ដោយអនុវត្តតាមបទបញ្ជាលោកនាយឧត្តមសេនីយ៍ ស ថេត អគ្គស្នងការនគរបាលជាតិ លោកឧត្តមសេនីយ៍សេនីយ៍ទោ ម៉ែន លី ស្នងការ នៃស្នងការដ្ឋាននគរបាលខេត្តតាកែវ នឹងដើម្បីពង្រឹងសុវត្ថិភាពចរាចរណ៍ និងកាត់បន្ថយហានិភ័យនៃគ្រោះថ្នាក់នៅលើដងផ្លូវសាធារណៈ កម្លាំងជំនាញចរាចរណ៍ នៃស្នងការដ្ឋាននគរបាលខេត្តតាកែវ បានបន្តអនុវត្តវិធានការត្រួតពិនិត្យយ៉ាងម៉ឺងម៉ាត់ចំពោះយានយន្តដែលកែឆ្នៃខុសលក្ខណៈបច្ចេកទេស និងយានយន្តដែលមិនគោរពតាមបទប្បញ្ញត្តិចរាចរណ៍ផ្លូវគោក នៅថ្ងៃទី១២ ខែមិថុនា ឆ្នាំ២០២៦ កម្លាំង នគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តតាកែវ បានចុះដាក់គោលដៅត្រួតពិនិត្យនៅលើផ្លូវជាតិលេខ២ ស្ថិតក្នុងភូមិសាស្ត្រ ក្រុងដូនកែវ ខេត្តតាកែវ។

លោកវរសេនីយ៍ឯក មឿង សារុន នាយការិយាល័យចរាចរណ៍ផ្លូវគោក បានឱ្យដឹងថា ការចុះដាក់ត្រួតពិនិត្យ យានយន្តខុសបច្ចេកទេសនេះក្នុងគោលបំណងទប់ស្កាត់ និងកាត់បន្ថយការប្រើប្រាស់យានយន្តកែឆ្នៃខុសលក្ខណៈបច្ចេកទេស ដែលអាចបង្កគ្រោះថ្នាក់ដល់អ្នកបើកបរ អ្នករួមដំណើរ និងអ្នកប្រើប្រាស់ផ្លូវផ្សេងទៀត។ហើយចំពោះរថយន្តដែរបំពាក់ភ្លើងខុសលក្ខណ បច្ចេកទេសនិងគ្មានបណ្ណបើកបរ លោកបានណែនាំអោយម្ចាស់រថយន្តត្រូវដោះភ្លើងចេញ រថយន្តមានតកន្ទុយក្រោយត្រូវអោយម្ចាស់រថយន្តដោះចេញ ។

ជាក់ស្តែង យានយន្តមួយចំនួនត្រូវបានកែប្រែទំហំតួរថយន្ត បន្ថែមទ្រុងដែក ប្តូរប្រព័ន្ធបច្ចេកទេស ឬដឹកជញ្ជូនលើសទម្ងន់កំណត់ ដែលជាកត្តាបង្កឱ្យបាត់បង់លំនឹងពេលបើកបរ ងាយក្រឡាប់ ឬបង្កគ្រោះថ្នាក់ធ្ងន់ធ្ងរនៅលើដងផ្លូវ។ លើសពីនេះ ការកែឆ្នៃខុសបច្ចេកទេសក៏អាចប៉ះពាល់ដល់ហេដ្ឋារចនាសម្ព័ន្ធផ្លូវ និងបង្កការរំខានដល់សណ្តាប់ធ្នាប់សាធារណៈផងដែរ។

មន្ត្រីនគរបាលចរាចរណ៍ បានអំពាវនាវដល់ម្ចាស់យានយន្ត និងអ្នកបើកបរទាំងអស់ ត្រូវគោរពតាមច្បាប់ចរាចរណ៍ផ្លូវគោក ធ្វើការត្រួតពិនិត្យលក្ខណៈបច្ចេកទេសយានយន្តជាប្រចាំ និងចៀសវាងការកែឆ្នៃដែលផ្ទុយពីបទដ្ឋានបច្ចេកទេសកំណត់ដោយច្បាប់៕

The post នគរបាលខេត្តតាកែវ បន្តរឹតបន្តឹងច្បាប់ចរាចរណ៍ និង ត្រួតពិនិត្យយានយន្តកែច្នៃខុសលក្ខណៈបច្ចេកទេស appeared first on Kampuchea Thmey Daily.

ចាប់ពីថ្ងៃទី២៦ ខែមីនា រហូតដល់ថ្ងៃទី០២ ខែមេសា ឆ្នាំ២០២៦ កម្លាំងជំនាញអាវុធហត្ថរាជធានីភ្នំពេញ សហការជាមួយកម្លាំងមូលដ្ឋានអាវុធហត្ថខណ្ឌបឹងកេងកង ខណ្ឌ៧មករា ខណ្ឌដូនពេញ ខណ្ឌទួលគោក បានធ្វើការឃាត់ម្ចាស់ រួមទាំង រថយន្ត ០៣គ្រឿង និងម៉ូតូ ១៣គ្រឿង ជាបន្តបន្ទាប់ ដែលបានកែច្នៃបំពង់ស៊ីម៊ាំងខុសលក្ខណៈបច្ចេកទេស បើកបរល្បឿនលឿនក្នុងទីប្រជុំជនល្មើសច្បាប់កំណត់ បង្កឲ្យមានការភ័យខ្លាច និងមានសម្លេងរំខានដល់ប្រជាពលរដ្ឋ បាត់បង់សណ្ដាប់ធ្នាប់សាធារណ:លើដងផ្លូវ នៅតាមទីតាំងនានាក្នុងភូមិសាស្ត្ររាជធានីភ្នំពេញ។

បន្ទាប់ពីបានព្រមាន និងអប់រំណែនាំរួច កម្លាំងអាវុធហត្ថរាជធានីភ្នំពេញ តាមបណ្តាខណ្ឌ បានឱ្យម្ចាស់រថយន្ត និងម៉ូតូ ធ្វើកិច្ចសន្យាបញ្ឈប់ការកែច្នៃបំពង់ស៊ីម៉ាំងម៉ូតូខុសលក្ខណៈបច្ចេកទេស បង្កការរំខានដល់សាធារណ:ជនតទៅទៀត ចំណែកម៉ូតូ និងរថយន្តបានដកហូតរក្សាទុកជាបណ្តោះអាសន្ននៅបញ្ជាការដ្ឋានកងរាជអាវុធហត្ថរាជធានីភ្នំពេញ៕

The post កម្លាំងអាវុធហត្ថរាជធានីភ្នំពេញ បន្តបង្ក្រាប ម៉ូតូ និង រថយន្ត កែច្នៃបំពង់ស៊ីម៊ាំងខុសលក្ខណៈបច្ចេកទេសយករក្សាទុកជាបណ្តោះអាសន្ន appeared first on Kampuchea Thmey Daily.

កាលពីថ្ងៃទី២៣ ខែមីនា ឆ្នាំ២០២៦ កម្លាំងជំនាញអាវុធហត្ថរាជធានីភ្នំពេញ សហការជាមួយកម្លាំងមូលដ្ឋានអាវុធហត្ថខណ្ឌដូនពេញ និងខណ្ឌច្បារអំពៅ បានបន្តធ្វើការឃាត់ម្ចាស់ រួមនិងម៉ូតូ ០៦គ្រឿង ដែលបានកែច្នៃបំពង់ស៊ីម៊ាំងខុសលក្ខណៈបច្ចេកទេស បើកបរល្បឿនលឿនក្នុងទីប្រជុំជនល្មើសច្បាប់កំណត់ បង្កឲ្យមានការភ័យខ្លាច និងមានសម្លេងរំខានដល់ប្រជាពលរដ្ឋ បាត់បង់សណ្ដាប់ធ្នាប់សាធារណ:លើដងផ្លូវ នៅចំណុចផ្លូវលេខ៧ សង្កាត់ចតុមុខ ខណ្ឌដូនពេញ និងតំបន់អភិវឌ្ឍកោះនរា ស្ថិតនៅភូមិកោះនរា សង្កាត់និរោធ ខណ្ឌច្បារអំពៅ រាជធានីភ្នំពេញ។ 

បន្ទាប់ពីបានព្រមាន និងអប់រំណែនាំរួច កម្លាំងអាវុធហត្ថរាជធានីភ្នំពេញ ក្នុងខណ្ឌទួលគោក និងខណ្ឌច្បារអំពៅ បានឱ្យម្ចាស់ម៉ូតូ ធ្វើកិច្ចសន្យាបញ្ឈប់ការកែច្នៃបំពង់ស៊ីម៉ាំងម៉ូតូខុសលក្ខណៈបច្ចេកទេស បង្កការរំខានដល់សាធារណ:ជនតទៅទៀត ចំណែកម៉ូតូទាំង ០៦គ្រឿង បានដកហូតរក្សាទុកជាបណ្តោះអាសន្ននៅមូលដ្ឋានអាវុធហត្ថខណ្ឌដូនពេញ និងខណ្ឌច្បារអំពៅ៕

The post កម្លាំងអាវុធហត្ថរាជធានីភ្នំពេញ បន្តបង្ក្រាបក្រុមកែច្នៃបំពង់ស៊ីម៊ាំងខុសលក្ខណៈបច្ចេកទេសបង្កសម្លេងរំខាន appeared first on Kampuchea Thmey Daily.

ជាក់ស្តែងនៅរសៀលថ្ងៃទី០១ ខែធ្នូ ឆ្នាំ២០២៥នេះ ក្រោយទទួលបានបទបញ្ជានឹងការណែនាំពី លោកឧត្តមសេនីយ៍ឯក​ជួន ណារិន្ទ​ អគ្គស្នងការងនឹងជាស្នងការនគបាលរាធានីភ្នំពេញ លើការងារបង្ក្រាបក្មេងទំនើងនឹង ស្រាវជ្រាវឃើញឃាត់មធ្យោបាយដែលកែច្នៃបំពង់ស៉ីម៉ាំងដែលបង្កសំលេងរំខាន ធ្វើអោយបាត់សណ្តាប់ធ្នាប់ លោកវរសេនីយ៍ឯក ស៉ឹម ពិសិដ្ឋ អធិការនគរបាលខណ្ឌទួលគោក បានចាត់កំលាំងផ្នែកជំនាញនឹងប៉ុស្តិ៍នគរបាលផ្សារដេប៉ូទី០១ ឃាត់រថយន្ត០១គ្រឿងម៉ាក ឡិចស៉ិស មានស្លាកលេខភ្នំពេញ 2CA-3635 ដែលកែច្នៃបំពង់ស៉ីម៉ាំងបង្កសំលេងលឺរំខាន ដល់បងប្អូនប្រជាពលរដ្ឋនោះ កម្លាំងបានអញ្ជើញម្ចាស់រួមជាមួយឡាន មកអធិការដ្នាន ដើម្បីអប់រំណែនាំអោយដោះចេញនឹងដាក់មកវិញនៅបំពង់ស៉ីមាំងដើមរបស់ឡាននឹង មអោយម្ចាស់រថយន្តខាងលើធ្វើកិច្ចសន្យាបញ្ឈប់ ការប្រើប្រាស់បំពង់ស៉ីមាំងកែច្នៃបន្តទៀត។

ក្នុងយុទ្ធនាការចុះឃាត់រថយន្តដែលប្រើប្រាស់ស៊ីម៉ាំងកែច្នៃនេះប្រជាពលរដ្ឋសាទរចំពោះចំណាត់ការ ដែលរថយន្តទាំងនេះបានបង្កការរំខានដល់ប្រជាពលរដ្ឋ អ្នកធ្វើដំណើរក៏ដូចជាប្រជាពលរដ្ឋនៅតាមដងផ្លូវផងដែរ។

គួរបញ្ជាក់ផងដែរយុទ្ធនាការនេះឯកឧត្តមអភិបាលរាជធានីភ្នំពេញក៏ដូចជាឯកឧត្តម អគ្គស្នងការរងនិងជាស្នងការនគរបាលរាជធានីភ្នំពេញតែងតែប្រជុំដាក់ផែនការដល់នគរបាលជំនាញនិងអធិការដ្ឋានទាំង១៤ខណ្ឌឲ្យបន្តយុទ្ធនាការនេះដើម្បីរក្សាបានស្ដាប់ធ្នាប់ល្អក្នុងរាជធានីភ្នំពេញ៕

អត្ថបទ៖ សុភា

The post រថយន្តបំពាក់ស៊ីម៉ាំងកែច្នៃរំពងសំឡេងរំខាន ត្រូវនគរបាលខណ្ឌទួលគោកឃាត់ឲ្យដោះចេញ appeared first on Kampuchea Thmey Daily.

ការ​ចុះណែនាំនេះ​ដែរ បាន​ធ្វើ​ឡើង​កាល​ពីវេលាម៉ោង ថ្ងៃទី០៤ ខែមិថុនា ឆ្នាំ២០២៥ នៅតាមយានដ្ឋានចំនួន០៤ទីតាំង នៅ​ក្រោយ​វត្តព្រះពុទ្ធ យាមបណ្តោយផ្លូវលេខ ៣៣៦ ក្នុងសង្កាត់វាលវង់ ខណ្ឌ៧មករា រាជធានីភ្នំពេញ។

លោកវរសេនីយ៍ទោ ជុន ប៊ុនណាន អធិការនគរបាលខណ្ឌ៧មករា បាន​ឱ្យ​ដឹង​ថា ដោយអនុវត្តន៍តាមបទបញ្ជា ឧត្តសេនីយ៍ឯក ជួន ណារិន្ទ ស្នងការរាជធានីភ្នំពេញ បាន​ឱ្យ​កម្លាំង​នគរបាលទូទាំង១៤ខណ្ឌ បន្តការយកចិត្តទុកដាក់​ឱ្យ​បាន​ខ្ពស់ ក្នុងការចុះណែនាំ ក៏ដូចជាត្រួតពិនិត្យតាមយានដ្ឋាន និង​តាម​តំបន់​លេងតុបតែង​ម៉ូតូ អំពី​បញ្ហា សុីម៉ាំងប្រែន ដែលបង្កការប៉ះពាល់ដល់ ការ​រស់​នៅ​របស់​ប្រជាពលរដ្ឋក្នុងមូលដ្ឋាន។

លោក បាន​បន្ត​ថា ក្នុង​នោះ កម្លាំង​ចុះ​ដល់​ទីតាំង​បងប្អូនអាជីវករប្រកបមុខរបរជួសជុល និងលក់ដូរស៊ីម៉ាំងគ្រប់ប្រភេទ​ឱ្យពួកគាត់ បញ្ឈប់​សកម្មភាព​ការ​កែច្នៃ​សុីម៉ាំងខុសលក្ខណៈបច្ចេកទេស បញ្ចេញ​សំឡេង​ឮ​ខ្លាំង​រំខាន​ដល់​អ្នកដទៃ។ ជា​មួយ​គ្នា​នោះ កម្លាំងល្បាតសហប៉ុស្តិ៍ ក៏ទើបតែឃាត់បានម៉ូតូមួយគ្រឿងម៉ាក ADV ពណ៌ខ្មៅ ដោយ​ឱ្យ ម្ចាស់​ដោះស៊ីម៉ាំងកែច្នៃ ហើយ​បំពាក់ ស៊ីម៉ាំង​ស៊ីន​ឡើង​វិញ និង​ធ្វើ​កិច្ចសន្យាអប់រំ​ប្រគល់ជូនម្ចាស់ដើមវិញ៕

អត្ថបទ ៖ រដ្ឋា

The post នគរបាលខណ្ឌ៧មករា ចុះ​ណែនាំ​បណ្ដា​ទីតាំង​យានដ្ឋាន កុំ​ឱ្យ​លក់​បំពង់​សុីម៉ាំង​ឮខ្លាំង រំខាន​ដល់​ពលរដ្ឋ appeared first on Kampuchea Thmey Daily.

សមត្ថកិច្ចបាន​ឱ្យ​ដឹង​ថា​ ម៉ូតូដែលឃាត់ទាំងនោះមានចំនួន១០គ្រឿង​ ទី១-ម៉ូតូ ម៉ាក Scoopy ស៊េរីឆ្នាំ២០២២ ពណ៌ខ្មៅ ពាក់ផ្លាកលេខ ភ្នំពេញ 1Kl-3215។ ទី២- ម៉ាក Honda CRF ពណ៌ ខ្មៅ ឆ្នាំ២០១៩ ពាក់ផ្លាកលេខ ភ្នំពេញ1 LQ 9238។ ទី៣-ម៉ូតូ ម៉ាក Yamaha Exciter ពណ៌ផ្កាឈូក ពាក់ផ្លាកលេខ ភ្នំពេញ 1HL-5091។ ទី៤-ម៉ូតូ ម៉ាក Excitor ពណ៌ សលាយខ្មៅ ឆ្នាំ២០១៦ (គ្មានផ្លាកលេខ)។ ទី៥-ម៉ូតូ ម៉ាក Honda vorio ពណ៌កាត់ស្តាំង ឆ្នាំ២០២៤ ពាក់ផ្លាកលេខ ភ្នំពេញ 1LH-8674។ ទី៦-ម៉ូតូ ម៉ាក សូនិច ពាក់ផ្លាកលេខ បន្ទាយមានជ័យ 1C-5557។ ទី៧-ម៉ូតូ ម៉ាក ហុងដា (SL) ពណ៌ក្រហមលាយខ្មៅ (គ្មានផ្លាកលេខ)។ ទី៨-ម៉ូតូ ម៉ាក Honda Wave ពណ៍ស ពាក់ផ្លាកលេខ ភ្នំពេញ 1CJ-6260។ ទី៩-ម៉ូតូ ម៉ាក YAMAHA MZLAS ពណ៍ ប្រផេះ ឆ្នាំ២០១៨ ពាក់ផ្លាកលេខ ភ្នំពេញ 1JG-9428 និងទី១០-ម៉ូតូ ម៉ាក Excitor ពណ៌ខ្មៅលាយស្វាយ ពាក់ផ្លាកលេខ ភ្នំពេញ 1KR-5873។

បច្ចុប្បន្ន​កម្លាំងអធិការដ្ឋាននគរបាលខណ្ឌកំបូល បានណែនាំ​អប់រំ និងធ្វេីកិច្ចសន្យា ដល់​អ្នក​បេីកបរ​ម៉ូតូ និងតម្រូវឱ្យម្ចាស់ម៉ូតូយកបំពង់ស៊ីម៉ាំង​ដើម​មក​ដោះដូរវិញ ទើប​ប្រគល់​ម៉ូតូ​ឱ្យ​ត្រឡប់​ទៅ​ផ្ទះវិញ៕

ដោយ ៖ សុខា

The post សមត្ថកិច្ចខណ្ឌកំបូល ឃាត់ម៉ូតូ​ដែល​ប្រេីប្រាស់​សុីម៉ាំង​បំពង​សំឡេង​កែច្នៃ​១០គ្រឿង appeared first on Kampuchea Thmey Daily.

ហេតុការណ៍នេះ បង្កឲ្យមានការភ្ញាក់​ផ្អើល​កាល​ពី​ម៉ោង​១០​យប់ ​ថ្ងៃ​ទី​២៩ ​ខែ​តុលា ​ឆ្នាំ​២០២៤ ​នៅ​តាម​បណ្ដោយ​ផ្លូវ​ បេតុង​ ជិត​បុរី​រំចេក​ ដែល​ស្ថិត​នៅ​សង្កាត់​កន្ទោក​ ខណ្ឌ​កំបូល រាជធានីភ្នំពេញ​។

​សមត្សមត្ថកិច្ចនគរបាលប៉ុស្តិ៍កន្ទោកបានឲ្យ​ដឹង​ថា​ មុន​ពេល​កើត​ហេតុ​​មាន​​ប្រជាពលរដ្ឋ​បាន​រាយការណ៍​ និង​ប្តឹង​សមត្ថកិច្ច​ថា​ មាន​ម៉ូតូ​មួយ​គ្រឿង​ជា​ម៉ូតូ​ធំ​ ម៉ាក YAMAHA MX KING​ ពណ៌​ខៀវ​ ពាក់​ស្លាក​លេខ ​សៀមរាប ​1AQ-6060 ​តែង​តែ​បើករោទ៍សំឡេងលឺខ្លាំងៗ រំខានដល់ប្រជាពលរដ្ឋ​ពេញ​ភូមិ​។ បន្ទាប់​មកនគរបាល​ប៉ុស្តិ៍​កន្ទោក​សហការ​ជាមួយ​នគរបាល​ខណ្ឌ​កំបូល​ បាន​ឃាត់​ម៉ូតូ​ខាង​លើ​ភ្លាមៗ​ តែ​ម្ចាស់​ម៉ូតូ​ស្រែក​ឡាំប៉ា​ដាក់​កម្លាំងនគរបាល​ថា​ ពួកគាត់​មិន​បាន​ជិះ​ទេ ​ម៉េច​បាន​ឃាត់​ម៉ូតូ​គាត់​ ហើយពួកគាត់​ថា​ មុន​នេះ​គាត់​កំពុង​ផឹក​ស៊ីនៅ​ជិត​កន្លែង​កើត​ហេតុ​ ហើយ​មិន​បាន​ជិះ​ម៉ូតូ​ទេ​គ្រាន់​តែ​បណ្តើរ​ប៉ណ្ណោះ​។

សមត្ថកិច្ច​​បាន​បញ្ជាក់​ប្រាប់​ទៀត​ថា​ កម្លាំងនឹងយក​ម៉ូតូទៅរក្សាទុកនៅ​ប៉ុស្តិ៍​បណ្តុះអាសន្នសិន ដេីម្បីឲ្យម្ចាស់​ម៉ូតូ​យក​បំពង់​ស៊ីម៉ាំង​ធម្មតា​មក​ប្តូរ​វិញ និងធ្វេីកិច្ចសន្យាអប់រំរួចប្រគល់ឲ្យម្ចាស់វិញ​។ តែ​មិត្តភក្ដិ​ម្ចាស់​ម៉ូតូ​មិន​ព្រម ​ខ្លាច​កម្លាំងសមត្ថកិច្ច​នគរបាល​ឃាត់​ម៉ូតូ​ខាង​លើ​កៀប​ស៊ី​ពួកគាត់​ ដោយ​នាំ​គ្នា​ឡូឡា​ពេញ​ដង​ផ្លូវ​ ​បណ្តាល​ឲ្យ​ផ្អើល​ដល់​ប្រជាពលរដ្ឋ​នៅ​ជិត​កន្លែង​កើត​ហេតុ​ចោមរោម​ពេញ​ដង​ផ្លូវ​ លុះ​មួយ​សន្ទុះ​ក្រោយ​មក​ទើប​ព្រមប្រគល់ម៉ូតូទឲ្យសមត្ថកិច្ច។

បន្ទាប់ពីកើតហេតុសមត្ថកិច្ចបានឲ្យពួក​គាត់​ប្តូរ​ដាក់ស៊ី​ម៉ាំង​ធម្មតា​វិញ និង​ណែនាំ​​អោយ​ត្រឡប់ទៅផ្ទះភ្លាមៗ​ ដោយ​មិន​ទាម​ទារ​ផាក​នោះ​ឡើយ៕

អត្ថបទ៖ សុខា

The post ប្រជាពលរដ្ឋផ្ទុះការតវ៉ា ពេលសមត្ថកិច្ចចុះឃាត់​ម៉ូតូ​បំពាក់​បំពង់​ស៊ីម៉ាំង​កែច្នៃ​ appeared first on Kampuchea Thmey Daily.

ការនាំខ្លួនយុវសិស្សទាំងពីរនាក់មកអប់រំនៃនាំនេះ បានធ្វើឡើងនៅពេលដែលកម្លាំងសមត្ថកិច្ចជិះល្បាតក្នុងមូលដ្ឋាន​ នៅចំណុចផ្លូវបេតុង៤២ស្ថិតនៅ ភូមិត្រពាំងពោធិ៍​ សង្កាត់ឪឡោក បានឃើញម៉ូតូចំនួន០១គ្រឿង បេីកបរដោយយុវសិស្សចំនួនពីរនាក់​ កំពុងធ្វើដំណើរតាមផ្លូវដោយមានបំពាក់ស៊ីម៉ាំងកែច្នៃសម្លេងឮខ្លាំង ភ្លាមៗនោះ សមត្ថកិច្ចបានធ្វើការឃាត់អ្នកបើកបរ និងអ្នករួមដំណើរ រួមទាំងម៉ូតូខាងលើ យកមកប៉ុស្តិ៍នគរបាលរដ្ឋបាលឪឡោកតែម្ដង។

ក្រោយពីអប់រំណែនាំ និងធ្វើកិច្ចសន្យាបញ្ឈប់បំពាក់បំពង់សុីម៉ាំងកែច្នៃ សមត្ថកិច្ចបានឱ្យដោះស៊ីម៉ាំងកែច្នៃចេញ និងយកបំពង់សុីម៉ាំងដើមមកបំពាក់វិញ។

គួរបញ្ជាក់ថា​ ក្រោយសមត្ថកិច្ចធ្វើការអប់រំណែនាំ និងធ្វើកិច្ចសន្យារួច​ សមត្ថកិច្ចបានហៅអាណាព្យាបាលមកធានា ដើម្បីត្រឡប់ទៅលំនៅដ្ឋានវិញផងដែរ។ ជាមួយគ្នានេះ​ សមត្ថកិច្ចក៏បានអំពាវនាវដល់ឪពុកម្តាយ ព្រមទាំងអាណាព្យាបាលទាំងអស់ ត្រូវខិតខំតាមដាន អប់រំ និងទូន្មានប្រៀនប្រដៅដល់កូនៗ ឱ្យដើរតាមគន្លងត្រឹមត្រូវចាកនូវអំពើអបាយមុខ ដើម្បីក្លាយជាពលរដ្ឋល្អសម្រាប់សង្គមជាតិ ព្រោះយុវជនទាំងអស់ គឺជាទំពាំងស្នងឫស្សីរបស់ប្រទេសជាតិ៕ឮ

​អត្ថបទ៖ សុខា

The post នគរបាលប៉ុស្ដិ៍រដ្ឋបាលឪឡោក នាំខ្លួនយុវសិស្ស២​នាក់​មកអប់រំ ករណីបំពាក់ស៊ីម៉ាំងកែច្នៃឮខ្លាំង appeared first on Kampuchea Thmey Daily.