ព័ត៌មានជាតិ
ប្រធានគណៈកម្មការរៀបចំការបោះឆ្នោតខេត្តសៀមរាបថ្លែងថា រយៈពេល២១ថ្ងៃ នៃការឃោសនាបោះឆ្នោត មានបរិយាកាសល្អនិង គ្មានអំពើហិង្សា
សៀមរាប ៖ រយៈពេល២១ថ្ងៃ នៃដំណើរការឃោសនាបោះឆ្នោតជ្រើសរើសតំណាងរាស្ត្រនីតិកាលទី៧នេះ នៅខេត្តសៀមរាប ពុំមានហេតុការណ៍អ្វីកើតឡើងគួរឲ្យកត់សម្គាល់នោះទេ។ នេះបើតាមការលើកឡើងរបស់ លោក នឹម វ៉ាន់សំ ប្រធានគណៈកម្មការរៀបចំការបោះឆ្នោតខេត្តសៀមរាប។
![](https://www.kampucheathmey.com/wp-content/uploads/2023/07/photo_2023-07-21_19-00-11-2.jpg)
លោក នឹម វ៉ាន់សំ បានប្រាប់កម្ពុជាថ្មីនៅថ្ងៃទី២១ ខែកក្កដានេះថា សម្រាប់ខេត្តសៀមរាប មានគណបក្សនយោបាយចំនួន១៤ បានចូលរួមប្រកួតប្រជែង នៅក្នុងការបោះឆ្នោតជ្រើសតាំងតំណាងរាស្ត្រនីតិកាលទី៧នេះ ហើយការឃោសនា មានដំណើរការទៅដោយរលូន មិនមានអំពើហិង្សា ឬបញ្ហាអសន្តិសុខអ្វីនោះទេ។ លោកថា គ្រប់គណបក្សនយោបាយបានគោរពទៅតាមនីតិវិធីនៃការឃោសនា មិនមានហិង្សា ឬពាក្យបណ្តឹងនោះទេ។
![](https://www.kampucheathmey.com/wp-content/uploads/2023/07/photo_2023-07-21_19-00-07.jpg)
លោកនឹម វ៉ាន់សំ បញ្ជាក់ថា “ចាប់ពីថ្ងៃទី០១មកដល់ថ្ងៃទី២១ យើងសង្កេតឃើញថា គណបក្សនយោបាយទាំងអស់បានធ្វើការឃោសនាបានរលូនល្អ ពុំមានបញ្ហាអ្វីដែលកើតឡើងឲ្យពិបាកយើងដោះស្រាយទេ។ មិនមានពាក្យបណ្តឹងផ្សេងៗ អត់មានអំពើហិង្សា ឬក៏បទល្មើសប្រឆាំងនីតិវិធី ក៏មិនមានដែរ។ មួយទៀតការឃោសនានៅពេលយប់ ក៏អត់មានការឃោសនាពេលយប់ទេ”។
![](https://www.kampucheathmey.com/wp-content/uploads/2023/07/photo_2023-07-21_19-00-08-2.jpg)
បើទោះជាមានគណបក្សនយោបាយដល់ទៅ១៤ បានចុះឈ្មោះប្រកួតប្រជែងនៅក្នុងការបោះឆ្នោតជ្រើសតាំងតំណាងរាស្ត្រនីតិកាលទី៧នេះក្តី ប៉ុន្តែបើតាមលោក នឹម វ៉ាន់សំ បានឲ្យដឹងថា មានតែគណបក្សនយោបាយមួយចំនួនប៉ុណ្ណោះ ដូចជាគណបក្សយុវជនកម្ពុជា គណបក្សស្ត្រីដើម្បីស្ត្រី គណបក្សហ៊្វុនស៊ិនប៉ិច គណបក្សខ្មែររួបរួមជាតិ គណបក្សប្រជាជនកម្ពុជា គណបក្សប្រជាធិបតេយ្យមូលដ្ឋាន បានធ្វើការឃោសនាផុសផុល ដែលក្នុងនោះសម្រាប់ថ្ងៃចុងបញ្ចប់នៃយុទ្ធនាការឃោសនានេះ មានតែគណបក្សប្រជាជនកម្ពុជាមួយប៉ុណ្ណោះដែលបានធ្វើការដង្ហែក្បួនឃោសនា។
![](https://www.kampucheathmey.com/wp-content/uploads/2023/07/photo_2023-07-21_19-00-07-2.jpg)
សូមជម្រាបថា សម្រាប់ខេត្តសៀមរាប មានប្រជាពលរដ្ឋដែលមានសិទ្ធិបោះឆ្នោត ប្រមាណជាង៦០ម៉ឺននាក់ និងមានការិយាល័យបោះឆ្នោតចំនួន១៥២១ ការិយាល័យ។ ជាមួយគ្នានេះ អាជ្ញាធរខេត្តសៀមរាប ក៏បានត្រៀមកម្លាំងសម្រាប់ការពារសន្តិសុខសណ្តាប់ធ្នាប់នៅក្នុងថ្ងៃបោះឆ្នោត ថ្ងៃទី២៣ ខែកក្កដា ខាងមុខនេះ ប្រមាណជាង៤ពាន់នាក់ផងដែរ៕
ដោយ ៖ គឿនវេត
![](https://www.kampucheathmey.com/wp-content/uploads/2023/07/photo_2023-07-21_19-00-08.jpg)
![](https://www.kampucheathmey.com/wp-content/uploads/2023/07/photo_2023-07-21_19-00-09-2.jpg)
![](https://www.kampucheathmey.com/wp-content/uploads/2023/07/photo_2023-07-21_19-00-09-3.jpg)
![](https://www.kampucheathmey.com/wp-content/uploads/2023/07/photo_2023-07-21_19-00-09.jpg)
![](https://www.kampucheathmey.com/wp-content/uploads/2023/07/photo_2023-07-21_19-00-10.jpg)
![](https://www.kampucheathmey.com/wp-content/uploads/2023/07/photo_2023-07-21_19-00-11-1024x682.jpg)
![](https://www.kampucheathmey.com/wp-content/uploads/2023/07/photo_2023-07-21_19-00-12-1024x682.jpg)
-
សន្តិសុខសង្គម១ សប្តាហ៍ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម១ សប្តាហ៍ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម១ សប្តាហ៍ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ១ សប្តាហ៍ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ១ សប្តាហ៍ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
សេដ្ឋកិច្ច៤ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៥ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ២ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ