លោក​ឧត្ដមសេនីយ៍​ត្រី សៀ ទីន បាន​បញ្ជាក់​ថា វិស័យ​កីឡា​នា​ពេល​បច្ចុប្បន្ន​នៅ​កម្ពុជា បាន​និង​កំពុង​មាន​ការ​រីកចម្រើន​ទាំង​បច្ចេកទេស ធនធានមនុស្ស​នៅ​តាម​មូលដ្ឋាន​ក្រុង-ស្រុក​ទៀត​ផង។ ការ​រៀបចំ​របស់​កងរាជអាវុធហត្ថ​ខេត្ត​សៀមរាប ឲ្យ​មាន​នូវ​ព្រឹត្តិការណ៍​នេះ​ឡើង ក្នុង​គោលបំណង​សុខភាព និង ផ្សារភ្ជាប់​ជាមួយ​មហាជន ព្រមទាំង​បំផុស​ដល់​កងកម្លាំង និង​គ្រប់​ស្រទាប​មហាជន សំខាន់​យុវជន​ចូលរួម​ហាត់ប្រាណ ដើម្បី​សុខភាព ធ្វើ​ឲ្យ​កាយសម្បទា​រឹងមាំ និង យុវជន​ចាកចេញ​ឆ្ងាយ​ពី​គ្រឿងញៀន​ទៀត​ផង។

លោក​មេបញ្ជាការ បញ្ជាក់​ទៀត​ថា ព្រឹត្តិការណ៍​នេះ ជា​ផ្នែក​មួយ​ដើម្បី​ជំរុញ និង​លើក​កម្ពស់​វិស័យ​ទេសចរណ៍​នៅ​ក្នុង​ខេត្ត​សៀមរាប។ ការ​រត់​ប្រណាំង​នេះ ទទួល​បាន​បទ​ពិសោធ​មួយ​ចំនួន ដើម្បី​បន្ត​ធ្វើការ​ហ្វឹកហាត់​កងកម្លាំង​ក្នុង​ការ​ចូល​ព្រឹត្តិការណ៍​ម៉ារ៉ាតុន ដែល​តែង​បាន​រៀបចំ​នៅ​ក្រុង​អង្គរ។

លោក​មេបញ្ជាការ ក៏បាន​លើក​នូវ​កម្មវិធី​រត់​កម្សាន្ត​នេះ នៅ​ឆ្នាំ ២០២៦ អាវុធហត្ថ​ខេត្ត បាន​កំណត់​ក្នុង​ខែ ជួបជុំគ្នា​រត់​កម្សាន្ត នៅ​ពាក់​កណ្តាល​ខែ​នីមួយៗ និង សូម​ឲ្យ​ថ្នាក់ដឹកនាំ មន្ត្រីរាជការ កង​កម្លាំង និង ប្រជាពលរដ្ឋ យុវជន សិស្សានុសិស្ស អញ្ជើញ​ចូលរួម។

លោក​ក៏បាន​ថ្លែងអំណរគុណ​ដល់​សប្បុរសជន​ដែល​ឧបត្ថម្ភ​គាំទ្រ​កម្មវិធី​រត់​កម្សាន្ត​នៅ​លើ​ទឹកដី​ទេសចរណ៍​វប្បធម៌​ប្រវត្តិសាស្ត្រ​ធម្មជាតិ​នេះ​ផង​ដែរ៕

អត្ថបទ ៖ គឿនវេត

The post កីឡា ជាផ្នែកមួយដ៏សំខាន់សម្រាប់មនុស្សគ្រប់រូប appeared first on Kampuchea Thmey Daily.

កាប្រកួតបណ្តើមពានរង្វាន់មន្ទីរអប់រំយុវជន និងកីឡាខេត្តប្រចាំឆ្នាំ២០២៥ នេះ ធ្វើឡើងនៅថ្ងៃទី១៩ខែមីនា ឆ្នាំ២០២៥ ស្ថិតនៅទីលានបាល់ទាត់វិទ្យាល័យហ៊ុនសែនមណ្ឌលគិរី ក្រុងសែនមនោរម្យខេត្តមណ្ឌលគិរី។ នេះបើតាមការឲ្យដឹងពី លោក លី សាមិ ប្រធានមន្ទីរអប់រំយុវជននិងកីឡាខេត្តមណ្ឌលគិរី។

លោក លី សាមិ បានប្រាប់ «កម្ពុជាថ្មី» ថា ការប្រកួតកីឡាជម្រើសជើងឯកក្នុងឆ្នាំ២០២៥នេះ បែងចែកជាពីរវគ្គ។ វគ្គទីមួយសម្រាប់សិស្សបឋម ពីថ្ងៃទី១២ ដល់ថ្ងៃទី១៧ ខែមីនា មានវិញ្ញាសាដូចជា បាល់ទាត់បុរសនារីបាល់ទះបុរសនារី អត្តពលកម្ម បុរសនារី និងកីឡា បោះប៊ូល និងប៉េតង់។វគ្គទីពីរ សម្រាប់សិស្សមធ្យមសិក្សាចាប់ផ្តើមពីថ្ងៃទី១៩ ដល់ទី២៥ ខែមីនាឆ្នាំ២០២៥ ក៏មានវិញ្ញាសាដូចគ្នានឹងបឋមដែររួមមាន បាល់ទាត់បុរសនារី បាល់ទះបុរសនារី អត្តពលកម្ម បុរសនារី និងកីឡា បោះប៊ូលនិងប៉េតង់ផងដែរ។ លោកបន្តថា ការប្រកួតកីឡានេះដើម្បីពង្រឹងចំណងមិត្តភាព រវាងស្រុក និងស្រុក នឹងថ្នាក់ក្រុង ព្រោះតាមពាក្យស្លោក «កីឡារស់នៅក្នុងសន្តិភាព»ដូច្នេះក្នុងនាមមន្ទីរ តែងតែធ្វើឡើងជារៀងរាល់ឆ្នាំផងដែ។

ចំពោះការប្រកួតកីឡាជ្រើសរើសជើងឯកថ្នាក់ខេត្តប្រចាំឆ្នាំនេះ២០២៤-២០២៥នេះ ដើម្បីចូលរួមប្រកួតថ្នាក់ជាតិ នៅខែឧសភាខាងមុខនៅរាជធានីភ្នំពេញ។ លោកបញ្ជាក់ថា ការជ្រើសរើសជើងឯកប្រចាំខេត្តនេះតាមបណ្ដាក្រុងស្រុកទាំង៥រួមមាន វិទ្យាល័យកោះញែក វិទ្យាល័យពេជ្រាដា វិទ្យាល័យកែវសីមា វិទ្យាល័យអូររាំង និងវិទ្យាល័យក្រុងសែនមនោរម្យ ហើយនៅក្នុងនោះអ្នកដែលទទួលជ័យលាភីលេខ១ ជើងឯកថ្នាក់ខេត្តនឹងទទួលបានពានរង្វាន់ពីមន្ទីរអប់រំយុវជន និងកីឡាខេត្តមណ្ឌលគិរី៕

អត្ថបទ៖រៀម សុខហេង

The post មន្ទីរអប់រំ ខេត្តមណ្ឌលគិរី រៀបចំការប្រកួតកីឡាចម្រុះដណ្តើមពានរង្វាន់នៅក្រុងសែនមនោរម្យ appeared first on Kampuchea Thmey Daily.

តាមសំណេរលើបណ្ដាញសង្គម ភ្ជាប់ដោយរូបថតលេងកីឡាចម្រុះ តាំងពីទសវត្សឆ្នាំ១៩៨០ រហូតដល់បច្ចុប្បន្ន សម្ដេចនៅតែបន្តជ្រើសរើសកីឡា ជាការហាត់ប្រាណដើម្បីសុខភាព។ សម្ដេចតេជោ បានសរសេរដូច្នេះថា៖ «ផលប្រយោជន៍ពីការហាត់ប្រាណតាមតាមរយៈកីឡា។ ខ្ញុំហាត់ប្រាណទៀងទាត់តាំងពីវ័យជំទង់រហូតមកដល់ពេលនេះ»។

សម្ដេចតេជោ បានបង្ហាញពីប្រភេទកីឡាដែលសម្ដេចតែងលេង គឺមាន៤ប្រភេទ គឺបាល់ទះ បាល់ទាត់ បោះប៊ួល និងចុងក្រោយគឺការវាយកូនគោល។ ខណៈអុំទូក ជាកីឡាលេងតាមរដូវកាល និង អុក ដែលសម្ដេចតែងលេងដែរនោះ សម្ដេច ថា បានធ្វើឱ្យឈឺចង្កេះ ដោយសារសម្ដេចអង្គុយលេងយូរពេក។

សម្ដេចតេជោ ហ៊ុន ម៉ាណែត បន្ថែមថា «ការហាត់ប្រាណតាមរយៈកីឡាក្តី ឬតាមរយៈការធ្វើចលនាដូចជា ដើរ រត់ហែលទឹក លើកដុំដែក ឬធ្វើពលកម្ម ជាដើម ដើម្បីឱ្យបែកញើស សុទ្ធតែមានប្រយោជន៍ដល់សុខភាពទាំងអស់»។

សម្ដេចតេជោ បញ្ជាក់ថា បើមិនទម្លាប់ហាត់ប្រាណទេ ប្រហែលជាសុខភាពរបស់សម្ដេចមិនល្អដូចពេលនេះទេ ព្រោះតែដោយសារធ្លាប់ត្រូវរបួស៥លើក និងវះកាត់ធំចំនួន៣លើក ក្នុងកំលុងឆ្នាំ១៩៩៥ ២០១៧ និង២០១៩ ដែលធ្វើឱ្យសម្ដេចអស់ឈាមច្រើន និងត្រូវថ្នាំសណ្តំច្រើន ពិសេសឆ្នាំ២០១៧ ពេទ្យប្រើពេលវះកាត់ឆ្អឹងចង្កេះ ដោយត្រូវប្រើពេល ៥ម៉ោងនិង២០នាទី។

«ការស្តាសុខភាពឡើងវិញក្រោយវះកាត់ត្រូវធ្វើតាមការណែនាំរបស់គ្រូពេទ្យដែលក្នុងនោះពេទ្យណែនាំសំខាន់ឲ្យហាត់ប្រាណនេះឯង»។ នេះជាសំណេរបញ្ជាក់បន្ថែមរបស់សម្ដេចតេជោ ហើយបានភ្ជាប់នូវរូបថតជាច្រើនសន្លឹកទាត់បាល់និងបាល់ទះនាទសវត្សន៍១៩៨០និងក្រោយមកទៀត ព្រមទាំងរូបថតវាយកូនគោលដំបូងនាឆ្នាំ២០០០និងពេលបច្ចុប្បន្នដើម្បីធ្វើការប្រៀបធៀប៕

The post សម្ដេច ហ៊ុន សែន ចែករំលែកអត្ថប្រយោជន៍ពីការហាត់ប្រាណ នាំឱ្យសុខភាពមាំមួន appeared first on Kampuchea Thmey Daily.

នារសៀលថ្ងៃទី១៩ ខែកុម្ភៈ ឆ្នាំ២០២៥ បណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានទទួលជួបសម្ដែងការគួរសម និងពិភាក្សាការងារជាមួយ លោកស្រី Milena Caridad Zaldivar Piedra ឯកអគ្គរដ្ឋទូតនៃសាធារណរដ្ឋគុយបា ប្រចាំកម្ពុជា នៅទីស្តីការក្រសួង។ ក្នុងជំនួបនេះ លោកស្រី ឯកអគ្គរដ្ឋទូត បានពិភាក្សាពីកិច្ចសហការរវាងកម្ពុជា និងគុយបា ជាពិសេស លើវិស័យអប់រំកាយ និងកីឡា ដែលប្រទេសទាំងពីរបានសហការគ្នាជាច្រើនឆ្នាំមកហើយ។

បើតាមក្រសួងអប់រំ លោកស្រី ឯកអគ្គរដ្ឋទូត បានលើកឡើងពី៖ “ការសហការនិងគាំទ្រពីនាយកប្រតិបត្តិនៃ វិទ្យាស្ថាន INDER លើការអប់រំកាយ និងបន្តកិច្ចសហប្រតិបត្តិការលើការផ្លាស់ប្តូរវប្បធម៌ និងចែករំលែកបទពិសោធនានាចំពោះវិស័យអប់រំកាយ និងកីឡា ដូចជាកីឡាបាល់ទះ កីឡាប្រដាល់ និងកីឡាផ្សេងទៀត ដែលមានគ្រូបង្វឹក និងអ្នកជំនាញពីប្រទេសគុយបាមកជួយគាំទ្រ និងជួយបង្វឹកបណ្តុះបណ្តាលកីឡាករកម្ពុជា ដើម្បីទទួលបានសមត្ថភាពគ្រប់គ្រាន់ក្នុងការប្រកួតប្រជែងកម្រិតជាតិ និងអន្តរជាតិ”។ បន្ថែមពីនេះ លោកស្រីក៏បានលើកឡើងពីការផ្តល់អាហារូបករណ៍ផ្នែកឱសថ សម្រាប់ឆ្នាំ២០២៥-២០២៦ មកកាន់កម្ពុជាផងដែរ។

ជាការឆ្លើយតប បណ្ឌិតសភាចារ្យ ហង់ជួន ណារ៉ុន បានលើកឡើងថា តាមរយៈការកាំទ្រពីប្រទេសគុយបាលើវិស័យអប់រំកាយ និងកីឡាកន្លងមក បានចូលរួមចំណែកយ៉ាងសំខាន់ក្នុងការអភិវឌ្ឍវិស័យកីឡានៅកម្ពុជា ជាពិសេសកីឡាបាល់ទះ។ លោកបណ្ឌិត បានថ្លែងអំណរគុណចំពោះអាហារូបករណ៍ និងកិច្ចសហប្រតិបត្តិការអប់រំកាយ និងកីឡាជាមួយវិទ្យាស្ថានផ្សេងៗ របស់ប្រទេសគុយបា ដែលទាំងអស់នេះមិនត្រឹមតែជួយអភិវឌ្ឍធនធានមនុស្សកម្ពុជាប៉ុណ្ណោះទេ ថែមទាំងបានពង្រឹងទំនាក់ទំនងរវាងប្រទេសទាំងពីរឱ្យកាន់តែស្និទ្ធស្នាលថែមមួយកម្រិតទៀត។

បណ្ឌិសភាចារ្យ ក៏បានគាំទ្រនូវគំនិតផ្តួចផ្តើមរបស់ប្រទេសគុយបា ក្នុងការសហការលើកីឡាបេស្បល និងកីឡាផ្សេងទៀត ដោយនឹងមានកិច្ចប្រជុំពិភាក្សា ដើម្បីវាយតម្លៃ និងសម្រេចលើចក្ខុវិស័យនេះផងដែរ។ តាមរយៈកិច្ចសហប្រតិបត្តការកន្លងមក ឧបនាយករដ្ឋមន្ត្រី រដ្ឋមន្ត្រីក្រសួងអប់រំសង្ឃឹមថា ប្រទេសទាំងពីរ នឹងបន្ត ពង្រឹង និងពង្រីកសហប្រតិបត្តិការបន្ថែមទៀត ព្រមតាំងស្វែងរកកិច្ចសហប្រតិបត្តិការថ្មីៗសម្រាប់ការរីកចម្រើន និងការចែករំលែកបទពិសោធរវាងប្រទេសទាំងពីរ៕

The post គុយបា នឹងគាំទ្របន្ថែមលើវិស័យអប់រំកាយ និងកីឡា ដើម្បីឱ្យកម្ពុជាមានសមត្ថភាពគ្រប់គ្រាន់ប្រកួតថ្នាក់ជាតិ និងអន្តរជាតិ appeared first on Kampuchea Thmey Daily.

លោកថា ​ព្រឹត្តិការណ៍កីឡារត់ប្រណាំងឆ្លងកាត់ឧបសគ្គ (Raid Amazones) ជាកីឡាដ៏មានប្រជាប្រិយភាពមួយរបស់ពិភពលោក ដែលបានរៀបចំឡើងចាប់តាំងពីឆ្នាំ២០០១ ក្នុងគោលដៅដើម្បីពង្រឹងសិទ្ធិអំណាចរបស់ស្ត្រី ក្នុងវិស័យកីឡា ដោយបានសង្កត់ធ្ងន់យ៉ាងខ្ជាប់ខ្ជួននូវភាពក្លាហាន ក្នុងការតស៊ូអត់ធ្មត់របស់អត្តពលិកនារី។

សម្រាប់ឆ្នាំ២០២៤ នេះ គឺជាលើកទី៤ នៃព្រឹត្តិការណ៍កីឡារត់ប្រណាំងឆ្លងកាត់ឧបសគ្គ (Raid Amzones) ហើយក៏ជាកិត្តិយសរបស់ព្រះរាជាណាចក្រកម្ពុជា ជាពិសេសខេត្តសៀមរាប ដែលបានទទួលធ្វើជាម្ចាស់ផ្ទះ ក្នុងការរៀបចំព្រឹត្តិការណ៍ខាងលើ ដែលមានរយៈពេល ៥ថ្ងៃ គឺចាប់ពីថ្ងៃទី១៥-២០ ខែមីនា ឆ្នាំ២០២៤ ដោយមានការចូលរួម ពីកីឡារនីអន្តរជាតិ ២៧៦នាក់។

លោក យុន លីនណេ បានបញ្ជាក់ថា ព្រឹត្តិការណ៍នេះ គឺជាសកម្មភាពប្រកួតប្រជែងមួយតាមរយៈពាក្យស្លោកថា (ការរត់ឆ្លងកាត់ឧបសគ្គ) ដែលមានគោលដៅសំខាន់ ដើម្បីបង្ហាញពីភាពអំណត់អត់ធ្មត់ ការខិតខំប្រឹងប្រែង និងឆន្ទៈដ៏អស្ចារ្យរបស់ស្ត្រី។ ការប្រកួតកីឡានេះ ក៏ជាសកម្មភាពដែលបានផ្សព្វផ្សាយ លើកកម្ពស់ និងគាំទ្រស្ត្រី ឱ្យពួកគាត់កាន់តែរឹងមាំ និងហ៊ានបញ្ចេញពីសមត្ថភាព ភាពក្លាហានដែលខ្លួនមានដូចជាបុរស។

មិនតែប៉ុណ្ណោះ ព្រឹត្តិការណ៍ដ៏អស្ចារ្យនេះ ក៏បានលើកស្ទួយ និងឆ្លុះបញ្ចាំងពីវប្បធម៌ អរិយធម៌ ប្រវត្តិសាស្ត្រ និងប្រពៃណីរបស់ព្រះរាជាណាចក្រកម្ពុជា តាមរយៈសកម្មភាពប្រកួតប្រជែងលើវិញ្ញាសាមួយចំនួនដូចជា ការសិក្សាស្រាវជ្រាវមុននឹងចូលរួមប្រកួត ការអនុវត្តផ្ទាល់លើវិញ្ញាសាផ្សេងៗ ដំណើរស្វែងរកការពិតពីប្រវត្តិសាស្រ្តដែលបុព្វបុរសខ្មែរបានបន្សល់ទុកដល់សព្វថ្ងៃ និងសកម្មភាពសប្បុរសធម៌នានា។

លោកអភិបាលរងខេត្ត បានបន្ថែមទៀតថា ព្រឹត្តិការណ៍កីឡាដ៏អស្ចារ្យនេះ បានជួយផ្សព្វផ្សាយពីរូបភាពដ៏ស្រស់ត្រកាលនៃ ព្រះរាជាណាចក្រកម្ពុជា ជាពិសេស ខេត្តសៀមរាប ដែលមានភាពល្បីល្បាញនៃប្រាង្គប្រាសាទដ៏មហិមា ដែលសម្បូរទៅដោយសម្បត្តិវប្បធម៌ដ៏រុងរឿងជាច្រើនទៀតផង។ ស្ថិតក្នុងឱកាសដ៏ថ្លៃថ្លា នៃព្រឹត្តិការណ៍កីឡារត់ប្រណាំងឆ្លងកាត់ឧបសគ្គ (Raid Amazones)នេះ កីឡា និងការផ្សងព្រេងឆ្លងផុតព្រំដែនយេនឌ័រ ជាការបោះជំហានឆ្ពោះទៅរកការអភិវឌ្ឍផ្ទាល់ខ្លួន និងការស្វែងរកខ្លួនឯង។

ជាមួយគ្នានេះ លោក Debanne ប្រធានក្រុមហ៊ុនZBO ក៏បានលើកឡើងពីគោលបំណងនៃកីឡារត់ប្រណាំង (Raid Amazones)នេះថា ជាការលើកកម្ពស់សិទ្ធិអំណាចរបស់ស្ត្រី ហើយតាមរយៈកីឡា Raid Amazones និងផ្តល់ឱ្យស្ត្រីពីមជ្ឈដ្ឋានចម្រុះនូវឱកាសមួយ ដើម្បីជម្រុញដែនកំណត់របស់ពួកគេនៅក្នុងទីតាំងកម្រ និងអសកម្មនៅទូទាំងពិភពលោក៕

អត្ថបទ៖ គឿន វេត

The post អភិបាលរងខេត្តសៀមរាប៖ កីឡារត់ប្រណាំងឆ្លងកាត់ឧបសគ្គ បង្ហាញពីឆន្ទៈដ៏អស្ចារ្យរបស់ស្ត្រី appeared first on Kampuchea Thmey Daily.

លោក លី ម៉េងសាន ប្រធានមន្ទីរ អប់រំ យុវជន និងកីឡា ខេត្តកំពង់ចាម បានឲ្យដឹងថា ឆ្នាំនេះមានកីឡាចំនួន ៦ប្រភេទដែលបានដាក់ពាក្យប្រកួតកីឡាមហាជន ជ្រេីសរេីសដណ្តេីមពានរង្វាន់ជេីងឯកទូទាំងខេត្តកំពង់ចាម និងដេីម្បីអបអរសាទរទិវាថ្ងៃជ័យជំនះ ៧មករា។ លោកបញ្ជាក់ទៀត កីឡាទាំង៦ប្រភេទនោះមានដូចជា កីឡាបាល់ទាត់បុរស-នារី បាល់ទះបុរស-នារី វាយសី វាយកូនឃ្លី បាល់បោះ និងបេតង់ ដែលសរុបក្រុមទាំងអស់មាន ១៤១ក្រុម និងមានកីឡាករកីឡាការីសរុប ១១៦៤នាក់ ដែលត្រូវចូលរួមប្រកួតចាប់ថ្ងៃទី៤ ខែមករា ឆ្នាំ២០២៤ តទៅ។

ថ្លែងក្នុងពិធីបេីកការប្រកួតកីឡាមហាជនថ្នាក់ខេត្តនេះ លោក អ៊ុន ចាន់ដា អភិបាលខេត្តកំពង់ចាម បានលេីកឡេីងថា កីឡារស់នៅក្រោមសន្តិភាព ដូច្នេះ នេះជាការរំលឹក និងអបអរសាទរថ្ងៃ៧មករា ដែលជាថ្ងៃកំណើតទី២ ជាថ្ងៃដែលផ្តល់កំណើតឱ្យពួកយេីងមានថ្ងៃនេះ មានអ្វីៗដូចសព្វថ្ងៃ ហេីយជាការដឹងគុណស្ថានិបឯក សម្តេចតេជោ ដែលបានរំដោះប្រជាជនកម្ពុជាចេញពីរបបប្រល័យពូជសាសន៍ ដែលមានរយៈពេល ៣ឆ្នាំ ៨ខែ ២០ថ្ងៃ ព្រមទាំងបានសម្លាប់ជាតិសាសន៍ឯង យ៉ាងរង្គាលព្រៃផ្សៃបំផុត មិនធ្លាប់មានក្នុងប្រវត្តិសាស្រ្តពិភពលោក។

ទន្ទឹមនឹងនេះដែរ លោកបន្តថា បេីគ្មានថ្ងៃ៧មករា ពលរដ្ឋខ្មែរមិនអាចជួបជុំសប្បាយរីករាយដូចពេលនេះឡេីយ ហេីយពួកគេបានប្តេជ្ញាចិត្តបន្តរួមគ្នាថែរក្សាសុខសន្តិភាពដែលមានបច្ចប្បន្នរហូតដល់ថ្ងៃអនាគត ដេីម្បីឲ្យមានការអភិវឌ្ឍ រីកចម្រេីនជឿនលឿនជាបន្តបន្ទាប់ទៀត៕

អត្ថបទ៖ ឡេក ចាន់ពេជ្រ

The post កីឡា ៦ប្រភេទ យកទៅប្រកួតដណ្តេីមពានរង្វាន់ ដេីម្បីអបអរសាទរថ្ងៃ៧មករា នៅខេត្តកំពង់ចាម appeared first on Kampuchea Thmey Daily.

លោកឧត្តមសេនីយ៍ឯក Amnuay Nimmano អ្នកនាំពាក្យសមាគមកីឡាបាល់ទាត់ថៃ បានលាតត្រដាងករណី ដែលព័ត៌មានបានលេចចេញក្នុងប្រព័ន្ធផ្សព្វផ្សាយធំៗ ដោយមានខ្លឹមសារស្រដៀងនឹង ប្រធានលោក Somyot ត្រៀមលាលែងពីតំណែងប្រធានសមាគមកីឡាបាល់ទាត់តាមបញ្ជារបស់ឧត្តមសេនីយ៍ Prawit Wongsuwan ឧបនាយករដ្ឋមន្ត្រី និងជាប្រធានគណៈកម្មាធិការអូឡាំពិកថៃ។

ថ្មីៗនេះ សហព័ន្ធបាល់ទាត់អន្តរជាតិ ឬ FIFA និងសហព័ន្ធបាល់ទាត់អាស៊ី ឬ AFC បានផ្ញើលិខិតទៅសមាគម​បាល់ទាត់ថៃ។ ក្នុងនាមជាប្រទេសសមាជិក រួមជាមួយនឹងការជូនដំណឹងថា យោងតាមមាត្រា 14.1 (i) និង​សហព័ន្ធបាល់ទាត់អាស៊ី មាត្រា 10.1 (t) និង 15.4 សមាជិកត្រូវដំណើរការដោយឯករាជ្យ។ គ្មានការជ្រៀត​ជ្រែកផ្នែកនយោបាយ ឬភាគីទីបី។ ដោយភ្នាក់ងារទាំងពីរស្នើសុំសមាគមបាល់ទាត់ថៃ ឆ្លើយតបបញ្ជាក់ចំពោះ​ហេតុការណ៍នេះឲ្យបានមុនថ្ងៃទី០៦ ខែកក្កដា ឆ្នាំ២០២៣។

សមាគមបាល់ទាត់ថៃ ក៏បានធ្វើលិខិតបំភ្លឺទៅ FIFA និង AFC រួចហើយ ដោយបញ្ជាក់ថា លោក ឧត្តមសេនីយ៍បណ្ឌិត Somyot នៅតែកាន់តំណែងជាប្រធានសមាគមដោយមិនមានការផ្លាស់​ប្តូរអ្វីឡើយនៅក្នុងសមាគមកីឡាបាល់​ទាត់នៃប្រទេស​ថៃ ទន្ទឹមនឹងនេះ សេចក្តីជូនដំណឹងក៏ត្រូវបានផ្ញើទៅអាជ្ញាធរកីឡានៃប្រទេសថៃ ដោយភ្ជាប់ជាមួយ​នឹងបទប្បញ្ញត្តិរបស់ FIFA និង AFC ដែលអនុលោមតាម​បទប្បញ្ញត្តិគ្រប់គ្រងរបស់សមាគមកីឡាបាល់ទាត់ថៃ មាត្រា 5. អព្យាក្រឹតភាព និងឯករាជ្យភាពរបស់អង្គការ។ មាត្រា 5.3 សមាគមត្រូវតែឯករាជ្យ និងគ្មានការជ្រៀតជ្រែក​ផ្នែក​នយោបាយ ឬអ្នកខាងក្រៅ បទប្បញ្ញត្តិនេះត្រូវបានចុះបញ្ជីរួចហើយជាមួយអាជ្ញាធរកីឡានៃប្រទេសថៃ។ ចាប់ពី​ថ្ងៃទី១៥ ខែកញ្ញា ឆ្នាំ២០២២ ដើម្បីដឹងផងដែរ៕

ប្រែសម្រួល៖ មន្នីរ័ត្ន

ប្រភព៖ siamsport.co.th

The post FIFA និង AFC សាកសួរពីឯករាជ្យភាពការងារ សមាគមកីឡាបាល់ទាត់ថៃ appeared first on Kampuchea Thmey Daily.

ក្រោយពីការប្រកួតដ៏ស្វិតស្វាញអស់ជាច្រើនម៉ោងរួចមក ជាលទ្ធផលគឺ កីឡាការិនីមកពីប្រទេសវៀតណាម ទទួលជ័យលាភី មេដាយមាស , កីឡាការិនីមកពីប្រទេសថៃ ទទួលជ័យលាភី មេដាយប្រាក់ និងកីឡាការិនីមក​ពីប្រទេស​ម៉ាឡេស៊ីទទួលជ័យលាភី មេដាយសំរិទ្ធ ។

សូមបញ្ជាក់ថា ការប្រកួតកីឡាស៊ីហ្គេមលើវិញ្ញាកង់គួកនេះ ធ្វើឡើងមានរយ:ពេលបីថ្ងៃចាប់ពីថ្ងៃទី១១ ដល់ថ្ងៃទី១៣ ខែឧសភា ឆ្នាំ២០២៣ ដោយនៅថ្ងៃប្រកួតទីបី គឺជាថ្ងៃបញ្ចប់ការប្រកួតប្រភេទកីឡាទោចក្រយាន និងប្រភេទកីឡា​អត្តពលកម្ម នៃព្រឹត្តិការណ៍ស៊ីហ្គេមលើកទី៣២ នៅខេត្តសៀមរាប ចាប់ពីថ្ងៃទី៦ ដល់ថ្ងៃទី១៣ ខែឧសភា ឆ្នាំ២០២៣ ដែលបានប្រព្រឹត្តឡើងនៅតំបន់ឧទ្យានប្រាសាទអង្គរវត្ត ប្រាសាទបាយ័ន តំបន់វង់ធំ និងនៅតំបន់ឧទ្យាជាតិភ្នំគូលែន ក្នុងស្រុកបន្ទាយស្រី ក្នុងអំឡុងពេលកម្ពុជាធ្វើជាម្ចាស់ផ្ទះ៕

អត្ថបទ៖ គឿន វេត

The post កីឡាការិនីវៀតណាម ទទួលបានមេដាយមាស លើវិញ្ញាសាកង់គួកផ្នែកនារី ចម្ងាយជាង១០០គីឡូម៉ែត្រ appeared first on Kampuchea Thmey Daily.