រាជរដ្ឋាភិបាលកម្ពុជា បានសាងសង់ជម្រកបណ្ដោះអាសន្នសរុប៣៣១៣ខ្នង នៅលើដីទំហំប្រមាណ៤០០ហិកតា សម្រាប់ទទួលប្រជាពលរដ្ឋភៀសសឹកចំនួន៣៣១៣គ្រួសារ មកពីតំបន់បឹងត្រកួន ស្ថិតក្នុងឃុំគោករមៀត ស្រុកថ្មពួក ព្រមទាំងប្រជាពលរដ្ឋមកពីភូមិព្រៃចាន់ ភូមិជោគជ័យ ឃុំអូរបីជាន់ ស្រុកអូរជ្រៅ និងមួយផ្នែកនៃភូមិបឹងសុក្រម រងគ្រោះព្រោះការឈ្លានពាន វាយកម្ទេចផ្ទះសម្បែង រាយបន្លាលួស ដាក់ទូរកុងតឺន័រដោយយោធាថៃ។

បើតាមការបញ្ជាក់របស់លោក ឃ្លោក នួយ ការប្រគល់ជម្រកបណ្ដោះអាសន្នជូនពលរដ្ឋខ្មែររងគ្រោះព្រោះយោធាថៃឈ្លានពាន គឺធ្វើឡើងចំនួន២ដំណាក់កាល ក្នុងនោះដំណាក់កាលទី១ មានប្រជាពលរដ្ឋភៀសសឹកចំនួន ២.៨០០គ្រួសារ មកពីស្រុកអូរជ្រៅ និងស្រុកថ្មពួក បានចូលទៅរស់ក្នុងផ្ទះបណ្ដោះអាសន្នតាំងពីខែមីនា ឆ្នាំ២០២៦ និងបានចាប់ផ្តើមប្រកបមុខរបរជាបណ្តើរៗ ចំណែកដំណាក់កាលទី២ គឺរៀបចំសាងសង់ផ្ទះចំនួន៥១៣ខ្នង ដើម្បីប្រគល់ជូនប្រជាពលរដ្ឋភៀសសឹកចំនួន ៥១៣គ្រួសារបន្ថែមទៀត មកពីស្រុកអូរជ្រៅ និងស្រុកថ្មពួក។ បច្ចុប្បន្ននេះ ពលរដ្ឋ បាននិងកំពុងចាប់ផ្តើមចូលទៅរស់នៅក្នុងជម្រកបណ្តោះអាសន្នបណ្ដើរៗ ក្រោយអាជ្ញាធរបានរៀបចំការចាប់ឆ្នោតជ្រើសរើសផ្ទះ ដើម្បីធានាតម្លាភាព និងសមធម៌ក្នុងការបែងចែកលំនៅដ្ឋាន។

អភិបាលរងខេត្តបន្ទាយមានជ័យ សង្កត់ធ្ងន់ថា ៖ «ដំណាក់កាលទី១ មានការចាប់ឆ្នោតផ្ទះជូនប្រជាពលរដ្ឋចំនួន ២.៨០០គ្រួសារ ខណៈដំណាក់កាលទី២នេះ មានចំនួន ៥១៣គ្រួសារ ដែលបានចាប់ផ្តើមចូលរស់នៅជាបណ្តើរៗ ស្របពេលសំណង់លំនៅដ្ឋានកំពុងបន្តសាងសង់»។

លោកអភិបាលរង ឆ្លើយពន្យល់តបសំណួរអ្នកសារព័ត៌មានថា ស្របពេលផ្ទះមួយចំនួនមិនទាន់សង់រួចទាំងស្រុង សម្រាប់គ្រួសារដែលមិនទាន់ទទួលបានផ្ទះ ពួកគាត់កំពុងស្នាក់នៅជាមួយសាច់ញាតិ ឬមិត្តភក្តិជាបណ្តោះអាសន្នសិន នៅពេលផ្ទះសង់រួច ទើបចូលទៅរស់នៅ។

គួរឱ្យដឹងថឆា ប្រជាពលរដ្ឋភៀសសឹកម្នាក់ៗទទួលបានផ្ទះមួយខ្នង មានទំហំ ៥ម៉ែត្រ គុណនឹង ៧ម៉ែត្រ ស្ថិតលើក្បាលដីទំហំ ២០ម៉ែត្រ គុណនឹង ៣០ម៉ែត្រ នៅក្នុង «ភូមិរង់ចាំ» ស្ថិតក្នុងឃុំស្លក្រាម ស្រុកស្វាយចេក ខេត្តបន្ទាយមានជ័យ។ ភូមិនេះមានសរុប ៦ភូមិ ចាប់ពីភូមិរង់ចាំទី១ ដល់ភូមិរង់ចាំទី៦។

លោក ឃ្លោក នួយ បានឱ្យដឹងបន្ថែមថា អាជ្ញាធរបានរៀបចំហេដ្ឋារចនាសម្ព័ន្ធ និងសេវាសាធារណៈនៅក្នុង «ភូមិរង់ចាំ» រួមមាន សាលារៀនចាប់ពីមត្តេយ្យសិក្សាដល់វិទ្យាល័យ មណ្ឌលសុខភាព ទីស្នាក់ការសន្តិសុខ និងផ្សារ ដើម្បីបំពេញតម្រូវការរស់នៅ និងប្រកបអាជីវកម្មរបស់ប្រជាពលរដ្ឋ ដែលជាការប្រែក្លាយទៅជាសហគមន៍ថ្មីមួយ។

រាជរដ្ឋាភិបាលកម្ពុជា បន្តសាងសង់ជម្រកស្នាក់នៅបណ្តោះអាសន្ន ដើម្បីជួយដោះស្រាយការលំបាករបស់ប្រជាពលរដ្ឋភៀសសឹកនៅខេត្តបន្ទាយមានជ័យ  ដែលមិនទាន់អាចវិលត្រឡប់ទៅលំនៅដ្ឋានដើមវិញបាន ស្របពេលកំពុងបន្តដោះស្រាយបញ្ហាព្រំដែនដោយសន្តិវិធី ដើម្បីការពារអធិបតេយ្យភាព និងបូរណភាពទឹកដីរបស់ខ្លួន។ រាជរដ្ឋាភិបាល បានប្រកាសម្ដងហើយម្ដងទៀតថា កម្ពុជាមិនទទួលស្គាល់ដាច់ខាតចំពោះការកែប្រែខ្សែបន្ទាត់ព្រំដែនដោយប្រើប្រាស់កងកម្លាំងពីសំណាក់ភាគីថៃ៕

The post អភិបាលរង៖ជម្រកបណ្ដោះអាសន្ននៅភូមិរងចាំសរុប៣៣១៣ខ្នង នឹងសាងសង់រួចទាំងអស់ត្រឹមដំណាច់ខែកក្កដានេះ appeared first on Kampuchea Thmey Daily.

លោក និយាយាថា «ទោះបីមានកិច្ចព្រមព្រៀងឈប់បាញ់រវាងកម្ពុជា និងថៃ សម្រេចបានតាំងពីខែធ្នូ ឆ្នាំ២០២៥ ក៏ដោយ ក៏ជនស៊ីវិលកម្ពុជាជាង២២ ០០០នាក់ នៅតែបន្តជាជនភៀសខ្លួន និងមិនអាចវិលត្រឡប់ទៅផ្ទះរបស់ពួកគេវិញបាន»។

ការលើកឡើងដូច្នេះរបស់តំណាងអចិន្ត្រៃយ៍កម្ពុជា បានធ្វើឡើងនៅក្នុងសម័យប្រជុំលើកទី៦២ នៃក្រុមប្រឹក្សាសិទ្ធិមនុស្សអង្គការសហប្រជាជាតិ នៅឯទីក្រុងហ្សឺណែវ កាលពីថ្ងៃទី២៥ ខែមិថុនា ឆ្នាំ២០២៦ ក្រោមរបៀបវារៈនៃកិច្ចសន្ទនាអន្តរកម្មជាមួយអ្នករាយការណ៍ពិសេស ស្តីពីសិទ្ធិមនុស្សរបស់ជនភៀសខ្លួនក្នុងស្រុក។

ក្នុងសេចក្ដីថ្លែងការណ៍របស់លោក កែ សុវណ្ណ បានបន្តរាយការណ៍ពីផលប៉ះពាល់ដែលបង្កឡើងដោយការឈ្លានពានរបស់យោធាថៃលើទឹកដីកម្ពុជា ជាពិសេសការបង្កផលប៉ះពាល់ដល់ជនស៊ីវិលស្លូតត្រង់កម្ពុជា ដោយលោកពណ៌នាថា ថៃបានចូលកាន់កាប់ជ្រៅដោយខុសច្បាប់លើទឹកដីកម្ពុជា រារាំងការវិលត្រឡប់របស់ជនស៊ីវិល រុះរើផ្ទះសម្បែង ហើយជំនួសវិញដោយការសាងសង់សំណង់អចិន្ត្រៃយ៍ ការវាស់វែងដីធ្លីនៅភូមិរបស់កម្ពុជា ដែលបានបណ្តាលឱ្យមានការផ្លាស់ទីលំនៅយូរ និងរារាំងការវិលត្រឡប់ដោយសុវត្ថិភាព និងថ្លៃថ្នូររបស់ជនស៊ីវិលកម្ពុជា ដែលរងផលប៉ះពាល់។

សកម្មភាពទាំងនេះ លោក ថា បង្កើតបានជាការរំលោភបំពានយ៉ាងធ្ងន់ធ្ងរលើអធិបតេយ្យភាព និងបូរណភាពទឹកដីរបស់កម្ពុជា ហើយជាការរំលោភបំពានលើច្បាប់មនុស្សធម៌ និងសិទ្ធិមនុស្សអន្តរជាតិ ដែលមានផលវិបាកយ៉ាងធ្ងន់ធ្ងរដល់ជនស៊ីវិល ជាពិសេសស្ត្រី និងកុមារ។

ជាថ្មីម្ដងទៀត ពីវេទិការបស់អង្គការសហប្រជាជាតិ តំណាងកម្ពុជា បានទាមទារឱ្យថៃគោរពធម្មនុញ្ញអង្គការសហប្រជាជាតិ ច្បាប់មនុស្សធម៌អន្តរជាតិ និងច្បាប់សិទ្ធិមនុស្ស ជាមួយនឹងការអំពាវនាវដល់សហគមន៍អន្តជាតិឱ្យមានការបង្កើតលក្ខខណ្ឌចាំបាច់នានា ដើម្បីអនុញ្ញាតឱ្យគ្រួសារជនភៀសខ្លួនអាចវិលត្រឡប់ទៅផ្ទះរបស់ពួកគេវិញបាន។ ចំពោះបញ្ហាជម្លោះព្រំដែន លោក បញ្ជាក់ជាថ្មីថា ត្រូវតែដោះស្រាយដោយសន្តិវិធី។

ក្នុងជម្លោះព្រំដែនកម្ពុជា-ថៃ កន្លងមក បានបង្កើតឱ្យមានពលរដ្ឋភៀសសឹកជាង៦សែន៤ម៉ឺននាក់ ត្រូវបង្ខំឱ្យចាកចេញពីផ្ទះសម្បែង ប៉ុន្តែក្រោយមានបទឈប់បាញ់ ពលរដ្ឋជិត៦សែន២ម៉ឺននាក់ បានវិលត្រឡប់ទៅលំនៅឋានវិញ។ តាមរបាយការណ៍របស់ក្រសួងមហាផ្ទៃ គិតត្រឹមថ្ងៃទី២៥ ខែមិថុនា ឆ្នាំ២០២៦ នៅមានជនភៀសសឹកកម្ពុជាប្រមាណ ២១ ៥០១នាក់ទៀត ដែលក្នុងនោះស្ត្រី១១ ០៣៩នាក់ និងកុមារ៦ ១៦៩នាក់ គឺពុំទាន់អាចវិលទៅលំនៅឋានវិញបានឡើយ ដោយសារកងកម្លាំងថៃបានរាយបន្លាលួស ដាក់ទូកុងតឺន័រ កាន់កាន់ និងបំផ្លិចបំផ្លាញដោយខុសច្បាប់៕

ដោយ៖ ធឿន វ៉ាន់សុង

The post កម្ពុជាប្រាប់អន្តរជាតិថា ថៃបន្តរារាំងការវិលត្រឡប់របស់ពលរដ្ឋខ្មែរនៅតាមព្រំដែន ហើយទាមទារឱ្យបញ្ឈប់ការរំលោភបំពាន appeared first on Kampuchea Thmey Daily.

សម្ដេចតេជោ មានប្រសាសន៍ថា៖ «យើងមិនមែនធ្វើភូមិនេះហើយ យើងបោះបង់ចោលការទាមទារដីរបស់យើងទេ»។ ក្នុងន័យនេះ សម្ដេច បានប្រកាសនៅចំពោះមុខពលរដ្ឋភៀសសឹក ថា «ដីរបស់យើង យើងត្រូវទាមទារត្រឡប់មកវិញ»។

គួរជម្រាបថា នៅព្រឹកថ្ងៃទី៩ ខែមិថុនា ឆ្នាំ២០២៦នេះ សម្តេចតេជោ ហ៊ុន សែន បានចុះសំណេះសំណាល និងចែកអំណោយដោយផ្ទាល់ដល់ប្រជាពលរដ្ឋ​ជនភៀសសឹកប្រមាណជាង៣ពាន់នាក់ ដែលកំពុងស្នាក់នៅមណ្ឌលជនភៀសសឹកនៅឃុំស្លក្រាម ស្រុកស្វាយចេក ខេត្តបន្ទាយមានជ័យ។

មណ្ឌលជនភៀសសឹកនៅឃុំស្លក្រាម ជាទីតាំងមួយដែលរាជរដ្ឋាភិបាល បានរៀប​ចំផ្ទះសម្បែងជាបណ្តោះអាសន្នជូនប្រជាពលរដ្ឋដែលត្រូវថៃឈ្លានពាន និងកាប់កាន់​យក​ដី និងផ្ទះសម្បែងមកពីភូមិជោគជ័យ ព្រៃចាន់ និងតំបន់បឹងត្រកួន។ បច្ចុប្បន្ន មានប្រជាពលរដ្ឋ​សរុប ៣ ៣១៨គ្រួសារ កំពុងរស់នៅបណ្តោះអាសន្ននៅ​ទីនេះ។

សម្ដេចតេជោ បានថ្លែងនូវការកោតសរសើរដល់រាជរដ្ឋាភិបាលកម្ពុជាចំពោះការយកចិត្តទុកដាក់លើសុខទុក្ខរបស់ប្រជាពលរដ្ឋភៀសសឹក ហើយជាក់ស្ដែងការរៀបចំនូវជម្រកស្នាក់នៅបណ្ដោះអាសន្ននៅទីនេះ។ សម្ដេច បានគូសបញ្ជាក់ថា រាជរដ្ឋាភិបាលមិនព្រងើយកន្តើយចំពោះពលរដ្ឋភៀសសឹកឡើយ៕

ដោយ៖ ធឿន វ៉ាន់សុង

The post សម្ដេច ហ៊ុន សែន ដាក់ឈ្មោះឱ្យមណ្ឌលស្នាក់នៅបណ្ដោះអាសន្នរបស់ពលរដ្ឋភៀសសឹក ថា «ភូមិរង់ចាំ» appeared first on Kampuchea Thmey Daily.

ក្នុងពិធីអបអរសាទរខួបលើកទី១៦៣ ទិវាពិភពលោក កាកបាទក្រហម និងអឌ្ឍចន្ទក្រហម ៨ ឧសភា ២០២៦ ក្រោមមូលបទ ៖ «បន្តរួមកម្លាំងគ្នា ដើម្បីមនុស្សធម៌» នៅថ្ងៃទី៦ ខែឧសភា ឆ្នាំ២០២៦ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត មានប្រសាសន៍ថា ការបន្តបរិច្ចាគធនធានដល់កាកបាទក្រហមកម្ពុជា ក្នុងដំណាក់កាល នៃវិបត្តិពិភពលោកកើតឡើងជាបន្តបន្ទាប់ រួមទាំងកម្ពុជាផងនោះ គឺបានបង្ហាញពីការមិនភ្លេចក្នុងការជួយសង្គម ជួយដល់អ្នកត្រូវការ និងអ្នកខ្សត់ខ្សោយជាង។ លោកជំទាវបណ្ឌិត បានបន្តថា មួយវិញទៀត ការជួបជុំនៅពេលនេះ មិនត្រឹមតែជាកម្មវិធីប្រគល់ និងទទួលថវិកាប៉ុណ្ណោះទេ ប៉ុន្តែបានបញ្ជាក់បន្តអំពីទឹកចិត្តមនុស្សធម៌ ទំនុកចិត្ត និងសាមគ្គីភាពរបស់ខ្មែរយើង ដែលតែងតែឈរជាមួយគ្នា នៅពេលដែលប្រជាពលរដ្ឋណាម្នាក់ជួបទុក្ខលំបាក។

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានបន្ថែមថា សម្រាប់កាកបាទក្រហមកម្ពុជា ការបរិច្ចាគរបស់សប្បុរសជន មិនមែនគ្រាន់តែជាចំនួនថវិកា ឬសម្ភារៈប៉ុណ្ណោះទេ ប៉ុន្តែគឺជាទំនុកចិត្តប្រគល់ជូនកាកបាទក្រហមកម្ពុជា ហើយនេះគឺជាក្តីមេត្តា ដែលចេញពីបេះដូង ដោយមានស្ពានមួយ ពីអ្នកដែលមានលទ្ធភាព ជួយ ទៅកាន់ប្រជាពលរដ្ឋដែលកំពុងរងទុក្ខ និងត្រូវការដៃមួយ ដើម្បីជួយគាំទ្រដល់ពួកគាត់។

លោកជំទាវបណ្ឌិត បានគូសបញ្ជាក់ថា សម្រាប់ថវិកាដែលបរិច្ចាគនេះ នឹងប្រែក្លាយជាអង្ករ ម្ហូបអាហារ ទឹកស្អាត ថ្នាំពេទ្យ និងសម្ភារៈចាំបាច់ ឬជំនួយបន្ទាន់មួយកញ្ចប់ សម្រាប់គ្រួសារមួយដែលកំពុងជួបការលំបាក ប៉ុន្តែលើសពីនេះទៅទៀត គឺជាកម្លាំងចិត្តសម្រាប់ម្ដាយម្នាក់ ដែលកំពុងបារម្ភពីកូនៗ ជាក្តីសង្ឃឹមមួយសម្រាប់គ្រួសារជនភៀសសឹក ជាការលួងលោម និងលើកទឹកចិត្តសម្រាប់គ្រួសារជនពលី និងយុទ្ធជនរងរបួស ហើយជាសារដ៏កក់ក្ដៅ សម្រាប់ប្រាប់ពួកគាត់ថា ពួកគាត់មិនត្រូវបានបំភ្លេចចោលនោះទេ នេះហើយជាអត្ថន័យដ៏ធំធេង នៃការបរិច្ចាគ ។

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានបន្តទៀតថា កាកបាទក្រហមកម្ពុជា នឹងបន្តបេសកកម្មសប្បុរសរបស់ខ្លួន មិនទុកឱ្យជនរងគ្រោះណាម្នាក់នៅឯកោ ដោយមិនទទួលបានការជួយសង្គ្រោះនោះឡើយ ជាមួយនឹងការឈានមុខគេក្នុងការចូលរួមជាមួយរាជរដ្ឋាភិបាល បំពេញបេសកកម្មមនុស្សធម៌ជួយដល់ជនរងគ្រោះ ។

ជាមួយនេះ លោកជំទាវបណ្ឌិត តំណាងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បាននាំនូវការថ្លែងអំណរព្រះគុណ ចំពោះព្រះមហាក្សត្រ និងសម្ដេចម៉ែ ចំពោះព្រះរាជទាននូវព្រះរាជកិច្ចគាំទ្រដល់កាកបាទក្រហមកម្ពុជា ជាបន្តបន្ទាប់ និងគ្រប់កាលៈទេសៈទាំងអស់ ជាពិសេសក្នុងទិវា ៨ ឧសភា ២០២៦ ព្រះអង្គទាំងទ្វេ បានសព្វព្រះរាជហទ័យ ប្រោសព្រះរាជឧបត្ថម្ភនូវព្រះរាជទ្រព្យសរុបចំនួន ១០ម៉ឺនដុល្លារ ដល់កាកបាទក្រហមកម្ពុជា ក្នុងបេសសកម្មមនុស្សធម៌នេះ ។

លោកស្រី ពុំ ចន្ទីនី អគ្គលេខាធិការកាកបាទក្រហមកម្ពុជា បានថ្លែងថា កាលពីឆ្នាំពី២០២៥កន្លងទៅ កាកបាទក្រហមកម្ពុជា បាននាំយកអំណោយ ដែលទទួលបានពីធនធាន នៃការបរិច្ចាកពីសប្បុរសជននានា ជួយដល់គ្រួសារកងទ័ពពលី យុទ្ធជនរងរបួស គ្រួសារភៀសសឹក ជនរងគ្រោះនានា ក៏ដូចជាជនមានពិការភាពជាដើមសរុបរាប់ម៉ឺនគ្រួសារ ៕

The post ស្ត្រីទី១៖ ការបន្តបរិច្ចាគដល់កាកបាទក្រហម បង្ហាញពីការមិនបោះបង់ជនរងគ្រោះ គ្រួសារទ័ពពលី យុទ្ធជនរបួសពិការ ជនភៀសសឹកណាម្នាក់ឱ្យនៅឯកោឡើយ appeared first on Kampuchea Thmey Daily.

ក្នុងពេលឱកាសនេះ លោក គន់ គីម បានកោតសរសើរដល់ការរៀបចំជីវភាពរស់នៅរបស់បងប្អូនអតីតយុទ្ធជន ដែលបានថែទាំផ្ទះ និងរៀបចំដាំដុះដំណាំជុំវិញផ្ទះរបស់ខ្លួន។ 

ក្នុងពេលចុះសួរសុខទុក្ខ លោក គន់ គីម ថ្លែងថា អតីតយុទ្ធជន និងក្រុមគ្រួសារដែលរស់នៅទីនេះថា រាជរដ្ឋាភិបាល តាមរយៈសមាគមអតីតយុទ្ធជន និងនិវត្តជនកម្ពុជា សហការជាមួយក្រសួងពាក់ព័ន្ធ ក្នុងការផ្តល់ដីសម្បទានសង្គមកិច្ចសម្រាប់បងប្អូនអតីតយុទ្ធជនបង្កបង្កើនផល ដើម្បីលើកស្ទួយជីវភាពរស់នៅផងដែរ។

ជាមួយគ្នា លោក គន់ គីម មានប្រសាសន៍ទៀតថា ចាប់តាំងពីបងប្អូនអតីតយុទ្ធជន និងនិវត្តជន ព្រមទាំងក្រុមគ្រួសារចូលរស់នៅ គឺបានខិតខំថែទាំ និងរៀបចំផ្ទះបានយ៉ាងល្អប្រសើរ ដែលនេះបង្ហាញថាការផ្តល់អំណោយផ្ទះក្នុងមូលដ្ឋាននេះពិតជាមានអត្ថន័យយ៉ាងជ្រាលជ្រៅសម្រាប់អតីតយុទ្ធជន និងនិវត្តជន។

លោក បន្ថែមថា សមាគមអតីតយុទ្ធជន និងនិវត្តជនកម្ពុជា បានដាក់ចេញជាផែនការចំពោះការធ្វើកសិកម្មដាំដុះដំណាំលើដីឡូត៍ និងដីកសិកម្ម គឺជាផែនការសកម្មភាពគិតគូរអំពីសេដ្ឋកិច្ចមូលដ្ឋានជូនអតីតយុទ្ធជន និងនិវត្តជន ដែលស្របតាមកម្មវិធីនយោបាយរបស់រាជរដ្ឋាភិបាល នីតិកាលទី៧ នៃរដ្ឋសភា សម្រាប់ការអភិវឌ្ឍឆ្នាំ២០២៣-២០២៨ ដែលត្រូវបានចាត់ទុកជាកិច្ចការចម្បងសម្រាប់អនុវត្ត។

ឆ្លៀតក្នុងឱកាសនេះ លោក គន់ គីម បាននាំយកការផ្តាំផ្ញើសាកសួរសុខទុក្ខពីសម្តេចតេជោ ហ៊ុន សែន ប្រធានសមាគមអតីតយុទ្ធជន និងនិវត្តជនកម្ពុជា, សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន, សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី និងជាអនុប្រធានទី១ សមាគម និងលោកជំទាវបណ្ឌិត ពេជ ចន្ទមុន្នី ជូនបងប្អូនអតីតយុទ្ធជន និងក្រុមគ្រួសារទាំងអស់រស់នៅភូមិខាងលើនេះផងដែរ៕

The post រាជរដ្ឋាភិបាលបន្តគាំទ្រអតីតយុទ្ធជន តាមរយៈការផ្តល់ដី និងលំនៅឋាន appeared first on Kampuchea Thmey Daily.

ការបំពេញទស្សនកិច្ចនេះត្រូវបាន លោក អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ ទទួលស្វាគមន៍យ៉ាងកក់ក្តៅ។

នៅក្នុងជំនួបទទួលស្វាគមន៍លោកស្រី រ៉ូណា រ៉ាធោទ (Rona  Rathod  លោក អ៊ុំ រាត្រី អភិបាលខេត្ត ក៏បានជម្រាបជូនពីស្ថានភាពទូទៅនៅក្នុងខេត្តបន្ទាយមានជ័យ ដែលមានព្រំប្រទល់ជាប់នឹងប្រទេសថៃប្រវែង ១៥៣គ.ម ហើយក៏ជាខេត្តដែលទទួលរងគ្រោះយ៉ាងធ្ងន់ធ្ងរពីសង្គ្រាមឈ្លានពានរបស់ភាគីថៃទាំងពីរលើក ដែលធ្វើឱ្យមានមហន្តរាយប៉ះពាល់ខូចខាតលើទិដ្ឋភាពជាច្រើន ដូចជា ប្រព័ន្ធគមនាគមន៍ ប្រព័ន្ធទឹក អគ្គីសនី សាលារៀន មណ្ឌលសុខភាព វត្តអារាម ផ្ទះសម្បែង ទីតាំងអាជីវកម្ម ដីលំនៅដ្ឋាន និងដីបង្កបង្កើនផល ព្រមទាំង មានគ្រាប់យុទ្ធភ័ណមិនទាន់ផ្ទុះជាច្រើន ជាពិសេសគ្រាប់បែកចង្កោម ស្ថិតនៅរាយប៉ាយស្ទើរគ្រប់ទីកន្លែង នៅតាមបណ្តាក្រុងស្រុកជាប់ព្រំដែន។

ជាងនេះទៀត បានធ្វើឱ្យជីវិតជនស៊ីវិលស្លូតត្រង់បានស្លាប់ចំនួន៩នាក់ របួស៧៧នាក់ ខូចខាតលំនៅដ្ឋាន២.០១៨ខ្នង ភូមិចំនួន៦ភូមិ ក្នុងនោះ ភូមិជោគជ័យ ភូមិព្រៃចាន់ ស្ថិតក្នុងឃុំអូរបីជាន់ ស្រុកអូរជ្រៅ និងភូមិបន្ទាយមានរឹទ្ធ ត្រពាំងសំរោង ភូមិសាមគ្គី និងភូមិផ្លូវបំបែក ស្ថិតក្នុងឃុំបន្ទាយឆ្នារ ស្រុកថ្មពួក ដែលភូមិទាំងអស់នេះត្រូវបានទាហានថៃដាក់កុងតឺន័រ និងរាយបន្លាលួសហ៊ុំព័ទ្ធបន្តគ្រប់គ្រង ធ្វើឱ្យបងប្អូនប្រជាពលរដ្ឋមិនអាចចូលទៅរស់នៅវិញបាននៅឡើយមកទល់បច្ចុប្បន្ននេះ។

លោក អភិបាល ខេត្ត បញ្ជាក់ថា ដោយមានការយកចិត្តទុកដាក់យ៉ាងខ្លាំងពីប្រមុខរាជដ្ឋាភិបាលកម្ពុជា សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី ដោយផ្តល់គោល-ការណ៍ឱ្យក្រុមការងារចំពោះកិច្ចរៀបចំជម្រកបណ្តោះអាសន្ន ដែលមានលក្ខណៈប្រសើរជាងមុន ដោយផ្តល់ដីទំហំ២០មx៣០មក្នុងមួយគ្រួសារ លើផ្ទៃដីសរុបចំនួន៤០០ហ.ត ដើម្បីសង់ផ្ទះជូនស្នាក់នៅបណ្តោះអាសន្ន។

បន្ទាប់ពីបានស្ដាប់ការរាយការណ៍សង្ខេបរបស់អភិបាលខេត្តបន្ទាយមានជ័យ លោកស្រី រ៉ូណា រ៉ាធោទ (Rona  Rathod) លោកស្រីបានបញ្ជាក់ថា បច្ចុប្បន្ននេះរដ្ឋាភិបាលសហរដ្ឋអាមេរិកបានផ្ដោតសំខាន់ទៅលើ កត្តាថែរក្សាសន្តិភាព និងឱ្យបទឈប់បាញ់យូអង្វែងតាមបណ្តោយព្រំដែន ។

លោកស្រីក៏បានបន្តថា លោកស្រីក៏បានពិភាក្សាជាមួយក្រុមAOT ពីកត្តាសន្តិភាពសម្រាប់ប្រទេសកម្ពុជា ក៏ដូចជាអាស៊ានមួយនេះ ជួយដល់ក្រុមAOTនៅក្នុងការជួយដល់ការងាររបស់ក្រុមAOT ដែលកំពុងបំពេញបេសកកម្មនៅក្នុងប្រទេសកម្ពុជា។

លោកស្រី រ៉ូណា រ៉ាធោទ (Rona  Rathod) បានលេីកឡេីងថា តាំងពីមុនមកសហរដ្ឋអាមេរិកក៏បានជួយក្នុងការបោសសម្អាតគ្រាប់យុទ្ធភ័ណ្ឌមិនទាន់ផ្ទុះ ដែលសេសលពីសម័យសង្គ្រាមនៅតាមស្រែចម្ការរបស់ប្អូនប្រជាពលរដ្ឋ នៅតាមបន្ទាត់ព្រំដែនជាដេីម។ ហេីយបច្ចុប្បន្នស្ថានទូតសហរដ្ឋអាមេរិកប្រចាំកម្ពុជា ក៏មានថវិកាមួយចំនួន សម្រាប់ដល់តំបន់ដែលរងផលប៉ះពាល់នាពេលថ្មីៗនេះ ហេីយក៏មានការជួយឧបត្ថម្ភគាំទ្រដល់ជនភៀសសឹក ដែលនឹងផ្តល់ជំនួយតាមរយៈអង្គការអន្តរជាតិទេសន្តរប្រវេសន៍ (IOM)៕

ដោយ ៖ អេម ពៅ

The post ប្រធានផ្នែកនយោបាយស្ថានទូតអាមេរិកប្រចាំកម្ពុជា មកបំពេញទស្សនកិច្ចនៅមណ្ឌលជនភៀសសឹកស្នាក់នៅបណ្ដោះអាសន្នខេត្តបន្ទាយមានជ័យ appeared first on Kampuchea Thmey Daily.

មនុស្ស​ទាំង​អស់​នោះ​ កំពុង​​ស៊ូទ្រាំ​នឹង​​របួស​ផ្លូវចិត្ត​ដ៏ធ្ងន់ធ្ងរ អតិផរណា​ខ្ពស់ និង​​លទ្ធភាព​​នៃ​ការ​ផ្លាស់​ទីលំនៅ​​ដោយ​បង្ខំ​ ដែល​​មិន​អាច​ត្រឡប់​ទៅ​កន្លែង​​សុវត្ថិភាព​វិញ​​បាន​។ នេះ​បើយោង​តាម​គេហទំព័រគណៈកម្មាធិការជួយសង្គ្រោះអន្តរ​ជាតិ(IRC) ចេញ​ផ្សាយ​ចុង​ខែមេសា ឆ្នាំ​២០២៦ ។

​+ ជន​ភៀស​សឹក​លីបង់កំពុង​ចួប​ប្រទះ​​​​បញ្ហាធំៗ ដូច​ខាងក្រោម​៖

១. កង្វះ​ខាតជម្រក៖ ជម្រកផ្លូវការ​មាន​មនុស្សច្រើន បង្ខំឱ្យ​មនុស្សផ្សេង​ទៀត​ចូលទៅ​ក្នុងកន្លែងសាធារណៈ រថយន្ត ឬអគារចង្អៀតណែន មិន​មានសុវត្ថិភាព ឬមិនទាន់សាងសង់រួច ដោយប្រឈមមុខ​នឹង​ការគំរាម​កំហែង​បណ្តេញចេញ។

២. សុខភាព និងអនាម័យ៖ កង្វះខាតលទ្ធភាពទទួលបានទឹកស្អាត ​អាហារ និងថ្នាំពេទ្យ រួមជាមួយនឹងស្តង់ដារអនាម័យមិនល្អ បង្កើន​ហានិភ័យសុខភាព។ ស្ត្រីមានផ្ទៃពោះប្រឈមមុខនឹងគ្រោះថ្នាក់សម្រាលកូនដោយគ្មានការថែទាំត្រឹមត្រូវ ហើយមនុស្សស្រី​ជាច្រើនប្រឈមនឹងកង្វះ​អនាម័យ​​ អំឡុងពេលមករដូវ។

៣. ការរំខានដល់ការអប់រំ៖ កុមារជាង ១៥០ ០០០នាក់ កំពុង​ប្រឈម​នឹងការរំខានដល់ការអប់រំ ដោយសារសាលារៀនជាច្រើន​ត្រូវបាន​ប្រើជាជម្រកស្នាក់​នៅ។

៤. សុវត្ថិភាព និងការការពារ៖ មាន​អត្រា​ខ្ពស់​នៃអំពើហិង្សាផ្អែក​លើ​យេនឌ័រ (GBV) ភាពតានតឹងផ្លូវចិត្ត​ធ្ងន់ធ្ងរ ជាពិសេសក្នុង​ចំណោមស្ត្រី ​កុមារ និងក្រុមងាយរងគ្រោះ​។

៥. ការដួលរលំសេដ្ឋកិច្ច៖ ការបាត់បង់ប្រាក់ចំណូល​យ៉ាងខ្លាំង ការ​ជួល​មាន​តម្លៃ​ខ្ពស់ និង​វិបត្តិសេដ្ឋកិច្ចលីបង់​កាន់តែអាក្រក់​ ធ្វើឱ្យគ្រួសារ​គ្មានលទ្ធភាពទិញ​សម្ភារៈចាំបាច់។

៦. ភាព​ងាយរងគ្រោះរបស់​ជនអន្តោប្រវេសន៍៖ សហគមន៍ជន​អន្តោប្រវេសន៍​ប្រឈមមុខនឹងហានិភ័យធ្ងន់ធ្ងរនៃការកេងប្រវ័ញ្ច និយោជកបោះបង់ចោល បាត់បង់សិទ្ធិចូលប្រើ​ឯកសារផ្សេងៗ និងជួបប្រទះនឹងការ​រើសអើង ឬការដក​ចេញពីជំនួយ​។

៧. ការថយចុះលទ្ធភាពទទួលបានជំនួយមនុស្សធម៌៖ ជម្លោះកើនឡើង អសន្តិសុខ និងការវាយប្រហារ​លើបុគ្គលិកពេទ្យបានរារាំងសមត្ថភាពរបស់​ភ្នាក់ងារមនុស្សធម៌ក្នុងការ​ជួយ​ដល់អ្នក​ដែល​ត្រូវការជំនួយ​៕

ប្រែសម្រួល៖ ណឺ មិនា

The post ជន​ភៀស​សឹក​លីបង់​​ប្រមាណ ១.៦លាននាក់ ​កំពុង​ចួប​វិបត្តិ​​ធ្ងន់​ធ្ងរ​ appeared first on Kampuchea Thmey Daily.

បើតាមសំណេររបស់អភិបាលខេត្តឧត្តរមានជ័យ បានឱ្យដឹងថា ក្រុមការងារបច្ចេកទេសនៃមន្ទីរកសិកម្ម រុក្ខាប្រមាញ់ និងនេសាទ បានប្រមូលកសិផលដែលបានដាំដុះក្នុងមូលដ្ឋាន ដើម្បីយកទៅចែកជូនដល់ប្រជាពលរដ្ឋ និងសិស្សានុសិស្សក្នុងជំរំសុវត្ថិភាព និងកងទ័ពវរៈ២៥២ កងពលតូចអន្តរាគមន៍លេខ៥ កងពលធំលេខ២ ដែកកំពុងបំពេញភារកិច្ចការពារបូរណភាពទឹកដី នៅទិសប្រាសាទតាក្របី ចំនួន ១,០៥០គីឡូក្រាម និងស៊ុតទាចំនួន ១,៦២០គ្រាប់។

លោក មាន ចាន់យ៉ាដា បញ្ជាក់ថា ការប្រមូលផលបន្លែក្នុងមូលដ្ឋាន និងការចែកស្បៀងជូនកងទ័ព និងពលរដ្ឋនៅជំរំសុវត្ថិភាពធ្វើឡើងចំនួន ២២លើករួចមកហើយ ពោល សរុបបានចំនួន ២២,២១០គីឡូក្រាម។ លោកសង្កត់ធ្ងន់ថា ទាំងនេះគឺជាកិច្ចខិតខំរបស់រដ្ឋបាលខេត្ត និងមន្ទីរជំនាញ ដើម្បីជំរុញវិស័យកសិកម្មក្នុងស្រុកឱ្យក្លាយជាបង្អែកស្បៀងដ៏សំខាន់ក្នុងការជួយដល់កងទ័ពជួរមុខ រួមទាំងពលរដ្ឋនៅជំរំសុវត្ថិភាព៕

The post កសិផលក្នុងមូលដ្ឋាននៅខេត្តឧត្តរមានជ័យ បន្តផ្គត់ផ្គង់យ៉ាងសកម្មជូនកងទ័ព និងពលរដ្ឋភៀសសឹក appeared first on Kampuchea Thmey Daily.