ព័ត៌មានជាតិ
មន្ត្រីជំនាញ ចុះពិនិត្យលក្ខណៈបច្ចេកទេស នៃការអ៊ុតកៅស៊ូ លើបណ្ដោយផ្លូវជាតិលេខ ៦A ទាំងកម្ដៅ និងកម្រាស់
មន្ត្រីជំនាញ នៃមន្ទីរសាធារណការ និងដឹកជញ្ជូនរាជធានីភ្នំពេញ បានចុះពិនិត្យលក្ខណៈបច្ចេកទេស នៃការអ៊ុតកៅស៊ូ ខណៈក្រុមការងារ នៃមន្ទីរសាធារណការ និងដឹកជញ្ជូនរាជធានីភ្នំពេញ បាននិងកំពុងជួសជុលគ្រឹះ និងអ៊ុតកៅស៊ូ លើបណ្ដោយផ្លូវជាតិលេខ ៦A ក្នុងភូមិសាស្ត្រខណ្ឌជ្រោយចង្វា រាជធានីភ្នំពេញ។
មន្ត្រីជំនាញ នៃមន្ទីរសាធារណការ និងដឹកជញ្ជូនរាជធានីភ្នំពេញ កាលពីព្រឹកថ្ងៃទី ២៧ មករានេះ បានពិនិត្យលក្ខណៈបច្ចេកទេសលើការអ៊ុតកៅស៊ូ និងវាស់កម្ដៅកៅស៊ូ មុន នៃការអ៊ុត ជាមួយនឹងការវាស់កម្រាស់សាច់កៅស៊ូដែលត្រូវអ៊ុតផងដែរ ដើម្បីឲ្យដឹងថា ការអ៊ុតកៅស៊ូនៅកំណាត់ផ្លូវជាតិលេខ៦Aនេះ ត្រឹមត្រូវតាមលក្ខណៈបច្ចេកទេស និងត្រឹមត្រូវតាមកម្រាស់កៅស៊ូដែលបានកំណត់ឬទេ។
លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូនរាជធានីភ្នំពេញ បានឲ្យដឹងកាលពីព្រឹកថ្ងៃទី ២៧ មករានេះថា ៖ តាមប្រសាសន៍ណែនាំពី លោក ឃួង ស្រេង អភិបាលរាជធានីភ្នំពេញ បានឲ្យមន្ទីរសាធារណការ និងដឹកជញ្ជូនរាជធានីភ្នំពេញ ធ្វើការជួសជុលគ្រឹះអ៊ុតកៅស៊ូ ដាក់លូ រៀបការ៉ូឡា គូសគំនូសចរាចរណ៍ ជាមួយនឹងដាំដើមឈើ តាមបណ្ដោយផ្លូវជាតិលេខ៦A ឲ្យបានរួចរាល់នៅមុនខែ ០៣ ឆ្នាំ ២០២៣ ពោលគឺឲ្យបានរួចរាល់មុនការប្រកួតកីឡាស៊ីហ្គេមលើកទី ៣២ និងប៉ារ៉ាហ្គេមលើកទី ១២ នាខែឧសភា ឆ្នាំ ២០២៣ ខណៈកម្ពុជាយើងធ្វើជាម្ចាស់ផ្ទះ។ កំណាត់ផ្លូវជាតិលេខ៦Aនេះ ជាផ្លូវក្នុងចំណោមផ្លូវ ៤ ខ្សែ ដែលរដ្ឋបាលរាជធានីភ្នំពេញ បាននិងកំពុងជួសជុល និងស្ថាបនា ឆ្ពោះទៅកាន់ការប្រកួតកីឡាស៊ីហ្គេមលើកទី ៣២ និងប៉ារ៉ាហ្គេមលើកទី ១២ ដោយចាប់ផ្ដើមពីខែកញ្ញា ឆ្នាំ ២០២២ និងគ្រោងបញ្ចប់នៅខែមិនា ឆ្នាំ ២០២៣ មានប្រវែង ១៧ គីឡូម៉ែត្រកន្លះ ជាមួយនឹងការដាក់លូសងខាងផ្លូវទំហំមុខកាត់ ១ ម៉ែត្រ ប្រវែង ៣៥ គីឡូម៉ែត្រ រៀបការ៉ូឡា គូសគំនូសចរាចរណ៍ និងដាំដើមឈើ រហូតដល់ព្រំប្រទល់ខេត្តកណ្តាល។ ការងារនេះគិតមកដល់ពេលនេះសម្រេចបាន ៨០ ភាគរយហើយ។
ផ្លូវទាំង ៤ ខ្សែ ដែលរដ្ឋបាលរាជធានីភ្នំពេញបានស្ថាបនា និងជួសជុលអ៊ុតកៅស៊ូឆ្ពោះទៅពហុកីឡដ្ឋានជាតិមរតកតេជោនេះ រួមមាន មហាវិថីឈ្នះឈ្នះ មានទទឹងផ្លូវ ២០ ម៉ែត្រ ប្រវែងជាង ៨ គីឡូម៉ែត្រ ផ្លូវជាតិលេខ៦A ប្រវែង ១៧ គីឡូម៉ែត្រកន្លះ និងផ្លូវថ្មី ២ ខ្សែទៀត ដោយស្ថាបនាស្របតាមទន្លេសាបផ្នែកខាងកើត បែកខ្នែងជា ២ ផ្នែក ឆ្ពោះឡើងមហាវិថីឈ្នះឈ្នះ គឺខ្សែទី ១ ផ្លូវស្របមាត់ទន្លេ ចាប់ពីផ្លូវជាតិលេខ ៦ ដល់មហាវិថីឈ្នះឈ្នះ។
លោក សាំ ពិសិដ្ឋ ក៏បានអំពាវនាវឲ្យប្រជាពលរដ្ឋជួយថែរក្សាការ៉ូឡាថ្មើរជើង ដោយកុំដាក់តាំងលក់អីវ៉ាន់ ការចតជាដើមលើការ៉ូឡា ដែលធ្វើឲ្យប៉ះពាល់ដល់អ្នកដំណើរថ្មើរជើង និងជួយថែរក្សាលូ និងស្លាកសញ្ញាចរាចរកុំឲ្យខូចខាតផង៕
អត្ថបទ ៖ ស្រីរ័ត្ន
អ្នកចិញ្ចឹមត្រីនៅកម្ពុជាស្នើរដ្ឋាភិបាលចាត់វិធានការនាំចូលត្រីពីប្រទេសជិតខាង ដើម្បីជួយគាំទ្រការចិញ្ចឹមត្រីក្នុងស្រុក
ផ្ទះទេវតាមួយខ្នង ជាអំណោយសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ត្រូវបានលោកជំទាវ ហ៊ុន ម៉ាណា ប្រគល់ជូនប្រជាពលរដ្ឋនៅខេត្តកំពង់ចាម
វឌ្ឍនភាពទំនប់អូរតេធិបតី ៖ ក្រោយដាក់សម្ពោធ អាជ្ញាធរត្រៀមតបណ្តាញផ្គត់ផ្គង់ទឹកស្អាតជូនពលរដ្ឋក្នុងខេត្តមណ្ឌលគិរី
មាស ម៉ើ ប្រសិនបើមានការឧបត្ថម្ភណាមួយលោកនឹងបន្តបើកក្លឹបមហិទ្ធិឬទ្ធិគុនខ្មែរ
អាស៊ានឯកភាពមិនទទួលយកការបោះឆ្នោតនៅមីយ៉ាន់ម៉ាគ្រោងធ្វើចុងឆ្នាំនេះ
ព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
ត្រឡប់មកពីក្រៅប្រទេសភ្លាម លោកឧកញ៉ា ហ៊ួត ជា នាំយកសម្ភារៈសំណង់ទៅជួយកញ្ញា ពេជ្រ ចរណៃ ភ្លាម និងទទួលធ្វើជា BA ថ្នាំលាប MC PAINT ថែមទៀត
ភ្នាក់ងារចារកម្មជាន់ខ្ពស់អ៊ុយក្រែន ត្រូវបានគេបាញ់សម្លាប់នៅរដ្ឋធានីកៀវ
រដ្ឋមន្ត្រីវប្បធម៌កម្ពុជា ប្រាប់ពិភពលោកថា ថៃលួចចម្លងប្រាសាទអង្គរវត្ត និងស្នើសុំយូណេស្កូ ពិនិត្យលើបញ្ហានេះ
ជំនន់ទឹកភ្លៀងអូរព្រំដែនកម្ពុជា ថៃ បានលិចច្រោះក្បាលស្ពាន និងផ្លូវវាងក្នុងស្រុកសំឡូត
-
ព័ត៌មានអន្ដរជាតិ១ សប្តាហ៍ agoGoogle នឹងមិនប្តូរផែនទីនៅលើកម្មវិធី Maps តាមសំណើរបស់ថៃ ឡើយ
-
សេចក្ដីជូនដំណឹង១ សប្តាហ៍ agoអ្នកឧកញ៉ា ឡេង ណាវ៉ាត្រា ចាត់ក្រុមការងារសហព័ន្ធយុវជនបូជាការពារយុត្តិធម៌ ទាំងយប់ចុះជួបវីរកងទ័ពកម្ពុជាដ៏អង់អាចក្លាហាន ដេញកងទ័ពថៃឈ្លានពាន ចេញនៅចំណុចភ្នំខ្មោច
-
ព័ត៌មានជាតិ១ ថ្ងៃ agoរុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
-
ព័ត៌មានជាតិ២ ថ្ងៃ agoសមត្ថកិច្ចចាប់ខ្លួនបុគ្គលក្លែងរូបភាព AI ដើម្បីឆបោក និងប្រមូលលុយតាមបណ្តាញសង្គម
-
ព័ត៌មានជាតិ១ សប្តាហ៍ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៣ ឈ្មោះ មូន(Mun)
-
ព័ត៌មានអន្ដរជាតិ៣ ថ្ងៃ agoកាសែតថៃ៖ ឧកញ៉ាកុកអានប្រឈមការចាប់ខ្លួននៅថៃ ក្រោយសមត្ថកិច្ចបង្ក្រាបបទល្មើសអនឡាញ១៩ទីតាំងមានជាប់ពាក់ព័ន្ធ
-
ព័ត៌មានជាតិ១៥ ម៉ោង agoព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
-
សេដ្ឋកិច្ច២ ថ្ងៃ agoបណ្តាពាណិជ្ជករថៃបង្វែរទិសនាំចូលទំនិញមកកម្ពុជាតាមផ្លូវទឹក ក្រោយការបិទច្រកទ្វារព្រំដែនគោក