សត្វឆ្មាដែលមានរូបរាងគួរឲ្យស្រលាញ់មួយប្រភេទនេះ បានយកឈ្នះបេះដូងរបស់អ្នកស្រឡាញ់សត្វ​ចិញ្ចឹម​ជាច្រើនអស់​រយៈពេលជាយូរមកហើយ។ ភាពលេចធ្លោនៅក្នុងពិភពសត្វឆ្មា Ashera ត្រូវបានគេដឹងថា មានតម្លៃខ្ពស់កប់ពពក ដែល​អាចឈានដល់រាប់រពាន់រាប់ម៉ឺនដុល្លារ ហើយជារឿយៗត្រូវបានគេដាក់ឈ្មោះថា «ជាពូជឆ្មាថ្លៃបំផុតនៅលើពិភពលោក»។

យោងតាមប្រភពពី catster បានឲ្យដឹងថា សត្វ​ឆ្មា Ashera កើតនៅក្នុងមន្ទីរពិសោធន៍មួយ ដែលជាលទ្ធផលនៃការវិនិយោគ និងស្រាវជ្រាវដោយអ្នកជំនួញជនជាតិអង់គ្លេស លោក Simon Brodie ម្ចាស់ក្រុមហ៊ុន Lifestyle Pets នៅ San Diego និងក្រុមស្រាវជ្រាវហ្សែនជនជាតិអាមេរិក។ នេះគឺដោយសារតែធម្មជាតិកូនកាត់របស់ពួកវា ដែលជាការឆ្លងរវាងឆ្មាអាហ្រ្វិក ឆ្មាខ្លារខិនអាស៊ី និងឆ្មាក្នុងស្រុក ដែលធ្វើឲ្យពួកវាក្លាយជាសត្វដ៏កម្រមួយ។

លោក Simon Brodie បាននិយាយថា Ashera លក់ដាច់ខ្លាំងនៅសហរដ្ឋអាមេរិក អាស៊ី និងរុស្ស៊ី។ អ្នកស្រលាញ់សត្វ និងអ្នកចូលចិត្តសត្វចម្លែកជាច្រើន សុខចិត្តចំណាយលុយ ១២,០០០ផោន (១៦មុឺនដុល្លារ) ដើម្បីចុះឈ្មោះក្នុងបញ្ជីទិញឆ្មាប្រភេទនេះ បើទោះជាត្រូវរង់ចាំរហូតដល់ ៩ខែក៏ដោយ។

មិនតែប៉ុណ្ណោះ Ashera ក៏ត្រូវគេចាត់ទុកថាជាឆ្មាក្នុងស្រុកដ៏ធំបំផុត កម្របំផុត និងថ្លៃបំផុតនៅលើពិភពលោក។ ពួកវាមានកំពស់រហូតដល់ ១ ម៉ែត្រទម្ងន់ប្រហែល ១៥ គីឡូក្រាម ហើយមានអាយុកាលពី ២០ ទៅ ២៥ ឆ្នាំ។ រីឯតម្លៃចាប់ផ្តើមរបស់ឆ្មានេះ បានចុះបញ្ជីដោយក្រុមហ៊ុនថា ២២,០០០ ដុល្លារ ប៉ុន្តែនៅក្នុងការដេញថ្លៃមួយ តម្លៃខ្ពស់បំផុតដែលបានកត់ត្រាសម្រាប់ឆ្មា Ashera ញី គឺរហូតដល់ ១០០,០០០ ដុល្លារ ។ ដូចទៅនឹងវត្ថុប្រណីតៗជាច្រើនទៀត សម្រាប់ថ្នាក់ខ្ពស់នោះ ក្រុមហ៊ុន Lifestyle Pets នឹងលក់តែឆ្មា Ashera ១០០ ក្បាលក្នុងមួយឆ្នាំ ដែលពាក់កណ្តាលនៃចំនួននេះ នឹងត្រូវបានបម្រុងទុកសម្រាប់អតិថិជនអាមេរិក។

ហេតុផលដែលក្រុមហ៊ុនមិនបង្កើតសត្វឆ្មាទាំងនេះច្រើន គឺដោយសារតែពួកគេចង់រក្សាតម្លៃរបស់វា កាន់តែកម្រពួកគេមានតម្លៃខ្ពស់ដែលពួកគេនឹងលក់។ ជាពិសេស អំពីលក្ខណៈពិសេសរបស់វាគឺ ក្បាលរបស់ឆ្មា Ashera គឺមានរាងមូលនិងតូច មានខ្នង​វែង​ស្អាត ឆ្អឹងខ្នង​ត្រង់ និង​ជើង​វែង​ស្តើង​។ ចំណែកឯត្រចៀកវាមានរាងត្រីកោណ, ភ្នែកមូលធំ ច្រមុះតូចនិងដៅខ្មៅនៅចុងច្រមុះ។

ម្ចាស់់ហាងថែមទាំងបញ្ចាក់បន្ថែមទៀតថា រាល់ម្ចាស់ដែលបានទិញវារួចរាល់ឬធ្វើការកក់ទុក ពួកគេត្រូវតែគិតទុកជាមុនអំពីការចំណាយខ្ពស់ក្នុងការរស់នៅ ព្រោះសត្វឆ្មា Ashera អាចឡើងទម្ងន់ដល់ទៅ ១៥ គីឡូក្រាម ហើយត្រូវការការថែទាំបែបអភិជននិងការចាយ​វាយថ្លៃៗ។

ទោះបីជាត្រូវបានចាត់ថ្នាក់ជាពូជឆ្មាដ៏ថ្លៃបំផុតក៏ដោយ ក៏ឆ្មា Ashera មានភាពរួសរាយរាក់ទាក់ជាមួយមនុស្ស ជាពិសេសមានភាពស្និទ្ធស្នាល និងទន់ភ្លន់ជាមួយកុមារ។ សត្វផ្សេងទៀតក៏អាចរួមរស់ដោយសន្តិភាពជាមួយឆ្មាទាំងនេះផងដែរ។ លើសពីនេះ Ashera គឺជាឆ្មាដ៏ល្អឥតខ្ចោះបំផុត ពួកវាមានភាពវៃឆ្លាតខ្លាំង ជាមួយនឹងការបញ្ចូលគ្នានៃរូបរាងប្លែកៗ ដែលទាក់ទាញអ្នកដែលបានឃើញពួកវាជាដើម៕

អត្ថបទ៖ សាង ស្រីល័ក្ខ

ចុចអាន៖មូលហេតុពិតនាំឲ្យ ស៊ុយអែត ​ស្ថិត​ក្នុង​ប្រទេស​​មាន​​សុភមង្គល​​​លើ​​លោកក្នុង​ឆ្នាំ ២០២៥

The post ​ពូជសត្វឆ្មាដែលមាន​តម្លៃ​ខ្ពស់​បំផុត​ក្នុង​ពិភពលោក​ appeared first on Kampuchea Thmey Daily.

កញ្ញា ខាត់ ស្រីច័ន្ទ បានលើកឡើងជាចម្ងល់ ៣ចំណុចថែមទៀត ទៅកាន់ផលិតករនិងអ្នកដឹកនាំសម្តែង។ ខាត់ស្រីច័ន្ទ ថា “និយាយរួមទៅពួកយេីងនៅ ក្នុងពិភពលោកតែមួយ ឆ្មាក៏មានជីវិតមួយដែរមិនថាអ្នកបកស្រាយឬមិនបកស្រាយវាបានហួសទៅហេីយ អ្វីដែលខ្ញុំសង្ឃឹមគឺឆ្មានោះនៅមានជីវិតដូចដែលបងបាននិយាយ ខ្ញុំសប្បាយចិត្តក្រៃលែងតែម្ដង តែបេីវាបញ្ហាមែនបងជាអ្នកធ្វេីបងទទួលវាចុះ“។

កញ្ញា ខាត់ ស្រីច័ន្ទ បានបន្តថា ក្នុងនាមនាងជាអ្នកស្រលាញ់ឆ្មា ហេីយក៏ជាអ្នកសិល្បៈមួយរូបផងដែរ មិនចង់និយាយអី្វច្រេីន គឺគ្រាន់តែចង់សួរថា៖
១. បេីឆ្មាមិនស្លាប់ អ្នកមិនបានសម្លាប់ដេីម្បីថតរឿង តេីឆ្មានៅណា?
២. មុនថត មានការៀបចំអីខ្លះសម្រាប់ការពាជីវិតឆ្មា ឬគិតថាវាគ្រាន់តែជាសត្វ ទោះសម្លាប់ជីវិតមួយក៏មិនអី្វ?
៣. បេីឆ្មាត្រឹមតែត្រូវថ្នាំសណ្តំហេតុអីមានសភាពបិទភ្នែកនិងស្លេកស្លាំង?

អ្នកគ្រប់គ្រង Miss Mera Cambodia បានបន្ថែមថា នាងក៏ធ្លាប់យកឆ្មាគ្រៀវហេីយដាក់ថ្នាំសណ្ដំដូចគ្នា តែឆ្មាវានឹងមិនបិទភ្នែកបែបនេះទេ ហេីយមានការលានអណ្តាតទៀតផង ឃេីញថា មិនមានកាបកស្រាយណាច្បាស់លាស់សោះតែម្ដង បេីអ្នកហ៊ានសម្លាប់ជីវិតឆ្មាដេីម្បីថតរឿងក្នុងរូបភាពបែបនេះ អ្នកពិតជាគ្មានបេះដូងជាមនុស្សទេ ឆ្មាស្រលាញ់ថែរក្សាណាស់៕ អត្ថបទ៖ ចាន់រ៉ា

The post ខាត់ ស្រីច័ន្ទ មិនអស់ចិត្តត្រង់ឈុតសត្វឆ្មាដេកស្ងៀម ក្នុងរឿង”១៤កុម្ភ:” លើក ៣សំណួរទៅកាន់អ្នកផលិត appeared first on Kampuchea Thmey Daily.

គួរជម្រាបថា ផលិតកម្មល្បីឈ្មោះមួយនេះ ទើបតែសម្ភោធភាពយន្តមួយរបស់ខ្លួនចំណងជើង “១៤កុម្ភៈ” ដែលបានចាក់ការបញ្ចាំងជាផ្លូវការគ្រប់រោងភាពយន្តនៅថ្ងៃនេះ។ ក្នុងនោះ មានឈុតមួយ កំពុងទទួលបានការចាប់អារម្មណ៍ និងលើកយកមកវែកញែកពេញបណ្តាញទំនាក់ទំនងសង្គម គឺត្រង់ឈុតដែលសត្វឆ្មានៅស្ងៀម ខណ:ខ្លះសង្ស័យថាអាចដាក់ថ្នាំសន្លប់ រីឯអ្នកខ្លះទៀតសួរថា តើឆ្មានេះដេកឬយ៉ាងណា? មាត់និងដៃជើងគ្នាឡើងស្លេកហើយថាឆ្មាដេក?

ស្រាយចម្ងល់នេះ លោក លៀក លីដា បានលើកឡើងថា គ្រាន់តែថតឱ្យឆ្មានៅស្ងៀមដោយគ្មានមនុស្សទៅប៉ះវានោះទេ វាមិនពិបាកទេក្នុងការធ្វើបច្ចេកទេស ហើយក្នុងសាច់រឿងទាំងមូលគ្មានរូបភាពភាពឃោរឃៅ ឬក៏ហិង្សាណាមួយទៅលើសត្វឆ្មានោះទេ។ please check my profile to see how much i love pets។

លោក លៀក លីដា បន្តថា អរគុណដល់ Phiron So um បសុពេទ្យ ដែលបានយល់ពីបច្ចេកទេស និងយល់ពីចិត្តខ្ញុំថាខ្ញុំជាមនុស្សស្រលាញ់សត្វចិញ្ចឹមប៉ុណ្ណា។គ ណនីហ្វេសប៊ុកឈ្មោះ Phiron Soum បានបញ្ជាក់ដែរថាពេលខ្លះភាពយន្តគេសម្តែង អោយយើងមើល ធ្វើដូចពិតគឺយើងរិះគន់ខ្ញុំដឹងថាពួកយើងសុទ្ធតែអ្នកស្រឡាញ់សត្វនេះគ្រាន់តែជាឈុតខ្លីធ្វើដូចឆ្មាងាប់អ ញ្ចឹង តែគេប្រើថ្នាំដើម្បីអោយវាដេកទេ។

ទោះបីជាយ៉ាងណានៅមានមតិមួយចំនួននៅតែមិនអស់មន្ទិលជុំវិញបញ្ហានេះ។អ្នកលេងហ្វេសប៊ុកម្នាក់បានលើកឡើងថាថ្នាំសន្លប់ឆ្មាគេប្រើពេលវះកាត់បងប្រើថ្នាំប្រភេទអី្វដែរ ហើយមានពេទ្យណែនាំទេ ?ឆ្មាមុនប្រើថ្នាំសន្លប់គេពិនិត្យសុខភាពច្រើនណាស់ ឆ្មាខ្លះអាចប្រើហើយអត់ដឹងខ្លួនរហូត មិចបានបងប្រើថ្នាំហើយឲ្យត្រូវទឹកបែបនេះ ?ជួយបកស្រាយផង ខ្ញុំចិញ្ចឹមឆ្មា ឆ្កែចង់២០ហើយ។នេះគ្រាន់ចម្ងល់របស់អ្នកគាំទ្រ៕ អត្ថបទ៖ ចាន់រ៉ា

The post LD បកស្រាយ ត្រង់ឈុតឆ្មាដេកស្ងៀម ក្នុងរឿង “១៤កុម្ភ:” ថាជាការសណ្តំ ឬយ៉ាងណា? appeared first on Kampuchea Thmey Daily.