ក្នុងឱកាសនេះ លោកស្រី សាវតា ច័ន្ទគ្រឹស្នា នាយិកាប្រតិបត្តនៃអង្គការមណ្ឌលព័ត៌មានស្រ្តី (WMC) បានលើកឡើងថា សេរីភាពនៃការបញ្ចេញមតិ និងសេរីភាពសារព័ត៌មាន គឺជាមូលដ្ឋាននៃសង្គមប្រជាធិបតេយ្យ។ ប៉ុន្តែសេរីភាព នេះក៏ភ្ជាប់ជាមួយការទទួលខុសត្រូវផងដែរ។ សម្រាប់អ្នកសារព័ត៌មាន ការទទួលខុសត្រូវមានន័យថា រាយការណ៍ ប្រកបដោយវិជ្ជាជីវៈ ពិនិត្យផ្ទៀងផ្ទាត់ព័ត៌មាន គោរពសេចក្តីថ្លៃថ្នូររបស់មនុស្ស និងមិនប្រើព័ត៌មានដើម្បីញុះញង់ អំពើហិង្សា ឬការស្អប់ខ្ពើម។ សម្រាប់មន្ត្រីអនុវត្តច្បាប់ ការទទួលខុសត្រូវមានន័យថា អនុវត្តច្បាប់ដោយសមាមាត គោរពសិទ្ធិ និងសេចក្តីថ្លៃថ្នូររបស់មនុស្ស និងធានាថាអ្នកសារព័ត៌មានអាចបំពេញភារកិច្ចដោយសុវត្ថិភាព ស្របតាមច្បាប់ និងក្រមវិជ្ជាជីវៈ។

លោកស្រីបានបន្តថា នគរបាល និងអ្នកសារព័ត៌មានស្ត្រីមានភារកិច្ចខុសគ្នា ប៉ុន្តែទាំងពីរបានបម្រើផលប្រយោជន៍សាធារណៈដូចគ្នា។ លោកស្រីថា នគរបាលមានតួនាទីថែរក្សាសន្តិសុខ សណ្ដាប់ធ្នាប់សាធារណៈ ការពារជីវិត និងទ្រព្យសម្បត្តិប្រជាពលរដ្ឋ និងអនុវត្តច្បាប់ដោយយុត្តិធម៌។ អ្នកសារព័ត៌មានមានតួនាទីស្វែងរក ផ្ទៀងផ្ទាត់ និងផ្សព្វផ្សាយព័ត៌មានពិត ត្រឹមត្រូវ មានតុល្យភាព និងមានការទទួលខុសត្រូវ ដើម្បីឱ្យប្រជាពលរដ្ឋមានព័ត៌មានសម្រាប់ចូលរួមក្នុងជីវភាព សង្គម និងការអភិវឌ្ឍប្រទេស។ ដូច្នេះតួនាទីទាំងពីរនេះ មិនមែនជាតួនាទីប្រឈមមុខគ្នាទេ ប៉ុន្តែជាតួនាទីដែលអាចបំពេញគ្នានៅពេលដែលភាគីទាំងពីរគោរពដែនកំណត់ និងការទទួលខុសត្រូវរបស់គ្នាទៅវិញទៅមក។

សូមជម្រាបថា ក្រោមការគាំទ្ររបស់អង្គការ UNESCO អង្គការមណ្ឌលព័ត៌មានស្ត្រីកម្ពុជា បានរៀបចំវគ្គបណ្តុះបណ្តាល និងកិច្ចពិភាក្សារវាងមន្ត្រីនគរបាល និងអ្នកសារព័ត៌មានស្ត្រីចំនួន  លើក ចាប់ពីឆ្នាំ២០២៣មក នៅខេត្តកណ្តាល ខេត្តសៀមរាប ខេត្តព្រះសីហនុ ខេត្តស្ទឹងត្រែង ខេត្តក្រចេះ និងរាជធានីភ្នំពេញ។

តាមរយៈកម្មវិធីនេះ មន្ត្រីនគរបាល ចំនួន ១៦៥នាក់ ក្នុងនោះស្ត្រី ៨៨នាក់ និងបុរស ៧៧នាក់ បានទទួលការបណ្តុះបណ្តាលអំពីតួនាទីរបស់ប្រព័ន្ធ ផ្សព្វផ្សាយ តួនាទីអ្នកសារព័ត៌មាន និងតួនាទីនគរបាលក្នុងការការពារសុវត្ថិភាពអ្នកសារព័ត៌មាន និងលើកកម្ពស់ សេរីភាពនៃការបញ្ចេញមតិ។ លទ្ធផលនេះបង្ហាញថា កិច្ចសហការរវាងស្ថាប័នអនុវត្តច្បាប់ អង្គការសារព័ត៌មាន និងដៃគូអភិវឌ្ឍន៍ អាចបង្កើតការផ្លាស់ប្ដូរដែលមានន័យ និងមានឥទ្ធិពលជាក់ស្តែងបាន៕

The post WMC រៀបចំកិច្ចពិភាក្សា រវាងនគរបាលជាតិ និងអ្នកសារព័ត៌មានស្ត្រី ពីការលើកកម្ពស់សុវត្ថិភាព និងសេរីភាពនៃការបញ្ចេញមតិ appeared first on Kampuchea Thmey Daily.

នា​ឱកាស​នោះ លោក​រដ្ឋមន្ត្រី បាន​ថ្លែង​អំណរគុណ​ចំពោះ​កិច្ច​សន្ទនា​ជា​បន្តបន្ទាប់​ប្រកប​ដោយ​ភាព​ស្ថាបនា​របស់ IMF ជាមួយ​កម្ពុជា និង​បាន​វាយតម្លៃ​ខ្ពស់​ចំពោះ​ជំនួប​ដែល​ពិភាក្សា​ផ្លាស់ប្ដូរ​ទស្សនៈ​ពី​បច្ចុប្បន្នភាព​ស្ថានភាព​ទីផ្សារ​ការងារ តម្រូវការ​ជំនាញ និង​កម្លាំង​ពលកម្ម ព្រមទាំង​ទស្សនវិស័យ នៃ​ការងារ នា​ពេល​ខាងមុខ។ ចំពោះ​អតីត​ពលករ​វិល​ត្រឡប់​មក​វិញ ដោយ លោក បាន​គូស​បញ្ជាក់​ថា ការ​ពិភាក្សា​នៅ​ថ្ងៃនេះ មាន​សារៈសំខាន់ និង​ទាន់​ពេលវេលា ខណៈ​ប្រទេស​កម្ពុជា កំពុង​បន្ត​ពង្រឹង​ភាព​ធន់ នៃ​ទីផ្សារ​ការងារ និង​លើក​កម្ពស់​ប្រសិទ្ធភាព នៃ​ប្រព័ន្ធ​អភិវឌ្ឍន៍​ជំនាញ និង​ប្រព័ន្ធ​ផ្គូផ្គង​ការងារ។

ទន្ទឹម​នឹង​នេះ លោក ហេង សួរ បាន​លើកឡើង​ពី​កិច្ច​អន្តរាគមន៍​យ៉ាង​ទាន់​ពេលវេលា​របស់​ក្រសួង​ការងារ និង​បណ្ដុះបណ្ដាល​វិជ្ជាជីវៈ ដែល​ជា​សេនាធិការ​រាជរដ្ឋាភិបាល​កម្ពុជា ដោយ​បាន​ផ្តោត​លើ​ការ​ផ្តល់​សេវាកម្ម​ទីផ្សារ​ការងារ​ជាក់ស្ដែង​សំខាន់ៗ ដូចជា ការ​ពង្រឹង​តួនាទី​ទីភ្នាក់ងារ​ជាតិ​មុខរបរ និង​ការងារ (NEA) ក្នុង​ការ​ប្រមូល​ព័ត៌មាន នៃ​ឱកាស​ការងារ​ពី​និយោជក ហើយ​ផ្សព្វផ្សាយ​ឱកាស​ការងារ​តាមរយៈ​ការ​បើក​ដំណើរការ​លេខ​ទូរស័ព្ទ ១២៩៧ និង​បណ្ដាញ​សង្គម ព្រមទាំង​ការ​រៀបចំ​វេទិកា​ការងារ និង​ពិព័រណ៍​ការងារ​នៅ​តាម​មូលដ្ឋាន ជាពិសេស​នៅ​តាម​ខេត្ត​ជាប់​ព្រំដែន​កម្ពុជា-ថៃ សម្រាប់​អតីត​ពលករ ជាមួយ​ការ​ផ្តល់​ព័ត៌មាន​ពី​របប​សន្តិសុខ​សង្គម និង​ជម្រើស​បណ្ដុះបណ្ដាល​ជំនាញ​ផង​ដែរ។

ជាមួយ​គ្នា​នេះ ក្រសួង ក៏បាន​ផ្តល់​កម្មវិធី​បណ្តុះបណ្តាល​ជំនាញ​វិជ្ជាជីវៈ និង​បច្ចេកទេស TVET ដល់​ពួកគាត់ ក៏ដូចជា​យុវជន​មកពី​គ្រួសារ​ក្រីក្រ និង​ងាយ​រងគ្រោះ​ឱ្យ​ទទួល​បាន​ជំនាញ​ពិតប្រាកដ​ក្នុង​រយៈពេល​ខ្លី និង​ឆាប់​ទទួល​បាន​ចំណូល​ផ្គត់ផ្គង់​ជីវភាព​គ្រួសារ។ បន្ថែម​ពី​នេះ ដើម្បី​ចូលរួម​អភិវឌ្ឍន៍​ជំនាញ និង​លើក​ទឹកចិត្ត​ដល់​អតីត​ពលករ ក្រសួង ក៏បាន​ផ្តល់​ឱកាស​ធ្វើតេស្ត​ទទួល​ស្គាល់​សមត្ថភាព​ដែល​មាន​ពី​មុន (RPL) ដោយ​ឥតគិតថ្លៃ លើ​មុខ​ជំនាញ​ក្នុង​វិស័យ​សំណង់​ជាដើម។

ជា​ការ​ឆ្លើយតប លោក Jochen M. Schmittmann បាន​ថ្លែង​អំណរគុណ និង​កោតសរសើរ​ដល់ លោក​រដ្ឋមន្ត្រី ចំពោះ​ការ​ចែករំលែក​ពី​យន្តការ​អន្តរាគមន៍ ការ​ធ្វើ​សមាហរណកម្ម ក៏​ដូចជា​ការ​ធ្វើ​បច្ចុប្បន្ន​ភាព​ពី​ស្ថានភាព​អតីត​ពលករ​ពី​ប្រទេស​ថៃ ហើយ​ទិន្នន័យ​ច្បាស់លាស់​ទាំងនេះ​ពិតជា​មាន​សារៈសំខាន់​សម្រាប់ IMF។

លោក​រដ្ឋមន្ត្រី សង្ឃឹម​យ៉ាង​មុតមាំ​ថា IMF នឹង​បន្ត​ភាព​ជា​ដៃគូ​ជួយ​ពង្រឹង​កិច្ច​សហ​ប្រតិបត្តិការ​រវាង កម្ពុជា និង IMF បន្ថែម​ទៀត ដើម្បី​ចូលរួម​ចំណែក​គាំទ្រ​ដល់​ការ​អភិវឌ្ឍ​សង្គម-សេដ្ឋកិច្ច កម្ពុជា៕

The post កម្ពុជា និង មូលនិធិរូបិយវត្ថុអន្តរជាតិ ពិភាក្សាលើលទ្ធភាពពង្រីកទីផ្សារការងារ ការអភិវឌ្ឍជំនាញ ការធ្វើសមាហរណកម្មអតីតពលករពីថៃ appeared first on Kampuchea Thmey Daily.

កិច្ចពិភាក្សានេះ សហការរៀបចំឡើងដោយអង្គភាពអ្នកនាំពាក្យរាជរដ្ឋាភិបាល ក្លឹបអ្នកកាសែតកម្ពុជា និងមូលនិធិធម្មឱសថ។ កិច្ចពិភាក្សានេះ មានវាគ្មិនចូលរួមពីព្រះមេធានុរ័ក្ខ គូ សុភាព សាស្ត្រាចារ្យនៅសាកលវិទ្យាល័យបញ្ញាសាស្ត្រកម្ពុជា និងលោក ប៉ែន បូណា រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានអង្គភាពអ្នកនាំពាក្យរាជរដ្ឋាភិបាល។

កម្មវិធី «ដំណោះស្រាយបញ្ហាសង្គម ឆ្លុះបញ្ចាំងតាមរយៈព្រះពុទ្ធឱវាទ» មានគោលបំណងសំខាន់ៗចំនួន៤ គឺទី១.យល់ដឹងពីគោលការណ៍ព្រះពុទ្ធសាសនា ក្នុងកិច្ចបដិបត្តិប្រចាំថ្ងៃ។ ២.យល់ដឹងពីការអប់រំចិត្ត និងរបៀបដោះស្រាយបញ្ហា តាមគន្លងមាគ៌ាព្រះពុទ្ធសាសនា។ ៣.លើកទឹកចិត្តសាធារណជន ក្នុងការប្រើប្រាស់ប្រព័ន្ធបណ្តាញសង្គមប្រកបដោយទំនួលខុសត្រូវខ្ពស់ និងទី៤.លើកទឹកចិត្តសាធារណជន ក្នុងការចូលរួមចំណែកអភិវឌ្ឍសង្គមជាតិ។

ការរំពឹងទុក ពីការចូលរួមកម្មវិធីនេះ គឺពង្រឹងការយល់ដឹងពីតួនាទី និងភារកិច្ចរបស់ពុទ្ធសាសនិកជនឱ្យកាន់តែខ្ជាប់ខ្ជួន ក្លាយខ្លួនជាពុទ្ធសាសនិកជនប្រកបដោយ គុណភាព សីលធម៌ និងគុណធម៌។ ព្រមទាំងអាចយល់ដឹងពីរបៀបដោះស្រាយបញ្ហាយ៉ាងមានប្រសិទ្ធភាព តាមគន្លងមាគ៌ាព្រះពុទ្ធសាសនា និងអាចប្រើប្រាស់ប្រព័ន្ធបណ្តាញសង្គមប្រកបដោយទំនួលខុសត្រូវ បែបវិជ្ជមាន និងសីលធម៌ ចូលរួមចំណែកការអភិវឌ្ឍសង្គមជាតិប្រកបដោយវឌ្ឍនភាព និងចីរកាល៕

អត្ថបទ៖ ធឿន វ៉ាន់សុង

The post អង្គភាពអ្នកនាំពាក្យ រៀបចំកិច្ចពិភាក្សា ស្តីពី ដំណោះស្រាយបញ្ហាសង្គម ឆ្លុះបញ្ចាំងតាម រយៈព្រះពុទ្ធឱវាទ appeared first on Kampuchea Thmey Daily.

ក្នុងកិច្ចជំនួបនេះ ក៏មានការចូលរួមពី លោកប្រធាន មន្ទីរសង្គមកិច្ច អតីតយុទ្ធជន និងយុវនីតិសម្បទាខេត្ត លោកអនុប្រធានមន្ទីរសុខាភិបាល នៃរដ្ឋបាលខេត្ត លោកអនុប្រធានមន្ទីរអប់រំ យុវជន និងកីឡាខេត្ត លោកស្នងការរងនគរបាលខេត្ត លោកមេបញ្ជាការរងកងរាជអាវុធហត្ថខេត្ត ព្រមទាំង លោក លោកស្រី ជាមន្រ្តីពាក់ព័ន្ធមួយចំនួនទៀតផងដែរ ៕

The post អាជ្ញាធរខេត្តស្វាយរៀង បើកកិច្ចពិភាក្សាលើកកម្ពស់ និងដោះស្រាយបញ្ហាក្នុងវិស័យពិការភាព appeared first on Kampuchea Thmey Daily.

ក្នុងជំនួបពិភាក្សានេះ ភាគីទាំងពីរបានលើកឡើងចំនួន៣ចំណុចរួមមាន៖

១-​សហការ​ទប់ស្កាត់​ការនាំ​អាវុធ​ចេញទៅ​ប្រទេស​ថៃ​ខុសច្បាប់​។​

២-​សហការ​ទប់ស្កាត់​ការ​ជួញ​មនុស្ស​ឆ្លងដែន​ខុសច្បាប់​ចូលក្នុង​ទឹកដី​ថៃ ។​

៣-​បង្កើន​កិច្ចសហការ​បន្ថែមទៀត​ក្នុងការ​ផ្តល់ព័ត៌មាន​ឲ្យ​គ្នា​ទៅវិញទៅមក បើសិន​ជាមាន​បទល្មើស​កើតឡើង ។​

ក្នុង​កិច្ចពិភាក្សា​នេះ​ភាគី​តម្រួត​ល្បាត​ព្រំដែន​ថៃ​បាន​សំណូមពរ​មក​ភាគី​កម្ពុជាឲ្យមានការទំនាក់ទំនង​គ្នា​ល្អ។ ​ជួយ​ទប់ស្កាត់​ពលករ​ខ្មែរ​ដែល​ចូលទៅ​ប្រទេស​ថៃ​ដោយ​ខុសច្បាប់​។ ​សុំ​ឲ្យ​មានការ​ជួបពិភាក្សា​រួមគ្នា​ក្នុង​មួយខែ​ម្តង តាម​កងអនុសេនាធំ​នីមួយៗ​។ ​ស្នើ​ឲ្យ​ភាគី​កម្ពុជា​ជួយ​ទប់​ប​ស្កាត់ ការ​លួច​ជីក​រ៉ែ​មាស​ត្រង់​ចំណុច​ខ​១៣៕​

The post នគរបាលការពារព្រំដែនគោក សហការជាមួយកម្លាំងយោធា ជួបពិភាក្សាជាមួយតម្រួតល្បាតព្រំដែនថៃ​ appeared first on Kampuchea Thmey Daily.

​ព័ត៌មាន​ខាងលើនេះ ត្រូវបាន​ប្រកាស​ឲ្យ​ដឹង​បន្ទាប់ពី​លោក អ៊ូ​ក សោភ័ណ ឯកអគ្គរាជទូត​កម្ពុ​ជាប្រចាំ​ប្រទេស​ថៃ អមដំណើរ​ដោយ​លោក ហេង សុវណ្ណារិទ្ធ អនុព័ន្ធពាណិជ្ជកម្ម បាន​ចូលរួម​កម្មវិធី​ពិសា​អាហារ​ពេល​ល្ងាច ជាមួយ​ប្រតិភូ​ក្រុមហ៊ុន​សាជីវកម្ម Bangchak Corporation (BCP) ដឹកនាំ​ដោយ​លោក Ittikhun Sihsobhon អនុប្រធាន​ជាន់ខ្ពស់​ផ្នែក​ធុរកិច្ច​ប្រេង និង​ទីផ្សារ ដើម្បី​ពិភាក្សា​ពី​កាលានុវត្តភាព​វិនិយោគ​នៅ​កម្ពុជា កាលពី​រាត្រី​ថ្ងៃទី​០៩ ខែវិច្ឆិកា ឆ្នាំ​២០២១​។​

​នៅក្នុង​ឱកាស​នោះ លោក​ឯកអគ្គរាជទូត បាន​ជម្រាបជូន​ប្រតិភូ​ក្រុមហ៊ុន Bangchak Corporation (BCP) អំពី​គោលនយោបាយ​ការទូត​សេដ្ឋកិច្ច (​ពាណិជ្ជកម្ម វិនិយោគ ទេសចរណ៍ និង​វប្បធម៌​) យុទ្ធសាស្ត្រ​ថៃ​បូក​១ និង​ច្បាប់​វិនិយោគ​ថ្មី​របស់​កម្ពុជា ដែលមាន​បត់បែន តម្លាភាព និង​ផ្តល់​ការលើកទឹកចិត្ត​ខ្ពស់​ជូន​វិនិយោគិន​បរទេស ដែលមាន​បំណង​ពង្រីក​ធុរកិច្ច​ទៅ​កម្ពុជា ដើម្បី​ទាញយក​អត្ថប្រយោជន៍​ពី​ភាពអនុគ្រោះ​ពន្ធ ផ្តល់​ដោយ​ប្រទេស​ជា​ដៃគូ​របស់​កម្ពុជា​។​

​ជាការ​ឆ្លើយតប លោក Ittikhun Sihsobhon និង​សហការី បាន​ថ្លែងអំណរគុណ​លោក​ឯកអគ្គរាជទូត ដែល​បាន​ចែករំលែក​ព័ត៌មាន​សំខាន់ៗ ស្តីពី​កំណែទម្រង់​ស៊ីជម្រៅ​របស់​រដ្ឋាភិបាល​កម្ពុជា ដើម្បី​លើកស្ទួយ​បរិយាកាស​ធុរកិច្ច និង​វិនិយោគ ហើយ​លោក​បាន​សន្យាថា នឹង​ដឹកនាំ​សហការី ធ្វើ​ទស្សនកិច្ច​សិក្សា​ទៅកាន់​ប្រទេស​កម្ពុជា​នាពេល​ឆាប់ៗ ដើម្បី​ស្វែងយល់​បន្ថែម​៕

អត្ថបទ៖ កោះ​កែវ​

The post ក្រុមហ៊ុនសាជីវកម្មថៃ នឹងមកស្វែងយល់ពីឱកាសវិនិយោគលើវិស័យប្រេងឥន្ធនៈ និងថាមពលបៃតង នៅកម្ពុជា appeared first on Kampuchea Thmey Daily.

វាគ្មិនល្បីៗ ចំនួន ៦រូប ដែលនឹងចូលរួមក្នុងកិច្ចពិភាក្សានេះ រួមមាន៖ ១. លោកបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា។ ២. លោកបណ្ឌិត យ៉ង សាំងកុមារ ប្រធានគណៈកម្មាធិការនាយកគណបក្សប្រជាធិបតេយ្យមូលដ្ឋាន។ ៣. លោក អ៊ូ ច័ន្ទរ័ត្ន ស្ថាបនិកគណបក្សកែទម្រង់កម្ពុជា។ ៤. លោកបណ្ឌិត មាស នី អ្នកវិភាគនិងតាមដានការអភិវឌ្ឍសង្គម។ ៥. លោកស្រី ចក់ សុភាព នាយិកាប្រតិបត្តិមជ្ឈមណ្ឌលសិទ្ធិមនុស្សកម្ពុជា។ ៦.លោក បណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិនៃកម្ពុជា នៃរាជបណ្ឌិត្យសភាកម្ពុជា។

លោកបណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិនៃកម្ពុជា នៃរាជបណ្ឌិត្យសភាកម្ពុជា និងជាអ្នកវិភាគ​ល្បី​ឈ្មោះមួយរូបដែរនោះ បានឲ្យដឹងថា ដើម្បីបង្កើនការយល់ដឹងរបស់សាធារណជន ពីកិច្ចព្រមព្រៀងសន្តិភាពទីក្រុង ប៉ារីស និងដើម្បីរំលឹកខួបទី៣០ នៃកិច្ចព្រមព្រៀងនេះ រាជបណ្ឌិត្យសភាកម្ពុជា​ នឹងរៀបចំកិច្ចពិភាក្សាតុមូលមួយ ស្តីពី «ខួប៣០ឆ្នាំនៃកិច្ចព្រមព្រៀងសន្តិភាពទីក្រុងប៉ារីស» ដែលនឹងប្រព្រឹត្តទៅនៅថ្ងៃទី២២ ខែតុលា ឆ្នាំ២០២១ តាមប្រព័ន្ធអនឡាញ។

លោកបណ្ឌិត គិន ភា បានបញ្ជាក់ថា កិច្ចពិភាក្សាតុមូលនេះ នឹងរំលឹកឡើងវិញនូវស្មារតីនៃការផ្សះផ្សា បង្រួបបង្រួមជាតិ ជាពិសេសដំណើរការសន្តិភាព និងការបង្រួមបង្រួមជាតិពេញលេញគ្រប់ជ្រុងជ្រោយ តាមរយៈនយោបាយឈ្នះ​-ឈ្នះរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ពិនិត្យមើលសមិទ្ធផលដែលកម្ពុជាសម្រេចបានក្នុងរយៈពេល ៣០ឆ្នាំ ក្រោយកិច្ចព្រមព្រៀង និងទីតាំងដែលកម្ពុជាកំពុងស្ថិតនៅ និងការគិតគូរពីអនាគតនិងចក្ខុវិស័យសម្រាប់កម្ពុជា។ លើសពីនេះទៀត កិច្ចពិភាក្សាតុមូលនេះ នឹងដើរតួនាទីជាទីលាន សម្រាប់ការបញ្ចេញទស្សនៈ ដើម្បីជាតិពីគ្រប់និន្នាការសង្គម និងនយោបាយ ក្នុងបរិបទសង្គមពហុនិយមនៃកម្ពុជា៕

អត្ថបទ៖ ឃួន សុភ័ក្រ

The post វាគ្មិនល្បីៗ ជាច្រើនរូប នឹងចូលរួមក្នុងកិច្ចពិភាក្សាតុមូល ស្ដីពី ខួប ៣០ឆ្នាំនៃកិច្ចព្រមព្រៀងសន្តិភាពទីក្រុងប៉ារីស appeared first on Kampuchea Thmey Daily.

លោក​រដ្ឋមន្ដ្រី ថោង ខុន បាន​ថ្លែង​ក្នុង​កិច្ចប្រជុំ​ចង្អៀត​ពិសេស​នេះ​ថា ការរៀបចំ​ស៊ី​ហ្គេម​នេះ ការងារ​អ្វីៗ​សុទ្ធតែ​សំខាន់​ទាំងអស់ ប៉ុន្តែ​គប្បី​ត្រូវ​ប្រមូលផ្តុំ​យកចិត្តទុកដាក់​ឱ្យបាន​ខ្លាំង​លើក​ការងារ​ធំៗ៣​សំខាន់ ទី​១. ពិធី​បើក​-​បិទ ទី​២. ការងារ Logistic និង​បដិសណ្ឋារកិច្ច និង​ទី​៣. ការងារ​ហ្វឹកហាត់​កីឡា ដើម្បី​ចូលរួម​ការប្រកួត។ ប៉ុន្ដែ​ឯកឧត្តម​បាន​គូសបញ្ជាក់​បន្ថែមថា ការបង្ហាញ​នូវ​សក្តានុពល​ជាតិ​ដ៏​ធំ គឺ​លើ​ពិធី​បើក​នេះហើយ​។ លោក​អនុប្រធាន​អចិន្ត្រៃយ៍​CAMSOC បាន​មានប្រសាសន៍​បន្ថែមថា ផែន​ទស្សនីយ​ភាព​របស់​យើង គប្បី​តម្រង់​ឆ្ពោះទៅរក​ប្រធាន​បទ​របស់​យើង​គឺ “​កីឡា​រស់ក្នុង​សន្តិភាព​” គឺ​ដំណើរ​ជាតិ ខ្មែរ​មួយ ដែល​បាន​ធ្វើ​ដំណើរ​លើផ្លូវ​ប្រវត្តិ​សាស្ត្រ​ដ៏​វែង​ឆ្ងាយ តស៊ូ​លំបាកលំបិនគ្រប់បែបយ៉ាង ឆ្លងកាត់​សង្គ្រាម វាលពិឃាដ ការរំដោះ​ជាតិ រហូតដល់​មាន​ថ្ងៃនេះ បើ​គ្មាន​នយោបាយ​ឈ្នះ​ឈ្នះ ប្រជាជន​យើង​មិនអាចរ​ស់បាន​ក្នុង​សុខសន្តិភាព ស្ថេរភាព និង​អភិវឌ្ឍន៍ ដូច​សព្វថ្ងៃ​នេះឡើយ។ នេះ​ជាសច្ចធម៌ ប្រវត្តិសាស្ត្រ​នៃ​ប្រជាជាតិ​យើង។

លោកជំទាវ ភឿង ស​កុ​ណា បាន​លើក ឡើង​ពី​ក្តីបារម្ភ​មួយចំនួន​ថា បើ​ពិនិត្យមើល​គំរូ​ទស្សនីយភាព​ដ៏​ធំ​សម្បើម​ដែល​គេ​ធ្លាប់ ធ្វើ​រួចមកហើយ គឺ​យើង​ហាក់​នៅ​ខ្វះចន្លោះ ដូចនេះ​ត្រូវ​រៀបចំ​ផែនការ​កម្មវិធី​លម្អិត ពិនិត្យ​ជាក់ស្តែង​លើ​តម្រូវការ​ធនធាន​មនុស្ស​សម្តែង ឧបករណ៍​សម្ភារ សំលៀកបំពាក់ ឱ្យបាន​គ្រប់​ជ្រុងជ្រោយ ទើប​យើង​ដាក់​ផែនការ​ភាគី​ពាក់ព័ន្ធ​បំពេញ​តាម​សេចក្តី​ត្រូវ​ការហាត់​សម្តែង​បាន​។ បើ​ទោះ​បីវប្បធម៌​យើង​សម្បូរបែប​មិន​ចាញ់​គេ​មែន តែ​យើង​ត្រូវ​ចេះ​ចម្រាញ់​យក​ខ្លឹម​នៃ​វប្បធម៌​យើង​បូក​ជាមួយ​ជំនួយ​បច្ចេកវិទ្យា ទើប​អាច​ក្លាយជា​ឈុត​ឆាក​ដ៏​ធំ និង​អស្ចារ្យ​ទៅបាន។

សូមបញ្ជាក់ថា លទ្ធផល​នៃ​កិច្ចប្រជុំ​ខាងលើនេះ បានសម្រេច​លើ​គ្រោងឆ្អឹង​កម្មវិធី​បើក មាន​ដូច ជា​ទស្សនីយភាព “​ស្គរជ័យ​អរិយធម៌​ខ្មែរ​” “​កម្មវិធី​កីឡា​” “​ទស្សនីយភាព​ដំណើរ​ជាតិ​កម្ពុជា​” “​របាំ ចម្រៀង​ប្រជា ជាតិ​អាស៊ីអាគ្នេយ៍ ដើម្បី​សន្តិភាព​” ។​ល​។ ក្នុងនោះ​ទស្សនីយភាព​ធំ និង​សំខាន់​ជាងគេ គឺ “​ដំណើរ​ជាតិ​កម្ពុជា​” ដែល​ត្រូវ​បង្ហាញ​ពី​ការ​កកើត​ទឹកដី​ផង ការកសាង​អង្គរ​និង​សម័យ​រុងរឿង​ចក្រភព​អង្គរ​ផង និង​សក្តានុពល​សម័យ​តេ​ជោ​សែន​ផង។ ព្រឹត្តិការណ៍​ប្រកួត​កីឡា​ស៊ី​ហ្គេម លើក​ទី៣២​ឆ្នាំ​២០២៣ នឹង​ប្រារព្ធ​ពិធី​បើក​ការ​ប្រកួត​ផ្លូវការ នៅ​ថ្ងៃទី​៥​ខែឧសភា និង​ពិធី​បិទ នៅ​ថ្ងៃទី​១៧ ខែឧសភា ឆ្នាំ​២០២៣ ៕

​អត្ថបទ៖ វិ​សិ​ទ្ធ

The post CAMSOC និង​ក្រសួង​វប្បធម៌​ពិភាក្សា​លើ​ពិធី​បើក​-​បិទ ការងារ Logistic និង​បដិសណ្ឋារកិច្ច​ appeared first on Kampuchea Thmey Daily.