KPT+

គ្រឿងសម្អាង និងទឹកអប់មានអាយុកាលផុតកំណត់ ប្រើមិនប្រយ័ត្នអាចមានគ្រោះថ្នាក់

បានផុស

២ years មុន

នៅ

ថ្ងៃសុក្រ ១៣ ឧសភា ២០២២

ដោយ

អាយុកាលគ្រឿងសម្អាង និងទឹកអប់ មិនមែនមាននៅក្នុងប្រអប់ ឬ ដប ដែលគេហៅថា ការផុតកំណត់នោះទេ។ ក្នុងអត្ថបទនេះ យើងនឹងនិយាយអំពីអាយុកាលផលិតផល បន្ទាប់ពីបើកប្រើថ្ងៃដំបូង៖

១.ផលិតផលថែស្បែក

ផលិតផលទាំងនេះមានដូចជា៖ ហ្វូម គ្រីម ឡេការពារកម្ដៅថ្ងៃ សេរ៉ូម ម្សៅទ្រនាប់ជាដើម។ ភាគច្រើនមានអាយុកាល ១ឆ្នាំ ខ្លះឈានដល់ ២ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២.ក្រែម

សម្រាប់ប្រភេទក្រែមលាបមាត់ ដែលគ្មានពណ៌ផុតកំណត់ក្រោយបើកបាន ១ឆ្នាំ ប៉ុន្តែបើវាផ្ទុកគ្រឿងផ្សំធម្មជាតិអាចនៅបានត្រឹមតែ ៦ខែតែប៉ុណ្ណោះ។ រីឯក្រែមប្រភេទមានពណ៌ និងក្រែមទឹកអាចនៅបាន ១ឆ្នាំដូចគ្នា។

៣.ម៉ាស្ការ៉ា និងទៀនគូភ្នែក

របស់ទាំងនេះ មិនអាចនៅល្អបាន ១ឆ្នាំទេ អ្នកត្រូវប្ដូរវារៀងរាល់ ៣ខែម្ដង។

៤.កូល័រថ្ពាល់ កូល័រភ្នែក

ពពួកនេះអាចប្រើបានយូរដល់ទៅ ៣ឆ្នាំទើបខូច។ ក្រៅពីសាច់ម្សៅហ៊ុយ វានឹងខូចក្នុងរយៈពេល ១ឆ្នាំតែប៉ុណ្ណោះ។

៥.ទឹកអប់

អាយុកាលវាអាចនឹងមានទៅតាមប្រភេទទឹកអប់ដែរ មានពី ១ឆ្នាំ ដល់ ៥ឆ្នាំ។ ជាទូទៅទោះបីផុតកំណត់មែន ប៉ុន្តែយើងនៅតែអាចបាញ់វាបានដដែល គ្រាន់តែគុណភាពត្រូវបានអន់ថយ។

ផលប៉ះពាល់នៃការប្រើប្រាស់របស់ដែលខូច

ការដែលប្រើប្រាស់ផលិតផលហួសកំណត់ ជាពិសេសរបស់ប្រើប្រាស់លើស្បែកមុខ មាត់ នឹងធ្វើឲ្យស្បែកអ្នកមានបញ្ហាដូចជា កន្ទួលរមាស់ ហើម ក្រហម ឈានដល់ជំងឺស្បែកធ្ងន់ធ្ងរ។ ប៉ុន្តែក្នុងករណីផលិតផលនោះ ជារបស់ល្អខ្លាំង វាគ្រាន់តែបាត់បង់គុណភាព ហើយមិនផ្ដល់ផល់ប៉ះពាល់អីទេ៕

អត្ថបទ៖ វារី

ចុចអាន៖របៀបជម្រុះរោមលើរាងកាយ មួយណាល្អជាងគេ?

ចុចអាន៖មកដឹងកាន់តែច្បាស់ ពីប្រភេទឡេការពារម្ដៅថ្ងៃ ឲ្យត្រូវនឹងផ្ទៃមុខ