ការ​ចុះ​ត្រួតពិនិត្យ​នេះ​ធ្វើឡើង​កាលពី​ព្រឹក​ថ្ងៃ​ទី ១៤ ខែ​តុលា ឆ្នាំ ២០២៥ ក្រោម​វត្តមាន លោក ថេង សុថុល អភិបាល​ខណ្ឌ ៧ មករា រួម​ទាំង​មន្ត្រី​ជំនាញ​ពាក់ព័ន្ធ ចុះ​ពិនិត្យ​មើល​ការដ្ឋាន ស្ថិតនៅ​កំណាត់​មហាវិថី​ហ្សា​ល​ឌឺ​ហ្គោល សង្កាត់​អូរឫស្សី​ទី ២ ខណ្ឌ ៧ មករា រាជធានី​ភ្នំពេញ។

លោក ថេង សុថុល អភិបាល​ខណ្ឌ ៧ មករា បាន​ឲ្យ​ដឹង​ថា ការ​ចុះ​ត្រួតពិនិត្យ​មើល​ការដ្ឋាន​នេះ ដើម្បី​មើល​ថា តើ​ក្រុមហ៊ុន​ដេញថ្លៃ​វិនិយោគ​នៅ​ក្នុង​ខណ្ឌ ការដ្ឋាន​អនុវត្ត​តាម​លក្ខណៈ​បច្ចេកទេស​ដែរ​ឬទេ? និង​ណែនាំ​ម្ចាស់​ក្រុមហ៊ុន ឲ្យ​មាន​លក្ខណៈ​បច្ចេកទេស​ត្រឹមត្រូវ ហើយ​ធ្វើ​យ៉ាងណា​មិន​ឲ្យ​ប៉ះពាល់​ដល់​ផលប្រយោជន៍​ប្រជាពលរដ្ឋ គឺ​ត្រូវ​កាត់បន្ថយ​ឲ្យ​បាន​ច្រើន​បំផុត។

លោក ថេង សុថុល បាន​បញ្ជាក់​ថា ការ​ផ្លាស់ប្ដូរ​ការ៉ូឡា​ថ្មី​នេះ ជា​គម្រោង​របស់​រដ្ឋបាល​ខណ្ឌ ដោយ​សង្កេត​ឃើញ​ថា​ ការ៉ូឡា​នៅ​ចិញ្ចើម​មហាវិថី​ហ្សា​ល​ឌឺ​ហ្គោល​មាន​សភាព​ចាស់​ទ្រុឌទ្រោម ខូចខាត ដូច្នេះ​ដើម្បី​លើកកម្ពស់​សោភ័ណភាព​ផ្លូវ​សម្រាប់​ពលរដ្ឋ​អ្នកដំណើរ​ងាយស្រួល​ក្នុង​ការ​ធ្វើដំណើរ​ដោយ​ថ្មើរជើង ជៀសវាង​បង្ក​គ្រោះថ្នាក់​ណាមួយ​ជាយថាហេតុ រដ្ឋបាល​ខណ្ឌ បាន​ផ្លាស់ប្ដូរ​ការ៉ូឡា​ថ្មី ដោយ​លើក​ឲ្យ​ខ្ពស់​ជាង​មុន និង​ធានា​គុណភាព​ល្អ​ជាង​មុន​ផង​ដែរ ជាពិសេស​នោះ​បាន​ការ៉ូឡា​ឆ្នូត​ពណ៌​លឿន​សម្រាប់​កំណត់​ព្រំ​រួចស្រេច​ផង​ដែរ។

លោក​ក៏បាន​ណែនាំ​ដល់​មន្ត្រី​ជំនាញ​ពាក់ព័ន្ធ​ក្នុង​ខណ្ឌ ត្រូវ​ចុះ​ត្រួតពិនិត្យ​តាម​ការដ្ឋាន​ទាំងអស់​ក្នុង​មូលដ្ឋាន​ខណ្ឌ​ឲ្យ​បាន​ញឹកញាប់ ដើម្បី​ពិនិត្យ​មើល​ឲ្យ​មាន​លក្ខណៈ​បច្ចេកទេស​ត្រឹមត្រូវ​ក្នុង​ការដ្ឋាន។

គួរ​ជម្រាប​ថា កាលពី​រសៀល​ថ្ងៃ​ទី ២១ ខែ​កុម្ភៈ ឆ្នាំ ២០២៥ កន្លងទៅ លោក​អភិបាល នៃ​គណៈ​អភិបាល​ខណ្ឌ ៧ មករា បាន​រៀបចំ​កិច្ចប្រជុំ​ផ្សព្វផ្សាយ និង​ពិគ្រោះ​យោបល់​ជាមួយ​ប្រជាពលរដ្ឋ​ដែល​រស់នៅ​អម​សងខាង​កំណាត់​ផ្លូវ​ហ្សា​ល​ឌឺ​ហ្គោល ក្នុង​ភូមិសាស្ត្រ​ខណ្ឌ ៧ មករា ស្ដីពី​ការ​រៀបចំ​សណ្ដាប់ធ្នាប់ និង​សោភ័ណភាព​សាធារណៈ​គំរូ​លើ​កំណាត់​ផ្លូវ​ហ្សា​ល​ឌឺ​ហ្គោល។ ក្នុង​នោះ រដ្ឋបាល​ខណ្ឌ ៧ មករា បាន​កំណត់​យក​មហាវិថី​ហ្សា​ល​ឌឺ​ហ្គោល​ធ្វើជា​ផ្លូវ​គំរូ ដែល​មាន​បរិស្ថាន អនាម័យ សណ្ដាប់ធ្នាប់​សាធារណៈ និង​សោភ័ណភាព​ល្អ​សម្រាប់​មូលដ្ឋាន​ខណ្ឌ ៧ មករា៕

អត្ថបទ ៖ រដ្ឋា

The post រដ្ឋបាលខណ្ឌ ៧ មករា ចុះត្រួតពិនិត្យការដ្ឋានផ្លាស់ប្ដូរការ៉ូឡាថ្មី ដើម្បីធានាត្រូវតាមលក្ខណៈបច្ចេកទេស appeared first on Kampuchea Thmey Daily.

ដំណើរបំពេញបេសកកម្ម ចុះត្រួតពិនិត្យ និងវាយតម្លៃលើការងារថែទាំផ្លូវ ក្នុងភូមិសាស្ត្រខេត្តសៀមរាប លោករដ្ឋលេខាធិការ បានវាយតម្លៃខ្ពស់ចំពោះការខិតខំប្រឹងប្រែងស្ថាបនាផ្លូវទាំង ៨ខ្សែ សម្រេចបានយ៉ាងល្អប្រសើរ។ លោកថា ផ្លូវនៅជនបទនេះ ក្រសួងបានផ្តោតយកចិត្តទុកដាក់យ៉ាងខ្លាំង ដោយគិតគូរពីភាពធន់ និងការប្រែប្រួលអាកាសធាតុ ទាំងផ្លូវដីស ផ្លូវល្បាយគ្រួស ដើម្បីបង្កភាពងាយស្រួលដល់ប្រជាពលរដ្ឋក្នុងការធ្វើដំណើរ ចំណេញពេលវេលា កាត់បន្ថយការចំណាយលើការដឹកជញ្ជូនផលិតផលផ្សេងៗទៅកាន់ទីផ្សារ និងភាពងាយស្រួលក្នុងការទទួលបានសេវាសាធារៈជាដើម។

លោកបានបន្ថែមថា សមិទ្ធផលទាំងអស់នេះ គឺបានមកពីការខិតខំប្រឹងប្រែងរបស់រាជរដ្ឋាភិបាល ក្រោមម្លប់សុខសន្ដិភាពពេញលេញ ដែលបង្កឱកាសឱ្យមានការជួបជុំគ្នាយ៉ាងរីករាយ និងអាចទទួលអត្ថប្រយោជន៍ជាច្រើនពីសមិទ្ធផលទាំងនេះ។ លោកបន្តថា ហេដ្ឋារចនាសម្ព័ន្ធរូបវ័ន្ត និងគមនាគមន៍ដឹកជញ្ជូននៅតាមជនបទ មានសារៈសំខាន់បំផុតក្នុងការជំរុញដំណើរអន្តរកម្មផ្នែកសេដ្ឋកិច្ច និងសង្គមកិច្ចនៅតំបន់ជនបទ និងកាត់បន្ថយគម្លាតរវាងតំបន់ជនបទ និងទីប្រជុំជន។

ក្នុងឱកាសនោះដែរ លោកក៏បានលើកឡើងពីគោលដៅធំៗរបស់ក្រសួង ដោយផ្តោតទៅលើ ហេដ្ឋារចនាសម្ព័ន្ធផ្លូវ ថ្នល់ជនបទ ការងារទឹកស្អាត និងអនាម័យ។ លោកបញ្ជាក់ថា ការស្ថាបនា ការស្តារ ការថែទាំ និងការកែលម្អហេដ្ឋារចនាសម្ព័ន្ធរូបវ័ន្ត គឺជាការវិនិយោគដីចាំបាច់ ដើម្បីសម្រួលដល់គមនាគមន៍ និងការផ្តល់សេវាសាធារណៈផ្សេងៗជូនដល់ប្រជាជន នៅទូទាំងប្រទេសដែលជាចំណែកដ៏សំខាន់ ក្នុងការលើកកម្ពស់ជីវភាពរស់នៅ និងកាត់បន្ថយភាពក្រីករបស់ប្រជាពលរដ្ឋនៅទីជនបទ។                    

ឆ្លៀតក្នុងឱកាសនោះ ក្រុមប្រតិភូគណៈកម្មការនៃក្រសួងអភិវឌ្ឍន៍ជនបទ ក៏បានជួបធ្វើការសំណេះសំណាលជាមួយប្រជាពលរដ្ឋនៅ ភូមិស្មាច់ ឃុំសែនសុខ ស្រុកក្រឡាញ់ ព្រមទាំងបានពាំនាំនូវប្រសាសន៍ផ្ដាំផ្ញើសាកសួរសុខទុក្ខ ប្រកបដោយសេចក្តីនឹករលឹកពីសំណាក់ សម្តេចតេជោ ហ៊ុន សែន ប្រធានព្រឹទ្ធសភា, សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្ដី នៃព្រះរាជាណាចក្រកម្ពុជា និងលោកជំទាវបណ្ឌិត ជូនដល់ប្រជាពលរដ្ឋដែលរស់នៅតាមដងផ្លូវនោះផងដែរ៕

ដោយ៖ គឿន វេត

The post ក្រុមការងារក្រសួងអភិវឌ្ឍន៍ជនបទ ចុះត្រួតពិនិត្យផ្លូវ ៨ខែ្ស នៅស្រុកចំនួន៤ ក្នុងខេត្តសៀមរាប appeared first on Kampuchea Thmey Daily.

យោងតាមរបាយការណ៍របស់សមត្ថកិច្ច បានបញ្ជាក់ថា ប្រតិបត្តិការនេះ កម្លាំងរដ្ឋបាលចម្រុះបានធ្វើការពិនិត្យ រថយន្តតូច-ធំ ចំនួន ៧០០គ្រឿង ម៉ូតូ និង Passapp ចំនួន ៤០០គ្រឿង ដោយទទួលបានលទ្ធផល ដូចជា ធ្វើតេស្ដជាតិអាកុលចំនួន ៥៤នាក់ រកឃើញវិជ្ជមាន ១០នាក់ (ខ្មែរ)។ ធ្វើតេស្តរកសារធាតុញៀនចំនួន ៧៦នាក់ រកឃើញវិជ្ជមាន ៥នាក់ ជនជាតិខ្មែរ (អប់រំណែនាំ បញ្ជូនទៅមណ្ឌលកែប្រែ)។ ត្រួតពិនិត្យអាវុធជាតិផ្ទុះ លើថយន្តចំនួន ១៨៨គ្រឿង ( អាវុធឆ្លងកាត់គ្មាន)។ ឃាត់រក្សាទុកម៉ូតូ៤គ្រឿង ពាក់ព័ន្ធប្រើប្រាស់សារធាតុញៀន ១ករណី និងកែច្នៃស៊ីមាំងខុសបច្ចេកទេស និងគ្មានស្លាកលេខ និងផាកពិន័យអ្នកបើកបរម៉ូតូគ្មានមួក សុវត្ថិភាពចំនួន ៦នាក់ (ផាកពិន័យតាមគោលការណ៍)។ ​ព្រមទាំងឃាត់ខ្លួនបាន ១០នាក់ ក្នុងនោះចិន ២នាក់ និងវៀតណាម ១នាក់ ករណីរក្សាទុក ម្សៅក្រាមពណ៌សថ្លាសង្ស័យសារធាតុញៀន និងម្សៅក្រាមប្រភេទ Ferrari។

សូមបញ្ជាក់ថា នេះមិនមែនជាលើកទី១ នោះទេ ដែលគណៈបញ្ជាការឯកភាពស្រុក ក្រុងចំណុះ ខេត្តព្រះសីហនុ បានដាក់ពង្រាយកម្លាំងចម្រុះចុះត្រួតពិនិត្យ និងឆែកឆេរស្វែងរកបទល្មើសនៅតាមដងផ្លូវសាធារណៈ ដែលកិច្ចការនេះ រដ្ឋបាលស្រុក ក្រុង បានធ្វើសកម្មភាពជារាងរាល់យប់ និងជាច្រើនថ្ងៃមកហើយ ដោយក្នុង១យប់ៗ ក្រុមការងារចំរុះបានចាប់ និងឃាត់ខ្លួនជនសង្ស័យដែលពាក់ព័ន្ធបទល្មើសបានជាច្រើន។ ក្នុងនោះមានបទល្មើសគ្រឿងញៀន ការបើកបរម៉ូតូគ្មានពាក់មួកសុវត្ថិភាព និងការវាស់ជាតិអាកុល រកឃើញបទល្មើសមានចំនួនច្រើនផងដែរ៕

អត្ថបទ៖ ស៊ុយ ចាន់ធា

The post កម្លាំងចម្រុះខេត្តព្រះសីហនុ ចុះត្រួតពិនិត្យអាវុធជាតិផ្ទុះចំនួន ៦គោលដៅ ដើម្បីស្វែងរកបទល្មើស appeared first on Kampuchea Thmey Daily.

មន្ត្រី​ជំនាញ នៃ​មន្ទីរ​សាធារណការ និង​ដឹកជញ្ជូន​រាជធានី​ភ្នំពេញ កាលពី​ព្រឹក​ថ្ងៃ​ទី ២៧ មករា​នេះ បាន​ពិនិត្យ​លក្ខណៈ​បច្ចេកទេស​លើ​ការ​អ៊ុត​កៅស៊ូ និង​វាស់​កម្ដៅ​កៅស៊ូ មុន នៃ​ការ​អ៊ុត ជាមួយ​នឹង​ការ​វាស់​កម្រាស់​សាច់​កៅស៊ូ​ដែល​ត្រូវ​អ៊ុត​ផង​ដែរ ដើម្បី​ឲ្យ​ដឹង​ថា ការ​អ៊ុត​កៅស៊ូ​នៅ​កំណាត់​ផ្លូវជាតិ​លេខ​៦A​នេះ ត្រឹមត្រូវ​តាម​លក្ខណៈ​បច្ចេកទេស និង​ត្រឹមត្រូវ​តាម​កម្រាស់​កៅស៊ូ​ដែល​បាន​កំណត់​ឬទេ។

លោក សាំ ពិសិដ្ឋ ប្រធាន​មន្ទីរ​សាធារណការ និង​ដឹកជញ្ជូន​រាជធានី​ភ្នំពេញ បាន​ឲ្យ​ដឹង​កាលពី​ព្រឹក​ថ្ងៃ​ទី ២៧ មករា​នេះ​ថា ៖ តាម​ប្រសាសន៍​ណែនាំ​ពី លោក ឃួង ស្រេង អភិបាល​រាជធានី​ភ្នំពេញ បាន​ឲ្យ​មន្ទីរ​សាធារណការ និង​ដឹកជញ្ជូន​រាជធានី​ភ្នំពេញ ធ្វើការ​ជួសជុល​គ្រឹះ​អ៊ុត​កៅស៊ូ ដាក់​លូ រៀប​ការ៉ូ​ឡា គូស​គំនូស​ចរាចរណ៍ ជាមួយ​នឹង​ដាំ​ដើមឈើ តាម​បណ្ដោយ​ផ្លូវជាតិ​លេខ​៦A ឲ្យ​បាន​រួចរាល់​នៅ​មុន​ខែ ០៣ ឆ្នាំ ២០២៣ ពោល​គឺ​ឲ្យ​បាន​រួចរាល់​មុន​ការ​ប្រកួត​កីឡា​ស៊ី​ហ្គេម​លើក​ទី ៣២ និង​ប៉ា​រ៉ា​ហ្គេម​លើក​ទី ១២ នា​ខែ​ឧសភា ឆ្នាំ ២០២៣ ខណៈ​កម្ពុជា​យើង​ធ្វើជា​ម្ចាស់ផ្ទះ។ កំណាត់​ផ្លូវជាតិ​លេខ​៦A​នេះ ជា​ផ្លូវ​ក្នុង​ចំណោម​ផ្លូវ ៤ ខ្សែ ដែល​រដ្ឋបាល​រាជធានី​ភ្នំពេញ បាន​និង​កំពុង​ជួសជុល និង​ស្ថាបនា ឆ្ពោះ​ទៅ​កាន់​ការ​ប្រកួត​កីឡា​ស៊ី​ហ្គេម​លើក​ទី ៣២ និង​ប៉ា​រ៉ា​ហ្គេម​លើក​ទី ១២ ដោយ​ចាប់ផ្ដើម​ពី​ខែ​កញ្ញា ឆ្នាំ ២០២២ និង​គ្រោង​បញ្ចប់​នៅ​ខែ​មិនា ឆ្នាំ ២០២៣ មាន​ប្រវែង ១៧ គីឡូម៉ែត្រ​កន្លះ ជាមួយ​នឹង​ការ​ដាក់​លូ​សងខាង​ផ្លូវ​ទំហំ​មុខកាត់ ១ ម៉ែត្រ ប្រវែង ៣៥ គីឡូម៉ែត្រ រៀប​ការ៉ូ​ឡា គូស​គំនូស​ចរាចរណ៍ និង​ដាំ​ដើមឈើ រហូតដល់​ព្រំប្រទល់​ខេត្ត​កណ្តាល។ ការងារ​នេះ​គិត​មក​ដល់​ពេលនេះ​សម្រេច​បាន ៨០ ភាគរយ​ហើយ។

ផ្លូវ​ទាំង ៤ ខ្សែ ដែល​រដ្ឋបាល​រាជធានី​ភ្នំពេញ​បាន​ស្ថាបនា និង​ជួសជុល​អ៊ុត​កៅស៊ូ​ឆ្ពោះ​ទៅ​ពហុ​កីឡដ្ឋាន​ជាតិ​មរតក​តេ​ជោ​នេះ រួមមាន មហាវិថី​ឈ្នះ​ឈ្នះ មាន​ទទឹង​ផ្លូវ ២០ ម៉ែត្រ ប្រវែង​ជាង ៨ គីឡូម៉ែត្រ ផ្លូវជាតិ​លេខ​៦A ប្រវែង ១៧ គីឡូម៉ែត្រ​កន្លះ និង​ផ្លូវ​ថ្មី ២ ខ្សែ​ទៀត ដោយ​ស្ថាបនា​ស្រប​តាម​ទន្លេសាប​ផ្នែក​ខាងកើត បែកខ្នែង​ជា ២ ផ្នែក ឆ្ពោះ​ឡើង​មហាវិថី​ឈ្នះ​ឈ្នះ គឺ​ខ្សែ​ទី ១ ផ្លូវ​ស្រប​មាត់​ទន្លេ ចាប់ពី​ផ្លូវជាតិ​លេខ ៦ ដល់​មហាវិថី​ឈ្នះ​ឈ្នះ។

លោក សាំ ពិសិដ្ឋ ក៏បាន​អំពាវនាវ​ឲ្យ​ប្រជាពលរដ្ឋ​ជួយ​ថែរក្សាការ៉ូ​ឡា​ថ្មើរជើង ដោយ​កុំ​ដាក់​តាំង​លក់​អីវ៉ាន់ ការ​ចត​ជាដើម​លើ​ការ៉ូ​ឡា ដែល​ធ្វើ​ឲ្យ​ប៉ះពាល់​ដល់​អ្នក​ដំណើរ​ថ្មើរ​ជើង និង​ជួយ​ថែរក្សា​លូ និង​ស្លាក​សញ្ញា​ចរាចរ​កុំ​ឲ្យ​ខូចខាត​ផង៕

អត្ថបទ ៖ ស្រីរ័ត្ន

The post មន្ត្រីជំនាញ ចុះពិនិត្យលក្ខណៈបច្ចេកទេស នៃការអ៊ុតកៅស៊ូ លើបណ្ដោយផ្លូវជាតិលេខ ៦A ទាំងកម្ដៅ និងកម្រាស់ appeared first on Kampuchea Thmey Daily.

នៅក្នុង​ប្រតិបត្តិ​ការ​បង្ក្រាប​ទីតាំង​នេះ​ធ្វើឡើង​តាម​ពាក្យបណ្តឹង របស់​ជន រងគ្រោះ​មួយចំនួន​។ ក្រោយពី​ការ​ត្រួតពិនិត្យ និង​ឆែកឆេរ កម្លាំង​ចម្រុះ​របស់​គណៈ​ក​ម្មា​ធិ​ការ​បាន​រកឃើញ​៖

​ទី​១- គ្រូពេទ្យ​ជា​ជនបរទេស (​ជនជាតិ​ចិន​) ដែល​កំពុង​បម្រើ​ការងារ​ផ្នែក​វេជ្ជសាស្ត្រ​នៅក្នុង​មជ្ឈមណ្ឌល​កែសម្ផស្ស ផ្ការំដួល សុទ្ធតែជា​គ្រូពេទ្យ​ដែល​ពុំមាន​ការទទួលស្គាល់​ពី​ក្រសួង​សុខា​ភិ បាល នៃ​ព្រះរាជាណាចក្រ​កម្ពុជា​។

២-​គ្រូពេទ្យ​ជា​អ្នកបច្ចេកទេស​បាន​បង្ក​របួស ដោយ​ចេតនា​ដល់​ជនរងគ្រោះ​ជាច្រើន​នាក់ ដោយបាន​បំពាន​លើ កាតព្វកិច្ច​ប្រុងប្រយ័ត្ន​ដែល​ច្បាប់​តម្រូវ​។

៣-​នាំចូល ស្តុក​ទុក ប្រើប្រាស់ ផលិតផល​ឱសថ​(​ឱសថ​ក្លែងក្លាយ​) និង​ឧបករណ៍​សម្ភារៈ​បរិក្ខារ​ពេទ្យ​ពុំ​មាន​ចុះ លេខ​ប្រវេទន៍ ឬ​លេខ​បញ្ជិកា​ពី​ក្រសួងសុខាភិបាល នៃ​ព្រះរាជាណាចក្រ​កម្ពុជា​។

៤-​ស្តុក​ទុក និង​ប្រើប្រាស់​ឱសថ​គ្មាន​គុណភាព​(​ហួស​សុពលភាព ឬ​ក្លែងក្លាយ​)​ប្រើប្រាស់​។

​ដោយមាន​គោលការណ៍​ឯកភាព​ពី សម្ដេច​ក្រឡាហោម ស ខេង ឧបនាយក​រដ្ឋ​មន្តី រដ្ឋ​មន្តី​ក្រសួងមហាផ្ទៃ កាលពី​ថ្ងៃទី​៣១ ខែមីនា ឆ្នាំ​២០២១ បានអនុញ្ញាត​ឲ្យ​គណៈកម្មាធិការ​ប្រយុទ្ធប្រឆាំង ក្លែងក្លាយ​(​គ​.​ប​.​ផ​.​ក​.) បន្ត​អនុវត្ត​ការងារ​ឲ្យ​មាន​ប្រសិទ្ធភាព​ខ្ពស់ ដូច​មាន​ខាងក្រោម​៖

១- បន្ត​អនុវត្ត ប្រកាស​រួម រវាង​ក្រសួងមហាផ្ទៃ និង​ក្រសួងសុខាភិបាល ចុះ​ថ្ងៃទី​១៦ ខែមករា ឆ្នាំ២០១៥។

២- បន្ត​ស្រាវជ្រាវ​ស៊ើបអង្កេត និង​ជន​ប្រព្រឹត្ត​បទឧក្រិដ្ឋ​ឱសថ​សាស្ត្រ និង​វេជ្ជសាស្ត្រ​ខុសច្បាប់​ក្នុង​ព្រះរាជា ណា​ចក្រ​កម្ពុជា​។​

៣- សហការ​ជាមួយ​ក្រសួងសុខាភិបាល និង​អាជ្ញា​ធរមាន​សមត្ថកិច្ច​នានា ដើម្បី​ចុះ​ផ្សព្វផ្សាយ​អប់រំ​ណែនាំ​ដល់​បណ្តា​សេវា​សុខាភិបាល អោយ​គោរព​តាមច្បាប់​នៃ​ព្រះរាជាណាចក្រ​កម្ពុជា​។

៤- បន្តធ្វើ​សកម្មភាព និង​ប្រតិបត្តិការ ដើម្បី​សន្តិសុខ​សុវត្ថិភាព​សុខាភិបាល សុខភាព​សាធារណៈ ដើម្បី​ជា​គុណ​ប្រ​យោ ជន៍​សម្រាប់​ប្រជាពលរដ្ឋ​កម្ពុជា​។​

​ដោយ​ឃើញថា ទីតាំង​ខុសច្បាប់​នេះ​មាន​កំហុស និង​មិន​អនុលោម​តាមច្បាប់​នៃ​ព្រះរាជាណាចក្រ​កម្ពុជា ព្រះរាជអាជ្ញា សម្រេច​ឲ្យ​ផ្អាក​អាជីវកម្ម​ជា​បណ្ដោះ អាសន្ន និង​បាន​កសាង​សំណុំរឿង​បញ្ជូន​ជនសង្ស័យ​ចំនួន​០៤​រូប (​ក្រុមគ្រូពេទ្យ ជន ជាតិចិន​) ទៅកាន់​សាលាដំបូង​រាជធានី​ភ្នំពេញ ដើម្បី​អនុវត្តតាម​នីតិវិធី​ច្បាប់​។ ចំពោះ​ជន​ដែល​ពាក់ព័ន្ធ​ផ្សេងទៀត សមត្ថកិច្ច នឹង​បន្ត​ស្រាវជ្រាវ និង​ស្វែងរក ដើម្បី​ចាប់​មក​ផ្តន្ទាទោស​តាមច្បាប់​។ ព្រឹត្តិការណ៍​នេះ​ជាការ​បង្ក្រាប​ទីតាំង​មជ្ឈមណ្ឌល​ក សម្ផស្ស​ដ៏​ធំ​ជា​លើក​ទី​២ របស់​គណៈកម្មាធិការ​ប្រយុទ្ធប្រឆាំង​ផលិតផល​ក្លែងក្លាយ​។​

​គួររំលឹកថា កន្លងមក​មាន​ជនខិលខូច​មួយចំនួន​កំពុងបើក​អាជីវកម្ម​ខាង​ផ្នែក​កែ​សម្ផស្ស ដែល​មិនបាន​គោរព​តាម ច្បាប់​របស់​ក្រសួងសុខាភិបាល​នៃ​ព្រះរាជាណាចក្រ​កម្ពុជា បាន​ធ្វើ​ឲ្យ​ប្រជាពលរដ្ឋ​ដែល​ទៅ​ទទួល​សេវា​គ្មាន​គុណភាព រង​ការ​ប៉ះពាល់​ដល់​សុខភាព និង​គ្មាន​សុវត្ថិភាព​ដល់​អាយុ​ជីវិត​ផងដែរ គណៈកម្មាធិការ​នឹង​បន្ត​តាមដាន​ស្រាវជ្រាវ​លើ​កិច្ចការ នេះ​បន្ថែមទៀត ដោយ​សហការ​ជាមួយ​ក្រសួង​-​ស្ថាប័ន​ពាក់ព័ន្ធ ដើម្បី​ចាត់ការ​តាម​នីតិវិធី​ច្បាប់​៕

ដោយ ៖ កោះ​កែវ

The post មក​ដឹង​មូលហេតុ ដែល​សមត្ថកិច្ច​ចុះ​បង្ក្រាប​ទីតាំង​មជ្ឈមណ្ឌល​កែ​សម្ផស្ស​ផ្ការំដួល appeared first on Kampuchea Thmey Daily.

ផលិត​​ផល​ប្រ៊េន DMLN ដែល​គេ​​ដឹង​ថា ជា​របស់​​អ្នក​ស្រី​ ដេត​​ ម៉ាលី​ណា​ អតីត​ប្រពន្ធ​លោក ឌួង ឆាយ ​ត្រូវ​បាន​​សមត្ថកិច្ច​​បើក​ប្រតិបត្តិការ​ឆ្មក់​នៅវេលាម៉ោង០៣រសៀលថ្ងៃទី១២ ខែ​មករា ឆ្នាំ២០២២។​

កម្លាំង​ជំនាញ​បាន​បញ្ជាក់​ការ​ចុះ​បង្ក្រាប​នេះ​ធ្វើ​ឡើង​ក្រោយ​ទទួល​បាន​ពាក្យ​បណ្ដឹង​ពី​ជនរងគ្រោះ​ដែល​កន្លង​មកបានប្រើប្រាស់ផលិតផល ធ្វើ​ឲ្យ​មាន​រង​ផលប៉ះពាល់ដល់រាងកាយ​ និង​ស្បែក​ជាដើម​ ខណៈ​ម្ចាស់ប្រ៊េន ផលិតផល DMLN មានឈ្មោះ ដេត ម៉ាលីណា។

យ៉ាង​ណា​ក្រោយ​ប្រតិបត្តិការ​កម្លាំង​សមត្ថកិច្ច មិន​បាន​ធ្វើ​ការ​ដក​ហូត​សម្ភារៈ​វត្ថុ​តាង​យក​ទៅ​នោះ​ទេ​ និង​បាន​ដក​កម្លាំង​ទៅ​វិញ​​៕

The post សមត្ថកិច្ច​​​​​បើក​ប្រតិបត្តិការ​​ពិនិត្យ​ទីតាំង​​លក់​គ្រឿង​សំអាង​ ដេត​ ម៉ាលីណា ​ក្រោយ​​​​​​​​​​ជន​រង​គ្រោះ​ប្រើ​​​​​ប្រាស់​ធ្វើ​ឲ្យ​​​ប៉ះពាល់​ស្បែក​​​ appeared first on Kampuchea Thmey Daily.

ក្នុងការ​ចុះត្រួតពិនិត្យនេះ បានធ្វើការឃាត់​ខ្លួន​ពេទ្យ​និង​ជំនួយការ​ទាំង៤នាក់​នេះ​ នាវេលា​ម៉ោង៧យប់​ ថ្ងៃទី​០៥ ខែធ្នូ ឆ្នាំ២០២២​ តាមពាក្យបណ្ដឹង​របស់​ជនរ​ង​គ្រោះ​ដែល​បានមក​កែ​សម្ផស្ស​កន្លង​មក។

សូម​បញ្ជាក់ថា នៅក្នុងការ​ចុះ​ឃាត់​ខ្លួន​នេះ ក៏​ឃើញ​មាន​វត្តមាន មេធាវី​ជា​ច្រើន​រូប ចុះមក​ដល់ទី​តាំង​បង្ក្រាប​ និង​ត្រួតពិនិត្យ ដើម្បី​ធានា​ខ្លួន​បុគ្គលិក​ទាំងអស់​នៅក្នុង​ទីតាំង មជ្ឈមណ្ឌល​កែ​សម្ផស្ស យីហោ ផ្ការំដួល ដោយមាន​ការ​មិន​ឯកភាព​គ្នា ទើប​ពន្យារ​ពេល​ក្នុង​ការ​បន្ត​នីតិវិធី។

លុះដល់​វេលា​ម៉ោង​០៧​យប់​ថ្ងៃ​ដដែល ទើប​មានការ​សម្របសម្រួល​គ្នា រវាង​កម្លាំង​នគរបាល​គណៈកម្មាធិកា​រ ប្រយុទ្ធ ប្រឆាំងផលិតផលក្លែងក្លាយ​របស់​ក្រសួងមហាផ្ទៃ និង​មេធាវី ដោយ​ឃាត់ខ្លួន​តែ​មនុស្ស​ប្រុស​ស្រី​ចំនួន​០៤​នាក់​(​ប្រុស​០២​នាក់​) ប៉ុណ្ណោះ​ដែល​ជា ពេទ្យ​និង​ជំនួយការ ដើម្បី​បញ្ជូន​ខ្លួន​ទៅ​ក្រសួងមហាផ្ទៃ​ធ្វើការ​សាកសួរ​។

ចំពោះ​បុគ្គលិក​នារីៗ​ជាង​១០​នាក់​បន្ថែមទៀត​ ត្រូវ​បាន​ក្រុម​មេធាវី​ធ្វើការ​ធានា​ខ្លួន​ឲ្យ​ស្នាក់នៅ​ទីតាំង​មជ្ឈមណ្ឌល​កែ​សម្ផស្ស យីហោ ផ្ការំដួល ជា​បណ្ដោះអាសន្ន​ដើម្បី​បន្ត​នីតិវិធី៕

កែសម្រួលដោយ ៖ នាគព័ន្ធ

The post ចុះត្រួតពិនិត្យ​មជ្ឈមណ្ឌល​កែសម្ផស្ស​ផ្ការំដួល ឃាត់ខ្លួន​ពេទ្យ​និងជំនួយការ​៤នាក់ appeared first on Kampuchea Thmey Daily.

លោក​ឧ​ត្ត​ម​សេនីយ៍​ស្នងការ បាន​បញ្ជាក់ថា នគរបាល នៃ​ស្នងការដ្ឋាន​នគរបាល​ទាំងអស់ នឹងត្រូវ​ទទួលបាន​កា​រ​ចាក់​វ៉ាក់សាំង​ដូ​ស​ជំរុញ ឬ ដូ​ស​ទី​៣ ជា​បន្តបន្ទាប់​គ្រប់ៗ​គ្នា​។​

​នៅក្នុង​ឱកាស​នោះ​ផងដែរ លោក​ឧ​ត្ត​ម​សេនីយ៍​ស្នងការ ក៏បាន​មានមតិ​ផ្តាំផ្ញើ និង​ក្រើន​រំ​ឮ​ក ណែនាំ​ដល់​កងកម្លាំង​ទាំងអស់​ថា បើទោះបីជា​យើង​បានទទួល​ការចាក់​វ៉ាក់សាំង​ដូ​ស​លើក​ទី​៣​នេះ​រួចរាល់​ក៏ដោយ ក៏​សូម​បន្ត​យកចិត្តទុកដាក់​ដោយ​ស្មារតី​ប្រុងប្រយ័ត្ន​ខ្ពស់​ជានិច្ច ក្នុងការ​អនុវត្ត​នូវ​វិធានការ ៣​កុំ ៣​ការពារ របស់​រាជរដ្ឋាភិបាល​កម្ពុជា និង​តាម​ការណែនាំ​របស់​ក្រសួងសុខាភិបាល ឲ្យ​បាន​ខ្ជាប់ខ្ជួន​។

ចុងក្រោយ លោកស្នងការ បានប្រគល់​ថវិការ​មួយចំនួន​ដើម្បី​ជាការ​លើកទឹកចិត្ត​ដល់​ក្រុមគ្រូពេទ្យ​ទាំង​០២​ក្រុម​ផងដែរ​៕​

ដោយ​ ៖ ​ចាន់ ធី​

The post លោក​ឧ​ត្ត​ម​សេនីយ៍​ទោ ហួត សុធី អញ្ជើញ​ត្រួតពិនិត្យ​ការ​ចាក់​វ៉ាក់សាំង​ដូស​ជំរុញ ជូន​មន្ត្រី​នគរបាល​ជួរមុខ appeared first on Kampuchea Thmey Daily.