ការប្តេជ្ញានេះ ធ្វើឡើងក្នុងជំនួបពិភាក្សាការងារ រវាងលោកសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល ជាមួយប្រតិភូអង្គការហេឡែន ខេលល័រ អន្តរជាតិ (Helen Keller International) ដឹកនាំដោយលោកវេជ្ជបណ្ឌិត Shawn Baker អនុប្រធានអង្គការហេឡែន ខេលល័រ អន្តរជាតិ ប្រចាំទីស្នាក់ការកណ្តាលនៅទីក្រុងញូវយ៉ក សហរដ្ឋអាមេរិក នាថ្ងៃទី២ ខែមីនា ឆ្នាំ២០២៦ នៅទីស្តីការក្រសួងសុខាភិបាល។

ក្នុងឱកាសជំនួបនេះ រដ្ឋមន្ត្រីក្រសួងសុខាភិបាន បានសម្ដែងការស្វាគមន៍យ៉ាងកក់ក្តៅ និងវាយតម្លៃខ្ពស់ ចំពោះកិច្ចសហប្រតិបត្តិការល្អរវាងក្រសួងសុខាភិបាល និងអង្គការហេឡែន ខេលល័រ អន្តរជាតិ ដែលបានចូលរួមចំណែកយ៉ាងសំខាន់ជាមួយរាជរដ្ឋាភិបាលកម្ពុជា ក្នុងការលើកកម្ពស់អាហារូបត្ថម្ភ និងសន្តិសុខស្បៀង ចាប់តាំងពីឆ្នាំ១៩៩២ រហូតមកដល់បច្ចុប្បន្ននេះ។

លោករដ្ឋមន្ត្រី ក៏បានលើកទឹកចិត្ត និងស្នើឱ្យអង្គការការហេឡែន ខេលល័រ អន្តរជាតិ បន្តពង្រឹងកិច្ចសហការឱ្យកាន់តែស៊ីជម្រៅជាមួយអង្គភាពជំនាញសំខាន់ៗ នៃក្រសួងសុខាភិបាល រួមមាន មជ្ឈមណ្ឌលជាតិគាំពារមាតា និងទារក មជ្ឈមណ្ឌលជាតិលើកកម្ពស់សុខភាព នាយកដ្ឋានការពារសុខភាព និងនាយកដ្ឋានឱសថ ចំណីអាហារ បរិក្ខារពេទ្យ និងគ្រឿងសម្អាង ដើម្បីឈានទៅសម្រេចបាននូវការគ្របដណ្តប់សុខភាពជាសកល (UHC)។

ចំណែក លោកវេជ្ជបណ្ឌិត Shawn Baker បានជម្រាបជូនអំពីបេសកកម្មរបស់អង្គការការហេឡែន ខេលល័រ អន្តរជាតិ គឺជួយសង្គ្រោះ និងលើកកម្ពស់គុណភាពជីវិតរបស់ប្រជាជនងាយរងគ្រោះទូទាំងពិភពលោក តាមរយៈការការពារ និងប្រយុទ្ធប្រឆាំងផលវិបាកដែលបណ្តាលមកពីភាពពិការភ្នែក សុខភាពមិនល្អ និងកង្វះអាហារូបត្ថម្ភ ដោយអនុវត្តគម្រោងអន្តរាគមន៍ផ្អែកលើភស្តុតាង និងការស្រាវជ្រាវវិទ្យាសាស្ត្រ។ ដើម្បីសម្រេចបាននូវ បេសកកម្មនេះ អង្គការការហេឡែន ខេលល័រ អន្តរជាតិ បាននិងកំពុងសហការយ៉ាងជិតស្និទ្ធជាមួយ រដ្ឋាភិបាលនានា ក្នុងការកសាង និងពង្រឹងសមត្ថភាពប្រព័ន្ធ និងហេដ្ឋារចនាសម្ព័ន្ធមូលដ្ឋាន សង្គមស៊ីវិល និងវិស័យឯកជន ព្រមទាំងលើកកម្ពស់ការអភិវឌ្ឍកម្មវិធីអន្តរាគមន៍ទ្រង់ទ្រាយធំ ដែលមាននិរន្តរភាព និងភាពធន់ខ្ពស់ ដើម្បីផ្តល់សេវាការពារ និងព្យាបាលសុខភាពភ្នែក និងបញ្ហាកង្វះអាហារូបត្ថម្ភប្រកបដោយប្រសិទ្ធភាព។

ជំនួបនេះភាគីទាំងពីរ បានប្ដេជ្ញាចិត្តយ៉ាងមុតមាំ ក្នុងការបន្តពង្រឹងកិច្ចសហប្រតិបត្តិការគ្រប់ជ្រុងជ្រោយ ទាំងនៅថ្នាក់ជាតិ និងថ្នាក់មូលដ្ឋាន ដើម្បីធានាឱ្យបាននូវសេវាសុខភាពដែលមានគុណភាព សមធម៌ និងប្រសិទ្ធភាពសម្រាប់ប្រជាពលរដ្ឋគ្រប់រូប ស្របតាមគោលនយោបាយយុទ្ធសាស្ត្ររបស់រាជរដ្ឋាភិបាលកម្ពុជា៕

The post អង្គការហេឡែន ខេលល័រ អន្តរជាតិ បេ្តជ្ញាបន្តកិច្ចសហប្រតិបត្តិការ ជាមួយក្រសួងសុខាភិបាលកម្ពុជា appeared first on Kampuchea Thmey Daily.

ការ​ឯកភាព​គ្នា​បន្ត​ពង្រឹង​កិច្ច​សហ​ប្រតិបត្តិការ​នេះ ក្នុង​ឱកាស លោក ហេង សួរ រដ្ឋមន្ត្រី​ក្រសួង​ការងារ និង​បណ្ដុះបណ្ដាល​វិជ្ជាជីវៈ និង​លោក អង់​តូ​នី​ញូ ហ្គោ​មេស៍ (Antonio Gomes) នាយករង នៃ​អគ្គនាយកដ្ឋាន​កិច្ចការ​ហិរញ្ញវត្ថុ​ និង​សហគ្រាស នៃ​អង្គការ​សម្រាប់​កិច្ច​សហប្រតិបត្តិការ និង​អភិវឌ្ឍន៍​សេដ្ឋកិច្ច (OECD) បាន​ជួប​ប្រជុំ​ទ្វេភាគី​នៅ​ទីស្នាក់ការ​អង្គការ OECD ខណៈ ​លោក​រដ្ឋមន្ត្រី ដឹកនាំ​គណៈប្រតិភូ​ត្រីភាគី​ ចូលរួម​វេទិកា​អង្គការ OECD ស្ដីពី​ការ​ត្រួតពិនិត្យ​អនុលោម​ភាព​ក្នុង​វិស័យ​កាត់ដេរ និង​ផលិតផល​ស្បែកជើង នា​ទីក្រុង​ប៉ារីស ប្រទេស​បារាំង កាលពី​ថ្ងៃ​ទី​ ១១ ខែ​កុម្ភៈ ឆ្នាំ​ ២០២៦ ថ្មីៗ នេះ។

នា​ឱកាស​នោះ លោក​រដ្ឋមន្ត្រី និង​លោក អង់​តូ​នី​ញូ បាន​រំលឹក​ពី​កិច្ច​សហប្រតិបត្តិការ​រវាង​អង្គការ OECD និង​ប្រទេស​កម្ពុជា លើ​វិស័យ​ពាក់ព័ន្ធ​ជាច្រើន។ ភាគី​ទាំងពីរ បាន​ឯកភាព​គ្នា​ក្នុង​ការ​ពង្រឹង​កិច្ច​សហ​ប្រតិបត្តិការ​លើ​វិស័យ​ការងារ សន្តិសុខ​សង្គម និង​បណ្តុះបណ្តាល​វិជ្ជាជីវៈ ជាពិសេស​លើ​ការ​លើក​កម្ពស់​ផលិតភាព ការ​អភិវឌ្ឍ​ជំនាញ និង​ការ​អនុវត្ត​ការ​ត្រួតពិនិត្យ​អនុលោម​ភាព​ច្បាប់​ពាក់ព័ន្ធ​សិទ្ធិមនុស្ស និង​បរិស្ថាន នៅ​ក្នុង​វិស័យ​វាយ​ន​ភណ្ឌ កាត់ដេរ ផលិត​ស្បែកជើង ផលិតផល​ធ្វើដំណើរ​ និង​កាបូប ដែល​នឹង​ជួយ​រក្សា​បាន​នូវ​ភាព​ប្រកួតប្រជែង ខណៈ​កម្ពុជា​ត្រៀមខ្លួន​ចាក​ចេញ​ពី​ប្រទេស​អភិវឌ្ឍន៍​តិច (LDC)។

ជាមួយ​នឹង​ការ​សម្ដែង​នូវ​ការ​ពេញ​ផ្លែផ្កា​ នៃ​កិច្ច​សហ​ប្រតិបត្តិការ ​នា​ពេល​កន្លង​មក ភាគី​ទាំងពីរ ក៏​បាន​ធ្វើការ​ផ្លាស់ប្ដូរ​បទ​ពិសោធ បញ្ហា​ប្រឈម និង​វឌ្ឍនភាព​ក្នុង​ការ​អភិវឌ្ឍ​វិស័យ​ការងារ​ផង​ដែរ៕

The post កម្ពុជា-អង្គការ OECD បន្តពង្រឹងកិច្ចសហប្រតិបត្តិការសំដៅលើកកម្ពស់ផលិតភាព ការអភិវឌ្ឍជំនាញ និងអនុលោមភាពច្បាប់ appeared first on Kampuchea Thmey Daily.

ក្នុងជំនួបនេះ ភាគីទាំងពីរបានពិភាក្សាលើលទ្ធភាពជំរុញគំរូអាជីវកម្ម និងកិច្ចសហប្រតិបត្តិការ សម្រាប់ការនាំចូល និងការប្រើប្រាស់ផលិតផលជីវឱសថ របស់ប្រទេសគុយបា ដោយផ្តោតសំខាន់លើការព្យាបាលជំងឺមហារីក និងជំងឺទឹកនោមផ្អែម ស្របតាមតម្រូវការព្យាបាល និងអាទិភាពសុខាភិបាល នៃព្រះរាជាណាចក្រកម្ពុជា។ លោករដ្ឋលេខាធិការ បានលើកឡើងបន្ថែម ពីសារៈសំខាន់នៃការធានាគុណភាព សុវត្ថិភាព និងប្រសិទ្ធភាពផលិតផល ដោយគោរពតាមបទប្បញ្ញត្តិជាធរមាន។

មន្ត្រីជាន់ខ្ពស់រូបនេះ ក៏បានថ្លែងអំណរគុណចំពោះ លោកស្រីអគ្គរដ្ឋទូត និងសហការី ដែលបានតែងតែគាំទ្រ និងជំរុញកិច្ចសហប្រតិបត្តិការ ជាមួយក្រសួងសុខាភិបាល រួមមាន ការផ្លាស់ប្តូរបទពិសោធន៍វិជ្ជាជីវៈ អ្នកជំនាញ ការគាំទ្របច្ចេកទេស និងពង្រឹងសមត្ថភាព ធនធានមនុស្សសុខាភិបាល ព្រមទាំងបានបញ្ជាក់ពីការគាំទ្រក្រសួង ចំពោះសកម្មភាព ក្រោមកិច្ចសហប្រតិបត្តិការដែលមានគោលបំណងរួមចំណែក ដល់ការលើកកម្ពស់គុណភាព សេវាសុខាភិបាល និងសុខភាពសាធារណៈ នៅកម្ពុជា៕

The post កម្ពុជា-គុយបា ពិភាក្សាលើលទ្ធភាពជំរុញកិច្ចសហប្រតិបត្តិការជាមួយគ្នា ផ្តោតលើការព្យាបាលជំងឺមហារីក និងជំងឺទឹកនោមផ្អែម appeared first on Kampuchea Thmey Daily.

ក្នុងឱកាសនេះ ភាគីទាំងពីរបានបញ្ជាក់ពីភាពរស់រវើកនៃ កិច្ចសហប្រតិបត្តិការយោធាបារាំង-កម្ពុជា ដែលបានអនុវត្តជាបន្តបន្ទាប់សម្រាប់សាលានាយទាហានសកម្ម ចាប់តាំងពីឆ្នាំ១៩៩៤ និងវិទ្យាស្ថានបញ្ជាការសេនាធិការត្មាតពង ចាប់តាំងពីឆ្នាំ២០២៤។ ក្នុងរយៈពេលជាង ៣២ឆ្នាំកន្លងមក នាយទាហានប្រមាណ ២៥០០នាក់ បានទទួលការជួយជ្រោមជ្រែងពីបេសកកម្មសហប្រតិបត្តិការការពារជាតិរបស់បារាំង ក្នុងអំឡុងពេលបណ្តុះបណ្តាល។

ក្រោយពិធីសម្ពោធដាក់ឱ្យប្រើប្រាស់ជាផ្លូវការនូវ អគារហ្វឹកហ្វឺនថ្មី ដែលជាសហហិរញ្ញប្បទានរវាងប្រទេសទាំងពីរ ឯកអគ្គរដ្ឋទូតបានជួបសំណេះសំណាលជាមួយសិស្សនាយទាហាន ខណៈពួកគេកំពុងសិក្សា ភាសាបារាំង និងបានទស្សនាការសម្តែងរបស់សិស្សនាយទាហាន រួមមានការបង្ហាញក្បាច់គុនល្បុក្កតោ ដែលជាក្បាច់គុនប្រពៃណីខ្មែរ។
ដំណើរទស្សនកិច្ចនេះបានប្រព្រឹត្តទៅក្នុងបរិយាកាសរីករាយ និងមានន័យពិសេស ខណៈសាលានាយទាហានសកម្មត្មាតពង កំពុងអបអរសាទរ ខួប ៨០ឆ្នាំ នៃការបង្កើតសាលា និងខួប ៣២ឆ្នាំ នៃការបោះទីតាំងនៅត្មាតពង៕

The post បារាំង-កម្ពុជា បន្តពង្រឹងសហប្រតិបត្តិការយោធា នៅសាលានាយទាហានសកម្មត្មាតពង appeared first on Kampuchea Thmey Daily.

ក្នុងជំនួបសម្តែងការគួរសម និងពិភាក្សាការងារ ជាមួយប្រតិភូអង្គការឆាលហ្វាន (ChildFund) ដឹកនាំដោយលោក Brayden Howie នាយកប្រតិបត្តិនៃអង្គការឆាលហ្វាន អូស្ត្រាលី និងមន្ត្រីជាន់ខ្ពស់នៃអង្គការឆាលហ្វាន កម្ពុជា នាព្រឹកថ្ងៃទី៦ ខែកុម្ភៈ ឆ្នាំ២០២៦ នេះ រដ្ឋមន្ត្រី ក្រសួងអប់រំ យុវជន និងកីឡា បានថ្លែងអំណរគុណដល់អង្គការឆាលហ្វានចំពោះការជួយគាំទ្រដល់វិស័យអប់រំ យុវជន និងកីឡា ក៏ដូចជាបន្តចូលរួមចំណែកលើកកម្ពស់សិទ្ធិកុមារនិងការកែលម្អគុណភាពអប់រំនៅតាមតំបន់ជនបទដាច់ស្រយាល។

លោកឧបនាយករដ្ឋមន្ត្រី ហង់ជួន ណារ៉ុន បានវាយតម្លៃខ្ពស់ចំពោះកិច្ចខិតខំប្រឹងប្រែងរបស់អង្គការឆាលហ្វាន ដែលបានរួមសហការយ៉ាងល្អក្នុងភាពជាដៃគូជាមួយរាជរដ្ឋាភិបាលកម្ពុជា ក៏ដូចជាក្រសួងអប់រំ យុវជន និងកីឡា ផ្តល់ការគាំទ្រដល់កុមារឱ្យទទួលបានការសិក្សាប្រកបដោយគុណភាព សមធម៌ និងបរិយាបន្ន តាមរយៈគម្រោង “ងាយស្រួលរៀនដំណាក់កាលទី៣” ដែលមានគោលដៅកែលម្អគុណភាពអប់រំបឋមសិក្សានៅតាម បណ្ដាខេត្ត ឆ្ងាយៗ ការពង្រឹងប្រព័ន្ធគាំទ្រគ្រូបង្រៀននិងការគ្រប់គ្រងសាលារៀន ធ្វើឱ្យប្រសើរឡើងនូវកម្រិតជីវភាពរស់នៅរបស់សហគមន៍ក្រីក្រ និងងាយរងគ្រោះ ជាពិសេសជួយគាំទ្រដល់ការអនុវត្តផែនការអាទិភាពរបស់ក្រសួងអប់រំ យុវជន និងកីឡា ឆ្លើយតបនឹងយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលកម្ពុជានីតិកាលទី៧នៃរដ្ឋសភា។

បើតាមលោកឧបនាយករដ្ឋមន្ត្រី ក្រសួងអប់រំបាននិងកំពុងយកចិត្តទុកដាក់លើកកម្ពស់ការអប់រំកុមារតូច ចាប់ផ្តើមពីការរៀបចំគោលនយោបាយជំរុញលើកទឹកចិត្តឱ្យមាតាបិតាអាណាព្យាបាល បញ្ជូន កូនទៅទទួលការអប់រំនៅមត្តេយ្យសិក្សា ដើម្បីរៀបចំពួកគេឱ្យរួចរាល់សម្រាប់បឋមសិក្សាដែលជាមូលដ្ឋានគ្រឹះដ៏សំខាន់ឈានទៅបន្តការសិក្សាដល់កម្រិតខ្ពស់ និងការបន្តលើកកម្ពស់គុណវុឌ្ឍិគ្រូបង្រៀនមត្តេយ្យនិងបឋមសិក្សា។

បន្ថែមពីនេះ អាទិភាពមួយចំនួនរបស់ក្រសួងដើម្បីលើកកម្ពស់លទ្ធផលសិក្សាសិស្សមានដូចជា ការបន្តពង្រឹងនិងពង្រីកកម្មវិធីផ្តល់អាហារតាមសាលារៀនដោយប្រើប្រាស់កសិផលសហគមន៍ ការផ្តល់អាហារូបករណ៍ដល់សិស្សក្រីក្រ ការកែលម្អវិធីសាស្ត្របង្រៀននិងបរិយាកាសសិក្សា ដើម្បីលើកកម្ពស់លទ្ធផលសិក្សានៃកញ្ចប់អំណាននិងគណិតវិទ្យាថ្នាក់ដំបូង ការបន្តពង្រឹងការអនុវត្តកំណែទម្រង់សាលា កំណែទម្រង់ការបណ្តុះបណ្ដាលគ្រូ និងការជំរុញការអនុវត្តស្តង់ដាសាលារៀនគំរូទូទាំងប្រទេស។

ចំណែក នាយកប្រតិបត្តិនៃអង្គការឆាលហ្វាន អូស្ត្រាលី ក៏បានកោតសរសើរ និងថ្លែងអំណរគុណដល់ក្រសួងអប់រំ យុវជន និងកីឡា ចំពោះការផ្តល់កិច្ចសហការប្រកបដោយការយកចិត្តទុកដាក់នូវរាល់គម្រោងពាក់ព័ន្ធនឹងវិស័យអប់រំរបស់អង្គការឆាលហ្វាន និងបានគូសបញ្ជាក់ចំណាប់អារម្មណ៍ស្វែងយល់បន្ថែមពីផែនការអាទិភាពថ្មីៗរបស់ក្រសួងអប់រំ យុវជន និងកីឡា ក៏ដូចជាវឌ្ឍនភាពនៃកំណែទម្រង់ប្រព័ន្ធអប់រំ ដើម្បីបន្តពង្រឹងនិងពង្រីកកិច្ចសហប្រតិបត្តិការបន្ថែមទៀត។

លោកនាយកប្រតិបត្តិ ក៏បានបញ្ជាក់ដែរថាកម្មវិធីអប់រំរបស់អង្គការឆាលហ្វាន កម្ពុជា មានគោលដៅបង្កើនលទ្ធភាពទទួលបានសេវាអប់រំប្រកបដោយគុណភាពសម្រាប់កុមារទាំងអស់ ដោយផ្តោតជាពិសេសលើក្រុមងាយរងគ្រោះដូចជាប្រជាពលរដ្ឋក្រីក្រ កុមារ កុមារមានពិការភាព និងជនជាតិដើមភាគតិច។ កម្មវិធីនេះផ្តោតផងដែរទៅលើការកែលម្អគុណភាពនៃការបង្រៀន ការរៀន និងការគ្រប់គ្រងតាមសាលារៀន ក្នុងគោលបំណងបង្កើនគណនេយ្យភាពនិងការអនុវត្តរបស់គ្រូបង្រៀន នាយកសាលា និងមន្ត្រីអប់រំ ការពង្រឹងទំនាក់ទំនងរវាងសាលារៀននិងសហគមន៍មាតាបិតា ការផ្តល់អំណាចដល់សាលារៀននិងសហគមន៍ដើម្បីនាំមកនូវការអភិវឌ្ឍឱ្យមាននិរន្តរភាពនៅថ្នាក់មូលដ្ឋាន ព្រមទាំងមានការលើកទឹកចិត្តដល់សាលារៀនដើម្បីអនុវត្តវិធីសាស្ត្រប្រកបដោយភាពច្នៃប្រឌិត៕

The post រដ្ឋមន្ត្រីអប់រំ វាយតម្លៃខ្ពស់ចំពោះកិច្ចខិតខំប្រឹងប្រែងរបស់អង្គការឆាលហ្វាន ដែលរួមសហការយ៉ាងល្អជាមួយកម្ពុជា appeared first on Kampuchea Thmey Daily.

ការ​យល់​ឃើញ​នេះ ក្នុង​ឱកាស ក្រសួង​ការងារ និង​បណ្ដុះបណ្ដាល​វិជ្ជាជីវៈ និង​មូលនិធិ​អភិវឌ្ឍន៍​វិស័យ​អប់រំ ខេត្ត​អាន​ហួយ ប្រទេស​ចិន បាន​ចុះហត្ថលេខា​លើ​អនុស្សរណៈ នៃ​ការ​យោគយល់​គ្នា (MoU) ដើម្បី​បង្កើត​រួមគ្នា​នូវ​មជ្ឈមណ្ឌល​បណ្ដុះបណ្ដាល​ជំនាញ​វិជ្ជាជីវៈ និង​មជ្ឈមណ្ឌល​ឧត្ដមភាព​ទទួល​ស្គាល់​ជំនាញ​កម្ពុជា​-​ចិន​—​រោង​ជាង ហួយ​ជាំង (Huijiang workshop) ក្រោម​អធិបតីភាព​ដ៏​ខ្ពង់ខ្ពស់ លោក ហេង សួរ រដ្ឋមន្ត្រី​ក្រសួង​ការងារ និង​បណ្ដុះបណ្ដាល​វិជ្ជាជីវៈ និង​លោកស្រី Ling Shuangying អគ្គលេខាធិការ នៃ​សម្ព័ន្ធ​អភិវឌ្ឍន៍​វិស័យ​អប់រំ​បណ្ដុះបណ្ដាល​វិជ្ជាជីវៈ​អន្តរជាតិ ខេត្ត​អាន​ហួយ ប្រទេស​ចិន នៅ​ទីស្ដីការ​ក្រសួង កាលពី​រសៀល​ថ្ងៃ​ទី ២ ខែ​កញ្ញា ឆ្នាំ ២០២៥ ម្សិលមិញ។

នា​ឱកាស​នោះ លោក ហេង សួរ កត់​សម្គាល់​ថា កម្ពុជា និង​ចិន មាន​កិច្ច​សហ​ប្រតិបត្តិការ​យ៉ាង​រឹងមាំ​ក្នុង​ការ​គាំទ្រ​គ្នា​ទៅវិញទៅមក​លើ​គ្រប់​វិស័យ ហើយ​នៅ​ពេលនេះ ភាគី​ទាំងពីរ បាន​ឈាន​ដល់​ការ​ចុះ​អនុស្សរណៈ នៃ​ការ​យោគយល់​គ្នា​បន្ថែម​ទៀត​លើ​ការ​បណ្ដុះបណ្ដាល​បច្ចេកទេស និង​វិជ្ជាជីវៈ ដែល​នឹង​ចូលរួម​ពង្រឹង​កិច្ច​សហ​ប្រតិបត្តិការ​មាន​ស្រាប់​ឲ្យ​កាន់តែ​រឹងមាំ និង​ជំរុញ​លើក​កម្ពស់​ឲ្យ​សិស្ស និស្សិត គ្រូ​បង្គោល​ពី​កម្ពុជា និង​ចិន មាន​សមត្ថភាព​កាន់តែ​ប្រសើរ​ស្រប​តាម​ការ​រីកចម្រើន និង​ការវិវឌ្ឍន៍ នៃ​បច្ចេកវិទ្យា។

លោក​រដ្ឋមន្ត្រី យល់​ឃើញ​ថា «កិច្ច​សហ​ប្រតិបត្តិការ​នេះ នឹង​ក្លាយ​ជា​ចលករ​ដ៏​សំខាន់​បន្ថែម​ទៀត​សម្រាប់​កម្ពុជា​ក្នុង​ការ​ទាក់ទាញ​វិនិយោគិន​ពី​បរទេស និង​ជាពិសេស​វិនិយោគិន​ចិន​មក​កម្ពុជា»។

ជាមួយ​គ្នា​នេះ លោកស្រី Ling Shuangying ក៏បាន​ថ្លែងអំណរគុណ លោក​រដ្ឋមន្ត្រី ចំពោះ​អនុស្សរណៈ​ដ៏​សំខាន់ នា​ពេលនេះ ដែល​នឹង​ចូលរួម​ពង្រឹង​កិច្ច​សហ​ប្រតិបត្តិការ​បណ្ដុះបណ្ដាល​វិជ្ជាជីវៈ រវាង​ប្រទេស​ទាំងពីរ ឲ្យ​កាន់តែ​ប្រសើរ​បន្ថែម​ទៀត ជាពិសេស​វិស័យ​ពាណិជ្ជកម្ម​តាម​ប្រព័ន្ធ​អេឡិចត្រូនិក បច្ចេកទេស​យានយន្ត​អគ្គិសនី និង​បច្ចេកវិទ្យា​កុំព្យូទ័រ​ជាដើម ឲ្យ​មាន​កម្រិត​ស្តង់ដារ​វិជ្ជាជីវៈ​ខ្ពស់​ទទួល​ស្គាល់​រវាង​ប្រទេស​ទាំងពីរ។

គួរ​ជម្រាប​ថា អនុស្សរណៈ​ខាង​លើ​នេះ មាន​គោលបំណង​ពង្រឹង​កិច្ច​សហ​ប្រតិបត្តិការ​រវាង​ភាគី​ទាំងពីរ​លើ​វិស័យ​អប់រំ​បណ្ដុះបណ្ដាល​បច្ចេកទេស និង​វិជ្ជាជីវៈ តាមរយៈ​ការ​បង្កើត​មជ្ឈមណ្ឌល​បណ្ដុះបណ្ដាល និង​ទទួល​ស្គាល់​ជំនាញ​រួមគ្នា​រវាង កម្ពុជា​-​ចិន ដោយ​នឹង​ផ្ដោត​សំខាន់​លើ​ការ​សហការ​រៀបចំ​កម្មវិធី​សិក្សា ការ​បណ្ដុះបណ្ដាល​វិជ្ជាជីវៈ និង​ការ​ផ្លាស់ប្ដូរ​ការ​សិក្សា ដើម្បី​លើក​កម្ពស់​កម្រិត​ស្តង់ដារ​អន្តរជាតិ នៃ​ការ​អប់រំ​បណ្ដុះបណ្ដាល​វិជ្ជាជីវៈ៕

អត្ថបទ ៖ ពិសី

The post លោក ហេង សួរ ៖ កិច្ចសហប្រតិបត្តិការកម្ពុជា-ចិន នឹងក្លាយជាចលករដ៏សំខាន់​សម្រាប់កម្ពុជាក្នុងការទាក់ទាញវិនិយោគិនពីបរទេស appeared first on Kampuchea Thmey Daily.

ក្រសួងអប់រំ បានបញ្ជាក់ថា នេះគឺជាលើកដំបូងរបស់ លោក Vanlalvawna Bawitlung ក្នុងនាមជាឯកអគ្គរដ្ឋទូតឥណ្ឌាថ្មី ប្រចាំនៅកម្ពុជា ចាប់តាំងពីខែកុម្ភៈមក ជួបពិភាក្សាការងារជាមួយក្រសួងអប់រំ ដើម្បីពិភាក្សាពីកិច្ចសហប្រតិបត្តិការបន្ថែមទៀតលើវិស័យអប់រំ រវាងប្រទេសទាំងពីរ ដោយបានរំលេចពីទំនាក់ទំនងជាប្រវត្តិសាស្ត្រដ៏សម្បូរបែប លើវិស័យវប្បធម៌ និងសាសនា ជាមួយកម្ពុជា ជាពិសេស ទំនាក់ទំនងជាច្រើនសតវត្សរវាងប្រជាជន និងប្រជាជន។ លោកក៏បានបញ្ជាក់ ពីចំណាប់អារម្មណ៍ក្នុងការបន្តលើកកម្ពស់កិច្ចសហប្រតិបត្តិការក្នុងវិស័យអប់រំឱ្យកាន់តែប្រសើរផងដែរ។

ជាមួយគ្នានេះ បណ្ឌិត ហង់ជួន ណារ៉ុន រដ្ឋមន្ត្រីក្រសួងអប់រំ ក៏បានលើកឡើងពីទំនាក់ទំនងយូរអង្វែងរវាងកម្ពុជា និងឥណ្ឌា ជាពិសេស ឥទ្ធិពលវប្បធម៌ឥណ្ឌាមានមកលើកម្ពុជា ហើយតាមរយៈទំនាក់ទំនងនេះ គឺជាគ្រឹះដ៏រឹងមាំឆ្ពោះទៅរកការអភិវឌ្ឍ និងវឌ្ឍនភាពនៃប្រទេសទាំងពីរ។ លោក ហង់ជួន ណារ៉ុន បន្ថែមថា៖ “កិច្ចសហប្រតិបត្តិការនេះ នឹងបន្តរីកចម្រើន ជាពិសេសតាមរយៈការផ្លាស់ប្តូរបទពិសោធនៃការសិក្សារវាងប្រទេសទាំងពីរ ការចែករំលែកចំណេះដឹងក្នុងវិស័យអប់រំឌីជីថល ការបណ្តុះបណ្តាលគ្រូបង្រៀន និងការអភិវឌ្ឍជំនាញវិជ្ជាជីវៈ ដែលជាផ្នែកសំខាន់សម្រាប់ឱ្យយុវជនកម្ពុជា ត្រៀមខ្លួនរួចរាល់ទៅនឹងតម្រូវការទីផ្សារការងារជាក់ស្តែង”។

ក្រសួងអប់រំ ក៏បានគាំទ្រគំនិតផ្តួចផ្តើមផ្សេងៗដែលស្ថាប័ន និងវិទ្យាស្ថានឥណ្ឌាមានបំណងចង់មកវិនិយោគលើវិស័យអប់រំក្នុងប្រទេសកម្ពុជាថែមទៀតផង។ លោកក៏បានអរគុណប្រទេសឥណ្ឌា ដែលតែងតែជួយគាំទ្រលើវិស័យអប់រំនៅកម្ពុជា តាមរយៈឱកាសអាហារូបករណ៍ និងការផ្លាស់ប្តូរការសិក្សាជាដើម។ លោក ហង់ជួន ណារ៉ុន សង្ឃឹមថា ប្រទេសទាំងពីរ នឹងបន្តពង្រឹង ពង្រីកកិច្ចសហប្រតិបត្តិការបន្ថែមទៀត ដើម្បីភាពរីកចម្រើននៃប្រទេសទាំងពីរ៕

The post កម្ពុជា-ឥណ្ឌា បន្តពង្រឹងបន្ថែមលើកិច្ចសហប្រតិបត្តិការក្នុងវិស័យអប់រំជាមួយគ្នាឱ្យកាន់តែរីកចម្រើន appeared first on Kampuchea Thmey Daily.

បើតាមក្រសួងអប់រំ បានឱ្យដឹងថា តាមរយៈការចុះហត្ថលេខាលើកិច្ចព្រមព្រៀងថ្មីនេះ កម្ពុជា និងអ៉ីស្រាអែល នឹងសម្របសម្រួលជំរុញលើកកម្ពស់កិច្ចសហប្រតិបត្តិការរបស់ខ្លួន ផ្អែកលើគោលដៅអភិវឌ្ឍន៍ និងពង្រឹងទំនាក់ទំនងមិត្តភាពដែលមានស្រាប់រវាងប្រទេសទាំងពីរ រួមមាន៖ ១.សម្របសម្រួលជំរុញ និងពង្រីកទំនាក់ទំនង និងកិច្ចសហប្រតិបត្តិការរវាង គ្រឹះស្ថានអប់រំ និងវិជ្ជាជីវៈ នៃប្រទេសទាំងពីរ, ២. ជំរុញឱ្យមានការចូលរួមក្នុងទស្សនកិច្ចសិក្សាអប់រំ និងវិជ្ជាជីវៈ និងវគ្គបណ្តុះបណ្តាលពាក់ព័ន្ធផ្សេងៗ ដែលត្រូវបានផ្តួចផ្តើមដោយភាគីណាមួយ, ៣.ពង្រីកទំនាក់ទំនងកិច្ចសហប្រតិបត្តិការនិងការផ្លាស់ប្តូរទស្សនកិច្ចសិក្សារវាង គ្រូបង្រៀន ជំនួយការគ្រូបង្រៀន និងនាយកសាលា នៅកម្រិតមត្តេយ្យសិក្សាបឋមសិក្សា មធ្យមសិក្សា និងឧត្តមសិក្សា។

ចំណុចទី៤ ការផ្លាស់ប្តូរកម្មវិធីសិក្សាគរុកោសល្យ វិធីសាស្ត្របង្រៀន និងសម្ភារៈផ្សេងៗ, ទី៥ ផ្លាស់ប្តូរព័ត៌មានដែលផ្តល់ផលប្រយោជន៍រួម ដូចជា ព័ត៌មានស្តីពីបរិយាបន្នសង្គមក្នុងវិស័យអប់រំ កម្មវិធីជួយដល់សិស្សក្រីក្រ និងកុមារពិការ, ការអប់រំសិស្សពូកែ និងសិស្សឆ្នើម។ ចំពោះចំណុចទី៦ ជំរុញឱ្យមានការអភិវឌ្ឍកម្មវិធីសិក្សាភាសាអ៉ីស្រាអែល ក្នុងប្រទេសកម្ពុជា និងកម្មវិធីសិក្សាភាសាខ្មែរ ក្នុងប្រទេសអ៉ីស្រាអែល។ ចំណុចទី៧ គឺលើកកម្ពស់កិច្ចសហប្រតិបត្តិការក្នុងផ្នែកវិទ្យាសាស្ត្រ និងបច្ចេកវិទ្យា ជាពិសេសតាមរយៈការជំរុញឱ្យមានកិច្ចសហប្រតិបត្តិការរវាងគ្រឹះស្ថានអប់រំ និងស្រាវជ្រាវអ្នកជំនាញ និងបញ្ញវន្តក្នុងប្រទេសទាំងពីរ ការចូលរួមទៅវិញទៅមកក្នុងសន្និសីទស្តីពីវិទ្យាសាស្ត្រ ការផ្លាស់ប្តូរផ្នែកកីឡា និងជំរុញកិច្ចសហប្រតិបត្តិការរវាងយុវជននៃប្រទេសទាំងពីរ។

ក្នុងឱកាសនេះ លោកស្រី Orna Sagiv បានលើកឡើងពីការបន្តពង្រឹង និងពង្រីកទំនាក់ទំនងប្រទេសទាំងពីរ ឱ្យកាន់តែល្អប្រសើរ តាមរយៈការផ្លាស់ប្តូរនិស្សិត ការចុះកម្មសិក្សាជំនាញកសិកម្ម ឧស្សាហកម្ម វិស្វកម្ម បច្ចេកវិទ្យា និងការអប់រំ។ លោកស្រី ឯកអគ្គរដ្ឋទូត ក៏បានចែករំលែកពីលក្ខណៈពិសេសនៃប្រព័ន្ធអប់រំរបស់អ៉ីស្រាអែល ដែលមានការរៀបចំគន្លងអប់រំតាំងពីថ្នាក់ទី២ និងការផ្តោតយកចិត្តទុកដាក់លើការអប់រំតាំងវ័យកុមារតូច ជាពិសេស ចំពោះកុមារអូទីហ្សឹម ដោយមិនទុកពួកគេឱ្យនៅដាច់ដោយឡែកឡើយ ហើយថែមទាំងជួយឱ្យពួកគេអាចស្វែងរកឃើញទេពកោសល្យពិសេសរបស់ខ្លួន និងបន្តសម្រួចសក្តានុពលនេះឱ្យកាន់តែខ្លាំងឡើងផងដែរ។

ជាមួយគ្នានេះ បណ្ឌិតសភាចារ្យ ហង់ជួន ណារ៉ុន ក៏បានលើកឡើងពីគោលការណ៍ស្រដៀងគ្នារបស់រដ្ឋាភិបាលកម្ពុជា ដែលផ្ដោតលើការអប់រំកុមារតូច និងយកចិត្តទុកដាក់លើការពង្រឹងមូលដ្ឋានគ្រឹះចំណេះដឹងតាំងពីកម្រិតបឋមសិក្សា។ ចំពោះបច្ចុប្បន្ន លោកបណ្ឌិតសភាចារ្យ ថា កម្ពុជា កំពុងយកចិត្តទុកដាក់លើការ បំប៉នជំនាញសតវត្សទី២១ ការប្រើប្រាស់វិធីសាស្ត្របង្រៀនថ្មី និងបច្ចេកវិទ្យាដើម្បីលើកកម្ពស់ការរៀន និងបង្រៀន សំដៅបង្កើតបរិយាកាសសប្បាយរីករាយក្នុងការរៀនសូត្រ និងជំរុញឱ្យសិស្សយល់ខ្លឹមសារមេរៀនឆាប់រហ័ស តាមរយៈសាលារៀនជំនាន់ថ្មី ក្រសួងបានបន្តដាក់បញ្ចូលនូវនវានុវត្តន៍ក្នុងវិស័យអប់រំ កម្មវិធីស្វ័យសិក្សា និងការផ្សារភ្ជាប់ទ្រឹស្តីទៅនឹងការអនុវត្តដើម្បីត្រៀមសិស្សឱ្យបានរួចរាល់សម្រាប់ទីផ្សារការងារនាពេលអនាគត។

រដ្ឋមន្ត្រីក្រសួងអប់រំកម្ពុជា រំពឹងថា កិច្ចព្រមព្រៀងថ្មីនេះ នឹងត្រួសត្រាយផ្លូវឈានទៅសម្រេចបានគោលដៅថ្មីៗរួមគ្នាកាន់តែច្រើនបន្ថែមទៀត ក្នុងបុព្វហេតុអភិវឌ្ឍមូលធនមនុស្សប្រកបដោយចីរភាព គាំទ្រដល់ការអភិវឌ្ឍសេដ្ឋកិច្ចសង្គមជាតិប្រទេសទាំងពីរ៕

The post កម្ពុជា-អ៊ីស្រាអែល ចុះហត្ថលេខាលើកិច្ចព្រមព្រៀងថ្មី ដើម្បីពង្រឹងកិច្ចសហប្រតិបត្តិការប្រទេសទាំង២ appeared first on Kampuchea Thmey Daily.