អ្នកគ្រូហុងស៊ុយបែបវិទ្យាសាស្រ្ដតែម្នាក់ ដែលបានក្លាយជាសមាជិកពេញសិទ្ធិរបស់ស្ថាប័នហុងស៊ុយពិភពលោក ឡុង ណាលី បានស៊ែរវីដេអូអំពីការបំផ្លិចបំផ្លាញដែលបង្កឡើងដោយព្យុះកំណាច Milton នៅរដ្ឋ Florida ប្រទេសអាមេរិក។ អមជាមួយវីដេអូនេះផងដែរ អ្នកគ្រូហុងស៊ុយបានភ្ជាប់ជាមួយសំណេរថា “អ្នកដែលបានអានសៀវភៅហុងស៊ុយ ឆ្នាំ២០២៤ ដែលចេញកាលពីចុងឆ្នាំ២០២៣ នឹងបានដឹងមុខរាល់ហេតុការណ៍ទាំងនេះថាធ្ងន់ធ្ងរប៉ុនណា?”។ បន្ថែមពីលើនោះអ្នកគ្រូក៏បានបន្ដទៀតថា “ឆ្នាំនេះមិនធម្មតាដូចយើងគិតទេនៅមានទៀតជាពិសេសខែតុលានេះ”។

តាមរយៈការបញ្ចេញមតិនេះ ក៏ដូចជាសាររំលឹកទៅដល់មនុស្សគ្រប់គ្នាឲ្យប្រឹងសាងអំពើល្អ ជៀសវាងការធ្វើអំពើអបាយមុខផ្សេងដែលនាំឲ្យវិនាសទៅថ្ងៃមុខ។ គួររំលឹកថា អ្នកគ្រូ ឡុង ណាលី ជាគ្រូហុងស៊ុយស្ដ្រីខ្មែរមួយរូបដែលទទួលបានការគាំទ្រខ្លាំងពីប្រជាជនកម្ពុជា និងមានសញ្ញាបត្រត្រឹមត្រូវទទួលស្គាល់ដោយស្ថាប័នហុងស៊ុយពិភពលោក ជាពិសេសអ្នកគ្រូ ឡុង ណាលី តែងតែទស្សន៍ទាយពីហេតុការណ៍ផ្សេងៗមុខកើតឡើងផងដែរ៕

The post អ្នកគ្រូហុងស៊ុយ ណាលី ថា ឆ្នាំនេះមិនធម្មតាដូចយើងគិតទេនៅមានទៀតជាពិសេសខែតុលានេះ appeared first on Kampuchea Thmey Daily.

អ្នកគ្រូហុងស៊ុយបែបវិទ្យាសាស្រ្ដតែម្នាក់ដែលបានក្លាយជាសមាជិកពេញសិទ្ធិរបស់ស្ថាប័នហុងស៊ុយពិភពលោក ណាលី បានស៊ែរវីដេអូ Miss Grand Thailand នាង Malin Chara-anan ស្រែកយំយែកនៅក្នុងព្រលានយន្តហោះ ក្រោយចាកចេញពីប្រទេសកម្ពុជា បន្ទាប់ពីមានរឿងចម្រូងចម្រាសរវាងខ្មែរនិងថៃ។ អ្នកគ្រូ ណាលី បានដាក់ចំៗថា “ពានរង្វាន់ មាយាដកខ្ញី” មួយមាត់យ៉ាងខ្លីនេះដូចបាននឹងបង្ហាញអំពីអត្តចរឹករបស់បវរកញ្ញាថៃរូបនេះ។

គួររំលឹកថា កាលពីថ្ងៃទី៧ ខែតុលា ឆ្នាំ២០២៤ ខាងស្ថាប័ន Miss Grand International បានដកសិទ្ធិធ្វើជាម្ចាស់ផ្ទះពីកម្ពុជាភ្លាម ក្រោមហេតុផលធ្វើការគ្មានស្ដង់ដាតាមកម្មវិធីដែលបង្កជារឿងចម្រូងចម្រាស៕

The post អ្នកគ្រូហុងស៊ុយ ណាលី ថាបវរកញ្ញាថៃសមបាន ពានរង្វាន់ មាយាដកខ្ញី appeared first on Kampuchea Thmey Daily.

លោក​គ្រូ កុក ឡុង ជា​គ្រូ​ចិនសែ​មើល​ជោគ​ជតា​រាសី​ខែ​ឆ្នាំ​ដ៏​ល្បី​ឈ្មោះ​នៅ​រាជធានី​ភ្នំពេញ។ លោក​តា ​កុក​ឡុង ឬ​ចាំង ហាំងឡុង ​ត្រូវ​បាន​មហាជន​ស្គាល់​តាម​រយៈ​ការ​ទស្សន៍ទាយ​ខែ​ឆ្នាំ​ជា​ពិសេស​ពេល​ចូលឆ្នាំ​ថ្មីមក​ដល់​។

លោក​តា​ កុក ឡុង ឬ​ចាំង ហាំងឡុង ដែល​មាន​វ័យ​ជាង ៧០ ឆ្នាំ​ជា​អ្នក​ស្រាវជ្រាវ​ក្បួន​តម្រា​ចិន ក្រៅ​ពី​ទស្សន៍ទាយ​ជោគ​ជតា​រាសី​ខែឆ្នាំ លោក​តា​ក៏​អាច​មើល​ហុងស៊ុយ​ផ្ទះ​សម្បែង​​ក៏​ពូកែ។

ក្បួន​ទស្សន៍ទាយ​ខែឆ្នាំ​របស់​លោក​តា តែងតែ​ត្រូវ​បាន​ផ្សព្វផ្សាយ​លើ​បណ្តាញ​សារព័ត៌មាននានា។ ជា​រៀងរាល់​ថ្ងៃ លោក​តា​ត្រូវ​បាន​ហៅ​ទៅ​មើល​ជោគ​ជតា​រាសី រហូត​ដល់​ក្រុមហ៊ុន​អចលនទ្រព្យ​មួយ​ចំនួន ហៅ​ទៅ​មើល​ហុងស៊ុយគម្រោង​​​តាម​បុរី​ទៀតផង។

អ្នកគ្រូឡុង ណាលី ជា​គ្រូ​រៀប​ហុងស៊ុយ​ដ៏​ល្បី​ឈ្មោះ​មួយ​រូប​ទៀត ដែលមានការ​ទទួល​ស្គាល់​ជា​អន្តរជាតិ​ក្នុង​ប្រទេស​កម្ពុជា។ បញ្ចប់​ការ​សិក្សា​លើ​វិជ្ជា​ហុងស៊ុយ​ពី​ប្រទេស​ជា​ច្រើន ក្នុង​រយៈ​ពេល​ប៉ុន្មាន​ឆ្នាំ​មក​នេះ កេរ្តិ៍​ឈ្មោះ​អ្នកគ្រូ​កាន់​តែ​ល្បី​សុសសាយ​តាម​រយៈ​ការ​រៀប​ក្បួន​ហុងស៊ុយ ដែល​ធ្វើ​ឲ្យ​អ្នក​បាន​ជោគជ័យ​មាន​ភាព​ជឿជាក់​យ៉ាង​មោះមុត។

អ្នក​មាន​ជំនឿ​​លើក​ឡើង​ថា អ្នក​ដែល​មក​រក​ឲ្យ​​អ្នក​គ្រូ​ណាលី រៀប​ហុងស៊ុយ​​ឲ្យ​មាន​ចំនួន​ច្រើន​លើស​លប់ រហូត​ដល់អ្នកខ្លះ​ត្រូវ​រង់ចាំ​ដល់​ជាង ១ ឆ្នាំ​ឯ​ណោះទើប​អាច​មើលបាន។ នេះ​ក៏​ជា​មូលហេតុ​ដែល​អ្នកគ្រូ ណាលី ប្រកាស​ទទួល​បង្រៀន​ថ្នាក់​ហុងស៊ុយដល់​សិស្ស​ចាប់​ពី​ឆ្នាំ ២០១៩ មក៕

អត្ថបទ៖ ប៊ុណ្ណារ៉ា

The post គ្រូចិនសែពីរនាក់ ល្បី​​​​ទាយ​ក្បួន​ហុងស៊ុយ ​​លេច​មុខ​​លើ​បណ្តាញ​សារព័ត៌មាន​ល្បីៗ appeared first on Kampuchea Thmey Daily.

នៅលើផេក​ផ្លូវការ Master Naly FongShui គ្រូ​ទស្សន៍ទាយល្បីនេះបាន​ចូលរួមត្រេកអរភាពជោគជ័យ និងភាពរីក​ចម្រើន​របស់សិស្ស។ គ្រូហុងស៊ុយ​ពូកែ​មើលជោគជតារាសីបានក្រើនរំលឹក​ដែរ​ថា៖ “ភាពជោគជ័យ កើតឡើងបានដោយសារ សមត្ថភាព ចំណេះដឹង ការតស៊ូ ការប្រឹងប្រែងនិងសេចក្តីល្អគឺជាអាវក្រោះសំខាន់សម្រាប់​ជួយដល់យើង។ គ្រូពូកែយ៉ាងណា ក៏បានត្រឹមតែបង្រៀន ណែនាំចង្អុលបង្ហាញផ្លូវ ឲ្យ​ដើរលើផ្លូវត្រូវប៉ុណ្ណោះ បើខ្លួនយើងមិនចេះដើរដោយខ្លួនឯង ទោះជួបគ្រូទេវតាក៏ជួយមិនបានដែរ”។

អ្នកគ្រូ​បន្ត​ថា គ្រូ​មានតួនាទីចង្អុលបង្ហាញញផ្លូវប៉ុណ្ណោះ ចំណែកសិស្សគ្រប់គ្នាជាអ្នកដើរដោយខ្លួនឯង ក្នុងនាមជាគ្រូសប្បាយចិត្តណាស់នៅពេលឃើញសិស្សជោគជ័យ និងជាមនុស្សល្អ ក្នុងសង្គម។ សូមរក្សាសេចក្តីល្អបែបនេះជារៀងរហូត វានឹងធ្វើអោយយើងជោគជ័យប្រកបដោយសេចក្តីថ្លៃថ្នូបំផុត។

អ្នក​គ្រូហុងស៊ុយ ឡុង ណាលី អគ្គនាយិការស្ថាប័នម៉ាស្ទ័រ ណាលី ហុងស៊ុយ ត្រូវ​បាន​អាជ្ញាធរខណ្ឌឫស្សីកែវ បានចេញវិធានការណែនាំ ក្រោយ​ផ្សព្វផ្សាយស្ទីឃ័រ (កាត់ឆុង) បង្កឱ្យអ្នកមានជំនឿ​តម្រង់ជួរ និងជួបជុំគ្នាដោយមិនខ្លាចជំងឺកូវីដ-១៩។ អាជ្ញាធរ​បាន​ធ្វើលិខិតអញ្ជើញ ដើម្បីធ្វើការណែនាំកុំ​ឲ្យ​មាន​ការ​ជួបជុំ​ច្រើន តាមគោលការណ៍​​ផ្សព្វផ្សាយ​​របស់​ក្រសួង​សុខាភិបាល​ ដើម្បី​​ទប់ស្កាត់​ការ​រីករាលដាល​ជំងឺ​កូវីដ ១៩៕

The post ៥ ម៉ោង មុននេះ គ្រូហុងស៊ុយ Naly អបអរសិស្ស​ ក្រោយ​រៀនបាន​​ជោគជ័យ appeared first on Kampuchea Thmey Daily.

លោក សន សោភ័ណ នាយករដ្ឋបាលខណ្ឌឫស្សីកែវ បានឲ្យដឹងថា អាជ្ញាធរបានចុះទៅណែនាំ តែមិនបានជួបគ្រូហុង​ស៊ុយ នោះទេ ប៉ុន្តែបានធ្វើលិខិតអញ្ជើញជួបរដ្ឋបាលខណ្ឌ នៅថ្ងៃទី៨ ខែមករាខាងមុខ ដើម្បីធ្វើការណែនាំ ខណៈ​ឮព័ត៌មានថា នៅថ្ងៃ១៦ ខែមករា ខាងមុខ នឹងមានការជួបជុំចែកស្ទីកឃ័រកាត់ឆុងនេះម្តងទៀត ។

អភិបាលខណ្ឌឫស្សីកែវ បានឲ្យក្រុមការងារចុះណែនាំពីបញ្ហាកូវីដ-១៩ ដល់ក្រុមហ៊ុនមិនត្រូវឲ្យមានការជួបជុំច្រើន និងត្រូវអនុវត្តរក្សាគម្លាតសុវត្ថិភាព និងមានទឹកអាកុលលាងដៃជានិច្ច ។

សូមបញ្ជាក់ថា កាលពីពេលថ្មីៗនេះ គ្រូហុងស៊ុយ ឡុង ណាលី អគ្គនាយិការស្ថាប័នម៉ាស្ទ័រ ណាលី ហុងស៊ុយ បានប្រ​កាស​តាមបណ្តាញផ្សព្វផ្សាយថា មានឆ្នាំ ចំនួន៤ ដែលឆុងជាមួយអ្នកជាប់សែស្រឡាយចិន វៀតណាម ខណៈថ្ងៃចូលឆ្នាំថ្មីប្រពៃណីចិន វៀតណាម ជិតមកដល់ ក្រុមហ៊ុននឹងចែកស្ទីឃ័រ (កាត់ឆុង)ដោយឥតគិតថ្លៃ ស្រាប់តែនៅថ្ងៃទី៤ ខែមករា ឆ្នាំ២០២១ អ្នកមានជំនឿរាប់រយពាន់នាក់ ផ្អើលភ្លូកទឹកភ្លូកដីសម្រុកទៅតម្រង់ជួរប្រជ្រៀតគ្នា៤ទៅ៥ជួរ ដើម្បី​យក​ស្ទីកឃ័រ(កាត់ឆុង)រហូតដល់យប់ជ្រៅដោយមិនគិតពីសុវត្ថិភាព ឬហានីភ័យការឆ្លងកូវីដ-១៩ឡើយ ៕

អត្ថបទ ៖ ឌីរៀ

The post អាជ្ញាធរ ចេញលិខិតកោះហៅគ្រូហុងស៊ុយ ​ដែលផ្សព្វផ្សាយស្ទីកឃ័រ (កាត់ឆុង) appeared first on Kampuchea Thmey Daily.