ការចុះរដ្ឋបាលនេះធ្វើឡើងកាលពីវេលាម៉ោង ០៩ និង ៣០ នាទីព្រឹក ថ្ងៃទី ២០ ខែឧសភា ឆ្នាំ ២០២៦ នៅបណ្តោយផ្លូវលេខ ៥៩២ សង្កាត់បឹងកក់ ២ ខណ្ឌទួលគោក រាជធានីភ្នំពេញ។

នគរបាល បានឲ្យដឹងថា កម្លាំងនគរបាលប៉ុស្តិ៍បឹងកក់ទី ២ បានចុះធ្វើរដ្ឋបាលប្រមូលជនអនាថា នៅចំណុចផ្លូវ ៥៩២ ដែលមានរោងស្នាក់នៅអនាធិបេតយ្យ បង្កភាពភ័យខ្លាចដល់ពលរដ្ឋរស់នៅក្បែរនោះ។ ដូច្នេះ ដើម្បីរក្សាសន្តិសុខជូនពលរដ្ឋក្នុងមូលដ្ឋាន នគរបាលប៉ុស្តិ៍បឹងកក់ទី ២ បានឃាត់មនុស្សប្រុស​-ស្រី(ជនអនាថា) ចំនួន ០៩ នាក់​ (ស្រី ០២​) ជាមុខសញ្ញាប្រើប្រាស់គ្រឿងញៀន។

ក្រោយឃាត់ខ្លួន សមត្ថកិច្ចបានបញ្ជូនជនអនាថាប្រុស-ស្រី ចំនួន ០៩ នាក់ យកទៅកាន់អធិការដ្ឋាននគរបាលខណ្ឌទួលគោក ដើម្បីកសាងសំណុំរឿងបញ្ជូនទៅមណ្ឌលកែប្រែបន្សាបគ្រឿងញៀន៕
អត្ថបទ ៖ រដ្ឋា

The post នគរបាលប៉ុស្តិ៍បឹងកក់ទី ២ ចុះរដ្ឋបាលប្រមូលជនអនាថាប្រើប្រាស់គ្រឿងញៀន ០៩ នាក់ បញ្ជូនទៅមណ្ឌលកែប្រែ appeared first on Kampuchea Thmey Daily.

ការចុះរដ្ឋបាលប្រមូលជនអនាថានេះបានធ្វើឡើងកាលពីវេលាម៉ោង ៩ និង ៣០ នាទីព្រឹក ថ្ងៃទី ២៧ ខែមីនា ឆ្នាំ ២០២៦ នៅក្នុងមូលដ្ឋានខណ្ឌ ៧ មករា រាជធានីភ្នំពេញ។

តាមការបញ្ជាក់ពី លោក អ៊ី ពៅ អភិបាលរងខណ្ឌ ៧ មករា បានឲ្យដឹងថា ការចុះរដ្ឋបាលនេះ ដោយមានការណែនាំ និងយកចិត្តទុកដាក់ពី លោក ថេង សុថុល អភិបាលខណ្ឌ ៧ មករា លើបញ្ហាជនអនាថា ដែលធ្វើឲ្យបាត់បង់សណ្តាប់ធ្នាប់សាធារណៈ។

លោកបានបន្តថា ដើម្បីឲ្យក្នុងមូលដ្ឋានមិនមានជនអនាថា និងអ្នកប្រើប្រាស់គ្រឿងញៀន បង្កផលប៉ះពាល់សន្តិសុខ សណ្តាប់ធ្នាប់សាធារណៈ លោកបានដឹកនាំកម្លាំងសណ្តាប់ធ្នាប់ សាលាខណ្ឌ ចុះប្រមូលជនអនាថា រួមទាំងអ្នកប្រើប្រាស់គ្រឿងញៀនបានចំនួន ១៦ នាក់ យកមកធ្វើតេស្តទឹកនោម។ ជាលទ្ធផល កម្លាំងបានពិនិត្យរកឃើញមានសារធាតុញៀនទាំង ១៦ នាក់ តែម្តង។

បច្ចុប្បន្ន អាជ្ញាធរខណ្ឌ ៧ មករា បានបញ្ជូនជនអនាថា និងអ្នកប្រើប្រាស់គ្រឿងញៀន ទៅកាន់មន្ទីរសង្គមកិច្ច អតីតយុទ្ធជន និងយុវនីតិសម្បទារាជធានីភ្នំពេញ ដើម្បីស្តារនីតិសម្បទាឡើងវិញ៕
អត្ថបទ ៖ រដ្ឋា

The post អាជ្ញាធរខណ្ឌ ៧ មករា ចុះប្រមូលជនអនាថាប្រើប្រាស់គ្រឿងញៀនចំនួន ១៦ នាក់ appeared first on Kampuchea Thmey Daily.

អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សាជាតិគាំពារសង្គម នៅថ្ងៃទី២៤ ខែមីនា ឆ្នាំ២០២៦នេះ បានដឹកនាំកិច្ចប្រជុំក្រុមប្រឹក្សាជាតិគាំពារសង្គម ដើម្បីពិនិត្យ និងសម្រេចលើសេចក្តីព្រាងស្តីពី “គោលនយោបាយស្តីពីការគ្រប់គ្រង និងការដោះស្រាយបញ្ហាជនអនាថា” មុននឹងគោរពស្នើសុំការពិនិត្យ និងសម្រេចដ៏ខ្ពង់ខ្ពស់របស់ សម្តេចមហាបវរធិបតី នាយករដ្ឋមន្រ្តី នៅពេលខាងមុខ។

សេចក្តីប្រកាសព័ត៌មានឱ្យដឹងថាសេចក្តីព្រាងគោលនយោបាយនេះ មានគោលបំណង៖ ១. ផ្តល់ដំណោះស្រាយជាយុទ្ធសាស្ត្រ និងមានលក្ខណៈជាប្រព័ន្ធ, ២. ជំរុញការគាំទ្រលើសុខុមាលភាពជនអនាថា ដោយធានាលទ្ធភាពទទួលបានសេវាសង្គមកិច្ចសំខាន់ៗ និងអត្ថប្រយោជន៍នានាពីប្រព័ន្ធគាំពារសង្គម, ៣. រៀបចំប្រព័ន្ធអភិបាលកិច្ចច្បាស់លាស់តាមរយៈការពង្រឹងតួនាទី និងភារកិច្ចរបស់ក្រសួង-ស្ថាប័នពាក់ព័ន្ធ នៅថ្នាក់ជាតិ និងថ្នាក់ក្រោមជាតិ, និង៤. ពង្រឹងភាពជាដៃគូរវាងរាជរដ្ឋាភិបាល និងដៃគូអភិវឌ្ឍន៍ និងភាគីពាក់ព័ន្ធផ្សេងៗ ដើម្បីកាត់បន្ថយភាពអនាថា, លើកកម្ពស់ជីវភាព ស្តារនីតិសម្បទា, និងជំរុញការធ្វើសមាហរណកម្មទៅក្នុងសហគមន៍វិញតាមរយៈការបង្កើតយន្តការកំណត់អត្តសញ្ញាណច្បាស់លាស់។

គោលនយោបាយនេះ នឹងក្លាយជាក្របខណ្ឌរួម ដែលចង្អុលបង្ហាញនូវដំណោះស្រាយជាយុទ្ធសាស្ត្រ និងយន្តការនានា សម្រាប់តម្រង់ទិសដល់ភាគីពាក់ព័ន្ធគ្រប់កម្រិតលើការងារគ្រប់គ្រង និងដោះស្រាយបញ្ហាជនអនាថាទូទាំងប្រទេស៕

The post រដ្ឋពិនិត្យលើគោលនយោបាយស្តីពីការគ្រប់គ្រង និងការដោះស្រាយបញ្ហាជនអនាថាទូទាំងប្រទេស appeared first on Kampuchea Thmey Daily.

ការចុះប្រមូលក្រុមជនអនាថា​ទាំងនេះ ធ្វើឡើងបន្ទាប់ពីសង្កេតឃើញក្រុមទាំងនេះបានមកស្នាក់នៅក្រោងស្ពានអាកាសផ្លូវជាតិលេខ៤ និងដីឡូត៍ទុកចោល​ ស្ថិតក្នុងភូមិសាស្ត្រ​ ភូមិព្រៃស្វាយ​ សង្កាត់ចោមចៅទី៣​ ខណ្ឌពោធិ៍សែនជ័យ ដែលធ្វើឲ្យបាត់បង់សណ្ដាប់ធ្នាប់សាធារណៈ។

លោក​ វ៉ា​ សាវឿន​ ចៅសង្កាត់ចោមចៅទី៣ បានឲ្យដឹងថា​ ក្រុមជនអនាថាមានទាំងចាស់​ ទាំងក្មេងបាននាំគ្នាមកសម្រាក និងធ្វើរោងតាមចិញ្ចេី​មផ្លូវ​ ក្រោមស្ពាន​ និងសង់រោងដេកតាមដីឡូត៍ទុកចោល​ យ៉ាងអនាធិបតេយ្យប៉ះពាល់ដល់សណ្តាប់​ធ្នាប់​ មិនត្រឹមតែប៉ុណ្ណោះ នៅពេលយប់ក្រុមទាំងនេះបានដេីរលួចសម្ភារៈរបស់ប្រជាពលរដ្ឋដែលទុកនៅមុខផ្ទះ ក្រោមលេសដើររេីសអេតចាយ​។ ក្រោយពីឃាត់ខ្លួនអនាថាទាំងនោះត្រូវបានបញ្ជូនទៅមន្ទីរសង្គមកិច្ចរាធានីភ្នំពេញ៕

អត្ថបទ៖ សុខា

The post អាជ្ញាធរសង្កាត់ចោមចៅទី៣ ចុះប្រមូលជនអនាថា១៩នាក់បញ្ជូនទៅមន្ទីរសង្គមកិច្ច appeared first on Kampuchea Thmey Daily.

អភិបាលរងខេត្តរូបនេះ បានបញ្ជាក់ថា ដើមី្បរក្សាបាននូវសន្តិសុខសណ្តាប់ធ្នាប់របៀបរៀបរយ ប្រពៃណីទំនៀមទម្លាប់ និងចៀសវាងមានផលប៉ះពាល់ដល់សតិអារម្មណ៍ភ្ញៀវទេសចរ និងដើម្បីធានាដល់សុវត្ថិភាពភ្ញៀវ ក៏ដូចជាសន្តិសុខ របៀបរៀបរយក្នុងមូលដ្ឋាន ក្រុមការងារដោះស្រាយបញ្ហាជនអនាថា អ្នកសុំទាន និងជនវិបល្លាសស្មារតី ត្រូវប្រមូលពីតាមទីសាធារណៈ ទីប្រជុំជន និងតាមតំបន់រមណីយដ្ឋាន យកមកដាក់នៅមណ្ឌលអប់រំ ឬបញ្ជូនទៅព្យាបាល។ ត្រូវស្រង់ទិន្នន័យ និងកំណត់ ញែកឱ្យដាច់លក្ខណៈស្ថានភាព តើបុគ្គលនោះស្ថិតក្នុងកម្រិតអ្វី ? បើវិបល្លាសដោយសារធាតុញៀន និងសេពគ្រឿងស្រវឹងត្រូវពិនិត្យបញ្ជូនគាត់ទៅមណ្ឌលកែប្រែ និងបន្សាបគ្រឿងញៀន បើវិបល្លាសពីកំណើតឬដោយសារឧបត្តិហេតុ គឺចាត់ចែងនាំគាត់ទៅព្យាបាលនៅថ្នាក់ខេត្ត ឬបញ្ជូនទៅមណ្ឌលស្តារនិតិសម្បទា និងព្យាបាលជនវិប្បល្លាសថ្នាក់ជាតិ។

លោកអភិបាលរងខេត្ត បានបន្តថា ស្របតាមគោលនយោបាយរបស់រាជរដ្ឋាភិបាលកម្ពុជា ក្រោមការដឹកនាំដ៏ឈ្លាសវៃរបស់សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា ក្នុងផែនការយុទ្ធសាស្រ្តបញ្ចកោណដំណាក់កាលទី១ ជាត្រីវិស័យ បង្ហាញយ៉ាងច្បាស់អំពីការយកចិត្តទុកដាក់របស់រាជរដ្ឋាភិបាល និងក្រសួង ស្ថាប័ន ក្នុងការបន្តលើកកម្ពស់សិទ្ធិ និងជួយដល់ជនរងគ្រោះ និងជនងាយរងគ្រោះគ្រប់ប្រភេទក្នុងសង្គម ដោយផ្អែកលើមូលដ្ឋានមិនបោះបង់ និងមិនរើសអើង។ ជាពិសេស កុមារកំព្រា កុមារងាយរងគ្រោះ ស្រ្តី ជនចាស់ជរា ជនពិការ ជនអនាថា អតីតយុទ្ធជន និងអតីតមន្រ្តីរាជការស៊ីវិល និយាយជារួម និងសម្រាប់ជនអនាថានិយាយដោយឡែក។

បន្ថែមពីនេះ លោក នាក់ ណេរ៉ុន បានណែនាំដល់អង្គភាពមន្ទីរ អាជ្ញាធរក្រុងស្រុក ត្រូវរៀបចំគម្រោងថវិកា និងកំណត់បញ្ហាចំណាយច្បាស់លាស់ក្នុងការប្រើប្រាស់ថវិកាគាំទ្រដល់សកម្មភាពទប់ស្កាត់ជនអនាថា និងអ្នកសុំទាន  ឱ្យមាននិរន្តរភាព។

សូមជម្រាបថា កិច្ចប្រជុំនេះធ្វើឡើងដើម្បីជជែកពិភាក្សាប្រមូលធាតុចូលសម្រាប់រៀបចំទិន្នន័យច្បាស់លាស់ និងរៀបចំយន្តការដោះស្រាយប្រកបដោយនិរន្តរភាព ដើម្បីឈានទៅលុបបំបាត់បញ្ហាអ្នកសុំទាន ជនអនាថាដែលតែងតែត្រាច់រង្គត់នៅតាមដងផ្លូវ នាំឱ្យមានភាពរញ៉េរញ៉ៃបាត់សណ្តាប់ធ្នាប់ក្នុងក្រុង។

តាមរបាយការណ៍របស់មន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តសៀមរាប បានឱ្យដឹងថា ក្នុងឆ្នាំ២០២៥ នេះ ក្រុមការងារលេខាធិការដ្ឋានបានទទួលជនរងគ្រោះ អនាថា អ្នកសុំទាន និងជនវិបល្លាសស្មារតី ពីស្នងការដ្ឋាននគរបាលខេត្តសៀមរាប រដ្ឋបាលក្រុង-ស្រុក អធិការដ្ឋាននគរបាលក្រុង-ស្រុក និងអាជ្ញាធរ មូលដ្ឋានដែលបានប្រមូលពីតំបន់ទីសាធារណៈ ទីប្រជុំជន និងនៅតាមបណ្តាភូមិសាស្ត្រក្រុង-ស្រុក សរុបមានចំនួន ៥៩នាក់ ស្រីចំនួន ២៤នាក់ ជនអនាថា មានចំនួន ៨នាក់ ស្រី៣នាក់ អ្នកសុំទាន មានចំនួន ២៩នាក់ ស្រី១៧នាក់ ជនវិល្លាសស្មារតី មានចំនួន១៦នាក់ ស្រី៦នាក់ ជនពិការភាព មានចំនួន ៦នាក់ ស្រី ២នាក់ ក្នុងនោះដែរ កុមារមានចំនួន ៧នាក់ ស្រី ២នាក់។ ដោយឡែកជនអនាថាអ្នកសុំទាន និងជនវិបល្លាសស្មារតី ក្រៅខេត្តមានចំនួន ២២នាក់ផងដែរ៕

ដោយ៖ គឿន វេត

The post អាជ្ញាធរខេត្តសៀមរាប៖ បញ្ហាជនអនាថា អ្នកសុំទាន និងជនវិបល្លាសស្មារតី នៅតែជាបញ្ហាស្មុគស្មាញ appeared first on Kampuchea Thmey Daily.

ជាក់ស្តែង​ លោក លីម សុភា អភិបាល នៃ​គណៈ​អភិបាលខណ្ឌ​ជ្រោយចង្វារ​ បានដាក់​បទបញ្ជា ប្រមូល​ក្រុម​ប្រើប្រាស់​គ្រឿងញៀន ​និង​ជា​មុខសញ្ញា​លួច​នៅក្នុង​មូលដ្ឋាន​ឲ្យ​បាន​ស្អាត ដើម្បី​សុវត្ថិភាព​ប្រជាពលរដ្ឋ​ក្នុង​មូលដ្ឋាន លោក កៅ សា​រ៉ាវុធ អភិបាលរង នៃ​គណៈ​អភិបាលខណ្ឌ​ជ្រោយចង្វារ បាន​ដឹកនាំ​មានការ​ចូលរួម​ពី​អធិការដ្ឋាន​នគរបាល​ខណ្ឌ កម្លាំង​កងរាជអាវុធហត្ថ​ខណ្ឌ កម្លាំង​ប៉ុស្តិ៍​សង្កាត់​ជ្រោយចង្វារ និង​កម្លាំង​ប្រជា​ការពារ​សង្កាត់ រួម​ជាមួយ​នឹង​កម្លាំង​សណ្ដាប់ធ្នាប់​ខណ្ឌ បាន​ចុះ​ធ្វើ​រដ្ឋបាល​នៅ​សង្កាត់​ជ្រោយចង្វារ ខណ្ឌ​ជ្រោយចង្វារ រាជធានី​ភ្នំពេញ។

ក្នុងនោះ​កម្លាំង​គណៈ​ឯកភាព​បាន​ចុះ​ទៅតាម​ទីតាំង​សំខាន់ៗ ​មួយចំនួន​នៅក្នុង​មូលដ្ឋាន​ខាង​ជ្រោយ​ចង្វារ ដោយ​ជា​លទ្ធផល គណៈ​បញ្ជាការ​ឯកភាព​ខណ្ឌ​ជ្រោយចង្វារ បាន​ប្រមូល​មុខសញ្ញា​ពាក់ព័ន្ធ​គ្រឿងញៀន និង​មុខសញ្ញា​លួច បាន​ចំនួន​សរុប ១៩ ​នាក់ ក្នុងនោះ​ ស្រី ០៤ ​នាក់ រួមទាំង​វត្ថុតាង​មួយ​ចំនួន។

បើតាម ​លោក ចាន់ សុវណ្ណ ជា​ប្រជាពលរដ្ឋ​រស់នៅ​ក្នុង​មូលដ្ឋាន​ខណ្ឌ​ជ្រោយចង្វារ បាន​សម្ដែង​ក្ដី​សប្បាយ​រីករាយ​ជាខ្លាំង​ក្នុង​ការ​ដែល​អាជ្ញាធរ​មាន​ការ​យកចិត្តទុកដាក់​ពី​សុវត្ថិភាព​ប្រជាពលរដ្ឋ​ក្នុង​ការ​រស់នៅ​ ជាពិសេស​សណ្ដាប់ធ្នាប់​សាធារណៈ។

លោក​បន្ថែម​ទៀត​ថា បើសិន​ជាមាន​ក្រុម​ជនអនាថា​នេះ​នៅក្នុង​មូលដ្ឋាន​វា​ធ្វើ​ឲ្យ​មាន​ភាព​រញ៉េរញ៉ៃ​បាត់បង់​សោភ័ណភាព​ក្នុង​មូលដ្ឋាន​ ជាពិសេស​នោះ​អំពើ​លួច​ឆក់​តែងតែ​កើតមាន​ជារឿយៗ។ ម្យ៉ាងវិញ​ទៀត ​ក្រុម​អនាថា​ទាំងអស់នេះ​ តែងតែ​ប្រព្រឹត្ត​បទល្មើស​ចែកចាយ​គ្រឿងញៀន​ដែល​ធ្វើ​ឲ្យ​ប៉ះពាល់​ទៅដល់​ក្មេងៗ​ និង​យុវវ័យ​​រស់នៅក្នុង​ខណ្ឌ​ផងដែរ។

បច្ចុប្បន្ន​មុខសញ្ញា​ទាំង ​១៩​ នាក់ និង​វត្ថុតាង​ បាន​បញ្ជូន​ទៅ​អធិការដ្ឋាន​នគរបាល​ខណ្ឌ ដើម្បី​ចាត់ចែង​អនុវត្ត​តាម​នីតិវិធី​បន្ត៕

អត្ថបទ ៖ ម៉េង

The post គណៈបញ្ជាការឯកភាពខណ្ឌជ្រោយចង្វារ ចុះរដ្ឋបាលប្រមូលជនអនាថា ជាមុខសញ្ញាពាក់ព័ន្ធគ្រឿងញៀន appeared first on Kampuchea Thmey Daily.

គណ:បញ្ជាការឯកភាពខណ្ឌជ្រោយចង្វារ បានប្រមូលមុខសញ្ញាពាក់ព័ន្ធគ្រឿងញៀនចំនួន ៨នាក់(ក្នុងនោះស្រី​ ៣នាក់)​ រួមទាំងសម្ភារ:ប្រេីប្រាស់មួយចំនួន។​ បច្ចុប្បន្នមុខសញ្ញាទាំង​៨នាក់​ និងសម្ភារ:ប្រេីប្រាស់មួយចំនួន​ បានបញ្ជូនទៅអធិការដ្ឋាននគរបាលខណ្ឌ ដើម្បីចាត់ចែងអនុវត្តតាមនីតិវិធីបន្ត៕

អត្ថបទ៖ សុខា

The post គណៈបញ្ជាការឯកភាពខណ្ឌជ្រោយចង្វារ ចុះប្រមូល​ជនអនាថា​ និងអ្នកប្រេីប្រាស់គ្រឿងញៀន​ នៅក្រោមស្ពានជ្រោយចង្វារ appeared first on Kampuchea Thmey Daily.