តាមប្រភពដដែល ទណ្ឌិតទាំងនេះត្រូវបានផ្ទេរពីបណ្តាមណ្ឌលអប់រំកែប្រែ និងពន្ធនាគាររាជធានី-ខេត្តនានា ដោយក្នុងនោះ ៦៥១នាក់ ត្រូវបានបញ្ជូនទៅមណ្ឌលអប់រំកែប្រែទី៤ ខេត្តពោធិ៍សាត់ និង ១៣៩នាក់ទៀត ទៅពន្ធនាគារខេត្តឧត្តរមានជ័យ។

អគ្គនាយកដ្ឋានពន្ធនាគារ បញ្ជាក់ថា កម្មវិធីនេះជាផ្នែកមួយនៃការអប់រំ កែប្រែ និងស្តារនីតិសម្បទាទណ្ឌិត តាមរយៈការបណ្តុះបណ្តាលជំនាញវិជ្ជាជីវៈ និងការចូលរួមការងារផលិតកម្ម ដើម្បីពង្រឹងសមត្ថភាពផ្ទាល់ខ្លួន ស្របពេលបណ្តុះស្មារតីស្រឡាញ់ជាតិ និងការទទួលខុសត្រូវចំពោះសង្គម។ ជាមួយគ្នានេះ កម្មវិធីបណ្តុះបណ្តាលខាងលើ ត្រូវបានអនុវត្តឡើងក្រោមកិច្ចសហការយ៉ាងជិតស្និទ្ធពីមន្ត្រីជំនាញកសិកម្ម និងមន្ត្រីជំនាញផ្នែកកសាងគម្របលេណដ្ឋាន។

បន្ថែមពីនេះ អគ្គនាយកដ្ឋានពន្ធនាគារ ក៏បានអំពាវនាវដល់យុវជនឱ្យចៀសវាងពីអំពើ អបាយមុខ និងសកម្មភាពដែលនាំឱ្យប្រព្រឹត្តបទល្មើស ព្រមទាំងចូលរួមកសាងសង្គមប្រកបដោយសុវត្ថិភាព និងការអភិវឌ្ឍប្រកបដោយចីរភាព ខណៈអាជ្ញាធរនឹងបន្តចាត់វិធានការយ៉ាងម៉ឺងម៉ាត់ចំពោះក្រុមក្មេងទំនើង៕

The post ទណ្ឌិតជាក្មេងទំនើង ៧៩០នាក់ ចូលរួមដាំបន្លែ ចិញ្ចឹមសត្វ និងធ្វើគម្របលេណដ្ឋាន គាំទ្រកម្លាំងជួរមុខ appeared first on Kampuchea Thmey Daily.

លោក សេង គន្ធ អភិបាលនៃគណៈអភិបាលខណ្ឌមានជ័យ បានលើកឡើងថា ដោយមានការរាយការណ៍ពីពលរដ្ឋថា ចំណុចខាងលើនេះតែងតែមានក្មេងៗ មួយក្រុមមកអង្គុយជក់បារី ប្រមូលផ្តុំគ្នានាពេលយប់ បង្កសម្លេងរំខានដល់ពលរដ្ឋក្បែរនោះ មិនអាចសម្រាកបាន ។ ភ្លាមៗលោកអភិបាលបានដឹកនាំ កម្លាំងគណៈបញ្ជាការឯកភាពខណ្ឌមានជ័យ ចុះទៅកាន់ទីតាំងខាងលើតែម្តង ដើម្បីរក្សាសុខសុវត្ថិភាពជូនពលរដ្ឋ នៅចំណុចតំបន់ខាងលើនេះ។

អភិបាលខណ្ឌបន្តថា ជាក់ស្តែងនៅពេលកម្លាំងចុះទៅដល់ បានឃើញក្មេងៗ ដែលមិនដេកពួន ចំនួន ១២នាក់ កំពុងបង្កសម្លេងរំខានឡូឡា ទើបកម្លាំងឃាត់ខ្លួន បញ្ជូនតាមរថយន្ត មកកាន់សាលាខណ្ឌមានជ័យ ដើម្បីសួរនាំ ។

ក្រោយឃាត់គណៈបញ្ជាការឯកភាពខណ្ឌ បានប្រគល់ក្មេងទាំង១២នាក់ បញ្ជូនទៅអធិការនគរបាលខណ្ឌ ដើម្បីចាត់ការតាមនិតិវិធី៕ អត្ថបទ ៖ រដ្ឋា

The post គណៈបញ្ជាការឯកភាពខណ្ឌមានជ័យ ចុះរដ្ឋបាលឃាត់ខ្លួនក្មេងៗប្រមូលផ្តុំគ្នា អត់ដេកពួនរំខានដល់ប្រជាពលរដ្ឋ appeared first on Kampuchea Thmey Daily.

បទបញ្ជាធ្ងន់ៗ របស់លោកស្នងការរាជធានីភ្នំពេញធ្វើឡើង បន្ទាប់ពីមានការបង្ហោះរិះគន់ព្រោងព្រាតនៅលើបណ្តាញទំនាញទំនងសង្គម អំពីក្រុមម៉ូតូធំមួយចំនួនតូចៗ បានបើកបរវ៉ាជែងពេញដងផ្លូវ និងបានបង្ហោះម៉ូតូ ហើយថតជាវីឌីអូរចែកចាយជាសាធារណៈ ដែលជាកត្តាប៉ះពាល់ធ្ងន់ធ្ងរ ដល់សណ្តាប់ធ្នាប់ និងសុវត្ថិភាពសាធារណៈ។

លោកឧត្តមសេនីយ៍ឯក ជួន ណារិន្ទ បញ្ជាក់ថា ៖ រឿងម៉ូតូ ធំតូច មិនមានអភ័យឯកសិទ្ឋទេ គឺត្រូវគោរពច្បាប់ចរាចរណ៌ផ្លូវគោកស្មើៗគ្នា។ លោកបានចាត់ឱ្យជំនាញ តាមដានពិនិត្យនិងស្រាវជ្រាវ និងដឹងអត្តសញ្ញាណហើយ និងចាត់ទៅជំនាញ កោះហៅ មកសួរនាំ និងបំភ្លឺ ។

លោកមិនអនុញ្ញាតឲ្យក្រុមទាំងនោះ ធ្វើអ្វីតាមតែចិត្តនឹកឃើញនោះទេ ពិសេសបើកបរបង្កការរំខានខ្លាំង ដល់អ្នកដំណើរដទៃ ដែលកំពុងចរាចរធ្វើដំណើរស្របពេលជាមួយគ្នានោះ ៕ អត្ថបទ៖ សុភា

The post មេប៉ូលីសរាជធានី ដាក់បទបញ្ជាដល់កម្លាំងនគរបាលអនុវត្តច្បាប់តឹងរឹងលើអ្នកបើកបរ បង្កភាពអាណាធិបតេយ្យលើ ដងផ្លូវសាធារណៈ appeared first on Kampuchea Thmey Daily.

ក្រោយពីទទួលបានព័ត៌មានខាងលើរួច ដោយអនុវត្តតាមបទបញ្ជាលោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល លោកវរសេនីយ៍ឯក​ មាន​ សំណាង​ អធិការ​នគរបាល​ស្រុកអង្គស្នួល​ បានដឹកនាំបញ្ជាកម្លាំងជំនាញស្រាវជ្រាវឈានដល់បង្ក្រាបមុខសញ្ញា ក្មេងទំនើង (ជិះម៉ូតូដោះអាវ មិនពាក់មួកការពារសុវត្ថិភាព និងលើសចំនួនកំណត់) ចំនួន០៥នាក់៖ ឈ្មោះ ឡន ស៊ុយលៀងហេង ភេទប្រុស អាយុ១៧ឆ្នាំ,ឈ្មោះ រិទ្ធ ថៃរ៉ុង ភេទប្រុស អាយុ១៨ឆ្នាំ, ឈ្មោះ យឹម សុភ្រ័ក្កត្រា ភេទប្រុស អាយុ១៨ឆ្នាំ, ៤.ឈ្មោះ ពន្លឺ សុខវីន ភេទប្រុស អាយុ១៨ឆ្នាំ និង ឈ្មោះ ចាន់ ធាវិទូ ភេទប្រុស អាយុ១៧ឆ្នាំ

ក្នុងនោះសមត្ថកិច្ចដកហូតបានវត្ថុតាងម៉ូតូ០១គ្រឿង ម៉ាក Honda គុបជ្រុង ពណ៌ទឹកមាស ពាក់ផ្លាកលេខ កណ្ដាល 1T-8330 (ជិះដឹកគ្នាចំនួន ០៥នាក់)។

នៅចំពោះមុខសមត្ថកិច្ចក្រុមក្មេងទាំង០៥នាក់ បានឆ្លើយសារភាពថា ខ្លួននិងបក្ខពួក បានជិះម៉ូតូលើសចំនួន មិនពាក់មួកសុវត្ថិភាព និងមិនពាក់អាវ ពិតប្រាកដមែន។ ចំពោះករណីខាងលើនេះដោយក្រុមក្មេងទំនើងខាងលើ ព្រមទទួលស្គាល់កំហុស សុំទោសជាសាធារណៈ និងឈប់ប្រព្រឹត្តសកម្មភាពដែលល្មើសច្បាប់បន្តទៀត កម្លាំងផ្នែកជំនាញសុំគោលការណ៍តាមឋានានុក្រមអប់រំ នៅអធិការដ្ឋាននគរបាលស្រុកអង្គស្នួល ៤៨ម៉ោង៕ ដោយ៖ អុឹងម៉េង

The post សមត្ថកិច្ចស្រុកអង្គស្នូល ឃាត់ខ្លួនក្មេងទំនើងជិះម៉ូតូដោះ អាវ មិនពាក់មួកសុវត្តិភាពបង្កភាពអាណាធិបត្យតាមដងផ្លូវយកអប់រំ៤៨ម៉ោង appeared first on Kampuchea Thmey Daily.

ដោយយោងតាមពាក្យបណ្តឹង របស់ប្រជាពលរដ្ឋ កាលពីថ្ងៃទី១៤ ខែឧសភា ឆ្នាំ២០២៦ នាវេលាម៉ោង០៣:២៦នាទី ទៀបភ្លឺ មានជនសង្ស័យមួយក្រុម មានគ្នាចំនួន ០៦នាក់ ជិះម៉ូតូចំនួន០៣គ្រឿង បានធ្វើកម្មភាពកាន់កាំបិតផ្កាក់ដេញកាប់ មកលើក្រុមរបស់គាត់ ដែលមានគ្នាចំនួន០៦នាក់។

ក្រោមការដឹកនាំបញ្ជាដោយផ្ទាល់មុឺងពី លោកឧត្តមសេនីយ៍ត្រី ម៉េង ស្រ៊ុន មេបញ្ជាការកងរាជអាវុធហត្ថខេត្ត កាលពីថ្ងៃទី១៥ ខែឧសភា ឆ្នាំ២០២៦ កម្លាំងមន្ទីរស្រាវជ្រាវនិងបង្រ្កាបបទល្មើស បានសហការជាមួយកម្លាំងមូលដ្ឋានកងរាជអាវុធហត្ថ ក្រុងច្បារមន បើកប្រតិបត្តិការ ស្រាវជ្រាវកំណត់មុខសញ្ញា និងឈានដល់ការឃាត់ជនសង្ស័យ បានចំនួន០៥នាក់ ដែល ពាក់ព័ន្ធ នឹងករណី ហិង្សា មានស្ថានទម្ងន់ទោស។ កាលពីវេលាម៉ោង ១៣:២១នាទីរសៀល នាថ្ងៃទី១៥ ខែឧសភា ឆ្នាំ ២០២៦ កម្លាំងជំនាញអាវុធហត្ថបានឃាត់ខ្លួនជនសង្ស័យម្នាក់មានឈ្មោះ ហាក់ ដាវី ភេទប្រុស អាយុ ១៥ឆ្នាំ ដោយកម្លាំងជំនាញបន្តស្រាវជ្រាវឃាត់ខ្លួនជនសង្ស័យចំនួន៤នាក់បន្តទៀតមានឈ្មោះ សំ ពេជ្រ ភេទប្រុស អាយុ២២ឆ្នាំ, ឈ្មោះ សុខុន សិរីសុភ័ក្រ្ភ ភេទប្រុស អាយុ ១៦ឆ្នាំ, ឈ្មោះ រស់ តុលា ភេទប្រុស អាយុ ២៥ឆ្នាំ។

ក្រោមវិធានជំនាញរបស់អាវុធហត្ថ លុះដល់វេលាម៉ោង ១៦:៣៩នាទីល្ងាច នាថ្ងៃខែឆ្នាំដដែលនេះ បានបន្តឃាត់ខ្លួនជនសង្ស័យ ០១នាក់បន្ថែមទៀត ស្ថិតនៅទួលគោក សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ ។ដោយជនសង្ស័យ មានឈ្មោះ មុី បូរិន្ទ ភេទប្រុស អាយុ ១៦ឆ្នាំ មុខរបរមិនពិតប្រាកដ និងមានទីលំនៅ បច្ចុប្បន្ន ភូមិទួលគោក សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ។ វត្ថុតាងចាប់បានរួមមាន ម៉ូតូចំនួន០ ២គ្រឿង និងកាប់បិតផ្កាក់ចំនួន០២ដេីម។

បច្ចុប្បន្នជនសង្ស័យខាងលើ រួមនិងវត្ថុតាងត្រូវបាន កម្លាំងជំនាញកងរាជអាវុធហត្ថ បញ្ចូនមកបញ្ជាការដ្ឋានកងរាជអាវុធហត្ថខេត្តកំពង់ស្ពឺ កំពុងកសាងនីតិវីធីបន្ត៕

The post អាវុធហត្ថខេត្តកំពង់ស្ពឺ បើកការស្រាវជ្រាវបង្រ្កាបក្រុមក្មេងទំនើងចំនួន៥នាក់ ដេញកាប់គ្នាយ៉ាងអនាធិបតេយ្យ appeared first on Kampuchea Thmey Daily.

កាលពីវេលាម៉ោង ០៣និង ០៧នាទី ថ្ងៃទី១០ ខែឧសភា ឆ្នាំ២០២៦ អាវុធហត្ថរាជធានីភ្នំពេញ បានទទួលបណ្តឹងផ្ទាល់មាត់ពីប្រជាពលរដ្ឋតាមរយៈលេខទូរស័ព្ទបន្ទាន់ ១២៩១ ដើម្បីសុំអន្តរាគមន៍ចំពោះករណីក្មេងទំនើងបង្ហោះម៉ូតូតាមផ្លូវសាធារណ:។ បន្ទាប់ពីទទួលបានបណ្ដឹងខាងលើ កម្លាំងអាវុធហត្ថរាជធានីភ្នំពេញ ក្នុងមូលដ្ឋានខណ្ឌដង្កោ បានធ្វើការចុះបង្ក្រាបក្រុមក្មេងទំនើង ដែលតែងធើ្វសកម្មភាពបង្ហោះម៉ូតូនៅចំណុចផ្លូវ៦០ម៉ែត្រ ស្ថិតក្នុងភូមិស្រុកចេក សង្កាត់ជើងឯក ខណ្ឌដង្កោ រាជធានីភ្នំពេញ និងបានឃាត់ខ្លួនក្មេងទំនើង ០២នាក់ភ្លាមៗ យកមកធ្វើការអប់រំ ធ្វើកិច្ចសន្យាបញ្ឈប់រាល់សកម្មភាពទំនើងដែលនាំឲ្យប៉ះពាល់ដល់ការសិក្សា បំផ្លាញទ្រព្យសម្បត្តិក៏ដូចជាកិត្តិយសគ្រួសារ

ព្រមទាំងបង្ករការភ័យខ្លាចដល់អ្នកជុំវិញ បង្ករភាពអនាធិបតេយ្យក្នុងសង្គម និងដកហូតម៉ូតូ ០១គ្រឿង យកទៅរក្សាទុករយៈពេល ០៣ខែ នៅទីបញ្ជាការ កងរាជអាវុធហត្ថរាជធានីភ្នំពេញ តាមបទបញ្ជាដ៏ម៉ឺងម៉ាត់ របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដែលធ្លាប់មានប្រសាសន៍កន្លងមកពាក់ព័ន្ធនឹងក្មេងទំនើង ត្រូវអនុវត្តគ្រប់វិធានការឲ្យបានតឹងរឹងបំផុត ទាំងវិធានការរដ្ឋបាល និងវិធានការច្បាប់ ពិសេសក្មេងទំនើងបង្ហោះម៉ូតូនៅតាមដងផ្លូវសាធារណៈ ត្រូវឃាត់ម៉ូតូរក្សារទុករយៈពេលបីខែចំពោះការប្រព្រឹត្តលើកទីមួយ និងប្រាំមួយខែប្រសិនបើមិនរាងចាល នៅតែប្រព្រឹត្តលើកទី២បន្តទៀត៕

The post អាវុធហត្ថរាជធានីភ្នំពេញ បង្ក្រាបក្មេងទំនើងបង្ហោះម៉ូតូលើផ្លូវសាធារណៈ ចំនួន០២នាក់យកមកអប់រំធើ្វកិច្ចសន្យា appeared first on Kampuchea Thmey Daily.

 ភ្លាមៗបន្ទាប់ពីទទួលបានព័ត៌មាន កម្លាំងអាវុធហត្ថរាជធានីភ្នំពេញ ក្នុងមូលដ្ឋានខណ្ឌមានជ័យ ចុះដល់កន្លែងកើតហេតុធ្វើការស្រាវជ្រាវជាបន្តបន្ទាប់ រហូតដល់វេលាម៉ោងប្រហែល១៣និង០៩នាទី ថ្ងៃទី០៤ ខែឧសភា ឆ្នាំ២០២៦ ឈានដល់ការឃាត់ខ្លួនក្មេងទំនើងបានចំនួន ០២នាក់៖ ឈ្មោះ ឃាង កា ភេទប្រុស អាយុ១៧ឆ្នាំ និង ឈ្មោះ ចាប សុផាន់ណា ភេទប្រុស អាយុ១៧ឆ្នាំ នៅចំណុចទីតាំងឃ្លាំងដាក់រថយន្តបូមលូខាងលើ ដែលក្មេងទំនើងទាំង០២នាក់សម្ងំលាក់ខ្លួន បញ្ជូនទៅការិយាល័យជំនាញ នៃ កងរាជអាវុធហត្ថរាជធានីភ្នំពេញ ដើម្បីចាត់ការបន្តតាមនីតិវិធី។ វត្ថុតាងចាប់យក ៖ ១.ដែកទីបមូលចំនួន០១ដើម, ២.ដែកទីបជ្រុងចំនួន០៤ដើម, ៣.ដុំថ្មចំនួន០៣ដុំ រួមនឹងសម្ភារៈមួយចំនួនទៀត។

ក្រោមវិធានការជំនាញក្មេងទំនើងទាំង០២នាក់ បានសារភាពឲ្យដឹងដូចៗគ្នាថា ពួកខ្លួនពិតជាបានប្រព្រឹត្តអំពើហិង្សាដូចការរៀបរាប់ខាងលើ ប្រាកដមែន ហើយកន្លងមកនៅចំណុចខាងលើពួកខ្លួន និងបក្ខពួកបានធ្វើសកម្មភាពយកដុំថ្ម និងដែកទីបគប់គ្នាចំនួន០៣លើករួចមកហើយ។

ក្មេងទំនើងទាំង០២នាក់ ត្រូវបានកម្លាំងជំនាញការិយាល័យព្រហ្មទណ្ឌ នៃកងរាជអាវុធហត្ថរាជធានីភ្នំពេញ កសាងសុំណុំរឿងបញ្ជូនទៅតុលាការ ដើម្បីចាត់ការតាមនីតិវិធីច្បាប់ ចំណែកឯបក្ខពួកដែលមានពាក់ព័ន្ធក្នុងអំពើហិង្សាខាងលើ ហើយកំពុងរត់គេចខ្លួន សមត្ថកិច្ចជំនាញ អាវុធហត្ថរាជធានីភ្នំពេញ កំពុងស្រាវជ្រាវឃាត់ខ្លួនបន្ត៕

The post អាវុធហត្ថរាជធានីភ្នំពេញ ស្រាវជ្រាវឃាត់ខ្លួនក្មេងទំនើង០២នាក់ ពាក់ព័ន្ធករណីហិង្សាដោយចេតនា appeared first on Kampuchea Thmey Daily.

ប្រតិបត្តិការណ៍នេះធើ្វឡើងកាលពីយប់ថ្ងៃទី១៤ ឈានចូលថ្ងៃទី១៥ ខែមីនា ឆ្នាំ២០២៦ កម្លាំងជំនាញអាវុធហត្ថរាជធានីភ្នំពេញ សហការជាមួយកម្លាំងមូលដ្ឋានអាវុធហត្ថខណ្ឌដូនពេញ និង ខណ្ឌមានជ័យ បានធ្វើការឆ្មក់បង្ក្រាប ក្រុមក្មេងទំនើងចំនួន ១៤នាក់ និងម៉ូតូចំនួន ១៤គ្រឿង ដែលបានកែច្នៃបំពង់ស៊ីម៊ាំងខុសលក្ខណៈបច្ចេកទេស បង្កឲ្យមានសម្លេងរំខានដល់ប្រជាពលរដ្ឋ និងបង្កឲ្យបាត់បង់សណ្ដាប់ធ្នាប់សាធារណ: នៅចំណុច ភូមិ០១ សង្កាត់ស្រះចក ខណ្ឌដូនពេញ និងចំណុចផ្លូវវេងស្រេង ភូមិដំណាក់ធំ៣ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ។ 

បន្ទាប់ពីបានព្រមាន និងអប់រំណែនាំរួច កម្លាំងអាវុធហត្ថរាជធានីភ្នំពេញ បានឱ្យម្ចាស់ម៉ូតូ ធ្វើកិច្ចសន្យាបញ្ឈប់ការកែច្នៃបំពង់ស៊ីម៉ាំងម៉ូតូខុសលក្ខណៈបច្ចេកទេស បង្កការរំខានដល់សាធារណ:ជនតទៅទៀត ចំណែកម៉ូតូទាំង ១៤គ្រឿង ក្នុងនោះ ១១គ្រឿង បានដកហូតរក្សាទុកជាបណ្តោះអាសន្ននៅមូលដ្ឋានអាវុធហត្ថខណ្ឌដូនពេញ និង០៣គ្រឿងរក្សាទុកនៅបញ្ជាការដ្ឋានកងរាជអាវុធហត្ថរាជធានីភ្នំពេញ៕

The post អាវុធហត្ថរាជធានីភ្នំពេញ ឆ្មក់បង្រ្កោបក្រុមក្មេងទំនើងបាន១៤នាក់ បំពាក់ស៊ីម៊ាំងម៉ូតូខុសលក្ខណៈបច្ចេកទេស appeared first on Kampuchea Thmey Daily.