ហេតុការណ៍នេះបានកើតឡើងកាលពីថ្ងៃទី ១៥ ខែវិច្ឆិកា ហើយកុមារឈ្មោះ Vladimir Iakubanets បានស្លាប់នៅថ្ងៃទី ១៩ ខែវិច្ឆិកា នៅមន្ទីរពេទ្យ Sultanah Bahiyahរដ្ឋ Kedah ដោយសារតែផលវិបាកធ្ងន់ធ្ងរ។

បើតាមឪពុករបស់កុមាររងគ្រោះឈ្មោះ Nikita ក្មេងប្រុសនោះឈប់ដកដង្ហើមក្នុងរយៈពេលប៉ុន្មានវិនាទីបន្ទាប់ពីត្រូវខ្ញែរសមុទ្រខាំ។ អ្នកទេសចរផ្សេងទៀត បានជួយប្រញាប់ប្រញាល់នាំក្រុមគ្រួសារទៅកាន់អ្នកជួយសង្គ្រោះឆ្នេរ លាងមុខរបួសកុមារជាមួយទឹកខ្មេះ ហើយក្រោយមកបញ្ជូនកុមារទៅគ្លីនិក និងក្រោយមកបញ្ជូនទៅមន្ទីរពេទ្យ។

ឪពុកម្តាយរបស់ក្មេងប្រុសនោះបាននិយាយថា ពួកគេនឹងមិនប្តឹងនរណាម្នាក់លើហេតុការណ៍ដែលបានឡើងនោះទេ ហើយសង្ឃឹមថាការស្លាប់របស់កូនប្រុសរបស់ពួកគេនឹងបង្កើនការយល់ដឹងអំពីគ្រោះថ្នាក់នៃខ្ញែរសមុទ្រ។ ពួកគេមានគម្រោងបូជាគាត់ និងយកធាតុរបស់គាត់ត្រឡប់ទៅប្រទេសរុស្ស៊ីវិញ។

បន្ទាប់ពីហេតុការណ៍នេះ នាយកដ្ឋានជលផលរដ្ឋ Kedah បានបញ្ជាក់ពីកម្រិតមធ្យមនៃខ្មែរសមុទ្រនៅក្នុងដែនទឹក Langkawi ដែលទំនងជាដោយសារតែចលនាទាក់ទងនឹងខ្យល់មូសុង។ អាជ្ញាធរបានព្រមានថា ទោះបីជាចំនួនមិនខ្ពស់ក៏ដោយ ក៏វានៅតែបង្កគ្រោះថ្នាក់ធ្ងន់ធ្ងរដល់អ្នកហែលទឹក និងអ្នកទៅលេងឆ្នេរសមុទ្រដែរ៕

អត្ថបទ៖ ប៊ុន សុភាព

The post ក្មេងប្រុសជនជាតិរុស្ស៊ីម្នាក់ស្លាប់ បន្ទាប់ពីខ្ញែរសមុទ្រខាំនៅកោះLangkawi​ ប្រទេសម៉ាឡេស៊ី appeared first on Kampuchea Thmey Daily.

ក្រុមអ្នកជំនាញបានកំណត់អត្តសញ្ញាណសត្វនេះថាជា “ខ្ញែរសមុទ្រ peach blossom” ដែលមានដើមកំណើតនៅជ្រលងទន្លេ Yangtze នៃប្រទេសចិន ។

ខ្ញែរសមុទ្រខាងលើមានសមត្ថភាពបន្តពូជដោយភេទដូចគ្នា ហើយការប្រទះឃើញនេះមិនទាន់កំណត់ពីផលប៉ះពាល់ចំពោះប្រព័ន្ធអេកូឡូស៊ីក្នុងស្រុកនៅឡើយទេ ។

យ៉ាងណាក្ដី វាមិនអាចបង្កគ្រោះថ្នាក់ដល់មនុស្សទេ ព្រោះខ្ញែរសមុទ្រនេះមានទំហំតូចពេក ។ ចំណែកឯរបៀបដែលវាមកដល់រដ្ឋ California ក៏មិនទាន់បានដឹងដូចគ្នា ៕

ប្រែសម្រួល៖ វារី

ប្រភព៖ UPI

ចុចអាន៖ មកដឹងពីរឿងគួរឲ្យចាប់អារម្មណ៍ ១១ ចំណុចពីខ្ញែរសមុទ្រ

The post ប្រទះឃើញហ្វូងខ្ញែរសមុទ្រចិន នៅក្នុងអាងស្តុកទឹកអាមេរិក (មានវីដេអូ) appeared first on Kampuchea Thmey Daily.

១. ខ្ញែរសមុទ្រអាចមានអាយុច្រើនជាងដាយណូស័រ

ខ្ញែរសមុទ្រមិនមានឆ្អឹងទេដូច្នេះពិបាកស្រាវជ្រាវពីវាណាស់ ប៉ុន្តែអ្នកវិទ្យាសាស្ត្រមានភស្តុតាងបង្ហាញវត្តមានរបស់ខ្ញែរសមុទ្រនៅលើផែនដីជាង ៥០០ លានឆ្នាំមកហើយ ។

២. វាពូកែសម្របខ្លួនជាមួយការប្រែប្រួលអាកាសធាតុ

ទោះបីជាមានរលកកម្ដៅក្នុងសមុទ្រ អាស៊ីដកើនឡើង ការនេសាទលើសកំណត់ និងឥទ្ធិពលផ្សេងៗពីមនុស្សក៏ដោយខ្ញែរសមុទ្រនៅតែរីកដុះដាលទំនងមិនរងផលប៉ះពាល់ដូចសត្វផ្សេងៗសោះ ។

៣. ខ្ញែរសមុទ្រមិនមែនត្រីទេ

ខ្ញែរសមុទ្រជាសត្វឆ្អឹងខ្នងប្រភេទ phylum Cnidaria ហើយអ្នកវិទ្យាសាស្ត្រចាត់ទុកវាជា gelatinous zooplanktonព្រោះរាងកាយមានសភាពទន់ងាយខូចខាត ។

៤. រាងកាយខ្ញែរសមុទ្របង្កឡើងពីទឹក ៩៨ ភាគរយ

ខណៈរាងកាយមនុស្សបង្កឡើងពីទឹក ៦០ ភាគរយ ខ្ញែរសមុទ្របង្កឡើងពីទឹកដល់ទៅ ៩៨ ភាគរយឯណោះទើបវាមិនមានខួរក្បាល និងបេះដូងទេ ។

៥. ជួនកាលវាមានភ្នែក

ឧទាហរណ៍ខ្ញែរសមុទ្រប្រអប់មានភ្នែក ២៤ ក្នុងនោះមាន ២ ប៉ុណ្ណោះដែលមើលឃើញពណ៌ ជាពិសេសវាអាចមើលឃើញជុំវិញខ្លួនបាន ៣៦០ ដឺក្រេទៀតផង ។

៦. ខ្ញែរសមុទ្រខ្លះមានជីវិតអមត

ខ្ញែរសមុទ្រប្រភេទ Turritopsis nutricula អាចប្ដូរកោសិកាថ្មីដើម្បីរស់នៅសារឡើងវិញដូចកើតម្ដងទៀត ។

៧. ស៊ីចំណី និងជុះកន្លែងតែមួយ

មាត់ និងរន្ធគូថរបស់វាជាបំពង់តែមួយសម្រាប់ដឹកនាំអាហារចូលទៅក្នុងពោះ ។

៨. ពួកវាកម្រធ្វើដំណើរជាក្រុមណាស់

ខ្ញែរសមុទ្រជាសត្វឯករាជ្យ បើអ្នកឃើញវានៅក្បែរគ្នានោះគឺជារឿងចៃដន្យមិនបានគ្រោងទុកទៅវិញទេ ។

៩. ខ្ញែរសមុទ្រខ្លះអាចបង្កគ្រោះថ្នាក់ខ្ពស់

យោងតាមការពិសោធន៍បានឲ្យដឹងថាខ្ញែរសមុទ្រប្រអប់មានគ្រោះថ្នាក់ជាងគេ វាផ្ទុកពិសអាចសម្លាប់មនុស្សពេញវ័យ ៦០ នាក់ក្នុងមួយក្បាល ។

១០. យើងអាចបរិភោគខ្ញែរសមុទ្រមួយចំនួន

នៅប្រទេសជប៉ុននិងកូរ៉េ គេនាំគ្នាបរិភោគខ្ញែរសមុទ្រទាំងឆៅក៏មាន កែច្នៃទៅជាមុខម្ហូបឬបង្អែមលាងមាត់ដោយសុវត្ថិភាព ។

១១. វាធ្លាប់ទៅដល់លំហអាកាស

អង្គការណាសាធ្លាប់បញ្ជូនខ្ញែរសមុទ្រទៅកាន់លំហអាកាសនៅដើមទសវត្សរ៍ឆ្នាំ ១៩៩០ ដើម្បីដឹងពីរបៀបដែលពួកគេ អាចសម្របខ្លួនទៅនឹងបរិយាកាសគ្មានទំនាញ ។

ក្រៅពីរឿងគួរឲ្យចាប់អារម្មណ៍ទាំង ១១ ខាងលើនេះ យើងងាកមកបកស្រាយពីករណីខ្ញែរសមុទ្រទិចវិញថា តើការនោមដាក់ពិតជាអាចបន្សាបពិសមែនឬអត់ តាមពិតវាអាចជួយកាត់បន្ថយការឈឺចាប់មែនតែអ្នកជំនាញមិនណែនាំទេ ។ វិធីព្យាបាលតម្រូវឲ្យអ្នកជំងឺលាងរបួសជាមួយទឹកសមុទ្រមុនសឹមបេះកន្ទុយវាចេញ បន្ទាប់មកអ្នកត្រូវត្រាំទឹកក្ដៅប្រហែលកន្លះម៉ោងទើបអាចប្រើ ibuprofen មកព្យាបាលបាន ៕

ប្រែសម្រួល ៖ វារី

ចុចអាន ៖ មកស្គាល់សត្វ Capybara រួសរាយជាងគេបំផុតនៅលើពិភពលោក

ចុចអាន ៖ សត្វ ៥ ប្រភេទ ផុតពូជពីផែនដីគ្មានសល់

The post មកដឹងពីរឿងគួរឲ្យចាប់អារម្មណ៍ ១១ ចំណុចពីខ្ញែរសមុទ្រ appeared first on Kampuchea Thmey Daily.