកជនលស់ព្រលឹងជំនួស ក្រោយឃើញគូស្នេហ៍មួយគូ ប្រថុយថតរូបតែកន្លែងខ្ពស់

Sonya — Fri, 25 Nov 2022 11:52:00 +0000

គូស្នេហ៍នាង Angela និងមិត្តប្រុស Ivan ពិតជាធ្វើឱ្យទស្សនិកជនរាប់លាននាក់ ប្រហោងពោះជំនួសពួកគេ ដោយសារអ្នកទាំងពីរនិយមនាំគ្នាថតរូបតែនៅលើអគារខ្ពស់ៗ មិនខ្លាចគ្រោះថ្នាក់សូម្បីបន្តិច។

នារីជនជាតិរុស្ស៊ី Angela Nikolau បាននិងកំពុងទទួលបានការចាប់អារម្មណ៍យ៉ាងខ្លាំងពីមហាជន ដោយសារតែនាងមានចំណង់ចំណូលចិត្តថតរូប Selfie បែបផ្សងព្រេង នៅកន្លែងខ្ពស់ផុតពីដីរាប់សិបម៉ែត្រ ទស្សនិកជនឃើញហើយពិតជាលស់ព្រលឹងមិនស្ទើរនោះទេ។

ជាមួយនឹងរសនិយមថតរូបប្លែកៗរបស់នាង នារីវ័យ ២៣ឆ្នាំរូបនេះក៏មានមិត្តប្រុសឈ្មោះ Ivan Beerkus ធ្វើជាដៃគូដើម្បីកំដរថតរូបផងដែរ។ អ្នកទាំងពីរតែងតែរួមគ្នាទៅទស្សនាកន្លែងល្បីៗជាច្រើនដូចជា ប្រទេសចិន ថៃ ហុងកុង ជាដើម។ រូបថតភាគច្រើនរបស់ Ivan និង Angel គឺថតពីទីតាំងផ្សេងៗគ្នា ពីដប់ទៅរាប់រយម៉ែត្រពីលើដី។ ក្រៅពីរូបថត Selfie គូស្នេហ៍នេះនៅមានរូបថតច្នៃប្រឌិត និងស្ទីលប្លែកៗជាច្រើនផ្សេងទៀតផងដែរ។

ចែករំលែកនៅលើផេកផ្ទាល់ខ្លួន នាង Angela បាននិយាយថា នាងតែងតែទន្ទឹងរង់ចាំការធ្វើដំណើរ និងរបកគំហើញលំបាកៗ ព្រោះសម្រាប់នាងវាពិតជាគួរឱ្យភ័យខ្លាចពិតមែននៅពេលឈរលើអាគារខ្ពស់ៗ ប៉ុន្តែវាផ្តល់អារម្មណ៍ប្លែកៗជាច្រើនដល់នាង។ នាងនឹងបន្តធ្វើតាមចំណង់ចំណូលចិត្តរបស់ខ្លួន ទោះបីជាទទួលបានការរិះគន់ចំពោះសកម្មភាពប្រថុយប្រថានរបស់នាងក៏ដោយ ព្រោះទស្សនៈរបស់ Angela គឺ “ជីវិតគ្មានដែនកំណត់អារម្មណ៍ទេ” ។

មកទល់នឹងបច្ចុប្បន្ន គូស្នេហ៍មួយគូនេះបានបន្តថតរូបប្រថុយគ្រោះថ្នាក់អស់ពេល ៦ឆ្នាំហើយ ហើយពួកគេនៅតែរក្សាទម្លាប់ថតរូបបែបនេះដដែល នាពេលអនាគត៕

ប្រែសម្រួល៖ សន្យា

ចុចអាន៖ ព្រះនាងម្ចាស់ Sheikha Mahra ស្រ្ដីមានជាងគេនៅឌូបៃ តែទ្រព្យសម្បត្តិត្រូវគ្រប់គ្រងដោយព្រះបិតា

The post ទស្សនិកជនលស់ព្រលឹងជំនួស ក្រោយឃើញគូស្នេហ៍មួយគូ ប្រថុយថតរូបតែកន្លែងខ្ពស់ appeared first on Kampuchea Thmey Daily.

ចាប់ផ្តើមថតរូបដើម្បីខ្លួនឯង មិនមែនដើម្បីតែផុសយក Like នោះទេ

Sonya — Thu, 26 Nov 2020 06:16:44 +0000

មិនមានអ្វីចម្លែកនោះទេក្នុងការដាក់រូបថតស្អាតៗឲ្យគេបានឃើញនៅលើបណ្ដាញសង្គម រហូតពេលណាលែងមានរូបស្អាតដើម្បីបង្ហាញ យើងមិនបង្ហោះដាច់ខាត។

មនុស្សជំនាន់នេះ ច្រើនតែភ្លេចថតរូបខ្លួនឯងទុកជាអនុស្សាវរីយ៍ ដោយមួយចំនួនផ្ចង់ស្មារតីតែលើគំរូតាមរូបថតម៉ូដែលស្អាតៗ ហើយក៏មិនបានផ្តិតយកទិដ្ឋភាពរីករាយរបស់ខ្លួនឯង ជំនួសឲ្យថតរូបតាមអ្នកដទៃទៅវិញ។

ជួនកាលយើងបំភ្លេចសំណើចដែលផ្ទុះឡើងរាល់ពេលដែលមិត្តភក្តិថតរូបយើងចំហមាត់ តែបែរជាសុំឱ្យពួកគេលុបវាចោលភ្លាមៗដោយមិនបានគិត។ ធ្វើបែបនោះហាក់បីដូចយើងកំពុងលុបចោលអនុស្សាវរីយ៍ដ៏គួរឲ្យចងចាំ និងរីករាយដូច្នោះដែរ។

បច្ចុប្បន្នពួកយើងបានភ្លេចពីភាពរីករាយនៃការបិទរូបថតចូលទៅក្នុងសៀវភៅដែលរំឮកឡើងមកវិញពីជីវិតកាលពីកុមារភាព។ យើងបោះចោលអតតីកាលដ៏រីករាយនោះហើយ ព្រោះតែសម័យកាលឌីជីថលជឿនលឿន រហូតធ្វើឲ្យយើងមិនយកចិត្តតុកដាក់សកម្មភាពដែលគួរធ្វើ។

ដោយសារតែសម័យនេះអ្វីៗសុទ្ធតែទំនើប សំបូរដោយសម្ភារៈនិយម ដូចនេះពួកយើងភ្លេចចោលនូវការរក្សារូបថតសម្រាប់ចងក្រងជាកម្រងអនុស្សាវរីយ៍ដូចដែលធ្លាប់ធ្វើកាលពីនៅរៀនវិទ្យាល័យ។ មនុស្សគ្រប់គ្នាបានប្តូរពីសកម្មភាពទាំងនោះមកជាថតរូបស្អាតៗបង្អូតគ្នាលើប្រព័ន្ធអ៊ិនធរណិតដើម្បីបានការចាប់អារម្មណ៍។ ទោះយ៉ាងណាក៏វាមិនមែនជារឿងខុសទាស់ដែរ តែបើអាចថតរូបទុយកមើលរួមគ្នា រឹតតែប្រសើរ ជាជាងបង្ហោះយកតែចំនួន Like៕

ប្រែសម្រួល៖ សីសី

ចុចអាន៖ ចង់ថតរូបបានល្អ ដូចអ្នកមានអាជីព? កាំមេរ៉ាល្អមិនគ្រប់ទេ រៀន៦ចំណុចនេះសិន

ចុចអាន៖ ចាប់យកឱកាសឌីជីថល ក្លាយជាអ្នកថតរូបទទួលភាគហ៊ុនពីស្តក់ photostock