យោងតាមសារព័ត៌មាន ESPN បានឱ្យដឹង ថា ក្រុម Real Madrid មានកីឡាករ ៧ នាក់កំពុងជួបបញ្ហារបួស រួមមានកីឡាករ Kylian Mbappe, Jude Bellingham, Militao, David Alaba, Ceballos, Rodrygo និង Álvaro Carreras។ កីឡាករទាំង ៧ នាក់នេះ នឹងមិនអាចបង្ហាញខ្លួនបានទេ សម្រាប់ការប្រកួតជើងទី ១ ទល់ Man City។

ក្រឡេកទៅមើលក្រុមភ្ញៀវ Man City វិញ ក៏មានកីឡាករ ៣ នាក់មានបញ្ហារបួសដែរ ប៉ុន្តែមិនច្រើនដូច Real Madrid នោះទេ។ កីឡាករ ២ នាក់ ត្រូវបានរំពឹង ថា នឹងមិនអាចបង្ហាញខ្លួនបានរួមមានខ្សែការពារ Josko Gvardiol និងខ្សែបម្រើ Mateo Kovacic។ ចំណែកខ្សែការពារវ័យក្មេង Max Alleyne កំពុងស្ថិតក្នុងការសង្ស័យ។

គួរបញ្ជាក់ ថា ការប្រកួតជើងទី ១ វគ្គ ១៦ ក្រុមពាន UCL ក្រុម Real Madrid នឹងបើកទ្វាកីឡដ្ឋាន Santiago Bernabeu ទទួលក្រុម Man City នៅយប់រំលងអាធ្រាត្រឈានចូលថ្ងៃ ព្រហស្បតិ៍ ទី ១២ ខែ មីនា ឆ្នាំ ២០២៦។ ដោយឡែកការប្រកួតជើងទី ២ នឹងធ្វើនៅកីឡដ្ឋាន Etihad ក្នុងប្រទេស អង់គ្លេស វិញម្តង នៅយប់រំលងអាធ្រាត្រឈានចូលថ្ងៃ ពុធ ទី ១៨ ខែ មីនា ឆ្នាំ ២០២៦៕

ប្រែសម្រួល៖ សេម កុសល
ប្រភព៖ ESPN

The post កាន់​តែ​អាក្រក់! Real Madrid ជួប Man City ជើងទី ១ អវត្តមានកីឡាករសំខាន់ ៧ នាក់ appeared first on Kampuchea Thmey Daily.

យោងតាមការចុះផ្សាយដោយ Express Sport បានឱ្យដឹងថា ក្លិបយក្ស អេស្ប៉ាញ គ្រោងនឹងចាយលុយធំនៅរដូវក្តៅខាងមុខរហូតដល់ទៅ ១៧៥ លានដុល្លារអាមេរិក ដើម្បីចរចាយក Rodri ពី Man City។ ជាការពិត កាលពីមុនធ្លាប់ត្រូវបានគេអះអាង ថា Real Madrid នឹងមិនចាយលុយច្រើនជាង ១១៧ លានដុល្លារអាមេរិក សម្រាប់ Rodri ឡើយ។

ទោះបីជាយ៉ាងណា ឥឡូវនេះ ពួកគេបានកែប្រែយុទ្ធសាស្ត្រវិញ ដោយនឹងធ្វើការផ្តល់ជូនសំណើ នូវទឹកប្រាក់ក្នុងចំនួនច្រើន ដើម្បីបើកការចរចាជាមួយក្លិប Man City។ ប្រធានក្លិបលោក Florentino Perez ត្រូវបានគេនិយាយ ថាលោកគឺជឿជាក់លើ Rodri នឹងអាចមានឥទ្ធិផល ធ្វើឱ្យតំបន់បម្រើរបស់ Real Madrid មានភាពមុតស្រួចឡើងវិញ ដូចអំឡុងពេលរជ្ជកាលរបស់ Luka Modric និង Toni Kroos អ៊ីចឹងដែរ។

គួរឱ្យដឹងថា Rodri គឺជាខ្សែបម្រើដ៏ឆ្នើមបំផុតម្នាក់ក្នុងពិភពលោក ខណៈកាលពីឆ្នាំមុន ២០២៤ រូបគេបានឈ្នះពាន Ballon d’Or ជាលើកដំបូងនៅក្នុងអាជីពរបស់ខ្លួន។ Rodri នៅតែជាខ្សែបម្រើមិនអាចខ្វះបានម្នាក់សម្រាប់ Man City នៅរដូវកាលថ្មី ២០២៥-២០២៦ នេះ ប៉ុន្តែមួយរយៈចុងក្រោយនេះ កីឡាករហាក់អវត្តមានពីទីលានច្រើនបន្តិច ដោយសារតែបញ្ហារបួសញាំញី៕

ប្រែសម្រួល៖ សេម កុសល
ប្រភព៖ GOAL

The post ញាក់សាច់! Real Madrid ត្រៀមលុយធំ ១៧៥ លានដុល្លារ ចរចាយកខ្សែបម្រើ អេស្ប៉ាញ ម្នាក់ appeared first on Kampuchea Thmey Daily.

យោងតាមប្រភពពី ESPN បានបង្ហាញ ថា ក្រុមរបស់គ្រូបង្វឹកលោក Pep Guardiola មានកីឡាកររបួសចំនួន ១១ នាក់ ហើយអាចនឹងអវត្តមានការប្រកួតទល់នឹង Man United នៅចុងសប្តាហ៍នេះ។ កីឡាករ ដែលមានបញ្ហារបួសទាំង ១១ នាក់រួមមានកីឡាករ Omar Marmoush (របួសជង្គង់), Savinho (មិនត្រូវបានបញ្ជាក់), Phil Foden (របួសរជើង)។

កីឡាករ Rayan Cherki (របួសភ្លៅ), Mateo Kovacic (របួសសរសៃពួរសាច់ដុំកែងជើង), កីឡាករ Nico O’Reilly (របួសមិនត្រូវបានបញ្ជាក់), Josko Gvardiol (របួសមិនត្រូវបានបញ្ជាក់), Abdukodir Khusanov (របួសកំភួនជើង), Rayan Ait-Nouri (របួសជើង), ខ្សែការពារ John Stones (របួសសាច់ដុំ) និង Rico Lewis (របួសមិនត្រូវបានបញ្ជាក់)។

ទោះបីជាយ៉ាងណា ប្រភពពី The Standard បានឱ្យដឹង ថា មានកីឡាករមួយចំនួន ទទួលបានលទ្ធផលវិជ្ជមានក្នុងការចូលមកហ្វឹកហាត់វិញហើយ ដូចជា Phil Foden, Savinho និង Josko Gvardiol ហើយត្រូវបានគេរំពឹង ថា នឹងអាចចូលលេងបានវិញ។

ដោយឡែកខាង Man United វិញ ក៏មានកីឡាករមួយចំនួនមានបញ្ហារបួសផងដែរ ដូចជា Matheus Cunha, Mason Mount និង Diogo Dalot ហើយទំនងជានឹងត្រូវអវត្តមានសម្រាប់ការប្រកួតទល់នឹង Man City នៅថ្ងៃ អាទិត្យ ចុងសប្តាហ៍នេះ៕

អត្ថបទ៖ សេម កុសល

The post Man City មានកីឡាករសំខាន់របួសដល់ ១១ នាក់ មុនជួប Man United ថ្ងៃអាទិត្យនេះ appeared first on Kampuchea Thmey Daily.

យោងតាមការចុះផ្សាយរបស់សារព័ត៌មាន Fichajes បានឱ្យដឹងថា ក្លិប Man City បានត្រៀមរួចរាល់ ក្នុងការផ្តល់ជូនសំណើទឹកប្រាក់ ១១៧ លានដុល្លារអាមេរិកទៅ Real Madrid ដើម្បីចរចាយក Rodrygo នៅរដូវក្តៅនេះ។

អនាគតរបស់ខ្សែប្រយុទ្ធស្លាបសញ្ជាតិ ប្រេស៊ីល វ័យ ២៤ ឆ្នាំរូបនេះ ត្រូវបានគេដឹងថា ទំនងជាមិនអាចបន្តនៅ Real Madrid បានយូរអង្វែងទៀតនោះទេ បន្ទាប់ពីរូបគេមិនត្រូវបានគ្រូបង្វឹកថ្មីលោក Xabo Alonso រាប់ចូលទៅក្នុងផែនការរបស់លោក។

ថ្មីៗនេះមានរបាយការណ៍បន្ថែមថា ក្លិបអធិរាជស Real Madrid ក៏កំពុងពិចារណាចង់លក់ Rodrygo ចេញដែរ ប្រសិនបើមានសំណើសមស្របណាមួយពីក្លិបផ្សេងៗ។ យ៉ាងណា នាពេលកន្លងមក ក៏មានក្លិបជាច្រើនចាប់អារម្មណ៍លើខ្សែប្រយុទ្ធ ប្រេស៊ីល រូបនេះដែរ ដោយក្រៅតែអំពី Man City ក្នុងនោះមាន Arsenal និង Liverpool ជាដើម។

គួរបញ្ជាក់ថា Rodrygo គឺនៅសល់កិច្ចសន្យាជាមួយ Real Madrid រយៈពេល ៣ ឆ្នាំទៀត ពោលគឺដល់ខែ មិថុនា ឆ្នាំ ២០២៨៕

ប្រែសម្រួល៖ សេម កុសល
ប្រភព៖ Sportskeeda

The post ក្លិបយក្ស អង់គ្លេស មួយត្រៀមបោះសំណើ ១១៧ លានដុល្លារចរចាយក Rodrygo ពី Real Madrid appeared first on Kampuchea Thmey Daily.

រឿងរ៉ាវរបស់ Donnarumma កំពុងក្លាយជាមុំគួរឱ្យចាប់អារម្មណ៍សម្រាប់រយៈពេលប៉ុន្មានថ្ងៃនេះ។ កាលពីយប់ថ្ងៃ អង្គារិ៍ ទី ១២ ខែ សីហា កន្លងទៅ អ្នកចាំទីវ័យ ២៦ ឆ្នាំទើបតែបានប្រកាសពីគោលបំណងចង់ចាកចេញពី PSG នៅរដូវក្តៅនេះ ដោយសាររូបគេយល់ ថា ក្លិប ក៏ដូចជាគ្រូបង្វឹកលោក Luis Enrique មិនមានការគោរពចំពោះរូបគេ។

មូលហេតុ ដែល Donnarumma លើកឡើងបែបនេះ ដោយសារក្លិបមិនបានបញ្ចូលឈ្មោះរូបគេទៅក្នុងគម្រោងប្រើប្រាស់របស់ក្លិបក្នុងរដូវកាលនេះ ហើយថែមទាំងដកឈ្មោះរូបគេចេញពីការប្រកួតពាន UEFA Super Cup ទល់នឹង Tottenham Hotspur នៅយប់រំលងអាធ្រាត្រថ្ងៃ ពុធ ឈានចូលថ្ងៃ ព្រហស្បតិ៍ ទី ១៤ ខែ សីហា ឆ្នាំ ២០២៥ ទៀតផង។

នាពេលកន្លងមក មានព័ត៌មានជាច្រើនអំពីក្លិបនៅ អង់គ្លេស មួយចំនួនដូចជា Chelsea និង Manchester United ដែលមានបំណងចង់បានអ្នកចាំទីសញ្ជាតិ អ៉ីតាលី រូបនេះ ប៉ុន្តែយោងតាមរបាយការណ៍ចុងក្រោយពី talkSPORT បានឱ្យដឹងថា នៅ​ពេលនេះមានតែ Man City ១ គត់ ដែលបានដាក់គោលដៅចង់បាន Donnarumma ពី PSG។

ទោះបីជាយ៉ាងណា ប្រភពដដែលបានបន្ថែមថា លទ្ធភាពដែល Donnarumma អាចចូលរួមជាមួយ Man City បាន លុះត្រាតែអ្នកចាំទីដៃទី ១ របស់ពួកគេ កីឡាករ Ederson ត្រូវចាកចេញនៅរដូវក្តៅនេះជាមុនសិន។ Ederson ពេលនេះកំពុងស្ថិតក្នុងការចរចាជាមួយក្លិប Galatasaray នៃលីគកំពូល តួកគី៕

ប្រែសម្រួល៖ សេម កុសល
ប្រភព៖ talkSPORT

The post Donnarumma កំពុងក្លាយជាគោលដៅក្លិបយក្ស អង់គ្លេស មួយ ក្រោយចង់ចាកចេញពី PSG appeared first on Kampuchea Thmey Daily.

យោងតាមការចុះផ្សាយដោយអ្នកកាសែត អ៉ីតាលី លោក Fabrizio Romano បានឱ្យដឹងថា ការចាប់អារម្មណ៍ចង់បានរបស់ Man City ទៅលើ Rodrygo នេះ គឺជាការស្នើសុំរបស់អ្នកចាត់ការលោក Pep Guardiola។

ប្រភពដដែលបានបន្ថែមទៀតថា Real Madrid នឹងបិទផ្លូវឱ្យខ្សែប្រយុទ្ធសញ្ជតិ ប្រេស៊ីល វ័យ ២៥ ឆ្នាំចាកចេញនោះទេ ប៉ុន្តែពួកគេប្រាប់ទៅភាគក្លិប Man City ថា ពួកគេត្រូវការលុយចំនួន ១១៦ លានដុល្លារអាមេរិកពីការផ្ទេរនេះ។

គួរឱ្យដឹងថា Rodrygo គឺជាខ្សែប្រយុទ្ធដ៏មានទេពកោសល្យម្នាក់ ប៉ុន្តែជាង ១ រដូវកាលចុងក្រោយនេះ រូបគេហាក់ពុំសូវមាននាទីលេងច្រើនឡើយ បន្ទាប់ពី Kylian Mbappe មកដល់ ហើយនៅរដូវកាលថ្មីនេះទៀតសោត មានព័ត៌មានលេចឮថា គ្រូបង្វឹកលោក Xabi Alonso ក៏គ្រោងនឹងមិនប្រើរូបគេផងដែរ៕

ប្រែសម្រួល៖ សេម កុសល
ប្រភព៖ Fabrizio Romano

The post លោក Pep ទទូចឱ្យ Man City ចុះកុងត្រាយកខ្សែប្រយុទ្ធតម្លៃ ១០០ លានម្នាក់ពី Real Madrid appeared first on Kampuchea Thmey Daily.

គិតត្រឹមថ្ងៃទី ៣០ ខែ កក្កដា ឆ្នាំ ២០២៥ ក្លិបហង្សក្រហម Liverpool បានឈរនៅលើគេ ជាក្លិបដែលចាយលុយច្រើនបំផុត ក្នុងការទិញចូលកីឡាករថ្មី​ចូល។ បន្ទាប់មក Chelsea ឈរលេខ ២, Arsenal ឈរលេខ ៣, Manchester United ឈរលេខ ៤ និង Manchester City ឈរនៅលេខ ៥។

ខាងក្រោម គឺជាទិន្នន័យលំអិត​ ដែលដកស្រង់ចេញពី Transfer Market អំពីក្លិបទាំង ៥ ក្នុងក្របខណ្ឌ Premier League បាន​ចំណាយ​ច្រើនជាងគេបំផុត ក្នុងការទិញកីឡាករថ្មីនៅរដូវក្តៅនេះ៖

• Liverpool ចាយលុយសរុបអស់ ចំនួន ៣៥៨.៩ លានដុល្លារអាមេរិក
• Chelsea ចាយលុយសរុបអស់ ចំនួន ២៨២.៨៧ លានដុល្លារអាមេរិក
• Arsenal ចាយលុយសរុបអស់ ចំនួន ២៥៨.៨៥ លានដុល្លារអាមេរិក
• Man United ចាយលុយសរុបអស់ ចំនួន ១៧៦.១ លានដុល្លារអាមេរិក
• Manchester City ចាយលុយសរុបអស់ ចំនួន ១៦៨ លានដុល្លារអាមេរិក៕

អត្ថបទ៖ សេម កុសល
ប្រភព៖ Transfer Market

The post ក្លិប ៥ ប្រចាំ លីគ​កំពូល​អង់គ្លេស ចាយលុយ​ច្រើនបំផុត​​ត្រៀម​ខ្លួន​រដូវកាលនេះ appeared first on Kampuchea Thmey Daily.

នៅរដូវកាលនេះ Man City បានបាត់បង់អ្នកនាំលេងដ៏សំខាន់របស់ក្រុមម្នាក់ គឺ De Bruyne បន្ទាប់ពីខ្សែបម្រើសញ្ជាតុ ប៊ែលហ្ស៊ិក វ័យ ៣៣ ឆ្នាំរូបនេះសម្រេចចិត្តចាកចេញ ក្រោយអស់សុពលភាពកិច្ចសន្យារយៈពេល ១០ ឆ្នាំ។

ទោះបីជាយ៉ាងណា Man City ពេលនេះ រកបានអ្នកជំនួស De Bruyne ហើយ ក្រោយអ្នកកាសែត អ៉ីតាលី លោក Fabrizio Romano បានចុះផ្សាយថា Man City បានព្រមព្រៀងលក្ខខណ្ឌជាផ្លូវការជាមួយសមីកីឡាករ Tijjani Reijnders។ ជាមួយគ្នា Man City និង AC Milan បានព្រមព្រៀងលក្ខខណ្ឌផ្ទាល់មាត់អំពីតម្លៃផ្ទេរជាមួយគ្នារួចរាល់ហើយ គឺក្នុងតម្លៃ ៨០ លានដុល្លារអាមេរិក។

ចំពោះការចុះកិច្ចសន្យាយកបាន Tijjani Reijnders បានធ្វើឱ្យអ្នកគាំទ្រភាគច្រើនយល់ថា នេះគឺជាការយកបានអ្នកមកជំនួស De Bruyne យ៉ាងត្រឹមត្រូវ ដោយសារខ្សែបម្រើសញ្ជាតិ ហូល្លង់ វ័យ ២៦ ឆ្នាំរូបនេះ គឺបានបង្ហាញសមត្ថភាពយ៉ាងលេចធ្លោរជាមួយ AC Milan កាលពីរដូវកាលមុន ក្នុងនោះរូបគេបង្ហាញខ្លួនបាន ៤៩ ប្រកួត រកបាន ១៣ គ្រាប់ និង assist ចំនួន ៤ គ្រាប់៕

ប្រែសម្រួល៖ សេម កុសល
ប្រភព៖ Fabrizio Romano

The post ក្លិប Man City ចាយ ៨០ លានដុល្លារ រកបានអ្នកជំនួស De Bruyne ជាផ្លូវការ appeared first on Kampuchea Thmey Daily.