សម្ដេចបានសរសេរលើហ្វេសបុកផ្ទាល់ខ្លួនសម្ដេចនៅព្រឹកថ្ងៃទី៣ ខែមីនានេះដោយអមជាមួយនឹងវីដេអូមួយដោយបានលើកឡើងថា៖ «ជាការពិតណាស់ដែលយើងមិនអាចរស់នៅក្នុងស្រមោលនៃអតីតកាលជារៀងរហូតនោះទេ។ ប៉ុន្តែមេរៀនប្រវត្តិសាស្ត្រអាចផ្ដល់ឱ្យយើង នូវបទពិសោធន៍ជាក់ស្ដែង សម្រាប់ធ្វើការពិចារណានិងសម្រេចចិត្ត នូវអ្វីដែលត្រូវធ្វើនិងអ្វីដែលត្រូវ ក្នុងពេលបច្ចុប្បន្ននិងទៅអនាគត ដើម្បីជៀសវាងលទ្ធផលអាក្រក់ដែលធ្លាប់កើតឡើងក្នុងអតីតកាលកើតឡើងសារជាថ្មី»។

វីដេអូដែលសម្ដេចបង្ហោះនោះបានបង្ហាញពីសង្គ្រាមកម្ពុជា-ថៃ ក្នុងជម្លោះដោយអាវុធលើតំបន់ប្រាសាទព្រះវិហារពីឆ្នាំ២០០៨-២០១១។

ការបង្ហោះរបស់សម្ដេចធិបតីនាពេលនេះស្របពេលជាមួយនឹងក្រុមជ្រុលនិយមមួយចំនួនបាននាំគ្នាធ្វើបាតុកម្មនៅសាធារណរដ្ឋកូរ៉េទាមទារកោះគុតដែលថៃនិងកម្ពុជាកំពុងចរចារគ្នាដោះស្រាយ។

កាលពីថ្ងៃម្សិលមិញសម្ដេចបានបង្ហោះជាមួយនឹងសំណេរថា គ្មានពលរដ្ឋប្រទេសណាមិនស្រលាញ់ជាតិទឹកដីរបស់ពួកគេនោះទេ បញ្ហាព្រំដែននៅសេសសល់រវាងប្រទេសថៃ និងកម្ពុជា គឺជាមរតកប្រវត្តិសាស្ត្រ ដែលត្រូវខិតខំដោះស្រាយឲ្យបានចប់ ដោយផ្អែកលើមូលដ្ឋានបច្ចេកទេស និងច្បាប់អន្តរជាតិ តាមរយៈយន្តការផ្លូវការដែលបានឯកភាពគ្នារវាងប្រទេសទាំងពីរ ដើម្បីជៀសវាងបង្កជាបញ្ហាហិង្សា ដែលធ្លាប់កើតឡើង។

សម្ដេចថា គ្មានអ្វីចំណេញពីសង្គ្រាមនោះទេក្រៅពីការស្លាប់ទាំងសងខាង ខណៈអ្នកដែលតាំងខ្លួនជាអ្នកស្រឡាញ់ជាតិស្មើជីវិតពេលមានសង្គ្រាមកើតឡើងបែរនាំគ្នារត់ទៅកន្លែងសុវត្ថិភាព។

សម្ដចបានបន្ថែមថា៖ «អ្នកជាតិនិយមជ្រុលដែលបង្កបញ្ហាឲ្យឈានទៅការផ្ទុះអាវុធ ពេលសង្គ្រាមផ្ទុះឡើង គឺពួកគេមិនដែលមានមុខនៅលើសមរភូមិប្រយុទ្ធទេ។ ពួកគេតែងតែរត់ទៅនៅកន្លែងសុវត្ថិភាពរាប់រយគីឡូម៉ែត្រពីតំបន់ប្រយុទ្ធគ្នា»។

នាយករដ្ឋមន្ត្រីសង្ឃឹមថា នេះគឺជាមេរៀនមួយដែលប្រជាពលរដ្ឋទាំងខ្មែរ ទាំងថៃត្រូវចងចាំ និងខិតខំធ្វើយ៉ាងណាកុំឲ្យមានកើតឡើងទៀត៕

អត្ថបទដោយ ហ៊ុន សិរីវឌ្ឍន៍

The post សម្ដេចធិបតី៖ យើងមិនអាចរស់នៅក្នុងស្រមោលនៃអតីតកាលជារៀងរហូតនោះទេ appeared first on Kampuchea Thmey Daily.

លោក ពេជ្យ វីរៈ ជាពលករខ្មែរដែលកំពុងធ្វើការនៅសាធារណរដ្ឋកូរ៉េ បានអំពាវនាវដល់ពលករខ្មែរ និស្សិតខ្មែរដែលកំពុងធ្វើការ និងសិក្សារៀនសូត្រនៅប្រទេសកូរ៉េសូមទុកលទ្ធភាពឱ្យរាជរដ្ឋាភិបាលកម្ពុជាក្នុងការដោះស្រាយបញ្ហាព្រំដែនប្រកបដោយសន្តិវិធី តាមរយៈការចរចារ ដោយមិនចាំបាច់ទៅប្តឹងតុលាការអន្តរជាតិនោះទេ។ ពលករខ្មែរត្រូវជឿជាក់លើមេដឹកនាំខ្មែរខ្លួនឯងដើម្បីដោះស្រាយបញ្ហាជាតិ ជៀសវាងមានជម្លោះការទូត។

ពលរដ្ឋខ្មែររូបនេះថាខ្លួននឹងមិនចូលរួមបាតុកម្មជាដាច់ខាត ដែលជាការបំផុសបំផុលពីសំណាក់ក្រុមបក្សប្រឆាំងម្តងហើយម្តងទៀត ដែលការធ្វើបាតុកម្មនេះមិនត្រឹមតែមិនអាចដោះស្រាយបញ្ហាព្រំដែនបាននោះទេ ក៏ប៉ុន្តែធ្វើឱ្យប៉ះពាល់ដល់ទំនាក់ទំនងរវាងកម្ពុជា ថៃ ដែលជាប្រទេសភូមិផងរបងជាប់គ្នា ជាពិសេសអាចបង្កស្ថានការកាន់តែតានតឹងឈានដល់ជម្លោះព្រំដែនទៀតផង។

ដោយឡែក លោក ពន្លឺ ស៊ូសាន្តណា ជាពលករខ្មែរធ្វើការនៅប្រទេសកូរ៉េខាងត្បូងបានបង្ហាញគោលជំហរថាខ្លួន ជឿជាក់លើរាជរដ្ឋាភិបាលកម្ពុជាក្នុងការដោះស្រាយបញ្ហាព្រំដែន បូរណភាពទឹកដីជាមួយប្រទេសជិតខាងដោយសន្តិវិធី រក្សាផលប្រយោជន៍ជាតិជារួម ជៀសជាងធ្វើសកម្មភាពនានាដែលធ្វើឱ្យប៉ះពាល់ដល់កិច្ចការជាតិលើបញ្ហាព្រំដែនជាមួយប្រទេសជិតខាង។ 

ពលករខ្មែរនៅកូរ៉េម្នាក់ទៀត លោក សម ណាង បានអំពាវនាវឱ្យពលរដ្ឋខ្មែររស់នៅបរទេសទាំងអស់កុំចូលរួមធ្វើបាតុកម្មតាមរយៈការអុចអាលរបស់ក្រុមប្រឆាំងជ្រុលនិយមដែលធ្វើឱ្យប្រទេសជាតិធ្លាក់ចូលក្នុងសង្គ្រាមខ្មែរបែកបាក់ និងមានជម្លោះជាមួយបណ្តាប្រទេសជិតខាង ដោយត្រូវរក្សាសន្តិភាពក្នុងប្រទេស និងជឿលើថ្នាក់ដឹកនាំក្នុងការដោះស្រាយតាមរយៈការចរចារដោយសន្តិវិធី។

ទន្ទឹមនឹងនេះនិស្សិត និងពលករខ្មែរអំពាវនាវដល់ប្រជាពលរដ្ឋកុំជឿតាមការទាញភ្ជាប់បញ្ហាកោះគុតដែលស្ថិតក្នុងតំបន់ត្រួតស៊ីគ្នានៃព្រំដែនសមុទ្ររវាងកម្ពុជា និងថៃ មកបញ្ឆេះកំហឹងពលរដ្ឋ ក្នុងចេតនាទុច្ចរិតបង្កឱ្យមានជម្លោះរវាងប្រទេសជិតខាង និងនាំឱ្យខ្មែរបែកបាក់ជាតិ ខណៈដែលភាគីកម្ពុជា និងថៃកំពុងតែធ្វើការចរចាគ្នានៅឡើយ៕

The post ពលករខ្មែរនៅកូរ៉េ ប្តេជ្ញាចិត្តមិនចូលរួមបាតុកម្មជាមួយក្រុមជ្រុលនិយម ប្រឆាំងនឹងដំណោះស្រាយរដ្ឋាភិបាលពាក់ព័ន្ធកោះគុតឡើយ appeared first on Kampuchea Thmey Daily.

ប្រជាពលរដ្ឋកម្ពុជាកំពុងបម្រើការងារនៅប្រទេសជប៉ុនលោក ប្រាក់ វណ្ណៈ បាននិយាយលោកប្រឆាំងដាច់ខាតចំពោះបាតុកម្មនានាជាពិសេសបាតុកម្មនៅកូរ៉េខាងមុខនេះ ព្រោះវាមិនមែនជាមធ្យោបាយល្អសម្រាប់ដោះស្រាយបញ្ហាជាតិ ឬក៏ទាមទារអ្វីបានមួយនោះទេ។ លោកបានបន្តថា ការដោះស្រាយបញ្ហាប្រទេសជាតិមិនមែនជ្រើសរើសជម្រើសបាតុកម្មនោះទេ តែទាមទារឱ្យមានការសិក្សាផ្លូវច្បាប់ ឯកសារជាក់លាក់ និងការសម្របសម្រួលនានាទៅតាមនីវិធីច្បាប់។

លោកថា៖ «ការធ្វើបាតុកម្មមិនមែនជម្រើសល្អទេ ថែមទាំងបំផ្លាញកិត្តិយសជាតិនៅលើទឹកដីបរទេសទៀតផង»។

ពលករកម្ពុជាកំពុងបម្រើការងារនៅប្រទេសជប៉ុនកញ្ញា ជី រ៉ាវ៉ាន់ បានលើកទឹកចិត្តឱ្យប្រជាពលរដ្ឋពិចារណាឱ្យបានច្បាស់លាស់ ព្រោះអ្វីដែលពួកគេទាមទារនោះ គឺជាអ្វីដែលរាជរដ្ឋាភិបាលកំពុងដោះស្រាយទៅតាមសន្ដិវិធីច្បាប់ហើយ។ កញ្ញាបានបង្ហាញពីភាពជឿជាក់មកលើរាជរដ្ឋាភិបាលកម្ពុជាដែលដឹកនាំដោយសម្ដេចបរវធិបតី ហ៊ុន ម៉ាណែត ព្រោះសម្ដេចជាអ្នកបន្តវេនដ៏មានសក្ដានុពលមួយរូប និងមានសមត្ថភាពគ្រប់គ្រាន់ក្នុងការដោះស្រាយបញ្ហាជាតិ។

កញ្ញាថា៖ «ខ្ញុំស្រឡាញ់ជាតិខ្ញុំ! ខ្ញុំជឿជាក់លើរាជរដ្ឋាភិបាលក្នុងការដោះស្រាយបញ្ហាព្រំដែន និងបូរណភាពទឹកដីជាមួយប្រទេសជិតខាង។ ដូច្នេះខ្ញុំមិនចូល មិនគាំទ្រ និងមិនពេញចិត្តចំពោះការធ្វើបាតុកម្មនោះទេ»។

ពលករខ្មែរម្នាក់ទៀតលោក សូ ភារ៉ា ចេតនារបស់ក្រុមជ្រុលនិយម គឺបញ្ឆេះកំហឹងពលរដ្ឋឱ្យស្អប់ថ្នាក់ដឹកនាំរាជរដ្ឋាភិបាល ដោយប្រើលេសស្នេហាទឹកដី និងព្រំដែន ដើម្បីកៀរគរមនុស្សមកធ្វើបាតុកម្មប្រឆាំងនឹងរាជរដ្ឋាភិបាល។ ដូច្នេះគំនិតដ៏អាក្រក់ទាំងនេះ ពលរដ្ឋមិនគួរចូលរួមទេ ហើយងាកមកចូលរួមអភិវឌ្ឍប្រទេសជាតិជាមួយរាជរដ្ឋាភិបាល។

លោកថា៖ «ក្រុមជ្រុលនិយមនៅតែប្រើលេសទាមទារកោះគុតទាំងងងឹតងងុល ហើយមានតែខ្មែរដែលមាននិន្នាការបម្រើនយោបាយបរទេសប៉ុណ្ណោះដែលចង់រុញខែ្មរឱ្យប្តឹងទៅតុលាការអន្តរជាតិលើករណីកោះគុត»។

ចំណែកអ្នកស្រី តាំង ចន្ថា ប្រជាពលរដ្ឋកម្ពុជាកំពុងរស់នៅប្រទេសជប៉ុនបាននិយាយថា៖ «បាតុកម្មមិនមែនជាដំណោះស្រាយនោះទេ ផ្ទុយទៅវិញនាំឱ្យខាតបង់ពេលវេលា លុយកាក់ កិត្តិយសខ្លួនឯង និងសង្គមជាតិទាំងមូលនៅលើទឹកដីបរទេស»។

អ្នកស្រីបានអំពាវនាវដល់ប្រជាពលរដ្ឋដែលកំពុងរស់នៅ សិក្សា និងធ្វើការនៅប្រទេសជប៉ុន កុំទៅចូលរួមបាតុកម្មតាមការញុះញង់របស់ក្រុមប្រឆាំងជ្រុលនិយមនោះទេ និងជឿជាក់លើការដឹកនាំរបស់សម្តេចធបតី ហ៊ុន ម៉ាណែត ក្នុងការចចារដោះស្រាយបញ្ហាព្រំដែនជាមួយប្រទេសជិតខាង៕

The post ពលរដ្ឋខ្មែរនៅជប៉ុនប្រកាសប្រឆាំងនឹងគម្រោងបាតុកម្មរបស់ក្រុមជ្រុលនិយម appeared first on Kampuchea Thmey Daily.

ពលករផ្នែកកសិកម្ម ក្នុងតំបន់ស៊ូវ៉ុន នៃសាធារណរដ្ឋកូរ៉េលោក អ៊ុំ វិរៈ បានលើកឡើងថា ខ្លួនមិនចូលរួមបាតុកម្មដែលជាការបំផុសបំផុលពីសំណាក់ក្រុមបក្សប្រឆាំងម្តងហើយម្តងទៀតនោះទេ ព្រោះការធ្វើបាតុកម្មនេះមិនត្រឹមតែមិនអាចដោះស្រាយបញ្ហាព្រំដែនបានទេ ក៏ប៉ុន្តែធ្វើឱ្យប៉ះពាល់ដល់ទំនាក់ទំនងរវាងកម្ពុជា ថៃ ដែលជាប្រទេសភូមិផងរបងជាប់គ្នា ជាពិសេសអាចបង្កស្ថានការណ៍កាន់តែតានតឹងឈានដល់ជម្លោះព្រំដែនទៀតផង។

លោកបញ្ជាក់ថា នឹងមិនចូលរួមបាតុកម្មទេ ដោយលោកជឿជាក់លើរាជរដ្ឋាភិបាលក្នុងការដោះស្រាយបញ្ហាព្រំដែន និងបូរណភាពទឹកដីជាមួយប្រទេសជិតខាង។ ក្នុងនាមជាពលករនៅសាធារណរដ្ឋកូរ៉េ ជឿជាក់លើសមត្ថភាពដឹកនាំរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីលើការចចារបញ្ហាទឹកដីជាមួយប្រទេសជិតខាង ដោយឈរលើគោលជំហរសន្តិវិធី។

ពលករផ្នែកឧស្សាហកម្មក្នុងតំបន់ស៊ូវ៉ុន នៃសាធារណរដ្ឋកូរ៉េ លោក យុន សុវិក្រឹត បានលើកឡើងថា លោកនឹងមិនចូលរួមធ្វើបាតុកម្មលើរឿងកោះគុតនោះទេ ដោយលោកលើកឡើងថាខ្លួនជឿជាក់លើរាជរដ្ឋាភិបាលក្នុងការដោះស្រាយបញ្ហាព្រំដែន និងបូរណភាពទឹកដីជាមួយប្រទេសជិតខាង។ ទន្ទឹមនឹងនេះ លោកបានអំពាវនាវដល់ប្រជាពលរដ្ឋកុំជឿតាមការទាញភ្ជាប់បញ្ហាកោះគុតដែលស្ថិតក្នុងតំបន់ត្រួតស៊ីគ្នានៃព្រំដែនសមុទ្ររវាងកម្ពុជា និងថៃមកបញ្ជេះកំហឹងពលរដ្ឋ ក្នុងចេតនាទុច្ចរិតបង្កឱ្យមានជម្លោះរវាងប្រទេសជិតខាង និងនាំឱ្យខ្មែរបែកបាក់ជាតិជាខ្លាំង ខណៈជាក់ស្តែង ភាគីកម្ពុជា និងថៃកំពុងតែធ្វើការចរចាគ្នានៅឡើយ។

គួររំឭកថា ក្រុមប្រឆាំងជ្រុលនិយមឧទ្ទាមក្រៅច្បាប់នៅតែព្យាយាមយកកោះគុតមកធ្វើជាលេស ដើម្បីកៀរគរមនុស្សមកធ្វើបាតុកម្មនៅសាធារណរដ្ឋកូរ៉េ ប៉ុន្ដែការអំពាវនាវ ការកៀរគរមនុស្សរបស់ពួកគេគ្មានប្រសិទ្ធភាពនោះទេ ក្នុងការផ្ដួលរំលំរាជរដ្ឋាភិបាលដែលកើតចេញពីការបោះឆ្នោតគាំទ្រដោយប្រជាពលរដ្ឋកម្ពុជា ដោយសារពលរដ្ឋបានដឹងច្បាស់ពីល្បិចកលខ្មៅងងឹតរបស់ក្រុមប្រឆាំងជ្រុលនិយមឧទ្ទាមក្រៅច្បាប់ ដែលមានគោលបំណងដើម្បីបម្រើតែផលប្រយោជន៍ដល់បក្សពួកមួយក្រុមតូចរបស់ខ្លួនប៉ុណ្ណោះ៕

The post ពលករខ្មែរប្រឆាំងការធ្វើបាតុកម្មណាដែលធ្វើឱ្យប៉ះពាល់ដល់ទំនងការទូតកម្ពុជា appeared first on Kampuchea Thmey Daily.

លោកបណ្ឌិត យង់ ពៅ អគ្គលេខាធិការនៃរាជបណ្ឌិត្យសភាកម្ពុជា បានលើកឡើងធ្ងន់ៗថា រឿងព្រំដែនរវាងកម្ពុជា​ ថៃ មិនអាចពឹងផ្អែកលើយន្តការអន្តរជាតិតាមរយៈការប្តឹងទៅតុលាការអន្តរជាតិបាននោះទេ។ បើមិនដូច្នេះ កម្ពុជានឹងបាត់បង់ប្រយោជន៍ ពីព្រោះបញ្ហាកោះគុតមិនទាន់មានការដាច់ស្រេចរវាងកម្ពុជា និងភាគីថៃនៅឡើយទេ។

ផ្ទុយមកវិញ អគ្គលេខាធិការនៃរាជបណ្ឌិត្យសភាកម្ពុជារូបនេះសង្កត់ធ្ងន់ថា រាជរដ្ឋាភិបាលកម្ពុជាបានបញ្ជាក់ហើយថា ភាគីកម្ពុជា និងថៃកំពុងចចារលើបញ្ហាបូរណភាពទឹកដីនេះ ដូច្នេះមានតែយន្តការចចារបែបនេះទេទើបមិនធ្វើឱ្យកម្ពុជាខាតបង់ និងជាការស្វែងរកដំណោះស្រាយដ៏ល្អបំផុត។ ទន្ទឹមនឹងនេះ អ្នកជំនាញរូបនេះថា បញ្ហាកោះគុតមិនអាចយកបញ្ហា CLV-DTA មកប្រៀបធៀបបានទេ ទាំងនេះជាបញ្ហាធំណាស់ដែលបំផុសបំផុលដោយក្រុមប្រឆាំងនៅក្រៅប្រទេសដែលមានជំនាញក្នុងការកៀរគរពលករធ្វើបាតុកម្មខុសច្បាប់នៅក្រៅប្រទេស ដើម្បីបំពេញផលប្រយោជន៍នយោបាយរបស់ពួកគេ។

លោកបណ្ឌិត យង់ ពៅ បានគូសបញ្ជាក់បន្តថា ក្រុមប្រឆាំងនៅក្រៅប្រទេសមិនបានធ្វើសកម្មភាពណាមួយផ្តល់ផលប្រយោជន៍លើការដោះស្រាយបញ្ហាព្រំដែនជាមួយភាគីថៃនោះទេ គឺពួកគេធ្វើដើម្បីតែរបៀបវារៈនយោបាយរបស់ពួកគេតែប៉ុណ្ណោះ ពីព្រោះពួកគេដឹងច្បាស់ណាស់ថា បញ្ហាកោះគុតមិនអាចដក ឬប្តឹងតាមដែលពួកគេលើកឡើងបានទេ។  ដោយឡែកបាតុកម្មរបស់ក្រុមប្រឆាំងរឿងកោះគុតនៅក្រៅប្រទេស មិនត្រឹមតែមិនអាចដោះស្រាយបញ្ហាបានទេ ថែមទាំងធ្វើឱ្យប៉ះពាល់ដល់ពលករដែលកំពុងធ្វើការនៅក្រៅប្រទេស តែម្តង។

ចំណែក លោកបណ្ឌិត ឈត ប៊ុនថង អ្នកទស្សនវិជ្ជា និងជាអ្នកស្រាវជ្រាវ នៃរាជបណ្ឌិត្យសភាកម្ពុជា បានលើកឡើងថា ការចេះឈឺឆ្អាលរឿងទឹកដី សេដ្ឋកិច្ច ឬបញ្ហាជាតិណាមួយរបស់ពលករខ្មែរនៅក្រៅប្រទេសជារឿងល្អហើយ ក៏ប៉ុន្តែអ្វីដែលចាំបាច់នោះ គឺត្រូវមានការពិចារណាឱ្យបានច្បាស់លាស់ត្រឹមត្រូវ ជៀសវាងចូលផុងខ្លួននៃរបៀបវារៈនយោបាយរបស់ក្រុមបក្សប្រឆាំង ដែលធ្វើឱ្យបាត់បង់ប្រយោជន៍ជាតិ និងខ្លួនឯងដែលកំពុងធ្វើការនៅលើទឹកដីបរទេស។

អ្នកទស្សនវិជ្ជា និងជាអ្នកស្រាវជ្រាវរូបនេះសង្កត់ធ្ងន់ថា គណបក្សប្រឆាំងដឹងហើយថា ដំណោះស្រាយមួយណាចំណេញដល់ជាតិ មួយណាមិនចំណេញ ក៏ប៉ុន្តែដើម្បីរបៀបវារៈនយោបាយ ពួកគេហ៊ានធ្វើគ្រប់បែបយ៉ាង បើទោះបីអ្វីដែលពួកគេធ្វើនោះមិនមានផលចំណេញដល់ការដោះស្រាយបញ្ហាជាតិក៏ដោយ។ ជាក់ស្តែង ការកៀរគរឱ្យចូលរួមធ្វើបាតុកម្មរបស់ក្រុមប្រឆាំងរឿងកោះគុតនៅក្រៅប្រទេស មិនត្រឹមតែមិនអាចដោះស្រាយបញ្ហាបានទេ ថែមទាំងធ្វើឱ្យប៉ះពាល់ដល់ការងាររបស់ពលករនៅក្រៅប្រទេស ផងដែរ៕

The post អ្នកស្រាវជ្រាវនយោបាយ និងទស្សនវិជ្ជា៖ កម្ពុជានឹងខាតបង់ បើសិនជាប្តឹងទៅតុលាការអន្តរជាតិ លើបញ្ហាកោះគុត appeared first on Kampuchea Thmey Daily.

លោក ញ៉ ឧត្តម ជាពលករខ្មែរម្នាក់ក្នុងចំណោមពលកររាប់រយនាក់ផ្សេងទៀតនិយាយថា៖ “ខ្ញុំមិនចូលរួមធ្វើបាតុកម្មទេ ហើយខ្ញុំស្រឡាញ់ជាតិខ្ញុំ! ខ្ញុំជឿជាក់លើរាជរដ្ឋាភិបាលក្នុងការដោះស្រាយបញ្ហាព្រំដែន និងបូរណភាពទឹកដីជាមួយប្រទេសជិតខាង។ ពួកខ្ញុំជាពលករដែលកំពុងធ្វើការងារនៅសាធារណរដ្ឋកូរ៉េ ជឿជាក់លើសមត្ថភាពដឹកនាំរបស់សម្តេចធិបតី ហ៊ុន ម៉ាណែត នាយករដ្ឋមន្ត្រី លើការចចារបញ្ហាព្រំដែនជាមួយប្រទេសជិតខាង”។

លោកបន្ដថា៖ “ខ្មែរនៅទីណាក៏ដោយ ទោះមានគំនិតមិនដូចគ្នាក៏ដោយ ក៏យើងនៅតែជាខ្មែរ! យើងមិនត្រូវឈ្លោះគ្នានៅលើទឹកដីគេនាំឱ្យគេមើលងាយនោះទេ។ បាតុកម្មមិនមែនជាដំណោះស្រាយនោះទេ ផ្ទុយទៅវិញបាតុកម្មគឺតែងតែនាំឱ្យយើងខាតបង់ពេលវេលា លុយកាក់ កិត្តិយសខ្លួនឯង ក្រុមគ្រួសារ និងសង្គមជាតិទាំងមូល។ ដូចនេះសូមបងប្អូនដែលកំពុងរស់នៅ សិក្សា និងធ្វើការនៅសាធារណរដ្ឋកូរ៉េ កុំទៅចូលរួមបាតុកម្មដែលរៀបចំដោយក្រុមប្រឆាំងឱ្យសោះ”។

ពលករខ្មែររូបនេះបានអំពាវនាវឱ្យប្រជាពលរដ្ឋផ្សេងទៀតកុំចាញ់ឧបាយកលបោកបញ្ឆោតរបស់ក្រុមប្រឆាំងជ្រុលនិយមមួយក្តាប់តូច ដែលបាននិងកំពុងញុះញង់បងប្អូនឱ្យចូលរួមបាតុកម្មដែលគ្រោងរៀបចំធ្វើនៅថ្ងៃខាងមុខនេះ។ ក្នុងនាមជាពលរដ្ឋខ្មែរម្នាក់លោកមានការជឿជាក់ និងទុកលទ្ធភាពឱ្យរាជរដ្ឋាភិបាលកម្ពុជា ក្នុងការចរចាបញ្ហាព្រំដែនសមុទ្រជាមួយភាគីថៃដោយមិនចាំបាច់ប្តឹងទៅតុលាការអន្ដរជាតិនោះទេ។

លោក យាន ធារ៉ា ជាពលរដ្ឋខ្មែររស់នៅសាធារណរដ្ឋកូរ៉េបាននិយាយថា៖ “សូមកុំជឿតាមការអុជអាលរបស់ក្រុមប្រឆាំងជ្រុលនិយម ដែលយកបញ្ហាទឹកដី មកដុតបញ្ឆេះពលរដ្ឋខ្មែរ និងចង់ឱ្យកម្ពុជាប៉ះទង្គិចដោយអាវុធជាមួយប្រទេសជិតខាង។ មានតែខ្មែរដែលមានខួរបរទេសទេ ដែលចង់រុញខែ្មរឱ្យប្តឹងទៅតុលាការអន្តរជាតិលើករណីកោះគុត ខណៈដែលប្រទេសយើងទាំងពីរកំពុងតែធ្វើការជាមួយគ្នាដោយសន្តិវិធី និងយកច្បាប់ជាគោល”។

លោកបន្តថា ក្រុមជ្រុលនិយមឧទ្ទាមក្រៅច្បាប់កំពុងអុជអាលដោយយកបញ្ហាទឹកដី មកដុតបញ្ឆេះពលរដ្ឋ និងចង់ឱ្យកម្ពុជាប៉ះទង្គិចដោយអាវុធជាមួយប្រទេសជិតខាង ដែលអាចនាំឱ្យប្រទេសជាតិធ្លាក់ក្នុងភ្លើងសង្គ្រាម បាត់បង់អាយុជីវិតប្រជាជន និងបំផ្លាញសេដ្ឋកិច្ចទាំងស្រុង។

លោកបានអំពាវនាវដល់ប្រជាពលរដ្ឋកុំជឿតាមការទាញភ្ជាប់បញ្ហាកោះគុត ដែលស្ថិតក្នុងតំបន់ត្រួតស៊ីគ្នានៃព្រំដែនសមុទ្ររវាងកម្ពុជា និងថៃមកបញ្ជេះកំហឹងពលរដ្ឋ ខណៈដែលភាគីទាំងពីរកំពុងតែធ្វើការចរចាគ្នានៅឡើយ។ ពួកគេមានចេតនាទុច្ចរិតបង្កឱ្យមានជម្លោះរវាងប្រទេសជិតខាង និងនាំឱ្យខ្មែរបែកបាក់ជាតិជាខ្លាំង។

គួររំឭកថា ក្រុមប្រឆាំងជ្រុលនិយមឧទ្ទាមក្រៅច្បាប់នៅតែព្យាយាមយកកោះគុតមកធ្វើជាលេស ដើម្បីកៀរគរមនុស្សមកធ្វើបាតុកម្មនៅសាធារណរដ្ឋកូរ៉េ ប៉ុន្ដែការអំពាវនាវ ការកៀរគរមនុស្សរបស់ពួកគេគ្មានប្រសិទ្ធភាពនោះទេ ដោយសារពលរដ្ឋបានដឹងច្បាស់ពីល្បិចកលដ៏ខ្មៅងងឹតរបស់ពួកគេក្នុងការបម្រើផលប្រយោជន៍ទណ្ឌិត សម រង្ស៊ី និងផ្ដួលរំលំរាជរដ្ឋាភិបាលស្របច្បាប់ដែលកើតចេញពីការបោះឆ្នោតគាំទ្រដោយប្រជាពលរដ្ឋកម្ពុជា៕

The post ពលករខ្មែរនៅកូរ៉េប្រឆាំងការធ្វើបាតុកម្មរបស់ក្រុមជ្រុលនិយម appeared first on Kampuchea Thmey Daily.

ថ្លែងក្នុងពិធីប្រកាសខេត្តកំពង់ចាម បញ្ចប់ការវាស់វែងដីធ្លីមានលក្ខណៈជាប្រព័ន្ធ និងពិធីចែកបណ្ណកម្មសិទ្ធិដីធ្លី” ក្នុងខេត្តកំពង់ចាម ព្រឹកថ្ងៃសៅរ៍ ទី២១ ខែធ្នូ​ ឆ្នាំ២០២៤សម្ដេចធិបតី ហ៊ុន ម៉ាណែត បានលើកឡើងថាមូលហេតុដែលរដ្ឋាភិបាលរក្សាភាពស្ងប់ស្ងាត់មិនឆ្លើយតបជាមួយក្រុមប្រឆាំងក្នុងករណីកោះគុតគឺរដ្ឋកំពុងធ្វើការតាមយន្តការច្បាប់ និងកំពុងចរចាគ្នា។

សម្ដេចថា៖ «សួរថាស្រលាញ់ជាតិតែអស់លោកនៅក្រៅប្រទេសហ្នឹងហ្ហេ! ហើយអ្នកក្នុងស្រុកអត់ស្រលាញ់ជាតិទេអី? ស្រលាញ់ដូចតែគ្នាទេ! ហើយយើងមិនត្រឹមតែស្រលាញ់តាមហ្វេសបុកទេ គឺយើងធ្វើពិតការពារពិត ទឹកដី អធិបតេយ្យភាព ឯករាជ្យភាពរបស់កម្ពុជា។ ហើយមិនត្រឹមតែការពារទេថែមទាំងលើកតម្កើន និងពង្រឹងលើឆាកអន្តរជាតិទៀតនេះហើយជាអ្វីដែលរាជរដ្ឋាភិបាលដឹកនាំដោយបក្សប្រជាជនធ្វើពិតប្រាកដជូនប្រជាពលរដ្ឋ ហើយសុំបងប្អូនជឿទុកចិត្ត»។

សម្ដេចបន្ថែមថារឿងការពារទឹកដីសម្ដេចតេជោដែលជាអតីតនាយករដ្ឋមន្ត្រីធ្លាប់បានបង្ហាញ២ដងរួចមកហើយនៅឆ្នាំ២០០៨-២០១១ជម្លោះប្រាសាទព្រះវិហារ និងកម្ដៅព្រំដែនជាមួយឡាវកាលពីឆ្នាំ២០១៧ ហើយកម្ពុជាមិនចង់ឃើញមានបញ្ហាបែបនេះទេ។

ជាមួយគ្នានេះសម្ដេចធិបតីស្នើដល់ពលរដ្ឋបន្តទុកចិត្តរដ្ឋាភិបាលដែលដឹកនាំដោយបក្សប្រជាជន និងកុំចូលរួមជាមួយការអំពាវនាវណាដែលធ្វើបែកបាក់ជាតិ។

បញ្ហាកោះគុតមានជាប់ពាក់ព័ន្ធនឹងបញ្ហាព្រំដែនទឹករវាងកម្ពុជា-ថៃបានបន្សល់តាំងពីសម័យអណានិគមបារាំងក្នុង ដែលប្រទេសទាំងពីរប្រកាសពីសិទ្ធិលើដែនទឹកដែលមានទំហំប្រមាណ ២៦ ០០០គីឡូម៉ែត្រក្រឡាក្នុងឈូងសមុទ្រថៃដែលមានប្រភពនៃឧស្ម័នធម្មជាតិដ៏មានតម្លៃក្នុងដែនទឹកប្រទាញប្រទង់នោះ៕

The post «បញ្ហាកោះគុត» នាយករដ្ឋមន្ត្រីថារដ្ឋាភិបាលគ្មានពេលធ្វើប្រជាភិថុតដូចក្រុមប្រឆាំងទេ appeared first on Kampuchea Thmey Daily.

សកម្មជនអតីតបក្សប្រឆាំង ដែលគេស្គាល់ថាមានឈ្មោះក្រៅថា «អាសង្ហា» បាននិយាយក្នុងវិឌីអូខ្លីមួយនៅថ្ងៃទី ២៨ ខែវិច្ឆិកាឆ្នាំ២០២៤នេះថា៖«កោះគុតហ្នឹង វាមិនបាត់បង់ទៅណាទេ វាគ្រាន់តែជាសង្រ្គាមពាក្យសម្ដីខ្មែរនិងថៃទៅវិញទៅមក ហើយខ្មែរយើងមួយចំនួនចេះតែយកមកវិភាគផ្ដេសផ្ដាស់ រឿងវាមិនទាន់នឹងកើតឡើងផង ភាគីថៃគេចោទយើងអ្នកយករបស់គេ ប៉ុន្ដែកោះគុត ស្ថិតនៅក្នុងដីខ្មែរទេ ហើយយើងក៏ចោទថា ថៃយករបស់យើង ចោទគ្នាអ៊ីចឹង វាពិបាកនិយាយគ្នា»។

លោកបន្តថា បើនិយាយពីជនជាតិថៃ គឺពួកគេនឹងមិនហ៊ានធ្វើសង្រ្គាមជាមួយកម្ពុជានោះទេ ហើយថ្នាក់ដឹកនាំកម្ពុជាក៏មិនព្រមឱ្យបាត់បង់ទឹកដីទៅខាងភាគីថៃដែរ។ កាលពីជំនាន់សម្ដេចតេជោ ហ៊ុន សែន ដឹកនាំប្រទេស មិនដែលអនុញ្ញាតឱ្យថៃយកទឹកដីកម្ពុជាបាននោះទេ ប៉ុន្ដែកាលពីសម័យមុនសម្ដេចេជោដឹកនាំប្រទេស គឺពិតជាមានការបាត់បង់ទឹកដីទៅភាគីថៃមែន។

សកម្មជនរូបនេះបន្ថែមថា ប្រសិនបើមានកោះគុត ពិតជាបាត់បង់ទៅភាគីថៃមែន គឺសម្ដេចតេជោ ហ៊ុន សែន នឹងមិននៅស្ងៀមនោះទេ ប៉ុន្ដែជាក់ស្ដែងកោះនេះមិនទាន់បាត់បង់ទៅភាគីថៃនោះទេ។ សំណុំរឿងនេះផ្ទុះឡើង ដោយសារតែក្រុមបក្សប្រឆាំងនៅប្រទេសថៃរុញឱ្យក្ដៅប៉ុណ្ណោះ ខណៈដែលជិតបោះឆ្នោតនៅថៃ ទើបធ្វើឱ្យបក្សប្រឆាំងថៃព្យាយាមស្វែងរកប្រជាប្រិយភាពពីពលរដ្ឋ ពួកគេថែមទាំងសន្យាជាមួយពលរដ្ឋខ្លួនថា បើពួកគេជាប់ឆ្នោត គេនឹងទាមទារយកកោះគុតពីខ្មែរឱ្យទាល់តែបាន។

ស្រដៀងគ្នានេះដែរ ប្រជាពលរដ្ឋកម្ពុជាភាគច្រើនបានជំរុញឱ្យអ្នកនយោបាយដែលមាននិន្នាការប្រឆាំងនៅកម្ពុជាបញ្ឈប់ការព្យាយាមរុញបញ្ហាកោះគុតឱ្យទៅជាប្រធានបទក្ដៅ ដើម្បីកេងចំនេញនយោបាយ ខណៈវាជាឧបសគ្គក្នុងការចរចាគ្នារកដំណោះស្រាយ។

ជាមួយគ្នានេះ លោក ថុង ម៉េងដាវីត អ្នកវិភាគភូមិសាស្រ្តនយោបាយ និងសន្ដិសុខបានអះអាងថា ប្រធានបទក្ដៅទាក់ទងនឹងសំណុំរឿងកោះគុត គឺជាភាពចម្រូងចម្រាស់នៃនយោបាយផ្ទៃក្នុងរបស់ថៃ ដោយបក្សប្រឆាំងថៃមានបំណងចង់រុញសំណុំរឿងនេះឱ្យកាន់តែក្ដៅ និងបង្កភាពស្មុគស្មាញ ដើម្បីទាញទម្លាក់ប្រជាប្រិយភាពបក្សកាន់អំណាច និងទាញទម្លាក់លោកស្រី Paetongtarn Shinawatra ចេញពីតំណែងផងដែរ។

លោកបន្តថា បញ្ហាកោះគុតកំពុងក្លាយជារឿងចម្រូងចម្រាសនៅក្នុងរបបនយោបាយថៃ ដែលអាចបង្កជាឧបសគ្គសម្រាប់រដ្ឋាភិបាលថៃ និងកម្ពុជាក្នុងការដោះស្រាយតំបន់ត្រួតស៊ីគ្នាក្នុងដែនសមុទ្រដែលស្ថិតក្នុងជម្លោះរវាងភាគីទាំងពីរ និងការកំណត់តំបន់អភិវឌ្ឍរួមគ្នា។

ក្នុងន័យនេះ លោកបានសង្កត់ធ្ងន់ឱ្យប្រជាពលរដ្ឋខ្មែរ និងថៃរក្សាភាពស្ងៀមស្ងាត់ និងភាពអត់ធ្មត់ឱ្យបានខ្ពស់ ដើម្បីផ្ដល់ពេលវេលាដ៏សមស្របមួយទុកជូនគណៈកម្មការកិច្ចការព្រំដែន និងរាជរដ្ឋាភិបាលទាំងពីរសិក្សាស្វែងរកដំណោះស្រាយដោយសន្ដិវិធី សន្ដិភាព សន្ដិសុខនៅតាមព្រំដែន និងយោគយល់គ្នាទៅវិញទៅមក៕

The post សកម្មជនប្រឆាំងខ្មែរម្នាក់នៅកូរ៉េខាងត្បូង ផ្តាំទៅពលរដ្ឋកុំឱ្យជឿតាមការញុះញុងរឿងកោះគុត appeared first on Kampuchea Thmey Daily.