ព័ត៌មានអន្ដរជាតិ
គីម ជុងអ៊ុន៖ ទោះអ្នកណាកាន់អំណាចក៏ដោយ អាមេរិកនៅតែជា “សត្រូវធំបំផុត” របស់កូរ៉េខាងជើង
មេដឹកនាំកូរ៉េខាងជើងលោក គីមជុងអ៊ុន បានហៅសហរដ្ឋអាមេរិកថាជា “សត្រូវធំបំផុត” ហើយបាននិយាយថា គោលនយោបាយអរិភាពរបស់ទីក្រុងវ៉ាស៊ីនតោនចំពោះកូរ៉េខាងជើងនឹងមិនផ្លាស់ប្តូរទេទោះអ្នកណាឡើងកាន់អំណាចក៏ដោយ។
ទីភ្នាក់ងារសារព័ត៌មានរដ្ឋ KCNA បានចុះផ្សាយថា ថ្លែងក្នុងសមាជគណបក្សនៅទីក្រុងព្យុងយ៉ាង ប៉ុន្មានថ្ងៃមុនពេលប្រធានាធិបតីជាប់ឆ្នោតអាមេរិកលោក ចូ បៃដិន នឹងចូលកាន់តំណែង លោក គីម បាននិយាយថា ការទម្លាក់ចោលគោលនយោបាយអរិភាពទាំងនោះ នឹងក្លាយជាគន្លឹះសម្រាប់ទំនាក់ទំនងកូរ៉េខាងជើង-សហរដ្ឋអាមេរិក។
យោងតាមរបាយការណ៍របស់ KCNA បានឲ្យដឹងថា លោក គីម និយាយថា “សកម្មភាពនយោបាយការបរទេសរបស់យើង គួរតែផ្តោតនិងបង្វែរទៅលើការជម្នះសហរដ្ឋអាមេរិកដែលជាសត្រូវដ៏ធំបំផុត និងជាឧបសគ្គចម្បងចំពោះការអភិវឌ្ឍប្រកបដោយភាពច្នៃប្រឌិតរបស់យើង”។
ដោយប្តេជ្ញាពង្រីកទំនាក់ទំនងជាមួយកងកម្លាំងប្រឆាំងចក្រពត្តិនិយមនិងកងកម្លាំងឯករាជ្យ លោកគីមបាននិយាយថា “មិនថានរណាជាអ្នកកាន់អំណាចនៅអាមេរិកទេ ធម្មជាតិពិតរបស់សហរដ្ឋអាមេរិកនិងគោលនយោបាយជាមូលដ្ឋានរបស់ខ្លួនចំពោះប្រទេសកូរ៉េខាងជើង មិនដែលផ្លាស់ប្តូរឡើយ”។
ទោះបីជាយ៉ាងណាក៏ដោយ មិនមានការអត្ថាធិប្បាយភ្លាមៗណាមួយពីក្រសួងការបរទេសសហរដ្ឋអាមេរិកទេ ហើយអ្នកនាំពាក្យយុទ្ធនាការរបស់លោក បៃដិន ក៏បដិសេធធ្វើអត្ថាធិប្បាយដែរ។
ការកត់សម្គាល់នេះបានធ្វើឡើងមួយថ្ងៃ បន្ទាប់ពីលោកគីមកំពុងរិះរកមធ្យោបាយដើម្បីបន្តទំនាក់ទំនងអន្តរកូរ៉េ និងប្តេជ្ញាពង្រីកទំនាក់ទំនងការទូតនៅក្នុងសុន្ទរកថាទៅកាន់សមាជ៕
ប្រែសម្រួលដោយ៖ Vann Vann
ប្រភព៖ Reuters
ចុចអាន៖ លោក គីម ជុងអ៊ុន បង្ហាញឯកសណ្ឋានយោធាពណ៌សថ្មីជាលើកដំបូង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង