ការថ្លែងនេះនៅក្នុងកិច្ចប្រជុំគណៈអភិបាលខេត្ត ប្រចាំអឌ្ឍមាសទី១ ខែមេសា តាមរយៈប្រព័ន្ធអនឡាញ Zoom កាលពីព្រឹកថ្ងៃទី២១ ខែមេសា ឆ្នាំ២០២៦នេះ លោក គួច ចំរើន អភិបាលខេត្តកណ្តាល បានកោតសរសើរចំពោះ គ្រប់អនុគណៈកម្មការរៀបចំកម្មវិធីសង្ក្រាន្តខេត្តកណ្ដាល មន្ត្រីរាជការ និងមន្ទីរជុំវិញខេត្តទាំងអស់ ដែលបានខិតខំប្រឹងប្រែងរៀបចំកម្មវិធីសង្ក្រាន្តខេត្ត បានយ៉ាងល្អប្រសើរសម្រាប់បង្កភាពសប្បាយរីករាយដល់ប្រជាពលរដ្ឋចូលរួមលេងកម្សាន្ត។ ចំពោះការថែរក្សាការពារសន្តិសុខសណ្តាប់ធ្នាប់ក្នុងកម្មវិធីសង្ក្រាន្តនេះក៏បានល្អប្រសើរផងដែរដោយមិនមានបញ្ហាកើតឡើងណាមួយដែលគួរឱ្យកត់សម្គាល់ឡើយ។

ក្នុងនោះ លោកអភិបាលខេត្ត បានជំរុញដល់កម្លាំងមានសមត្ថកិច្ចត្រូវបន្តមានវិធានការរឹតបន្តឹងសុវត្ថិភាពចរាចរណ៍ និងសណ្តាប់ធ្នាប់តាមដងផ្លូវសាលារៀនដើម្បីបន្តកាត់បន្ថយគ្រោះថ្នាក់ចរាចរណ៍ អាជ្ញាធរទាំង១៣ ក្រុង-ស្រុក ត្រូវបន្តដាក់ប៉ុស្តិ៍ត្រួតពិនិត្យចរាចរណ៍នៅតាមដងផ្លូវសំខាន់ៗ ក្នុងមូលដ្ឋានរបស់ខ្លួន ទន្ទឹមនឹងនេះកងកម្លាំងមានសមត្ថកិច្ចត្រូវដាក់សាជីចរាចរណ៍ នៅតាមដងផ្លូវចេញ-ចូលមុខសាលារៀននានា ដើម្បីការពារសុវត្ថិភាពជូនក្មួយៗសិស្សានុសិស្សទាំងពេលចូលរៀន និងពេលត្រឡប់ទៅផ្ទះវិញ។

ពាក់ព័ន្ធនឹងការរៀបចំសណ្តាប់ធ្នាប់តាមដងផ្លូវសាធារណៈ និងការគ្រប់គ្រងការសាងសង់សំណង់គ្រប់ប្រភេទ លោកអភិបាលខេត្ត បានជំរុញដល់អាជ្ញាធរក្រុង-ស្រុកទាំងអស់ ត្រូវបន្តខិតខំរៀបចំសណ្តាប់ធ្នាប់តាមដងផ្លូវ ដោយត្រូវរុះរើសំណង់ដែលរំលោភលើដីចំណីផ្លូវ ឬសំយាបផ្ទះដែលប៉ះពាល់ដល់ផ្លូវសាធារណៈ បង្កជាការកកស្ទះ គ្មានសោភណ្ឌភាពសណ្ដាប់ធ្នាប់ អាចក៏អាចបង្ករជាគ្រោះថ្នាក់ចរាចរណ៍បានផងដែរ ការអនុវត្តត្រូវធ្វើឡើងក្នុងស្មារតី ទន់ភ្លន់ តែម៉ឺងម៉ាត់ និងមានលទ្ធផលល្អប្រសើរ។ 

លោកអភិបាលខេត្ត បានកោតសរសើរទៅដល់រដ្ឋបាលស្រុកលើកដែក និងរដ្ឋបាលស្រុកកៀនស្វាយ ដែលបានធ្វើការរាយការណ៍អំពីវឌ្ឍនភាព នៃការរៀបចំសម្រាប់ធ្នាប់តាមដងផ្លូវក្នុងមូលដ្ឋានរបស់ខ្លួនប្រកបដោយការទទួលខុសត្រូវខ្ពស់ និងទទួលបានលទ្ធផលល្អប្រសើរ  ដោយឡែកសម្រាប់ក្រុងសំពៅពូន និងក្រុងអរិយក្សត្រ ត្រូវត្រៀមរៀបចំរបាយការណ៍ស្តីពីការរៀបចំសណ្តាប់ធ្នាប់តាមដងផ្លូវក្នុងមូលដ្ឋានរបស់ខ្លួនឱ្យបានច្បាស់លាស់ជូនគណៈអភិបាលខេត្តមានកិច្ចប្រជុំខាងមុខនេះ។

លោកអភិបាលខេត្ត បានមានប្រសាសន៍ថា ចំពោះការទប់ស្កាត់សំណង់មិនមានច្បាប់អនុញ្ញាត និងសំណង់មិនរៀបរយអាជ្ញាធរក្រុង-ស្រុក ត្រូវចុះពិនិត្យ និងគ្រប់គ្រងការសាងសង់ឱ្យបានហ្មត់ចត់ ដោយត្រូវណែនាំម្ចាស់សំណង់ឱ្យសុំច្បាប់អនុញ្ញាតឱ្យបានត្រឹមត្រូវ និងបន្តធ្វើបច្ចុប្បន្នភាពស្ថិតិសំណង់មិនរៀបរយដើម្បីងាយស្រួលគ្រប់គ្រង ត្រូវធ្វើស្ថិតិគ្រប់គ្រងឱ្យបានច្បាស់លាស់ចំពោះសំណង់ដែលមិនមានច្បាប់អនុញ្ញាត និងសំណង់ដែរមិនរៀបរយ៕

The post អភិបាលខេត្តកណ្តាល ជំរុញដល់សមត្ថកិច្ចត្រូវបន្តមានវិធានការរឹតបន្តឹងសុវត្ថិភាពចរាចរណ៍ និងសណ្តាប់ធ្នាប់តាមដងផ្លូវ appeared first on Kampuchea Thmey Daily.

លោក គឹម បញ្ញា នាយកអង្គការមូលនិធិបង្ការរបួសអាស៊ី(AIP) បានលើកឡើងថា លោកគាំទ្រឱ្យមានការអនុវត្តច្បាប់ រឹតបន្តឹងច្បាប់ចរាចរណ៍ឡើងវិញ។ ទន្ទឹមនឹងការគាំទ្រនេះ លោកស្នើឱ្យមន្ត្រីនគរបាលចរាចរណ៍ ក៏ដូចជាអាជ្ញាធរពាក់ព័ន្ធ ជួយពង្រឹងសណ្តាប់ធ្នាប់ចរាចរណ៍ និងមានវិធានការកាត់បន្ថយការកកស្ទះចរាចរណ៍បន្ថែមទៀត។ លោកថា «ប្រសិនជាអាចបង្កើតឱ្យមានក្រុមអន្តរាគមន៍ចល័ត ដើម្បីជួយសម្រួលដល់ការកកស្ទះចរាចរណ៍នៅលើដងផ្លូវបន្ថែមពីលើការអនុវត្តច្បាប់ដោយមន្ត្រី»។

លោកបានបន្តថា ការអនុវត្តច្បាប់នេះ ត្រូវធ្វើឱ្យបានជាប់លាប់ ទូលំទូលាយ មានតម្លាភាព ស្មើភាព និងត្រឹមត្រូវ ព្រោះវាជាកត្តាគន្លឹះក្នុងការជំរុញឱ្យការអនុវត្តច្បាប់ទទួលបានជោគជ័យ និងមានការសាទរពីសាធារណៈជន។ លោកបញ្ជាក់ទៀតថា​ «ការអនុវត្តច្បាប់ ក៏ត្រូវផ្សារភ្ជាប់ ជាមួយការផ្សព្វផ្សាយអប់រំ ក្រើនរម្លឹកដល់អ្នកបើកបរ ហើយនឹងអ្នកប្រព្រឹត្តបទល្មើសចរាចរណ៍ ជាពិសេសត្រូវផ្តោតលើកត្តាហានិភ័យ ដែលបង្កឱ្យមានការស្លាប់ និងរងរបួសដោយសារគ្រោះថ្នាក់ចរាចរណ៍ ដូចជា ល្បឿន ស្រវឹង មិនពាក់មួក ការគោរពសិទ្ធអាទិភាព មិនពាក់ខ្សែក្រវ៉ាត់។ល។»

បន្ថែមពីលើនេះ លោកបានសំណូមពរឱ្យមានការរឹតបន្តឹង ក៏ដូចជាពង្រឹងនូវក្រមសីលធម៌វិជ្ជាជីវៈរបស់មន្ត្រីអនុវត្តច្បាប់ឱ្យបានល្អ ដោយត្រូវមានការពិន័យដាក់ទោសឱ្យបានធ្ងន់ធ្ងរ ក្នុងករណី មន្ត្រីណាបានប្រព្រឹត្តនូវឥរិយាបទណាមិនសមស្រប ដែលនាំឱ្យមានការបាត់បង់នូវជំនឿ និងការចូលរួមពីប្រជាពលរដ្ឋ។

ពាក់ព័ន្ធនឹងការរឹតបន្តឹងច្បាប់ចរាចរណ៍ឡើងវិញនេះដែរ លោកបណ្ឌិ ឈត ប៊ុនថង អ្នកជំនាញទស្សនវិជ្ជា និងកិច្ចការសង្គម យល់ឃើញថា ការអនុវត្តច្បាប់ចរាចរណ៍ឡើងវិញនេះ គឺជារឿងដែលត្រូវធ្វើ និងត្រឹមត្រូវ។ លោកបណ្ឌិត បានបង្ហាញការគាំទ្រឱ្យមានការអនុវត្តច្បាប់លើគ្រប់វិស័យ មិនថាច្បាប់ចរាចរណ៍ ច្បាប់ប្រឆាំងអំពើពុករលួយ ច្បាប់ប្រឆាំងគ្រឿងញៀន ឬច្បាប់ប្រឆាំងបទល្មើសបច្ចេកវិទ្យានោះទេ ប៉ុន្តែលោកចង់ឱ្យការធ្វើច្បាប់នោះត្រឹមត្រូវ និងពេញលេញ ដើម្បីឱ្យច្បាប់នោះមានយុត្តិធម៌។

លោកបណ្ឌិត បានបញ្ជាក់ទៀតថា «ការអនុវត្តក៏ត្រូវអនុវត្តឱ្យបានត្រឹមត្រូវ និងយុត្តិធម៌ផងដែរ មានន័យថាជនណាក៏ដោយ បុគ្គលណាក៏ដោយ ឱ្យតែប្រព្រឹត្តល្មើសច្បាប់ត្រូវតែទទួលទោសដូចគ្នា មិនមែនអ្នកតូចទទួលទោស អ្នកធំមិនទទួលទោស អ្នកក្រទទួលទោស អ្នកមានមិនទទួលទោស អ្នកមានខ្នងបង្អែកមិនទទួលទោស អ្នកអត់ខ្នងបង្អែកអត់ទទួលទោស អត់ទេ គឺត្រូវអនុវត្តឱ្យបានស្មើៗគ្នា»។

លើសពីនេះទៀត បើសិនជារកឃើញថា មន្ត្រីដែលអនុវត្តច្បាប់ខ្លួនឯង បានប្រព្រឹត្តល្មើសច្បាប់នៅក្នុងការអនុវត្តច្បាប់ក៏ត្រូវមានទោសដូចគ្នាដែរ មិនមែនគ្រាន់តែណែនាំបន្តិចបន្ទួច ហើយរួចខ្លួននោះទេ បើមិនដូច្នោះទេ មន្ត្រីទាំងនេះហើយដែលធ្វើឱ្យប្រជាពលរដ្ឋមិនគោរពច្បាប់ ដោយសារតែពលរដ្ឋមើលឃើញថា មន្ត្រីអនុវត្តច្បាប់ខ្លះអនុវត្តច្បាប់មិនបានត្រឹមត្រូវ៕

ដោយ៖ គេន ម៉ាលិះ

The post អ្នកជំនាញ២រូប គាំទ្រការរឹតបន្តឹងច្បាប់ចរាចរណ៍ឡើងវិញ និងស្នើឱ្យសមត្ថកិច្ចពង្រឹងសណ្តាប់ធ្នាប់ ការកកស្ទះបន្ថែម appeared first on Kampuchea Thmey Daily.

តាមរបាយការណ៍របស់ អគ្គស្នងការដ្ឋាននគរបាលជាតិ បានឱ្យដឹងថា រយៈពេល ៦ខែ ឆ្នាំ២០២៤ គ្រោះថ្នាក់កើតឡើងចំនួន ១ ៥៣៤លើក (យប់៥៥%) បណ្តាលឱ្យស្លាប់ចំនួន ៧៩៣នាក់ កើន ៣៧នាក់ ស្មើ៥% (បុណ្យចូលឆ្នាំខ្មែរកើន ១៥នាក់) និងរបួសចំនួន ២ ១១៦នាក់ (ធ្ងន់១,២៤៣នាក់) កើន ៤៤នាក់ ស្មើ២%។

មូលហេតុបង្កគ្រោះថ្នាក់រួមមាន ល្បឿន៤០% មិនគោរពសិទ្ធិ២៤% មិនប្រកាន់ស្តាំ៩% បត់គ្រោះថ្នាក់៩% ប្រជែងគ្រោះថ្នាក់៧% កត្តាយាន៤% ស្រវឹង៣% ងងុយ១% ល្មើសសញ្ញាចរាចរណ៍១% កត្តាអាកាសធាតុ១% និងថ្មើរជើងឆ្លងផ្លូវ១%។ គ្រោះថ្នាក់បង្កដោយអ្នកជិះម៉ូតូ៤៩% អ្នកបើកបររថយន្តធុនស្រាល៣១% អ្នកបើកបររថយន្តធុនធ្ងន់១១% អ្នកបើកបរយានផ្សេងៗ៧% និងថ្មើរជើង១%។ ក្នុងចំណោមអ្នកស្លាប់ រួមមាន អ្នកជិះម៉ូតូចំនួន៧៩% ក្នុងនោះមិនពាក់មួកសុវត្ថិភាពចំនួន៦៧%។ គ្រោះថ្នាក់បានកើតឡើងច្រើននៅរាជធានីភ្នំពេញ ចំនួន៤៥០លើក, ខេត្តកណ្តាល ចំនួន១៣០លើក និងខេត្តព្រះសីហនុ ចំនួន ១២៩លើក។

លោកអគ្គស្នងការនគរបាលជាតិ បានបង្ហាញការព្រួយបារម្ភជាខ្លាំង នៅពេលឃើញស្ថានភាពនៃការគ្រោះថ្នាក់ចរាចរណ៍មានការកើនឡើង ហើយភាគច្រើននៃអ្នកគ្រោះថ្នាក់សុទ្ធតែបាត់បង់ជីវិត និងគ្រោះថ្នាក់ធ្ងន់ធ្ងរតែម្ដង។ ក្នុងន័យនេះ លោក ស ថេត បានដាក់បទបញ្ជាយ៉ាងម៉ឺងមាត់ដល់ស្នងការនគរបាលរាជធានី-ខេត្ត ត្រូវតែចាត់វិធានការបន្ទាន់ក្នុងការរឹតបន្ដឹងច្បាប់ចរាចរណ៍ផ្លូវគោក ព្រោះលោកយល់ឃើញថា មានតែការរឹតបន្ដឹងច្បាប់ចរាចរណ៍នោះទេ ទើបអាចកាត់បន្ថយគ្រោះថ្នាក់ចរាចរណ៍បាន។

លោកនាយឧត្តមសេនីយ៍ បានសង្កត់ធ្ងន់ថា ការអនុវត្តច្បាប់ចរាចរណ៍នេះ ត្រូវពិនិត្យឱ្យបានច្បាស់លាស់ ដោយត្រូវបញ្ឈប់នូវការពួនស្ទាក់ដែលងាយនឹងមានបាតុភាពនានាកើតឡើង។ ត្រូវធ្វើដោយបើកជំហរ ក្នុងនោះមានទាំងការត្រួតពិនិត្យការប្រើប្រាស់ល្បឿន និងការត្រួតពិនិត្យជាតិស្រវឹងជាដើម។ លោកបានថ្លែងដូច្នេះថា ស្នងការនគរបាលរាជធានី-ខេត្ត ត្រូវរៀបចំសម្ភារសាជី ឬក៏បារ៉ាស់ និងការដាក់តាំងនូវម៉ាស៊ីនចាប់ល្បឿនជំហរតែម្ដង ឈប់ជ្រកក្រោមដើមឈើ ក្នុងតូបលក់ដូរ ដែលនាំឱ្យមហាជនរិះគន់ ហើយការត្រួតពិនិត្យតាមគោលដៅដងផ្លូវជាតិ សូមឱ្យសមត្ថកិច្ចបំពេញនូវកាតព្វកិច្ចជាមួយឯកសណ្ឋាន ប្រកបដោយកាយវិការសុភាពរាបសារ ម៉ឺងម៉ាត់ និងជំនាញច្បាស់លាស់។

លោក ស ថេត បានគូសបញ្ជាក់ទៀតថា ចាប់ពីពេលនេះទៅស្នងការនគរបាលរាជធានី-ខេត្ត ត្រូវធ្វើផែនការអនុវត្តឱ្យបានច្បាស់លាស់ តាមអ្វីដែលជាការណែនាំ ហើយអគ្គស្នងការដ្ឋាននគរបាលជាតិ តាមរយៈសេនាធិការនឹងធ្វើការតាមដានជាប់ជាប្រចាំ។ ប៉ុន្ដែមុននឹងអនុវត្តការរឹតបន្ដឹងច្បាប់ ត្រូវតែផ្សព្វផ្សាយដល់ប្រជាពលរដ្ឋជាមុន តាមមធ្យោបាយនានា ពិសេសតាមបណ្ដាញផ្សព្វផ្សាយសង្គម៕

The post លោក ស ថេត បញ្ជាឱ្យរឹតបន្តឹងច្បាប់ចរាចរណ៍ ខណៈ៦ខែ ឆ្នាំ២០២៤ គ្រោះថ្នាក់កើតឡើងជាង ១ពាន់ករណី appeared first on Kampuchea Thmey Daily.

របាយការណ៍ បានបញ្ជាក់ថា តាមបណ្តាអធិការដ្ឋាននគរបាលខណ្ឌ បានចុះអនុវត្តរឹត​បន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាល់កុល ដោយឃាត់យានយនុ្តល្មើសចំនួន ៩៧គ្រឿង ក្នុងនោះមានរថយន្តចំនួន ៣៧គ្រឿង និងម៉ូតូចំនួន ៦០គ្រឿង។ យានយន្តដែលល្មើសជាតិស្រវឹងមាន ៤៩គ្រឿង កម្រិត ០.២៥ – ០.៣៩ mg/L ចំនួន ១៣គ្រឿង ដោយមានអ្នកបើកបរម៉ូតូចំនួន ៣នាក់ និងអ្នកបើកបររថយន្តចំនួន១០នាក់។

ចំណែក កម្រិត ០.៤០ mg/L ឡើង មានចំនួន ៣៦គ្រឿង អ្នកបើកបរម៉ូតូមានចំនួន ២០នាក់ និងអ្នកបើកបររថយន្ត ១៦នាក់។ ដោយឡែក សម្រាប់បទល្មើសផ្សេងៗ មានចំនួន​ ៤៨គ្រឿង ក្នុងនោះអត់មួកសុវត្ថិភាព ៣៣គ្រឿង ម៉ូតូគ្មានប័ណ្ណបើកបរ ៣គ្រឿង ម៉ូតូជិះបញ្រ្ចាស ចំនួន ១គ្រឿង និងរថយន្តគ្មានប័ណ្ណបើកបរចំនួន ១១គ្រឿង។

សម្រាប់លទ្ធផលរយៈពេល ១១ថ្ងៃ ពីថ្ងៃទី១-១១ ខែកុម្ភៈ ឆ្នាំ២០២៤ បានឱ្យដឹងថា យានយន្តចូលគោលដៅចំនួន ៥ ៩៦៩គ្រឿង រថយន្តធំ ៥៥គ្រឿង រថយន្តតូច១ ៣៧៧គ្រឿង ម៉ូតូ ៤ ៥៣៧គ្រឿង។ ក្នុងនោះរកឃើញយានយន្តល្មើសសរុបចំនួន ៤ ៤៥៨គ្រឿង រថយន្តធំ ៣៦គ្រឿង រថយន្តតូច ៩៨៩គ្រឿង និងម៉ូតូ ៣ ៤៣៣គ្រឿង (៣ ៤៣៣ករណី) ត្រូវបានផាកពិន័យតាមអនុក្រឹត្យលេខ ៣៩.អនក្រ.បក នៅទូទាំងប្រទេស។

របាយការណ៍ បានវាយតម្លៃថា ការអនុវត្តតាមអនុក្រឹត្យថ្មី ក្នុងការផាកពិន័យយានយន្តល្មើសបានដំណើរការទៅយ៉ាងល្អប្រសើរទទួលបានការគាំទ្រ ពិសេសអ្នកប្រើប្រាស់ផ្លូវទាំងអស់ បានចូលរួមគោរពចរាចរណ៍យ៉ាងល្អប្រសើរ៕

The post ការរឹតបន្តឹងច្បាប់ចរាចរណ៍ផ្លូវគោក នៅយប់ថ្ងៃ ទី១១ ឃាត់បានយានយន្តល្មើសចំនួន ៩៧គ្រឿង appeared first on Kampuchea Thmey Daily.

លោក Lavrov បាននិយាយនៅក្នុងកិច្ចប្រជុំមួយរបស់គណបក្ស United Russia ដែលកាន់កំពុងអំណាចកាលពីថ្ងៃចន្ទថា សេចក្តីព្រាងច្បាប់របស់ប្រធានាធិបតីស្តីពីវិធានការទិដ្ឋាការកំពុងត្រូវបានបង្កើតឡើងដើម្បីឆ្លើយតបទៅនឹងអ្វីដែលលោកបានហៅថាជាសកម្មភាពមិនមែនសម្ព័ន្ធមិត្តរបស់រដ្ឋបរទេសមួយចំនួន ។

លោក Lavrov បានបន្ថែមថា ច្បាប់នេះនឹងណែនាំការរឹតបន្តឹងមួយចំនួនលើការចូលទៅក្នុងប្រទេសរុស្ស៊ី ប៉ុន្តែ​លោក​បាន​បដិសេធ​មិន​បង្ហាញ​ពី​ការ​រឹត​បន្តឹង​នេះ​ឲ្យ​បាន​លម្អិតនោះទេ ។

ក្នុង​ចំណោម​ប្រទេស និង​ដែនដី​ដែល​ស្ថិត​ក្នុង​បញ្ជី “មិនមែនសម្ព័ន្ធមិត្ត” ដែល​ក្រុង​មូស្គូ​បាន​ចេញ​ផ្សាយ​កាល​ពី​ដើម​ខែ​នេះមាន​សហរដ្ឋ​អាមេរិក អង់គ្លេស រដ្ឋ​សមាជិក​សហភាព​អឺរ៉ុប ជប៉ុន កូរ៉េខាងត្បូង និង​តៃវ៉ាន់ជាដើម ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ អ៊ុយក្រែន ដាក់គោលដៅដ៏មានមហិច្ឆតាបំផុតទៅកាន់ រុស្ស៊ី ក្នុងកិច្ចចរចា សប្ដាហ៍នេះ

The post រុស្ស៊ី ពិចារណារឹតបន្តឹងការចូលរបស់ពលរដ្ឋប្រទេសមិនមែនជាសម្ព័ន្ធមិត្ត appeared first on Kampuchea Thmey Daily.