លោកវេជ្ជបណ្ឌិត Ghassan Kamel ប្រធានផ្នែកសង្គ្រោះបន្ទាន់នៅមន្ទីរពេទ្យ SSM Health SLU Hospital ក្នុងទីក្រុង St. Louis បានប្រៀបធៀបរូបថតកាំរស្មី X ចំនួន២សន្លឹក រវាងអ្នកជំងឺកូវីដដែលម្នាក់បានចាក់វ៉ាក់សាំង និងម្នាក់ទៀតមិនបានចាក់វ៉ាក់សាំង។

នៅក្នុងខ្លួនអ្នកមិនបានចាក់វ៉ាក់សាំង រូបភាពមានសភាពដូចពពកពណ៌ស ដែលលោកវេជ្ជបណ្ឌិត Kamel បានពន្យល់ថា អាចជាបាក់តេរី ទឹករំអិល ឬស្លេស។

លោកវេជ្ជបណ្ឌិត Kamel និយាយថា “ពួកគេត្រូវការអុកស៊ីសែន ហើយពេលខ្លះពួកគេត្រូវការលើសពីអុកស៊ីសែនទៅទៀត។ ពួកគេអាចតម្រូវឲ្យដាក់ម៉ាស៊ីនជំនួយខ្យល់ដកដង្ហើម ឬដាក់បំពង់ស្រូបខ្យល់អាកាស និងឧបករណ៍សង្គ្រោះជីវិតផ្សេងទៀត”។

ទោះបីជាយ៉ាងណាក៏ដោយ រូបភាពរបស់អ្នកបានចាក់វ៉ាក់សាំង គឺច្បាស់ស្រឡះជាងនេះ។ ដូចដែលវេជ្ជបណ្ឌិត Kamel បានពន្យល់អញ្ចឹង សួតមានពណ៌ខ្មៅនៅក្នុងកាំរស្មី X នៅពេលដែលពោរពេញទៅដោយខ្យល់។

យោងតាមលោកវេជ្ជបណ្ឌិត Kamel, បុគ្គលចាក់វ៉ាក់សាំងដែលធ្វើតេស្តវិជ្ជមានជំងឺកូវីដ-១៩ ភាគច្រើនមិនត្រូវការការថែទាំចាំបាច់ដូចអ្នកជំងឺដែលមិនបានចាក់វ៉ាក់សាំងទេ ប្រសិនបើពួកគេត្រូវបានបញ្ជូនទៅមន្ទីរពេទ្យ។ អ្នកជំងឺដែលបានចាក់វ៉ាក់សាំង កម្រត្រូវបានបញ្ជូនទៅបន្ទប់ ICU ឬដាក់ឧបករណ៍ជំនួយណាស់ លុះត្រាតែពួកគេមានលក្ខខណ្ឌសុខភាពពីមុនឬ មិនមានប្រព័ន្ធភាពស៊ាំខ្លាំងក្លា។

លោកសង្ឃឹមថា តាមរយៈការចែករំលែករូបភាពនេះ លោកនឹងអាចបញ្ចុះបញ្ចូលមនុស្សកាន់តែច្រើនឲ្យទៅចាក់វ៉ាក់សាំង ព្រោះវីរុសបំប្លែងខ្លួន Delta កំពុងរីករាលដាលពាសពេញពិភពលោក៕

ប្រែសម្រួល៖ Vann Vann

ប្រភព៖ People

ចុចអាន៖ អារ៉ាប់រួម ត្រៀមចាក់ដូសទី ៣ ដល់អ្នកមានហានិភ័យខ្ពស់ ក្រោយចាក់ដូសទី ២ ហើយរយៈពេល ៣ ខែ

The post មើលរូបថត សួត អ្នកជំងឺកូវីដដែលបានចាក់វ៉ាក់សាំង និងអ្នកមិនចាក់ ទើបដឹងខុសគ្នាកម្រិតណា appeared first on Kampuchea Thmey Daily.

លោកស្រីវេជ្ជបណ្ឌិត Brittany Bankhead-Kendall ជំនួយការសាស្ត្រាចារ្យនៅមជ្ឈមណ្ឌលវិទ្យាសាស្ត្រសុខាភិបាលនៃសាកលវិទ្យាល័យ Texas បានព្យាបាលមនុស្សរាប់ពាន់នាក់ ដែលមានជំងឺនេះចាប់តាំងពីរោគរាតត្បាតបានផ្ទុះឡើងកាលពីខែមីនាឆ្នាំមុនមក។

លោកស្រីនិយាយថា រូបភាពកាំរស្មី X នៃសួតរបស់អ្នកជក់បារីគឺស្រអាប់បន្តិចប៉ុន្តែ សួតរបស់អ្នកជំងឺកូវីដ គឺស្ទើរតែពណ៌សទាំងស្រុងដែលនេះបង្ហាញពីស្នាមរលាកខ្លាំង និងកង្វះខ្យល់ចូលក្នុងសរីរាង្គ។

លោកស្រី Bankhead-Kendall បានបង្ហោះ Twitter ថា “ខ្ញុំមិនដឹងថាអ្នកណាត្រូវការដឹងលឺរឿងនេះទេ ប៉ុន្តែសួតក្រោយកើតកូវីដមើលទៅ អាក្រក់ជាងសួតអ្នកជក់បារីដែលយើងធ្លាប់បានឃើញ”។

ជំងឺកូវីដ១៩ ច្រើនតែនាំឲ្យមានផលវិបាកដូចជាជំងឺរលាកសួតជាដើម ដែលកើតឡើងនៅពេលសួតបំពេញទៅដោយអង្គធាតុរាវនិងរងការរលាក។

ដោយសារថង់ខ្យល់បំពេញទៅដោយសារធាតុរាវ ពួកគេមិនអាចទទួលយកអុកស៊ីហ្សែនបានច្រើនទេ ដែលនេះនាំឲ្យមានរោគសញ្ញាដូចជាក្អកនិងដង្ហើមខ្លី។

ការសិក្សាក៏បានរកឃើញផងដែរថា មានការខូចខាតដល់កោសិការ Epithelial ដែលតម្រង់ផ្លូវឆ្លងកាត់នៃផ្លូវដង្ហើមពីច្រមុះទៅសួតនៃអ្នកជំងឺកូវីដ។

លោកស្រី Bankhead-Kendall បានប្រាប់ CBS DFW ថា រាល់អ្នកជំងឺដែលលោកស្រីព្យាបាលជាមួយរោគសញ្ញានៃវីរុសកូរ៉ូណា គឺបានបង្ហាញភាពធ្ងន់ធ្ងរនៅក្នុងកាំរស្មី X។

ក្នុងចំណោមអ្នកដែលមិនបញ្ចេញរោគសញ្ញា មានចន្លោះពី៧០ទៅ៨០ភាគរយមាន លទ្ធផលធ្ងន់ធ្ងរ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ មាន​អ្នកជាប់ពាក់ព័ន្ធ​នឹងអ្នក​ឆ្លងកូវីដ១៩ ខ្ទង់រយនាក់នៅហង្សមាស

ចុចអាន៖ ខេត្តចំនួន៣ត្រូវផ្អាកដំណើរការសិក្សាជាបណ្ដោះអាសន្នដោយសារផ្ទុះជំងឺកូវីដ១៩

The post សួតអ្នកកើតជំងឺកូវីដ-១៩ និងសួតអ្នកជក់បារី ខុសគ្នាខ្លាំងកម្រិតណា? appeared first on Kampuchea Thmey Daily.