ទាំងក្រុមបាល់ទាត់នារី កម្ពុជា និងហ្គាំ សុទ្ធតែជាការប្រកួត ដើម្បីត្រៀមខ្លួនក្នុងការប្រកួតជម្រុះពាន AFC Women’s Asian Cup ឆាប់ៗ។ មុនការប្រកួតនេះមកដល់ គ្រូបង្វឹក និងកីឡាការិនី ក្រុមទាំងសងខាងបានបង្ហាញឆន្ទៈចង់ឈ្នះ និងការត្រៀមខ្លួនរួចរាល់សម្រាប់ការប្រកួតនេះ។

ថ្លែងក្នុងសន្និសីទកាសែតកាលពីថ្ងៃទី ២៤ ខែ មិថុនា ម្សិលមិញ គ្រូបង្វឹករបស់ក្រុមភ្ញៀវ អ្នកស្រី Kimberly Sherman បានមានប្រសាសន៍ថា៖ «ក្រុមរបស់ខ្ញុំរៀបចំបានល្អ ហើយក្រុមរបស់ខ្ញុំបានរៀបចំមួយរយៈហើយ។ ការផ្តោតចំពោះការប្រកួតនេះ គឺទៅលើទ្រឹស្តី និងតាក់ទិចនៃការលេង។… ខ្ញុំគិតថា បាល់ទាត់នារីកម្ពុជា មានស្ថានភាពស្រដៀងគ្នាទៅនឹងក្រុមបាល់ទាត់នារីនៅហ្គាំ។ ខ្ញុំដឹងអំពីចំណុចខ្លាំងរបស់ក្រុមបាល់ទាត់នារីកម្ពុជា។…ការប្រកួត​នេះ​មាន​សារ​សំខាន់ ដើម្បីត្រៀមខ្លួនការប្រកួតផ្លូវការ AFC Women’s Asian Cup»។

ដោយឡែកគ្រូបង្វឹករបស់ក្រុមនារីកម្ពុជា លោក Conor Nestor ​បាន​លើក​ឡើង​ថា៖ «សម្រាប់ខ្ញុំ គឺសប្បាយចិត្ត ដែលបានចូលរួមជាមួយក្រុមបាល់ទាត់នារី​កម្ពុជា។ ខ្ញុំត្រៀមសម្រាប់ថ្ងៃរួចរាល់ហើយ ក្នុងការលេងទល់នឹងក្រុមនារី ហ្គាំ។… ពិតណាស់ការប្រកួត​នេះ​ គឺជាការប្រកួតសំខាន់សម្រាប់ក្រុមយើង ដោយសារ ហ្គាំ ទើបតែលេងជាមួយ អារ៉ាប៊ីសាអ៊ូឌីត និងក្រុមមួយចំនួនទៀតនៅក្នុងពូលជាមួយយើង​ក្នុង​ពាន AFC Women’s Asian Cup ។ វាគឺសំខាន់សម្រាប់កីឡាការិនីយើង ដែលពួកគាត់អាចប្រកួតជាមួយក្រុមមួយ ដែលមានកម្រិតប្រកួតប្រជែងដូចក្រុមក្នុងពូលរបស់យើង»។

ក្រុមនារី ហ្គាំ មានចំណាត់ថ្នាក់ពិភពលោកល្អជាង កម្ពុជា ដោយពួកគេស្ថិតនៅចំណាត់ថ្នាក់លេខ ៩៧ ពិភពលោក ចំណែក កម្ពុជា ស្ថិតនៅចំណាត់ថ្នាក់លេខ ១១៨។ រីឯប្រវត្តិជួបគ្នាវិញ ក្រុមទាំង ២ ពុំធ្លាប់ជួបគ្នាពីមុនមកឡើយ ដោយការប្រកួតល្ងាចនេះ គឺជាជំនួបលើកទី ១។

ងាកមកមើលអំពីស្ថិតិប្រកួត ៥ ប្រកួតចុងក្រោយវិញ ក្រុមទាំង គឺមានលទ្ធផលឈ្នះ ចាញ់ ប្រហាក់ប្រហែលគ្នា។ ក្នុងនោះក្រុមនារី ហ្គាំ ឆ្លងកាត់ ៥ ប្រកួត ពួកគេឈ្នះ ២ ចាញ់ ២ និងស្មើ ១។ ចំណែកក្រុមនារី កម្ពុជា ឆ្លងកាត់ ៥ ប្រកួត ឈ្នះ ២ ចាញ់ ២ និងស្មើ ១ ដូចគ្នា។

ស្ថិតិ ៥ ប្រកួតចុងក្រោយរបស់ ហ្គាំ៖

• ស្មើ ហុងកុង ១-១
• ចាញ់ លីបង់ ៣-៤
• ចាញ់ ហ្ស៊កដានី ៣-០
• ឈ្នះ អារ៉ាប៊ីសាអ៊ូឌីត ២-០
• ឈ្នះ កោះម៉ារីអាណាខាងជើង ៣-០

ស្ថិតិ ៥ ប្រកួតចុងក្រោយរបស់ កម្ពុជា៖

• ចាញ់ ថៃ ៦-០
• ស្មើ ឥណ្ឌូណេស៊ី ០-០
• ឈ្នះ ម៉ាឡេស៊ី ២-០
• ឈ្នះ ទីម័រខាង​កើត​ ៣-០
• ចាញ់ ឥណ្ឌូណេស៊ី ៣-១

អត្ថបទ៖ សេម កុសល

The post ក្រុមនារី កម្ពុជា ប៉ះ​​ ក្រុម​នារី ហ្គាំ ម៉ោង​៧​យប់​នេះជា​ការ​ប្រកួត​សំខាន់​សម្រាប់ក្រុម​ទាំង​ពីរ appeared first on Kampuchea Thmey Daily.

ពាក់ព័ន្ធនឹងរឿងខាងលើ គ្រូបង្វឹកសញ្ជាតិ អៀរឡង់ វ័យ ៤១ ឆ្នាំ បានមានប្រសាសន៍នៅក្នុងសន្និសីទកាសែតនាព្រឹកថ្ងៃ អង្គារ៍ ទី ២៤ ខែ មិថុនា ឆ្នាំ ២០២៥ មុនការប្រកួតមិត្តភាពរវាងក្រុមនារី កម្ពុជា ទល់នឹងក្រុមនារី ហ្គាំ ថា៖ «ដូចខ្ញុំបាននិយាយពីដើមមកអ៊ីចឹង ខ្ញុំមកដឹកនាំក្រុមនេះ គឺដោយសារខ្ញុំមានសេចក្តីជឿជាក់លើកីឡាការិនីកម្ពុជា ក៏ដូចជាគ្រូជំនួយលោក ឃួន ឡាបូរ៉ាវី។… ដូចយើងឃើញហើយ ក្រុមនារីកម្ពុជាធ្វើបានល្អនៅក្នុងការប្រកួត AFF Women’s Cup កាលពីឆ្នាំមុន…»។

ថ្វីដ្បិត កម្ពុជា ទើបតែមានលីគនារី នាប៉ុន្មានឆ្នាំចុងក្រោយនេះក៏ពិតមែន ប៉ុន្តែនៅលើឆាកអន្តរជាតិ ក្រុមបាល់ទាត់ជម្រើសជាតិនារីកម្ពុជា បានបញ្ចេញ​សមត្ថភាពល្អគួរឱ្យកត់សម្គាល់ ទោះពុំទាន់បានទទួលបានលទ្ធផលគួរជាទីគាប់ប្រសើរក៏ដោយ។ ជាក់ស្តែងដូចនៅក្នុងពាន AFF Women’s Cup ឆ្នាំ ២០២៤ កម្ពុជា បានឈរនៅកំពូលតារាងក្នុងពូល A ដោយឆ្លងផុតវគ្គចែកពូល ឡើងទៅកាន់វគ្គ ៨ ក្រុមចុងក្រោយ និងឈានដល់វគ្គពាក់កណ្តាលផ្តាច់ព្រ័ត្រថែមទៀត ប៉ុន្តែចុងក្រោយបានបរាជ័យក្រោមថ្វីជើងក្រុម ឥណ្ឌូណេស៊ី ក្នុងលទ្ធផល ៣-១។

លោក Conor បានមានប្រសាសន៍ទៀតថា៖ «ភាពខ្លាំងរបស់បាល់ទាត់នារីកម្ពុជា គឺកម្ពុជាមានលីគនារីអាជីព។ ប្រទេស​មួយចំនួន គឺបានអភិវឌ្ឍអំពីបាល់ទាត់បុរសក៏ពិតមែន ប៉ុន្តែសម្រាប់បាល់ទាត់នារីវិញ គឺពុំទាន់មានលីគនារីអាជីពនៅឡើយទេ។ ចំណែកចំណុចខ្សោយវិញ គឺខ្ញុំចង់ឱ្យមានសកម្មភាពប្រកួតបន្ថែមទាំងបុរស និងនារី។ ហើយឪពុកម្តាយត្រូវជំរុញឱ្យកូនចូលរួមលេងបាល់ទាត់តាំងពីកម្រិតថ្នាល។ នេះវាគឺជារឿងសំខាន់»។

ភាពខ្លាំងរបស់បាល់ទាត់នារីកម្ពុជា គឺលោក Conor បានធ្វើការប្រៀបធៀប ដោយយកប្រទេស កម្ពុជា ធៀបជាមួយប្រទេសមួយចំនួន ដែលពុំទាន់មានលីគអាជីពប្រកួតត្រឹមត្រូវ។ ស្របពេល កម្ពុជា គឺមានការប្រកួតលីគជាផ្លូវការរួចទៅហើយ។ យ៉ាងណា បុរសសញ្ជាតិ អៀរឡង់ រូបនេះបានទទូចសុំឱ្យឪពុកម្តាយរបស់ក្មេងប្រុស ស្រី ក្នុងប្រទេស កម្ពុជា ត្រូវជម្រុញកូនៗបន្ថែម ដើម្បីឱ្យពួកគេមានសកម្មភាពជាមួយកីឡា និងចូលរួមហ្វឹកហាត់បាល់ទាត់តាំងពីកម្រិតតូចៗមក។

គួរឱ្យដឹងថា នៅថ្ងៃ ពុធ ទី ២៥ ខែ មិថុនា ស្អែកនេះ លោក Conor នឹងត្រូវដឹកនាំក្រុមបាល់ទាត់នារី កម្ពុជា ប្រកួតមិត្តភាពទល់នឹងក្រុម ហ្គាំ ដើម្បីត្រៀមលក្ខណៈមុនការប្រកួតជម្រុះពាន AFC Women’s Asian Cup ចាប់ពីថ្ងៃទី ២៩ ខែ មិថុនា ដល់ថ្ងៃទី ៥ ខែ កក្កដា ឆ្នាំ ២០២៥៕

អត្ថបទ៖ សេម កុសល

The post លោក Conor សម្លឹងឃើញភាពខ្លាំង​របស់​ក្រុម​បាល់ទាត់នារីកម្ពុជា appeared first on Kampuchea Thmey Daily.

លោក Conor នឹងត្រូវមានភារកិច្ចដឹកនាំក្រុមនារី កម្ពុជា នៅក្នុងការប្រកួតវគ្គជម្រុះពានរង្វាន់ AFC Women’s Asian Cup Australia 2026 Qualifiers ដែលកម្ពុជាធ្វើជាម្ចាស់ផ្ទះសម្រាប់ពូល G រួមមាន ហុងកុង ហ្វីលីពីន និងអារ៉ាប៊ីសាអ៊ូឌីត។

គួរបញ្ជាក់ថា ការប្រកួតវគ្គជម្រុះពាន AFC Women’s Asian Cup Australia 2026 Qualifiers ប្រចាំពួល G ដែលកម្ពុជាធ្វើជាម្ចាស់ផ្ទះ នឹងធ្វើឡើងពីថ្ងៃទី ២៩ ខែ មិថុនា ដល់ថ្ងៃទី ៥ ខែ កក្កដា ឆ្នាំ ២០២៥៕

អត្ថបទ៖ សេម កុសល

The post ផ្លូវការ! លោក Conor Nester ត្រូវបានតែងតាំងជាគ្រូបង្គោលថ្មីរបស់ក្រុមបាល់ទាត់នារីកម្ពុជា appeared first on Kampuchea Thmey Daily.

ក្រោយការចាប់ឆ្នោត ក្រុមជម្រើសជាតិនារីកម្ពុជា បានស្ថិតនៅពូល A ជាមួយក្រុមខ្លាំងៗដូចជា ម្ចាស់ផ្ទះវៀតណាម ថៃ និងឥណ្ឌូនេស៊ី។ ចំណែកពូល B វិញមាន ហ្វីលីពីន មីយ៉ាន់ម៉ា អូស្ត្រាលី និងទីម័រ។

គួរបញ្ជាក់ថា ការប្រកួតពាន ASEAN Women’s Championship ២០២៥ នឹងធ្វើឡើងនៅប្រទេស វៀតណាម ដោយចាប់ផ្តើមពីថ្ងៃទី ៦ ដល់ថ្ងៃទី ១៩ ខែ សីហា ឆ្នាំ ២០២៥៕

អត្ថបទ៖ សេម កុសល

The post ក្រុមនារី កម្ពុជា ស្ថិតនៅពូល A សម្បូរក្រុមខ្លាំងៗ ក្នុងពាន ASEAN Women’s Championship appeared first on Kampuchea Thmey Daily.

តាមរយៈលទ្ធផលចាប់ឆ្នោត ក្រុមជម្រើសជាតិនារីកម្ពុជាស្ថិតនៅពូល G ជាមួយក្រុមជម្រើសជាតិនារី ហុងកុង អារ៉ាប៊ីសាអ៊ូឌីត និងហ្វីលីពីន។ ដោយឡែកនៅពូលផ្សេងវិញ គឺពូល A មាន អ៊ីរ៉ង់ ហ្ស៊ូដង់ លីបង់ សិង្ហបុរី និង ប៊ុយតង់។ ពូល B មាន ថៃ ទីម័រ អ៊ីរ៉ាក់ ម៉ុងហ្គោលី និងឥណ្ឌា។

ពូល C មាន មីយ៉ាន់ម៉ា តួកមេនីស្ថាន បង់ក្លាដែស និង បារ៉ែន។ ពូល D មាន ឥណ្ឌូនេស៊ី កៀហ្ស៊ីស៊ីស្ថាន ចិនតៃប៉ិ និងប៉ាគីស្ថាន។ ពូល E មាន វៀតណាម អារ៉ាប់រួម កោះហ្គាំ និង ម៉ាល់ឌីវ។ ពូល F មាន អ៊ុយបេគីស្ថាន ឡាវ នេប៉ាល់ និង ស្រីលង្ការ។ ពូល H មាន ប៉ាឡេស្ទីន តាជីគីស្ថាន ម៉ាឡេស៊ី និង កូរ៉េខាងជើង។

សូមបញ្ជាក់ថា ការប្រកួតជម្រុះពានរង្វាន់ AFC Women’s Asian Cup នេះនឹងចាប់ផ្តើមចាប់ពីថ្ងៃទី ២៣ ខែ មិថុនា ដល់ថ្ងៃទី ៥ ខែ កក្កដា ឆ្នាំ ២០២៥ នេះ៕

អត្ថបទ៖ សេម កុសល

The post ចេញហើយលទ្ធផលចាប់ឆ្នោតពាន AFC Women’s Asian Cup ខណៈ កម្ពុជា នៅពូល G appeared first on Kampuchea Thmey Daily.

ការប្រកួតពានរង្វាន់ AFF Women’s Cup 2024 ឡាវធ្វើជាម្ចាស់ផ្ទះ ក្រុមនឹងត្រូវជួបក្រុមឥណ្ឌូណេសុី វេលា​ម៉ោង​៣​រសៀល ថ្ងៃ​ទី​​២៣ ខែ​វិច្ឆិកា និងប៉ះ ម៉ាឡេសុី នៅ​ថ្ងៃ​ទី​២៩ ខែ​វិច្ឆិកា។

ក្នុងសន្និសទីសារព័ត៌មានមុនការប្រកួត លោក ឃួន ឡាបូរ៉ាវី បាននិយាយថា ៖«សម្រាប់ក្រុមយើងតាំងពីចាប់ផ្ដើមដំបូងគឺយើងមកទីនេះដើម្បីឈ្នះ ហើយខ្ញុំមើលថា ក្រុមទាំងអស់នៅក្នុងព្រឹត្តិការណ៍មានកម្រិតប្រហែលយើងដែរ។ យើងអាចប្រកួតប្រជែងជាមួយពួកគេបាន»។

លោក ឃួន ឡាបូរ៉ាវី បានបន្ថែមថា ៖«សម្រាប់ក្រុមរបស់ខ្ញុំ ទោះបីយើងមានត្រឹមតែ១០ថ្ងៃ មុនពេលព្រឹត្តិការណ៍នេះចាប់ផ្ដើមមែន។ ស្របពេលលីគ​នារីយើងក៏កំពុងដំណើរការ។ ខ្ញុំគ្រាន់តែប្រមូលផ្ដុំកីឡាការិនី ដែលកំពុង​លេង​ស្រាវ់​ ហើយខ្ញុំគ្រាន់តែបន្ថែមនូវយុទ្ធសាស្ត្រ​ប៉ុណ្ណោះ»។

ដូចអ្វីដែលគ្រូបង្វឹកក្រុមបាល់ទាត់ជម្រើសជាតិនារីកម្ពុជាបានលើកឡើងចឹង ឆ្នាំនេះសហព័ន្ធ​បាល់ទាត់​កម្ពុជា​បានបង្កើតលីគ​នារី​ឡើងវិញ ប្រៀប​ដូច​ជា​ការ​ត្រៀម​ខ្លួន​សម្រាប់​ពាន​រង្វាន់​អន្តរជាតិ​មាន​ដូច​ជា​ AFF Women’s Cup 2024 និង​សុីហ្គេម ជា​ដើម។

កីឡាការិនីជាប់ឈ្មោះក្នុងបញ្ជីឈ្មោះ២៣នាក់ចុងក្រោយ សុទ្ធជាកីឡាការិនីមានសមត្ថភាព និងបទពិសោធជាមួយក្រុមជម្រើសជាតិកម្ពុជា ក្នុង​នោះ​មាន​កីឡាការិនីកូនកាត់ខ្មែរ-កាណាដា ឈីវ សាលីណា ​ផង​ដែរ៕

ចំពោះរូបមន្ត​ ការប្រកួត AFF Women’s Cup 2024 មានក្រុមចូលរួម​ចំនូន៦ក្រុម បែងចែកជា២ពូល ក្នុងនោះក្រុមលេខ១និងលេខ២ នៃ​ពូលនីមួយៗនឹងបានឡើងទៅវគ្គ៤ក្រុមចុងក្រោយ​ដើម្បី ជ្រើស​រើស​៣​ក្រុម​ឡើង​ទៅ​ពាន​រង្វាន់​កម្រិត​ទី​១ ASEAN Women’s Championship ឆ្នាំ​២០២៥​ ដែល​មាន​ក្រុម​ខ្លាំង​កំពុង​រង់​ចាំ​គឺ ហ្វីលីពីន ថៃ និង​វៀតណាម៕

អត្ថបទ៖ ផា រតនា

The post ឃួន ឡាបូរ៉ាវី ថា ក្រុមនារីក្នុងពាន AFF Women’s Cup មានកម្រិតមិនលើកម្ពុជា appeared first on Kampuchea Thmey Daily.

ការ​ចាប់​ឆ្នោត​បែងចែក​ពូល ត្រូវ​បាន​ធ្វើឡើង​កាលពី​រសៀល​ថ្ងៃ​ទី ១២ ខែ​មករា ឆ្នាំ ២០២៣ ម្សិលមិញ ដោយ​មាន​ទាំងអស់ ៧ ពូល ស្មើនឹង ៣១ ក្រុម ចូលរួម​ប្រកួត ប៉ុន្តែ​អ្វី​ដែល​គួរ​ឲ្យ​ចាប់​អារម្មណ៍​នោះ ក្រុម​ជម្រើស​ជាតិ​នារី​កម្ពុជា មិន​មាន​ឈ្មោះ​ចូលរួម​ប្រកួត​ជម្រុះ​ឡើយ ខណៈ​ការ​ប្រកួត​គ្រោង​ជម្រុះ​នៅ​អំឡុង​ខែ​មេសា ពោល​គឺ​មុន​ស៊ីហ្គេម​នៅ​កម្ពុជា​ប្រហែល ១ ខែ។

អ្វី​ដែល​គេ​ឃើញ​មាន គឺ​ក្រុម​នៅ​អាស៊ាន​មួយ​ចំនួន​ដូចជា វៀតណាម​, ថៃ មី​យ៉ាន់​ម៉ា ហ្វីលីពីន ឥណ្ឌូណេស៊ី សិង្ហបុរី និង​សូម្បីតែ ទីម័រខាងកើត មាន​ឈ្មោះ​ចូលរួម ខណៈ កម្ពុជា ឡាវ ម៉ាឡេស៊ី និង ព្រុយ​ណេ មិន​មាន​ឈ្មោះ​ឡើយ ខណៈ​សមាសភាព​ក្រុម​មាន​ដូច​ខាង​ក្រោម ៖

ចំពោះ​ការ​ដែល​ក្រុម​នារី​កម្ពុជា មិន​ចូលរួម​ប្រកួត​ផង​ដែរ​នោះ អាច​ត្រូវ​បាន​ដឹង​ថា ដោយសារ​មាន​ហេតុផល​ជាប់​ពាក់ព័ន្ធ​នឹង​ការ​ហ្វឹកហាត់​នៅ​ប្រទេស​ចិន ដើម្បី​ត្រៀម​ស៊ីហ្គេម ឆ្នាំ ២០២៣។ បច្ចុប្បន្ន​ក្រុម​ជម្រើស​ជាតិ​នារី​កម្ពុជា កំពុង​ស្ថិតនៅ​ប្រទេស​ចិន ដើម្បី​ប្រមូលផ្ដុំ​ហ្វឹកហាត់ តាំងពី​ខែ​កញ្ញា​មក​ម្ល៉េះ ហើយ​គម្រោង នៃ​ការ​ហ្វឹកហាត់​គឺ​គ្រោង​នឹង​ធ្វើ​ដល់​រហូត​ស៊ីហ្គេម​មកដល់​តែម្ដង ពោល​គឺ​អាច​នៅ​អំឡុង​ខែ​មិនា ឬ​ដើមខែ​មេសា ទើប​បញ្ចប់​ការ​បោះ​ជំរំ​ហ្វឹកហាត់ ដែល​នេះ​គឺជា​ហេតុផល​មួយ​នាំ​ឲ្យ​ការ​ត្រៀម​ខ្លួន​សម្រាប់​ព្រឹត្តិការណ៍​ខាងលើ​ស្ថិត​ក្នុង​ភាព​ប្រកៀកប្រកិត នៃ​ពេលវេលា។

ចំពោះ​ការ​ប្រកួត​ស៊ីហ្គេម ឆ្នាំ ២០២៣ នៅ​កម្ពុជា ប្រភេទ​កីឡាបាល់ទាត់​នារី អាច​នឹង​ចាប់ផ្ដើម​នៅ​ចុង​ខែ​មេសា ពោល​គឺ​ត្រូវ​ធ្វើ​នៅមុន​ពិធី​បើក​ដែល​គ្រោង​ធ្វើ​នៅ​ថ្ងៃ​ទី ០៥ ខែ​ឧសភា ឆ្នាំ ២០២៣។

គួរ​បញ្ជាក់​ថា ក្រោយ​មាន​ការ​កែទម្រង់ ក្រុមបាល់ទាត់​ជម្រើស​ជាតិ​នារី​កម្ពុជា ទើបតែ​ត្រូវ​បាន​បង្កើត​ឲ្យ​មាន​ឡើង​ជា​លើកដំបូង​ក្នុង​ឆ្នាំ ២០១៨ ប៉ុណ្ណោះ ហើយ​ក៏បាន​បង្ហាញ​ខ្លួន​លើកដំបូង​ក្នុង​ការ​ប្រកួត​ដែល​ទទួលស្គាល់​ដោយ FIFA ក្នុង​ឆ្នាំ​ជាមួយគ្នា​នោះ កម្ពុជា បាន​ប្រកួត​យក​ឈ្នះ ទី​ម័​រ​ខាងកើត ១២-០ ក្នុង​ពានរង្វាន់​ជើងឯក​នារី​អាស៊ាន ឆ្នាំ ២០១៨ (AFF Women’s Championship) កត្តា​នេះ​ផង​ដែរ ក៏​អាច​ជា​មូលហេតុ ដោយសារ​ក្រុម​នារី​កម្ពុជា ទើបតែ​កសាង​ក្រុម​បាន​ល្អ​នា​ប៉ុន្មាន​ឆ្នាំ​ចុង​ក្រោយនេះ​ផង​ដែរ៕

អត្ថបទ ៖ មន្នីរ័ត្ន

The post ហ្វឹកហាត់នៅចិន អាចជាហេតុផលមួយធ្វើឲ្យក្រុមជម្រើសជាតិនារីកម្ពុជា មិនចូលរួមជម្រុះអូឡាំពិក ឆ្នាំ ២០២៤ appeared first on Kampuchea Thmey Daily.