ពិធីបើកការដ្ឋាននេះ បានប្រព្រឹត្តទៅកាលពីថ្ងៃទី៣០ ខែមិថុនា ឆ្នាំ២០២៦ ក្រោមអធិបតីភាព លោក សេង គន្ធ អភិបាលនៃគណៈអភិបាលខណ្ឌមានជ័យ និងមានការអមដំណើរដោយ លោក សាំង ស៊ីណា ចៅសង្កាត់ស្ទឹងមានជ័យទី៣ ព្រមទាំងលោក-លោកស្រីសមាជិកក្រុមប្រឹក្សាសង្កាត់ និង ប្រជាពលរដ្ឋចូលរួមប្រមាណ ៧០នាក់ ស្ថិតក្នុងភូមិសាស្ត្រចំនួន ៣ គឺ ភូមិទ្រា៤, ភូមិឫស្សី២, និងភូមិដំណាក់ធំ៥ ក្នុងសង្កាត់ស្ទឹងមានជ័យទី៣ ខណ្ឌមានជ័យ។

គម្រោងហេដ្ឋារចនាសម្ព័ន្ធក្នុងមូលនិធិអភិវឌ្ឍន៍សង្កាត់ឆ្នាំនេះ មាន៖ ការងារប្រព័ន្ធលូមូលរំដោះទឹកថ្មីប្រវែង ៧៥២ ម៉ែត្រ និងមានមុខកាត់ទំហំ០.៨០ ម៉ែត្រ , ជួសជុលផ្លូវបេតុង ប្រវែង ៦៣៧ ម៉ែត្រ និងមានទទឹង ៦ម៉ែត្រ។

លោក សាំង ស៊ីណា ចៅសង្កាត់ស្ទឹងមានជ័យទី៣

លោក សាំង ស៊ីណា ចៅសង្កាត់ស្ទឹងមានជ័យទី៣ បានបញ្ជាក់ថា គម្រោងអភិវឌ្ឍន៍នេះ ធ្វើឡើងក្នុងគោលបំណងសម្រួល ដល់ ការធ្វើដំណើររបស់ប្រជាពលរដ្ឋឱ្យកាន់តែមានភាពងាយស្រួលជាងមុន ព្រមទាំងជួយរំដោះទឹកចេញពីលំនៅឋានទប់ទល់នឹងការលិចលង់នារដូវវស្សានេះផងដែរ៕

The post អាជ្ញាធរខណ្ឌមានជ័យ បើកការដ្ឋានស្ថាបនាផ្លូវបេតុង និងដាក់ប្រព័ន្ធលូថ្មីជាង ៧០០ម៉ែត្រ ក្នុងសង្កាត់ស្ទឹងមានជ័យទី៣ appeared first on Kampuchea Thmey Daily.

ការចុះពិនិត្យនេះធ្វើឡើងក្នុងគោលបំណងតាមដាន និងជំរុញដំណើរការអនុវត្តគម្រោងអភិវឌ្ឍន៍ហេដ្ឋារចនាសម្ព័ន្ធនៅមូលដ្ឋាន ឱ្យសម្រេចបានតាមផែនការ និងប្រកបដោយគុណភាពខ្ពស់។ តាមការគ្រោងទុក បន្ទាប់ពីគម្រោងសាងសង់រួចរាល់ ផ្លូវលេខ៣៦នឹងមានទំហំធំទូលាយជាងផ្លូវចាស់ ដែលនឹងរួមចំណែកសម្រួលដល់ការធ្វើដំណើរ កាត់បន្ថយការកកស្ទះចរាចរណ៍។

ក្នុងឱកាសនោះដែរ លោកអភិបាលខណ្ឌ និងក្រុមការងារ បានបន្តចុះពិនិត្យការដ្ឋានដាក់ប្រព័ន្ធលូ និងការរៀបចំចិញ្ចើមផ្លូវតាមបណ្តោយ ផ្លូវជាតិលេខ៥ ស្ថិតក្នុង សង្កាត់ទួលសង្កែទី១ ដើម្បីធានាថា ការងារសាងសង់ប្រព្រឹត្តទៅតាមស្តង់ដារបច្ចេកទេស និងអាចប្រើប្រាស់បានយូរអង្វែង។

ជាមួយគ្នានេះ ជិន ប៊ុនធឿន ក៏បានជំរុញឱ្យក្រុមហ៊ុនទទួលម៉ៅការសាងសង់ ពន្លឿនល្បឿនការងារ ឱ្យសម្រេចបានតាមកាលកំណត់ ព្រមទាំងយកចិត្តទុកដាក់ខ្ពស់លើគុណភាពសំណង់ ដើម្បីធានាថា គម្រោងអភិវឌ្ឍន៍ទាំងនេះអាចឆ្លើយតបនឹងតម្រូវការរបស់ប្រជាពលរដ្ឋ និងរួមចំណែកលើកកម្ពស់សោភ័ណភាពទីក្រុង និងមូលដ្ឋាន ឱ្យកាន់តែប្រសើរឡើង៕ អត្ថបទ៖សំណាង

The post អភិបាលខណ្ឌឫស្សីកែវ ចុះពិនិត្យគម្រោងពង្រីកផ្លូវ និងដាក់ប្រព័ន្ធលូ ផ្លូវលេខ៣៦ តភ្ជាប់ពី ផ្លូវជាតិលេខ៥ ទៅកាន់ផ្លូវលេខ៩៩ appeared first on Kampuchea Thmey Daily.

លោកស្មៀនសង្កាត់បានបន្តថា មូលហេតុដែលនាងខ្ញុំហ៊ានអះអាងបែបនេះ ព្រោះនៅដើមខែឧសភានេះគម្រោងស្ថាបនាផ្លូវនិង ដាក់ប្រព័ន្ធលូបង្ហូរទឹកគឺបានរៀបចំជុំវិញផ្សារបឹងព្រលិតក្នុងគម្រោងមូលនិធិសង្កាត់សម្រាប់ចំណាយប្រចាំឆ្នំា។ ចំពោះប្រពន្ធ័លូបង្ហូទឹកគឺធ្វើឡើងមុខកាត់១ម៉ែត្រទាំងអស់។

បើតាមការបញ្ជាក់ពីមន្ត្រីជំនាញនៃការិយាល័យសាធារណការនៃ សាលាខណ្ឌច្បារអំពៅ បានបញ្ជាក់ថា ជារៀងរាល់ថ្ងៃនេះលោក ម៉ូវ ម៉ានិត អភិបាលនៃគណអភិបាលខណ្ឌច្បារអំពៅ លោកបានដឹកនាំកម្លាំងជំនាញរួមទាំងគ្រឿងចក្រ ចុះស្តាប្រលាយសឹងគ្រប់សង្កាត់ពិសេសនៅទីតាំងណាដែលធ្លាប់តែលិចលង់រាល់រដូវវស្សាគឺរួសរាន់ធ្វើឲ្យបានមុនរដូវវស្សាមកដល់។ ចំពោះតំបន់ផ្សារបឹងព្រលិតក្នុងភូមិអូរអណ្តូង១វិញ លោកអភិបាលខណ្ឌច្បារអំពៅ លោកបានដាក់គ្រឿងចក្រមកស្ថាបនាផ្លូវនិងប្រព័ន្ធលូឲ្យបានលឿនបំផុតដោយពុំគិតថ្ងៃបុណ្យ ឬថ្ងៃសម្រាកឡើយ៕អត្ថបទ៖ នរា

The post ឆ្នាំនេះសង្ឃឹមថានៅតំបន់ ផ្សារបឹងព្រលិតអាចចៀសផុតពីការលិចលង់ លំនៅដ្ឋានក្នុងរដូវវស្សា appeared first on Kampuchea Thmey Daily.

អ្នកស្រី រីកា ជាពលរដ្ឋក្នុងមូលដ្ឋានខណ្ឌចំការមន បានលើកឡើងថា មុនពេលអាជ្ញាធរចុះមក ដាក់ប្រព័ន្ធលូថ្មីនេះដែរ កន្លងមកជួបផលពិបាកមួយចំនួនផងដែរ ពេលបង្ហូរទឹកចេញពីផ្ទះទៅកាន់លូ គឺហូរយឺត នឹងពេលខ្លះកកស្ទះតែម្តង ធ្វើអោយទឹកកកខ្វក់ទាំងនោះជះក្លិនមិនល្អ មកកាន់ប្រព័ន្ធដង្ហើមគាត់ស្ទើរ តែមិនអាចរស់នៅបានតែម្តង។

ពលរដ្ឋបានបន្តថា ក្រោយពេលក្រុមហ៊ុនឯកជនទទួលការសាងសង់ ចាប់ផ្តើមដាក់ប្រព័ន្ធលូថ្មីជូនពលរដ្ឋ ហើយថែមទាំងឃើញមានវត្តមាន លោក កៀង ល័ក្ស អភិបាលខណ្ឌចំការមន nបានចុះមកត្រួតពិនិត្យ ដំណើរការដាក់លូបែបនេះទៀត ធ្វើអោយពួកគាត់មានអារម្មណ៍កាន់តែកក់ក្តៅយ៉ាងខ្លាំង ចំពោះនិរន្តភាពនៃអាយុកាលរបស់លូផងដែរ។

លោក កៀង ល័ក្ស អភិបាលខណ្ឌចំការមន បានអោយដឹងថា ការដាក់ប្រព័ន្ធលូថ្មី ២ខ្សែខាងលើនេះ គឺជាកញ្ចប់ថវិកា គម្រោងមូលនិធិអភិវឌ្ឍន៍របស់សង្កាត់ឆ្នាំ២០២៥ ដោយលូមានទំហំមុខកាត់ ៦តឹក ដែលអាចសម្រួលទុក្ខលំបាកជូនពលរដ្ឋបានមួយផ្នែកធំដែរ។

អភិបាលខណ្ឌចំការមន បានបន្តថា ដោយកន្លងមក ចំណុចនេះធ្លាប់មានប្រព័ន្ធលូ ប៉ុន្តែក៏ព្រោះតែយូរឆ្នាំពេក ទើបលូចាប់ផ្តើមខូចអស់មួយចំនួនធំ។ ដោយសារតែបែបនេះហើយទើប លោកបានដឹកនាំក្រុមការងារគណៈកម្មការគ្រប់គ្រងគម្រោងខណ្ឌ-សង្កាត់ ចុះត្រួតពិនិត្យការដ្ឋានជួសជុលដាក់ប្រព័ន្ធលូថ្មីនៅផ្លូវលេខ៩៥ នៅ ផ្លូវលេខ១៣៥ ដើម្បីត្រួតពិនិត្យលក្ខណៈបច្ចេកទេស ដំណើរការដាក់របស់ក្រុមហ៊ុនឯកជន ដែលដេញថ្លៃគម្រោងខាងលើនេះ អោយមានប្រសិទ្ធភាពកាន់តែខ្ពស់ ប្រើប្រាស់បានយូរអង្វែង។

ក្នុងឪកាសនោះ លោក កៀង ល័ក្ស អភិបាលខណ្ឌចំការមន បានបន្តថា បន្ទាប់ពីចុះត្រួតពិនិត្យដំណើរការដាក់ប្រព័ន្ធលូថ្មីចំនួន ២ខ្សែ នៅផ្លូវលេខ ៩៥ នឹងផ្លូវលេខ ១៣៥រួចរាល់ លោកបានបន្តចុះត្រួតពិនិត្យស្ថានភាពផ្លូវ នឹងប្រព័ន្ធលូនៅផ្លូវលេខ៤៩២ ៤៩៤ នៅសង្កាត់ផ្សារដើមថ្កូវ ដើម្បីសម្រាប់លើកគម្រោងជួសជុលបន្តនៅឆ្នាំ ២០២៦ផងដែរ៕ អត្ថបទ ៖ រដ្ឋា

The post ពលរដ្ឋ០២សង្កាត់ក្នុងខណ្ឌចំការមន ទទួលប្រព័ន្ធលូថ្មី ០២ខ្សែ ក្រោយលូចាស់ខូចខាត appeared first on Kampuchea Thmey Daily.

មានប្រសាសន៍ទៅកាន់ពិធីនេះ លោក វង្ស ពិសិដ្ឋ បានបញ្ជាក់ថា ដោយមានការយកចិត្តទុកដាក់ពីប្រមុខដឹកនាំរបស់រាជរដ្ឋាភិបាល ពិសេសក្នុងនាមក្រសួងជំនាញ តែងបានសហការជាមួយរដ្ឋបាលខេត្តស្វាយរៀង រហូតសម្រេចការអនុវត្តគម្រោងនេះឡើងលើទឹកដីក្រុងបាវិត ក្រោមកម្ចីឥណទានរបស់ធនាគារអភិវឌ្ឍន៍អាស៊ី (ADB ) បន្ទាប់ពីបានចុះកិច្ចសន្យាទទួលអនុគម្រោងនេះ ហើយក្រុមហ៊ុនចំនួន១ ជាអ្នកទទួលការសាងសង់។

ចំណែកលោកអភិបាលខេត្ត បានថ្លែងថា ពិធីបើកការដ្ឋាន ក្រុងពាលីថ្ងៃនេះ គឺជាសមិទ្ធផលដ៏មានតម្លៃ និងផ្តល់សារៈប្រយោជន៍យ៉ាងសំខាន់សម្រាប់ប្រជាពលរដ្ឋ និងមូលដ្ឋានទាំងមូលក្នុងក្រុងបាវិត ហើយលោកបានសម្តែងការស្វាគមន៍ និងថ្លែងអំណរគុណ ចំពោះក្រសួងសាធារណការ និងដឹកជញ្ជូន និងធនាគារ ADB ដែលបានផ្តល់ជូនសម្រាប់ការអនុវត្តគម្រោងទីក្រុងគួរឱ្យចង់រស់នៅ នេះឡើង ហើយក៏ជាមោទនភាព ដោយក្រុងបាវិត គឺជាក្រុងមួយក្នុងចំណោមក្រុងទាំង៣ មាន ក្រុងបាវិត ក្រុងកំពត និងក្រុងប៉ោយប៉ែត ដែលទទួលបាននូវគម្រោងដ៏មានតម្លៃនេះ។

លោកបន្តថា ក្នុងចំណោមអនុគម្រោង៥ មានពីរនៅក្រុងបាវិត គឺអនុគម្រោងសាងសង់ទីលានទុកដាក់សំរាម (មានទីតាំងនៅភូមិច្រកម្ទេស សង្កាត់ ច្រកម្ទេស) បានចូលរួមបើកការដ្ឋានសាងសង់កាលពីថ្ងៃទី៣១ ខែមករា ឆ្នាំ២០២៥ មកដល់ពេលនេះដំណើរការសាងសង់សម្រេចបានប្រមាណជា៥៤%។ ថ្ងៃនេះ បានបើកការដ្ឋានសាងសង់អនុគម្រោងទី២ គឺប្រព័ន្ធលូ និងស្ថានីយ៍ ប្រព្រឹត្តកម្មទឹកកខ្វក់ ដែលត្រូវប្រើពេលវេលាសាងសង់ ចំនួន ៣៦ខែ បញ្ចប់នៅ ឆ្នាំ២០២៨ខាងមុខ ដោយចំណាយថវិកាសាងសង់ប្រមាណជាង២៩លានដុល្លារសហរដ្ឋអាមេរិក។

លោកបន្ថែមថា គម្រោងនេះ គឺពិតជាមានភាពសមស្រប ឆ្លើយតបទៅនឹងតម្រូវការជាក់ស្តែង ហើយនឹងអាចដោះស្រាយនូវបញ្ហាចំពោះមុខដ៏មានប្រសិទ្ធភាព និងចំទិសដៅ ដែលមូលដ្ឋានកំពុងជួបប្រទះ។ បើប្រៀបធៀបពីមុនក្រុងនេះតូច ប្រជាជនតិច មូលដ្ឋានអាជីវកម្ម ពាណិជ្ជកម្ម ឧស្សាហកម្មផ្សេងៗ ក៏មិនសូវមាន ខុសពីបច្ចុប្បន្ន ក្រុងបាវិតមានការអភិវឌ្ឍរីកចម្រើន គួរឱ្យកត់សម្គាល់ ដោយបានប្រែក្លាយពីតំបន់ព្រំដែនធម្មតាដែលមានសកម្មភាពសេដ្ឋកិច្ចតិចតួច ទៅ ជាមជ្ឈមណ្ឌលពាណិជ្ជកម្ម ផលិតកម្ម និងជាទីតាំងយុទ្ធសាស្ត្រសេដ្ឋកិច្ច ដែលបានដើរតួនាទីជាប្រភពការងារដ៏សំខាន់ មិនសម្រាប់តែប្រជាពលរដ្ឋនៅក្នុងខេត្ត តែក៏មានប្រជាពលរដ្ឋពីបណ្តាខេត្តផ្សេងៗមកបម្រើការងារនៅទីនេះផងដែរ។ សព្វថ្ងៃមូលដ្ឋានក្រុងបាវិត មានតំបន់សេដ្ឋកិច្ចពិសេស រហូតដល់ ៦កន្លែង និងមានរោងចក្រ ១២៤កន្លែង ជាទីផ្តល់នូវប្រភពការងារជិត ៧ម៉ឺននាក់ ដែលស្មើនឹងពាក់កណ្តាល នៃចំនួនកម្មករ ក្នុងខេត្តទាំងមូល។

លោកបញ្ជាក់ទៀតថា ទន្ទឹមការរីកចម្រើន ក៏មានបញ្ហាប្រឈមមួយចំនួនដែលជួបប្រទះ និងត្រូវធ្វើការគិតគូរដោះស្រាយ រួមមា នហេដ្ឋារចនាសម្ព័ន្ធសាធារណៈ តួយ៉ាងទីលានទុកដាក់សំរាម ក៏ដូចជាប្រព័ន្ធ លូ និងការធ្វើប្រព្រឹត្តិកម្មទឹកកខ្វក់នេះតែម្តង ដូច្នេះហើយបានជាគម្រោងនេះ គឺពិតជាសមស្រម ឆ្លើយតបទៅនឹងសំណូមពរ និងតម្រូវការជាក់ស្តែង ដែលវាមិនត្រឹមតែចូលរួមចំណែក ធានាបាននូវការថែរក្សាបរិស្ថានអនាម័យប៉ុណ្ណោះទេ ប៉ុន្តែក៏ចូលរួមចំណែកលើកកម្ពស់ សុខុមាលភាពរបស់ប្រជាពលរដ្ឋទៅអនាគតផងដែរ៕

ដោយ៖ភក្ដី

The post ប្រព័ន្ធលូ និងស្ថានីយប្រព្រឹត្តកម្មទឹកកខ្វក់តម្លៃជិត ៣០លានដុល្លារ បានបើកការដ្ឋានសាងសង់ ក្នុងក្រុងបាវិត appeared first on Kampuchea Thmey Daily.

តាម​សេចក្តីជូនដំណឹង​ ស្តីពីលទ្ធផលនៃការអនុវត្តគម្រោងវិនិយោគហេដ្ឋារចនាសម្ព័ន្ធប្រព័ន្ធលូ និងប្រព័ន្ធរំដោះទឹក ដើម្បី​ធ្វើ​ឱ្យ​ប្រសើរ​ឡើង​នូវ​ការ​ជន់លិចនៅក្នុងភូមិសាស្រ្តរាជធានីភ្នំពេញ​បាន​ឱ្យ​ដឹង​ថា រដ្ឋបាលរាជធានីភ្នំពេញ មានកិត្តិយសសូមជម្រាបជូនសាធារណជនមេត្តាជ្រាបថា គម្រោងវិនិយោគ ហេដ្ឋារចនាសម្ព័ន្ធប្រព័ន្ធលូ និងប្រព័ន្ធរំដោះទឹក ដើម្បីធ្វើឱ្យប្រសើរឡើងនូវការជន់លិចនៅក្នុងភូមិសាស្ត្រ រាជធានីភ្នំពេញ បាន នឹង​កំពុង​អនុវត្តដោយក្រសួងធនធានទឹក និងឧតុនិយម ក្រសួងសាធារណការ និងដឹកជញ្ជូន និងរដ្ឋបាលរាជធានីភ្នំពេញ។

ដោយឡែក គិត​ត្រឹម​បច្ចុប្បន្ន ចំពោះគម្រោងដែលអនុវត្តដោយរដ្ឋបាលរាជធានីភ្នំពេញ គឺសម្រេចបានប្រមាណ ៨០% នៃផែនការ ហើយគម្រោងនេះមិនបានគ្របដណ្តប់លើតំបន់មួយចំនួន នៃខណ្ឌ ជ្រោយចង្វារ និងខណ្ឌច្បារអំពៅ ក្នុងជំហានដំបូង។

ផ្អែក​តាម​លទ្ធផលនៃការអនុវត្តគម្រោងនាពេលកន្លងមក ឃើញ​ថា​បើ​ទោះបី​ជា​ថ្មីៗនេះ មានករណី ភ្លៀង​ធ្លាក់ខ្លាំង ដែលបានបង្កឱ្យមានការជន់លិចនៅតំបន់បឹងទំពន់ (កម្ពស់ទឹកភ្លៀង ៨១ម.ម) តំបន់ម៉ុងឌីយ៉ាល់ (កម្ពស់ទឹកភ្លៀង ៥៣ម.ម)ក្តី ក៏​ធារទឹកភ្លៀងបានហូរអស់ក្នុងរយៈពេលដ៏ខ្លី ហើយតំបន់មួយចំនួនទៀត នៃ ក្នុងខណ្ឌស្ថិតនៅកណ្តាលរាជធានីភ្នំពេញ ក៏លែងលិចលង់ ដែលនេះឆ្លុះបញ្ចាំងឱ្យឃើញអំពីប្រសិទ្ធភាពនៃ ការអនុវត្តគម្រោងរំដោះទឹក ក្នុងរាជធានីភ្នំពេញ។

តាមរយៈលទ្ធផលជាវិជ្ជមាននេះ រដ្ឋបាល​រាជធានីភ្នំពេញ សូមថ្លែង​អំណរគុណ​ដល់បងប្អូន​ប្រជាពលរដ្ឋ ដែល​បាន​តាំង​ទី​លំនៅ​លើ​ប្រឡាយ និង​អាងស្តុក​ទឹក​ដែល​ជា​ទ្រព្យសម្បត្តិ​សាធារណៈរបស់រដ្ឋ (តំបន់អនុវត្ត គម្រោង) ហើយ​ដែល​បានយល់ព្រមទទួល យក​ការ​ដោះស្រាយផលប៉ះពាល់ និងស្ម័គ្រចិត្តរុះរើសំណង់ចេញ ចំនួន៧១៥គ្រួសារ (នៅសេសសល់មួយចំនួនតូចប៉ុណ្ណោះ) សំដៅរួមចំណែកជាមួយ រដ្ឋបាលរាជធានីភ្នំពេញ ក្នុងការដោះស្រាយការលិចលង់នៅរាជធានីភ្នំពេញ ដែលជាប្រយោជន៍សាធារណៈរបស់ប្រជាពលរដ្ឋ ទូទាំង រាជធានីភ្នំពេញ។

ក្នុងន័យ​នេះ ដើម្បី​ជំរុញការ​អនុវត្ត​គម្រោង ឱ្យសម្រេចបានលទ្ធផល ១០០% តាមការគ្រោងទុក ឱ្យបានទាន់មុនរដូវវស្សាចូលមកដល់ ប្រកបដោយចក្ខុវិស័យយូរអង្វែង រដ្ឋបាលរាជធានីភ្នំពេញ ស្នើឱ្យបងប្អូន ប្រជាពលរដ្ឋ​ដែល​នៅ​មិន​ទាន់​ទទួលយកគោលនយោបាយ​ពី​គណៈកម្មការ​អន្តរក្រសួង សូមរួសរាន់អញ្ជើញ មកទទួលយកការដោះស្រាយផលប៉ះពាល់ស្របតាមច្បាប់ និងលិខិតបទដ្ឋាន​គតិយុត្តិ​នានា​ជា​ធរមាន​៕

ដោយ ៖ ស្រីរ័ត្ន

The post គម្រោង​វិនិយោគ ហេដ្ឋារចនាសម្ព័ន្ធ​ប្រព័ន្ធ​លូ ក្នុង​រាជធានីភ្នំពេញ ​សម្រេច​បាន​ប្រមាណ ៨០% appeared first on Kampuchea Thmey Daily.

ថ្លែងក្នុងពិធីប្រគល់សញ្ញាបត្រដល់និស្សិតនៃសាកលវិទ្យាល័យអាស៊ី-អឺរ៉ុប នៅព្រឹកថ្ងៃទី១៩ ខែកុម្ភៈនេះ លោកនាយករដ្ឋមន្ត្រី ហ៊ុន ម៉ាណែត បានសង្កត់ធ្ងន់ថា គ្រប់ក្រសួងស្ថាប័នដែលសហការជាមួយក្រុមហ៊ុនឯកជន ត្រូវប្រឹងប្រែងសាងសង់ផ្លូវ និងប្រព័ន្ធលូ ដើម្បីការពារការរំខានដល់ប្រជាពលរដ្ឋ។ សម្តេចសង្កត់ថា៖«ជាពិសេស អ្នកកុងត្រាជាមួយស្ថាប័នរដ្ឋ ត្រូវដាក់លក្ខខណ្ឌតែម្តង កុំឱ្យទៅដល់កាយ(លូ)ហើយទុកចោល»។

ក្នុងន័យនេះ សម្តេចនាយករដ្ឋមន្រី្ត បានណែនាំថា នៅពេលដែលការស្ថាបនាផ្លូវត្រូវមានការដំឡើងប្រព័ន្ធលូនៅមុខផ្ទះប្រជាពលរដ្ឋ, ការជួសជុល និងការដាក់សម្ភារៈបណ្តោះអាសន្ន ដូចជាឈើ ឬដែក គឺជាការចាំបាច់ ដើម្បីធានាបាននូវការឆ្លងកាត់ប្រកបដោយសុវត្ថិភាព និងទប់ស្កាត់គ្រោះថ្នាក់។ សម្តេចបញ្ជាក់ថា៖«កាយលូភ្លាម ដាក់ភ្លាម​  ខ្ញុំសូមឱ្យគិតគូរបែបនេះ កាត់បន្ថយផលប៉ះពាល់ទៅដល់ជីវភាពរស់នៅប្រជាពលរដ្ឋ បើយើងទៅដល់កាយហើយ ទុកចោលគាត់ចេញទៅណា»។

គោលការណ៍ណែនាំនេះ ធ្វើឡើងបន្ទាប់ពីប្រជាពលរដ្ឋបានបង្ហាញការមិនពេញចិត្ត និងប្រតិកម្មជុំវិញការសាងសង់លូក្នុងក្រុងប៉ោយប៉ែត ខេត្តបន្ទាយមានជ័យ ដែលត្រូវគេរាយការណ៍ថា លូ១កង់មានតម្លៃ ៤០ដុល្លារ ដែលជាតម្លៃមួយបង្កការមិនពេញចិត្តពីសាធារណជន។

ពាក់ព័ន្ធបញ្ហានេះ​ សម្តេចនាយករដ្ឋមន្ត្រី បានជំរុញឱ្យភាគីពាក់ព័ន្ធទាំងអស់ រួមទាំងអាជ្ញាធរ ក្រុមហ៊ុនឯកជន និងប្រជាពលរដ្ឋ ត្រូវមានការឯកភាពគ្នា មុននឹងធ្វើការដំឡើងប្រព័ន្ធលូ ដើម្បីទប់ស្កាត់បញ្ហានាពេលអនាគត។
សម្តេចថ្លែងថា៖«មុននឹងធ្វើខ្ញុំសូមឱ្យអាជ្ញាធរមូលដ្ឋាន អញ្ជើញប្រជាពលរដ្ឋជួបជាមួយនឹងក្រុមហ៊ុន និយាយគ្នាពីលក្ខខណ្ឌនៃការធ្វើតែម្តង ដើម្បីកុំឱ្យមានបញ្ហា រឿងបញ្ហាដោយមិននិយាយគ្នាច្បាស់លាស់ ដល់គេជេ ជេរដ្ឋាភិបាអត់ទាំងដឹងផង»។

សម្តេចធិបតី ហ៊ុន​ ម៉ាណែត បានបញ្ជាក់ថា ក្នុងមួយឆ្នាំៗ រាជរដ្ឋាភិបាលបានចំណាយថវិការាប់រយលានដុល្លារ លើការសាងសង់ផ្លូវថ្នល់ជាតិ ផ្លូវខេត្ត និងផ្លូវជនបទ ដើម្បីគាំទ្រដល់ការអភិវឌ្ឍន៍ប្រទេសជាតិ និងលើកកម្ពស់ជីវភាពរស់នៅរបស់ប្រជាពលរដ្ឋ៕

The post ករណីកាយដាក់លូហើយចំហចោល សម្តេចធិបតី ស្នើឱ្យពិនិត្យឡើងវិញ appeared first on Kampuchea Thmey Daily.

ក្រសួងសាធារណការ​ និងដឹកជញ្ជូន បានឱ្យដឹងថា គិតត្រឹមថ្ងៃទី៣១ ខែមករា ឆ្នាំ២០២៥ គម្រោងវិនិយោគហេដ្ឋា​រចនាសម្ព័ន្ឋប្រព័ន្ធលូ និងប្រព័ន្ធរំដោះទឹកសម្រាប់បញ្ចៀសការជន់លិចនៅភូមិសាស្ត្ររាជធានីភ្នំពេញ លើកំណាត់ផ្លូវជាតិលេខ៤ និងតាមបណ្តោយផ្លូវរថភ្លើង សម្រេចវឌ្ឍនភាពបាន ៦៦,៥០% ហើយ។

គម្រោងនេះអនុវត្តដោយក្រុមហ៊ុនសាងសង់ PPPP-TCM JV ដែលមានទំហំការងារ ១.) ការងារសាងសង់លូប្រអប់តាមបណ្តោយផ្លូវជាតិលេខ៤ ខាងឆ្វេងដៃ ក្នុងចន្លោះ PK 14+050 ដល់ 19+700 និង ២.) ការងារកាយស្តារប្រឡាយប្រវែង៦១០០ម៉ែត្រ ការងារដំឡើងលូអ៊ុយ ប្រវែង ១៩៧០ម៉ែត្រ ការងារសាងសង់លូប្រអប់ផ្លូវឆ្លងកាត់ចំនួន ៩ទីតាំង និងការងារសាងសង់ទ្វារទឹក ៤ទីតាំង ស្ថិតនៅតាមបណ្តោយផ្លូវរថភ្លើង ចន្លោះ PK15+450 ដល់ 23+550 និងត្រួតពិនិត្យបច្ចេកទេសដោយអគ្គនាយកដ្ឋានជំនាញ នៃក្រសួងសាធារណការ និងដឹកជញ្ជូន។

ពាក់ព័ន្ធការវិនិយោគហេដ្ឋារចនាសម្ព័ន្ឋប្រព័ន្ធលូនេះដែរ មន្ទីរសាធារណការ និងដឹកជញ្ជូន រាជធានីភ្នំពេញ បានកំពុងគាស់កកាយ ជួសជុល ពង្រីក និងរៀបចំប្រព័ន្ធលូនៅក្នុងភូមិសាស្រ្តរាជធានីភ្នំពេញ ឱ្យស្របទៅតាមកំណើនប្រជាជន និងទីតាំងអាទិភាព ដើម្បីកាត់បន្ថយការលិចលង់ដោយទឹកភ្លៀង។

បើតាមមន្ទីរ ស្ថានភាពប្រឡាយបឹងត្របែក មានទទឹងមធ្យម ៦ម៉ែត្រ ដែលមានសមត្ថភាពបង្ហូរទឹកត្រឹម ១២ម៉ែត្រគូបក្នុង១វិនាទីប៉ុណ្ណោះ បណ្តាលឱ្យក្នុងពេលទឹកភ្លៀងធ្លាក់ខ្លាំងលើសកំពស់ ៤០មមក្នុង១ម៉ោង ទឹកភ្លៀងបានលិចលង់រយៈ​ពេល​យូរនៅផ្នែកខ្លះនៃភូមិសាស្ត្រខណ្ឌបឹងកេងកង ចំការមន ៧មករា និងខណ្ឌដូនពេញ ។

ដើម្បីដោះស្រាយបញ្ហាទឹកលិចខាងលើ ផ្លូវលេខ ១០៥ ជាប់ប្រឡាយបឹងត្របែក ចាំបាច់ត្រូវពង្រីកពីទទឹង ៦ម៉ែត្រ ទៅទទឹង១២ម៉ែត្រ ដើម្បីឱ្យបង្កើនការបង្ហូរទឹកប្រឡាយនេះពី ១២ម៉ែត្រគូបក្នុង១វិនាទី កើនដល់ ២៤ម៉ែត្រគូបក្នុងវិនាទី ទើបបង្ហូរទឹកហូរទាន់។ ក្នុងករណីនេះ ក្រោមផ្លូវលេខ ១០៥ជាប់ប្រឡាយនេះ ត្រូវដាក់លូប្រអប់ខ្នាតធំទទឹង ៦ម៉ែត្រ ជម្រៅ ៣ម៉ែត្ររីឯខាងលើត្រូវស្ថាបនាផ្លូវដដែល។

មន្ទីរសាធារណការ រាជធានីភ្នំពេញ បញ្ជាក់ថា៖«ការងារនេះការដ្ឋានបានសាងសង់ជាង ៤ខែមកហើយ ដែលគិតត្រឹមថ្ងៃនេះ ការងារសម្រេចបានជាង ៦០% ហើយនឹងបញ្ចប់នៅខែឧសភាឆ្នាំ២០២៥ខាងមុខ ដែលនឹងសង្ឃឹមថា លូប្រអប់ខ្នាតធំនេះ នឹងរួមចំណែកជួយកាត់បន្ថយការលិចលង់ភូមិសាស្ត្រខាងលើបាន» ៕

The post ប្រព័ន្ធរំដោះទឹកលិចលើកំណាត់ផ្លូវជាតិលេខ៤ និងបណ្តោយផ្លូវរថភ្លើងសម្រេចបានជាង ៦៦% appeared first on Kampuchea Thmey Daily.