​លោក លូ គឹមឈន់ ​ប្រធានអគ្គនាយកកំពង់ផែស្វយ័តក្រុងព្រះសីហនុ​ មានប្រសាសន៍ថា ​កំពង់​ផែ​ដើរ​តួនាទីជាច្រកនាំទំនិញចេញ-ចូល​ដ៏សំខាន់ ​អាចដោះស្រាយបញ្ហាប្រឈម​ និងជំរុញ​កំណើន​សេដ្ឋកិច្ច។​

​លោក លូ គឹមឈន់ ​បន្ថែមថា ​បរិមាណកុតឺន័រឆ្លងកាត់​នៅក្នុងត្រីមាសទី១​ ឆ្នាំ ២០២៦ ​មានចំនួន ​៣៧៣ ៧៤៨ ​TEUs កើនឡើង​ ៣៨,២១% ​ខណៈនាវាឆ្លងកាត់មានចំនួន ៤៩៤ ​គ្រឿង ​កើនឡើង​១៣,៧៩% ​ឆ្លុះបញ្ចាំងពីនិន្នាការនាវាចូល​ចត​ផែកាន់តែមានទំហំធំ​ ជម្រៅទឹកជ្រៅ ​ធ្វើឱ្យថ្លៃដឹកជញ្ជូន​តាមសមុទ្រ​កាន់តែមានភាពប្រកួតប្រជែង​ និងទាក់ទាញការវិនិ​យោគ​ផ្សេងៗ​។​

​លោកបានបន្តថា ​កំពង់ផែ​ស្វយ័ត​ក្រុង​ព្រះសីហនុប្ដេជ្ញាលើកកម្ពស់​គុណភាពសេវាកម្ម​ដោយបង្កើនការ​ប្រើប្រាស់បរិវត្ត​កម្មឌីជីថល​ និងជំរុញការតភ្ជាប់ ដើម្បីប្រែក្លាយទៅជាច្រកទ្វារ​សម្រាប់​ពាណិជ្ជកម្មអន្តរជាតិ ​និង​ទាក់ទាញការវិនិយោគនៅកម្ពុជា។

​​យោងតាមក្រសួងសាធារណការ ​និង​ដឹកជញ្ជូន ​នៅ​ក្នុង​ឆ្នាំ​២០២៥ ​កំពង់ផែស្វយ័តក្រុងព្រះសីហនុ​សម្រេចបានបរិមាណ​កុងតឺន័រឆ្លងកាត់​ជាង ១,៣ ​លាន TEUs កើន ៣០,៥៧% ​និងទទួល​បានចំណូលប្រមាណ ១៥០ លានដុល្លារ កើនឡើង ៣៥% ​ធៀបនឹងឆ្នាំ ២០២៤៕

អត្ថបទ៖ ឡេង ដេត

The post ​ចំណូលកំពង់ផែព្រះសីហនុ​សម្រេចបាន​ជាង ​៤២,៥ ​លានដុល្លារ ​កើន​ជាង ​៥០% ​នៅ​ត្រីមាស​ទី១​ ឆ្នាំនេះ​ appeared first on Kampuchea Thmey Daily.

លោក ទី សាគុណ អគ្គនាយករង ទទួលបន្ទុកបច្ចេកទេសកំពង់ផែស្វយ័តក្រុងព្រះសីហនុបានបើកកិច្ចប្រជុំប្រចាំខែ មេសា ឆ្នាំ ២០២៦ ស្តីពីការត្រួតពិនិត្យវឌ្ឍនភាព និងសុវត្ថិភាពការដ្ឋានសាងសង់ នៃការអនុវត្តគម្រោងអភិវឌ្ឍន៍​ចំណតផែកុងតឺន័រទឹកជ្រៅថ្មី-ជំហានទី ១ ជាមួយក្រុមហ៊ុនសាងសង់ TOA Corporation និងក្រុមហ៊ុនទីប្រឹក្សា​គម្រោង Nippon Koei & Oriental Consultant Global JV។

បើតា​មន្រ្តី​កំពង់ផែស្វយ័តក្រុងព្រះសីហនុ រហូតដល់ដំណាច់ខែមេសា ឆ្នាំ២០២៦ វឌ្ឍនភាពការងារសាងសង់ចំណតផែ​កុងតឺន័រ​ទឹកជ្រៅ​ជំហានទី ១ ដែលមានជម្រៅ ១៤,៥ ម៉ែត្រ ​សម្រេចបាន ៦៧% ខណៈ​តាមផែនការគ្រោង​បញ្ចប់​ការ​សាង​សង់​​​នៅ​​ឆ្នាំ ២០២៧ លឿន​ជាង​ផែនការ។

រដ្ឋាភិបាល​កម្ពុជា​បាន​វិនិយោគទឹកប្រាក់​ប្រមាណ ៧៥០ លាន​ដុល្លារ ដើម្បី​អភិវឌ្ឍ​កំពង់ផែទឹកជ្រៅ​​ខេត្តព្រះសីហនុ​​ទាំង ៣ ដំណាក់កាល​ ដើម្បី​​ឆ្លើយតប​ទៅ​កំណើន​​ការ​ដឹក​ជញ្ជូន​ទំនិញតាមផ្លូវសមុទ្រ និងការ​ធ្វើ​ពាណិជ្ជកម្មរបស់ប្រទេស​កម្ពុជា​។

ខណៈកំពង់ផែទឹកជ្រៅជំហានទីមួយ​គ្រោង​បញ្ចប់​តាមផែនការ កំពង់ផែ​ទឹកជ្រៅ​ក្រុង​ព្រះសីហនុ​ជំហាន​ទី​២ ​ក៏​គ្រោង​ចាប់ផ្ដើម​​សាងសង់នៅពាក់កណ្ដាលឆ្នាំ ២០២៦ នេះ។

​លោក លូ គឹមឈន់ ​​ប្រធានអគ្គនាយកកំពង់ផែស្វយ័តក្រុងព្រះសីហនុបាន​ឲ្យ​ដឹង​ថា «កំពង់ផែទឹកជ្រៅជំហានទី២ ដែលមាន​ជម្រៅទឹក ១៩,៥ ម៉ែត្រ ​កំពុងដាក់ដេញថ្លៃ ​ខែ ៦ ឬខែ ៧ ចាប់ផ្ដើមសាងសង់ ​ហើយជំហានទី៣ ​កំពុងគូរប្លង់លម្អិតរួចហើយ ​រៀបចំឯកសារដាក់ដេញថ្លៃនៅចុងឆ្នាំនេះ»។

លោក លូ គឹមឈន់ បានបញ្ជាក់​ថា នៅឆ្នាំ ២០២៩ នៅពេល​​កំពង់ផែទឹកជ្រៅជំហានទី ២ បញ្ចប់​ការ​សាងសង់ កប៉ាល់នៅទូទាំង​ឥណ្ឌូប៉ាស៊ីហ្វិកពោលគឺកប៉ាល់ដែលបើកតាមសមុទ្រឥណ្ឌូប៉ាស៊ីហ្វិក និងសមុទ្រឥណ្ឌា និងអាមេរិក​អាចចូល​ចត​បានដោយផ្ទាល់ ដែល​នឹង​កាត់បន្ថយថ្លៃដឹកជញ្ជូនបន្ថែម​​ទៀត ធ្វើឱ្យមាន​ការ​ទាក់ទាញវិនិយោគិន ​និង​ជំរុញការ​ធ្វើ​ពាណិជ្ជ​កម្ម និងសេដ្ឋកិច្ច​។ ​

​​បច្ចុប្បកម្ពុជា​មានកំពង់ផែកុងតឺន័រប្រវែងជាង​ ៦៥៣ ម៉ែត្រ បើបូកបន្ថែមការ​សាងសង់​ទាំង​ ៣ ជំហាននេះទៀត នឹងឡើងដល់​ជា ២ ពាន់ម៉ែត្រ ​ខណៈរាជរដ្ឋាភិបាល​មានទិសដៅ​សាងសង់កំពង់ផែ​ជាបន្តបន្ទាប់​ឱ្យ​ដើរស្រប​នឹង​កំណើន​សេដ្ឋកិច្ច​។

ការ​អភិវឌ្ឍ​ចំណតផែ​កុងតឺន័រ​ថ្មីទាំង ៣ ដំណាក់​​កាល​ នឹងប្រែក្លាយកំពង់ផែស្វយ័ត​ក្រុងព្រះសីហនុ​ទៅជាកំពង់ផែ​អន្តរ​ជាតិ​​​ខ្នាតធំ ​(Hub Port) ​ដែលអនុញ្ញាត​ឱ្យនាវាកុង​តឺន័រ​ធុនធំៗ​ មានផ្លូវដឹកជញ្ជូន​ពីគ្រប់តំបន់នៅក្នុងពិភពលោកអាចចូល​ចតបាន ​ដោយពុំមានឧបសគ្គលើជម្រៅទឹក​៕

The post គិត​ត្រឹម​ចុង​ខែមេសា ឆ្នាំ ២០២៦ គម្រោង​សាង​សង់​​ចំណត​ផែទឹកជ្រៅ​ខេត្ត​ព្រះសីហនុសម្រេច​បាន ៦៧% appeared first on Kampuchea Thmey Daily.

​លោក លូ គឹមឈន់ ​ប្រធានអគ្គនាយកកំពង់ផែស្វយ័តក្រុងព្រះសីហនុ​ មានប្រសាសន៍នៅថ្ងៃទី ០៦ ខែមេសា ២០២៦ថា នៅឆ្នាំ​ក្រោយ ​កំពង់ផែទឹកជ្រៅជំហានទី១ ​នឹង​សាងសង់​រួចរាល់ នោះថ្លៃដឹកជញ្ជូនតាមសមុទ្រនៅក្នុងតំបន់​អាស៊ី​ប៉ាស៊ី​ហ្វិក ​មកកម្ពុជានឹងថយចុះ ២០០ ដុល្លារ ក្នុងមួយកុងតឺន័រ។​

​លោក លូ គឹមឈន់ បានឱ្យដឹងថា នៅឆ្នាំ ២០២៩ នឹងបញ្ចប់ការសាងសង់គម្រោងកំពង់ផែទឹកជ្រៅជំហានទី២ ដែលកប៉ាល់នៅទូទាំង​ឥណ្ឌូប៉ាស៊ីហ្វិក ពោលគឺកប៉ាល់ដែលបើកតាមសមុទ្រឥណ្ឌូប៉ាស៊ីហ្វិក និងសមុទ្រឥណ្ឌា និងអាមេរិក​អាចចូលចតបានដោយផ្ទាល់ ដែល​នឹង​កាត់បន្ថយថ្លៃដឹកជញ្ជូនបន្ថែម​​ទៀត ធ្វើឱ្យមាន​ការ​ទាក់ទាញវិនិយោគិន ​និង​ជំរុញការ​ធ្វើ​ពាណិជ្ជ​កម្ម និងសេដ្ឋកិច្ច​។ ​

​លោក លូ គឹមឈន់ ​បញ្ជាក់ថា៖ «កំពង់ផែទឹកជ្រៅជំហានទី២ ដែលមានជម្រៅទឹក ១៩,៥ ម៉ែត្រ ​កំពុងដាក់ដេញថ្លៃ ​ខែ ៦ ខែ ៧ ចាប់ផ្ដើមសាងសង់ ​ហើយជំហានទី៣ ​កំពុងគូប្លង់លម្អិតរួចហើយ ​រៀបចំឯកសារដាក់ដេញថ្លៃនៅចុងឆ្នាំនេះ»។

​លោក លូ គឹមឈន់ ​បានបន្ថែមថា ​បច្ចុប្បកម្ពុជា​ មានកំពង់ផែកុងតឺន័រប្រវែងជាង​ ៦៥៣ ម៉ែត្រ ហើយបើបូកបន្ថែម ៣ ជំហាននេះទៀត នឹងឡើងដល់ជា ២ ពាន់ម៉ែត្រ ​ខណៈរាជរដ្ឋាភិបាល​មានទិសដៅ​សាងសង់កំពង់ផែ​ជាបន្តបន្ទាប់​ឱ្យ​ដើរស្រប​នឹង​កំណើន​សេដ្ឋកិច្ច។

​តាមផែនការដំណើរការ​សាងសង់កំពង់ផែទឹកជ្រៅជំហានទី១ ដែលមានជម្រៅ ១៤,៥ ម៉ែត្រ គ្រោង​បញ្ចប់​ការសាងសង់​​នៅ​ឆ្នាំ ២០២៨។ ​

ការ​អភិវឌ្ឍ​ចំណតផែ​កុងតឺន័រ​ថ្មីទាំង ៣ ដំណាក់​​កាល​ នឹងប្រែក្លាយកំពង់ផែស្វយ័ត​ក្រុងព្រះសីហនុ​ទៅជាកំពង់ផែ​អន្តរ​ជាតិ​​​ខ្នាតធំ ​(Hub Port) ​ដែលអនុញ្ញាត​ឱ្យនាវាកុង​តឺន័រ​ធុនធំៗ​ មានផ្លូវដឹកជញ្ជូន​ពីគ្រប់តំបន់នៅក្នុងពិភពលោកអាចចូល​ចតបាន ​ដោយពុំមានឧបសគ្គលើជម្រៅទឹក​៕

អត្ថបទ៖​ ឡេង ដេត

The post ​គម្រោង​សាងសង់​កំពង់ផែ​ទឹកជ្រៅ​ព្រះសីហនុ ​ជំហាន​ទី​២ ​ចាប់ផ្ដើម​នាពាក់កណ្ដាល​ឆ្នាំនេះ​ appeared first on Kampuchea Thmey Daily.

តាមផែនការដំណើរការ​សាងសង់កំពង់ផែទឹកជ្រៅជំហានទី ១ ដែលមានជម្រៅ ១៤,៥ ម៉ែត្រ គ្រោង​បញ្ចប់​ការសាងសង់​​នៅ​ឆ្នាំ ២០២៨។

រដ្ឋាភិបាល​កម្ពុជា​បាន​វិនិយោគទឹកប្រាក់​ប្រមាណ ៧៥០ លាន​ដុល្លារ ដើម្បី​អភិវឌ្ឍ​កំពង់ផែទឹកជ្រៅ​​ខេត្តព្រះសីហនុ​​ទាំង ៣ ដំណាក់កាល​ ដើម្បី​​ឆ្លើយតប​ទៅ​កំណើន​​ការ​ដឹក​ជញ្ជូន​ទំនិញតាមផ្លូវសមុទ្រ និងការ​ធ្វើ​ពាណិជ្ជកម្មរបស់ប្រទេស​កម្ពុជា​។

ប្រមុខរដ្ឋាភិបាល​បាន​បញ្ជាក់​ថា ការវិនិយោគ​អភិវឌ្ឍ​កំពង់ផែស្វយ័តក្រុងព្រះសីហនុ គឺជាយុទ្ធសាស្ត្រយកលុយបង្កើត​លុយ​។ ការអភិវឌ្ឍ​ចំណតផែ​កុងតឺន័រ​ថ្មីទាំង ៣ ដំណាក់​​កាល​ នឹងប្រែក្លាយកំពង់ផែស្វយ័តក្រុងព្រះសីហនុទៅជាកំពង់ផែ​អន្តរជាតិ​​ខ្នាតធំ (Hub Port) ដែលអនុញ្ញាត​ឱ្យនាវាកុង​តឺន័រ​ធុនធំៗមានផ្លូវដឹកជញ្ជូន​ពីគ្រប់តំបន់នៅក្នុងពិភពលោកអាចចូល​ចតបាន ដោយពុំមានឧបសគ្គលើជម្រៅទឹក​៕

The post ត្រឹម​ខែមីនា ការដ្ឋានសាងសង់ចំណត​ផែ​កុងតឺន័រ​ទឹក​ជ្រៅជំហានទី ១ ​សម្រេច​បានប្រមាណ ៦៥% appeared first on Kampuchea Thmey Daily.

ថ្លែងប្រាប់ក្រុមអ្នកសារព័ត៌មាន កាលពីថ្ងៃទី២៣ ខែមីនា អគ្គនាយកកំពង់ផែស្វយ័តក្រុងព្រះសីហនុ លោក លូ គឹមឈន់ បានឱ្យដឹងថា គម្រោងសាងសង់រ៉ាដា ដើម្បីគ្រប់គ្រងកប៉ាល់នៅកំពង់ផែស្វយ័តក្រុងព្រះសីហនុ ដែលភាគីជប៉ុនជួយនេះ គ្រោងនឹងបើកការដ្ឋានសាងសង់នៅដើមខែឧសភា ហើយអាចសាងសង់រួចរាល់នៅខែកញ្ញា។

លោក លូ គឹមឈន់ បានគូសបញ្ជាក់ដូច្នេះ៖ «ជប៉ុនជួយធ្វើជាអង់តែនរ៉ាដា ដើម្បីគ្រប់គ្រងកប៉ាល់ដើរក្នុងសមុទ្រទាំងអស់ហ្នឹងមកកាន់ផែយើង។ នៅខែកញ្ញា គម្រោងសាងសង់អង់តែនរ៉ាដានេះ ត្រូវសាងសង់រួចរាល់ហើយ»។

លោក លូ គឹមឈន់ អះអាងថា កំពង់ផែជាបំពង់កដ៏សំខាន់នៃសេដ្ឋកិច្ចរបស់កម្ពុជា ក្នុងនោះការធ្វើឱ្យទំនើបកម្មកំពង់ផែគឺជារឿងដ៏សំខាន់ ហើយនាំឱ្យសេដ្ឋកិច្ចរីកចម្រើន ហើយបើគ្មានកំពង់ផែទេនោះកម្ពុជានឹងជួបការលំបាកមួយចំនួន។

ប្រតិភូរាជរដ្ឋាភិបាលរូបនេះ ក៏បានថ្លែងអំណរគុណដល់រាជរដ្ឋាភិបាល និងប្រជាជនជប៉ុនដែលបានបន្តជួយធ្វើទំនើបកម្មកំពង់ផែស្វយ័តក្រុងព្រះសីហនុ៣០ឆ្នាំមក ទាំងការជួយចាប់តាំងពីហេដ្ឋារចនាសម្ព័ន្ធ និងគ្រប់គ្រង និងអភិវឌ្ឍសមត្ថភាពធនធានមនុស្ស។

បើតាមលោក លូ គឹមឈន់ ក្នុងឆ្នាំ២០២៥កន្លងទៅ កំពង់ផែអន្តរជាតិមួយនេះទទួលកុងតឺន័រឆ្លងកាត់ជាង១លាន៣៤ម៉ឺនទូកុងតឺន័រ កើននជាង១២ភាគរយ បើធៀបនឹងឆ្នាំ២០២៤។ សម្រាប់រយៈពេល៣ខែដំបូងក្នុងឆ្នាំ២០២៦ គឺការដឹកជញ្ជូនតាមផ្លូវទឹករបស់កម្ពុជាបានកើនឡើង៣៨% បើធៀបនឹងរយៈពេលដូចគ្នាក្នុងឆ្នាំ២០២៥៕

អត្ថបទ៖ ង៉ិល ណារ៉ាត់

The post ជប៉ុននឹងជួយសាងសង់រ៉ាដាគ្រប់គ្រងនាវានៅកំពង់ផែស្វយ័តក្រុងព្រះសីហនុ appeared first on Kampuchea Thmey Daily.

កាលពី​ថ្ងៃទី២៦ ខែកុម្ភៈ ឆ្នាំ២០២៦ លោក ទី សាគុណ អគ្គនាយករងទទួលបន្ទុកបច្ចេកទេស​កំពង់ផែស្វយ័តក្រុងព្រះសីហនុ បាន​បើកកិច្ចប្រជុំប្រចាំខែ កុម្ភៈ ឆ្នាំ ២០២៦ ដើម្បី​ត្រួតពិនិត្យវឌ្ឍនភាពការអនុវត្តគម្រោងសាងសង់​ចំណតផែកុងតឺន័រទឹកជ្រៅថ្មី-ជំហានទី ១ ជាមួយក្រុមហ៊ុនសាងសង់ TOA Corporation និងក្រុមហ៊ុនទីប្រឹក្សាគម្រោង Nippon Koei & Oriental Consultant Global JV។

ផ្អែក​តាម​របាយការណ៍​ក្នុង​កិច្ចប្រជុំបាន​បង្ហាញ​ពីវឌ្ឍនភាពនៃ​​ដំណើរការ​សាងសង់​កំពង់ផែទឹកជ្រៅ​ជំហានទី ១ គិត​រហូតដល់ដំណាច់ខែកុម្ភៈ ឆ្នាំ២០២៦ សម្រេចបាន​ប្រមាណ ៦០,៦៦ %។

ចំណតផែកុងតឺន័រទឹកជ្រៅ​ក្រុងព្រះសីហនុ​ជំហានទី១ ដែលកំពុងដំណើរការ​​សាងសង់​មានជម្រៅទឹក ១៤,៥ ម៉ែត្រ ​តាមផែនការ គ្រោង​បញ្ចប់​​​នៅ​ឆ្នាំ ២០២៨។ 

រដ្ឋាភិបាល​កម្ពុជា​បាន​វិនិយោគទឹកប្រាក់​ប្រមាណ ៧៥០ លាន​ដុល្លារ ដើម្បី​អភិវឌ្ឍ​កំពង់ផែទឹកជ្រៅ​​ខេត្តព្រះសីហនុ​​ទាំង ៣ ដំណាក់កាល​ ដើម្បី​​ឆ្លើយតប​ទៅ​កំណើន​​ការ​ដឹក​ជញ្ជូន​ទំនិញតាមផ្លូវសមុទ្រ និងការ​ធ្វើ​ពាណិជ្ជកម្មរបស់ប្រទេស​កម្ពុជា​។

នៅ​ក្នុង​ពិធី​ជួប​សំណេះសំណាល​ជាមួយមន្ត្រីរាជការ បុគ្គលិក កម្មករ និយោជិតកំពង់ផែស្វយ័តក្រុងព្រះសីហនុ កាលពី​ថ្ងៃទី ០១ ខែឧសភា ឆ្នាំ២០២៥ សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា​បាន​បញ្ជាក់​ថា ការវិនិយោគ​អភិវឌ្ឍ​កំពង់ផែស្វយ័តក្រុងព្រះសីហនុ គឺជាយុទ្ធសាស្ត្រយកលុយបង្កើត​លុយ​។ ការអភិវឌ្ឍ​ចំណតផែ​កុងតឺន័រ​ថ្មីទាំង ៣ ដំណាក់​​កាល​ នឹងប្រែក្លាយកំពង់ផែស្វយ័តក្រុងព្រះសីហនុទៅជាកំពង់ផែ​អន្តរជាតិ​​ខ្នាតធំ (Hub Port) ដែលអនុញ្ញាត​ឱ្យនាវាកុង​តឺន័រ​ធុនធំៗមានផ្លូវដឹកជញ្ជូន​ពីគ្រប់តំបន់នៅក្នុងពិភពលោកអាចចូល​ចតបាន ដោយពុំមានឧបសគ្គលើជម្រៅទឹក​៕

The post ត្រឹម​ដំណាច់​​ខែកុម្ភៈ ដំណើរការ​សាងសង់​កំពង់​ផែទឹកជ្រៅ​ក្រុង​ព្រះសីហនុ​សម្រេចបាន ៦០,៦៦% appeared first on Kampuchea Thmey Daily.

លោក ទី សាគុណ អគ្គនាយករងទទួលបន្ទុកបច្ចេកទេសកំពង់ផែស្វយ័តក្រុងព្រះសីហនុបាន​គូស​បញ្ជាក់ថា រហូតដល់ដំណាច់ខែមករា ឆ្នាំ២០២៦ ដំណើរការ​សាងសង់​ចំណតផែកុងតឺន័រទឹកជ្រៅថ្មីជំហានទី ១ នៃ​កំពង់ផែស្វយ័ត​ក្រុង​ព្រះសីហនុ​​​វឌ្ឍនភាពសម្រេចបាន ៥៧,៤០% នៃផែនការគ្រោងទុក។

រដ្ឋាភិបាល​កម្ពុជា​បាន​វិនិយោគទឹកប្រាក់​ប្រមាណ ៧៥០ លាន​ដុល្លារ ដើម្បី​អភិវឌ្ឍ​កំពង់ផែទឹកជ្រៅ​​ខេត្តព្រះសីហនុ​​ទាំង ៣ ដំណាក់កាល​ ដើម្បី​​ឆ្លើយតប​ទៅ​កំណើន​​ការ​ដឹក​ជញ្ជូន​ទំនិញតាមផ្លូវសមុទ្រ និងការ​ធ្វើ​ពាណិជ្ជកម្មរបស់ប្រទេស​កម្ពុជា​។

នៅ​ក្នុង​ពិធី​ជួប​សំណេះសំណាល​ជាមួយមន្ត្រីរាជការ បុគ្គលិក កម្មករ និយោជិតកំពង់ផែស្វយ័តក្រុងព្រះសីហនុ កាលពី​ថ្ងៃទី ០១ ខែឧសភា ឆ្នាំ២០២៥ សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា​បាន​បញ្ជាក់​ថា ការវិនិយោគ​អភិវឌ្ឍ​កំពង់ផែស្វយ័តក្រុងព្រះសីហនុ គឺជាយុទ្ធសាស្ត្រយកលុយបង្កើតលុយ។ ការអភិវឌ្ឍ​ចំណតផែ​កុងតឺន័រ​ថ្មីទាំង ៣ ដំណាក់​​កាល​ នឹងប្រែក្លាយកំពង់ផែស្វយ័តក្រុងព្រះសីហនុទៅជាកំពង់ផែ​អន្តរជាតិ​​ខ្នាតធំ (Hub Port) ដែលអនុញ្ញាត​ឱ្យនាវាកុង​តឺន័រ​ធុនធំៗមានផ្លូវដឹកជញ្ជូន​ពីគ្រប់តំបន់នៅក្នុងពិភពលោកអាចចូល​ចតបាន ដោយពុំមានឧបសគ្គលើជម្រៅទឹក​។ ​

ចំណតផែកុងតឺន័រទឹកជ្រៅ​ជំហានទី១ ដែលកំពុងដំណើរការ​​សាងសង់​មានជម្រៅទឹក ១៤,៥ ម៉ែត្រ ​ហើយ​គ្រោង​បញ្ចប់​​​នៅ​ឆ្នាំ ២០២៨ ដែល​​អាច​​ឱ្យនា​វា​ប្រមាណ ៩៣ ភាគរយ ក្នុងតំបន់ចូលចតបាន​។ ​ចំណែក​ចំណត​ផែកុងតឺន័រ​ទឹកជ្រៅជំហាន​ទី ២ និងជំហានទី៣ នឹងពង្រីក​តាមដំណាក់កាល​បន្តបន្ទាប់ ដែល​ក្រោយ​បញ្ចប់​ទាំង ៣ ដំណាក់កាល ទំនិញ​​​ពីកម្ពុជាអាច​ដឹក​ចេញដោយ​ផ្ទាល់​​ទៅបណ្តាកំពង់ផែនៅ​តំបន់អឺរ៉ុបនិងអាមេរិក ដោយពុំចាំបាច់ឆ្លងកាត់​កំពង់ផែ​បណ្តា​ប្រទេស​​នៅក្នុងតំបន់ទៀត​ឡើយ។

សមាគមដឹកជញ្ជូន​ក៏​មើលឃើញ​ពី​តម្លៃ​នៃ​ការ​អភិវឌ្ឍ​សមត្ថភាព​កំពង់ផែទឹកជ្រៅ​ក្រុង​ព្រះសីហនុ​ ដែល​នឹង​​ជួយ​កាត់​បន្ថយ​ថ្លៃ​​ដឹកជញ្ជូន ​ធ្វើឱ្យកម្ពុជាមាន​ឯករាជ្យភាព ​និង​លើកកម្ពស់​ការប្រកួតប្រជែងកាន់តែខ្លាំងក្លាថែម​ទៀត។

ប្រធាន​សមាគម​ពាណិជ្ជករ​ដឹកជញ្ជូន និង​ខ្សែ​ច្រវាក់​ផ្គត់ផ្គង់​ លោក ជា ចាន់ដារ៉ា បាន​ប្រាប់​កម្ពុជា​ថ្មី​​កន្លងទៅ​ថា ការ​ដឹកជញ្ជូន​តាម​ផ្លូវ​ទឹក​មាន​ការ​ពេញនិយម​នៅ​លើ​ពិភពលោក ដោយសារ​មធ្យោបាយ​នេះ​អាច​ដឹក​ទំនិញ​បាន​ច្រើន​ ដឹក​បាន​ឆ្ងាយ​ និង​តម្លៃ​ថោក។ បច្ចុប្បន្ន​ការ​ដឹកជញ្ជូន​ពី​ប្រទេស​កម្ពុជា​មាន​តម្លៃ​ខ្ពស់​ ដោយសារ​ទំនិញ​ដឹក​ចេញ​ចូលត្រូវ​ឆ្លង​កាត់​ការ​លើក​ដាក់នៅ​កំពង់ផែ​ប្រទេស​ទី ៣ ដែលនេះ​​បង្កើន​កញ្ចប់​ចំណាយ​​លើ​ថ្លៃ​ដឹក​ជញ្ជូន​សម្រាប់​ទំនិញ​ចេញចូល​កម្ពុជា​។

តាម​រយៈ​ការអភិវឌ្ឍ​កំពង់ផែ​ទឹកជ្រៅ​ថ្មី​របស់រដ្ឋាភិបាល ​ដែល​គ្រោង​ចំណាយ​​ថវិកា​រហូត​ដល់​ទៅជិត ១​ ពាន់​លាន​ដុល្លារ​អាមេរិក​ លោក ជា ចាន់ដារ៉ា បានបញ្ជាក់ថា​ នឹង​អាច​ពង្រីក​សមត្ថភាព​ការ​ដឹក​ជញ្ជូន​ទំនិញ​តាម​ផ្លូវ​សមុទ្រ​របស់ប្រទេស​កម្ពុជា​​ឲ្យកាន់តែ​មានភាព​សកម្ម​ ឆ្លើយតប​កំណើន​សេដ្ឋកិច្ចនិងការ​ធ្វើ​ពាណិជ្ជកម្មជា​អន្តរជាតិ​របស់ប្រទេស​កម្ពុជា​៕

The post វឌ្ឍនភាពការសាងសង់​កំពង់ផែទឹកជ្រៅ​ក្រុង​ព្រះសីហនុ​សម្រេចបាន ៥៧% appeared first on Kampuchea Thmey Daily.

បើតាម​សេចក្តី​ជូន​ដំណឹង​របស់​ក្រសួងរៀបចំដែនដី នគរូបនីយកម្ម និងសំណង់ រាជរដ្ឋាភិបាល​កម្ពុជាបានសម្រេចរៀបចំ អភិវឌ្ឍន៍ និងសាងសង់ចំណតផែកុងតឺន័រ​ទឹកជ្រៅរបស់កំពង់ផែ​ស្វយ័ត​ក្រុង​ព្រះសីហនុ ជា ៣ ជំហាន គិតចាប់ពី ឆ្នាំ​២០២៣ ដល់ឆ្នាំ២០៣០ ដោយប្រើប្រាស់ថវិកា​កម្ចី​សម្បទាន​ពីរដ្ឋាភិបាលជប៉ុន។

គម្រោងអភិវឌ្ឍន៍នេះមានគោលបំណង ដើម្បីបង្កើនសមត្ថភាពផែកុងតឺន័រ​ដែលអនុញ្ញាត​ឱ្យនាវា​ដឹក​កុងតឺន័រ​មានចំណុះផ្ទុករហូតដល់ ១៦០,០០០ DWT (១៥.០០០ TEUs) ចេញ-ចូលដឹក​ជញ្ជូន​ពីកំពង់ផែ​ស្វយ័តក្រុងព្រះសីហនុទៅកាន់ពិភពលោក​ដោយផ្ទាល់និងគ្មាន​ឧបសគ្គ​ជម្រៅ​ទឹក​។

កន្លងមក ក្រសួងរៀបចំដែនដី នគរូបនីយកម្ម និងសំណង់ បានចាត់​តាំង​ក្រុម​ការងារសហការ​ជាមួយ​រដ្ឋបាល​ខេត្តព្រះសីហនុ ចុះពិនិត្យ វាស់វែង និង​កំណត់អត្តសញ្ញាណប្រជាពលរដ្ឋ ដែល​បាន​កាន់​កាប់ដីនិងផ្ទះ ស្ថិតក្នុងតំបន់គម្រោងអភិវឌ្ឍន៍ចំណតផែកុងតឺន័រ រួច​ហើយ។

ដើម្បីឱ្យផែនការអភិវឌ្ឍន៍គម្រោងសាងសង់ចំណតផែកុងតឺន័រទឹកជ្រៅថ្មី ដំណើរការ​ទៅបាន​សម្រេច​តាមផែនការ​ដែលបានគ្រោងទុក ក្រសួងរៀបចំដែនដី នគរូបនីយកម្ម និងសំណង់ បាន​រៀប​ចំ​ក្រុមការងារ​សហការ​ជាមួយរដ្ឋបាលខេត្តព្រះសីហនុ ដើម្បីចុះពិនិត្យ​ដោះស្រាយ​ផល​ប៉ះពាល់​នានា​ជាមួយ​ប្រជាពលរដ្ឋដោយផ្ទាល់ ដើម្បីយកទីតាំង​ដី​ធ្វើការអភិវឌ្ឍ​ទៅតាម​ផែនការរបស់​រាជរដ្ឋាភិបាល។

ក្នុងន័យនេះ ក្រសួងរៀបចំដែនដី នគរូបនីយកម្ម និងសំណង់ អំពាវនាវដល់​ពលរដ្ឋដែល​ពាក់ព័ន្ធ​ចូលរួមសហការជាមួយក្រុមការងារ ប្រកបដោយ​ស្មារតី​ទទួល ខុសត្រូវខ្ពស់ ដើម្បីរួមចំណែកកសាង​និងអភិវឌ្ឍប្រទេសជាតិ​យើងឱ្យ​កាន់តែ​មានការរីកចម្រើន៕

The post ក្រសួងដែនដី អំពាវនាវ​ពលរដ្ឋ​មានសំណង់ពាក់ព័ន្ធ​​ ចូលរួមសហការ​គម្រោងអភិវឌ្ឍន៍​កំពង់ផែ​ទឹកជ្រៅ​ក្រុងព្រះសីហនុ​​ appeared first on Kampuchea Thmey Daily.