ការចុះបង្ក្រាបទីតាំងជួញដូរសត្វព្រៃខាងលើនេះបានធ្វើឡើងកាលពីវេលាម៉ោង២រសៀលថ្ងៃទី១៣ ខែមីនា ឆ្នាំ២០២៤ ក្នុងនៅផ្ទះមួយកន្លែងស្ថិតក្នុងភូមិរាជានុកូល សង្កាត់ស្ទឹងត្រែង ក្រុង ខេត្តស្ទឹងត្រែង។

សមត្ថកិច្ចចុះបង្ក្រាបការជួញដូរសត្វព្រៃខុសច្បាប់បានបញ្ជាក់ថា ក្រោយពីមានការរស៊ើបអង្កេតស្រាវជ្រាវអស់រយៈពេលជាច្រើនថ្ងៃ ទើបកម្លាំងសមត្ថកិច្ចចម្រុះធ្វើការចុះបង្ក្រាបដោយមានការសម្របសម្រួលពីព្រះរាជអាជ្ញាអមសាលាដំបូងខេត្តស្ទឹងត្រែងផងដែរ។

សមត្ថកិច្ចបានបន្តឲ្យដឹងទៀតថា ការចុះបង្ក្រាបសត្វព្រៃខាងលើមានម្ចាស់ឈ្មោះ អូន រស្មី ភេទប្រុស អាយុ៣៦ឆ្នាំមានទីលំនៅក្នុងភូមិរាជានុកូល២ សង្កាត់ស្ទឹងត្រែង ក្រុងស្ទឹងត្រែង។ សមត្ថកិច្ចថាក្នុងការឆែកឆេរុករកវត្ថុតាងបទល្មើសសត្វព្រៃក្នុងទីតាំងលំនៅដ្ឋានខាងលើគ្រប់ទីកន្លែងទាំងក្នុង និងក្រៅបរិវេណលំនៅដ្ឋានបានប្រទះឃើញ និងដកហូតបណ្ដោះ​អាសន្នសត្វព្រៃ និងសំណាក់សត្វរួមមាន៖ កន្ទុយក្ងោក១កន្ទុយ ក្រពះប្រម៉ាក្រៀម៥ក្រពះ ស្នែងឈ្លូសជាប់ឆ្អឹងក្បាល១០ ស្នែង ស្នែងប្រើស៦ដុំ ចង្គូមជ្រូកព្រៃ៣៦ចង្កូម (ចែ) ក្រចកខ្លាឃ្មុំ ៤ក្រចក ធ្មេញជ្រូកព្រៃ៣៨ឆ្មេញ ស្វាក្រេសញី២ក្បាល។

ក្រោយរឹបអូសសំណាកសត្វព្រៃ និងនាំខ្លួនម្ចាស់ផ្ទះទៅកាន់រដ្ឋបាលព្រៃឈើខេត្តធ្វើកំណត់ហេតុទទួលការពិន័យតាមច្បាប់រដ្ឋបាលព្រៃឈើរួចមក ព្រះរាជអាជ្ញាសម្រេចអោយជនល្មើសត្រឡប់ទៅលំនៅដ្ឋានវិញដោយពុំមានការឃុំខ្លួននោះឡើត៕

អត្ថបទ៖ ងិនលីម

The post បង្ក្រាបទីតាំងជួញដូរសត្វព្រៃខុសច្បាប់ដកហូតវត្ថុតាងជាច្រើនប្រភេទ តែអនុញាតឲ្យជនល្មើសត្រឡប់ទៅផ្ទះវិញ appeared first on Kampuchea Thmey Daily.

ស្ត្រីនោះមានឈ្មោះថា Le Thi Du អាយុ ៣៩ ឆ្នាំ នាងត្រូវប៉ូលិសចាប់ខ្លួន ខណៈពេលកំពុងដឹកសត្វទាំង ១១ ក្បាល កាលពីថ្ងៃព្រហស្បតិ៍ ទី១៩ ខែតុលា ។

សត្វកម្រដែលនាង Thi Du លួចដឹកមានដូចជា សត្វពង្រូល ២ ក្បាល ស្ដេចពស់វែងមួយក្បាល ពស់កណ្ដុរឥណ្ឌាមួយក្បាល បង្គួយ ៥ ក្បាល និងសត្វស្ការ ២ ក្បាល ។

បន្ទាប់ពីស្ទាក់ចាប់រួចហើយ ប៉ូលិសក៏បានប្រគល់សត្វទាំងអស់ទៅឲ្យមជ្ឈមណ្ឌលសង្គ្រោះ អភិរក្ស និងអភិវឌ្ឍន៍សត្វនៅឧទ្យានជាតិ Cuc Phuong ភាគខាងជើងប្រទេសវៀតណាម ៕

ប្រែសម្រួល៖ វារី

ប្រភព៖ tuoitrenews

ចុចអាន៖ បុរស​ម្នាក់​ប្រឈម​នឹង​ការ​ផាក​ពិន័យ ពី​បទ​រាវខ្យង​ជិតផុតពូជ​នៅ ​វៀតណាម

The post ប៉ូលិស វៀតណាម ចាប់ខ្លួនស្ត្រីម្នាក់ដែលលួចដឹកជញ្ជូនសត្វកម្រចំនួន ១១ ក្បាល appeared first on Kampuchea Thmey Daily.

យោងតាម សេចក្ដីប្រកាសព័ត៌មាន ថ្មីៗនេះ រដ្ឋបាលស្រុកបាធាយ បានសង្កេតឃើញថា ក្នុងរយៈពេលប៉ុន្មានថ្ងៃក្រោយពីមាន Page facebook និង បណ្តាញសង្គមនានា បានបង្ហោះផ្សព្វផ្សាយទាក់ទងទៅនឹងការជួញដូរសត្វស្លាប និងសត្វព្រៃនៅតាមដងផ្លូវជាតិលេខ ៦A (ត្រង់គីឡូម៉ែត្រលេខ៤៩ ចំណុចស្ពានត្រស់)។ តាមការសង្កេត គឺរូបភាពចាស់ហើយបានធ្វើការផ្សព្វផ្សាយតៗគ្នា។

ពាក់ព័ន្ធករណីនេះ កន្លងមករដ្ឋបាលស្រុកបានដាក់ចេញនូវសេចក្ដីជូនដំណឹងលេខ ២៤៥/២១ សជណ ចុះថ្ងៃទី៣០ ខែកក្កដា ឆ្នាំ២០២១ ស្តីពីការហាមឃាត់ការលួចរក្សាទុក និងការលួចលក់ដូរសត្វព្រៃម្តងរួចមកហើយ និងបានសហ ការជាមួយក្រុមអន្តរាគមន៍បង្ក្រាបបទល្មើសសត្វព្រៃ នៃរដ្ឋបាលព្រៃឈើ និងអង្គការ វ៉ាយអេដស៍ ចុះផ្សព្វផ្សាយ ពន្យល់ ណែនាំ ហើយបានអញ្ជើញប្រជាពលរដ្ឋដែលបានលួចបន្លំរក្សាទុក និងលួចលក់ដូរសត្វព្រៃ ឱ្យធ្វើកិច្ចសន្យាជាច្រើនដងរួចមកហើយ និងមានការចាប់ផាកពិន័យជាអន្តរកាល ហើយបានបញ្ជូនជនល្មើសទៅតុលាការម្តងហើយ។

ទោះបីជាអាជ្ញាធរ និងមន្ត្រីជំនាញយើងខិតខំយ៉ាងណាក៏នៅមានជនល្មើសមួយចំនួនតូចលួចបន្លំ ធ្វើការរក្សាទុក និងលួចលក់ដូរសត្វព្រៃ ក្នុងរូបភាពលក់ត្រីងៀត ត្រីឆ្អើរ និងផ្លែឈូក ក្នុងរូបភាពនោះយូរៗម្ដងជនល្មើសបន្លំ លក់សត្វព្រៃ ហើយពេលខ្លះបន្លំយកសត្វស្រុកធ្វើជាសត្វព្រៃដើម្បីលក់។ ជាមួយគ្នានោះរដ្ឋបាលស្រុក នៅតែបន្ត សហការជាមួយមន្ត្រីជំនាញ និងកម្លាំងសមត្ថកិច្ចបន្តចុះអប់រំណែនាំ និងបង្ក្រាបជាប់ជាប្រចាំ ដើម្បីថែរក្សាការពារ និង អភិរក្សសត្វព្រៃ។

អាស្រ័យដូចបានជម្រាបជូនខាងលើ សូមបងប្អូនប្រជាពលរដ្ឋ និងអ្នកពាក់ព័ន្ធនានា ចូលរួមជាមួយរដ្ឋបាល ស្រុកបាធាយ អនុវត្តឱ្យបានខ្ជាប់ខ្ជួននូវការទប់ស្កាត់ការជួញដូរសត្វព្រៃគ្រប់ប្រភេទ និងសូមអំពាវនាវដល់អ្នកពាក់ព័ន្ធទាំងអស់ សូមមេត្តាបញ្ឈប់ការរក្សាទុក និងលួចលក់ដូរសត្វព្រៃ ហើយជួយសហការជាមួយអាជ្ញាធរ ក្នុងករណីមានការរក្សាទុក ឬលក់ដូរ សូមផ្ដល់លេខទូរសព្ទ ០១២ ៨២៥ ៦៨៤ ឬ ០៧៦ ៧៨៨ ១១១ ដើម្បីចូលរួមសហការ និងទទួលព័ត៌មាន៕

The post អាជ្ញាធរបញ្ជាក់ រូបភាពជួញដូរសត្វស្លាបនៅផ្លូវជាតិលេខ ៦A គឺរូបភាពចាស់ appeared first on Kampuchea Thmey Daily.