សមត្ថកិច្ចខណ្ឌកំបូល ឃាត់ម៉ូតូ​ដែល​ប្រេីប្រាស់​សុីម៉ាំង​បំពង​សំឡេង​កែច្នៃ​១០គ្រឿង

ភ្នំពេញ ៖​ ដោយអនុវត្តតាមផែនការដឹកនាំរបស់ លោក ឧត្តមសេនីយ៍ ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នា​យប់​ថ្ងៃទី៣០ ខែឧសភា ឆ្នាំ២០២៥ អធិការដ្ឋាននគរបាលខណ្ឌកំបូល បាន​ធ្វេី​ការ​ឃាត់ម៉ូតូចំនួន ១០គ្រឿងករណី​ប្រេីប្រាស់សុីម៉ាំងបំពងសំឡេង នៅចំណុចផ្លូវជាតិលេខ៤ សង្កាត់កន្ទោក ខណ្ឌកំបូល រាជធានីភ្នំពេញ។

សមត្ថកិច្ចបាន​ឱ្យ​ដឹង​ថា​ ម៉ូតូដែលឃាត់ទាំងនោះមានចំនួន១០គ្រឿង​ ទី១-ម៉ូតូ ម៉ាក Scoopy ស៊េរីឆ្នាំ២០២២ ពណ៌ខ្មៅ ពាក់ផ្លាកលេខ ភ្នំពេញ 1Kl-3215។ ទី២- ម៉ាក Honda CRF ពណ៌ ខ្មៅ ឆ្នាំ២០១៩ ពាក់ផ្លាកលេខ ភ្នំពេញ1 LQ 9238។ ទី៣-ម៉ូតូ ម៉ាក Yamaha Exciter ពណ៌ផ្កាឈូក ពាក់ផ្លាកលេខ ភ្នំពេញ 1HL-5091។ ទី៤-ម៉ូតូ ម៉ាក Excitor ពណ៌ សលាយខ្មៅ ឆ្នាំ២០១៦ (គ្មានផ្លាកលេខ)។ ទី៥-ម៉ូតូ ម៉ាក Honda vorio ពណ៌កាត់ស្តាំង ឆ្នាំ២០២៤ ពាក់ផ្លាកលេខ ភ្នំពេញ 1LH-8674។ ទី៦-ម៉ូតូ ម៉ាក សូនិច ពាក់ផ្លាកលេខ បន្ទាយមានជ័យ 1C-5557។ ទី៧-ម៉ូតូ ម៉ាក ហុងដា (SL) ពណ៌ក្រហមលាយខ្មៅ (គ្មានផ្លាកលេខ)។ ទី៨-ម៉ូតូ ម៉ាក Honda Wave ពណ៍ស ពាក់ផ្លាកលេខ ភ្នំពេញ 1CJ-6260។ ទី៩-ម៉ូតូ ម៉ាក YAMAHA MZLAS ពណ៍ ប្រផេះ ឆ្នាំ២០១៨ ពាក់ផ្លាកលេខ ភ្នំពេញ 1JG-9428 និងទី១០-ម៉ូតូ ម៉ាក Excitor ពណ៌ខ្មៅលាយស្វាយ ពាក់ផ្លាកលេខ ភ្នំពេញ 1KR-5873។

បច្ចុប្បន្ន​កម្លាំងអធិការដ្ឋាននគរបាលខណ្ឌកំបូល បានណែនាំ​អប់រំ និងធ្វេីកិច្ចសន្យា ដល់​អ្នក​បេីកបរ​ម៉ូតូ និងតម្រូវឱ្យម្ចាស់ម៉ូតូយកបំពង់ស៊ីម៉ាំង​ដើម​មក​ដោះដូរវិញ ទើប​ប្រគល់​ម៉ូតូ​ឱ្យ​ត្រឡប់​ទៅ​ផ្ទះវិញ៕

ដោយ ៖ សុខា