លោកវេជ្ជបណ្ឌិត លី សូវ៉ាន់ ទីប្រឹក្សាក្រសួងសុខាភិបាល និងជាប្រធាននាយកដ្ឋានប្រយុទ្ធនឹងជំងឺឆ្លងបានមានប្រ
សាសន៍ថា ចាប់ពីថ្ងៃទី១ខែឧសភា ឆ្នាំ២០២២ដល់ថ្ងៃទី៣០ខែសីហា២០២៤ នៅលើពិភពលោកមានករណីជំងឺអឹមផកចំនួន១០៣៤៤៦ករណី ក្នុងនោះស្លាប់ចំនួន២២៥ ស្លាប់នៅលើប្រទេសចំនួន១២៣។ ចំណែកប្រទេសនៅតំបន់អាស៊ានមានករណីឆ្លងចំនួន១១៧៧ករណី ក្នុងនោះ១៨ករណីស្លាប់ភាគច្រើននៅប្រទេសថៃ១០ក្នុងចំណោមអ្នកជំងឺ៨០៨ករណីនិងវៀតណាម៨ករណីក្នុង២០០ករណី។ ចំពោះកម្ពុជាមាន២០ករណីតែមិនមានករណីស្លាប់ទេ។

លោកវេជ្ជបណ្ឌិតបានបន្តថា កន្លងមកយើងបានរកឃើញករណីសង្ស័យជាច្រើនករណីហើយបានសំណាកទៅធ្វើតេស្តនៅមន្ទីរពិសោធន៍វិទ្យាស្ថានជាតិសុខភាពសាធារណៈនិងវិទ្យាស្ថានប៉ាស្ទ័រតែតហូតមកដល់ពេលនេះយើងមិនទាន់រកឃើញករណីជំងឺប្រភេទថ្មី និងប្រភេទចាស់ក៏អត់មានរកឃើញដែរចាប់តាំងពីខែឧសភា ឆ្នាំ២០២៤មករហូតមកដល់ថ្ងៃទី៣០ខែសីហាឆ្នាំ២០២៤នេះ។

លោកវេជ្ជបណ្ឌិតបានបន្តទៀតថា ទោះបីជាមិនទាន់មានករណីឆ្លងជំងឺអឹមផកប្រភេទថ្មីនេះក៏ដោយក៏ក្រសួងសុខាភិបាលបានពង្រឹងវិធានសុខាភិបាលដោយធ្វើចត្តាឡឺស័កនៅតាមព្រំដែនគោកទឹក និងអាកាសដើម្បីឱ្យប្រាកដថាមិនមានជំងឺនេះឆ្លងចូលមកកម្ពុជាហើយប្រសិនបើឆ្លងចូលត្រូវទប់ស្កាត់កុំឱ្យមានឆ្លងរាលដាលដល់ប្រជាពលរដ្ឋនៅក្នុងសហគមន៍ដែលធ្វើឱ្យប៉ះពាល់ដល់ការរស់នៅប្រចាំថ្ងៃអ្នកជំងឺនិងសេដ្ឋកិច្ចគ្រួសារ។ លោកវេជ្ជបណ្ឌិតបានបន្ថែមទៀតថា តាមអ្នកជំនាញអង្គការសុខភាពពិភពលោកជំងឺអឹមផកប្រភេទបំលែងថ្មីនេះវាមានការឆ្លងលឿនជាងប្រភេទជំងឺអឹមផកប្រភេទចាស់
(Clade2) ដែលតម្រូវឱ្យប្រទេសជាសមាជិកនៅលើពិភពលោកយកចិត្តទុកដាក់ក្នុងការបង្ការ និងឆ្លើយតបឱ្យបានទាន់ពេលវេលាពិសេសធ្វើយ៉ាងមិចកុំឱ្យមានឆ្លងរីករាលដាលព្រោះវាឆ្លងលឿនជាងជំងឺអឹមផកចាស់តែអត្រាស្លាប់មានត្រឹម៣%ប៉ុណ្ណោះ។

លោកវេជ្ជបណ្ឌិតបានបញ្ជាក់ថា យ៉ាងណាក៏ដោយប្រទេសកម្ពុជាត្រូវបានអង្គការសុខភាពពិភពលោកទទួលស្គាល់ថា ជាប្រទេសមានប្រព័ន្ធតាមដានរកឃើញរហ័ស និងទាន់ពេលវេលាដូចជាជំនាន់កូវីដ១៩កើតឡើងដំបូងបន្ទាប់ពីមានការផ្ទុះនៅប្រទេសចិនហើយបានទប់ស្កាត់បានទាន់ពេលវេលារហូតដល់ជាង១ឆ្នាំទើបបានមានឆ្លងតាមសហគមន៍។

លោកវេជ្ជបណ្ឌិតបានប្តេជ្ញាថា «យើងនឹងខិតខំធ្វើឱ្យបានល្អដូចជំនាន់ការរាតត្បាតជំងឺកូវីដអីចឹងដែរ»។ លោកវេជ្ជបណ្ឌិតបានពន្យល់ថា ចំពោះការរោគសញ្ញា និងការព្យាបាលជំងឺអឹមផកប្រភេទថ្មីនេះដូចទៅនឹងជំងឺអឹមផកប្រភេទចាស់ដែរទេដូចជាមានចេញកន្ទួលរមាស់ជាមួយពងទឹកនៅលើមុខ បាតដៃជើង ដងខ្លួន ភ្នែក មាត់ ឬប្រដាប់ភេទ គ្រុនក្តៅ ហើមកូនកណ្តុរ ឈឺក្បាលឈឺសាច់ដុំ និងឈឺចង្កេះ និងអស់កម្លាំង។

លោកវេជ្ជបណ្ឌិតបានណែនាំឱ្យប្រជាពលរដ្ឋមិនត្រូវប៉ះពាល់ដោយផ្ទាល់នឹងកន្លែងមានដំបៅ ទឹកសារពាង្គកាយ ទឹកមាត់
តំណក់តូចៗ តាមផ្លូវដង្ហើម និងសម្ភារប្រើប្រាស់ដែលប្រឡាក់ប្រឡូសជាមួយនឹងវីរុសរួមមាន សម្លៀកបំពាក់ ពូក
កន្សែង ឬសម្ភារ ស្លាបព្រាបាន កែវទឹក។ល។ជាមួយគ្នានេះដែរ វីរុសនេះឆ្លងពីម្តាយទៅកូនតាមរយៈទងសុកក្នុងអំឡុងពេលឬក្រោយពេលសម្រាលការប៉ះផ្ទាល់បើស្ត្រីមានផ្ទៃពោះឬឪពុកម្តាយមានជំងឺអឹមផក។ ត្រូវប្រើប្រាស់ស្រោមអនាម័យរាល់ពេលរួមភេទ និងចៀសវាងមានដៃគូរួមភេទច្រើន។ ចៀសវាងប៉ះពាល់ផ្ទាល់ជាមួយអ្នកដែលមានចេញរោគសញ្ញា
ជំងឺអឹមផក សម្លៀកបំពាក់ កម្រាលពូកខ្នើយ ឬកន្សែងពោះគោ ឬ ចាន ស្លាបព្រា ឬពែង ឬផ្ទៃនៃទីតាំងដែលអ្នកមានជំងឺអឹមផកប្រើប្រាស់និងតំណក់ទឹកចេញពីផ្លូវដង្ហើម ឬសារធាតុរាវតាមមាត់របស់អ្នកជំងឺអឹមផកនិងអនុវត្តអនាម័យដៃដោយលាងសម្អាតដៃជាមួយទឹកនិងសាប៊ូ ឬដែល លាងដៃ ឬអាល់កុលលាងដៃ។

លោកបានអំពាវនាវដល់ប្រជាពលរដ្ឋបើមានប្រវត្តិប៉ះពាល់ជាមួយអ្នកជំងឺអឹមផកត្រូវទៅពិគ្រោះយោបល់ជាមួយមណ្ឌលសុខភាព ឬមន្ទីរពេទ្យ ដើម្បីធ្វើការពិនិត្យពិគ្រោះឬធ្វើតេស្តរកជំងឺអឹមផក ឬទូរស័ព្ទមកកាន់លេខ១១៥ដើម្បីទទួលបានការណែនាំនិងពិគ្រោះយោបល់៕

អត្ថបទ៖ សំអឿន

The post កម្ពុជាពង្រឹងវិធានចត្តាឡីស័កតាមព្រំដែនផ្លូវគោក ទឹក និងអាកាស ដើម្បីទប់ស្កាត់ការឆ្លងរាលដាលជំងឺអឹមផកប្រភេទថ្មី appeared first on Kampuchea Thmey Daily.

លោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល បានឲ្យដឹងនៅក្នុងសេចក្តីប្រកាសព័ត៌មានចុះថ្ងៃទី ២១ មេសានេះថា យោងចំណារឯកភាពដ៏ខ្ពង់ខ្ពស់ របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ចុះថ្ងៃទី ២០ ខែមេសា ឆ្នាំ ២០២២ លើលិខិតចុះថ្ងៃទី ១៩ ខែមេសា ឆ្នាំ២០​២២ របស់គណៈប្រចាំការ នៃគណៈកម្មការជាតិប្រយុទ្ធនឹងជំងឺកូវីដ-១៩ (គ.ប.ក.) គណៈកម្មការអន្តរក្រសួង ដើម្បីប្រយុទ្ធនឹងជំងឺកូវីដ-១៩ នឹងធ្វើការកែសម្រួលលក្ខខណ្ឌធ្វើចត្តា ឡីស័ក ចំពោះអ្នកដំណើរមកពីបរទេស ដែលមិនបានចាក់វ៉ាក់សាំង ឬមិនទាន់បានចាក់វ៉ាក់សាំងពេញលេញពីរយៈពេល ១៤ថ្ងៃ មកនៅត្រឹមរយៈពេល ៧ថ្ងៃ។

នៅក្នុងសេចក្ដីប្រកាសដដែល ក៏បានកែសម្រួលលក្ខខណ្ឌធ្វើតេស្ត ចំពោះអ្នកធ្វើតេស្តអ្នកធ្វើចត្តាឡីស័ក។ ក្នុងនោះ អ្នកដំណើរមកពីបរទេសចូលតាមផ្លូវអាកាស ត្រូវធ្វើតេសួរហ័សនៅថ្ងៃទី ៧ ដើម្បីបញ្ចប់ការធ្វើចត្តាឡីស័ក និងអ្នកដំណើរមកពីបរទេសតាមព្រំដែនគោក ត្រូវធ្វើតេស្តចំនួនពីរលើក ដែលលើកទី ១ នៅថ្ងៃទី ១ មុនពេលចូលមណ្ឌលចត្តាឡីស័ក និងលើកទី ២ នៅថ្ងៃទី ៧ ដើម្បីបញ្ចប់ការធ្វើចត្តាឡីស័ក។

លោករដ្ឋមន្ត្រី ក៏បានណែនាំដល់អាជ្ញាធរមានសមត្ថកិច្ចពាក់ព័ន្ធ ត្រូវបន្តរក្សាការចាក់វ៉ាក់សាំងកូវីដ-១៩ ដួសទី ១ ឬ ដួសទី ២ ចំពោះអ្នកដែលបានចាក់ដួសទី ១រួច ហើយមានលក្ខណៈសម្បត្តិគ្រប់គ្រាន់សម្រាប់ការចាក់ដួសទី ២ តាម របបចាក់វ៉ាក់សាំងដូច ដែលបានអនុវត្តរហូតមកដល់ពេលនេះជូនប្រជាពលរដ្ឋ និងពលករកម្ពុជា នៅថ្ងៃដែលត្រូវ បានអនុញ្ញាតឲ្យចាកចេញពីមណ្ឌលចត្តាឡីស័ក៕

អត្ថបទ៖ សំអឿន

The post កម្ពុជាកាត់បន្ថយរយៈពេលធ្វើចត្តាឡីស័ក សម្រាប់អ្នកដំណើរមកពីបរទេស ដែលមិនទាន់ចាក់វ៉ាក់សាំង appeared first on Kampuchea Thmey Daily.

លោក Marisa Fotieo មកពីទីក្រុង Chicago សហរដ្ឋអាមេរិក ត្រូវស្នាក់នៅក្នុងបង្គន់ដ៏តូចចង្អៀត បន្ទាប់ពីនាងបានធ្វើតេស្តរហ័ស តាមផ្លូវទៅកាន់ប្រទេសអ៊ីស្លង់។

នាង​​និយាយ​ថា ​នាង​បានចេញរោគសញ្ញាឈឺបំពង់.ក ​ខណៈ​ពេល​ធ្វើ​ដំណើរ​ឆ្លង​កាត់​មហាសមុទ្រ​អាត្លង់ទិក។

គ្រូបង្រៀនរូបនេះ បានជូនដំណឹងភ្លាមៗទៅកាន់អ្នកបម្រើលើយន្តហោះ ប៉ុន្តែមិនមានកៅអីទំនេរគ្រប់គ្រាន់សម្រាប់នាង ដើម្បីដាក់ឲ្យនៅដាពីគេដោយសុវត្ថិភាពនៅលើយន្តហោះទេ។

បន្ទាប់មក Marisa បានស្នើសុំស្នាក់នៅក្នុងបន្ទប់ទឹក ដើម្បីការពារអ្នកដំណើរផ្សេងទៀត។ នាង​​និយាយ​ថា “​ខ្ញុំ​មិន​ជឿ​ថា​ ​ខ្ញុំត្រូវ​ចំណាយ​ពេល​បួន​ម៉ោង​នៅក្នុង​បន្ទប់ទឹក​នោះ​ទេ ប៉ុន្តែ​អ្នក​ត្រូវ​តែ​ធ្វើ​អ្វី​ដែល​អ្នក​ត្រូវ​ធ្វើ”។

Marisa បាន​ថត​វីដេអូ​ខ្លួន​ឯង​នៅ​ក្នុង​បន្ទប់​ទឹក ហើយ​ចែក​រំលែក​លើ Tik Tok ដែល​ទទួល​បាន​ការ​ចូល​មើល​ជាង ៤ លាន​ដង។

បច្ចុប្បន្ន អ្នកទេសចររូបនេះកំពុងដាក់ឲ្យនៅដាច់ពីគេក្នុងប្រទេសអ៊ីស្លង់រយៈពេល ១០ ថ្ងៃ ខណៈឪពុក និងបងប្រុសរបស់នាងដែលជិះលើយន្តហោះនោះផងដែរ បានបន្តដំណើរទៅកាន់ប្រទេសស្វីស បន្ទាប់ពីធ្វើតេស្តអវិជ្ជមាន៕

ប្រែសម្រួល៖ Vann Vann

ប្រភព៖ Daily Star

ចុចអាន៖ ក្រោយរកឃើញ Omicron ច្រើនឡើងៗ ថៃ ពិចារណាដាក់ភ្ញៀវទេសចរ បរទេសធ្វើចត្តាឡីស័កជាថ្មី

The post អ្នកដំណើរតេស្តវិជ្ជមានកូវីដ បង្ខំចិត្តធ្វើចត្តាឡីស័កក្នុងបន្ទប់ទឹកយន្តហោះ នៅពាក់កណ្តាលផ្លូវ appeared first on Kampuchea Thmey Daily.

តាមរយៈសេចក្តីណែនាំចុះថ្ងៃទី២៦ ខែតុលានេះ លោករដ្ឋមន្ត្រីបានបន្តថា គណៈកម្មការអន្តរក្រសួងដើម្បីប្រយុទ្ធនឹងជំងឺ កូវីដ-១៩ សូមធ្វើការលើកលែងកាតព្វកិច្ចធ្វើចត្តាឡីស័កចំពោះអ្នកជំងឺកូដ-១៥ ដែលបានបញ្ចប់ការព្យាបាល ដូចខាងក្រោម៖

១. អ្នកជំងឺកូវីដ-១៩ ដែលបានបញ្ចប់ការព្យាបាលនៅតាមមន្ទីរពេទ្យ ឬមណ្ឌលព្យាបាលជំងឺកូវីដ-១៩ ពុំតម្រូវឲ្យធ្វើចត្តាឡីស័ក រយៈពេល ១៤ថ្ងៃ ទៀតទេ។

២. អ្នកជំងឺកូវីដ-១៩ សម្រាកថែទាំ និងព្យាបាលនៅតាមផ្ទះ ត្រូវបានអនុញ្ញាតឱ្យបញ្ចប់ការព្យាបាលទៅតាមលក្ខខណ្ឌខាងក្រោម៖

ក. ក្នុងករណីអ្នកជំងឺកូវីដ-១៩ ពុំបានចាក់វ៉ាក់សាំងកូវីដ-១៩ ឬដូសមូលដ្ឋាន បានពេញលេញ អនុញ្ញាត បញ្ចប់ការព្យាបាលនៅថ្ងៃទី១៤ ប្រសិនបើពុំមានរោគសញ្ញាជំងឺកូវីដ-១៩ រយៈពេល ៣ថ្ងៃចុងក្រោយបន្តបន្ទាប់គ្នាថ្ងៃទី១១ ១២ និងថ្ងៃទី១៣ នឹងមិនតម្រូវឱ្យធ្វើចត្តាឡីស័ក រយៈពេល ១៤ថ្ងៃ ទៀតទេ។

ខ. ករណីអ្នកជំងឺកូវីដ-១៩ បានចាក់វាក់សាំងកូវីដ-១៩ ដួសមូលដ្ឋាន បានពេញលេញ ហើយចាប់ពីថ្ងៃទី៦ទៅ ពុំមានរោគសញ្ញាជំងឺកូវីដ-១៩ រយៈពេល ៣ថ្ងៃ បន្តបន្ទាប់គ្នា ថ្ងៃទី៦ ៧ និងថ្ងៃទី៨ ត្រូវធ្វើតេស្តហ័សរអង់ទីហ្សែនកូវីដ-១៩ ដោយខ្លួនឯង នៅថ្ងៃទី៩។ ប្រសិនបើទទួលបានលទ្ធផលតេស្តកូដ-១៩ អវិជ្ជមានអនុញ្ញាតឱ្យបញ្ឈប់ការព្យាបាល និងពុំតម្រូវឱ្យធ្វើចត្តាឡីស័ករយៈពេល ១៤ថៃ្ង ទៀតទេ។

លោករដ្ឋមន្ត្រីបានបន្ថែមថា ប្រសិនបើលទ្ធផលតេស្តកូវីដ-១៩ វិជ្ជមាន ត្រូវធ្វើតេស្តរហ័សរកអង់ទីហ្សែនកូរវីដ-១៩ ដោយខ្លួនឯងឡើងវិញនៅ ២ថ្ងៃបន្ទាប់ គឺថ្ងៃទី១១ ហើយអនុញ្ញាតឱ្យបញ្ចប់ការព្យាបាល ប្រសិនបើទទួលបានលទ្ធផលតេស្តកូវីដ-១៩ អវិជ្ជមាន និងពុំតម្រូវឱ្យធ្វើចគ្នាឡឺស័ក រយៈពេល ១៤ថ្ងៃ ទៀតទេ។

ក្នុងករណីពុំមានលទ្ធភាពធ្វើតេស្តរសរកអង់ទីហ្សែនកូវីដ-១៩ ដោយខ្លួនឯង នៅថ្ងៃទី៩ អនុញ្ញាត បញ្ចប់ការព្យាបាលនៅថ្ងៃទី១២ ប្រសិនបើពុំមានរោគសញ្ញាជំងឺកូដ-១៩ ចាប់ពីថ្ងៃទី៩ទៅ រយៈពេល ៣ថ្ងៃ បន្តបន្ទាប់គ្នា (ថ្ងៃទី៩ ១០ និង១១) និងពុំតម្រូវឱ្យធ្វើចតាឡីស័ក រយៈពេល ១៤ថ្ងៃទៀតទេ។

លោករដ្ឋមន្ត្រីបានបញ្ជាក់ថា អ្នកជំងឺកូវីដ‑ ១៩ ដែលត្រូវបានអនុញ្ញាតឱ្យបញ្ចប់ការព្យាបាល ទោះបីត្រូវបានលើកលែងកាតព្វកិច្ចចត្តាឡីស័ក ប៉ុន្តែត្រូវតែបន្តអនុវត្តវិធានការសុខាភិបាលជាធរមាន ដោយចូលរួមអនុវត្តឱ្យបាននូវវិធានការ ៣កុំ ៣ការពារ ឱ្យបានខ្ជាប់ខ្លួន៕

អត្ថបទ៖ សំអឿន

The post ក្រសួងសុខាភិបាល ឈប់ឱ្យអ្នកជំងឺកូដ-១៩ចប់ការព្យាបាល ធ្វើចត្តាឡីស័កទៀត appeared first on Kampuchea Thmey Daily.

ការប្រកាសនេះ ត្រូវបានធ្វើឡើងកាលពីថ្ងៃព្រហស្បតិ៍ទី ២១ ខែតុលា ដោយលោកនាយករដ្ឋមន្ត្រី ប្រាយុទ្ធ ចាន់អូចា នៅលើទំព័រ Facebook របស់លោក។

លោក ប្រាយុទ្ធ និយាយថា “យើងត្រូវការចលនាលឿនជាងមុន ហើយធ្វើវាឥឡូវនេះ ព្រោះបើរង់ចាំអ្វីៗគ្រប់យ៉ាងល្អឥតខ្ចោះ នោះយើងអាចយឺតពេល។ លើសពីនេះ ភ្ញៀវទេសចរអាចសម្រេចចិត្តធ្វើដំណើរទៅប្រទេសផ្សេងជំនួសវិញ”។

ដំបូងឡើយ ប្រទេសថៃមានគម្រោងអនុញ្ញាតឲ្យអ្នកដំណើរតាមយន្តហោះមកពីប្រទេស មានហានិភ័យទាបប្រហែល ១០ រួមទាំងសិង្ហបុរី ចិននិងសហរដ្ឋអាមេរិកផងដែរ ចូលដោយមិនចាំបាច់ធ្វើចត្តាឡីស័ក ប្រសិនបើពួកគេទទួលបានវ៉ាក់សាំងពេញលេញ ប្រឆាំងនឹងកូវីដ-១៩ ហើយត្រូវធ្វើតេស្តអវិជ្ជមានចំពោះវីរុសនេះ មុននិងក្រោយការហោះហើររបស់ពួកគេ។

យោងតាមក្រសួងការបរទេសថៃ បានឲ្យដឹងថា សម្រាប់លក្ខខណ្ឌ អ្នកដំណើរត្រូវតែជាអ្នកស្នាក់នៅក្នុងប្រទេសនិងដែនដីដែលមានសិទ្ធិ យ៉ាងហោចណាស់២១ថ្ងៃជាប់ៗគ្នា ហើយនឹងត្រូវធ្វើតេស្តម៉ាស៊ីនធំ RT-PCR ក្នុងរយៈពេល ៧២ ម៉ោងនៃការធ្វើដំណើរទៅកាន់ប្រទេសថៃ។

នៅពេលទៅដល់ប្រទេសថៃ ពួកគេក៏ត្រូវធ្វើតេស្តម៉ាស៊ីន RT-PCR ផងដែរ ហើយរង់ចាំលទ្ធផលនៅសណ្ឋាគារដែលបានកក់ មួយយប់ឬរហូតដល់ពួកគេទទួលបានលទ្ធផលតេស្តអវិជ្ជមាន។ ការធានារ៉ាប់រងផ្នែកវេជ្ជសាស្រ្ត មានទំហំអប្បបរមា ៥០,០០០ ដុល្លារអាមេរិកក៏ជាកាតព្វកិច្ចផងដែរ។

គួរបញ្ជាក់ថា ប្រទេសទាំង៤៥ ដែលថៃអនុញ្ញាតមានដូចជា កម្ពុជា អូស្ត្រាលី អូទ្រីស បារ៉ែន បែលហ្ស៊ិក ប៊ូតង់ ព្រុយណេ ប៊ុលហ្គារី កាណាដា ឈីលី ចិន ស៊ីប សាធារណរដ្ឋ​ឆែក ដាណឺម៉ាក អេស្តូនី ហ្វាំងឡង់ បារាំង អាល្លឺម៉ង់ ក្រិក ហុងគ្រី អ៊ីស្លង់ អៀរឡង់ អ៊ីស្រាអែល អ៊ីតាលី ជប៉ុន ឡាតវី លីទុយអានី ម៉ាឡេស៊ី ម៉ាល់តា ហូឡង់ នូវែលសេឡង់ ន័រវែស ​ប៉ូឡូញ ព័រទុយហ្គាល់ កាតា អារ៉ាប៊ីសាអ៊ូឌីត សិង្ហបុរី ស្លូវេនី កូរ៉េខាងត្បូង អេស្ប៉ាញ ស៊ុយអែត ស្វីស អារ៉ាប់រួម ចក្រភពអង់គ្លេស និងសហរដ្ឋអាមេរិក។ ចំណែកដែនដីមួយទៀតដែលត្រូវរាប់បញ្ចូលបន្ថែមលើប្រទេសទាំង៤៥នេះ គឺ ហុងកុង៕

ប្រែសម្រួល៖ Vann Vann

ប្រភព៖ CNA

ចុចអាន៖ លក្ខខណ្ឌ ៧ ចំណុច ចូលដល់ ថៃ មិនបាច់ធ្វើចត្តាឡីស័ក

The post ទេសចរខ្មែរ ទៅ ថៃ មិនចាំបាច់ធ្វើចត្តាឡីស័កទេ បើបំពេញតាមលក្ខខណ្ឌទាំងនេះ appeared first on Kampuchea Thmey Daily.

លោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល បានឲ្យដឹងក្នុងសេចក្ដីជូនដំណឹង ស្ដីពីលក្ខខណ្ឌធ្វើដំណើរកា អនុវត្តវិធានសុខាភិបាល និងការចត្តាឡីស័កនៅកម្ពុជា សម្រាប់អ្នកដំណើរចូលមកកម្ពុជា ស្របតាមគន្លងប្រក្រតីភាពថ្មី ចុះកាលពីយប់ថ្ងៃទី១៦ ខែតុលាថា រាជរដ្ឋាភិបាលកម្ពុជា សម្រេចបើកប្រទេសកម្ពុជាឡើងវិញជាបណ្តើរៗ និងតាមដំណាក់កាលជាមួយនឹងភាពប្រយ័ត្នប្រយែង និងការទទួលខុសត្រូវខ្ពស់ តាមគន្លងប្រក្រតីភាពថ្មី ដោយមានការសម្រួលរបប នៃការធ្វើចត្តាឡីស័ក សម្រាប់អ្នកដំណើរមកកម្ពុជា តាមគ្រប់ច្រកចូល ដែលទទួលបានការចាក់វ៉ាក់សាំងដូស មូលដ្ឋានបានពេញលេញ។

លោករដ្ឋមន្ត្រីបានបន្តថា ក្នុងនោះត្រូវអនុវត្តរបបពិសេស ទៅតាមការសម្រេចរបស់រាជរដ្ឋាភិបាល លើករណីនីមួយៗ ចំពោះភ្ញៀវផ្លូវការរបស់រាជរដ្ឋាភិបាល និងមន្ត្រីថ្នាក់ដឹកនាំជាន់ខ្ពស់ របស់រាជរដ្ឋាភិបាល ដែលត្រលប់ពីបំពេញបេសកកម្មនៅក្រៅប្រទេស ត្រូវអនុវត្តរបបចត្តាឡីស័កចំនួន ៣ថ្ងៃ ចំពោះវិនិយោគិន បុគ្គលិកជំនាញបច្ចេកទេសទាំងជនជាតិខ្មែរ និងបរទេស មន្ត្រីការទូត មន្ត្រីអនុវត្តគម្រោងសហប្រតិបត្តិការផ្លូវការ និងមន្ត្រីរាជការរបស់រាជរដ្ឋាភិបាល ដែលត្រលប់មកពីបំពេញបេសកកម្មនៅក្រៅប្រទេស (ដោយរួមបញ្ចូលក្រុមគ្រួសាររបស់ក្រុម អាទិភាពនេះផង)។

ត្រូវអនុវត្តរបបចត្តាឡីស័កចំនួន ៧ថ្ងៃ ចំពោះអ្នកដំណើរទូទៅ ដែលជាជនជាតិខ្មែរ ឬជនបរទេស និងដោយឡែក ត្រូវអនុវត្តរបបចត្តាឡីស័កចំនួន ១៤ថ្ងៃ ចំពោះអ្នកដំណើរគ្រប់ប្រភេទដែលមិនបានចាក់វ៉ាក់សាំងកូវដ-១៩ ឬមិនទាន់បានចាក់វ៉ាក់សាំងដូស មូលដ្ឋានបានពេញលេញ។ លោករដ្ឋមន្ត្រីបានបន្តទៀតថា អ្នកដំណើរជាមន្ត្រីរាជការ ដែលត្រលប់ពីបំពេញបេសកកម្មផ្លូវការ នៅក្រៅប្រទេសនិងក្រុមគ្រួសារ។

មុនពេលធ្វើដំណើរមកដល់កម្ពុជា អ្នកដំណើរត្រូវត្រៀមឲ្យរួចរាល់នូវឯកសារ ដូចជា លិខិតបេស​កកម្មផ្លូវការចេញដោយក្រសួង ឬស្ថាប័ន វិញ្ញាបនបត្របញ្ជាក់ថា គ្មានជំងឺកូវីដ-១៩ ក្នុងរយៈពេល ៧២ម៉ោង មុនពេលមកដល់កម្ពុជា ទទួលស្គាល់ដោយអាជ្ញាធរសុខាភិបាល នៃប្រទេសដែលមន្ត្រីបំពេញបេសកកម្ម បណ្ណ ឬវិញ្ញាបនបត្រចាក់វ៉ាក់សាំងកូវីដ-១៩ ដែលបញ្ជាក់ពីការចាក់វ៉ាក់សាំងពេញលេញ ប្រភេទ

វ៉ាក់សាំង និងកាលបរិច្ឆេទនៃការចាក់វ៉ាក់សាំង + ឯកសារបញ្ជាក់ការកក់សណ្ឋាគារ ក្នុងករណីអ្នកដំណើរចង់ធ្វើចត្តាឡីស័កសណ្ឋាគារ ដែលទទួលសេវាកក់តាមអនឡាញ។ ពេលមកដល់ច្រកទ្វារចេញ-ចូលប្រទេសកម្ពុជា អ្នកដំណើរត្រូវបង្ហាញគ្រប់ឯកសារពាក់ព័ន្ធខាងលើ ត្រូវសហការផ្តល់សំណាក សម្រាប់ធ្វើតេស្តដោយម៉ាស៊ីន PCR នៅទីតាំងច្រកចូលប្រទេសកម្ពុជា។

បន្ទាប់ពីទទួលបានការត្រួតពិនិត្យឯកសារតម្រូវដូចខាងលើ អ្នកដំណើរនឹងត្រូវបានពិនិត្យសុខភាព និង យកសំណាកដោយមន្ត្រីសុខាភិបាល មុននឹងត្រូវបញ្ចូនទៅសណ្ឋាគារឬទីតាំងដែលកំណត់ដោយក្រសួង សុខាភិបាល ដើម្បីធ្វើចត្តាឡីស័ក។ ក្នុងករណីអ្នកដំណើរគ្មានលទ្ធភាពបង់ថ្លៃសេវាចត្តាឡីស័កនៅសណ្ឋាគារ អ្នកដំណើរត្រូវទៅធ្វើចត្តាឡីស័កនៅតាមទីតាំង និងគោរពតាមលក្ខខណ្ឌ ដែលកំណត់ដោយក្រសួងសុខាភិបាល ហើយរាល់ចំណាយត្រូវធានាដោយថវិការដ្ឋ។

ក្នុងករណីអ្នកដំណើរ មានលទ្ធភាពបង់ថ្លៃសេវាចត្តាឡីស័ក នៅសណ្ឋាគារដោយខ្លួនឯង មន្ត្រីសម្របសម្រួលនៅច្រកចូលប្រទេសកម្ពុជា នឹងរៀបចំឲ្យអ្នកដំណើរបានទៅធ្វើចត្តាឡីស័កនៅសណ្ឋាគារ បន្ទាប់ពីបានយកសំណាករួចរាល់។ ក្រោយពេលទៅដល់ទីតាំងចត្តាឡីស័កនៅសណ្ឋាគារ ឬទីតាំងដែលកំណត់ដោយក្រសួងអ្នកដំណើរ នឹងត្រូវរង់ចាំលទ្ធផលតេស្តសុខាភិបាល។ ក្នុងករណីលទ្ធផលតេស្តម៉ាស៊ីន (PCR បញ្ជាក់ថា វិជ្ជមានកូវីដ-១៩អ្នកដំណើរនឹងត្រូវបញ្ចូនទៅ ព្យាបាលនៅតាមមណ្ឌលព្យាបាល។ក្នុងករណីលទ្ធផលតេស្តម៉ាស៊ីន PCR បញ្ជាក់ថា អវិជ្ជមានកូវីដ-១៩ អ្នកដំណើរនឹងត្រូវបញ្ចប់ការធ្វើចត្តាឡីស័កនៅថ្ងៃទី៣។

លោករដ្ឋមន្ត្រីបានបញ្ជាក់ថា ក្នុងករណីគេហដ្ឋានរបស់មន្ត្រីរាជការខាងលើ មានភាពសមស្របដល់ការធ្វើចត្តាឡីស័ក ស្របតាមវិធានការចត្តាឡីស័កនៅផ្ទះ អ្នកដំណើរជាមន្ត្រីរាជការអាចស្នើសុំមកអនុគណៈកម្មការគ្រប់គ្រង ច្រកទ្វាចេញ-ចូលប្រទេស និងការធ្វើចត្តាឡីស័ក (អនុគណៈកម្មការទី២) យ៉ាងតិច ៣ ថ្ងៃនៃថ្ងៃធ្វើការ មុន ពេលមកដល់កម្ពុជា ដើម្បីធ្វើចត្តាឡីស័កនៅផ្ទះ។ ក្រោយពីពិវិត្យលើការស្នើសុំ អនុគណៈកម្មការទី២អាចបដិសេធ ឬឯកភាពអនុញ្ញាតដោយភ្ជាប់នូវលក្ខខណ្ឌ និងវិធានសុខាភិបាល សម្រាប់អ្នកដំណើរអនុវត្ត ដោយការទទួលខុសត្រូវខ្ពស់ ចំពោះមុខច្បាប់នៃព្រះរាជាណាចក្រកម្ពុជាជាធរមាន។

លោករដ្ឋមន្ត្រីបានបន្តទៀតថា ចំពោះមន្ត្រីការទូតបរទេស និងមន្ត្រីអនុវត្តគម្រោងសហប្រតិបត្តិការផ្លូវការ និងក្រុមគ្រួសារដែលកាន់ទិដ្ឋាការការទូត (Visa A) និងទិដ្ឋាការផ្លូវការ (Vina B) និងក្រុមគ្រួសារត្រូវអនុវត្តវិធានការចត្តាឡីស័កចំនួន ៣ថ្ងៃក្នុងករណីបានចាក់វ៉ាក់សាំងពេញលេញ ឬ ១៤ថ្ងៃ ក្នុងករណីមិនបានចាក់វ៉ាក់សាំង ឬចាក់វ៉ាក់សាំងមិនទាន់ពេញលេញ។

ជាមួយគ្នានេះដែរត្រូវមានបណ្ណ ឬវិញ្ញាបនបត្រចាក់វ៉ាក់សាំងកូវីដ-១៩ ដែលបញ្ជាក់ពីការចាក់វ៉ាក់សាំងពេញលេញប្រភេទវ៉ាក់សាំង និងកាលបរិច្ឆេទនៃការចាក់វ៉ាក់សាំង ត្រូវមានវិញ្ញាបនបត្របញ្ជាក់​ថាគ្មានជំងឺកូវីដ-១៩ ក្នុងរយៈពេល ៧២ម៉ោង មុនពេលមកដល់កម្ពុជា ទទួលស្គាល់ដោយអាជ្ញាធរសុខាភិបាលនៃប្រទេសសាមី។

មន្ត្រីទាំងនោះអាចស្នាក់នៅនីវេសនដ្ឋានរបស់ស្ថានទូត ឬគេហដ្ឋានដាច់​ដោ​យឡែកឬសណ្ឋាគារដែលអាច ទទួលកក់បាន ដើម្បីធ្វើចត្តាឡីស័ក ៣ថ្ងៃ ឬ ១៤ថ្ងៃ ពេញលេញ និង ស្ថិតក្រោមការត្រួតពិនិត្យរបស់ស្ថានទូត អង្គការអន្តរជាតិសាមី និងមន្ត្រីសុខាភិបាល ដោយចំណាយ ទាំងអស់ជាបន្ទុករបស់សាមីខ្លួនផ្ទាល់។ ក្នុងអំឡុងពេលធ្វើចគ្នាឡឺស័កមិនត្រូវបានអនុញ្ញាតឱ្យជួបភ្ញៀវ ឬចាកចេញ ពីទីតាំង ឬបន្ទប់ចត្តាឡីស័កឡើយ ហើយត្រូវអនុវត្តឱ្យបានខ្ជាប់ខ្ជួននូវវិធានសុខាភិបាលនានា ដែល បានដាក់ចេញដោយក្រសួងសុខាភិបាល។

ត្រូវធ្វើតេស្តទាំងអស់ ពេលមកដល់កម្ពុជា ហើយសំណាកត្រូវយកនៅទីតាំងពិសេសក្នុងស្ថានីយមកដល់របស់អ្នកដំណើរតែម្តង។ ក្នុងករណីមានការរកឃើញវីរុសកូវីដ-១៩ វិជ្ជមាន បញ្ជាក់ដោយមន្ទីរពិសោធន៍ អ្នកជំងឺត្រូវបញ្ជូនទៅ កាន់ទីតាំងព្យាបាលដែលស្ថានទូត ឬអង្គការអន្តរជាតិសំណូមពរ ហើយដែលក្រសួងសុខាភិបាល ឯកភាព ដើម្បីធ្វើការព្យាបាល។ រាល់ការ សម្រាកព្យាបាលជាបន្ទុករបស់មន្ត្រីការទូត ឬស្ថានទូត និង អង្គការអន្តរជាតិផ្ទាល់។

រីឯអ្នកដំណើរបរទេសដែលជាវិនិយោគិន បុគ្គលិកជំនាញបច្ចេកទេស និងក្រុមគ្រួសារ ដែលមានការធានា ឬការអញ្ជើញអ្នកស្នើសុំដែលជាអ្នកធានា គឺជាអ្នកទទួលខុសត្រូវទាំងស្រុងលើចំណាយទាំងអស់ពាក់ព័ន្ធនឹងការធ្វើចត្តាឡីស័ក និងការព្យាបាល ក្នុងករណីដែល អ្នកដំណើរមានការឆ្លងជំងឺកូវីដ-១៩ ក្នុងអំឡុងពេលធ្វើចត្តាឡីស័កនិងស្នាក់នៅកម្ពុជា។ ត្រូវអនុវត្តវិធានការចត្តាឡីស័កចំនួន ៣ថ្ងៃ ក្នុងករណីបានចាក់វ៉ាក់សាំងពេញលេញ ឬ ១៤ថ្ងៃ ក្នុងករណីមិនបានចាក់វ៉ាក់សាំង ឬចាក់វ៉ាក់សាំងមិនទាន់ពេញលេញ។  

ក្នុងករណីអ្នកដំណើរជាបុគ្គលិកក្រុមហ៊ុន អ្នកធានា ឬអ្នកអញ្ជើញត្រូវធ្វើការស្នើសុំបណ្ណការងាររបស់ក្រសួងការងារ និងបណ្តុះបណ្តាលវិជ្ជាជីវៈ មុនការស្នើសុំលិខិតបញ្ជាក់លើការធានា ឬលិខិតបញ្ជាក់លើការអញ្ជើញ។ ពេលមកដល់ច្រកទ្វារចេញ-ចូលប្រទេសកម្ពុជា អ្នកដំណើរបរទេស ត្រូវបង្ហាញឯកសារហើយ អាជ្ញាធរមានសមត្ថកិច្ច និងស្កេន QR Code លើលិខិតបញ្ជាក់លើឯកសារឬលិខិតបញ្ជាក់លើការ អញ្ជើញរបស់អ្នកដំណើរ ដើម្បីធានាភាពពិតប្រាកដនៃឯកសារនេះ។បន្ទាប់ពីបានបំពេញក្របលក្ខខ័ណ្ឌរួចអ្នកដំណើរត្រូវបានពិនិត្យ សុខភាព និងយកសំណាកដោយមន្ត្រីសុខាភិបាល មុខនឹងត្រូវបញ្ជូនទៅសណ្ឋាគារ ឬទីតាំងដែលកំណត់ ដោយក្រសួងសុខាភិបាល ដើម្បីធ្វើចត្តឡីស័ក។

ក្នុងករណីលទ្ធផលតេស្តលើកទី១ ដោយប្រើ Rapid Test(នៅពេលមកដល់កម្ពុជា) វិជ្ជមានកូវីដ-១៩ អ្នកដំណើរត្រូវបញ្ជួនទៅ តាមមណ្ឌលព្យាបាល។ប៉ុន្តែក្នុងករណីអវិជ្ជមានកូវីដ-១៩ អ្នកដំណើរត្រូវបន្តធ្វើ ចត្តាឡីស័ករយៈពេលចំនួន ៧ថ្ងៃ, ហើយអ្នកដំណើរត្រូវទទួលការយកសំណាកលើកទី២ ធ្វើតេស្តដោយម៉ាស៊ីន PCR នៅថ្ងៃទី៦។ ក្នុងករណីលទ្ធផលបញ្ជាក់ថា អវិជ្ជមានវី៨-១៩ ត្រូវបញ្ចប់ការធ្វើចត្តាឡីស័ក នៅថ្ងៃទី៧។

ក្នុងករណីគេហដ្ឋានរបស់របស់អ្នកដំណើរជាជនជាតិខ្មែរ មានភាពសមស្របដល់ការធ្វើចត្តាឡីស័ក ស្របតាមវិធានការចត្តាឡីស័កនៅផ្ទះអ្នកដំណើរអាចស្នើសុំមកអនុគណៈកម្មការគ្រប់គ្រងច្រកទ្វារចេញ ចូលប្រទេសនិងការធ្វើចត្តាឡីស័កយ៉ាងតិច ៣ ថ្ងៃនៃថ្ងៃធ្វើការ មុនពេលមកដល់ កម្ពុជា ដើម្បីធ្វើចត្តាឡីស័កនៅផ្ទះ។

ចំពោះអ្នកដំណើរទូទៅជាជនបរទេស សំដៅដល់អ្នកដំណើរទសទូទៅ  ដោយរាប់បញ្ចូលទាំងអ្នកទេសចរ និងវិនិយោហ៊ុន បុគ្គលិកជំនាញបច្ចេកទេស និងក្រុមគ្រួសារ ដែលមិនមានការធានា ឬការអញ្ជើញត្រូវមានវិញ្ញាបនបត្របញ្ជាក់ថាគ្មានជំងឺកូវីដ-១៩ ក្នុងរយៈពេល ៧២ ម៉ោង មុនពេលមកដល់កម្ពុជា ទទួល ស្គាល់ដោយអាជ្ញាធរសុខាភិបាលនៃប្រទេសសាមី ត្រូវមានបណ្ណ ឬវិញ្ញាបនបត្រចាក់វ៉ាក់សាំងកូវីដ-១៩ ដែលបញ្ជាក់ពីការចាក់វ៉ាក់សាំងពេញលេញប្រភេទវ៉ាក់សាំង និងកាលបរិច្ឆេទនៃការចាក់វ៉ាក់សាំង។

ក្នុងករណីលទ្ធផលតេស្តម៉ាស៊ីន-PCR បញ្ជាក់ជាវិជ្ជមានកូរីដ-១៩ អ្នកដំណើរនឹងត្រូវបញ្ជូនទៅ ព្យាបាលនៅតាមមណ្ឌលព្យាបាល។ ក្នុងករណីលទ្ធផលតេស្តម៉ាស៊ីន PCR បញ្ជាក់ថា អវិជ្ជមានកូវីដ-១៩ អ្នកដំណើរនឹងត្រូវបញ្ចប់ការធ្វើចត្តាឡីស័ក នៅថ្ងៃទី៣។ ករណីពិសេសចាំបាច់ដែលអ្នកដំណើរខាងលើមិនអាចធ្វើចត្តាឡីស័កពេញលេញ អ្នកធានា ឬអ្នកអញ្ជើញ ត្រូវដាក់លិខិតស្នើសុំទៅអនុគណៈកម្មការទី២ជាមុន ដើម្បីស្នើសុំគោលការណ៍ពិសេស សម្រាប់ការធ្វើចតាឡីស័ករយៈពេលខ្លី។

ចំណែកអ្នកដំណើរទូទៅជាជនជាតិខ្មែរ ឬជនបរទេសដែលកាន់លិខិតឆ្លងដែនខ្មែរ ឬកាន់លិខិត ឆ្លងដែនបរទេស ប៉ុន្តែមានទិដ្ឋាការប្រភេទ K ត្រូវមាន វិញ្ញាបនបត្របញ្ជាក់ថាគ្មានជំងឺកូវីដ-១៩ ក្នុងរយៈពេល ៧២ម៉ោង មុនពេលមកដល់កម្ពុជា ទទួលស្គាល់ដោយអាជ្ញាធរសុខាភិបាល នៃប្រទេសសាមី ត្រូវមានបណ្ណ ឬវិញ្ញាបនបត្រចាក់វ៉ាក់សាំងកូវីដ-១៩ ដែលបញ្ជាក់ពីការចាក់វ៉ាក់សាំងពេញលេញ ប្រភេទកសាំង និងកាលបរិច្ឆេទនៃការចាក់វ៉ាក់សាំង។

ក្នុងករណីអ្នកដំណើរបរទេសជាបុគ្គលិក ដែលត្រូវបម្រើការងារនៅក្រុមហ៊ុនមានមូលដ្ឋាននៅកម្ពុជា ហើយបណ្ណការងារអស់សុពលភាព ឬមិនទាន់មាន, អ្នកដំណើរបរទេសត្រូវធ្វើបណ្ណនៅក្រសួងការ ងារ និងបណ្តុះបណ្តាលវិជ្ជាជីវៈ។ អ្នកដំណើរត្រូវត្រៀមសាច់ប្រាក់ចំនួន ១ ០០០ដុល្លារអាមេរិក ដើម្បីតម្កល់ នៅច្រកចូលកម្ពុជាធ្វើចត្តាឡីស័កនៅពេលមកដល់កម្ពុជា។ + បណ្ណសន្យារ៉ាប់រងសុខភាពសម្រាប់ព្យាបាលជំងឺកូវីដ-១៩ ដែលជាការធានារ៉ាប់រងរួមគ្នា ដោយក្រុមហ៊ុនធានារ៉ាប់រងមួយចំនួន នៅកម្ពុជា។ ត្រូវទិញជាធានារ៉ាប់រងសុខភាពសម្រាប់ព្យាបាលជំងឺកូដ-១៩ ពីក្រុមហ៊ុនធានារ៉ាប់រងហ្វតតេ ដែលជាក្រុមហ៊ុនតំណាងឲ្យការធានារ៉ាប់រងរួមគ្នា។

ពេលមកដល់ច្រកទ្វារចេញ-ចូលប្រទេសកម្ពុជា អ្នកដំណើរបរទេស ត្រូវង្ហាញគ្រប់ឯកសារ និងអនុវត្តវិធានសុខាភិបាលខាងលើ ។បន្ទាប់ពីទទួលបានការត្រួតពិនិត្យឯកសា រតម្រូវដូចខាងលើ អ្នកដំណើរបរទេស នឹងត្រូវបានពិនិត្យសុខភាព និងយកសំណាកដោយមន្ត្រីសុខាភិបាល មុននឹងត្រូវបញ្ជូនទៅសណ្ឋាគារ ឬទីតាំងដែលកំណត់ដោយក្រសួងសុខាភិបាល ដើម្បីធ្វើចត្តាឡីស័ក ក្នុងរយៈពេល ៧ថ្ងៃ។

ក្រោយពេលទៅដល់ទីតាំងចត្តាឡីស័កនៅសណ្ឋាគារ ឬទីតាំងដែលកំណត់ដោយក្រសួងសុខាភិបាល ត្រូវធ្វើតេស្តលើកទី១ ដោយប្រើ Rapid Test (នៅពេលមកដល់កម្ពុជា)។ ក្នុងករណីលទ្ធផលតេស្តលើក១វិជ្ជមានត្រូវបញ្ជូនទៅព្យាបាលនៅតាមមណ្ឌលព្យាបាល។ ក្នុងករណីលទ្ធផលតេស្តលើកទី១អវិជ្ជមានកូវីដ-១៩.អ្នកដំណើរបរទេស ត្រូវបន្តធ្វើចតាឡីស័កយៈពេលចំនួន៧ថ្ងៃហើយអ្នកដំណើរបរទេសត្រូវទទួលការយកសំណាក លើកទី២ ដោយធ្វើតេស្តដោយម៉ាស៊ីន PCR នៅថ្ងៃទី៦។ ក្នុងករណីលទ្ធផលបញ្ជាក់ថា វិជ្ជមានកូវីជ ១៩ ត្រូវបញ្ចូនទៅព្យាបាល។ ក្នុងករណីលទ្ធផលបញ្ជាក់ អវិជ្ជមានកូវីដ-១៩ត្រូវញ្ចប់ការធ្វើ ចត្តាឡីស័កនៅថ្ងៃទី៧។

ចំពោះអ្នកដំណើគ្រប់ប្រភេទ ដែលមិនបានចាក់វ៉ាក់សាំងកូវីដ-១៩ ឬមិនទាន់ចាក់ វ៉ាក់សាំងបានពេញលេញការអនុវត្តលក្ខខណ្ឌធ្វើដំណើរ ត្រូវអនុវត្តដូចបានរៀបរាប់ខាងលើ ប៉ុន្តែ រយៈពេលនៃការធ្វើចត្តាឡីស័កគឺចំនួន ១៤ថ្ងៃ និងត្រូវមានឯកសារកក់សណ្ឋាគារសម្រាប់ការធ្វើចត្តាឡីស័ក នៅសណ្ឋាគារណាមួយ។ ក្នុងករណីពុំមាន ត្រូវត្រៀមសាច់ប្រាក់ចំនួន ២ ០០០ ដុល្លារអាមេរិក (សម្រាប់អ្នកដំណើរបរទេស) ដើម្បីតម្កល់នៅច្រកចូលកម្ពុជា សម្រាប់ធានាចំណាយ ទាំងអស់ពាក់ព័ន្ធនឹងការធ្វើចត្តាឡីស័ក ក្នុងអំឡុងពេលធ្វើចត្តាឡីស័រកនៅពេលមកដល់កម្ពុជា។

អ្នកដំណើរ ត្រូវសហការឲ្យមន្ត្រីសុខាភិបាលធ្វើការយកសំណាក ហើយក្រោយពេលទៅដល់ទីតាំង ចត្តាឡីស័កនៅសណ្ឋាគារ ឬទីតាំងដែលកំណត់ដោយក្រសួងសុខាភិបាល។ ប្រសិនបើវិជ្ជមានកូវីដ-១៩ ត្រូវបញ្ចូនទៅព្យាបាល។ ករណីអវិជ្ជមានកូវីដ-១៩ អ្នកដំណើរត្រូវបន្តធ្វើធ្វើចត្តាឡីស័ក ១៤ថ្ងៃ ហើយអ្នកដំណើរ ត្រូវទទួលការយកសំណាកលើកទី២ ដោយធ្វើ PCR នៅថ្ងៃទី១៣ នៃការធ្វើចត្តាឡីស័ក។ ក្នុងករណីលទ្ធផលបញ្ជាក់ថា វិជ្ជមាន តេស្តដោយម៉ាស៊ីនកូវីដ-១៩ ត្រូវបញ្ចូនទៅព្យាបាល។ ក្នុងករណីលទ្ធផលបញ្ជាក់ថា អវិជ្ជមានកូវីដ-១៩ ត្រូវបញ្ចប់ការធ្វើចត្តាឡីស័ក នៅថ្ងៃទី១៤។

លោករដ្ឋមន្ត្រីបានបញ្ជាក់ថា សេចក្ដីជូនដំណឹងនេះ នឹងអនុវត្តចាប់ពីថ្ងៃទី១៨ ខែតុលា ឆ្នាំ២០២១នេះ​តទៅ។ ចំពោះអ្នកដំណើរ ដែលមកដល់កម្ពុជា មុនថ្ងៃទី១៨ ខែតុលា ឆ្នាំ២០២១ និងកំពុងធ្វើចត្តាឆឡីស័ក ក៏អាចទទួលបានការសម្របសម្រួល ដូចគ្នាដែរ ក្នុងករណីទទួលបានការចាក់វ៉ាកសាំងកូវីដ-១៩ ពេញលេញ, មានឯកសារគ្រប់គ្រាន់ និងបំពេញ រាល់លក្ខខណ្ឌខាងលើ៕

អត្ថបទ៖ សំអឿន

The post កម្ពុជាកាត់បន្ថយការធ្វើចត្តាឡីស័ក មកត្រឹម ៣ថ្ងៃសម្រាប់វិនិយោគិន មន្រ្តីរាជការ និង ៧ថ្ងៃសម្រាប់អ្នកដំណើរទូទៅ appeared first on Kampuchea Thmey Daily.

សេចក្តីប្រកាសរបស់ក្រសួងសុខាភិបាលវៀតណាមបាននិយាយថា អ្នកចូលប្រទេស ជាមួយលិខិតត្រឹមត្រូវបង្ហាញថា ពួកគេបានចាក់វ៉ាក់សាំងពេញលេញ ដោយដូសចុងក្រោយនៅចន្លោះពី ១៤ ថ្ងៃទៅ ១២ ខែ មុនពេលមកដល់ និងលទ្ធផលតេស្តអវិជ្ជមានជំងឺកូវីដ-១៩ ក្នុងរយៈពេល ៧២ ម៉ោងមុនពេលមកដល់ នឹងត្រូវដាក់ឲ្យធ្វើចត្តាឡីស័កត្រឹម៧ថ្ងៃប៉ុណ្ណោះ ខុសពីធម្មតាដែលមានរយៈពេល ១៤ថ្ងៃ។

លើសពីនេះ អ្នកដែលធ្លាប់ឆ្លងកូវីដ និងមានលិខិតបញ្ជាក់ថាពួកគេបានជាសះស្បើយពីជំងឺនេះក្នុងរយៈពេលប្រាំមួយខែចុងក្រោយ ក៏នឹងត្រូវកាត់បន្ថយរយៈពេលធ្វើចត្តាឡីស័កដែរ។

បន្ទាប់ពីការធ្វើចត្តាឡីស័ក អ្នកចូលប្រទេស នឹងត្រូវត្រួតពិនិត្យសុខភាពផ្ទាល់ខ្លួនក្នុងរយៈពេលប្រាំពីរថ្ងៃខាងមុខ ហើយត្រូវប្រើប្រាស់កម្មវិធីតាមដានទំនាក់ទំនង Bluezone ជាប្រចាំ។

ស្របពេលជាមួយគ្នានោះ ក្រសួងសុខាភិបាលវៀតណាម បានស្នើឲ្យក្រសួងការបរទេស ចេញសេចក្តីណែនាំស្តីពីការវាយតម្លៃ និងការបញ្ជាក់អំពីប័ណ្ណចាក់វ៉ាក់សាំងកូវីដនិងលិខិតបញ្ជាក់ការជាសះស្បើយ។

តំបន់នានា គួរតែផ្តល់ឱកាសដល់អ្នកមកដល់ ឲ្យធ្វើចត្តាឡីស័កក្នុងសណ្ឋាគារប្រសិនបើចាំបាច់ ហើយអ្នកទាំងនោះនឹងត្រូវបង់ថ្លៃចំណាយលើ ការធ្វើចត្តាឡីស័កដោយខ្លួនឯង។

ទោះបីជាយ៉ាងណាក៏ដោយ ព័ត៌មានលម្អិតបន្ថែម រួមទាំងកាលបរិច្ឆេទនៃការអនុវត្តនេះផងដែរ មិនត្រូវបានបង្ហាញទេ៕

ប្រែសម្រួល៖ Vann Vann

ប្រភព៖ VN Express

ចុចអាន៖ ថៃ ប្រើវិធីសាស្រ្តថ្មី ដើម្បីព្យាបាលអ្នកជំងឺកូវីដ ដែលពិបាកលេបថ្នាំ

The post អ្នកចាក់វ៉ាក់សាំងរួច ចូល វៀតណាម លែងធ្វើចត្តាឡីស័កយូរដូចមុនទៀតហើយ appeared first on Kampuchea Thmey Daily.

លោក​វរសេនីយ៍​ត្រី សែម សាមឿន នាយ​ប៉ុស្តិ៍​នគរបាល​ការពារ​ព្រំដែន​គោក​ប៉ុស្តិ៍ បាន​ឲ្យ​ដឹង​ថា​ប្រជាពលរដ្ឋ​ទាំង​៦​នាក់​ដែល​ឃាត់ខ្លួន ១​មានឈ្មោះ​ហុង សារ៉ន ភេទ​ប្រុស អាយុ​៣៧​ឆ្នាំ ​២មានឈ្មោះ​ម៉ៅ រិទ្ធី ភេទ​ប្រុស អាយុ​៣៤​ឆ្នាំ​ ៣​មានឈ្មោះ​អ៊ី រស្មី ភេទ​ប្រុស អាយុ​៣២​ឆ្នាំ​ ៤​ឈ្មោះ​ហុង ស្រី​រៀម ភេទ​ស្រី អាយុ​៣០​ឆ្នាំ ​៥​មានឈ្មោះ​ហុង យូ​អ៊ី​ន ភេទ​ស្រី អាយុ​៨​ឆ្នាំ​ ៦​មានឈ្មោះ​អ៊ំ គីម​អ៊ី ភេទ​ស្រី អាយុ​១.៥​ឆ្នាំ អ្នក​ទាំងអស់​គឺជា​អាវជីករ​លក់ដូរ​នៅ​ផ្សារ​រោង​ក្លឿ​រ​ប្រទេស​ថៃ​ ដែល​មាន​ទីលំនៅ រស់នៅ​ភូមិ​ក្បាលស្ពាន​២ សង្កាត់​ប៉ោយប៉ែត ក្រុង​ប៉ោយប៉ែត ខេត្តបន្ទាយមានជ័យ​។

លោក​វរសេនីយ៍​ត្រី សែម សាមឿន​បានបញ្ជាក់​ឲ្យ​ដឹង​បន្តទៀតថា​ ប្រជាពលរដ្ឋ​ទាំង​៦​នាក់​នោះបាន ប្រគល់​ទៅ​ឲ្យ លោក​គាត ​ហ៊ុល អភិបាលក្រុង​ប៉ោយប៉ែត​ដើម្បី​ដឹក​យក​ទៅធ្វើ​តេស្ត​រក​មេរោគ​កូ​វីត​.១៩ នៅ​ចំណុច​សំចត ( CQ2 ) នៃ​សាលា​វិទ្យាល័យ​និមិត្ត ស្ថិត​ក្នុងភូមិ​និមិត្ត សង្កាត់​និមិត្ត ក្រុង​ប៉ោយប៉ែត ខេត្តបន្ទាយមានជ័យ៕

ដោយ ៖ វ៉ាន់ ណា​ង

The post ប្រជាពលរដ្ឋ​​៦​នាក់​ ដែល​ឆ្លង​ទឹកអូរ​ពី​ប្រទេស​ថៃ​មក​ខ្មែរ​ ត្រូវ​ប៉ុស្តិ៍​ក្បាលស្ពាន​នៃ​វរៈ​សេនា​តូច​លេខ​៨៩១​ឃាត់ខ្លួន​យកទៅ​ច​ត្តា​ឡី​ស័ក appeared first on Kampuchea Thmey Daily.