ព័ត៌មានជាតិ

ផ្លូវបេតុង ៣ ខ្សែ ក្នុងសង្កាត់ចោមចៅទី ៣ ស្ថាបនារួចរាល់ និងបន្តស្ថាបនា ២ ខ្សែទៀត ដើម្បីពលរដ្ឋងាយស្រួលធ្វើដំណើរ ប្រកបមុខរបរ

បានផុស

៨ ខែ មុន

នៅ

ថ្ងៃអង្គារ ១៤ តុលា ២០២៥

ដោយ

ផ្លូវបេតុងចំនួន ៣ ខ្សែ ក្នុងសង្កាត់ចោមចៅទី ៣ ត្រូវបានស្ថាបនារួចរាល់ និងបន្តស្ថាបនា ២ ខ្សែទៀត ដើម្បីប្រជាពលរដ្ឋងាយស្រួលក្នុងការធ្វើដំណើរ និងប្រកបមុខរបរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វ៉ា សាវឿន ចៅសង្កាត់ចោមចៅទី ៣ បានប្រាប់កម្ពុជាថ្មីនៅព្រឹកថ្ងៃទី ១៤ ខែតុលា ឆ្នាំ ២០២៥ នេះថា ផ្លូវបេតុងចំនួន ៣ ខ្សែ ដែលស្ថិតក្នុងមូលដ្ឋានសង្កាត់ចោមចៅទី ៣ សរុបប្រវែងជាង ៨០០ ម៉ែត្រ ពេលនេះស្ថាបនារួចរាល់ហើយ ដោយទី ១-នៅភូមិជម្ពូវ័ន ១ , ទី ២-ភូមិជម្ពូវ័ន ២ , និងទី ៣-ភូមិព្រៃព្រីងជើង ២ ហើយនេះជាគម្រោងមូលនិធិអភិវឌ្ឍន៍សង្កាត់ក្នុងឆ្នាំ ២០២៥ និងរង់ចាំឲ្យបេតុងស្ងួតល្អទើបដាក់ឲ្យប្រជាពលរដ្ឋធ្វើដំណើរឆ្លងកាត់។

លោកបន្តថា ក្រោយពីស្ថាបនាផ្លូវបេតុងចំនួន ៣ ខ្សែ ខាងលើរួច នឹងបន្តទៅស្ថាបនាផ្លូវបេតុងឆ្អឹងដែកចំនួន ២ ភូមិទៀត សរុបប្រវែងជាង ៨០០ ម៉ែត្រ គឺ ភូមិអូដឹម និងភូមិព្រៃទា ១ ដែលស្ថិតក្នុងមូលដ្ឋានសង្កាត់ចោមចៅទី ៣ ដូចគ្នា៕

អត្ថបទ ៖ សុខា