កាលពីព្រឹកថ្ងៃសៅរ៍ លោក Netanyahu បានចោទប្រកាន់ក្រុម ហេបូឡា ថា បានព្យាយាមសម្លាប់លោក បន្ទាប់ពីយន្តហោះគ្មានមនុស្សបើកមកពីប្រទេសលីបង់ វាយប្រហារផ្ទះគ្រួសាររបស់លោក។ ថ្លែងទៅកាន់ប្រទេសអ៊ីរ៉ង់ និងភ្នាក់ងារ​របស់ខ្លួនលោក Netanyahu បានប្តេជ្ញាថា «អ្នកណាក៏ដោយដែលព្យាយាមធ្វើបាបពលរដ្ឋអ៊ីស្រាអែលនឹងត្រូវទទួលបានការឆ្លើយតបវិញយ៉ាងធ្ងន់ធ្ងរ»។

ទោះយ៉ាងណាក្រុមសកម្មប្រយុទ្ធគាំទ្រដោយទីក្រុងតេអេរ៉ង់ ដែលប្រយុទ្ធជាមួយអ៊ីស្រាអែលនៅភាគខាងត្បូងប្រទេសលីបង់ មិនទាន់ទទួលស្គាល់ការវាយប្រហារនេះនៅឡើយទេ។ ប៉ុន្តែក្រុមបេសកកម្មនេះបាននិយាយនៅក្នុងការឆ្លើយតបទៅនឹងសំណួរអំពីតួនាទីរបស់អ៊ីរ៉ង់ក្នុងការវាយប្រហារនេះថា​«សកម្មភាពនេះត្រូវបានធ្វើឡើងដោយក្រុមហេសបូឡា លីបង់»។ ជាមួយគ្នានេះអ្នកនាំពាក្យក្រសួងការបរទេសអ៊ីរ៉ង់ លោក Esmaeil Baghaei ក៏បានថ្កោលទោសអ៊ីស្រាអែល​ផងដែរ ចំពោះការផ្សាយភូតកុហកទាក់ទងនឹងការចោទប្រកាន់ប្រឆាំងនឹងអ៊ីរ៉ង់ នេះបើយោងតាម ​​IRNA ។

ក្រុមប្រដាប់អាវុធដែលមានសម្ព័ន្ធមិត្តជាមួយអ៊ីរ៉ង់ ដែលគេស្គាល់ថាជា «អ័ក្សនៃការតស៊ូ» ដែលរួមមានក្រុមហេសបូឡា ត្រូវបានទាញចូលទៅក្នុងសង្រ្គាមអ៊ីស្រាអែល-ហាម៉ាស់ ដែលបានផ្ទុះឡើងនៅតំបន់ហ្គាហ្សា ចាប់តាំងពីការវាយប្រហាររបស់ហាម៉ាសកាលពីថ្ងៃទី៧ខែតុលា ឆ្នាំ​២០២៣ មកលើអ៊ីស្រាអែល។

ទីក្រុងតេអេរ៉ង់ក៏បានបើកការវាយប្រហារដោយផ្ទាល់ចំនួនពីរលើសត្រូវអ៊ីស្រាអែលក្នុងអំឡុងសង្គ្រាម ដែលថ្មីៗនេះបានបាញ់រ៉ុកកែតចំនួន ២០០​គ្រាប់កាលពីថ្ងៃទី​១ខែតុលា ចូលប្រទេសអ៊ីស្រាអែល ខណៈអ៊ីស្រាអែលបានប្តេជ្ញាសងសឹក។ យ៉ាងណាអ៊ីរ៉ង់ថា ខ្លួននឹងវាយបកវិញ ប្រសិនបើអ៊ីស្រាអែលវាយប្រហារ៕

អត្ថបទ៖ ប៊ុន សុភាព

The post អ៊ីរ៉ង់ថា ក្រុមហេសបូឡា វាយប្រហារដោយដ្រូនលើលំនៅឋាន​​នាយករដ្ឋមន្ត្រី​អ៊ីស្រាអែល​ appeared first on Kampuchea Thmey Daily.

ក្រសួងការបរទេសសិង្ហបុរី (MFA ) បានណែនាំដល់ប្រជាជនសិង្ហបុរីដែលរស់នៅក្នុងប្រទេសលីបង់ក៏គួរតែជៀសវាងការធ្វើដំណើរទៅកាន់ភាគខាងត្បូងទីក្រុង Beirut និងភាគខាងត្បូងលីបង់ រួមទាំងព្រំដែនរវាងប្រទេសលីបង់ និងអ៊ីស្រាអែលផងដែរ ខណៈដែលពីមុន MFA ក៏ធ្លាប់ប្រាប់ប្រជាជនសិង្ហបុរីឱ្យចាកចេញពីប្រទេស «ឱ្យបានឆាប់តាមដែលអាចធ្វើទៅបាន» និងជៀសវាងការធ្វើដំណើរទៅព្រំដែន។

សេចក្ដីណែនាំនេះបានចេញបន្ទាប់ពីយន្តហោះចម្បាំងរបស់អ៊ីស្រាអែលបានទម្លាក់គ្រាប់បែកនៅជាយក្រុងភាគខាងត្បូងនៃ​រដ្ឋធានី Beirut របស់ប្រទេសលីបង់ពេញមួយយប់​មុន​ចូ​ល​​ថ្ងៃសៅរ៍ដែលបានធ្វើឲ្យមានការជម្លៀសប្រជាជនយ៉ាងច្រើន ខណៈដែលការវាយប្រហារនេះត្រូវបានរាយការណ៍ថា បានផ្តោតលើប្រធានក្រុម ហេសបូឡា លោក Hassan Nasrallah។

អ៊ីស្រាអែល បាននិយាយថា ខ្លួនកំពុងវាយលុកទីស្នាក់ការកណ្តាលរបស់ក្រុមហេសបូឡា ដែលខ្លួនអះអាងថា បានបង្កប់នៅក្រោម​អគារ​លំនៅដ្ឋាននៅចំកណ្តាលទីក្រុង Dahiyeh ក្នុងទីក្រុង Beirut ខណៈ Dahiyeh គឺជាតំបន់ជាយក្រុង​ភាគ​ខាងត្បូងនៃរដ្ឋធានីលីបង់។

ដោយមើលឃើញពីស្ថានភាពប្រែប្រួលនៅក្នុងតំបន់នេះ ប្រជាជនសិង្ហបុរីត្រូវបាន​ក្រសួង​ការបរទេស​ណែនាំឱ្យពន្យារពេល​ការធ្វើដំណើរទាំងអស់ទៅកាន់ប្រទេសលីបង់ និងបានរំលឹកឡើងវិញនូវការណែនាំរបស់ខ្លួនសម្រាប់ប្រជាជនសិង្ហបុរីនៅក្នុងប្រទេសលីបង់ដើម្បីជៀសវាងការតវ៉ា និងការប្រមូលផ្តុំធំ។

លើសពីនេះក្រសួងបានណែនាំឲ្យប្រជាជនសិង្ហបុរីដែលស្នាក់នៅក្នុងប្រទេសលីបង់គួរតែរក្សាការប្រុងប្រយ័ត្ន តាមដានការអភិវឌ្ឍក្នុងតំបន់យ៉ាងជិតស្និទ្ធ និងគោរពតាមការណែនាំរបស់រដ្ឋាភិបាលលីបង់។ ជាមួយគ្នានេះប្រជាជនសិង្ហបុរីនៅលីបង់ត្រូវបាន លើកទឹកចិត្តយ៉ាងខ្លាំងឱ្យចុះឈ្មោះជាមួយ MFA នៅលើគេហទំព័ររបស់ខ្លួន ដូច្នេះក្រសួងអាចទាក់ទងប្រជាជនទាំងនោះប្រសិនបើមានតម្រូវការកើតឡើង។

ចំណែកអ្នកដែលត្រូវការជំនួយផ្នែកកុងស៊ុលអាចទាក់ទងអគ្គកុងស៊ុលសិង្ហបុរីប្រចាំនៅទីក្រុង Beirut ឬការិយាល័យកាតព្វកិច្ចក្រសួងការបរទេសបាន២៤ម៉ោង៕

អត្ថបទ៖ ប៊ុន សុភាព

The post រដ្ឋាភិបាលសិង្ហបុរីណែនាំ​ប្រជាជន​ខ្លួន​ឱ្យចាកចេញពីលីបង់ជាបន្ទាន់ appeared first on Kampuchea Thmey Daily.

មេដឹកនាំនៃអង្គការដែលគាំទ្រដោយអ៊ីរ៉ង់បាននិយាយនៅក្នុងសុន្ទរកថាតាមទូរទស្សន៍ថា “ប៊ូតុងនុយក្លេអ៊ែរស្ថិតនៅក្នុងដៃរបស់មនុស្សល្ងីល្ងើឆ្កួតដែលមានឈ្មោះថា Trump ។ ព្រះនឹងការពារពិភពលោកពីអ្វីដែលគាត់អាចធ្វើបាន” ។

លោក Nasrallah បាននិយាយថា ការវាយប្រហារនៃវិមានកាពីតូលដោយអ្នកគាំទ្ររបស់ប្រធានាធិបតី Donald Trump កាលពីថ្ងៃពុធបានបង្ហាញពីប្រធានាធិបតីត្រៀមសម្លាប់ប្រជាជនរបស់ខ្លួនដើម្បីរក្សាអំណាច ។ មនុស្ស ៥ នាក់រួមទាំងមន្រ្តីប៉ូលិសកាពីតូល និងស្ត្រីម្នាក់ត្រូវបានបាញ់ដោយប៉ូលិសបានស្លាប់នៅក្នុងកុបកម្មនៅវិមានកាពីតូល ។

លោក Nasrallah បាននិយាយថា “វាគឺជាឧទាហរណ៍តូចមួយនៃអ្វីដែលលោក Trump បានប្តេជ្ញាចិត្តក្នុងរយៈពេល ៤ ឆ្នាំរបស់លោកនៅក្នុងប្រទេសមួយចំនួនទៀត” ។

មានភាពតានតឹងកាន់តែខ្លាំងឡើងរវាងសហរដ្ឋអាមេរិក និងអ៊ីរ៉ង់នៅក្នុងថ្ងៃចុងក្រោយនៃរដ្ឋបាលរបស់លោក Trump ដែលស្របគ្នានឹងខួបនៃការសម្លាប់ឧត្តមសេនីយ៍អ៊ីរ៉ង់ Qassem Soleimani ដោយអាមេរិក ៕

ប្រែសម្រួលដោយ ៖ ជីវ័ន្ត

ប្រភព ៖ REUTERS

ចុចអាន ៖ អ៊ីរ៉ង់បង្ហាញមូលដ្ឋានមីស៊ីលនៅឈូងសមុទ្រពែក្ស ចំពេលមានភាពតានតឹងជាមួយអាមេរិក

ចុចអាន ៖ គីម ជុងអ៊ុន៖ ទោះអ្នកណាកាន់អំណាចក៏ដោយ អាមេរិកនៅតែជា “សត្រូវធំបំផុត” របស់កូរ៉េខាងជើង

The post ប្រមុខក្រុមហេបូឡារបស់លីបង់ ថា ប៊ូតុងនុយក្លេអ៊ែរស្ថិតនៅក្នុងដៃមនុស្សល្ងីល្ងើដូច Trump appeared first on Kampuchea Thmey Daily.