Connect with us

ព័ត៌មានជាតិ

កម្ពុជា-ឥណ្ឌា បន្តពង្រឹងបន្ថែមលើកិច្ចសហប្រតិបត្តិការក្នុងវិស័យអប់រំជាមួយគ្នាឱ្យកាន់តែរីកចម្រើន

បានផុស

នៅ

នៅថ្ងៃទី២ ខែមេសា ឆ្នាំ២០២៥ បណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានជួបពិភាក្សាការងារ ជាមួយលោក Vanlalvawna Bawitlung ឯកអគ្គរដ្ឋទូត ឥណ្ឌា ប្រចាំកម្ពុជា ដើម្បីបន្តពង្រឹងកិច្ចសហការជាមួយគ្នាបន្ថែមទៀតក្នុងវិស័យអប់រំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងអប់រំ បានបញ្ជាក់ថា នេះគឺជាលើកដំបូងរបស់ លោក Vanlalvawna Bawitlung ក្នុងនាមជាឯកអគ្គរដ្ឋទូតឥណ្ឌាថ្មី ប្រចាំនៅកម្ពុជា ចាប់តាំងពីខែកុម្ភៈមក ជួបពិភាក្សាការងារជាមួយក្រសួងអប់រំ ដើម្បីពិភាក្សាពីកិច្ចសហប្រតិបត្តិការបន្ថែមទៀតលើវិស័យអប់រំ រវាងប្រទេសទាំងពីរ ដោយបានរំលេចពីទំនាក់ទំនងជាប្រវត្តិសាស្ត្រដ៏សម្បូរបែប លើវិស័យវប្បធម៌ និងសាសនា ជាមួយកម្ពុជា ជាពិសេស ទំនាក់ទំនងជាច្រើនសតវត្សរវាងប្រជាជន និងប្រជាជន។ លោកក៏បានបញ្ជាក់ ពីចំណាប់អារម្មណ៍ក្នុងការបន្តលើកកម្ពស់កិច្ចសហប្រតិបត្តិការក្នុងវិស័យអប់រំឱ្យកាន់តែប្រសើរផងដែរ។

ជាមួយគ្នានេះ បណ្ឌិត ហង់ជួន ណារ៉ុន រដ្ឋមន្ត្រីក្រសួងអប់រំ ក៏បានលើកឡើងពីទំនាក់ទំនងយូរអង្វែងរវាងកម្ពុជា និងឥណ្ឌា ជាពិសេស ឥទ្ធិពលវប្បធម៌ឥណ្ឌាមានមកលើកម្ពុជា ហើយតាមរយៈទំនាក់ទំនងនេះ គឺជាគ្រឹះដ៏រឹងមាំឆ្ពោះទៅរកការអភិវឌ្ឍ និងវឌ្ឍនភាពនៃប្រទេសទាំងពីរ។ លោក ហង់ជួន ណារ៉ុន បន្ថែមថា៖ “កិច្ចសហប្រតិបត្តិការនេះ នឹងបន្តរីកចម្រើន ជាពិសេសតាមរយៈការផ្លាស់ប្តូរបទពិសោធនៃការសិក្សារវាងប្រទេសទាំងពីរ ការចែករំលែកចំណេះដឹងក្នុងវិស័យអប់រំឌីជីថល ការបណ្តុះបណ្តាលគ្រូបង្រៀន និងការអភិវឌ្ឍជំនាញវិជ្ជាជីវៈ ដែលជាផ្នែកសំខាន់សម្រាប់ឱ្យយុវជនកម្ពុជា ត្រៀមខ្លួនរួចរាល់ទៅនឹងតម្រូវការទីផ្សារការងារជាក់ស្តែង”

ក្រសួងអប់រំ ក៏បានគាំទ្រគំនិតផ្តួចផ្តើមផ្សេងៗដែលស្ថាប័ន និងវិទ្យាស្ថានឥណ្ឌាមានបំណងចង់មកវិនិយោគលើវិស័យអប់រំក្នុងប្រទេសកម្ពុជាថែមទៀតផង។ លោកក៏បានអរគុណប្រទេសឥណ្ឌា ដែលតែងតែជួយគាំទ្រលើវិស័យអប់រំនៅកម្ពុជា តាមរយៈឱកាសអាហារូបករណ៍ និងការផ្លាស់ប្តូរការសិក្សាជាដើម។ លោក ហង់ជួន ណារ៉ុន សង្ឃឹមថា ប្រទេសទាំងពីរ នឹងបន្តពង្រឹង ពង្រីកកិច្ចសហប្រតិបត្តិការបន្ថែមទៀត ដើម្បីភាពរីកចម្រើននៃប្រទេសទាំងពីរ៕

Helistar Cambodia - Helicopter Charter Services
Sokimex Investment Group
ព័ត៌មានជាតិ២ ម៉ោង មុន

វិទ្យាស្ថានអភិវឌ្ឍន៍មុខជំនាញកម្ពុជា-ថៃ ត្រៀមបង្ហាញស្នាដៃនិស្សិត២ប្រភេទ ក្នុង​ទិវា​ជាតិ​អប់​រំបណ្តុះបណ្តាល​បច្ចេកទេសនិងវិជ្ជាជីវៈ លើកទី៨

ព័ត៌មានជាតិ៣ ម៉ោង មុន

សម្ដេចតេជោ ៖ សូម​កុំ​ពង្រីក​ទំនាស់​ឲ្យ​រីករាលដាល​ដល់​វិស័យ​ផ្សេង​ រហូត​ដល់​ការ​ស្អប់​ខ្ពើម​ជាតិសាសន៍

ព័ត៌មានជាតិ៣ ម៉ោង មុន

ផ្លូវថ្មើរជើងមុខវត្តឧណ្ណាលោម មានរៀបចំពិធីយុទ្ធនាការ “១ម៉ឺនរៀល ១ម៉ឺននាក់”

ព័ត៌មានជាតិ៦ ម៉ោង មុន

លោក អ៊ី ឈាន យកអំណោយសម្តេចកិត្តិព្រឹទ្ធបណ្ឌិតជូនកងកម្លាំងតាមខ្សែព្រំដែន

ព័ត៌មានជាតិ៧ ម៉ោង មុន

ក្រសួងការបរទេស ដឹងគុណ និងអរគុណកងទ័ពខ្មែរដែលឈរជើងនៅសមរភូមិយ៉ាងអង់អាចក្លាហានការពារទឹកដី

Sokha Hotels

ព័ត៌មានពេញនិយម