បើតាមគណៈកម្មការគ្រប់គ្រងល្បែងពាណិជ្ជកម្មកម្ពុជា (គ.ល.ក.) ផ្អែកតាមការស្រាវជ្រាវនៃប្រតិបត្តិការស្របតាមនីតិវិធីជាធរមាន, ក្រុមហ៊ុន ហ្គាន់ ដាវ អ៊ុនធើណេសិនណល អេនធើធេនម៉ិន ឯ.ក បានប្រព្រឹត្តល្មើសនឹងបទប្បញ្ញត្តិ ដែលមានចែងនៅក្នុងច្បាប់ស្តីពីការ គ្រប់គ្រងល្បែងពាណិជ្ជកម្ម កម្ពុជា។

តាមរយៈសេចក្ដីប្រកាសព័ត៌មានរបស់អគ្គលេខាធិការដ្ឋាន នៃគណៈកម្មការគ្រប់គ្រងល្បែងពាណិជ្ជកម្មកម្ពុជា (គ.ល.ក.) ចេញកាលពីថ្ងៃទី៦ ខែមេសា កាលពីថ្ងៃទី៥ ខែមេសា ឆ្នាំ២០២៦ អគ្គលេខាធិការដ្ឋាន នៃ គ.ល.ក. សហការជាមួយកម្លាំងមានសមត្ថកិច្ចខេត្តព្រះសីហនុ បានចុះប្រតិបត្តិការបង្ក្រាបទីតាំងកាស៊ីណូ ហ្គាន់ ដាវ (GANG DAO) ដែលស្ថិតនៅភូមិ៤ សង្កាត់លេខ៤ ក្រុងព្រះសីហនុ ដោយបាននាំខ្លួនជនសង្ស័យចំនួន ១០៨នាក់ ក្នុងនោះជនជាតិចិន ចំនួន១០៥នាក់ និងជនជាតិមីយ៉ាន់ម៉ា ចំនួន៣នាក់ ហើយបានដកហូតវត្ថុតាងនានា ជាអាទិ៍ កុំព្យូទ័រចំនួនជិត ៥០០គ្រឿង និងទូរសព្ទដៃចំនួនជាង ១ពាន់គ្រឿង​។

ការដកហូតអាជ្ញាបណ្ណពីកាស៊ីណូ ហ្គាន់ ដាវ របស់គណៈកម្មការគ្រប់គ្រងល្បែងពាណិជ្ជកម្មកម្ពុជា (គ.ល.ក.) នាពេលនេះ គឺធ្វើឡើងតាមបទបញ្ជារាជរដ្ឋាភិបាល លេខ ០១ បប ចុះថ្ងៃទី១៤ ខែកក្កដា ឆ្នាំ២០២៥ ស្របតាមយុទ្ធនាការនៃការបោសសម្អាត និងការលុបបំបាត់ឱ្យបានទាំងស្រុងនូវការឆបោកតាមប្រព័ន្ធបច្ចេកវិទ្យា នៅកម្ពុជា៕

អត្ថបទ៖ សុខុម

The post គណៈកម្មការគ្រប់គ្រងល្បែងពាណិជ្ជកម្ម ដកហូតអាជ្ញាបណ្ណកាស៊ីណូ ហ្គាន់ ដាវ ក្នុងក្រុងព្រះសីហនុ ក្រោយរកឃើញប្រព្រឹត្តបទល្មើសឆបោក ONLINE SCAMS appeared first on Kampuchea Thmey Daily.

ប្រតិបត្តិការបង្រ្កាបនេះ ធ្វើឡើងក្រោមការបញ្ជាពី លោក ម៉ាង ស៊ីណេត អភិបាល នៃគណៈអភិបាលខេត្ត គណៈបញ្ជាការឯកភាពខេត្តព្រះសីហនុ និងលោកឧត្តមសេនីយ៍ឯក ស រដ្ឋា ស្នងការនគរបាលខេត្តព្រះសីហនុ និងកម្លាំងគណៈបញ្ជាការឯកភាពរដ្ឋបាលក្រុងព្រះសីហនុ ដោយមានការសម្របសម្រួលនីតិវិធីពីលោក ឆាយ សុត្រា ព្រះរាជអាជ្ញារង នៃអយ្យការអមសាលាដំបូងខេត្តព្រះសីហនុ។

ក្នុងរង្វង់ប្រតិបត្តិការ ជាលទ្ធផល កម្លាំងសមត្ថកិច្ចបានរកឃើញជនសង្ស័យជាជនជាតិបរទេស ចំនួន ២០ នាក់ ក្នុងនោះ ខ្មែរ ៣ នាក់ និងកុំព្យូទ័រ ២៤ គ្រឿង ព្រមទាំងទូរស័ព្ទ ៣៨៩ គ្រឿង។

បច្ចុប្បន្ន ជនសង្ស័យ និងវត្ថុតាង ត្រូវបានប្រគល់ជូនសមត្ថកិច្ចជំនាញ នៃស្នងការដ្ឋាននគរបាលខេត្តព្រះសីហនុ ដើម្បីបន្តនីតិវិធីច្បាប់ និងឈានទៅកំណត់មុខសញ្ញាមេខ្លោងពាក់ព័ន្ធជាបន្តទៀត។

អាជ្ញាធរ ក៏បានអំពាវនាវដល់ម្ចាស់ផ្ទះជួលទាំងអស់ ត្រូវបង្កើនការប្រុងប្រយ័ត្នចំពោះការស្នាក់នៅរបស់ជនបរទេសដែលខុសច្បាប់ និងសង្ស័យមានការពាក់ព័ន្ធនឹងបទល្មើសបច្ចេកវិទ្យា។

សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានប្ដេជ្ញាចិត្តបោសសម្អាតឱ្យអស់នូវបទល្មើសឆបោកតាមប្រព័ន្ធបច្ចេកវិទ្យាចេញពីកម្ពុជានៅត្រឹមខែមេសា ឆ្នាំ ២០២៦។

សម្តេចធិបតី បានបញ្ជាក់ថា កម្ពុជា មិនមែនជាកន្លែងសម្រាប់ឧក្រិដ្ឋជនបច្ចេកវិទ្យាប្រើប្រាស់ក្នុងការប្រព្រឹត្តការឆបោក ឬបទល្មើសឆ្លងដែនឡើយ។ រាល់បុគ្គល ឬអង្គភាពទាំងឡាយណាដែលនៅពីក្រោយសកម្មភាពឆបោកទាំងនេះ នឹងត្រូវប្រឈមមុខនឹងទោសទណ្ឌខ្ពស់បំផុតដោយគ្មានការយោគយល់ ឬការអន្តរាគមន៍ណាមួយឡើយ៕
អត្ថបទ ៖ សុភា

The post ឃាត់ខ្លួនជនបរទេស ២០ នាក់ នៅទីតាំង Online Scam ១ កន្លែង ក្នុងក្រុងព្រះសីហនុ appeared first on Kampuchea Thmey Daily.

ចតាមយន្តការភាពជាដៃគូរវាងរដ្ឋ និង ឯកជន (ភ.រ.ជ.) លើការរៀបចំគម្រោងមួយនេះ ឱ្យកាន់តែមានភាពគ្រប់ជ្រុងជ្រោយ និងភាពទាក់ទាញសម្រាប់ការវិនិយោគនៃខេត្តព្រះសីហនុ។

លោក មាស សុខសេនសាន រដ្ឋលេខាធិការ នៃក្រសួងសេដ្ឋកិច្ច និង ហិរញ្ញវត្ថុបានលើកឡើងអំពីផែនការនេះនៅក្នុងសិក្ខាសាលាផ្សព្វផ្សាយ និង ពិគ្រោះយោបល់ជាមួយវិនិយោគិនលើ គម្រោងចំណតឆ្លាតវៃ ក្រុងព្រះសីហនុ តាមយន្តការភាពជាដៃគូរវាងរដ្ឋ និង ឯកជនកាលពីរសៀលថ្ងៃទី ២៦ ខែ ឧសភា ឆ្នាំ ២០២៥​ នៅ​រាជធានីភ្នំពេញ។

សិក្ខាសាលានេះត្រូវបានសហការរៀបចំរវាងក្រសួងសេដ្ឋកិច្ច និង ហិរញ្ញវត្ថុ និង រដ្ឋបាលខេត្តព្រះសីហនុ ដើម្បីផ្តល់ជាវេទិកាពិភាក្សា និង ផ្តល់មតិយោបល់ លើការរៀបចំគម្រោងមួយនេះ ឱ្យកាន់តែមានភាពគ្រប់ជ្រុង-ជ្រោយ និងភាពទាក់ទាញសម្រាប់ការវិនិយោគ ដែលមានអ្នកចូលរួមពីក្រសួង ស្ថាប័នពាក់ព័ន្ធ, ក្រុមហ៊ុនឯកជនក្នុងវិស័យសាងសង់, ប្រតិបត្តិការចំណត និង ការអភិវឌ្ឍអចលនទ្រព្យ, ស្ថាប័នហិរញ្ញវត្ថុ, ការិយាល័យមេធាវី, ក្រុមហ៊ុនធានារ៉ាប់រង និង តំណាងដៃគូអភិវឌ្ឍន៍ សរុបចំនួនប្រមាណជាង ១៤០ នាក់។

​លោក មាស សុខសេនសាន បានមានប្រសាសន៍ថា “គម្រោងចំណតឆ្លាតវៃ ក្រុងព្រះសីហនុ” គឺជាគម្រោងចំណតសាធារណៈដំបូងគេមួយ ដែលត្រូវបានសម្រេចរៀបចំអភិវឌ្ឍ តាមយន្តការ ភ.រ.ជ.។

លោកថា៖«ស្របតាមផែនការអភិវឌ្ឍទីក្រុងឆ្លាតវៃរបស់រដ្ឋបាលខេត្តព្រះសីហនុ ក្នុងការអភិវឌ្ឍទីក្រុងរបស់ខ្លួនទៅជា “ទីក្រុងទំនើប និង ឆ្លាតវៃ ប្រកបដោយបរិយាប័ន្ន”, រដ្ឋបាលខេត្តព្រះសីហនុ និង ក្រសួងសេដ្ឋកិច្ច និង ហិរញ្ញវត្ថុ បានប្រជុំពិភាក្សា និង ពិនិត្យឃើញពីសក្តានុពលនៃការរៀបចំអភិវឌ្ឍ និង អនុវត្ត “គម្រោងចំណតឆ្លាតវៃ ក្រុងព្រះសីហនុ” ដើម្បីផ្តល់ឱកាសជូនវិស័យឯកជន ឱ្យចូលរួមជាមួយរាជរដ្ឋាភិបាល តាមរយៈជំនាញ, បច្ចេកទេស, បច្ចេកវិទ្យា និង ទុនវិនិយោគ ដែលនឹងក្លាយជាម៉ូដែលមួយសម្រាប់ការអភិវឌ្ឍគម្រោងចំណតសាធារណៈ និង ទីក្រុងឆ្លាតវៃដទៃទៀត ផងដែរ»។

លោក ឯម ភាព អភិបាលរង នៃគណៈអភិបាលខេត្តព្រះសីហនុ បានអំពាវនាវដល់វិនិយោគិនទាំងអស់ ពិចារណា និង សិក្សាលើគម្រោងវិនិយោគនេះ ដោយចាប់ផ្តើមគិតពីឱកាស, ទីតាំងគម្រោង, បរិយាកាសវិនិយោគអំណោយផល,  ការគាំទ្រយ៉ាងពេញទំហឹងពីអាជ្ញាធរមូលដ្ឋាន និង ក្រសួង ស្ថាប័នពាក់ព័ន្ធ ដើម្បីធ្វើយ៉ាងណាឱ្យគម្រោងមួយនេះអាចឈានទៅអនុវត្តបាន និងចេញជារូបរាង នាពេលខាងមុខ។

លោកអភិបាលរង ដែលជាប្រធានអង្គភាពគ្រប់គ្រងគម្រោងនេះ ក៏បានគូសបញ្ជាក់ផងដែរថា ជាវឌ្ឍនភាព “គម្រោងចំណតឆ្លាតវៃ ក្រុងព្រះសីហនុ” បានបញ្ចប់ការសិក្សាសមិទ្ធិលទ្ធភាពពេញលេញរួចហើយ និង គ្រោងធ្វើកិច្ចលទ្ធកម្មជ្រើសរើសដៃគូឯកជនអនុវត្តគម្រោង ចាប់ពីត្រីមាសទី ៣ ឆ្នាំ ២០២៥ ខាងមុខនេះ។

កម្មវិធីពិសេសជំរុញការវិនិយោគក្នុងខេត្តព្រះសីហនុឆ្នាំ ២០២៤ ត្រូវបានប្រកាសដាក់​ឱ្យអនុវត្ត​កាល​ពីថ្ងៃទី ៣១ ខែមករា ឆ្នាំ ២០២៤ ក្រោមអធិបតីភាពសម្ដេចធិបតី ហ៊ុន ម៉ាណែត នាយក​រដ្ឋ​មន្ត្រី​កម្ពុជា។

យោងតាមសេចក្តីជូនដំណឹងរបស់ក្រសួងសេដ្ឋកិច្ច ចុះថ្ងៃទី២៣ខែមេសា​ បានសម្រេចបន្តផ្តល់ការលើកទឹកចិត្តបន្ថែមដោយអនុញ្ញាតលើកលែងពន្ធលើអចលនទ្រព្យដូចមានកំណត់ក្នុង “កម្មវិធី ពិសេសជំរុញការវិនិយោគក្នុងខេត្តព្រះសីហនុ ឆ្នាំ២០២៤” ដែលនឹងផុតកំណត់នៅដំណាច់ឆ្នាំ ២០២៥នេះ រហូតដល់ដំណាច់ឆ្នាំ២០២៨ សម្រាប់គម្រោងអគារជាប់គាំងនៅក្នុងខេត្តព្រះសីហនុដែលបានសាងសង់ចាប់ ពីឆ្នាំ២០១៦ ទោះបីជាបានឬមិនទាន់បានបញ្ចប់ការសាងសង់នៅក្នុងឆ្នាំ២០២៥ក្តី។

គិតត្រឹមខែ មេសា ឆ្នាំ ២០២៥, ក្រុមការងារជំរុញការវិនិយោគក្នុងខេត្តព្រះសីហនុ បានសម្រេចជាគោលការណ៍ផ្តល់ការលើកទឹកចិត្តដល់គម្រោងចំនួន ២៨៧ គម្រោង ដែលមានទុនវិនិយោគប៉ាន់ស្មានសរុប ចំនួន ៦,៨៧៥ លានដុល្លារអាមេរិក ។

បើយោងតាមលោក មាស សុខសេនសាន បានថ្លែងបញ្ជាក់ទៀតថា “គម្រោងចំណតឆ្លាតវៃ ក្រុងព្រះសីហនុ” នឹងចូលរួមដោះស្រាយបញ្ហាកង្វះចំណតសាធារណៈ, ពង្រឹងសណ្ដាប់ធ្នាប់នៃការចតយានជំនិះក្នុងក្រុងព្រះសីហនុ និង បង្កើតជាអគារចំណតឆ្លាតវៃ ប្រកបដោយសុវត្ថិភាព, សុខុមាលភាព និង តម្លៃសមរម្យ សម្រាប់ប្រជាពលរដ្ឋ និង ភ្ញៀវទេសចរណ៍ជាតិ និង អន្តរជាតិ។ ជាមួយគ្នានេះ, ឯកឧត្តមរដ្ឋលេខាធិការ ក៏បានកោតសរសើរ និង វាយតម្លៃខ្ពស់ចំពោះសមិទ្ធផលកន្លងមក នៃការរៀបចំអភិវឌ្ឍគម្រោងហេដ្ឋារចនាសម្ព័ន្ធសាធារណៈ តាមយន្តការ ភ.រ.ជ. រួមមាន គម្រោងកំពង់ផែទេសចរណ៍អន្តរជាតិកំពត, គម្រោងផ្លូវល្បឿនលឿនរាជធានីភ្នំពេញ-ក្រុងព្រះសីហនុ និង គម្រោងព្រែកជីកហ្វូណនតេជោ ជាដើម។​

លោក​សង្ឃឹមថាវិស័យឯកជននឹងចូលរួមវិនិយោគជាមួយរាជរដ្ឋា-ភិបាល ក្នុងបង្កើតសមិទ្ធផលផ្សេងៗទៀត មិនត្រឹមតែគម្រោងចំណតឆ្លាតវៃមួយនេះ នោះទេ៕

The post ​​​រដ្ឋាភិបាលនឹងជ្រើសរើសដៃគូឯកជនអនុវត្ត​ គម្រោងចំណតឆ្លាតវៃ ក្រុងព្រះសីហនុ​ ក្នុងត្រីមាសទី ៣​ ខាងមុខនេះ appeared first on Kampuchea Thmey Daily.

ថ្លែង​នៅ​ក្នុង​វេទិកា​វិនិយោគ​នៅ​ខេត្ត​ព្រះសីហនុកាលពីពេលថ្មីៗ​កន្លងទៅ​នេះ លោក ម៉ាង ស៊ីណេត អភិបាល​នៃ​គណៈ​អភិបាល​ខេត្ត​ព្រះសីហនុ​បាន​រំលេច​ពី​ការ​អភិវឌ្ឍ​ហេដ្ឋារចនាសម្ព័ន្ធ​​ផ្លូវ​ក្នុង​ក្រុង​​ព្រះសីហនុ​ ខណៈ​ដែល​ខេត្ត​ជាប់​សមុទ្រ​នេះ ត្រូវ​បាន​រដ្ឋាភិបាល​កំណត់​រៀបចំ​ជា​ទីក្រុង​ស្នូល​នៃ​ប៉ូល​អភិវឌ្ឍ​ជាតិ​នៅ​តំបន់​ឆ្នេរ​សមុទ្រ​កម្ពុជា។

ពាក់ព័ន្ធ​ការ​អភិវឌ្ឍ​ហេដ្ឋារចនាសម្ព័ន្ធ​ផ្លូវ​ក្នុង​ក្រុង​ព្រះសីហនុ លោក​ម៉ាង ស៊ីណេត បាន​លើក​ឡើង​ថា នៅ​ក្រុង​ព្រះសីហនុ​មាន​ខ្សែ​ផ្លូវ​សរុប​ចំនួន ៣៧ ខ្សែ ដែល​មាន​ប្រវែងសរុប ៨៤ ០៦៥ ម៉ែត្រ តភ្ជាប់​គ្នា​យ៉ាង​ប្រទាក់ក្រឡា​។

លោក ម៉ាង ស៊ីណេត បាន​បញ្ជាក់​ថា ដើម្បីទ្រទ្រង់​ដល់ការអភិវឌ្ឍ​​សេដ្ឋកិច្ច​សង្គម ទេសចរណ៍ រដ្ឋបាល​ខេត្ត​បាន​យក​ចិត្តទុកដាក់​ក្នុងការ​អភិវឌ្ឍ និងស្តារហេដ្ឋារចនាសម្ព័ន្ធ​ផ្លូវថ្នល់ រួម​ទាំង​ការ​រៀប​ចំកែ​លម្អ​ឆ្នេរ​សមុទ្រ ការរៀបចំ​សួនច្បារ កំពង់ផែ​​ទេសចរណ៍​ស្តង់ដា សេវាកម្ម​ទេសចរណ៍ និង​សេវា​រថយន្ត​ក្រុង រួម​ទាំង​ជំរុញ​យុទ្ធនាការ​ទីក្រុង​ស្អាត ឆ្នេរ​ស្អាត ទាំង​​នៅ​ក្នុង​ទីក្រុង ទីប្រជុំជន និង​នៅ​តាម​តំបន់​ឆ្នេរ​ឱ្យ​កាន់​តែ​មាន​សោភ័ណភាព​បរិស្ថាន​ល្អ​ប្រសើរ។

បន្ថែម​ពីការ​អភិវឌ្ឍ​ហេដ្ឋារចនាសម្ព័ន្ធ​ផ្លូវ​ក្នុង​ក្រុង ខេត្ត​​មាន​​ស្ថានីយ​បូម​ទឹក​កខ្វក់​ចំនួន ៨ កន្លែង ស្ថានីយ​ប្រព្រឹត្តិកម្ម​ទឹក​កខ្វក់​ចំនួន ៣ រួមទាំង​ទីលាន​ទុកដាក់​សំរាម​ស្តង់ដារ។ ជាមួយ​គ្នានេះ នៅ​តាម​ដង​វិថី​នានាមាន​ការ​ដាំ​ដើមឈើ​លម្អ​ ការរៀបចំ​ផ្លូវ​ថ្មើរ​ជើង ទីធ្លា​ចំណត ការ​សាងសង់​រូប​បដិមា​នៅ​តាម​រង្វង់​មូល​ទាំង ៤ ដែល​បង្ហាញ​អំពី​វប្បធម៌ អរិយធម៌ ប្រពៃណី និង​ប្រវត្តិសាស្ត្រ​ជាតិ។

កាលពី​ឆ្នាំ ២០១៩ រដ្ឋាភិបាល​បាន​ទម្លាក់​ថវិកា​ជាតិ​ប្រមាណ​ជិត ៣០០ លាន​ដុល្លារ ស្ថាបនា​ផ្លូវ​ចំនួន ៣៤ ខ្សែ​​មាន​ប្រវែង ៨៤ គីឡូម៉ែត្រ ក្នុង​គោលដៅ​ប្រែក្លាយ​ក្រុងព្រះសីហនុ ទៅ​ជាទីក្រុង​ទំនើប​ដែល​មាន​សោភណភាព បរិស្ថាន​ល្អ សម្រាប់​ការ​រស់នៅ ទេសចរណ៍ និង​ធុរកិច្ច។

ថ្លែង​ក្នុងពិធីបើក​ការដ្ឋានសាងសង់​ផ្លូវចំនួន ៣៤ ខ្សែនៅក្នុងក្រុងព្រះសីហនុ សម្តេច​តេជោ ហ៊ុន សែន អតីត​នាយករដ្ឋមន្ត្រី​កម្ពុជា​បាន​ថ្លែង​​ថា ការ​ដែល​រដ្ឋាភិបាល​ហ៊ាន​ដាក់​ទុន​វិនិយោគ​អភិវឌ្ឍ​អភិវឌ្ឍ​ហេដ្ឋារចនាសម្ព័ន្ធ​ផ្លូវ​នៅក្នុង​​ក្រុង​ព្រះសីហនុ ដោយសារ​មើលឃើញថា ខេត្តនេះ​នឹង​ផ្តល់​ទុន​ដល់​ប្រទេស​ជាតិ​វិញ សម្រាប់​យក​ទៅ​អភិវឌ្ឍន៍​ខេត្តផ្សេង​ទៀត​។

សម្តេ​ច​បញ្ជាក់​ថា ការសាងសង់ផ្លូវនេះជាការគិតគូររបស់រាជរដ្ឋាភិបាលកម្ពុជា ដោយប្រើប្រាស់ថវិការបស់រដ្ឋតាមរយៈ ក្រសួងសេដ្ឋកិច្ឋ និងហិរញ្ញវត្ថុ រួមសហការជាមួយក្រសួងពាក់ព័ន្ធមួយចំនួនទៀត និងថវិការបស់ខេត្តព្រះសីហនុផ្ទាល់ តាមរយៈនយោបាយ «យកស្លឹកត្នោត ខ្ចប់ស្ករត្នោត»។

ការ​ចាយ​ទុនរហូតដល់ ២៩៤ លានដុល្លារអាមេរិក​លើ​ការ​ស្ថាបនា​ខ្សែ​​ផ្លូវដែលមាន​ប្រវែងត្រឹម​​ជាង ៨៤ គីឡូម៉ែត្រ ត្រូវ​បាន​សម្តេច​តេជោ​គូស​បញ្ជាក់​ថា ដោយសារផ្លូវនេះគឺជាផ្លូវ​ក្នុង​ក្រុង​បែប​ប្រណីត ដែល​ធានា​បាន​គុណភាព​ខ្ពស់​រឹងមាំ និង​ប្រើប្រាស់​បានយូរអង្វែង។

តាម​រយៈ​ការ​បោះ​ទុនអភិវឌ្ឍ​​យ៉ាងច្រើន​សម្បើម​នេះ បើតាម​សម្តេច​តេជោ​គឺ​ចង់​ប្រែក្លាយ​មុខមាត់ក្រុង​ព្រះសីហនុ​ក្លាយទៅជាទីក្រុង​ដ៏ទំនើប ដែលមានសុវត្ថិភាពបំផុត និងទាក់ទាញសម្រាប់ភ្ញៀវទេសចរ និងអ្នកវិនិយោគនានា៕

The post ក្រុង​ព្រះសីហនុ​មាន​បណ្តាញ​ផ្លូវ​គមនាគមន៍ ៣៧ ខ្សែ សាងសង​តភ្ជាប់​គ្នា​យ៉ាង​ប្រទាក់​ក្រឡា appeared first on Kampuchea Thmey Daily.

​បើយោតាមទិន្នន័យដដែលបានបង្ហាញថា ទំហំពាណិជ្ជកម្មសរុបរបស់សហគ្រាសនៅក្នុងតំបន់សេដ្ឋកិច្ចពិសេសបានសម្រេចបានជាង​៤,០៧ ​ ពាន់លានដុល្លារអាមេរិកកាលពីឆ្នាំមុន កើនឡើង ២១,៣%  ធៀបទៅនឹងឆ្នាំ២០២៣។​

​SSEZ បាននិយាយនៅក្នុងសេចក្តីប្រកាសព័ត៌មានកាលពីថ្ងៃច័ន្ទទី៦ ខែមករាថា នៅឆ្នាំ ២០២៤ តំបន់សេដ្ឋកិច្ចពិសេសនេះមានលក្ខណៈពិសេសនៃការអភិវឌ្ឍន៍ប្រកបដោយគុណភាពខ្ពស់ និងលើកកម្ពស់ការរួមបញ្ចូលឧស្សាហកម្ម និងបែបទំនើបនៃទីក្រុង។ សម្រាប់ការសាងសង់ SSEZ 2.0 បានបង្កើននូវការធ្វើទំនើបកម្មដែលបានធ្វើឱ្យប្រសើរឡើង​ទៅកាន់កម្រិតថ្មីមួយទៀត។

​សម្រាប់ SSEZ លាតសន្ធឹងលើផ្ទៃដី ១១ គីឡូម៉ែត្រការ៉េដោយបានទាក់ទាញសហគ្រាសថ្មីចំនួន ២៨ ក្នុងឆ្នាំ ២០២៤កន្លងមកនេះ ដែលធ្វើឱ្យចំនួនសហគ្រាសសរុបនៅក្នុងតំបន់សេដ្ឋកិច្ចពិសេសនេះកើនឡើងដល់ ២០២២ នឹងបានបង្កើតការងារប្រមាណ ៣២ ០០០កន្លែង។​ ​

​សហគ្រាសទាំងនោះមកពីប្រទេសចិន បណ្តាប្រទេសនៅអឺរ៉ុប សហរដ្ឋអាមេរិក និងបណ្តាប្រទេសនៅក្នុងតំបន់អាស៊ីអាគ្នេយ៍ ​ និងតំបន់ផ្សេងទៀតផងដែរ។

សេចក្តី​ប្រកាស​ព័ត៌មាន​បាន​បន្ត​ថា​៖ «​តំបន់សេដ្ឋកិច្ច​ពិសេស​នេះបាន​ដាក់បញ្ចូលនូវកំលាំងចលករ​​ថ្មី​ក្នុង​ការ​ពង្រឹង​ក្របខណ្ឌ​កិច្ចសហប្រតិបត្តិការ​ត្បូងពេជ្យរវាងចិន​-​កម្ពុជា​ ​និងបានកសាងនូវ​ច្រករបៀង​អភិវឌ្ឍន៍​ឧស្សាហកម្ម​របស់​កម្ពុជាផងដែរ»។

​លោក Wang Wenbin ឯកអគ្គរដ្ឋទូតរបស់ប្រទេសចិនប្រចាំនៅកម្ពុជាក្នុងអំឡុងបំពេញទស្សនកិច្ចទៅកាន់តំបន់សេដ្ឋកិច្ចពិសេសនេះកាលពីចុងខែធ្នូឆ្នាំមុន បានគាំទ្រយ៉ាងពេញទំហឹងចំពោះសមិទ្ធិផលនៃការអភិវឌ្ឍន៍នៃតំបន់សេដ្ឋកិច្ចពិសេសក្រុងព្រះសីហនុ និងបានកោតសរសើរចំពោះគោលគំនិតនៃការអភិវឌ្ឍន៍តំបន់ពិសេសនេះ ការគ្រប់គ្រង និងប្រតិបត្តិការប្រកបដោយស្តង់ដារ និងភាពក្លាហានក្នុងការអនុវត្តទំនួលខុសត្រូវសង្គម។

​លោកបានគូសបញ្ជាក់ថា៖« តំបន់សេដ្ឋកិច្ចពិសេសនេះបានដើរតួនាទីជាវិជ្ជមាន និងបានរួមចំណែកយ៉ាងសំខាន់ចំពោះកិច្ចសហប្រតិបត្តិការមិត្តភាពរវាងចិន និងកម្ពុជា និងជាតំណាងដ៏រស់រវើកនៃការកសាងសហគមន៍មួយដែលមានអនាគតរួមគ្នាសម្រាប់ប្រទេសចិន និងកម្ពុជា»។

​​លោក Wang Wenbin បានស្នើរដល់ម្ចាស់តំបន់សេដ្ឋកិច្ចពិសេសនេះរៀបចំនូវផែនការសម្រាប់ការអភិវឌ្ឍន៍តំបន់ពិសេសបន្ទាប់។

លោកបានគូសបញ្ជាក់ថា៖« នៅពេលអនាគត តំបន់សេដ្ឋកិច្ចពិសេសក្រុងព្រះសីហនុ គួរតែរួមបញ្ចូលគ្នាយ៉ាងជិតស្និទ្ធនូវគោលដៅនៃការកសាងសហគមន៍ចិន-កម្ពុជា ដែលមានគុណភាពខ្ពស់ ​ និងស្តង់ដារខ្ពស់ ជាមួយនឹងអនាគតរួមគ្នាក្នុងយុគសម័យថ្មី ដើរតួជាអ្នកដឹកនាំ និង តួនាទីណែនាំជុំវិញការកសាង «ច្រករបៀងអភិវឌ្ឍន៍ឧស្សាហកម្ម» របស់កម្ពុជា និងសម្រេចបាននូវការអភិវឌ្ឍន៍ប្រកបដោយគុណភាពខ្ពស់»។

បើ​តាម​លោក ម៉ាង ស៊ីណេត អភិបាល​ខេត្ត​ព្រះសីហនុ បាន​គូស​បញ្ជាក់​ឱ្យ​ដឹង​ថា តាម​រយៈ​ការ​ដាក់​ចេញ​នូវ​កម្មវិធី​ពិសេស​ជំរុញ​ការ​វិនិយោគ​ក្នុង​ខេត្ត​ព្រះសីហនុ បាន​កៀរគរ​ឱ្យ​វិនិយោគិន​មក​បណ្ដាក់​ទុន​ក្នុង​ខេត្ត​ជា​បន្តបន្ទាប់​ ដែល​គិត​ជា​ទឹក​ប្រាក់មានទុន​សរុប​ជាង ៦ ពាន់​លាន​ដុល្លារ​អាមេរិកជាមួយ​​គម្រោង​ដែល​ទទួល​​បានលិខិត​អនុញ្ញាត​ជា​គោលការណ៍មានចំនួន ២៤២ គម្រោង។

ជាមួយគ្នា​នេះ​ អនុ​គណៈកម្មាធិការ​វិនិយោគ​ខេត្ត​​បាន​ចុះ​​បញ្ជី​គម្រោង​វិនិយោគ​មាន​លក្ខណៈ​សម្បត្តិ​គ្រប់គ្រាន់​បាន​ចំនួន ១០ គម្រោង ដែល​មាន​ទុន​វិនិយោគ​សរុប​ប្រមាណ​ជាង ១៤ លាន​ដុល្លារ​អាមេរិក (ក្នុងនោះ​សម្រាប់​ឆ្នាំ​២០២៤ មាន​ចំនួន ៣ គម្រោង មាន​ទុន​វិនិយោគ​សរុប​ប្រមាណ ៧ លានដុល្លារអាមេរិក)៕

​

The post ទំនិញនាំចេញ និងនាំចូលពី SSEZ មានទឹកប្រាក់​ជាង​៤ពាន់លានដុល្លារក្នុងឆ្នាំ២០២៤ appeared first on Kampuchea Thmey Daily.

នគរបាល​នាយកដ្ឋាន​ព្រហ្មទណ្ឌ បាន​ឱ្យ​ដឹង​ថា កាលពី​ថ្ងៃ​ទី ២០ ខែ​វិច្ឆិកា ឆ្នាំ ២០២៤ វេលា​ម៉ោង ០០ និង ០០ នាទី ឈាន​ចូល​ថ្ងៃ​ទី ២១ ស្ថិត​ក្នុង​ភូមិ ០៦ សង្កាត់​លេខ ០៤ ក្រុង​/​ខេត្ត​ព្រះសីហនុ មាន​ជន​មិន​ស្គាល់​អត្តសញ្ញាណ បាន​ធ្វើ​សកម្មភាព​ហិង្សា​ដោយ​ប្រើ​កាំបិត​ចុង​ស្រួច និង​ឧបករណ៍​ឆក់ វាយ​យក​ទ្រព្យសម្បត្តិ​ពី​ជនរងគ្រោះ​ឈ្មោះ MOHMMA ABU TAHER ភេទ​ប្រុស ជនជាតិ​បង់ក្លាដេស បណ្ដាល​ឱ្យ​រង​របួស។

បន្ទាប់ពី​ធ្វើ​សកម្មភាព​រួច ក្រុម​ជនសង្ស័យ​ខាងលើ បាន​ជិះ​រថយន្ត ០១ គ្រឿង ម៉ាក PRUIS គេចខ្លួន​ពី​កន្លែង​កើតហេតុ។ ចំពោះ​សម្ភារៈ​បាត់បង់​រួមមាន ៖ ទូរស័ព្ទ​ចំនួន ០២ គ្រឿង​, ប្រាក់​ចំនួន ៧៥០ ដុល្លារ និង​កាត​មួយ​ចំនួន។

នគរបាល​បាន​ឱ្យ​ដឹង​ទៀត​ថា លុះ​នៅ​ថ្ងៃ​ទី ០៩ ខែ​ធ្នូ ឆ្នាំ ២០២៤ វេលា​ម៉ោង ១៧ និង ០៥ នាទី កម្លាំង​ជំនាញ បាន​បន្ត​ដឹកនាំ​សហការ ដោយ​ធ្វើការ​ឃាត់ខ្លួន​បាន​ជនសង្ស័យ​ជា​បន្តបន្ទាប់​ចំនួន ០៦ នាក់ រួមមាន ៖ ទី១.ឈ្មោះ ញ៉ឹក ពៅ​វេហា ឃាត់ខ្លួន​ត្រង់​ចំណុច​ភូមិ​កំពង់ទូក ឃុំ​មានជ័យ ស្រុក​សំឡូត ខេត្ត​បាត់ដំបង។ ទី២.ឈ្មោះ ជៀង មករា អាយុ ៣២ ឆ្នាំ ឃាត់ខ្លួន​ត្រង់​ចំណុច​សង្កាត់​កំបូល ខណ្ឌ​កំបូល រាជធានី​ភ្នំពេញ។ ទី៣.ឈ្មោះ នី ណា ហៅ MMO ឃាត់ខ្លួន​ត្រង់​ចំណុច​ឃុំ​ជាំ​សង្កែ ស្រុក​បរសេដ្ឋ ខេត្ត​កំពង់ស្ពឺ។ ទី៤.ឈ្មោះ អ៊ូ រីម ឃាត់ខ្លួន​ត្រង់​ចំណុច​សង្កាត់​ភ្នំពេញ​ថ្មី ខណ្ឌ​សែន​សុខ រាជធានី​ភ្នំពេញ។ ទី៥.ឈ្មោះ ស វាសនា។ ទី៦.ឈ្មោះ ស៊ុន រ៉ាធិ ឃាត់ខ្លួន​ត្រង់​ចំណុច​សង្កាត់​បាវិត ក្រុង​បាវិត ខេត្ត​ស្វាយរៀង។

បច្ចុប្បន្ន​ជនសង្ស័យ​ខាងលើ ត្រូវ​បាន​នាយកដ្ឋាន​នគរបាល​ព្រហ្មទណ្ឌ ប្រគល់​ជូន​ស្នងការដ្ឋាន​នគរបាល​ខេត្ត​ព្រះសីហនុ ដើម្បី​បន្ត​នីតិវិធី៕

អត្ថបទ ៖ សំណាង

The post នគរបាលព្រហ្មទណ្ឌ បង្ក្រាបករណីប្លន់ជនបរទេសយកទ្រព្យសម្បត្តិ នៅក្រុងព្រះសីហនុ ឃាត់ជនដៃដល់ ០៦ នាក់ ជាបន្តបន្ទាប់ appeared first on Kampuchea Thmey Daily.

ចំពោះវិធានទី១ ទាក់ទងជាមួយនឹងការអប់រំ រដ្ឋបាលខេត្តបានឱ្យដឹងថា គឺទុកជូនទៅអាណាព្យាបាលជាអ្នកទទួលខុសត្រូវក្នុងការអប់រំកូនចៅ បើទុកឱ្យអាជ្ញាធរ ប្រើប្រាស់កម្លាំងទៅធ្វើការអប់រំបន្តទៀត វាមិនគ្រប់គ្រាន់នោះទេ សម្រាប់ការអនុវត្តជាមួយក្មេងទំនើងនៅក្នុងដំណាក់កាលនេះ គឺត្រូវមានការចូលរួមពីគ្រប់ភាគីពាក់ព័ន្ធ និងសូមធ្វើការអំពាវនាវដល់អាណាព្យាបាល ត្រូវទទួលខុសត្រូវក្នុងការអប់រំកូនចៅរបស់ខ្លួន។ គណៈបញ្ជាការឯកភាពរដ្ឋបាលខេត្ត មិនទទួលយកទៀតទេ នៅពេលដែលកងកម្លាំងធ្វើការបង្ក្រាបបានមកសុំយកទៅធ្វើការអប់រំ លក្ខណៈបែបនេះ គឺវាហួសពេលហើយ ការអប់រំ គឺធ្វើមុនពេលដែលសមត្ថកិច្ចអនុវត្តវិធានការរដ្ឋបាល និងវិធានការច្បាប់ ក្នុងដំណាក់កាលអនុវត្តវិធានការរដ្ឋបាល និងការអនុវត្តច្បាប់ វាហួសដំណាក់កាលសង្គ្រោះ សូមឱ្យអាណាព្យាបាលផ្តើមការទទួលខុសត្រូវការអប់រំកូន ចៅរបស់ខ្លួនកុំឱ្យទៅប្រព្រឹត្តអំពើល្មើស កុំប្រព្រឹត្តសកម្មភាពក្មេងទំនើង។

ប្រភពដដែលបានឱ្យដឹងថា ចំពោះសមត្ថកិច្ច កងកម្លាំងទាំងអាយ្យការ តុលាការ ត្រូវរួមគ្នា ឯកភាពគ្នាឱ្យបានមុតស្រួចអនុវត្តទប់ស្កាត់ជាមួយនឹងក្មេងទំនើង ដោយពីមុនធ្លាប់ឯកភាពគ្នាធ្វើកិច្ចការធំៗបានយ៉ាងច្រើន មិនគួរទុកចន្លោះប្រហោងឱ្យក្មេងទំនើងបង្កបទល្មើសធំៗនៅខេត្តព្រះសីហនុទេ ព្រោះបទល្មើសមានការថមថយនូវការត្រួតពិនិត្យគ្រឿងស្រវឹង គ្រឿងញៀនតាមដងផ្លូវសាធារណ មកដល់បច្ចុប្បន្នគឺសូន្យ អាវុធក៏មិនដែលរកឃើញ ដល់ពេលវេលាដែលយើងត្រូវប្រមូលកម្លាំងសរុបធ្វើកិច្ចការជាមួយក្រុមក្មេងទំនើងឱ្យមានប្រសិទ្ធភាព។

ចំណែកវិធានការទី២ គឺវិធានការរដ្ឋបាល គណៈបញ្ជាការឯកភាពរដ្ឋបាលក្រុង ស្រុកទាំង៥ និងកម្លាំងចលតរបស់ស្នងការ និងកងរាជ អាវុធហត្ថចេញប្រតិបត្តិការគ្រប់គោលដៅ ហើយគោលដៅដែលមានការសង្ស័យច្រើន គឺនៅក្នុងក្រុងព្រះសីហនុ ដោយប្រើប្រាស់ជំនាញស៊ើបអង្កេតល្បាតដោយស៊ីវិល ពិនិត្យមើលនៅទីតាំងណាដែលមានក្មេងទំនើងប្រមូលផ្តុំ មិនចាំបាច់ឱ្យពួកគេធ្វើសកម្មភាពនោះទេ គឺព័ទ្ធត្រួតពិនិត្យធ្វើការឆែកឆេរ រកមើលកាំបិត ពូថៅ អាវុធ ថ្នាំញៀន ឬជាតិស្រវឹង ដើម្បីចាត់វិធានការ។ ក្រោយពី ប្រមូលអ្នកមានសារធាតុញឿនចូលក្នុងមណ្ឌលអប់រំកែប្រែស្ថានីតិសម្បទា អ្នកញឿនគ្រៀងញៀននៅឃុំកែវផុស វាក៏គ្របដណ្តប់ទៅលើក្មេងទំនើងមួយផ្នែកធំ គឺពួកដែលមានសារធាតុញឿន ពេលនេះ រដ្ឋបាលបែរការណុងទៅរកក្មេងទំនើងឱ្យមានប្រសិទ្ធភាព។

ចំណែកកងកម្លាំងផ្សេងៗទៀតសូមជួយគាំទ្រក្នុងក្រមខណ្ឌក្រុង ស្រុក ធ្វើកិច្ចការនេះឱ្យបានពេញលេញ ប្រសិនបើយើងគ្រប់គ្រងក្មេងទំនើងបាន បញ្ហាសន្តិសុខសុវត្ថិភាពសាធារណត្រូវបានកាត់បន្ថយ ព្រោះក្រុងព្រះសីហនុ មានអ្នកធ្វើការងារថ្ងៃ រួចចេញអុកឡុកពេលព្រលប់ និងអ្នកធ្វើការយប់ មកអុកឡុងពេលភ្លឺ ឬពេលថ្ងៃ ហើយមន្ទីរ អង្គភាពត្រូវចូលក្នុងការអប់រំនៅតាមភូមិ ឃុំ សង្កាត់ មិនមានការអប់រំនៅពេលដែលអាជ្ញាធរ កងកម្លាំងរបស់យើងបង្ក្រាបបានទេ គឺត្រូវអប់រំពីចម្ងាយឱ្យហើយ ដោយត្រូវពង្រីកការគ្រប់គ្រង ពិសេសមន្ទីរ អប់រំ ត្រូវបន្តផ្សព្វផ្សាយក្មេងៗកុំបង្កើតជាក្រុម និងការណាត់ជួបគ្នា នេះជាសមភូមិថ្មីសម្រាប់បង្កអសន្តិសុខសង្គម ប្រសិនបានដឹងរឿងក្មេងៗណាត់ជួបគ្នា ត្រូវបញ្ជូនព័ត៌មានឱ្យបានលឿនឆាប់មកអាជ្ញាធរភូមិ ឃុំ សង្កាត់ និងគណៈបញ្ជាការក្រុង ស្រុកចុះធ្វើប្រតិបត្តិការភ្លាម ហើយការងារនេះ គឺត្រូវចូលរួមពីប្រជាជន មហាជន និងយុវជនរបស់យើងរាយការពីក្មេងទំនើងរួមចំណែកទប់ស្កាត់ឱ្យបានទាន់ពេលវេលា។

សម្រាប់វិធានការទី៣ ទាក់ទងនឹងវិធានការច្បាប់ចំពោះក្មេងទំនើង គណៈបញ្ជាការឯកភាពរដ្ឋបាលក្រុង ស្រុក និងកម្លាំងសមត្ថកិច្ច ត្រូវបើកការស្រាវជ្រាវដូចរឿងព្រហ្មទណ្ឌ និងបន្តធ្វើការស្រាវជ្រាវដល់ភូមិ ឃុំ សង្កាត់។ ពេលចុះប្រតិបត្តិការត្រួតពិនិត្យ ត្រូវចាត់តាំងក្រុមការងារថតរូបផ្សព្វផ្សាយឱ្យបានទូលំទូលាយប្រកបដោយវិជ្ជាជីវៈ តម្រូវគោរពសិទ្ធបុគ្គលផងដែរ ដើម្បីធ្វើការគ្រប់គ្រងក្មេងទំនើងឱ្យមានប្រសិទ្ធភាពដោយការទទួលខុសត្រូវ ឆ្លើយតបទៅនឹងប្រជាពលរដ្ឋរាយការមកដល់អាជ្ញាធរ ហើយប្រជាពលរដ្ឋពួកគាត់រីករាយនឹងចូលរួមរាយការ ដើម្បីធ្វើការបង្ក្រាបបានសំបុកក្រុមក្មេងទំនើងអត់ មានឱកាសបង្កអសន្តិសុខសាធារណ មន្ទីរព័ត៌មាន មន្ទីរវប្បធម៌ខិតខំធ្វើការផ្សព្វផ្សាយអពីសកម្មភាពល្អ និងសកម្មភាពអាក្រក់របស់ក្មេង បើធ្វើល្អ រដ្ឋបាល នឹងខិតខំលើកទឹកចិត្ត ហើយការផ្សព្វផ្សាយនេះ ជាសមភូមិមួយក្នុងការចូលរួមទបស្កាត់ប្រឆាំងជាមួយក្រុមក្មេងទំនើងនេះផងដែរ យើងត្រូវធ្វើរដ្ឋបាលដែលកន្លែងប្រមូលផ្តុំរបស់ក្មេងទំនើង ត្រូវមានវិធានបង្ក្រាបចំពោះក្មេងទំនើង និងអនុវត្ដឱ្យបានម៉ឺងម៉ាត់បំផុត ដើម្បីភូមិ ឃុំ សង្កាត់របស់យើងមានសុវត្ថិភាព៕

The post រដ្ឋបាលខេត្តព្រះសីហនុ ដាក់ចេញវិធានការ៣ចំណុចដើម្បីបរឹតបន្តឹង និងង្ក្រាបក្រុមក្មេងទំនើង appeared first on Kampuchea Thmey Daily.

នាថ្ងៃនោះផងដែរ បុគ្គលិកមិត្តហ្វូនសាខាខេត្តព្រះសីហនុ និងមន្ត្រីរដ្ឋបាលខេត្ត រួមគ្នាសម្អាត រើសសំរាម និងសម្អាតឆ្នេរអូរឈើទាល ប្រវែងជាង 2 គីឡូម៉ែត្រ អស់រយៈពេលជិត 2 ម៉ោង។ សកម្មភាព​នេះ​ទទួល​បាន​ការ​គាំទ្រ​ពី​សំណាកប្រជាពលរដ្ឋ និង​ភ្ញៀវ​ទេសចរមួយ​ចំនួន​ក៏​បាន​ចូល​រួម​សកម្មភាព​ជាមួយ​មិត្តហ្វូនសាខា​ក្រុង​ព្រះសីហនុផងដែរ។

លោក ស កក្កដា ជាអភិបាល នៃគណៈអភិបាលក្រុងព្រះសីហនុមានប្រសាសន៍ថា៖ “នេះគឺជាកម្មវិធីដ៏មានអត្ថន័យ និងជាក់ស្តែងរបស់មិត្តហ្វូន ដោយយកចិត្តទុកដាក់លើសន្តិសុខសង្គម និងសហគមន៍ក្នុងទីក្រុងទេសចរណ៍មាត់សមុទ្រ។ កន្លងមក សាខាមិត្តហ្វូនខេត្តព្រះសីហនុ ក៏បានឧបត្ថម្ភដល់ទីក្រុង ដែលមានស្លាកសញ្ញា ហាមជក់បារី (No Smoking) ជិត២០០ស្លាក (ហាមជក់បារីនៅទីសាធារណៈ)។ យើងចាត់ទុកថាកម្មវិធីទាំងនេះមានប្រសិទ្ធភាពខ្លាំងណាស់ក្នុងការដាស់តឿនប្រជាពលរដ្ឋ និងអ្នកទេសចរឱ្យទទួលខុសត្រូវចំពោះបរិស្ថាន និងសហគមន៍ជានិច្ច។ ខ្ញុំ​សង្ឃឹម​​ថា មិត្តហ្វូន​នឹង​បន្ត​រួម​ដំណើរ​ជាមួយ​ទីក្រុង​ក្នុង​ការ​អនុវត្ត​កម្មវិធី​សន្តិសុខ​សង្គម​ជា​ច្រើន​ទៀត»។

ក្នុងរយៈពេលកន្លងមក ក្រៅពីសកម្មភាពអាជីវកម្ម ក្រុមហ៊ុនមិត្តហ្វូន តែងតែដឹងអំពីការទទួលខុសត្រូវរបស់ខ្លួនចំពោះសកម្មភាពសន្តិសុខសង្គម និងសកម្មភាពសហគមន៍ ជាពិសេសការងារថែរក្សា និងការពារបរិស្ថានរស់នៅបៃតងស្អាត។ បច្ចុប្បន្ននេះ មិត្តហ្វូនបាននឹងកំពុងអមដំណើរជាមួយរដ្ឋាភិបាល និងប្រជាជនក្នុងសកម្មភាពជាច្រើនដែលចូលរួមចំណែកយ៉ាងសកម្មក្នុងកិច្ចការពារបរិស្ថាន ដោយហេតុនេះជួយលើកកម្ពស់ការយល់ដឹង និងមនសិការរបស់ប្រជាពលរដ្ឋក្នុងការការពារបរិស្ថាន កសាងប្រទេសកម្ពុជាឱ្យកាន់តែស្អាត និងស្រស់បំព្រង៕

The post ក្រុមហ៊ុនមិត្តហ្វូនសាខាក្រុងព្រះសីហនុ បានសហការជាមួយរដ្ឋបាលខេត្ត រៀបចំកម្មវិធីសម្អាតឆ្នេរសមុទ្រ appeared first on Kampuchea Thmey Daily.