​លោក Yasuto Watanabe បានលើកឡើង នៅក្នុងជំនួបពិភាក្សាការងារ​ជាមួយលោកស្រី ជា សិរី ទេសាភិបាលធនាគារ​ជាតិនៃកម្ពុជានៅថ្ងៃទី ២៨ មេសា ២០២៦។​

លោកប្រធាន AMRO បានលើកឡើងពីភាពធន់នៃសេដ្ឋកិច្ចកម្ពុជា ក្នុង​បរិការណ៍​ដែលសកល​លោកកំពុងជួបប្រទះកត្តាប្រឈមមួយចំនួនដូចជា ជម្លោះ​ភូមិសាស្រ្តនយោបាយ និង​ការឡើងថ្លៃប្រេងឥន្ធនៈ។ ​លោកក៏បានលើកឡើងពីសារៈសំខាន់នៃការរក្សាបានទំនុកចិត្តលើប្រព័ន្ធធនាគារ ស្ថានភាពគុណភាពឥណទាន និងការអនុវត្តវិធានការមួយចំនួន ផង​ដែរ។

​លោកស្រី ជា សិរី​បានលើកឡើង​ពីគោលនយោបាយរបស់រាជរដ្ឋាភិបាល​ពាក់ព័ន្ធនឹង​ការអភិ​វឌ្ឍវិស័យថាមពលដោយ​ផ្តោតលើប្រភពផ្គត់ផ្គង់គ្រប់គ្រាន់ ​និងថាមពលស្អាត​ ដែលជាកត្តាយ៉ាង​សំខាន់ក្នុងការកាត់បន្ថយផលប៉ះពាល់ពីការកើនឡើងតម្លៃប្រេងឥន្ធនៈ។ លោកស្រីក៏បានលើកឡើងពីអាទិភាពនៃការពង្រីកឥណទានដល់សហគ្រាសខ្នាតតូច និងមធ្យម (SMEs) និងការលើកកម្ពស់ហិរញ្ញវត្ថុប្រកបដោយចីរភាពផងដែរ។

ការិយាល័យស្រាវជ្រាវម៉ាក្រូសេដ្ឋកិច្ចអាស៊ាន+៣ (AMRO) កាលពីពេលថ្មីៗ បានព្យាករថា សេដ្ឋកិច្ចកម្ពុជា នឹងមានកំណើន៤,៩% នៅឆ្នាំ ២០២៦ ដែលលើសពីមធ្យមភាគអាស៊ាន ទោះបីជាមានភាពមិនប្រាកដប្រជាសកលកើនឡើងក៏ដោយ៕

The post AMRO៖ ​កម្ពុជា នៅតែរក្សាអត្រាកំណើនសេដ្ឋកិច្ចបានល្អ ដោយសារមូលដ្ឋានរឹងមាំ appeared first on Kampuchea Thmey Daily.

បណ្តាប្រទេសនៃតំបន់អាស៊ាន+៣ បានប្រឈមនឹងភាពមិនច្បាស់លាស់ខ្ពស់ ដែលជាចម្បងបណ្តាលមកពីភាពតានតឹងភូមិសាស្ត្រនយោបាយ និងពាណិជ្ជកម្ម ទាមទារឱ្យប្រទេសជាសមាជិកត្រូវបង្ហាញជំហរបន្តពង្រឹងកិច្ចសហប្រតិបត្តិការក្នុងវិស័យហិរញ្ញវត្ថុ សំណាញ់សុវត្ថិភាពហិរញ្ញវត្ថុ ការតភ្ជាប់ប្រព័ន្ធទូទាត់ ពាណិជ្ជកម្ម និងការវិនិយោគនៅក្នុងតំបន់។ នេះបើយោងតាមធនាគារជាតិនៃកម្ពុជា (NBC) ។

តំបន់អាស៊ាន+៣ ដែលរួមមានអាស៊ានទាំង១០ (សមាគមប្រជាជាតិអាស៊ីអាគ្នេយ៍) អាស៊ានបូកចិន ជប៉ុន និងកូរ៉េខាងត្បូង ត្រូវបានព្យាករថានឹងសម្រេចបាននូវកំណើនសេដ្ឋកិច្ចក្នុងអត្រា ៤,៣% នៅឆ្នាំ២០២៥ ទាបជាង ៤,៤% ក្នុងឆ្នាំ២០២៤ នេះបើយោងតាមសេចក្តីថ្លែងការណ៍រួមកាលពីថ្ងៃចន្ទ។

ការលើកឡើងរបស់ NBC ស្របពេលដែលលោកស្រីបណ្ឌិត ជា សិរី ទេសាភិបាល NBC បានដឹកនាំគណៈប្រតិភូធនាគារជាតិនៃកម្ពុជា ចូលរួមកិច្ចប្រជុំរួមថ្នាក់រដ្ឋមន្ត្រីហិរញ្ញវត្ថុនិងទេសាភិបាលធនាគារកណ្តាលអាស៊ាន+៣ នាថ្ងៃទី៤ ខែឧសភា ឆ្នាំ២០២៥ នៅទីក្រុងមីឡង់ ប្រទេសអ៊ីតាលី។

ក្រោមការដឹកនាំរបស់សហប្រធានប្តូរវេនចិន និងម៉ាឡេស៊ី អង្គប្រជុំបានផ្លាស់ប្តូរទស្សនៈលើស្ថានភាពសេដ្ឋកិច្ចនិងហិរញ្ញវត្ថុរបស់បណ្តាប្រទេសជាសមាជិកអាស៊ាន+៣ និងលើកកម្ពស់កិច្ចសហប្រតិបត្តិការលើវិស័យហិរញ្ញវត្ថុ ដោយមានការចូលរួមពីប្រធានអង្គភាពស្រាវជ្រាវម៉ាក្រូសេដ្ឋកិច្ចអាស៊ាន+៣ (AMRO) ប្រធានធនាគារអភិវឌ្ឍន៍អាស៊ី (ADB) អគ្គលេខារងអាស៊ាន និង នាយករងគ្រប់គ្រងមូលនិធិរូបិយវត្ថុអន្តរជាតិ (IMF) ផងដែរ។ នេះបើតាម NBC។

NBC ថា៖«អង្គប្រជុំបានឯកភាពលើកកម្ពស់ការអនុវត្តយន្តការពហុភាគី និងប្រព័ន្ធពាណិជ្ជកម្មផ្អែកលើច្បាប់ បើកចំហ បរិយាបន្ន តម្លាភាព និងសមភាព»។

លោកស្រីបណ្ឌិត ជា សិរី បានសរសេរនៅលើបណ្តាញសង្គមផ្លូវការរបស់ខ្លួនថា៖«ខ្ញុំបានចូលរួមកិច្ចប្រជុំប្រចាំឆ្នាំរវៀងរដ្ឋមន្ត្រីក្រសួងសេដ្ឋកិច្ច និងទេសាភិបាលធនាគារកណ្តាល ASEAN+3 (ចិន កូរ៉េខាងត្បូង ជប៉ុន) នៅ ទីក្រុង មីឡង់ ប្រទេសអ៊ីតាលី។ កិច្ចប្រជុំឆ្នាំនេះមានសារៈសំខាន់ជាងឆ្នាំមុន ដោយថ្នាក់ដឹកនាំវិស័យហិរញ្ញវត្ថុ នៃតំបន់នេះត្រូវពិភាក្សា និងពន្លឿន សមាហរណ៍កម្មវិស័យហិរញ្ញវត្ថុ និងពង្រឹងសំណាញ់សុវត្តិភាពវិស័យនះក្នុងស្ថានភាពមួយដែលមានភាពមិនច្បាស់លាស់ខ្លាំង»។

បើយោងតាម NBC រដ្ឋមន្ត្រីហិរញ្ញវត្ថុ និងទេសាភិបាលធនាគារកណ្តាលអាស៊ាន+៣ បានវាយតម្លៃខ្ពស់ចំពោះវឌ្ឍនភាពនៃកិច្ចសហប្រតិបត្តិការនៅក្នុងវិស័យហិរញ្ញវត្ថុ នាពេលកន្លងមក និងបានដាក់ចេញទិសដៅអាទិភាពសំខាន់ៗ ដើម្បីជួយគាំទ្រភាពរឹងមាំនៃសេដ្ឋកិច្ចតំបន់ ជាពិសេសទៅលើ ការបន្តពង្រឹងយន្តការ CMIM ដែលជាបណ្តាញសុវត្ថិភាពហិរញ្ញវត្ថុតំបន់;ការបង្កើនប្រសិទ្ធភាពការងាររបស់អង្គភាព AMRO ក្នុងការតាមដានស្ថានភាពម៉ាក្រូសេដ្ឋកិច្ច និងហិរញ្ញវត្ថុតំបន់អាស៊ាន+៣; ការជំរុញការចេញផ្សាយសញ្ញាបណ្ណជារូបិយប័ណ្ណក្នុងស្រុកសម្រាប់តំបន់; ការពង្រឹងការធានារ៉ាប់រងលើគ្រោះមហន្តរាយធម្មជាតិ តាមរយៈការកសាងសមត្ថភាព និងការផ្តល់ហិរញ្ញប្បទានធានារ៉ាប់រង; និង ការដាក់ចេញនូវកម្មវិធីប្រឹក្សាគោលនយោបាយ ដោយភ្ជាប់ជាមួយការផ្តល់ជំនួយបច្ចេកទេស ជាដើម។

ជាមួយគ្នានោះដែរ លោកស្រីបណ្ឌិត ជា សិរីក៏បានជួបពិភាក្សាការងារជាមួយ លោក Kenji Okamura នាយករងគ្រប់គ្រង IMF បានផ្លាស់ប្តូរយោបល់លើស្ថានភាពសេដ្ឋកិច្ចពិភពលោក តំបន់ និងកម្ពុជា។  ដោយលោក Kenji Okamura បានបញ្ជាក់ពីកិច្ចគាំទ្ររបស់ IMF ចំពោះកម្ពុជា និងជម្រាបជូនពីការពង្រឹងតួនាទីរបស់ IMF ក្នុងការជួយប្រទេសជាសមាជិក ដើម្បីពង្រឹងភាពធននៃសេដ្ឋកិច្ច។

លោកស្រីបណ្ឌិតបានលើកឡើងអំពីបច្ចុប្បន្នភាពនៃសេដ្ឋកិច្ចកម្ពុជា ទស្សនវិស័យ និងគោលនយោបាយរបស់រាជរដ្ឋាភិបាលក្នុងការគាំទ្រកំណើន និងការប្រឈមនឹងភាពមិនច្បាស់លាស់នៃភាពតានតឹងពាណិជ្ជកម្ម៕

The post សេដ្ឋកិច្ចរបស់​តំបន់អាស៊ាន+៣ កំពុងប្រឈមនឹងភាពមិនច្បាស់លាស់ខ្ពស់ក្នុងឆ្នាំ​២០២៥នេះ appeared first on Kampuchea Thmey Daily.

លោក Paolo បាន​សរសេរថា​ ប្រទេសជប៉ុនមានបំណុលសាធារណៈខ្ពស់បំផុតក្នុងចំណោមបណ្ដាប្រទេស​ជឿនលឿន ដោយ​វា​បាន​កើនដល់​ចំណុចខ្ពស់កំពូល ២៦១ ភាគរយ ធៀប​នឹង GDP (ផលិតផលក្នុងស្រុកសរុប​) នៅឆ្នាំ ២០២០ ហើយ​បាន​ធ្លាក់ចុះមកត្រឹម ២៤២ ភាគរយ នៅឆ្នាំ ២០២៣។ ​យ៉ាងណាមិញ លោកថា​ ការថយចុះ​នេះ​មិនមែនដោយ​សារតែការ​ប្រឹងប្រែងដើម្បីកាត់បន្ថយបំណុលនោះទេ ប៉ុន្តែដោយសារតែកំណើនសេដ្ឋកិច្ច ​ហើយ​កម្រិត​បំណុល​នៅ​តែ​ខ្ពស់​ខ្លាំង​ដដែល។

លោក​បាន​លើកឡើងថា៖ «កត្តាជំរុញ​សំខាន់ ដែលធ្វើឱ្យ​បំណុលសាធារណៈខ្ពស់នោះ គឺ​កំណើន​យ៉ាងឆាប់រហ័សនៃការចំណាយផ្នែក​សន្តិសុខសង្គម ជាពិសេស​ទាក់ទងនឹងមនុស្សវ័យចំណាស់ ដូចជាប្រាក់សោធននិវត្តន៍ ការថែទាំវេជ្ជសាស្រ្ត និងការថែទាំរយៈពេលវែង»។ សេដ្ឋវិទូដដែល​បន្តថា៖ «ការចំណាយទាំងនេះ បច្ចុប្បន្នស្មើនឹង ១/៣ នៃការចំណាយសាធារណៈ ដោយ​កើនឡើងពី ១៧,៥ ​ភាគរយក្នុងឆ្នាំ ១៩៩០ ហើយនឹងបន្តកើនឡើង​ទៀត​ ចំពេល​ប្រទេស​នេះ​មាន​ប្រជាជន​វ័យចំណាស់ច្រើន​»។

កំណើន​រហ័ស​នៃ​ប្រជាជន​វ័យចំណាស់របស់ជប៉ុន នឹងដាក់សម្ពាធកាន់តែខ្លាំងលើថវិការបស់​ប្រទេស​។ នៅឆ្នាំ ២០២៣ ប្រទេសនេះមានអត្រាកំណើតទាបបំផុត ជាមួយនឹងអត្រានៃការមានកូន​ ១,២០ ក្នុងស្រ្តីម្នាក់​។​ ទន្ទឹមនឹងនេះដែរ អាយុសង្ឃឹមរស់កំពុងកើនឡើង ដែលរំពឹងថានឹងឈានដល់ ៨៥,៩ ឆ្នាំ សម្រាប់បុរស និង ៩១,៩ ឆ្នាំសម្រាប់ស្ត្រី នៅឆ្នាំ ២០៧០។ ពេល​នោះ ជិត ៤០ ភាគរយ​ នៃប្រជាជនជប៉ុននឹងមានអាយុ​លើសពី ៦៥ ឆ្នាំឡើងទៅ ​ដោយ​កើនឡើងពីអត្រា ៣០ ភាគរយ នាពេល​បច្ចុប្បន្ន។

លោក Paolo កត់សម្គាល់ថា​ បច្ចុប្បន្ន បំណុលសាធារណៈ​ជប៉ុន​រួមចំណែកជាចម្បងដោយការសន្សំក្នុងស្រុក ដោយ​ ៨៧ ភាគរយ​ នៃមូលបត្របំណុលរដ្ឋាភិបាល កាន់កាប់ដោយអ្នកវិនិយោគក្នុងស្រុក។ ប៉ុន្តែការប៉ាន់ប្រមាណពី AMRO បាន​និយាយថា​ ​អត្រាសន្សំក្នុងគ្រួសារ​ជប៉ុនកំពុងធ្លាក់ចុះ ហើយ​រំពឹងថានឹងប្រែជាអវិជ្ជមាននៅឆ្នាំ ២០៣០ ​ដែល​វា​ន័យថាមនុស្សកាន់តែច្រើននឹងប្រើប្រាស់ប្រាក់សន្សំរបស់​ខ្លួន​ ជាជាង​សន្សំប្រាក់។​

លើសពីនេះ ប្រសិនបើបំណុលរដ្ឋាភិបាលកើនឡើងលឿនជាងការសន្សំក្នុងគ្រួសារ ​ជប៉ុនប្រហែលជាត្រូវពឹងផ្អែកលើអ្នកវិនិយោគបរទេស​​ ដែល​អាចនាំឱ្យមានការចំណាយលើការខ្ចីប្រាក់ខ្ពស់ ការប្រែប្រួលទីផ្សារកាន់តែច្រើន និង​កំណើន​ហានិភ័យហិរញ្ញវត្ថុ។

ទោះជា​យ៉ាងណា​ក៏ដោយ លោក Paolo បាន​ផ្ដល់ជាអនុសាសន៍ថា​ ដើម្បីកែលម្អស្ថានភាពបំណុលសាធារណៈ​ និងជៀសវាងការ​លើស​កម្រិតបំណុល ​ជប៉ុនគួរតែអនុវត្តយុទ្ធសាស្រ្តសារពើពន្ធដ៏ទូលំទូលាយដែលផ្តោតលើការសម្រេចបាននូវអតិរេកបឋម។ យុទ្ធសាស្ត្រនេះ គួរតែផ្តល់អាទិភាពដល់ការកែទម្រង់​គោលនយោបាយពន្ធដារ ការវិភាគសមហេតុសមផលនៃការចំណាយ និងកំណែទម្រង់សន្តិសុខសង្គម។ដោយសារចំនួនប្រជាជន​ជប៉ុនកាន់តែចាស់ វិធានការបន្ទាន់គឺចាំបាច់ដើម្បីទប់ស្កាត់វិបត្តិហិរញ្ញវត្ថុនាពេលអនាគត៕

The post សេដ្ឋវិទូ​បារម្ភពី​បំណុលសាធារណៈរបស់ជប៉ុន ​ខណៈ​ប្រជាជនវ័យចំណាស់កើនរហ័ស appeared first on Kampuchea Thmey Daily.