ជា វណ្ណារិទ្ធ Archives - Kampuchea Thmey Daily

លោក ជា វណ្ណារិទ្ធ ស្នើឱ្យនាំគ្នាលើកនិយាយអ្វីល្អៗពីកម្ពុជាវិញ

Chan Sotheavy — Fri, 11 Oct 2024 09:59:05 +0000

លោក ជា វណ្ណារិទ្ធ ពិធីករ និងជាតារាសម្តែងល្បីឈ្មោះរបស់កម្ពុជា បានស្នើឱ្យមហាជនដែលជាជនជាតិខ្មែរ នាំគ្នានិយាយអ្វីដែលល្អៗពីប្រទេសជាតិវិញ ជំនួសឱ្យការបញ្ចេញមតិ និងចែករំលែកអ្វីពី Miss របស់ថៃ Lin Malin នោះ។ ការលើកឡើងនេះ គឺក្រោយពេលដែលភាពចម្រូងចម្រាស់រវាង អ្នកគ្រប់គ្រងក្រុមហ៊ុន MGI និងអគ្គនាយិកា HK7 បណ្តាលឱ្យអ្នកគាំទ្រវាងថៃនិងខ្មែរ ចាប់ផ្តើមមានការឈ្លោះវែកញែកគ្នាពេញបណ្តាញទំនាក់ទំនងសង្គម ប៉ុន្មានថ្ងៃមកនេះ។

ពិធីករល្បីឈ្មោះរូបនេះ គូសបញ្ជាក់ដែរថា ពិភពលោកគេចាប់ផ្តេីមដឹងពីធាតុពិត នៃអ្នកគ្រប់គ្រងកម្មវិធីនោះហើយ ហេតុនេះ ក្នុងនាមជាពលរដ្ឋខ្មែរ គួរតែនាំគ្នានិយាយពីកម្ពុជាវិញ មានន័យថា បញ្ឈប់ការខ្វល់ខ្វាយពីបុគ្គលទាំងនោះ និងងាកមកពួតដៃគ្នាលើកពីភាពអស្ចារ្យដែលខ្មែរមានវិញ ដើម្បីឱ្យពិភពលោកបានស្កាល់ជាងនេះ។ ជាមួយនឹងគំនិតនៃការលើកនេះ ក៏មានសិល្បករសិល្បការិនីមួយចំនួន បានចូលបង្ហាញការគាំទ្រផងដែរ។

គួរជម្រាបដែរថា ជុំវិញរឿងរ៉ាវនេះ ក្លិបអ្នកកាសែតកម្ពុជា (ក.អ.ក) និងសមាគមអ្នកកាសែតថៃ (ស.អ.ថ) ក៏បានសម្តែងក្តីបារម្ភ និងស្នើឱ្យក្រុមហ៊ុន Miss Grand International មានទីស្នាក់ការនៅប្រទេសថៃ និង Miss Grand Cambodia ដោះស្រាយវិវាទផ្ទាល់ខ្លួនឱ្យបានលឿន ដើម្បីកុំឱ្យស្ថានការណ៍កាន់រីកធំ ដែលអាចជះឥទ្ធិពលអវិជ្ជមានដល់ទំនាក់ទំនងរវាងប្រជាជន និងប្រជាជន។

សំណើរនេះ ត្រូវបានធ្វើឡើងបន្ទាប់បានសង្កេតឃើញថានាពេលថ្មីៗនេះ ប្រព័ន្ធផ្សព្វផ្សាយមួយចំនួន ជាពិសេសអ្នកប្រើប្រាស់បណ្តាញទំនាក់ទំនងសង្គម បានផលិត ផ្សព្វផ្សាយ និងចែកចាយព័ត៌មាន ពីព្រឹត្តិការណ៍ប្រឡងបវរកញ្ញា និងភាពតានតឹង រវាងក្រុមហ៊ុនទាំងពីរជាបន្តបន្ទាប់។

ជាមួយគ្នានេះ ក.អ.ក និង ស.អ.ថ ក៏អំពាវនាវដល់ប្រព័ន្ធផ្សព្វផ្សាយនៅក្នុងប្រទេសទាំងពីរ គួរមានការប្រុងប្រយ័ត្ន ហើយមិនគួរប្រើជម្លោះរវាងក្រុមហ៊ុនឯកជនទាំងពីរ ដើម្បីផលប្រយោជន៍ផ្ទាល់ខ្លួន ឬក្រុមហ៊ុនផ្សព្វផ្សាយរបស់ខ្លួនឡើយ៕

The post លោក ជា វណ្ណារិទ្ធ ស្នើឱ្យនាំគ្នាលើកនិយាយអ្វីល្អៗពីកម្ពុជាវិញ appeared first on Kampuchea Thmey Daily.

ជា វណ្ណារិទ្ធ រំភើបជំនួសពលរដ្ឋខេត្តកណ្ដាល ខណៈ លោក គួច ចំរើន មកកាន់តំណែងជាអភិបាលខេត្ត

អ៊ិន ពិសី — Tue, 02 Jul 2024 02:40:57 +0000

ពិធីករសម្បូរវោហារស័ព្ទមិនចេះរឹងស្ងួត លោក ជា វណ្ណារិទ្ធ បានបង្ហាញក្តីរំភើបជាមួយប្រជាពលរដ្ឋរស់នៅក្នុងខេត្តកណ្តាល ខណៈដែលលោក គួច ចំរើន ត្រូវបានប្រកាសផ្ទេរមកកាន់តំណែងជាអភិបាលខេត្តកណ្ដាល។

ជាការពិត លោក គួច ចំរើន ត្រូវបានប្រកាសចូលកាន់មុខតំណែងអភិបាលខេត្តកណ្តាល កាលពីព្រឹកថ្ងៃទី ០១ ខែកក្កដា ឆ្នាំ ២០២៤ ក្រោមអធិបតីភាព លោក ស សុខា ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ ខណៈប្រជាពលរដ្ឋបានរំពឹងថា អភិបាលខេត្តថ្មី រូបនេះ នឹងផ្តល់ភាពសុខសាន្តដល់ពួកគាត់តាមរយៈការបង្ក្រាបបទល្មើសផ្សេងៗ ផងដែរ។

ដោយឡែកសម្រាប់ពិធីករ លោក ជា វណ្ណារិទ្ធ បានលើកឡើងពីចំណាប់អារម្មណ៍បែបនេះថា «អ្នកខេត្តកណ្តាល មានអារម្មណ៍បែបណា នៅពេលដែលបានឃើញវត្តមានរបស់ ឯកឧត្ដម? សម្រាប់ខ្ញុំ រីករាយជំនួស ព្រោះការដឹកនាំរបស់ ឯកឧត្ដម ប្រកបដោយគុណតម្លៃ និងភាពស្និទ្ធស្នាលជាមួយប្រជាពលរដ្ឋ»។

ចំណែកនៅលើទំព័រហ្វេសប៊ុករបស់ លោក គួច ចំរើន បានមានប្រសាសន៍ថា «អ្នកកណ្តាល សុំផ្ញើខ្លួន និងការងារជោគជ័យផង។ ក្នុងរយៈពេល ១០ ឆ្នាំ ខ្ញុំបានប្ដូរការងារ ៦ កន្លែង ខណ្ឌមានជ័យ-ខណ្ឌដូនពេញ-អគ្គរដ្ឋបាល-ខេត្តកំពង់ចាម-ខេត្តព្រះសីហនុ-ខេត្តកណ្តាល»។

លោកបន្ថែមទៀតថា «ការងារច្រើនកន្លែង ថ្មីរហូត ហត់បន្តិចមែន តែបទពិសោធច្រើន មិត្តភ័ក្ដិក៏ច្រើន ទំនាក់ទំនងក៏ច្រើន ស្គាល់សង្គម និងមនុស្ស ក៏ច្រើន។ រីករាយចំពោះការងារទាំងអស់ដែលបានបន្សល់ស្នាមញញឹម និងក្តីនឹករលឹក»៕

អត្ថបទ ៖ ចាន់រ៉ា

The post ជា វណ្ណារិទ្ធ រំភើបជំនួសពលរដ្ឋខេត្តកណ្ដាល ខណៈ លោក គួច ចំរើន មកកាន់តំណែងជាអភិបាលខេត្ត appeared first on Kampuchea Thmey Daily.

អ៊ីវ៉ា លួចសរសើរ ជា វណ្ណារិទ្ធ ជាបុរសអស្ចារ្យ

អ៊ិន ពិសី — Fri, 22 Mar 2024 01:53:30 +0000

ពិធីករសម្បូរវោហារស័ព្ទលោក ជា វណ្ណារិទ្ធ ថ្មីៗ នេះ បានធ្វើឲ្យមហាជនអ្នកគាំទ្រ ពិសេសមិត្តភ័ក្ដិក្នុងចង្កោមសិល្បៈដូចគ្នាមានការកោតសរសើរ និងលើកឡើងដោយចំៗ ថា លោកគឺជាបុរសអស្ចារ្យ និងមានទំនួលខុសត្រូវខ្ពស់ក្នុងគ្រួសារ។

ការសរសើររបស់មហាជននេះ ស្របពេលដែលពិធីករលោក ជា វណ្ណារិទ្ធ បានលេចសកម្មភាពក្នុងការដឹកជញ្ជូនអីវ៉ាន់អនឡាញ(លក់គ្រឿងម្ជូរ) ដោយមិនប្រកាន់ខ្លួនជាតារា ឬអ្នកល្បីឈ្មោះក្នុងសិល្បៈ។ តួយ៉ាង លោក វណ្ណារិទ្ធ បានបង្ហោះរូបភាព អមខ្លឹមសារថា «ស៊ូៗ ដើម្បីម៉ូយ ពេលខ្លះតបយឺត ឬ មិនបានតប សូមអធ្យាស្រ័យផង»។

តាមរយៈសកម្មភាពនេះ ក៏ត្រូវបានតារាចម្រៀងកញ្ញា ឃីន ស្រីនាថ ហៅ អ៊ីវ៉ា បានសម្តែងការគាំទ្រ និងលើកសរសើរថា «ភាពអស្ចារ្យរបស់មនុស្ស ទោះបីស្ថិតក្នុងមុខមាត់ប៉ុណ្ណា ឋានៈអ្វី មានលុយ មានការងារមុខរបរល្អប៉ុណ្ណា ក៏នៅតែខំប្រឹង ឧស្សាហ៍ព្យាយាម ធ្វើនេះ ធ្វើនោះ នៅមិនចេះស្ងៀម នេះគេហៅថា មនុស្សដែលពូកែ និងមានទំនួលខុសត្រូវខ្ពស់»។ តារាចម្រៀង កញ្ញា អ៊ីវ៉ា បានបន្ថែមទៀតថា «ខ្ញុំតែងតែលួចសរសើរគាត់ Chea Vannarith»។

ចំណែកតារាកំប្លែង ម៉ា ដូណា ក៏បានបង្ហាញការសរសើរលោក ជា វណ្ណារិទ្ធ ដែរថា «ពិតជាសុំសរសើរមែន ការងារក្រៅម៉ោងហត់ប៉ុណ្ណា គឺដើម្បីគ្រួសារ និងភាពរីករាយក្នុងជីវិត»។ មិនខុសគ្នាពីតារាប្រុស-ស្រី ខាងលើទេ ក្នុងនោះក៏មានអ្នកគាំទ្រជាច្រើនទៀត បញ្ចេញមតិសរសើរការខិតខំរបស់ពិធីកររូបនេះផងដែរ។

ដោយឡែក បើចាប់អារម្មណ៍ចំណងស្នេហារវាងពិធីករ លោក ជា វណ្ណារិទ្ធ និងអ្នកនាង សុភាព ម៉ូល្យ៉ា ឬ ហៅថា បេឡា នោះ បច្ចុប្បន្នពួកគេទាំងពីរនាក់កំពុងតែធ្វើឲ្យមានការសរសើរជាខ្លាំង ទាក់ទងនឹងរឿងគ្រួសារផ្អែមល្ហែម និងកក់ក្ដៅ ជាមួយគ្នា ពោលចាប់តាំងពីអ្នកទាំងពីរបានរួមរស់ជាប្តី-ប្រពន្ធនឹងគ្នាមកម្ល៉េះ៕

អត្ថបទ ៖ ចាន់រ៉ា

The post អ៊ីវ៉ា លួចសរសើរ ជា វណ្ណារិទ្ធ ជាបុរសអស្ចារ្យ appeared first on Kampuchea Thmey Daily.

ជា វណ្ណារិទ្ធ សរសើរឆន្ទៈ G-Devith ឆ្លងកាត់ព្យុះភ្លៀងច្រើនតែមិនបោះបង់

Din Thary — Fri, 17 Nov 2023 02:43:53 +0000

ឃើញការតស៊ូរបស់តារាចម្រៀងរ៉េបលោក ងួ ន ចាន់ដេវីត ហៅ G-Devith ពិធីករសម្បូរសំនួនវោហារសព្ទមិនចេះរីងស្ងួតលោក ជា វណ្ណារិទ្ធ បានចេញមក សរសើរដោយគ្មានការលាក់ទុកក្នុង ចិត្តចំពោះឆន្ទៈរបស់តារារ៉េបរូបនេះទោះបីឆ្លងកាត់ព្យុះភ្លៀងជាច្រើនក្តីតែមិនបោះបង់ក្តីស្រមៃ។

ពិធីករលោក ជា វណ្ណារិទ្ធ បានចាត់ទុកថាតារាចម្រៀងរ៉េប G-Devith គឺជាតារាខ្មែរដែលជួបរឿងរ៉ាវច្រើនជាងគេប៉ុន្តែ លោក វីត នៅតែស៊ូទ្រាំខាំមាត់យ៉ាងខ្លាំងណាស់ដែរព្រោះតែ ដេវីត ដើម្បីក្តីស្រមៃគ្រួសារ និងFans។ លោក ជា វណ្ណារិទ្ធ បានលើកឡើងថា G-Devithជាកំពូលតារាចម្រៀងម្នាក់ដែលឆ្លងកាត់ព្យុះភ្លៀង ច្រើនជាងគេលោកស៊ូទ្រាំខាំមាត់ក៏ខ្លាំងណាស់ដែរ។

ពិធីករលោក ជា វណ្ណារិទ្ធ បានបន្តថា ទោះបីយ៉ាងណា ដេវីត នៅតែតស៊ូជម្នះដើម្បីក្តីស្រមៃគ្រួសារនិងFans ៗ មិនមែនគាត់មិនចេះឈឺ មិនចេះយំទេ តែគាត់សុខចិត្តលាក់ទុកក្នុងចិត្តហើយមកបន្ធូរអារម្មណ៍តាមបទចម្រៀង សូមកោតសរសើរដោយស្មោះ ២១បទមិនមែនធម្មតាទេ You are the Best ។

ប្រាកដណាស់តារារ៉េប G-Devith កាលពីថ្ងៃទី១២ ខែវិច្ឆិកា ឆ្នាំ២០២៣ កន្លងទៅ បានបង្ហាញវត្តមានច្រៀង និងសម្តែងនៅលើឆាកនៃកម្មវិធីដ៏ធំមួយនៅទីធ្លា OCICក្នុងទឹកដីខណ្ឌជ្រោចង្វារដែលមានអ្នកគាំទ្រជាច្រើនចូលរួមទស្សនាចាប់ពីវេលាម៉ោង ២រសៀលរហូតដល់ម៉ោង ១២យប់។ ក្នុងការបង្ហាញវត្តមាននោះ G-Devithបានលើកយកបទចម្រៀងចំនួន ២១បទដើម្បីបង្ហើរសំនៀងជូនដល់អ្នកគាំទ្រផងដែរ៕

អត្ថបទ៖ ចាន់រ៉ា

The post ជា វណ្ណារិទ្ធ សរសើរឆន្ទៈ G-Devith ឆ្លងកាត់ព្យុះភ្លៀងច្រើនតែមិនបោះបង់ appeared first on Kampuchea Thmey Daily.

ជា វណ្ណារិទ្ធ ចេញមុខនិយាយពាក់ព័ន្ធរឿងតម្លៃខ្លួនកីឡាករ ព្រំ សំណាង

អ៊ិន ពិសី — Thu, 07 Sep 2023 07:07:49 +0000

បន្ទាប់ពីមានការវែកញែករឿងតម្លៃខ្លួនកីឡាករប្រដាល់ ព្រំ សំណាង ភ្លាមៗនេះដែរ ស្រាប់តែពិធីករល្បីឈ្មោះលោក ជា វណ្ណារិទ្ធ បានចេញមកនិយាយដោយបើកចំហទៅកាន់លោក ព្រំ សំណាង តែម្ដង។

ពិធីករសម្បូរវោហារសព្ទ លោក ជា វណ្ណារិទ្ធ បានលើកឡើងថា «សំណាង ព្រំ-គុនខ្មែរ សង្ឃឹមថា ពូ នឹងមិនខឹងស្អប់ចំពោះអ្វីដែលខ្ញុំបានលើកឡើងទេ ព្រោះខ្ញុំមិនចង់ឲ្យពូមានសំពាធ ដូចការលើកឡើងក្នុងបទសម្ភាសន៍អ៊ីចឹង ពូថាបាក់ទឹកចិត្តណាស់ មិននឹកស្មានថាតម្លៃខ្លួនបានប៉ុណ្ណឹង បើប្រៀបធៀបនឹងគេ ខ្ញុំយល់ពីអារម្មណ៍ពូណាស់ ព្រោះខ្ញុំក៏ជាអតីតកីឡាករប្រយុទ្ធមួយរូបដែរ»។

លោក ជា វណ្ណារិទ្ធ បន្តទៀតថា «ចង់បានណាស់តម្លៃខ្លួនឲ្យសក្ដិសមទៅនឹងការឈឺសាច់ តែកាលៈទេសៈខ្លះពិបាកណាស់ ពូខ្លួនឯងដឹងហើយ គ្មានអ្នកណាដឹងច្បាស់ជាងខ្លួនឯងទេ។ អ្វីដែលពូត្រូវសម្រេចចិត្ត គឺ ទទួលយកបាន ឬ មិនបាន ប្រកួត ឬ មិនប្រកួតប៉ុណ្ណោះ ព្រោះការប្រកួតនេះមើលទៅ ក៏ដូចជាការប្រកួតមិត្តភាពដែរទេ ហើយមើលទៅ Dav ក៏ស្រលាញ់ពេញចិត្ត ពូណាង និងFan Fan កម្ពុជា មិនធម្មតាដែរ»។

ពិធីករលោក ជា វណ្ណារិទ្ធ បាននិយាយបន្ថែមថា «សូមផ្ដោតអារម្មណ៍ហ្វឹកហាត់ឲ្យបានល្អណា កាលបរិច្ឆេទប្រកួតបានកំណត់ហើយ ខ្ញុំនៅតែគាំទ្រពូជានិច្ច ដោយក្ដីគោរពស្រលាញ់ ពូណាង កីឡាករលំដាប់ប្រទេសរបស់កម្ពុជា»។

ជាមួយគ្នានេះដែរ ក៏មានអ្នកគាំទ្រមួយចំនួនបានបញ្ចេញមតិក្នុងការលើកទឹកចិត្តកីឡាករ ព្រំ សំណាង ឲ្យបន្តការខិតខំហ្វឹកហាត់បន្ថែមទៀតផងដែរ៕

អត្ថបទ ៖ ចាន់រ៉ា

The post ជា វណ្ណារិទ្ធ ចេញមុខនិយាយពាក់ព័ន្ធរឿងតម្លៃខ្លួនកីឡាករ ព្រំ សំណាង appeared first on Kampuchea Thmey Daily.

ចូលសិល្បៈជាង ១៥ ឆ្នាំ ជាលើកទី ១ ដែលធ្វើឲ្យ ជា វណ្ណារិទ្ធ រំភើបអួលដើមក

អ៊ិន ពិសី — Mon, 29 May 2023 03:06:00 +0000

ឆ្លងកាត់ការធ្វើការងារជាពិធីករអស់រយៈពេលជាង ១៥ ឆ្នាំ លោក ជា វណ្ណារិទ្ធ បានបញ្ជាក់ថា នេះជាអារម្មណ៍ដែលលោកសប្បាយចិត្ត ហើយរំភើបខ្លាំងបំផុត ដែលទទួលបានការសរសើរ លើកទឹកចិត្ត កាលពីអំឡុងព្រឹត្តិការណ៍ស៊ីហ្គេម ២០២៣ កម្ពុជាធ្វើជាម្ចាស់ផ្ទះកាលពីថ្មីៗនេះ។

ថ្លែងប្រាប់ពីអារម្មណ៍ពិត លោក ជា វណ្ណារិទ្ធ បានរៀបរាប់ទាំងក្ដុកក្ដួលថា តាំងពីលោកចាប់ផ្ដើមការងារជាពិធីករអស់រយៈពេលជាង ១៥ ឆ្នាំមកនេះ អារម្មណ៍មួយដែលលោកមិនដែលទទួលបានពីមុនមកនោះ គឺការសរសើរលើកទឹកចិត្តពីព្រឹត្តិការណ៍ស៊ីហ្គេម ២០២៣។ ការពិត លោកមានការបារម្ភខ្លាំង តែអរគុណដល់អ្នកមីងសម្ភស្ស ដែលបង្រៀន និងផ្ដល់កម្លាំងចិត្តធ្វើការដោយក្ដីស្រលាញ់ និងបេះដូង ព្យាយាមខ្លាំង តាំងចិត្តខ្លាំង រំភើបខ្លាំង។

លោក ជា វណ្ណារិទ្ធ បានបន្តថា «ខ្ញុំស្ទើរស្រក់ទឹកភ្នែក តែជាលទ្ធផល យើងទទួលបានភាពរីករាយប្រកបដោយមោទនភាពរួមជាខ្មែរសម្រាប់ Paragame ខ្ញុំអត់បានចូលរួមទេ តែខ្ញុំសូមជូនពរដល់បងប្អូនអត្តពលិកកម្ពុជាយើងទាំងអស់ ទទួលបានជោគជ័យ និងរកមេដាយជូនជាតិឲ្យបានច្រើនៗ»។

បន្ទាប់ពីឃើញការលើកឡើងរបស់លោក វណ្ណារិទ្ធ នូវខ្លឹមសារខាងលើ ភ្លាមៗ ក៏មានម្ចាស់គណនីហ្វេសប៊ុកមួយបានលើកឡើងថា «ប្អូនធ្វើបានល្អណាស់ រួមទាំងការទប់ទល់បរិយាកាសជុំវិញខ្លួនផង សំខាន់ប្អូនមានស្នាមញញឹម និងភាសាទន់ភ្លន់គ្រប់ស្ថានការណ៍ ការងារជាក្រុមប្អូនសហការបានយ៉ាងល្អ ស្មារតីក្រុមកើតឡើងយ៉ាងប្រត្យក្ស បងសូមកោតសរសើរដោយស្មោះ»។ ឆ្លើយតបការសរសើរនេះ លោក ជា វណ្ណារិទ្ធ បានថ្លែងថា «ហេតុអ្វីបានខ្ញុំអានហើយអួលដើមក អញ្ចឹងបង អរគុណបងដូចគ្នា ដោយក្តីគោរពស្រលាញ់ Chan Molika»៕

អត្ថបទ ៖ ចាន់រ៉ា

The post ចូលសិល្បៈជាង ១៥ ឆ្នាំ ជាលើកទី ១ ដែលធ្វើឲ្យ ជា វណ្ណារិទ្ធ រំភើបអួលដើមក appeared first on Kampuchea Thmey Daily.

ជា វណ្ណារិទ្ធ ទម្លាយប្រវត្តិស្នេហ៍ដំបូងជាមួយភរិយា

Sokhom Khon — Thu, 25 Aug 2022 00:18:30 +0000

គេចាំបានថាចំណងស្នេហ៍ប្តី-ប្រពន្ធរបស់ពិធីករប្រុសលោក ជា វណ្ណារិទ្ធ និងភរិយាបើគិតមកដល់ពេលនេះ គឺមានរយ:ពេលជិត១០ឆ្នាំហើយ ខណៈពួកគេក៏ទទួលបានកូន២នាក់ជាទីស្រលាញ់ដែលជាដំណក់ឈាមរួមគ្នាជាចំណងដៃនៃអាពាហ៍ពិពាហ៍ផងនោះ។

ជាការពិតចំណងស្នេហ៍រវាងពិធីករលោក ជា វណ្ណារិទ្ធ និងអ្នកនាង សុភាព ម៉ូល្យ៉ា ឬហៅថា បេឡា នោះ បច្ចុប្បន្នគឺពួកគេទាំងពីរនាក់កំពុងតែធ្វើឱ្យមានការសរសើរជាខ្លាំងទាក់ទងនឹងរឿងគ្រួសារផ្អែមល្ហែម និងកក់ក្តៅបង្កើនភាពល្អូកល្អើនជាមួយគ្នាចាក់ទឹកមិនលិច ពោលគឺចាប់តាំងពីអ្នកទាំងពីរបានរួមរស់ជាប្តី-ប្រពន្ធនឹងគ្នាមកម្លេះ។

ដោយឡែកបើចាប់អារម្មណ៍ពីដំណើរជីវិតនៃការចាប់ផ្តើមសាងស្នេហ៍ដំបូងប្រហែលជាមិនសូវមានអ្នកដឹងទេថា តើពួកគេផ្តើមចេញពីជំហ៊ានអ្វីឡើយ?។ ប៉ុន្តែពេលនេះលោកក៏បានដាច់ចិត្តទម្លាយប្រវត្តិស្នេហ៍គ្រាដំបូងដែលផ្តើមចេញពីរឿងមួយនេះ។ លោកបានបញ្ជាក់ថា ដំបូងឡើយលោកបានត្រឹមតែលួចថតរូបភរិយាប៉ុណ្ណោះ តែក្រោយមកទៀតទើបសុំស្គាល់គ្នា។

ពិធីករសម្បូវោហាស័ព្ទ ជា វណ្ណារិទ្ធ បានលើកឡើងដូច្នេះថា «ធ្លាប់ឬអត់លួចថតរូបគេ រហូតតាមសុំស្គាល់លង់ស្នេហ៍ប្រែក្លាយជាមិត្តយល់ចិត្ត១០០ឆ្នាំ និងជាជាងថតប្រចាំមួយជីវិត? ពេលខ្លះលួចថតត្រូវចិត្តជាងមែនអត់?»។

បើតាមការកត់សម្គាល់សម្រាប់ចំណងស្នេហារវាងលោក ជា វណ្ណារិទ្ធ និងភរិយាគេឃើញថា អ្នកទាំងពីរតែងតែបង្ហាញពីភាពរឹងមាំនៃសម្ព័ន្ធស្នេហាយ៉ាងមានសុភ័មង្គល និងផ្អែមល្ហែមជាមួយគ្នាជាបន្តបន្ទាប់។ ហេតុផលនេះហើយទើបធ្វើឲ្យមហាជន និងអ្នកគាំទ្រជាច្រើនបាននាំគ្នាសរសើរហើយយល់ឃើញថា ពិតជាគំរូល្អចំពោះអ្នកសិល្បៈឯទៀត៕

អត្ថបទ៖ ចាន់រ៉ា

The post ជា វណ្ណារិទ្ធ ទម្លាយប្រវត្តិស្នេហ៍ដំបូងជាមួយភរិយា appeared first on Kampuchea Thmey Daily.

ពិធីករល្បី ជា វណ្ណារិទ្ធ បានចូលខ្លួនធ្វើជាអ្នកដឹកជញ្ជូនមួយថ្ងៃ ដើម្បីចូលរួមក្នុងយុទ្ធនាការជាមួយ ក្រុមហ៊ុនសាប៊ូកក់សក់ Head & Shoulders

Sorn Phanith — Tue, 07 Jun 2022 07:24:07 +0000

លោក ជា វណ្ណារិទ្ធ បានឱ្យដឹងថា ធ្វើជាអ្នកដឹកជញ្ជូនពិតជាមិនស្រណុកឡើយ ជាពិសេសអ្នកដឹកជញ្ជូន ដែលត្រូវបើកបរនៅលើដងផ្លូវជាច្រើនម៉ោងមិនថា ក្រោមកម្តៅថ្ងៃ ឬមេឃភ្លៀង ដែលតម្រូវឱ្យអ្នកដឹកជញ្ជូនច្រើន តែងប៉ះពាល់ផ្ទាល់នឹងធូលីដី កម្ដៅថ្ងៃ ឬ ផ្សែងពុល។ ការពាក់មួកសុវត្ថិភាពហប់រាប់ម៉ោង នៅក្រោមពន្លឺថ្ងៃក្តៅខ្លាំង នឹងបណ្តាលឲ្យកើតជាបញ្ហាស្បែកក្បាល ឬឈានទៅដល់បញ្ហាអង្គែ។

ចង់ដឹងថា តើលោកជា វណ្ណារិទ្ធ នឹងប្រឈមមុខឧបសគ្គអ្វីខ្លះ សូមតាមដានទស្សនាវីដេអូខាងក្រោមដូចតទៅ…

ព័ត៌មានបន្ថែម សូមចុចតាមតំណភ្ជាប់

https://www.facebook.com/HeadandShouldersShampooCambodia

The post ពិធីករល្បី ជា វណ្ណារិទ្ធ បានចូលខ្លួនធ្វើជាអ្នកដឹកជញ្ជូនមួយថ្ងៃ ដើម្បីចូលរួមក្នុងយុទ្ធនាការជាមួយ ក្រុមហ៊ុនសាប៊ូកក់សក់ Head & Shoulders appeared first on Kampuchea Thmey Daily.