កាលពីថ្ងៃទី១៧ ខែសីហា ឆ្នាំ២០២៤ វេលាម៉ោង០៥៖០០នាទីព្រឹក មានករណីមនុស្សស្លាប់ ដោយការធ្វើទារុណកម្ម ស្ថិតនៅក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ដោយជនរងគ្រោះមានឈ្មោះ ZHOU CHUNHUA ភេទប្រុស អាយុ៣៦ឆ្នាំ ជនជាតិចិន។

លុះនៅថ្ងៃទី០៩ ខែតុលា ឆ្នាំ២០២៤ ក្រោមការសម្របសម្រួលពីតំណាងអយ្យការអមសាលាដំបូងខេត្តប៉ៃលិន កម្លាំងជំនាញនាយកដ្ឋាននគរបាលព្រហ្មទណ្ឌ បានបន្តដឹកនាំសហការ ដោយធ្វើការឃាត់ខ្លួនបានជនសង្ស័យជាបន្តបន្ទាប់ចំនួន០៧នាក់ រួមមាន៖ទី១ ឈ្មោះ LI YU ភេទប្រុស អាយុ២៣ឆ្នាំ ជនជាតិចិន។ ទី២៖ ឈ្មោះ លូ ហ្វុង ភេទប្រុស អាយុ២០ឆ្នាំ ជនជាតិចិន ។ទី៣៖ ឈ្មោះ LIU HUA BING ភេទប្រុស អាយុ២៣ឆ្នាំ ជនជាតិចិន (ទាំង៣នាក់ឃាត់នៅត្រង់ចំណុចភូមិថ្មដា ឃុំថ្មដា ស្រុកវាលវែង ខេត្តពោធិ៍សាត់)។

ទី៤៖ ឈ្មោះ GUO YUNFEI ភេទប្រុស អាយុ៤៣ឆ្នាំ ជនជាតិចិន។ ទី៥៖ ឈ្មោះ ZHANG YUESEN ភេទប្រុសអាយុ៣០ឆ្នាំ ជនជាតិចិន។ ទី៦៖ ឈ្មោះ ជា រិទ្ធី ភេទប្រុស អាយុ៣១ឆ្នាំ ជនជាតិខ្មែរ និងទី៧៖ ឈ្មោះ ហួន រតន: ភេទប្រុស អាយុ៣០ឆ្នាំ ជនជាតិខ្មែរ (ទាំង៤នាក់ឃាត់ត្រង់ចំណុចឃុំស្ទឹងកាច ស្រុកសាលាក្រៅ ខេត្តប៉ៃលិន)។

ប្រតិបត្តិការឃាត់ខ្លួនជនជាតិចិន ខ្មែរ សរុបចំនួន៧នាក់នេះ ធ្វើឡើង ក្រោយពីទទួលបានពាក្យបណ្តឹងរបស់ភរិយារបស់ជនរងគ្រោះ។ ដោយអនុវត្តតាមបទបញ្ជារបស់លោក នាយឧត្តមសេនីយ៍ ស ថេត អគ្គស្នងការនគរបាលជាតិ, អគ្គស្នងការរងទទួលផែន និងលោក ឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ, កម្លាំងជំនាញរបស់នាយកដ្ឋាននគរបាលព្រហ្មទណ្ឌ ដឹកនាំដោយលោកឧត្តមសេនីយ៍ត្រី ហ៊ុន មុន្នីរ័ត្ន និងលោកវរសេនីយ៍ឯក ហែម បូណា អនុប្រធាននាយកដ្ឋាន បានដឹកនាំសហការជាមួយកម្លាំងស្នងការដ្ឋាននគរបាលខេត្តប៉ៃលិន ពោធិ៍សាត់ កងរាជអាវុធហត្ថខេត្តប៉ៃលិន និងអង្គភាពជំនាញពាក់ព័ន្ធចុះស្រាវជ្រាវ និងប្រមូលព័ត៌មាន ដោយកំណត់បានអត្តសញ្ញាណក្រុមជនសង្ស័យ។

បច្ចុប្បន្នជនសង្ស័យខាងលើ ត្រូវបានបញ្ជូនទៅកាន់សាលាដំបូងខេត្តប៉ៃលិន ដើម្បីបន្តនីតិវិធី ខណៈបក្ខពួកម្នាក់ទៀតកំពុងស្រាវជ្រាវបន្ដ៕

The post ករណីធ្វើទារុណកម្មស្លាប់ជនជាតិចិននៅខេត្តប៉ៃលិន៖ ចាប់ខ្លួនជនជាតិចិន-ខ្មែរ ៧នាក់ បន្តស្រាវជ្រាវម្នាក់ទៀត appeared first on Kampuchea Thmey Daily.

រឿងនេះបានកើតឡើងនៅក្នុងតំបន់ Alto K’ara K’ara នៃទីក្រុង Cochabamba កណ្តាលប្រទេសបូលីវីបន្ទាប់ពីជនរងគ្រោះវ័យក្មេងនិងប្អូនស្រីអាយុ៤ឆ្នាំរបស់នាងបានលួចស្ករគ្រាប់ពីហាងក្នុងតំបន់។

តាមសេចក្តីរាយការណ៍បានឲ្យដឹងថា ស្ត្រីជាម្តាយក៏ចង់ដុតដៃកូនស្រីពៅរបស់នាងដែរប៉ុន្តែនាងបានរត់គេចនៅពេលឃើញបងស្រីរបស់នាងទទួលរងនូវការដាក់ទណ្ឌកម្មដ៏រន្ធត់នេះ។

ម្តាយបង្កើតនិងឪពុកចុងរបស់ក្មេងដែលរងរបួសត្រូវបានចាប់ខ្លួនបើទោះបីជាក្រោយមក ស្រ្តីជាម្តាយត្រូវបានដោះលែងវិញដោយសារតែនាងមានផ្ទៃពោះ៦ខែក៏ដោយ។ ចៅក្រមបានបញ្ជាឲ្យស្រ្តីជាម្តាយដែលមានផ្ទៃពោះ៦ខែត្រូវរង់ចាំរហូតដល់នាងសម្រាលកូនសិនទើបអាចមកជំនុំជម្រះក្តីបាន។

ការធ្វើទារុណកម្មនេះបានកើតឡើងបន្ទាប់ពីម្ចាស់ហាងបានមើលវីដេអូកាមេរ៉ាសុវត្ថិភាពឃើញក្មេងទាំងពីរលួចស្ករគ្រាប់ហើយបានប្រាប់ទៅឪពុកម្តាយរបស់ក្មេង។

ក្មេងស្រីអាយុ៦ឆ្នាំបានរងរបួសដៃធ្ងន់ធ្ងរកម្រិត២ប៉ុន្តែនាងមិនមានគ្រោះថ្នាក់ដល់អាយុជីវិតទេហើយកំពុងសម្រាកព្យាបាលនៅក្នុងមន្ទីរពេទ្យ។

នាងចាំបាច់ត្រូវធ្វើការវះកាត់ដៃយ៉ាងហោចណាស់បួនដងក៏ដូចជាការព្យាបាលដទៃទៀតដែលទាក់ទងនឹងការប៉ះទង្គិចខាងផ្លូវចិត្តដែលបង្កឡើងដោយឧប្បត្តិហេតុដ៏រន្ធត់នេះផងដែរ។

ប្អូនស្រីរបស់នាងកំពុងស្ថិតក្រោមការមើលថែរបស់អ្នកធ្វើការផ្នែកសង្គមនៅមជ្ឈមណ្ឌលការពារកុមារនិងយុវវ័យ។

ស្ត្រីជាម្តាយបាននិយាយថា នាងមានការសោកស្តាយហើយនាងគ្រាន់តែចង់បង្រៀនមេរៀនដល់កូនស្រីកុំឲ្យលួចរបស់អ្នកដទៃប៉ុណ្ណោះ៕

ប្រែសម្រួលដោយ៖ Vann Vann

ប្រភព៖ Daily Star

ចុចអាន៖ ប្តីប្រពន្ធមួយគូ ជាប់គុកម្នាក់១៩៤ឆ្នាំដោយសារធ្វើទារុណកម្មកុមារ

ចុចអាន៖ ឪពុក ម្ដាយ ចិញ្ចឹម ធ្វើ​ទារុណកម្ម​​កូន​រហូត​ដល់​ស្លាប់

The post ម្តាយ ចងហើយដុតដៃកូនស្រីបង្កើតអាយុ៦ឆ្នាំដោយសារលួចស្ករគ្រាប់ appeared first on Kampuchea Thmey Daily.

Priscilla Meachem អាយុ៣១ឆ្នាំនិង Elite Waltz អាយុ៣៨ឆ្នាំត្រូវបានចាប់ខ្លួនដោយចោទប្រកាន់ពីថាបានចងនិងវាយកូនក្មេងដែលមានអាយុ១០ឆ្នាំនិង១១ឆ្នាំ។

ក្រុមអ្នកស៊ើបអង្កេតបានចោទប្រកាន់ថា កុមារទាំងពីរត្រូវពួកគេបង្អត់អាហារហើយប្រាប់ថា ពួកគេនឹងស្លាប់ក្នុងភាពគួរឲ្យភ័យខ្លាចនៅចន្លោះខែមិថុនាដល់ខែតុលាឆ្នាំនេះ។

វាត្រូវបានគេអះអាងថា Meachem និង Waltz មកពីទីក្រុង Zanesville នៃរដ្ឋ Ohio ក៏បានប្រើខ្សែរឺតនិងបង់ស្អិតដើម្បីបង្ខាំងក្មេងៗផងដែរ។

ប៉ូលិសនិយាយថា ពួកគេបានកោរសក់របស់ក្មេងៗហើយញ៉ាំអាហារនៅមុខពួកគេជាប្រចាំ។

ប៉ូលិសស៊ើបអង្កេត Bryan Ruff បានប្រាប់កាសែត Zanesville Times ថា “នេះគឺជាករណីរំលោភបំពានដ៏អាក្រក់បំផុតដែលខ្ញុំមិនដែលឃើញ”។ 

លោក Ruff បាននិយាយថា ក្មេងប្រុសត្រូវបានគេវាយនឹងឈើនិងហ្គីតា។

កាសែតនេះរាយការណ៍ថា ឥឡូវ ប្តីប្រពន្ធមួយគូនេះត្រូវប្រឈមនឹងការចោទប្រកាន់ច្រើនករណី។

Meachem និង Waltz ត្រូវបានចោទប្រកាន់ពីបទរំលោភបំពានទាក់ទិននឹងបទឧក្រិដ្ឋព្រហ្មទណ្ឌចំនួន៩ករណី ការចាប់ជំរិតចំនួន៦ករណីនិងការរំលោភបំពានកុមារចំនួន៧ករណី។

ប្រសិនបើត្រូវផ្តន្ទាទោសមែននោះ អ្នកទាំង២អាចជាប់គុករយៈពេល១៩៤ឆ្នាំក្នុងម្នាក់៕

ប្រែសម្រួលដោយ៖ Vann Vann

ប្រភព៖ Daily Star

ចុចអាន៖ តើ​ជំងឺ​មហារីក​លើ​កុមារ អាច​ព្យាបាល​ជា​ដែរ​ឬ​ទេ?

ចុចអាន៖ សម្តេច ហ៊ុន​ សែន អំពាវនាវកុំឱ្យ​កុមារតូចៗចេញក្រៅ​ផ្ទះ​ ក្រោយបិទ​ផ្សារអីុអន​(Aeon)

The post ប្តីប្រពន្ធមួយគូ ជាប់គុកម្នាក់១៩៤ឆ្នាំដោយសារធ្វើទារុណកម្មកុមារ appeared first on Kampuchea Thmey Daily.