ខណ្ឌពោធិ៍សែនជ័យ Archives - Kampuchea Thmey Daily

ខឹងឪពុកម្ដាយខាងប្រុសបំបែក ទិញសាំងដុតផ្ទះ រត់គេចខ្លួនបាន ២ ថ្ងៃ ជាប់ខ្នោះសមត្ថកិច្ច

អ៊ិន ពិសី — Wed, 29 Apr 2026 04:13:47 +0000

នគរបាលខណ្ឌសែនសុខ ស្រាវជ្រាវឃាត់ខ្លួនស្ត្រីម្នាក់ ដែលលួចចាក់សាំងដុតផ្ទះអតីតសង្សារ ព្រោះតែខឹងឪពុកម្ដាយបំបែកបំបាក់។

ការឃាត់ខ្លួននេះបានធ្វើឡើងកាលពីថ្ងៃទី ២៨ ខែមេសា ឆ្នាំ ២០២៦ នៅសង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។ ជនសង្ស័យមានឈ្មោះ ឡុង ប៉ុច អាយុ ៤៥ ឆ្នាំ ស្នាក់នៅបន្ទប់ជួលភូមិក្បាលដំរីសង្កាត់កាកាបទី ១ ខណ្ឌពោធិ៍សែនជ័យ រាជធានីភ្នំពេញ។

តាមប្រភពព័ត៍មានពីប្រជាពលរដ្ឋបានឲ្យដឹងថា ជនសង្ស័យ និង ឈ្មោះ ឡូ រតនា ជាកូនប្រុសម្ចាស់ផ្ទះ បានស្រឡាញ់គ្នា ប៉ុន្តែបានបែកបាក់គ្នា ដោយសារឪពុកម្ដាយខាងប្រុសមិនពេញចិត្ត ជាហេតុធ្វើឲ្យស្ត្រីដែលជាជនសង្ស័យខឹងនឹងឪពុកម្ដាយ និងសង្សារ ក៏បានរៀបចំគម្រោងការយកសាំងទៅដុតផ្ទះរបស់ជនរងគ្រោះតែម្ដង។

ប្រភពពីនគរបាលបានឲ្យដឹងថា ជនសង្ស័យដែលយកសាំងដុតផ្ទះរូបនោះ ត្រូវបានកម្លាំងនគរបាលព្រហ្មទណ្ឌខណ្ឌសែនសុខ សហការជាមួយនគរបាលប៉ុស្តិ៍ក្រាំងធ្នង់ ស្រាវជ្រាវឃាត់ខ្លួនបានកាលពីវេលាយប់រំលងអធ្រាត្រឈានចូលថ្ងៃទី ២៩ ខែមេសា ឆ្នាំ ២០២៦ នេះ នៅតាមផ្លូវក្នុងភូមិដំណាក់ សង្កាត់គោកឃ្លាង ខណ្ឌសែនសុខ រាជធានីភ្នំពេញ។

គួររំលឹកថា កាលពីវេលាម៉ោង ១ និង ១០ នាទីយប់រំលងអធ្រាត្រថ្ងៃទី ២៧ ខែមេសា ឆ្នាំ ២០២៦ ស្ត្រីជាជនសង្ស័យ បានយកសាំងទៅដុតផ្ទះរបស់ជនរងគ្រោះ ដោយសារតែខឹងម្ចាស់ផ្ទះដែលជាឪពុកម្ដាយសង្សាររបស់ខ្លួនបំបែកបំបាក់ស្នេហារបស់ពួកគេ។ ចំពោះអគ្គិភ័យឆាបឆេះនេះ បណ្ដាលឲ្យខូចខាតធុងចម្រោះទឹកចំនួន ១ និងខ្សែភ្លើងមួយចំនួន។

ក្រោយកើតហេតុ ជនរងគ្រោះ បានឆែកកាមេរ៉ាសុវត្ថិភាព ហើយឃើញស្ត្រីដែលជាអតីតសង្សាររបស់កូនជាអ្នកដុត។ ក្នុងនោះ ជនរងគ្រោះ ក៏បានប្តឹងទៅសមត្ថកិច្ចឈានដល់ស្រាវជ្រាវឃាត់ខ្លួនបានស្ត្រីដែលជាជនសង្ស័យរូបនោះបញ្ជូនទៅកាន់អធិការដ្ឋានខណ្ឌសែនសុខ ដើម្បីចាត់ការតាមច្បាប់៕
អត្ថបទ ៖ រដ្ឋា

The post ខឹងឪពុកម្ដាយខាងប្រុសបំបែក ទិញសាំងដុតផ្ទះ រត់គេចខ្លួនបាន ២ ថ្ងៃ ជាប់ខ្នោះសមត្ថកិច្ច appeared first on Kampuchea Thmey Daily.

ផ្លូវបេតុង ៣ ខ្សែ ក្នុងសង្កាត់ចោមចៅទី ៣ ស្ថាបនារួចរាល់ និងបន្តស្ថាបនា ២ ខ្សែទៀត ដើម្បីពលរដ្ឋងាយស្រួលធ្វើដំណើរ ប្រកបមុខរបរ

អ៊ិន ពិសី — Tue, 14 Oct 2025 07:35:08 +0000

ផ្លូវបេតុងចំនួន ៣ ខ្សែ ក្នុងសង្កាត់ចោមចៅទី ៣ ត្រូវបានស្ថាបនារួចរាល់ និងបន្តស្ថាបនា ២ ខ្សែទៀត ដើម្បីប្រជាពលរដ្ឋងាយស្រួលក្នុងការធ្វើដំណើរ និងប្រកបមុខរបរ។

លោក វ៉ា សាវឿន ចៅសង្កាត់ចោមចៅទី ៣ បានប្រាប់កម្ពុជាថ្មីនៅព្រឹកថ្ងៃទី ១៤ ខែតុលា ឆ្នាំ ២០២៥ នេះថា ផ្លូវបេតុងចំនួន ៣ ខ្សែ ដែលស្ថិតក្នុងមូលដ្ឋានសង្កាត់ចោមចៅទី ៣ សរុបប្រវែងជាង ៨០០ ម៉ែត្រ ពេលនេះស្ថាបនារួចរាល់ហើយ ដោយទី ១-នៅភូមិជម្ពូវ័ន ១ , ទី ២-ភូមិជម្ពូវ័ន ២ , និងទី ៣-ភូមិព្រៃព្រីងជើង ២ ហើយនេះជាគម្រោងមូលនិធិអភិវឌ្ឍន៍សង្កាត់ក្នុងឆ្នាំ ២០២៥ និងរង់ចាំឲ្យបេតុងស្ងួតល្អទើបដាក់ឲ្យប្រជាពលរដ្ឋធ្វើដំណើរឆ្លងកាត់។

លោកបន្តថា ក្រោយពីស្ថាបនាផ្លូវបេតុងចំនួន ៣ ខ្សែ ខាងលើរួច នឹងបន្តទៅស្ថាបនាផ្លូវបេតុងឆ្អឹងដែកចំនួន ២ ភូមិទៀត សរុបប្រវែងជាង ៨០០ ម៉ែត្រ គឺ ភូមិអូដឹម និងភូមិព្រៃទា ១ ដែលស្ថិតក្នុងមូលដ្ឋានសង្កាត់ចោមចៅទី ៣ ដូចគ្នា៕

អត្ថបទ ៖ សុខា

The post ផ្លូវបេតុង ៣ ខ្សែ ក្នុងសង្កាត់ចោមចៅទី ៣ ស្ថាបនារួចរាល់ និងបន្តស្ថាបនា ២ ខ្សែទៀត ដើម្បីពលរដ្ឋងាយស្រួលធ្វើដំណើរ ប្រកបមុខរបរ appeared first on Kampuchea Thmey Daily.

អាជ្ញាធរខណ្ឌពោធិ៍សែនជ័យ ចុះពិនិត្យការរុះរើសំយាបផ្ទះ និងកាប់ឆ្ការព្រៃ បើកប្រព័ន្ធលូបង្ហូរទឹក បញ្ចៀសការជន់លិច

អ៊ិន ពិសី — Thu, 11 Sep 2025 09:00:37 +0000

កាលពីព្រឹកថ្ងៃទី ១១ ខែកញ្ញា ឆ្នាំ ២០២៥ នេះ អាជ្ញាធរខណ្ឌពោធិ៍សែនជ័យ ចុះពិនិត្យមើលការចុះរុះរើសំយាបផ្ទះដែលពលរដ្ឋសាងសង់រំលោភចំណីផ្លូវសាធារណៈ និងកាប់ឆ្ការព្រៃដុះទ្រុបលើប្រឡាយទឹក ដើម្បីកាយស្តារបើកចរន្តទឹកឲ្យហូរបានលឿន។

អាជ្ញាធរបានឲ្យដឹងថា ដោយសារតែប្រជាពលរដ្ឋមួយចំនួនដែលរស់នៅតាមផ្លូវបេតុង ភូមិចាក់ជ្រូក សង្កាត់សំរោងក្រោម បានសាងសង់សំយាបផ្ទះរំលោភចូលចំណីផ្លូវសាធារណៈ ដោយមានការយកចិត្តទុកដាក់ពី លោក សក់ ច័ន្ទកញ្ញារិទ្ធ អភិបាល នៃគណៈអភិបាលខណ្ឌពោធិ៍សែនជ័យ នៅវេលាម៉ោង ៨ និង ០០ នាទីព្រឹក ថ្ងៃទី ១១ ខែកញ្ញា ឆ្នាំ ២០២៥ លោក ប៉ាង លីដា អភិបាលរងខណ្ឌ បានដឹកនាំក្រុមការងាររដ្ឋបាលខណ្ឌ ចុះពិនិត្យមើលការរុះរើសំយាបផ្ទះដោយស្ម័គ្រចិត្ត ដើម្បីសម្រួលចរាចរណ៍ និងរក្សាចិញ្ចើមផ្លូវសាធារណៈ។

ជាមួយគ្នានេះ លោក ប៉ាង លីដា ក៏បានដឹកនាំក្រុមការងារចុះកាប់ឆ្ការព្រៃរកមើលមាត់លូ និងពិនិត្យស្ថានភាពប្រឡាយមេ រកវិធីសាស្ត្រកាយស្តារប្រព័ន្ធលូខាងលើ ដើម្បីសម្រួលចរន្តទឹកហូរបានលឿន បញ្ចៀសការជន់លិចដោយជំនន់ទឹកភ្លៀងនារដូវវស្សា។

លោក ប៉ាង លីដា បានបញ្ជាក់ថា ក្រោយកាប់ឆ្ការព្រៃឃើញថា នៅលើផ្ទៃទឹកប្រឡាយ និងប្រព័ន្ធលូពោរពេញទៅដោយសំរាម កាកសំណល់ជាច្រើន ដែលពលរដ្ឋមួយចំនួនបានបោះចោល។ អាជ្ញាធរ អំពាវនាវដល់ពលរដ្ឋទាំងអស់ សូមមេត្តាវេចខ្ចប់សំរាមឲ្យបានត្រឹមត្រូវ ងាយស្រួលដល់ឡានដឹកសំរាមមកយកទៅចាក់ចោល និង ដើម្បីបរិស្ថាន អនាម័យ សោភ័ណភាពទីក្រុងស្អាត៕

អត្ថបទ ៖ សុខា

The post អាជ្ញាធរខណ្ឌពោធិ៍សែនជ័យ ចុះពិនិត្យការរុះរើសំយាបផ្ទះ និងកាប់ឆ្ការព្រៃ បើកប្រព័ន្ធលូបង្ហូរទឹក បញ្ចៀសការជន់លិច appeared first on Kampuchea Thmey Daily.

ខណ្ឌពោធិ៍សែន​ជ័យ Archives - Kampuchea Thmey Daily

ខឹងឪពុក​ម្ដាយខាងប្រុសបំបែក ទិញសាំងដុតផ្ទះ រត់គេចខ្លួនបាន ២ ថ្ងៃ ជាប់ខ្នោះសមត្ថកិច្ច

ខណ្ឌពោធិ៍សែនជ័យ Archives - Kampuchea Thmey Daily

ខឹងឪពុកម្ដាយខាងប្រុសបំបែក ទិញសាំងដុតផ្ទះ រត់គេចខ្លួនបាន ២ ថ្ងៃ ជាប់ខ្នោះសមត្ថកិច្ច