ខ្សែភាពយន្ដខ្មែរ ដែលនិពន្ធដោយ អ្នកស្រី ពាន់ ភួងបុប្ផា ទទួលបានការគាំទ្រយ៉ាងខ្លាំងពីសំណាក់ទស្សនិកជន កាលពីជាង១០ឆ្នាំមុន ត្រូវបានអ្នកលេងបណ្ដាញសង្គម យកមកចាក់ផ្សាយទស្សនាសារជាថ្មី ជាហូរហែ ដែលធ្វើឲ្យយុវជនជំនាន់ក្រោយ បានទស្សនា និង មានការជក់ចិត្តជាខ្លាំង។

ជាមួយនឹងសាច់រឿង កូនប្រសារស្រី មានចរិតសុភាពរាបសារ ត្រូវបានគ្រួសារខាងប្ដីធ្វើបាបមិនឈប់មិនឈរ ធ្វើឲ្យយុវជនសម័យថ្មី GenZ នេះ ទស្សនាហើយ បានបញ្ចេញអារម្មណ៍ក្នាញ់ ក្ដៅសាច់ ចំពោះទង្វើម្ដាយក្មេក និងគ្រួសារខាងប្ដី ដែលឆ្លុះបញ្ចាំងអំពីតថភាពសង្គមកាលពីជំនាន់នោះ។

បន្ទាប់ពីរឿងនេះ ត្រូវបានល្បីឡើងវិញ អ្នកស្រី ពាន់ ភួងបុប្ផា បានបង្ហោះសារនៅក្នុងបណ្ដាញសង្គម សំណូមពរឲ្យអ្នកដែលចែកចាយរឿងនេះបន្ដ សូមមេត្តា ដាក់កម្មសិទ្ធបញ្ញា ឲ្យម្ចាស់ដើមផង និងអរគុណដល់អ្នកទស្សនាដែលគាំទ្រខ្សែភាពយន្ដដែលជាស្នាដៃនិពន្ធរបស់អ្នកស្រី។

យ៉ាងណាមិញ អ្នកលេងបណ្ដាញសង្គម បាននាំគ្នាចូលខមិន សំណូមពរឲ្យអ្នកស្រី ថតរឿងនេះសារជាថ្មី និងកែសម្រួលសាច់រឿងខ្លះៗ ដូចជាបង្ហាញថា តួអង្គកូនប្រសារស្រី មានអត្តចរិតរឹងមាំ ចេះតស៊ូជាមួយនឹងគ្រួសារខាងប្ដី មិនឲ្យម្ដាយក្មេកធ្វើបាបច្រើនលើកច្រើនសារ ដែលនេះ ក៏ជាតថភាពនៃសង្គមបច្ចុប្បន្នដូចនេះ ដែលមានការផ្លាស់ប្ដូរ ខុសដាច់ពីសាច់រឿងជំនាន់មុនទាំងស្រុង៕

The post ខណៈរឿង កូនប្រសារស្រី ផ្ទុះល្បីឡើងវិញ អ្នកស្រី ពាន់ ភួងបុប្ផា បង្ហោះសារបែបនេះ ភ្ជាប់ជាមួយលីងរឿងពេញ! appeared first on Kampuchea Thmey Daily.

ខ្សែភាពយន្តនេះ ត្រូវបានរៀបចំសម្រិតសម្រាំងឡើងដោយផលិតករ និងជាអ្នកនិពន្ធភាពយន្តឯកសារកម្ពុជា លោក ប៉ាន់ រិទ្ធី ដែលជាអ្នកដឹកនាំរឿងដ៏ល្បីប្រចាំប្រទេស។ លោក ប៉ាន់ រិទ្ធី ធ្លាប់​បានលើកឡើងថា លោកមានគំនិតក្នុងការផលិតកុននេះតាំងពី ៣០ឆ្នាំមកម៉្លេះ ប៉ុន្តែត្រូវការពេលវេលា ដើម្បីឱ្យលោកមានពេលគិតថាតើគួរផលិតបែបណា ព្រោះកន្លែងខ្លះអាចបង្ហាញជារូបភាពនាសម័យខ្មែរក្រហម ហើយកន្លែងខ្លះមិនអាចបង្ហាញបាននោះទេ។ ក្នុងន័យនេះលោកចង់សំដៅថា ព្រោះកន្លែងខ្លះការបង្ហាញពីរបបខ្មែរក្រហមមិនមែនជាការល្អឡើយ។  លោកបន្តថា ការផលិតខ្សែភាពយន្តនីមួយៗមិនងាយស្រួលនោះទេត្រូវតែគិតឱ្យបានហ្មត់ចត់ ជាពិសេសការផលិតកុនពាក់ព័ន្ធប្រវត្តិសាស្រ្ត គឺត្រូវមានការប្រុងប្រយ័ត្នច្រើន ធ្វើយ៉ាងណាផ្តល់ជាអត្ថប្រយោជន៍ដល់ទស្សនិកជន។

គួរជម្រាបថា ខ្សែភាពយន្ត ណាត់ជួប ប៉ុល ពត ជាប្រភេទខ្សែភាពយន្តប្រឌិត មិនមែនជាភាពយន្តឯកសារនោះទេ ពោលខ្សែភាពយន្តនេះ យកលំនាំតាមរឿងរ៉ាវរបស់អ្នកកាសែតស្រីម្នាក់ ជនជាតិអាមេរិក ដែលបានជួបសម្ភាសផ្ទាល់ជាមួយប៉ុល ពត​ នៅមុនការដួលរលំរបបខ្មែរក្រហម។

មុនឈានទៅការចាក់បញ្ចាំងនៅក្នុងរោងភាពយន្ត ខ្សែភាពយន្តនេះ​ត្រូវដាក់សម្ពោធកាលពីថ្ងៃទី ៧​ខែសីហា ឆ្នាំ ២០២៤ ក្រោមអធិបតីភាពរដ្ឋមន្រ្តីក្រសួងវប្បធម៌ និងវិចិត្រសិល្បៈ លោកស្រី ភឿង សកុណា, ប្រធានសមាគមសិល្បករខ្មែរ លោកស្រី ម៉ៅ ចំណាន រួមជាមួយបណ្តាឥស្សរជនកម្ពុជា ផលិតករខ្មែរ និងបរទេសជាច្រើនរូប។

លោកស្រី ម៉ៅ ​ចំណាន បានចាត់ទុកខ្សែភាពយន្តរឿង «ការណាត់ជួប ប៉ុល ពត» គឺខ្សែភាពយន្ត ដែលឆ្លុះបញ្ចាំងពីប្រវត្តិសាស្ត្រកម្ពុជាក្នុងរបបខ្មែរក្រហមមួយនេះ។ ដោយឡែក ចំពោះយុវជនខ្មែរជំនាន់ក្រោយវិញ ខ្សែភាពយន្ត«ការណាត់ជួបប៉ុល ពត» ពិតជារួមចំណែកឱ្យពួកគេយល់កាន់តែច្បាស់ពីសោកនាដកម្មសង្គ្រាមក្នុងអតីតកាលកម្ពុជា ហើយបំផុសស្មារតីស្រឡាញ់សុខសន្តិភាព និងខិតខំចូលរួមថែរក្សាសន្តិភាព ដែលកំពុងមានសព្វថ្ងៃនេះ។

គួរជម្រាបថា ខ្សែភាពយន្តរឿង «ការណាត់ជួបប៉ុល ពត» របស់ផលិតករ ប៉ាន់ រិទ្ធី ត្រូវបានជ្រើសរើសទៅចាក់បញ្ចាំងលើកដំបូងនៅមហោស្រពភាពយន្តទីក្រុងកានលើកទី៧៧ ដែលបានប្រព្រឹត្តទៅពីថ្ងៃទី ១៤ដល់ថ្ងៃទី ២៥ខែឧសភា ឆ្នាំ ២០២៤ នៅឯប្រទេសបារាំង៕

The post «ការណាត់ជួបជាមួយ ប៉ុល ពត» ស្នាដៃសមិទ្ធិករ ប៉ាន់ រិទ្ធី ចាក់បញ្ចាំងនៅកម្ពុជា appeared first on Kampuchea Thmey Daily.

លោក David Ulmer នាយកប្រតិបត្តិក្រុមហ៊ុន CBS បានថ្លែងកោតសរសើរដល់ក្រុមផលិតខ្សែរភាពយន្ត Sastra Film គ្រប់ផ្នែកទាំងអស់ ដែលបានខិតខំប្រឹងប្រែងផលិតខ្សែភាពយន្តល្អៗ។ លោក បញ្ជាក់ថា ក្រុមហ៊ុន CBS នឹងបន្តសហការជាមួយ Sastra Film នាំមកនូវភាពយន្តភាគល្អៗបន្ថែមទៀត មកចាក់បញ្ចាំងជូនដល់ទស្សនិកជន ព្រោះភាពយន្តដែលផលិតដោយ Sastra Film មានគុណភាពល្អ ទាំងបច្ចេកទេសនៃការថត និងភាពប៉ិនប្រសព្វនៃតួសម្តែង។ ក្នុងនាមនាយកប្រតិបត្តិក្រុមហ៊ុន CBS លោក David Ulmer សប្បាយចិត្តដែលបាននាំយករឿងភាពយន្តល្អៗមកជូនដល់ទស្សនិកជននៅកម្ពុជា។ លោកថា CBS គឺជាបណ្តាញផ្សព្វផ្សាយមួយដែលមានការពេញនិយម ដោយមានអ្នកទស្សនាជាច្រើនលាននាក់ ទាំងលើកញ្ចក់ទូរទស្សន៍ ក៏ដូចជាក្នុងបណ្តាញផ្សព្វផ្សាយឌីជីថលផងដែរ។ ខ្សៃភាពយន្តទាំង២ ឆ្លុះបញ្ចាំពីទំនាក់ទំនងមិត្តភាព ការជំនះឧបសគ្គ សេចក្ដីស្រឡាញ់ ភក្ដីភាព និងជារឿងដែលបង្ហាញពីស្ថានភាពនៃប្រទេសកម្ពុជា។

ចំណែក លោកស្រី ចាន់ និមល វិញ បានលើកឡើងថា លោកស្រី រីករាយដែលបានសហការជាមួយ CBS និងបានថ្លែងអំណរគុណដល់លោក David Ulmer ដែលបានគាំទ្រ និងឱ្យតម្លៃទៅលើការប្រឹងប្រែងផលិតរបស់ Sastra Film។ លោកស្រីបន្ថែមថា ក្រុមហ៊ុនរបស់លោកស្រី មានបទពិសោធន៍ផលិតជាច្រើនរឿងមកហើយ និងយូរឆ្នាំ ដែលមានបុគ្គលិកប្រហែលជា ២០០នាក់នាពេលបច្ចុប្បន្ន។ ក្រុមហ៊ុន បានផលិតមាតិកាចម្រុះប្រហែលជា ១០០ចំណងជើងក្នុងមួយឆ្នាំ ក្នុងនោះ ខ្សែភាពយន្តរឿងភាគ គឺជាបេសកកម្មមួយដែលលោកស្រីជឿជាក់ថា ជាផ្នែកមួយជួយរុញវិស័យភាពយន្តខ្មែរឱ្យកាន់តែមានភាពរីកចម្រើនឡើង តាមរយៈការផលិតខ្សែភាពចម្រុះជាច្រើន។ លោកស្រី អះអាងថា លោកស្រីបានដឹងពីចំណង់ចំណូលចិត្តថា ទស្សិកជនចូលចិត្តទស្សនាខ្សែភាពយន្តបែបណា។ បន្ថែមពីលើនេះ លោកស្រី មានតួសម្តែងដែលប៉ិនប្រសព្វក្នុងការសម្តែង ពោរពេញដោយទេពកោសល្យ អ្នកដឹកនាំរឿងល្អ និងមានការគាំទ្រពីទស្សនិកជនជាច្រើនទៀតផងដែរ។

សូមជម្រាបថា រឿងកូនក្រមុំកែមុខ មានដំណើរដើមទងទាក់ទិនទៅ ឆដា បានកែមុខ អមរា ដែលបាត់ការចងចាំឱ្យក្លាយជានាង ដើម្បីមកទទួលទោសសម្លាប់ប៉ាក្មេកជំនួសនាង។ អមរា ត្រូវជួបការលំបាកជំនួស ឆដា ជាច្រើននៅពេលដែលមានមុខដូច ឆដា។ វិទ្យា ជាប្តី ឆដា ខឹងណាស់មិនដឹងរឿងទេគិតថា អមរា ជា ឆដា ក៏ធ្វើបាប ដើម្បីសងសឹកព្រោះសង្ស័យថា នាងសម្លាប់ប៉ារបស់ខ្លួន។ ចុងក្រោយប្រែពីការស្អប់ មកជាស្រឡាញ់ អមរា វិញ ព្រោះ អមរា ជាមនុស្សល្អ បើទោះបីមានមុខដូចប្រពន្ធចិត្តអាក្រក់របស់គាត់ក៏ដោយ។

រីឯ រឿងអន្ទាក់ស្នេហ៍ក្នុងកុងត្រាវិញ មានរឿងរ៉ាវទាក់ទងទៅនឹងនារីស្រស់ស្អាត ដែលមានឈ្មោះថា ស្រីណៃ ត្រូវម្តាយរបស់ដេវីត ជួលនាងឲ្យទៅបោកប្រាស់ ដេវីត និងកែចរិក ដេវីត ឲ្យល្អដើម្បីឲ្យដេវីត ភ្ជាប់ពាក្យជាមួយមនុស្សដែលម៉ាក់ ដេវីត រើស។ ក្រោយពេលបោកប្រាស់ដេវីតបានជោគជ័យ ស្រីណៃ ក៏ចប់តួនាទីដូចគ្នា។ ស្រីណៃ ត្រូវចាកចេញ បើទោះស្រីណៃ ខុសលក្ខខណ្ឌស្រឡាញ់ ដេវីត បាត់ហើយក៏ដោយ។ តែ ដេវីត មិនព្រមចប់ងាយៗ ដេវីត តាមរករឿងធ្វើបាប ស្រីណៃ មិនឈប់មិនឈរ។ ដេវីត ដឹងច្បាស់ថា គេធ្វើមិនមែន ព្រោះស្អប់ តែគេធ្វើដោយសារស្រឡាញ់ចង់នៅជិត ស្រីណៃ។ ម៉ាក់ដេវីត ព្យាយាមបំបែក ដេវីត ជាមួយស្រីណៃ គ្រប់ពេលវេលា។ ទោះ ដេវីត មានគូដណ្តឹង ដេវីត នៅតាមការពារស្រីណៃ ហើយកាន់ដៃ ស្រីណៃ ឆ្លងកាត់ឧបសគ្គដ៏ធំដែលជាម៉ាក់របស់ដេវីត៕

The post ខ្សែភាពយន្តខ្មែរ២រឿងរបស់ក្រុមហ៊ុន Sastra Film នឹងចាក់បញ្ចាំងលើទូរទស្សន៍ MyTV ក្នុងខែមេសានេះ appeared first on Kampuchea Thmey Daily.

រឿង Skyfall ឆ្នាំ ២០១២ សម្ដែងដោយលោក Daniel Craig ទទួលបានសំឡេងឆ្នោតលើស ១៧ ភាគរយ ពោលគឺច្រើនជាងគេ ។

ចំណែកឯខ្សែភាពយន្ត Goldfinger របស់ Sean Connery ជាប់ចំណាត់ថ្នាក់លេខ ២ ខណៈខ្សែភាពយន្ត James Bond ចុងក្រោយរបស់ Craig គឺ No Time To Die ជាប់ចំណាត់ថ្នាក់លេខ ៣ ជាមួយនឹងសំឡេងឆ្នោត ៧ ភាគរយប៉ុណ្ណោះ ។

យោងតាមការស្ទង់មតិពីមហាជន លោក Daniel Craig ហាក់ដូចជាតួអង្គសំណព្វរបស់អ្នកទស្សនា ។ ទោះមិនគិតពីការស្ទង់មតិក៏ដោយ រឿង Skyfall ត្រូវបានចាត់ទុកថាជាខ្សែភាពយន្ត Jams Bond ដ៏ល្អបំផុត ចាប់តាំងពីការចាក់ផ្សាយដំបូងក្នុងឆ្នាំ ២០១២ មកម្ល៉េះ ។

រឿងនេះដឹកនាំដោយ Sam Mendes ចំណែកឯសាច់រឿងនិយាយពី James Bond តាមដានជនល្មើសក្នុងការវាយប្រហារ Mi6 ​(អ្នកស៊ើបការណ៍​យោធា ផ្នែកទី ៦) ហើយទីបំផុតគេរកឃើញថា វាជាការងាររបស់ភេរវករម្នាក់ឈ្មោះ Saoul Silva ដែលសម្ដែងដោយលោក Javier Bardem ។

លើសពីនេះ Skyfall ក៏រកប្រាក់ចំណូលបានច្រើនដែល ដល់ទៅ ១.១ ពាន់លានដុល្លារឯណោះ ។ ថែមទាំងឈ្នះពានរង្វាន់អូស្ការចំនួនពីរផងដែរ សម្រាប់បទចម្រៀងល្អបំផុត និងការកែសម្រួលសំឡេងល្អបំផុត ៕

ប្រែសម្រួល៖ វារី

ប្រភព៖ JOE

ចុចអាន៖ កំពូលតារាសម្តែង James Bond 007 នឹងចូលរួមសម្ពោធទីលានសុវត្ថិ​ភាព​នៅ​កម្ពុជា​

ចុចអាន៖ រឿង Avatar វគ្គពីរ ក្លាយជាខ្សែភាពយន្តទី ៦ ក្នុងប្រវត្តិសាស្ត្រ រកចំណូលលើសពី ២ ពាន់លានដុល្លារ

The post Skyfall ត្រូវគេវាយតម្លៃថាជាខ្សែភាពយន្ត James Bond ល្អបំផុតមិនធ្លាប់មាន appeared first on Kampuchea Thmey Daily.

នៅក្នុងបញ្ជីភាពយន្តទាំង ៦ ក្នុងប្រវត្តិសាស្ត្រខាងលើគេអាចមើលឃើញខ្សែភាពយន្តរកចំណូល បានច្រើនក្នុងអំឡុងពេលជំងឺឆ្លងរាតត្បាតសម័យកូវីដ ដែលខ្សែភាពយន្តរកចំណូលបាន ២ ពាន់លានដុល្លារ ដោយមាន រឿង”Avatar”, រឿង”Avengers: Endgame”, រឿង”Titanic”, រឿង”Star Wars: The Force Awakens” និងរឿង “Avengers: Infinity War” ជាដើម។

ជាមួយគ្នានោះ លោក James Cameron ជាអ្នកដឹកនាំរឿងតែម្នាក់គត់ដែលមានខ្សែភាពយន្តចំនួន៣ លើសពីតម្លៃ ២ ពាន់លានដុល្លារ។ នៅក្នុងនោះមានរឿង Avatar ដែលបានចាក់បញ្ចាំងនៅរោងភាពយន្តកាលពី ១៣ ឆ្នាំមុន នៅតែជាភាពយន្តដ៏ធំបំផុតគ្រប់ពេលជាមួយនឹង ២.៩ ពាន់លានដុល្លារ។ រឿង “Titanic” គឺជាភាពយន្តដែលរកចំណូលបានខ្ពស់បំផុតទីបីដែលមិនធ្លាប់មានជាមួយនឹង ២.១៩ ពាន់លានដុល្លារ។ ជាចុងក្រោយរឿងAvatar: The Way of Water អាចរកចំណូលើសពី ២ ពាន់លានដុល្លារ។

យ៉ាងណាមិញ មកទល់នឹងពេលនេះ Avatar: The Way of Water រកចំណូលបាន ៥៩៨ លានដុល្លារនៅ Box Office ក្នុងស្រុក និង ១.៤ ពាន់លានដុល្លារអន្តរជាតិ។ ទីផ្សារបរទេសដែលលេចធ្លោគឺប្រទេសចិន (២២៩ លានដុល្លារ) បារាំង (១២៩ លានដុល្លារ) អាឡឺម៉ង់ (១១៧ លានដុល្លារ) កូរ៉េខាង ត្បូង (៩៦ លានដុល្លារ) និងចក្រភពអង់គ្លេស (៨១ លានដុល្លារ) និងរកចំណូលបាន (១១៦ លានដុល្លារ)ពីទីផ្សារជប៉ុន ដែលរឿងនេះបានចំណាយប្រាក់ប្រហែល ៤៦០ លានដុល្លារដើម្បីផលិតតែប៉ុណ្ណោះ។

ប្រែសម្រួល៖នាងតូច

ចុចអាន៖NewJeans ក្លាយជាក្រុមចម្រៀងស្រី K-Pop ទីពីរជាប់ឈ្មោះលើតារាងចម្រៀងរបស់ អង់គ្លេស

The post រឿង Avatar វគ្គពីរ ក្លាយជាខ្សែភាពយន្តទី ៦ ក្នុងប្រវត្តិសាស្ត្រ រកចំណូលលើសពី ២ ពាន់លានដុល្លារ appeared first on Kampuchea Thmey Daily.

រឿងភាគ «កូនប្រុសក្រោមពន្លឺព្រះចន្ទពេញបូណ៌មី» នេះ គឺទាក់ទិនទៅនឹងដំណើរជីវិតពិតរបស់សម្តេច និងសម្តេចកិត្តិព្រឹទ្ធបណ្ឌិត ក្នុងសម័យសង្រ្គាម លុន ណុល រដ្ឋប្រហារទម្លាក់សម្តេចព្រះនរោត្តមសីហនុ ព្រះបរមរតនកោដ្ឋ ការរត់ចូលព្រៃម៉ាកគី សម័យកាលនៃរបបប្រល័យពូជសាសន៍ ប៉ុល ពត ការឆ្លងដែនចូលទៅកាន់ប្រទេសវៀតណាម ដើម្បីស្វែងរកកម្លាំងអ្នកស្នេហាជាតិ មករំដោះប្រទេសចេញ ពីរបបប៉ុលពត ការជួបជុំភរិយាសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ក្រោយថ្ងៃរំដោះ ៧ មករា ឆ្នាំ ១៩៧៩ ពិសេសទាក់ទិនទៅនឹងជីវិតពិតរបស់សម្តេចផ្ទាល់ ការចាកចេញពី មាតាបិតា បងប្អូនបង្កើតរបស់សម្តេចពីភូមិកំណើត មកស្វែងរកការសិក្សារៀនសូត្រ នៅរាជធានីភ្នំពេញ ការស្នាក់នៅអាស្រ័យជាមួយព្រះសង្ឃក្នុងវត្តនាគវ័ន្ត ដើម្បីការសិក្សាកុំឲ្យល្ងង់ខ្លៅ។

ចំណែកឯថវិកាផលិតរឿងក៏មិនធម្មតា ដែលត្រូវបានចូលរួមឧបត្ថម្ភពីសំណាក់ អ្នកឧកញ៉ា ឯកឧត្តម ក្នុងការផលិតខ្សែភាពយន្តមួយនេះសរុបចំនួន ២,៩០០,០០០ (ពីរលានកៅសិបម៉ឺនដុល្លារ)។ ខាងក្រោមនេះជាបញ្ចីរាយនាម អ្នកឧកញ៉ា ឯកឧត្តម ឧបត្ថម្ភថវិកាក្នុងការផលិតខ្សែភាពយន្តភាគរឿង «កូនប្រុសក្រោមពន្លឺព្រះចន្ទពេញបូណ៌មី»៖

The post មកដឹងចំនួនថវិកា និងឈ្មោះអ្នកឧកញ៉ា និងឯកឧត្តម ឧបត្ថម្ភក្នុងការផលិតខ្សែភាពយន្តភាគរឿង «កូនប្រុសក្រោមពន្លឺព្រះចន្ទពេញបូណ៌មី» appeared first on Kampuchea Thmey Daily.

​អ្នកនិពន្ធ ម៉ី​សន សុធា​រី ដែល​បាន​ទស្សនា​វគ្គ​ខ្លះៗ​នៃ​ភាពយន្ត​នេះ បាន​បញ្ចេញយោបល់​ឱ្យ​យើង​ដឹងថា ការអប់រំ​ដ៏​ស៊ីជម្រៅ និង​តថភាព​ជីវិត​បច្ចុប្បន្ន ដែលមាន​ឆ្លុះបញ្ចាំង​អំពី​ជ្រុង​ខ្លះ​ក្នុង​ជីវិត​អាពាហ៍ពិពាហ៍​របស់​ស្ត្រី​ខ្មែរក្រោម​គំនាប​សេដ្ឋកិច្ច​និង​ទំនៀមទម្លាប់​ចាស់​បង្កប់​ក្នុង​រឿង​ភាគ​ដ៏​ល្អ​មួយ​ខ្សែ​នេះ នឹង​នាំមក​នូវ​ការផ្លាស់ប្តូរ​ជា​វិជ្ជមាន​ថ្មី​សម្រាប់​សង្គម​អ្នកទស្សនា​។​

​ព្រឹក​មិញ​នេះដែរ កញ្ញា ទូច បុប្ផា អ្នកគ្រប់គ្រង​កម្មវិធី​ផ្សាយ និង​គ្រប់គ្រង​ការផលិត​ភាពយន្ត​ខ្មែរ និង​ជា​អ្នកផ្តើមគំនិត​លើ​ខ្សែ​រឿង​ភាគ សេ​រ៊ី រសជាតិ​អ្នកមាន ដ៏​ល្បី​របស់ ​Pnn បានឱ្យ​យើង​ដឹង​លំអិត​បន្ថែមថា វគ្គ ហេ​ឡូ​អ្នក​ម៉ាក់ និង​ផ្តល់នូវ​ទស្សនាទាន​ថ្មី សម្រាប់​ស្ត្រី​មេផ្ទះ​ក្នុង​ការតស៊ូ​កែប្រែ​កម្រិត​សមត្ថភាព​សង្គម​របស់​ខ្លួន មិន​ចុះចាញ់​ឧបសគ្គ មិន​បណ្តោយ​ទៅតាម​ព្រហ្ម​លិខិត​និង​មិន​ស្ងៀមស្ងាត់​ចំពោះ​អំពើហិង្សា​មិន​ថា កាយ​ឬ​ចិត្ត​ក្តី ក្នុង​រង្វង់​អាពាហ៍ពិពាហ៍​ពោរពេញ​ដោយ​ភាព​ផិត​ក្បត់​។​

​កញ្ញា​បន្ត​ឱ្យ​យើង​ដឹង​បន្ថែមទៀត​ដែរ​ថា​៖ «​ប្រសិនបើ​យើង​មិន​ព្យាយាម​បង្កើត​សាច់រឿង​ ដែលមាន​លំនាំ​បែប​ដំណោះស្រាយ បញ្ហា​នៅតែ​ជា​បញ្ហា ហើយ​យើង​តែងតែ​រិះរក​គ្រប់​មធ្យោបាយ ប្រមូលផ្តុំ​អ្នកមាន​សមត្ថភាព​មក​ជួយ​ដល់​យើង​ធ្វើយ៉ាងណា​ឱ្យ​រឿង​ភាគ​នៅ​ភី​អិន​អិន ពោរពេញ​ដោយ​ដំណោះស្រាយ​សម្រាប់​សង្គម​ជាក់ស្តែង​!»

​រឿង​«​រសជាតិ​អ្នកមាន​»​វគ្គ ហេ​ឡូ​អ្នក​ម៉ាក់​ក្រៅពី​ប្រមូលផ្តុំ​ដោយ​ក្រុម​ផលិត​មាន​ជំនាញ​ខ្ពស់ សាច់រឿង​ចូលរួម​ដោយ​តារា​ល្បីៗ​ជាច្រើនរូប អ្នកនិពន្ធ ពាន់ ភួង​បុប្ផា​បាន​អះអាង​បន្ថែមទៀត​ដែរ​ថា នេះ​ជា​សាច់រឿង​ដែល​លោកស្រី​ធ្វើការ​សិក្សា​វិធីសាស្ត្រ​ថ្មី ក្នុងការ​ទាក់ទាញ​ពីមួយ​ភាគ​ទៅមួយ​ភាគ​ពេញ​ដោយ​បញ្ហា ដែល​រំលេច​មក​ចោទ ក៏ដូចជា បាន​បង្កប់​ដំណោះស្រាយ ។ ស្ត្រី ឬ​អ្នកទស្សនា​ទាំងឡាយ អាច​ចងចាំ នឹង​ប្រើប្រាស់​ជា​ផ្នត់គំនិត​វិជ្ជមាន​សម្រាប់​យកទៅ​ប្រើ​ដឹកនាំ​ជីវិត​ពិត​បាន​។​

​លោកស្រី​បាន​ពន្យល់​បន្ថែម​ដែរ​ថា ជីវិត​មនុស្ស​រមែង​ពឹង​ផ្អែកលើ​មាសប្រាក់​លុយកាក់​លើ​វិស័យ​គាំទ្រ​ជាច្រើន​នៃ​ការរស់នៅ ប៉ុន្តែ​សុភមង្គល​ក្នុង​គ្រួសារ គឺជា​អ្វីមួយ​លើសពី​ការដែល​ប្រាក់​អាច​សន្យា​បាន​។ « នៅក្នុង​រសជាតិ​អ្នកមាន​ទាំង​ប៉ុន្មាន​វគ្គ​មកនេះ យើងខ្ញុំ​បាន​បង្កប់​មក​នូវ​ការអប់រំ​អំពី​ស្មារតី​នៃ​ខ្លួន​ទីពឹង​ខ្លួន​ជាជាង​ការពឹង​ផ្អែកលើ​គូជីវិត ឬ​គ្រួសារ​ដែលជា​អ្នកមាន​! ជា​អ្នកនិពន្ធ​មួយរូប ខ្ញុំ​យល់ថា សង្គម​បច្ចុប្បន្ន​ត្រូវការ​ភាពយន្ត​ឬ​បទ​និពន្ធ​បែបនេះ​ច្រើនឡើងៗ​ដើម្បី​ចូលរួម​កាត់បន្ថយ​ការដើរ​ខុសផ្លូវ និង​ទំនោរ​ស៊ី​វិ​ល័យ យកប្រាក់​បាំង​មុខ​ហួសហេតុ ក្នុងសង្គម​ដ៏​ជឿនលឿន​!»

​ទូរទស្សន៍ Pnn មាន​គម្រោង​នឹង​សម្ពោធ​ចេញផ្សាយ​កម្រង​ភាពយន្ត​ដ៏​ល្អ​នេះ នៅ​ព្រឹក​ថ្ងៃ ទី ​០២ ខែមិថុនា​នេះ ហើយ រឿង​រសជាតិ​អ្នកមាន វគ្គ​ ៣ វគ្គ​ហេ​ឡូ​អ្នក​ម៉ាក់ នេះ នឹង​ចាក់ផ្សាយ​នៅ​រៀងរាល់ថ្ងៃ ចន្ទ ដល់​ថ្ងៃ ព្រ​ហ វេលា​ម៉ោង ៨ ដល់ ៩​ យប់ ចាប់ពី​ថ្ងៃទី ០៦ ខែមិថុនា​តទៅ ។​

​

The post អ្នកវាយតម្លៃសង្ឃឹមថា រសជាតិអ្នកមាន វគ្គបី នាំមកនូវការអប់រំសង្គមខ្ពស់ appeared first on Kampuchea Thmey Daily.

“កុហក” ជាខ្សែរឿងបែបកម្សត់លើកឡើងពីជីវិតម្ដាយ និងកូន ដែលជួបការលំបាកក្នុងជីវភាពរស់នៅ ប៉ុន្ដែដោយសេចក្ដីស្រលាញ់ធំធេង ម៉ែសុខចិត្តលះបង់ភាពស្រណុកសុខស្រួលរបស់ខ្លួន ប្រឹងធ្វើការមិនខ្លាចនឿយហត់ ដើម្បីតែកូនប្រុស ជាពិសេសលាក់បាំងទុក្ខលំបាករបស់ខ្លួន បើទោះបីជានៅក្នុងកាលៈទេសៈណាក៏ដោយ។

តាមការបញ្ជាក់ពីលោក នាង គួនណូចិត្រា ហៅ Mizter Roy បានឲ្យដឹងថា ក្នុងការផលិតរឿងខ្លី “កុហក” នេះឡើង គឺដើម្បីចូលរួមក្នុងទិវាគុណម្ដាយ ទន្ទឹមនឹងនោះ ឲ្យអ្នកមើលដឹងពីទំហំនៃទឹកចិត្តអ្នកម្ដាយសម្រាប់កូនៗគ្រប់គ្នា។ លោកក៏បានបន្តថា ក្នុងនាមជាអ្នកស្រលាញ់ម្ដាយ លោកក៏បានខិតខំប្រឹងប្រែងផលិតខ្សែភាពយន្តខ្នាតខ្លី និយាយពីម្ដាយ និងសេចក្ដីស្រលាញ់របស់អ្នកម្ដាយជាច្រើនផងដែរ។ ក្នុងខ្សែរឿងមួយនេះ ផលិតករក៏បានបញ្ជូនសារអប់រំមួយថា “គ្រប់គ្នាកុហកដើម្បីខ្លួនឯង តែមានស្ដ្រីម្នាក់កុហកទទួលបានការឈឺចាប់ដូរយកក្ដីសុខឲ្យកូន ស្ដ្រីនោះឈ្មោះថា ម៉ែ”។ លោក Mizter Roy បានលើកឡើងថា តាមរយៈខ្សែរឿងនេះ ក៏បានដកស្រង់ចេញពីសាច់រឿងពិតរបស់លោកផ្ទាល់មកខ្លះដែរ ព្រោះកាលលោកនៅវ័យក្មេង ម្ដាយរបស់លោកតែងតែកុហកថា ម៉ែមិនអីទេ កូនហូបទៅ ដោយមិនសូវគិតខ្វល់ខ្វាយពីខ្លួនឯង។

គួររំលឹកថា លោក នាង គួនណូចិត្រា ហៅ Mizter Roy ក៏ជាអ្នកនិពន្ធរឿង ផលិតករ អ្នកដឹកនាំ ថតស្ពត និងជាអ្នកថតរូបក្នុងកម្មវិធីធំៗផងដែរ។ លើសពីនេះទៅទៀត សមិទ្ធផលជាច្រើនដែលជាស្នារដៃរបស់លោកមាន រឿង ក្រមុំ ៣១ កំលោះ ៥២, រឿង ៧ ថ្ងៃ រឿងគំនូស ៤៩ និងរឿងខ្លីជាច្រើនទៀតមានដូចជា រឿង អ្នកក្រ វគ្គ ១ វគ្គ ២, រឿង មរតក ១៤ កុម្ភៈ, រឿង Mother’s Valentine Day និងមានរឿងជាច្រើនផ្សេងៗទៀត៕

អត្ថបទ៖ ផានិត

The post រឿង “កុហក” ឆ្លុះបញ្ចាំងពីក្ដីស្រលាញ់របស់អ្នកម្ដាយព្រមធ្វើគ្រប់យ៉ាង ឲ្យតែកូនមានក្ដីសុខ appeared first on Kampuchea Thmey Daily.