ក្លិនក្រអូប Archives - Kampuchea Thmey Daily

ទម្លាប់ ៦ យ៉ាង ធ្វើឲ្យខ្លួនប្រាណមានក្លិនក្រអូបពេញមួយថ្ងៃ ដោយមិនចាំបាច់ប្រើទឹកអប់

សាង ស្រីល័ក្ខ — Mon, 12 Sep 2022 01:56:47 +0000

ពីមួយឆ្នាំទៅមួយឆ្នាំ មនុស្សម្នាក់ៗចំណាយប្រាក់ទៅលើទឹកអប់ច្រើនណាស់ ដូចដែលយើងបានដឹងរួចមកហើយថា ទឹកអប់ខ្លះមានតម្លៃដល់ទៅរាប់រយដុល្លារឯណោះ អាស្រ័យលើម៉ាក គុណភាពនិងកម្រិតភាពជាប់របស់វា។

បច្ចុប្បន្នការលេងទឹកអប់រីកសុះសាយទូទាំងពិភពលោកយ៉ាងលឿន សូម្បីតែអ្នកមិនលេងទឹកអប់ក៏មានទឹកអប់ពីរបីដបប្រចាំខ្លួនដែរ។ ការប្រើប្រាស់ទឹកអប់ពិតជាមិនចាំបាច់សម្រាប់ការរស់នៅប្រចាំថ្ងៃនោះទេ ដូច្នេះហើយ អ្នកអាចផ្លាស់ប្ដូរទម្លាប់ពីការបាញ់ទឹកអប់មកធ្វើតាមវិធីក្រោមវិញ៖

១. ប្រើប្រាស់ទឹកក្រអូប

មិនមែនចេះតែប្រើទេ អ្នកគួរតែប្រើវាជាមួយសាប៊ូទឹកដែលមានក្លិនក្រអូបដែរ ចំណែកឯការហាលវិញ គឺមិនត្រូវទុកឲ្យខោអាវស្ងួតដល់ក្រៀមអស់ក្លិនទឹកក្រអូបឡើយ។

២. សម្អាតខ្លួនជាមួយសាប៊ូមានក្លិន

សូមជ្រើសរើសសាប៊ូដែលផ្ដល់សភាពទន់ល្មើយនឹងឈ្ងុយដល់ស្បែក ជៀសវាងប្រើប្រាស់សាប៊ូមួយដុះគ្រប់កន្លែង។

៣. ប្រើប្រាស់សេរ៉ូមសក់

ថ្មីៗនេះមានសេរ៉ូមសក់ច្រើនប្រភេទណាស់វាយលុយទីផ្សារសូម្បីតែ Chanel ក៏មានផលិតទឹកបាញ់សក់ឲ្យក្រអូបដែរ។

៤. បរិភោគអាហារសុខភាព

ក្លិនខ្លួនមិនល្អអាចបណ្ដាលមកពីបញ្ហាសុខភាពផងដែរ អ្នកនឹងសង្កេតឃើញថាក្លិនញើសរបស់មនុស្សមានក្លិនខ្លាំងឈួលពេលគាត់មិនសម្អាតខ្លួនឬមិនស្រួលខ្លួន។ ការបរិភោគបន្លែផ្លែឈើជួយសរីរាង្គយើងពីក្នុងបានច្រើនមែនទែន ដរាបណាយើងមានសុខភាពល្អ ក្លិនខ្លួនមិនងាយស្អុយឡើយទោះបីជាបែកញើសក៏ដោយ។

៥. ជម្រុះកោសិកាមួយអាទិត្យពីរទៅបីដង

ការប្រើប្រាស់គ្រឿងសម្អាងពីលើកោសិកាចាស់ នាំឲ្យក្លិនផលិតផលបែកក្លិនទៅជាឈួល ឬមិនសូវជាប់។

៦. ការពារស្បែកពីកម្ដៅព្រះអាទិត្យនិងខ្យល់

ក្លិនក្រអូបដែលជាប់នៅខ្លួនរបស់អ្នក នឹងសាយភាយទៅអស់ក្នុងករណីអ្នកជិះម៉ូតូ ឬឈរក្រោមថ្ងៃក្ដៅ អ្នកគប្បីពាក់អាវដៃវែងរាល់ពេលចេញទៅក្រៅ ដើម្បីឲ្យក្លិនក្រអូបជាប់បានយូរ។

យ៉ាងណាមិញ ចំពោះអ្នកមានជំងឺហឺតមិនគួរប្រើប្រាស់ទឹកអប់ឬវិធីខាងលើទេ និងសូមបញ្ឈប់ការប្រើប្រាស់ទឹកអប់ក្លែងក្លាយពីព្រោះសារធាតុផ្សំទឹកអប់ក្លែងក្លាយ ផ្ដល់ផលប៉ះពាល់យ៉ាងខ្លាំងដល់អ្នកប្រើប្រាស់ផ្ទាល់ អ្នកទាំងអស់គ្នាគួរតែសាកល្បងធ្វើតាមវិធីខាងលើនេះវិញដើម្បីសន្សំប្រាក់និងល្អសម្រាប់សុខភាពផង៕

អត្ថបទ៖ វារី

ចុចអាន៖គ្រឿងសម្អាង និងទឹកអប់មានអាយុកាលផុតកំណត់ ប្រើមិនប្រយ័ត្នអាចមានគ្រោះថ្នាក់

ចុចអាន៖គន្លឹះ ៥ ងាយៗ ធ្វើឲ្យក្នុងផ្ទះមានក្លិនក្រអូបស្រស់ស្រាយ

The post ទម្លាប់ ៦ យ៉ាង ធ្វើឲ្យខ្លួនប្រាណមានក្លិនក្រអូបពេញមួយថ្ងៃ ដោយមិនចាំបាច់ប្រើទឹកអប់ appeared first on Kampuchea Thmey Daily.

គន្លឹះ ៥ ងាយៗ ធ្វើឲ្យក្នុងផ្ទះមានក្លិនក្រអូបស្រស់ស្រាយ

សាង ស្រីល័ក្ខ — Sat, 23 Jul 2022 01:10:00 +0000

ភាពមិនស្អាតមានគ្រប់ទីកន្លែងនៅក្នុងផ្ទះ ជាពិសេសក្នុងផ្ទះធុំក្លិនមិនល្អ នឹងធ្វើឲ្យអារម្មណ៍ម្ចាស់ផ្ទះកាន់តែតប់ប្រមល់លើសដើម។ យើងមិនអាចមិនខ្វល់ខ្វាយរឿងទាំងនោះបានទេ ព្រោះផ្ទះរបស់យើងអាចនឹងមានបញ្ហាក្លិន។ ទោះវាមិនធុំក្លិនក៏ចង់ឲ្យផ្ទះមានក្លិនក្រអូបដែរ ហើយនេះ គឺជាគន្លឹះខ្លះៗដើម្បីរក្សាផ្ទះឲ្យមានក្លិនក្រអូប។

១ ស្រូបក្លិនមិនល្អជាមួយ baking soda

ពេលខ្លះការរក្សាកន្លែងរបស់អ្នកឲ្យមានក្លិនដ៏អស្ចារ្យ មានន័យថា ការពារក្លិនមិនល្អពីការចូលក្នុងផ្ទះ។ នេះជាការពិត ជាពិសេសប្រសិនបើអ្នកតែងចម្អិនជាទៀងទាត់ ជាមួយគ្រឿងទេសដែលមានក្លិនខ្លាំង។ ដំណោះស្រាយគឺត្រូវប្រើ baking soda ពីរបីចានដែលរាយប៉ាយពេញផ្ទះរៀងរាល់សប្ដាហ៍។ ជាពិសេសនៅក្នុងទូដាក់ខោអាវ និងផ្ទះបាយតូចៗ ព្រោះថា baking soda មានប្រសិទ្ធភាពខ្ពស់ក្នុងការស្រូបយកក្លិន។

២ ប្រើសំបកក្រូចឆ្មារ

ក្រោយប្រើក្រូចឆ្មារហើយ កុំបោះចោលសំបកឲ្យសោះ! មេចុងភៅជាច្រើនប្រើសំបកក្រូចឆ្មារដែលប្រើរួច ដាក់ចូលក្នុងទឹកដែលដាំពុះ។ ព្រោះក្លិនក្រូចឆ្មារមានក្លិនឈ្ងុយ ដែលអាចលុបបំបាត់ក្លិនអាក្រក់ក្នុងផ្ទះបានងាយ។

៣ ឱសថស្ងួត

មិនថាជាមែកអូលីវ និងស្លឹក Bay អ្នកអាចព្យួរវានៅខាងមុខកន្លែងណាមួយនៅក្នុងផ្ទះបាយ។ មិនត្រឹមតែកន្លែង នឹងមានក្លិនល្អ និងមើលទៅអស្ចារ្យនោះទេ។ ប៉ុន្តែអ្នកក៏អាចប្រើឱសថទាំងនោះ ធ្វើម្ហូបពេលចាំបាច់ណាមួយ។

៤ ប្រេងចម្រាញ់ចេញពីវ៉ានីឡា

ដាក់ប្រេងដែលចម្រាញចេញពីវ៉ានីឡាពីរបីដំណក់ក្នុងចានមួយ ហើយដុតនៅក្នុងឡរយៈពេលកន្លះម៉ោង។ វ៉ានីឡានឹងផ្ដល់ក្លិនក្រអូបស្រាល ហើយធ្វើឲ្យអារម្មណ៍ស្រស់ស្រាយផងដែរ។

៥ គ្រាប់កាហ្វេដុត

ល្បិចមួយទៀត គឺគ្រាន់តែចាក់គ្រាប់កាហ្វេពីរបីគ្រាប់នៅក្នុងឡនៅប្រហែល ៤០០ដឺក្រេរយៈពេល ៧-១០ នាទី បន្ទាប់មកបើកទ្វារឡ ដើម្បីឲ្យក្លិនកាហ្វេភាយក្លិនឈ្ងុយចេញមក។ ល្បិចនេះ កាន់តែធ្វើឲ្យក្នុងផ្ទះមានក្លិនល្អលើសមុន៕

ប្រែសម្រួល៖ សាង ស្រីល័ក្ខ

ចុចអាន៖ពូជសុនខ ១០ ប្រភេទ មានរូបរាងស្រស់ស្អាត និងវ៉ៃឆ្លាតខ្លាំង

ចុចអាន៖រឿងពិតទាំង ១០ ធ្វើឲ្យអ្នកចម្លែកអារម្មណ៍ខ្លាំង

The post គន្លឹះ ៥ ងាយៗ ធ្វើឲ្យក្នុងផ្ទះមានក្លិនក្រអូបស្រស់ស្រាយ appeared first on Kampuchea Thmey Daily.