អនុវត្តតាមបទបញ្ជាដ៏ម៉ឺងម៉ាត់របស់ លោកនាយឧត្តមសេនីយ៍ ស ថេត អគ្គស្នងការនគរបាលជាតិ កម្លាំងជំនាញរបស់អគ្គស្នងការដ្ឋាននគរបាលជាតិ ក្រោមការដឹកនាំបញ្ជាប្រតិបត្តិការពី លោកឧត្តមសេនីយ៍ឯក មួង សុធា ឣគ្គស្នងការរងនគរបាលជាតិ និង​គណៈបញ្ជាការឯកភាពរដ្ឋបាលខេត្ត ដឹកនាំដោយលោក ប្រាក់ ប៉ូលី អភិបាលរងខេត្ត ដោយមានការចូលរួមពីកម្លាំងជំនាញនៃស្នងការដ្ឋាននគរបាលខេត្ត, កម្លាំងនៃបញ្ជាការដ្ឋានកងរាជអាវុធហត្ថខេត្ត និងរដ្ឋបាលក្រុងប៉ោយប៉ែត មានការចូលរួមអង្កេតការណ៍ពីក្រុមការងារចម្រុះ នៃលេខាធិការដ្ឋាន គ.ប.ឆ.ប ក្រោមការដឹកនាំសម្របសម្រួលនីតិវិធីពី លោក សំរិទ្ធ សុខុន និង លោក ទេព ឃុនឆ័យ ព្រះរាជអាជ្ញារង នៃអយ្យការអមសាលាដំបូងខេត្ត បានចុះត្រួតពិនិត្យជាក់ស្តែងនូវទីតាំង ពាក់ព័ន្ធនឹងករណីសង្ស័យជនបរទេសរស់នៅប្រមូលផ្តុំ លួចលាក់ប្រព្រឹត្ត បទល្មើសឆបោកតាមប្រព័ន្ធបច្ចេកវិទ្យា និងបទល្មើសផ្សេងៗ ចំនួន២ទីតាំងក្នុងភូមិក្បាលស្ពាន១ សង្កាត់អូរជ្រៅ  ក្រុងប៉ោយប៉ែត។

ជាលទ្ធផលក្រុមការងារបានត្រួតពិនិត្យទីតាំងទី១ -អគារកម្ពស់ ៥ជាន់ មាន ៤៧បន្ទប់ ជាបន្ទប់ស្នាក់នៅ និងបានរកឃើញជនបរទេស ឥណ្ឌូនេស៊ី ចំនូន ៨១នាក់ (ស្រី០នាក់)។ ប៉ុន្តែរកពុំឃើញមានសម្ភារៈសង្ស័យពាក់ព័ន្ធឆបោកតាមល្មើសបច្ចេកវិទ្យា (Scam Online)ទេ។ រីចំណែកទីតាំងទី២ នៅវេលាម៉ោង ១០.៣០នាទី អគារ ១កន្លែង ក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែតក្រុមការងារមិនបានចូលទៅត្រួតពិនិត្យក្នុងអគារនោះទេ ដោយមូលហេតុ៖ ទីតាំងខាងលើ ពុំមានជនបរទេសស្នាក់នៅនោះឡើយ។

ក្រោយប្រតិបត្តិការនេះកម្លាំងជំនាញបានបញ្ជូនជនបរទេសខាងលើ ទៅជំនាញអន្តោប្រវេសន៍ កំពុងសាកសួរនាំ និងបន្តនីតិវិធី ៕

The post សមត្ថកិច្ចបន្តចុះត្រួតពិនិត្យ អាគារ២ទីតាំងនៅក្រុងប៉ោយប៉ែតរកឃើញជនជាតិឥណ្ឌូនេស៊ីចំនួន៨១នាក់ រស់នៅប្រមូលផ្តុំ appeared first on Kampuchea Thmey Daily.

ដោយអនុវត្តតាមបទបញ្ជាដ៏ម៉ឺងម៉ាត់របស់ លោកនាយឧត្តមសេនីយ៍ ស ថេត អគ្គស្នងការនគរបាលជាតិ ប្រតិបត្តិការនេះ ដឹកនាំផ្ទាល់ដោយ លោកឧត្តមសេនីយ៍ឯក មួង សុធា អគ្គស្នងការរងនគរបាលជាតិ ដោយមានការសម្របសម្រួលនីតិវិធីពី លោក សំរិទ្ធ សុខុន ព្រះរាជអាជ្ញារង អមសាលាដំបូងខេត្ត ព្រមទាំងការចូលរួមពីលោក ប្រាក់ ប៉ូលី អភិបាលរងខេត្ត កម្លាំងស្នងការដ្ឋាននគរបាលខេត្ត កងរាជអាវុធហត្ថខេត្ត និងរដ្ឋបាលក្រុងប៉ោយប៉ែត។

ប្រតិបត្តិការនេះកម្លាំងចម្រុះបានចុះប្រតិបត្តិការដេញស្ទាក់ចាប់រថយន្តចំនួន០២គ្រឿង ដែលបានបុកសមត្ថកិច្ច ហើយរត់គេចពីការត្រួតពិនិត្យរបស់សមត្ថកិច្ច ពីចំណុចម្ដុំមុខវត្តត្រាច ស្ថិតក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ រហូតដល់ចំណុចតំបន់សេដ្ឋកិច្ចពិសេសសានកូ ស្ថិតក្នុងភូមិផ្សារកណ្ដាល សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ ទើបកម្លាំងចម្រុះ​ឃាត់រថយន្តខាងលើបានជាបន្តបន្ទាប់បានចំនួន០២គ្រឿង ដោយឃាត់ខ្លួនជនសង្ស័យជាជនជាតិបរទេសចំនួន០៥នាក់(ប្រុស)

​ក្នងនោះសមត្ថកិច្ចជំនាញបានដកហូតវត្ថុតាងមួយចំនួនរួមមាន ៖ រថយន្តម៉ាក GAC GN8 ពណ៌ខ្មៅ ផលិតឆ្នាំ២០២៥ ពាក់ស្លាកលេខ ភ្នំពេញ 2CH-2388 ចំនួន០១គ្រឿង​ កម្លាំងជំនាញបានរកឃើញសម្ភារវត្ថុតាងសម្រាប់ប្រព្រឹត្តបទល្មើសឆបោកតាមបច្ចេកវិទ្យា រួមមាន ៖ -ទូរស័ព្ទដៃចម្រុះ ចំនួន១៥៥គ្រឿង, -ធុង CPU ចំនួន០១គ្រឿង, -ម៉ូនីទ័រ (MONITOR) ចំនួន០២គ្រឿង, -កុំព្យូទ័រយួរដៃ (LAPTOP) ចំនួន០១គ្រឿង, -ផ្លាស់ (FLASH) ចំនួន០៥គ្រឿង ,

រថយន្តម៉ាក GAC GN8 ពណ៌ខ្មៅ ផលិតឆ្នាំ២០២៥ ពាក់ផ្លាកលេខ កម្ពុជា D.D.0168 ចំនួន០១គ្រឿង កម្លាំងជំនាញបានរកឃើញសម្ភារវត្ថុតាងសម្រាប់ប្រព្រឹត្តបទល្មើសឆបោកតាមបច្ចេកវិទ្យា រួមមាន ៖ -កាំភ្លើងខ្លីម៉ាក ZORAKI MOD 914-T លេខតួ A3YZR11YS01-2101918 ចំនួន០១ដើម បង់ចំនួន០១ (គ្រាប់ចំនួន០៧គ្រាប់), -ដំបងដែករលាស់ ចំនួន០១ដើម និង ទូរស័ព្ទដៃម៉ាក (IPHONE 17 PRO MAX) ចំនួន២គ្រឿង នៅជាប់និងខ្លួន។

​បច្ចុប្បន្ន ជនសង្ស័យ និងវត្ថុតាង កំពុងបន្តនីតិវិធីអនៅអធិការរដ្ឋាននគរបាលក្រុងប៉ោយប៉ែត៕

The post សមត្ថកិច្ចចម្រុះ ដេញស្ទាក់ចាប់រថយន្ត២គ្រឿងបុកបារ៉ាស់ឃាត់ជនជាតិចិន៥នាក់ រកឃើញសម្ភារបទល្មើស និង ដកហូតអាវុធ appeared first on Kampuchea Thmey Daily.

អនុវត្តតាមបទបញ្ជាដ៏ម៉ឺងម៉ាត់របស់ លោកនាយឧត្តមសេនីយ៍ ស ថេត អគ្គស្នងការនគរបាលជាតិ កាលពីថ្ងៃទី២៥ ខែមិថុនា ឆ្នាំ២០២៦ កម្លាំងជំនាញរបស់អគ្គស្នងការដ្ឋាននគរបាលជាតិ ក្រោមការដឹកនាំប្រតិបត្តិការដោយ លោកឧត្តមសេនីយ៍ឯក មួង សុធា ឣគ្គស្នងការរងនគរបាលជាតិ និងសហការជាមួយកម្លាំងគណៈបញ្ជាការឯកភាពខេត្ត ដឹកនាំដោយ លោក ប្រាក់ ប៉ូលី អភិបាលរងខេត្តបន្ទាយមានជ័យ ដឹកនាំសម្របសម្រួលនីតិវិធីដោយ លោក សំរិទ្ធ សុខុន ព្រះរាជអាជ្ញារង អមសាលាដំបូងខេត្ត ព្រមទាំងកម្លាំងនៃស្នងការដ្ឋាននគរបាលខេត្តបន្ទាយមានជ័យ កងរាជអាវុធហត្ថខេត្ត និងរដ្ឋបាលក្រុងប៉ោយប៉ែត បានចុះត្រួតពិនិត្យអាគារស្នាក់នៅចំនួន៣ទីតាំង ក្នុងក្រុងប៉ោយប៉ែត ខេត្តបន្ទាយមានជ័យ បានរកឃើញសម្ភារវត្ថុតាងប្រព្រឹត្តិបទល្មើសឆបោកតាមប្រព័ន្ធបច្ចេកវិទ្យា។

*ទីតាំងទី១ នៅវេលាម៉ោង ០៩:៣០នាទី នៅភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ផ្ទះ២ល្វែងកម្ពស់៥ជាន់ផ្ទាល់ដី មាន១៦បន្ទប់ ហលចំនួន១ជាន់ខាងលើ មានជនជាតិឥណ្ឌូណេស៊ីស្នាក់នៅចំនួន ២៥នាក់ ស្រី០២នាក់។ទីតាំងនេះ រកពុំឃើញមានសម្ភារៈវត្ថុតាងសម្រាប់ប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (Online Scam)នោះទេ។

*ទីតាំងទី២ នៅវេលាម៉ោង ១០:០០នាទី នៅភូមិបាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ផ្ទះ២ល្វែងកម្ពស់៣ជាន់ផ្ទាល់ដី មាន២៥បន្ទប់ មានចំរុះជាតិសាសន៍ស្នាក់នៅចំនួន ១៥នាក់ ក្នុងនោះ កម្លាំងចម្រុះរកពុំឃើញមានសម្ភារៈសម្រាប់ប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (Online Scam) នោះទេ។ ចំពោះជនបរទេសខាងលើ កម្លាំងជំនាញអន្តោប្រវេសន៍ជាអ្នកគ្រប់គ្រង និងពិនិត្យតាមនីតិវិធី។

*ចំណែកទីតាំងទី៣ វេលាម៉ោង១១:០០នាទី កម្លាំងចម្រុះបានចុះត្រួតពិនិត្យជាក់ស្ដែងសណ្ឋាគារឈ្មោះ វែន តឺ ម៉ូ ហ្វ តា ជៀវ ទៀន កម្ពស់១១ជាន់មាមាន៦៣បន្ទប់ ស្ថិតនៅភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ បានរកឃើញ មានជនជាតិស្នាក់នៅចម្រុះជាតិសាសន៍ មានចំនួន ៦៦នាក់ (ស្រី០៩នាក់) មាន១០សញ្ជាតិ និងរកឃើញកុំព្យូទ័រយួរដៃ (Laptop)១គ្រឿង និងទូរស័ព្ទដៃ៦២គ្រឿង សង្ស័យថាប្រព្រឹត្តិបទល្មើសឆបោកតាមប្រព័ន្ធបច្ចេកវិទ្យា(Online Scam)។ បច្ចុប្បន្នវត្ថុតាងចាប់យកទាំងអស់ កម្លាំងជំនាញអគ្គស្នងការនគរបាលជាតិជាអ្នកគ្រប់គ្រង ដើម្បីធ្វើកោសល្យវិច័យ នឹងមានចំណាត់ការការបន្ត៕

The post សមត្ថកិច្ចចម្រុះឆែកឆេរ ៣ទីតាំងនៅប៉ោយប៉ែត រកឃើញសម្ភារសង្ស័យពាក់ព័ន្ធនិង Online Scam appeared first on Kampuchea Thmey Daily.

យោងតាមរបាយការណ៍ របស់ខេត្ដបន្ទាយមានជ័យ បានបញ្ជាក់ថា គណៈបញ្ជាការឯកភាពរដ្ឋបាលខេត្ត ដឹកនាំដោយលោក ប្រាក់ ប៉ូលី អភិបាលរងខេត្ត ដោយមានការសម្របសម្រួលពីលោក សំរឹទ្ធ សុខុន ព្រះរាជអាជ្ញារង នៃអយ្យការអមសាលាដំបូងខេត្ត បានចុះត្រួតពិនិត្យទីតាំងចំនួន៤ ក្នុងភូមិសាស្ដ្រក្រុងប៉ោយប៉ែត រកឃើញជនបរទេស៤៣នាក់ ស្រី១២នាក់ ៦សញ្ជាតិ ឥណ្ឌូនេស៊ី៤នាក់ប្រុស ចិន៩នាក់ស្រី១នាក់ ប៉ាគីស្ថាន១១នាក់ប្រុស,ហ្វីលីពីន១៧នាក់ស្រី១១នាក់,បង់ក្លាដេស១នាក់ប្រុស និងឥណ្ឌា១នាក់ប្រុស ដូចខាងក្រោម៖ ទីតាំងទី១ ភូមិសាមគ្គីមានជ័យ សង្កាត់អូរជ្រៅ រោងសង្ក័សី ៤បន្ទប់ មានជនជាតិឥណ្ឌូនេស៊ីស្នាក់នៅចំនួន៤នាក់ប្រុស ជាចុងភៅលក់ម្ហូបនៅទីតាំង ពុំមានលិខិតឆ្លងដែនជាប់ខ្លួន នាំទៅសាកសួរនៅអធិការដ្ឋាននគរបាលក្រុង ទីតាំងពុំមានសម្ភារ:សង្ស័យ អប់រំណែនាំ និងផាកពិន័យម្ចាស់ទីតាំង,

ទីតាំងទី២ ភូមិសាមគ្គីមានជ័យ សង្កាត់អូរជ្រៅ កម្ពស់៣ជាន់ ២០បន្ទប់ សាលទំនេរ១ មានជនជាតិចិនស្នាក់នៅចំនួន៩នាក់ ស្រី១នាក់ ពុំមានសម្ភារ:សង្ស័យ អប់រំណែនាំ និងផាកពិន័យម្ចាស់ទីតាំ, ទីតាំងទី៣ ភូមិប្រជាធម្មលិច សង្កាត់ផ្សារកណ្ដាល ក្រុងប៉ោយប៉ែត ផ្ទះជួលកម្ពស់២ជាន់ ២៨បន្ទប់ ជាបន្ទប់ស្នាក់នៅ មានជនបរទេសស្នាក់នៅចំនួន១៩នាក់ស្រី១១នាក់ ២សញ្ជាតិបាគីស្ថាន២នាក់ប្រុស ហ្វីលីពីន១៧នាក់ស្រី១១នាក់ ពុំមានសម្ភារ:សង្ស័យ អប់រំណែនាំនិងផាកពិន័យម្ចាស់ទីតាំង

ទីតាំងទី៤ (សង្ស័យករណីបង្ខាំងមនុស្ស) ភោជនីយដ្ឋានភីខេ គ្លូប៊ល ឯ.ក ស្ថិតនៅភូមិបាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត ពាក់ព័ន្ធករណីសង្ស័យមានការបង្ខាំង មនុស្សលក់ជួញដូរទៅបរទេស ទីតាំងមានម្ចាស់ឈ្មោះ ពឿន ឆោឌី ភេទស្រី ទីតាំងមានកម្ពស់២ជាន់ ១០បន្ទប់ និងជាន់ក្រោមជាភោជនីយដ្ឋាន ឃើញមានជនបរទេសចំនួន១១នាក់ប្រុស ៣សញ្ជាតិ បង់ក្លាដេស១នាក់ ឥណ្ឌា១នាក់ និងប៉ាគីស្ថាន៩នាក់ ក្នុងនោះ៖ ៩នាក់ប្រុសជាបុគ្គលិក (បង់ក្លាដេស១នាក់ និងប៉ាគីស្ថាន៨នាក់)២នាក់(ប៉ាគីស្ថាន១នាក់ និងឥណ្ឌា១នាក់) ជាភ្ញៀវ។

ក្រោយអាជ្ញាធរចុះត្រួតពិនិត្យ និងស្រាវជ្រាវយ៉ាងល្អិតល្អន់ ទីតាំងនេះជាកន្លែងប្រកបអាជីវកម្មត្រឹមត្រូវ ពុំពាក់ព័ន្ធករណីបង្ខាំងមនុស្សទេ៕

The post អាជ្ញាធរខេត្ដបន្ទាយមានជ័យ បន្ដចុះពិនិត្យទីតាំងមួយចំនួន ក្នុងក្រុងប៉ោយប៉ែត តែមិនរកឃើញមានបទល្មើសពាក់ព័ន្ធ Online Scams appeared first on Kampuchea Thmey Daily.

ក្នុងប្រតិបត្តិការធ្វើឡើង ក្រោមការបញ្ជាផ្ទាល់របស់លោក អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ និងជាប្រធានគណៈបញ្ជាការឯកភាពខេត្តបន្ទាយមានជ័យ មានក្រោមការសម្របសម្រួលតាមនីតិវិធីរបស់លោក កើត វណ្ណារ៉េត ព្រះរាជអាជ្ញាអមសាលាដំបូងខេត្ត , លោក ប្រាក់ ប៉ូលី អភិបាលរងខេត្តបន្ទាយមានជ័យមាន ក្រោមការសម្របសម្រួលនីតិវិធីពីលោក ទេប ឃុនឆ័យ ព្រះរាជអាជ្ញារង នៃអយ្យការអមសាលាដំបូងខេត្ត បានដឹកនាំកម្លាំងចម្រុះចុះត្រួតពិនិត្យ និងឆែកឆេរជាក់ស្ដែងចំនួន ៣ទីតាំង ក្នុងនោះបិទសៀល ១ទីតាំង និងធ្វើរដ្ឋបាល២ទីតាំង។

សូមបញ្ជាក់ថា ទីតាំងអាគារកម្ពស់៣ជាន់ ស្ថិតនៅភូមិក្បាលស្ពាន២ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ត្រូវបានកម្លាំងជំនាញចុះត្រួតពិនិត្យ រកឃើញសម្ភារមួយចំនួនសង្ស័យ ពាក់ព័ន្ធបទល្មើសឆបោកតាមប្រព័ន្ធបច្ចេកវិទ្យា Online scam ដោយក្នុងនោះមិនមានជនបរទេសស្នាក់នៅនោះទេ អាជ្ញាធរជំនាញបានសម្រេចបិទសៀល ជាបណ្ដោះអាសន្ន និង បន្តធើ្វការស្រាវជ្រាវរកម្ចាស់។

ក្នុងនោះផងដែរ កម្លាំងជំនាញបានបន្តចុះរដ្ឋបាលនៅទីតាំងអាគារកម្ពស់៤ជាន់ មាន២៥បន្ទប់មួយកន្លែងទៀត ដែលមានជនបរទេសស្នាក់នៅប្រមូលផ្ដុំជាច្រើន ជាជនជាតិឥណ្ឌូនេស៊ី ដែលមានចំនួន៨០នាក់ ស្រី២៧នាក់ តែមិនរកឃើញមានការជាប់ពាក់ព័ន្ធបទល្មើសនោះទេ។ ដើម្បីឲ្យចូលរួមជាមួយអាជ្ញាធរ ទប់ស្កាត់កុំឲ្យកើតមានបទល្មើសកើតឡើង អាជ្ញាធរមានអប់រំណែនាំម្ចាស់ទីតាំង និងធ្វើកិច្ចសន្យា។

ដោយឡែកទីតាំងអគារមានកម្ពស់២ជាន់ មាន១៤បន្ទប់ កម្លាំងជំនាញបានចុះធើ្វការត្រួតពិនិត្យ ជាក់ស្ដែងរកមិនមានឃើញមានជនបរទេសស្នាក់នៅ រឺ មានសម្ភារសង្ស័យពាក់ព័ន្ធបទល្មើសឆបោកតាមប្រព័ន្ធបច្ចេកវិទ្យានោះឡើយ។ ក្នុងនោះអាជ្ញាធរ ក៏បានធ្វើការអប់រំម្ចាស់ទីតាំង និងធ្វើកិច្ចសន្យាផងដែរ ដើម្បីចូលរួមសហការទប់ស្កាត់បទល្មើសមួយនេះ៕

The post អាជ្ញាធរខេត្តបន្ទាយមានជ័យ ចុះរដ្ឋបាលអាគារស្នាក់នៅ៣កន្លែង រកឃើញជនបរទេស៨០នាក់ និងសម្ភារប្រព្រឹត្តបទល្មើសOnline Scam appeared first on Kampuchea Thmey Daily.

ប្រធានមន្ទីរធម្មការ និងសាសនាខេត្តបន្ទាយមានជ័យ   លោក បៀន ថាន ថ្លែងប្រាប់«កម្ពុជាថ្មី» នៅព្រឹកថ្ងៃទី១៨ខែឧសភា នេះ ថា លោកទើបតែទទួលបានព័ត៌មានជុំវិញករណីសង្ស័យព្រះសង្ឃ មានអគារជួលឱ្យក្រុមឧក្រិដ្ឋជនឆបោកតាមអនឡាញ ដែលសមត្ថកិច្ចបានចុះបង្ក្រាបកាលពីថ្ងៃទី ៦ ខែឧសភា កន្លងទៅថ្មីៗនេះ។ បើតាមប្រភពដដែល ព្រះសង្ឃដែលសង្ស័យថាជាម្ចាស់អគារមាន ព្រះនាម ភិក្ខុ គាត សីហា បច្ចុប្បន្នគង់នៅវត្តរតនារាម ផ្សារកណ្តាល ក្នុងខេត្តបន្ទាយមានជ័យ។

ប្រធានមន្ទីរធម្មការ និងសាសនាខេត្តបន្ទាយមានជ័យ​ អះអាងថា បន្ទាប់ពីទទួលបានព័ត៌មាននេះ លោកបានធ្វើរបាយការណ៍ជូនទៅក្រសួងធម្មការ និងសាសនា និងថ្នាក់ដឹកនាំខេត្តបន្ទាយមានជ័យ ដើម្បីសុំគោលការណ៍សម្រេចលើនីតិវិធីបន្តទៀត។

គួររម្លឹកថា កាលពីថ្ងៃទី៦ ខែឧសភា ថ្មីៗនេះ កម្លាំងសមត្ថកិច្ចបានចុះបង្ក្រាបទីតាំងឆបោកអនឡាញមួយកន្លែងនៅសង្កាត់អូរឬស្សី ក្រុងប៉ោយប៉ែត ខេត្តបន្ទាយមានជ័យ ដោយឃាត់ខ្លួនជនបរទេសប្រមាណ ១៣០នាក់ និងឧបករណ៍សង្ស័យមួយចំនួនទាក់ទងនឹងបទល្មើសឆបោកតាមអនឡាញ។ ក្នុងពេលសមត្ថកិច្ចចុះបង្ក្រាបអគារនេះ ព្រះអង្គ គាត សីហា បាននិមន្តទៅដល់ទីតាំងនេះ ក្រោយមកត្រូវបានសមត្ថកិច្ចសាកសួរ រួចទើបអនុញ្ញាតឱ្យនិមន្តត្រឡប់ទៅគង់នៅវត្តវិញ៕

ដោយ៖អពៅ

The post មន្ទីរធម្មការ និងសាសនាបន្ទាយមានជ័យ កំពុងចាត់វិធានការលើសង្ឃមួយអង្គ សង្ស័យជួលអគារឱ្យក្រុមឆបោកតាមអនឡាញ appeared first on Kampuchea Thmey Daily.

ប្រតិបត្តិការនេះធ្វើឡើងដោយអនុវត្តតាមបទបញ្ជារបស់ លោកនាយឧត្តមសេនីយ៍ ស ថេត អគ្គស្នងការនគរបាលជាតិ និងលោកឧត្តមសេនីយ៍ឯក យឹម លាង អគ្គស្នងការរងនគរបាលជាតិ ក្រោមការសម្របសម្រួលពីតំណាងអយ្យការអមសាលាដំបូងខេត្ត ដោយមានការចូលរួមពីកម្លាំងស្នងការដ្ឋាននគរបាលខេត្ត និងកងរាជអាវុធហត្ថខេត្តផងដែរ។

នៅក្នុងរង្វង់ប្រតិបត្តិការនេះ កម្លាំងជំនាញបានចុះពិនិត្យរដ្ឋបាលនៅក្នុងផែស្ងួត ទីតាំងអាគារ និងផ្ទះល្វេង នៅភូមិគីឡូម៉ែត្រលេខ៤ សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ តែពុំឃើញមានអ្វីគួរឲ្យកត់សម្គាល់នោះទេ។

ដោយឡែក ការត្រួតពិនិត្យនៅទីតាំងសង្ស័យក្នុងភូមិស្ទឹងបត់​ សង្កាត់ផ្សារកណ្តាល​ ក្រុងប៉ោយប៉ែត​ មានឃើញសម្ភារដែលបម្រើឲ្យការលួចប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា(Online Scams) ហើយកម្លាំងជំនាញបានសម្រេចបិទសៀលជាបណ្ដោះអាសន្ន៕

The post កម្លាំងអគ្គស្នងការ និងរដ្ឋបាលខេត្តបន្ទាយមានជ័យ បន្ដចុះពិនិត្យតាមអគារ ផ្ទះល្វែងនៅក្រុងប៉ោយប៉ែត ដែលមានការសង្ស័យប្រព្រឹត្តបទល្មើស online scam appeared first on Kampuchea Thmey Daily.

កម្លាំងជំនាញរបស់អគ្គស្នងការដ្ឋាននគរបាលជាតិ នៅព្រឹកថ្ងៃទី៥ ខែឧសភា ឆ្នាំ២០២៦នេះ បានបន្ដប្រតិបត្តិការបង្ក្រាបទីតាំងសំងំលាក់ខ្លួនរបស់ជនបរទេស ដែលរត់គេចពីការបង្ក្រាបបទល្មើសលបលួចប្រព្រឹត្តិបទល្មើសឆបោកតាមបច្ចេកវិទ្យា (Online Scams) នៅភូមិសាស្ដ្រជាយក្រុងប៉ោយប៉ែត ខេត្តបន្ទាយមានជ័យ។

ប្រតិបត្តិការនេះ ធ្វើឡើងដោយអនុវត្តតាមបទបញ្ជាដ៏ម៉ឺងម៉ាត់របស់ លោកនាយឧត្តមសេនីយ៍ ស ថេត អគ្គស្នងការនគរបាលជាតិ និងដឹកនាំដោយ លោកឧត្តមសេនីយ៍ឯក មួង សុធា អគ្គស្នងការរងនគរបាលជាតិ, លោកឧត្តមសេនីយ៍ឯក យឹម លាង អគ្គស្នងការរងនគរបាលជាតិ, លោកឧត្តមសេនីយ៍ឯក សៀង សេន អគ្គស្នងការរងនគរបាលជាតិ ក្រោមការសម្របសម្រួលពីតំណាងអយ្យការអមសាលាដំបូងខេត្តបន្ទាយមានជ័យ។

បើតាមសេចក្ដីរាយការណ៍បានឲ្យដឹងថា ក្នុងរង្វង់ប្រតិបត្តិការនៅព្រឹកនេះ កម្លាំងជំនាញរបស់អគ្គស្នងការដ្ឋាននគរបាលជាតិ បានចុះបង្ក្រាបនៅទីតាំងផ្ទះវីឡាចំនួន២កន្លែង ក្នុងភូមិទួលប្រាសាទ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ដោយក្រសោបបានជនជាតិបរទេសជាច្រើនរយនាក់ និងដកហូតបានកាំភ្លើងខ្លី រថយន្ដ ព្រមទាំងសម្ភារមួយចំនួនទៀត៕

The post បង្ក្រាបទីតាំងសំងំលាក់ខ្លួនជនបរទេសដែលរត់គេចពីការបង្ក្រាប បទល្មើសឆបោកតាមបច្ចេកវិទ្យា នៅក្រុងប៉ោយប៉ែត appeared first on Kampuchea Thmey Daily.