ប្រតិបត្តិការនេះធើ្វឡើងនៅថ្ងៃទី០៥ ខែតុលា ឆ្នាំ២០២៥ នៅចំណុចផ្ទះលេខ១៣២ ផ្លូវបេតុង ក្នុងភូមិទី៤ សង្កាត់ច្រាំងចំរេះទី១ ខណ្ឌឫស្សីកែវ រាជធានីភ្នំពេញ។ ក្នុងនោះផងដែរសមត្ថកិច្ច បានរកឃើញជង្គង់មាន់ និងស្លាបមាន់ នាំចូលពីប្រទេសថៃជាច្រើន ហើយពុំទាន់ដឹងថា ជង្គង់មាន់ និងស្លាបមាន់ ទាំងនោះនាំចូលដោយស្របច្បាប់ និងមានគុណភាពត្រឹមត្រូវ ឬយ៉ាងណានោះទេ។

ការចុះត្រួតពិនិត្យឃ្លាំងជង្គង់មាន់ និងស្លាបមាន់ខាងលើ ត្រូវបានគេដឹងថា បន្ទាប់ពីមានការផ្សព្វផ្សាយនៅក្នុងបណ្ដាញសង្គមពីការនាំចូលជង្គង់មាន់ និងស្លាបមាន់ពីប្រទេសថៃ។ ដែលគេសង្ស័យថា ជង្គង់មាន់ និងស្លាបមាន់ទាំងនោះ ពុំមានគុណភាព ដែលនាំមកចែកចាយនៅទីផ្សារនានា នៅក្នុងព្រះរាជាណាចក្រកម្ពុជា បង្កឱ្យប៉ះពាល់ដល់សុខភាពអ្នកបរិភោគ។ ម្យ៉ាងទៀត ការនាំចូលជង្គង់មាន់នេះ ជាការគាំទ្រផលិតផលថៃ ខណៈពេលដែលថៃកំពុងតែឈ្លានពានមកលើប្រទេសកម្ពុជា។

គួរឱ្យដឹងថា បច្ចុប្បន្នកម្លាំងច្រមុះកំពុងធើ្វប្រតិបត្តិការត្រួតពិនិត្យនៅខាងក្នុងទីតាំងឃ្លាំងនៅឡើយ ចំពោះព័ត៌មានលម្អិតក្រុមការងារនឹងធើ្វបច្ចុប្បន្នភាពបន្តទៀត៕

អត្ថបទ ៖ ម៉េង

The post សមត្ថកិច្ច ចុះពិនិត្យឆែកឆេរទីតាំងឃ្លាំងស្តុកជង្គង់មាន់ និងស្លាបមាន់ នាំចូលមកពីថៃ appeared first on Kampuchea Thmey Daily.

លោក ម៉ៅ សុបិន ពលរដ្ឋរស់នៅខណ្ឌព្រែកព្នៅ រាជធានីភ្នំពេញ បានប្រាប់ឱ្យ កម្ពុជាថ្មី ដឹងថា លោកពេញចិត្ត និងគាំទ្រចំពោះការចាត់វិធានការរបស់មន្រ្ដីជំនាញ ដែលបានចុះបង្រ្កាប និងហាមឃាត់ចំពោះទំនិញផ្សេងៗ ដែលបាននាំចូលមកកម្ពុជា ដោយគ្មានច្បាប់អនុញ្ញាត និងទំនិញក្លែងក្លាយ ជាបន្តបន្ទាប់មកនេះ។ 

លោក ម៉ៅ សុបិន បន្តថា ការដែលមានការលួចនាំចូលទំនិញខុសច្បាប់ មកកាន់តែច្រើន អ្នកដែលត្រូវរងគ្រោះថ្នាក់នោះ គឺប្រជាពលរដ្ឋទូទៅ ពីព្រោះទំនិញប្រភេទនេះ វាបានបំផ្លាញសុខភាពសាធារណៈ របស់ពលរដ្ឋទូទៅ យ៉ាងឆាប់រហ័ស និងបង្កឱ្យមានជំងឺកាចសាហាវ ផ្សេងៗ បន្ទាប់ពីបរិភោគប្រភេទ អាហារ ឬទំនិញ គ្មានគុណភាព និងពុំមានច្បាប់អនុញ្ញាតទាំងនោះ។ 

លោក ម៉ៅ សុបិន បានបន្ថែមថា លោកស្នើឱ្យមន្រ្ដីជំនាញពាក់ព័ន្ធទាំងអស់ បន្តរឹតបន្តឹង និងហាមឃាត់ចំពោះទំនិញដូចជា៖ ប្រភេទសាច់ ជ្រូក មាន់ គ្រឿងសមុទ្រ និងទំនិញផ្សេងៗ ដែលមិនមានច្បាប់អនុញ្ញាត ឬមានគុណភាពមិនល្អជាដើម។

ចំណែក អ្នកស្រី ផាន លីដា អ្នកលក់ប្រហិតនៅម្ដុំផ្សារដីហ៊ុយ ក៏បានប្រាប់ឱ្យ កម្ពុជាថ្មី ដឹងថា អ្នកស្រី សូមគាំទ្រចំពោះវិធានការរបស់មន្រ្ដីជំនាញ ដែលបានចុះបង្រ្កាបទំនិញខុសច្បាប់ ដែលនាំចូលមកកម្ពុជា ជាបន្តបន្ទាប់មកនេះ។

អ្នកស្រី បន្ថែមថា ករណីដែលមានការនាំចូលទំនិញខុសច្បាប់ទាំងនេះ ប្រសិនបើមិនមានការត្រួតពិនិត្យឲឱ្យបានម៉ត់ចត់ទេនោះ ច្បាស់ណាស់ អ្នកដែលប៉ះពាល់ខ្លាំង គឺអ្នកប្រើប្រាស់ ដែលពេលខ្លះ វានាំឱ្យកើតជាជំងឺផ្សេងៗ ដោយមិនដឹងខ្លួនទៀតផង។

អ្នកស្រី ផាន លីដា ក្នុងនាម អ្នកស្រីជាអាជីវករមួយរូប អ្នកស្រី ក៏បានស្នើដល់អាជ្ញាធរ និងមន្រ្ដីជំនាញពាក់ព័ន្ធទាំងអស់ បន្តរឹតបន្ដឹង និងហាមឃាត់ រាល់ប្រភេទទំនិញទាំងឡាយណា ដែលគ្មានគុណភាព និងពុំមានច្បាប់អនុញ្ញាត ចូលមកប្រទេសកម្ពុជា បន្ថែមទៀត។ 

គូសបញ្ជាក់ថា កាលពីពេលថ្មីនេះ កម្លាំងការិយាល័យនគរបាលប្រឆាំងបទល្មើសសេដ្ឋកិច្ច និងមន្រ្ដីជំនាញ ក.ប.ប បានបង្ក្រាបទំនិញនាំចូលមកខុសច្បាប់ ក្នុងនោះមាន ៖ ប្រហិតចម្រុះ ចំនួន ២០០០គីឡូក្រាម ដែលគ្មានសុវត្ថិភាព និងមិនអនុលោមភាពផ្នែកបទដ្ឋានព័ត៌មានលក្ខខណ្ឌតម្រូវម្ហូបអាហារ ដោយគ្មានច្បាប់អនុញ្ញាត ពីតំបន់សនៃព្រំដែនថៃ និងមួយករណីទៀត គឺបង្គាចាក់ចាហួយ ចំនួន២៦០ កេស ស្មើនឹងប្រមាណ ៤ ២៣៥គីឡូក្រាម នៅម្ដុំត្រឡោកបែក នៃភូមិសាស្រ្ដរាជធានីភ្នំពេញ៕

អត្ថបទ ៖ សួស សិត

The post ពលរដ្ឋ ស្នើឱ្យមន្រ្ដីជំនាញបន្តបង្រ្កាបទំនិញគ្មានគុណភាព និងគ្មានច្បាប់អនុញ្ញាត ក្រោយរកឃើញជាបន្តបន្ទាប់ appeared first on Kampuchea Thmey Daily.

ក្រោមការចង្អុលបង្ហាញរបស់ថ្នាក់ដឹកនាំ នៃអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ «ក.ប.ប.» ដើម្បីធានាបាននូវសុខុមាលភាពជូនដល់ប្រជាពលរដ្ឋ មន្ត្រី នៃសាខា ក.ប.ប. រាជធានីភ្នំពេញ ក្រោមកិច្ចសហការជាមួយមន្ត្រីបច្ចេកទេស នៃនាយកដ្ឋានមន្ទីរពិសោធន៍ នៃអគ្គនាយកដ្ឋាន ក.ប.ប. និងអាជ្ញាធរដែនដី បាននាំយករថយន្តពិសោធន៍ចល័តផ្នែកម្ហូបអាហារ ចុះត្រួតពិនិត្យទីតាំងលក់គ្រឿងសមុទ្រ នៅលើផ្លូវ ៥៩៨ ត្រឡោកបែក សរុបចំនួន ៩ ទីតាំង ដោយបានដកយកគំរូសំណាកចំនួន ២២ គំរូ ក្នុងនោះរួមមាន ​៖​ មឹក បង្គា ក្តាម បង្កង ត្រីសមុទ្រ ។ល។ មកធ្វើតេស្ត និងវិភាគនៅក្នុងរថយន្តពិសោធន៍ចល័តផ្នែកម្ហូបអាហារ របស់អគ្គនាយកដ្ឋាន ក.ប.ប. ដើម្បីពិនិត្យ និងការពារក្រែងមានការដាក់លាយសារធាតុគីមីហាមឃាត់ផ្សេងៗ ដែលធ្វើឱ្យប៉ះពាល់ដល់សុខភាពអ្នកប្រើប្រាស់។

កិច្ចប្រតិបត្តិការខាងលើ ក្រោយការពិនិត្យយ៉ាងហ្មត់ចត់ មន្ត្រីជំនាញ បានរកឃើញថា «បង្គា» មានចាក់ចាហួយចំនួន ៩.៥ គីឡូក្រាម និងបានដកហូតភ្លាមៗ រួមទាំងចាត់វិធានការចំពោះម្ចាស់ទំនិញតាមនីតិវិធីផងដែរ៕

The post មន្រ្ដីជំនាញ ចុះត្រួតពិនិត្យកន្លែងលក់គ្រឿងសមុទ្រ ៩ ទីតាំង រកឃើញបង្គាចាក់ចាហួយជាង ៩ គីឡូក្រាម appeared first on Kampuchea Thmey Daily.

លោក ​ហង់​ កុង​ ប្រធាន​គណៈកម្មការ រៀបចំ​ការបោះឆ្នោត​ខេត្ត បាន​បញ្ជាក់​ថា បន្ទាប់ពី​សម្ភារៈ​បម្រើឱ្យ​ការបោះឆ្នោត​យើង​ទទួលបាន​គ្រប់​ចំនួន​ត្រឹមត្រូវ​ហើយ​នោះ​  មន្ត្រី​រៀបចំ​ការិយាល័យ​បោះឆ្នោត ត្រូវ​បាន​បណ្តុះបណ្តាល​សមត្ថ​ភាព​ប​ន្ថែម ដើម្បី​ងាយស្រួល បម្រើ​កិច្ច​ការងារ​ចាប់ពី​ការរៀបចំ​ការិយាល័យ -​ការ​ដំណើរ​បោះឆ្នោត​- ការ​រាប់​សន្លឹកឆ្នោត ទៅតាម​ការិយាល័យ​នីមួយៗ​  នៅ​ថ្ងៃ​បោះឆ្នោត​ទី​២៣​កក្កដា​ខាងមុខនេះ​ឱ្យមាន​ប្រសិទ្ធភាព​បំផុត។

លោក​សុខ ឈុន ប្រធាន​គណៈកម្មការ​រៀប​ចំការ​បោះឆ្នោត​សង្កាត់​ស្ទឹង​បាន​បញ្ជាក់​ថា អ្វីៗ​គ្រប់​បែប​យ៉ាង មន្ត្រី​ការិយាល័យ ត្រូវអនុវត្ត​កិច្ចការងារ​របស់​ខ្លួន​  ប្រកបដោយ​ស្មារតី​ទទួលខុសត្រូវ​និង​យកចិត្តទុកដាក់​ខ្ពស់​។

លោក​បន្ត​ថា ទោះ​បី​ថា​ ការបណ្តុះបណ្តាល​នេះ​មាន​រយៈពេល​ខ្លី​ក៏​ដោយ​  គឺ​នៅពេល​អនុវត្ត​ការងារ​ត្រូវ​ស្វែងយល់​ពី​នីតិវិធី​ឱ្យបាន​ច្បាស់លាស់ មុន​និង​សម្រេច​កិច្ចការ ព្រោះ​យើង​មាន​សៀវភៅ​ណែនាំ គណៈកម្មការ ការិយាល័យ​ការបោះឆ្នោត​  និង​រាប់​សន្លឹកឆ្នោត​ផលិត​ឡើង​ដោ​យគ​.​ជ​.​ប ជា​គ្រូ​នៅ​និង​ដៃ​ស្រាប់។

លោក ស្រី អ៊ួ​ន​ចរិយា មាន​តួនាទី​ជា​ប្រធានការិយាល័យ​បោះឆ្នោត​លេខ​០១ ២០ គរុកោសល្យ​ភូមិភាគ​ក្រុង​ស្ទឹងត្រែង​បាន​បញ្ជាក់​ថា ក្រោយពី​ទទួលបាន​ការបណ្តុះបណ្តាល​នេះ មន្ត្រី​យើង​និង​យក​ចំណេះដឹង​ថ្មីៗ​និង​បទពិសោធន៍​ដែល​ធ្លាប់​មាន​ទៅ​អនុវត្ត និង បង្កើន​កិ​ច្ច​សហការ​ជាមួយ​មន្ត្រី​ពាក់ព័ន្ធ​ទាំងអស់​  បង្ហាញ​ឲ្យ​ឃើញ​ពីស​ច្ចៈ​ភាព ត្រឹមត្រូវ -​យុត្តិធម៌ -​មាន​តម្លាភាព​-​ គ្មាន​អំពើ​ហិង្សា​- គ្មាន​ការ​គំរាម​គំហែង​ ដើម្បី​បង្ក​លក្ខណៈ​ងាយស្រួល​ឱ្យ​ប្រជាពលរដ្ឋ​យើង​បាន​បោះឆ្នោត​គ្រប់ៗ​គ្នា ស្របតាម​នីតិវិធី​៕

ដោយ ៖ ងិន​លីម

The post មន្ត្រី​ការិយាល័យ ចំនួន​១.៤៧០​នាក់​ ទទួល​ការ​បណ្តុះបណ្តាល​ស្តីពី​រៀបចំ​នីតិ​វិធី​ការបោះឆ្នោត appeared first on Kampuchea Thmey Daily.

លោក នឹម វ៉ាន់​សំ បាន​ប្រាប់​កម្ពុ​ជាថ្មី​នៅ​ថ្ងៃ​ទី​២១ ខែកក្កដា​នេះ​ថា សម្រាប់​ខេត្តសៀមរាប មាន​គណបក្សនយោបាយ​ចំនួន​១៤ បាន​ចូលរួម​ប្រកួតប្រជែង នៅក្នុង​ការបោះឆ្នោត​ជ្រើសតាំង​តំណាងរាស្ត្រ​នីតិកាល​ទី​៧​នេះ ហើយ​ការឃោសនា មានដំណើរ​ការ​ទៅ​ដោយ​រលូន មិនមាន​អំពើ​ហិង្សា ឬ​បញ្ហា​អសន្តិសុខ​អ្វី​នោះទេ​។ លោក​ថា​ គ្រប់​គណបក្សនយោបាយ​បាន​គោរព​ទៅតាម​នីតិវិធី​នៃ​ការឃោសនា មិនមាន​ហិង្សា ឬ​ពាក្យបណ្តឹង​នោះទេ​។​

លោក​នឹម វ៉ាន់​សំ បញ្ជាក់ថា “​ចាប់ពី​ថ្ងៃទី​០១​មកដល់​ថ្ងៃទី​២១ យើង​សង្កេតឃើញថា គណបក្សនយោបាយ​ទាំងអស់​បានធ្វើ​ការឃោសនា​បាន​រលូន​ល្អ ពុំមាន​បញ្ហា​អ្វីដែល​កើតឡើង​ឲ្យ​ពិបាក​យើង​ដោះស្រាយ​ទេ​។ មិនមាន​ពាក្យបណ្តឹង​ផ្សេងៗ អត់​មាន​អំពើ​ហិង្សា ឬក៏​បទល្មើស​ប្រឆាំង​នីតិវិធី ក៏​មិនមាន​ដែរ​។ មួយទៀត​ការឃោសនា​នៅពេល​យប់ ក៏​អត់​មានការ​ឃោសនា​ពេលយប់​ទេ”។

បើទោះជា​មាន​គណបក្ស​នយោបាយ​ដល់​ទៅ​១៤ បាន​ចុះឈ្មោះ​ប្រកួតប្រជែង​នៅក្នុង​ការបោះឆ្នោត​ជ្រើសតាំង​តំណាងរាស្ត្រ​នីតិកាល​ទី​៧​នេះ​ក្តី ប៉ុន្តែ​បើ​តាម​លោក នឹម វ៉ាន់​សំ បាន​ឲ្យ​ដឹងថា មានតែ​គណបក្សនយោបាយ​មួយចំនួន​ប៉ុណ្ណោះ ដូចជា​គណបក្ស​យុវជន​កម្ពុជា គណបក្ស​ស្ត្រី​ដើម្បី​ស្ត្រី គណបក្ស​ហ៊្វុនស៊ិនប៉ិច គណបក្ស​ខ្មែរ​រួបរួម​ជាតិ គណបក្ស​ប្រជាជន​កម្ពុជា គណបក្ស​ប្រជាធិបតេយ្យ​មូលដ្ឋាន បានធ្វើ​ការឃោសនា​ផុសផុល ដែល​ក្នុង​នោះ​សម្រាប់​ថ្ងៃ​ចុងបញ្ចប់​នៃ​យុទ្ធនា​ការឃោសនា​នេះ មានតែ​គណបក្ស​ប្រជាជន​កម្ពុ​ជាមួយ​ប៉ុណ្ណោះ​ដែល​បានធ្វើការ​ដង្ហែ​ក្បួន​ឃោសនា​។

សូម​ជម្រាប​ថា សម្រាប់​ខេត្តសៀមរាប មាន​ប្រជាពលរដ្ឋ​ដែល​មាន​សិទ្ធិ​បោះឆ្នោត ប្រមាណ​ជាង​៦០​ម៉ឺន​នាក់ និង​មាន​ការិយាល័យ​បោះឆ្នោត​ចំនួន​១៥២១ ការិយាល័យ​។ ​ជា​មួយ​គ្នា​នេះ អាជ្ញាធរ​ខេត្តសៀមរាប ក៏បាន​ត្រៀម​កម្លាំង​សម្រាប់​ការពារ​សន្តិសុខ​សណ្តាប់ធ្នាប់​នៅក្នុង​ថ្ងៃ​បោះឆ្នោត ថ្ងៃទី​២៣ ខែកក្កដា ខាងមុខនេះ ប្រមាណ​ជាង​៤​ពាន់​នាក់​ផង​ដែរ​៕

ដោយ ៖ គឿន​វេត

The post ប្រធាន​គណៈកម្មការ​រៀបចំ​ការបោះឆ្នោត​ខេត្តសៀមរាប​ថ្លែង​ថា រយៈ​ពេល​២១​ថ្ងៃ នៃការ​ឃោសនាបោះឆ្នោត​ មាន​បរិយាកាស​ល្អនិង គ្មាន​អំពើ​ហិង្សា appeared first on Kampuchea Thmey Daily.

ឈរលើមូលដ្ឋាននេះ គ.ជ.ក.ប. ស្នើឱ្យ លោក លោកស្រី ដែលជាបុគ្គលផ្សាយពាណិជ្ជកម្ម ឬបុគ្គលទទួលសិទ្ធិឱ្យចាត់ចែងផ្សាយពាណិជ្ជកម្ម ត្រូវសហការជាមួយ អគ្គនាយកដ្ឋាន ក.ប.ប. ដើម្បីផ្តល់ឯកសារពាក់ព័ន្ធនឹងការផ្សាយ ពាណិជ្ជកម្ម ផ្តល់រង្វាន់ និងកែតម្រូវសកម្មភាព និងខ្លឹមសារផ្សព្វផ្សាយពាណិជ្ជកម្មរបស់ខ្លួន ឱ្យស្របតាមខ្លឹមសារនៃច្បាប់ និង បទប្បញ្ញត្តិ ក្នុងរយៈពេល ៣ (បី) ថ្ងៃ បន្ទាប់ពីថ្ងៃចេញសេចក្ដីជូនដំណឹងនេះ។

ក្នុងករណីរកឃើញថា បុគ្គលណាមួយនៅតែប្រព្រឹត្តល្មើស ហើយមិនបានអនុវត្តតាមការណែនាំខាងលើ គ.ជ.ក.ប. នឹងចាត់វិធានការតាមផ្លូវច្បាប់ និងបទប្បញ្ញត្តិជាធរមាន។ គណៈកម្មាធិការជាតិការពារអ្នកប្រើប្រាស់ សង្ឃឹមជឿជាក់យ៉ាងមុតមាំលើកិច្ចសហការពីគ្រប់ភាគីពាក់ព័ន្ធ ក្នុងគោលបំណងជំរុញការអនុវត្តច្បាប់ និងលិខិតបទដ្ឋានគតិយុត្តនានាឱ្យមានប្រសិទ្ធភាព ដើម្បីផលប្រយោជន៍អ្នក ប្រើប្រាស់និងសង្គមជាតិទាំងមូល។

គួរបញ្ជាក់ថា កន្លងមកនេះ អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និង បង្ក្រាប ការក្លែងបន្លំ “ក.ប.ប.” ដែលជាសេនាធិការនៃ គ.ជ.ក.ប. បានចេញសេចក្តីប្រកាសព័ត៌មាន ដោយទុករយៈពេល ៣០ (សាមសិប) ថ្ងៃ (ពីថ្ងៃទី៨ ខែកញ្ញា ឆ្នាំ២០២២ ដល់ថ្ងៃទី៨ ខែតុលា ឆ្នាំ២០២២) ដើម្បីកែតម្រូវ សកម្មភាព និងខ្លឹមសារផ្សាយពាណិជ្ជកម្មដែលមិនអនុលោមទៅនឹងច្បាប់ និងបទប្បញ្ញត្តិជាធរមាន។

បន្ទាប់មក នៅ ថ្ងៃទី១៨ ខែតុលា ឆ្នាំ២០២២ គ.ជ.ក.ប. ក៏បានអញ្ជើញបុគ្គលផ្សាយពាណិជ្ជកម្ម ឬបុគ្គលទទួលសិទ្ធិឱ្យចាត់ចែងផ្សាយពាណិជ្ជកម្ម នៃក្រុមហ៊ុនមួយចំនួន មកបំភ្លឺនៅចំពោះមុខ គ.ជ.ក.ប. នៅទីស្តីការក្រសួងពាណិជ្ជកម្ម។ រហូតមកដល់ពេលនេះ គ.ជ.ក.ប. តាមរយៈអគ្គនាយកដ្ឋាន ក.ប.ប. ជាសេនាធិការ បានសង្កេតឃើញថា បុគ្គលផ្សាយ ពាណិជ្ជកម្ម ឬបុគ្គលទទួលសិទ្ធិឱ្យចាត់ចែងផ្សាយពាណិជ្ជកម្មមួយចំនួន នៅតែមិនទាន់អនុវត្ត តាមខ្លឹមសារ នៃសេចក្តី ជូនដំណឹង របស់អគ្គនាយកដ្ឋាន ក.ប.ប. និងស្មារតីនៃកិច្ចប្រជុំនៅថ្ងៃទី១៨ ខែតុលា ឆ្នាំ២០២២ នៅឡើយ។ បុគ្គលផ្សាយពាណិជ្ជកម្ម ឬបុគ្គលទទួលសិទ្ធិឱ្យចាត់ចែងផ្សាយពាណិជ្ជកម្ម នៅតែបន្តសកម្មភាពល្មើស ផ្សព្វផ្សាយ ពាណិជ្ជកម្ម របស់ខ្លួនតាមគ្រប់ប្រភេទ ទម្រង់ និងគ្រប់មធ្យោបាយ មានលក្ខណៈភូតកុហក បំភាន់ការពិត អាចធ្វើឱ្យ អ្នកប្រើប្រាស់ មានការយល់ច្រឡំអំពីការទទួលបាននូវអត្ថប្រយោជន៍ផ្សេងៗ ប៉ះពាល់ដល់ដំណើរការប្រកួតប្រជែង ប្រកប ដោយសុចរិត និងកាត់បន្ថយប្រសិទ្ធភាពសេដ្ឋកិច្ច ដែលត្រូវបានហាមឃាត់ ដោយច្បាប់ និង បទប្បញ្ញត្តិ ជាធរមាន ជាពិសេស ច្បាប់ ស្ដីពី កិច្ចការពារអ្នកប្រើប្រាស់៕

The post គ.ជ.ក.ប ទុកពេល ៣ថ្ងៃទៀតប៉ុណ្ណោះ ដល់បុគ្គលផ្សាយពាណិជ្ជកម្ម កែតម្រូវ ឱ្យស្របតាមច្បាប់ appeared first on Kampuchea Thmey Daily.