ពលរដ្ឋ ទាំងមនុស្សចាស់ ទាំងមនុស្សក្មេង បានមើលឃើញយ៉ាងច្បាស់ថា ថ្ងៃ៧មករា ជាថ្ងៃកំណើតទី០២ របស់យើងទាំងអស់គ្នានេះ គឺពុំមែនកើតឡើងមកដោយចៃដន្យនោះឡើយ គឺកើតឡើងមកដោយគោលនយោបាយឈ្នះៗ ប្រកបដោយគតិបណ្ឌិតវៀងរៃ បំផុតរបស់សម្តេចអគ្គមហាសេនាបតី តេជោ ហ៊ុន សែន ប្រធានគណបក្សប្រជាជនកម្ពុជា ដែលសម្តេចបានយកជីវិតធ្វើជាដើមទុនក្នុងការរំដោះប្រទេសជាតិចេញពីរបបវាលពិឃាដ ៣ឆ្នាំ៨ខែ២០ថ្ងៃ ដែលជារបបមហាសែនប្រល័យ និងសាហាវយ៉ង់ឃ្នងបំផុត ក្នុងប្រវត្តិសាស្ត្ររបស់កម្ពុជា។

ប្រជាពលរដ្ឋ បានបន្តលើកឡើងទៀតថា ប្រទេសកម្ពុជា ក្រោមការដឹកនាំដោយ សម្តេចអគ្គមហាសេនាបតី តេជោ ហ៊ុន សែន បន្តមកដល់ សម្ដេចមហាបវរធិបតី ហ៊ុន ម៉ាណែត ប្រទេសមានសន្តិភាព មានការអភិវឌ្ឍន៍ ប្រជាជនមានសិទ្ធិពេញលេញ ក្នុងការរស់រានមានជីវិត ប្រកបអាជីវកម្ម មានចំណូលចិត្ត។

សូមបញ្ជាក់ថា ថ្ងៃទី០៧ មករា ឆ្នាំ២០២៦នេះ គឺជាគម្រប់ខួប៤៧ឆ្នាំហើយ នៃការរួចផុតពីរបបប្រល័យពូជសាសន៍ពលពត ពោលគឺ គិតចាប់ពីថ្ងៃទី០៧ មករា ឆ្នាំ១៩៧៩មក៕ អត្ថបទ ៖ សុភា

The post ប្រជាជនកម្ពុជា នៅតែចងចាំជានិច្ចគុណបំណាច់ថ្ងៃ៧មករា និងសម្ដេចតេជោបានខិតខំកសាងសន្តិភាព appeared first on Kampuchea Thmey Daily.

និយាយពីរបបខ្មែរក្រហម ប្រជាពលរដ្ឋខ្មែរជាច្រើនទាំងអ្នកដែលបានឆ្លងកាត់ ក៏ដូចជាក្មេងៗជំនាន់ក្រោយ សុទ្ធតែនៅចងចាំមិនភ្លេច និងបានឈ្វេងយល់ដឹងយ៉ាងច្បាស់ពីភាពសាហាវឃោរឃៅនៃរបបនេះ ដែលបានធ្វើមកលើប្រជាពលរដ្ឋខ្លួនឯង។ របបខ្មៅងងឹតខ្មែរក្រហម គឺជារបបដែលគួរឱ្យស្អប់ខ្ពើម និងត្រូវបានសហគមន៍អន្តរជាតិថ្កោលទោស និងបានសហការជាមួយរាជរដ្ឋាភិបាលកម្ពុជា ដើម្បីនាំយកមេដឹកនាំកំពូលៗ និងអ្នកទទួលខុសត្រូវជាន់ខ្ពស់មកកាត់ទោសទៅតាមច្បាប់ជាតិ និងអន្តរជាតិ។ ជាលទ្ធផល មេដឹកនាំកំពូលនៃរបបខ្មែរក្រហម និងអ្នកទទួលខុសត្រូវជាន់ខ្ពស់ដទៃទៀត បានស្លាប់បាត់បង់ជីវិតជាបន្តបន្ទាប់ និងកំពុងអនុវត្តទោសនៅក្នុងពន្ធនាគារអស់មួយជីវិតទៅតាមទង្វើដែលពួកគេបានសាងមកលើប្រជាពលរដ្ឋខ្មែរ។

គិតមកដល់ពេលនេះ ពោល គឺចាប់តាំងពីថ្ងៃជ័យជម្នះ ៧ មករា ១៩៧៩ មក កម្ពុជា បានប្រែក្លាយទៅជាប្រទេសមានការអភិវឌ្ឍលើគ្រប់វិស័យ និងមានមុខមានមាត់នៅលើឆាកអន្តរជាតិ។ ចំណែក ប្រជាពលរដ្ឋកម្ពុជាវិញ បាន និងកំពុងរស់នៅក្នុងសុខសន្តិភាព សេរីភាពគ្រប់បែបយ៉ាង និងរស់នៅក្នុងជីវភាពធូរធារ និងសមរម្យ មិនចាញ់ប្រទេសផ្សេងៗនៅក្នុងតំបន់ និងពិភពលោកឡើយ។ នេះ គឺខុសគ្នាស្រឡះកាលពីមុន៤៥ឆ្នាំមុន ដែលប្រជាពលរដ្ឋកម្ពុជា រស់នៅសឹងថា ដូចសត្វធាតុ ឬរស់នៅវេទនាជាងសត្វធាតុទៅទៀត ក៏អាចថាបាន។ អាចនិយាយបានថា មាន «ថ្ងៃ៧ មករា» ទើបកម្ពុជា មានសុខ សន្តិភាព ការអភិវឌ្ឍ និងមានអ្វីៗគ្រប់បែបយ៉ាងដូចសព្វថ្ងៃនេះ។

ថ្ងៃ៧ មករា ១៩៧៩ ត្រូវបានមហាជនកម្ពុជាចាត់ទុកថា គឺជាថ្ងៃកំណើតទី២ដែលប្រជាពលរដ្ឋខ្មែរបានរួចរស់ជីវិតពីចង្កូមមច្ចរាជខ្មែរក្រហម ក្រោមការដឹកនាំដោយ ប៉ុល ពត អៀង សារី ខៀវ សំផន និងនួន ជា។ គណបក្សប្រជាជនកម្ពុជា និងកងទ័ពវៀតណាម គឺជាតួអង្គសំខាន់ដែលនាំជ័យជន្នះ និងកំណើតទី២នេះ មកជូនប្រជាជាតិកម្ពុជា។ ថ្ងៃជ័យជម្នះ ៧ មករា នាំឲ្យកម្ពុជាសម្រេចបានស្នាដៃធំៗជាប្រវត្តិសាស្ត្រចំនួ៤គឺ ទី១. បានរំដោះប្រជាជនកម្ពុជាពីរបប ប៉ុល ពត ដ៏សែនមហាឃោឃៅ យង់ឃ្នង និងទប់ស្កាត់របបអន្យតិរ្ថិយនេះ មិនឲ្យវិលត្រឡប់មកកម្ពុជាជាលើកទី២។ ទី២. គឺបាននាំមកជូនប្រជាជនវិញនូវសិទ្ធិសេរីភាពទាំងអស់ ដែលសិទ្ធិសេរីភាពទាំងនោះត្រូវបាន ប៉ុល ពត កម្ចាត់បង់ក្នុងរបប ៣ ឆ្នាំ ៨ ខែ ២០ ថ្ងៃ។ ទី៣ គឺបានស្តារ និងកសាងខឿនសេដ្ឋកិច្ចជាតិ ឲ្យមានស្ថេរភាពជាបណ្តើរៗតាំងពីពេលនោះមក និងទី៤. គឺបានធ្វើជាកម្លាំងស្នូលនៃការបង្រួបបង្រួមជាតិ និងជាកម្លាំងមិនអាចខ្វះបាន ក្នុងការអនុវត្តកិច្ចព្រមព្រៀងទីកុ្រងប៉ារីស ថ្ងៃទី២៣ ខែតុលា ឆ្នាំ ១៩៩១។

ជាសច្ចៈភាពប្រវត្តិសាស្រ្តដែលមិនអាចប្រកែកបាន គឺថាការទទួលបានជ័យជម្នះលើរបបខ្មែរក្រហម មានការរួមចំណែកយ៉ាងសំខាន់ពីសំណាក់កងទ័ពវៀតណាម។ រណសិរ្សសាមគ្គីសង្រ្គោះជាតិកម្ពុជា និងកងទ័ពវៀតណាម បានបើកការវាយលុកកម្ទេចកងទ័ពខ្មែរក្រហមនៅថ្ងៃទី២៥ ខែធ្នូ ឆ្នាំ១៩៧៨។ កាលណោះ រណសិរ្សសាមគ្គីសង្រ្គោះជាតិកម្ពុជា មានកងទ័ពតែប្រមាណ ២ម៉ឺននាក់ប៉ុណ្ណោះ ខណៈវៀតណាមវិញ មានកងទ័ពដល់ទៅប្រមាណ១០ ម៉ឺននាក់ ដោយរួមមាន ទាំងកងរថក្រោះ និងយន្តហោះចម្បាំង។ ក្នុងអំឡុងពេលប្រតិបត្តិការយោធានៅកម្ពុជា កងទ័ពវៀតណាម បានជួយផ្តល់ម្ហូបអាហារដល់ប្រជាពលរដ្ឋខ្មែរដែលកំពុងតែស្រកឃ្លាន ផ្តល់ថ្នាំសង្កូវ ជួយព្យាបាលជំងឺ និងផ្តល់ជំនួយផ្សេងៗទៀតដល់ពួកគេ។ ក្រោយវាយផ្តួលរំលំរបបខ្មែរក្រហមបានជោគជ័យនៅថ្ងៃទី០៧ ខែមករា ឆ្នាំ១៩៧៩ កងទ័ពវៀតណាម ក៏បានជួយរៀបចំកងកម្លាំងកម្ពុជា ដើម្បីទប់ទល់នឹងកងកម្លាំងខ្មែរក្រហមដែលសេសសល់ និងបានផ្តល់ជំនាញការវៀតណាមជាច្រើននាក់ ដើម្បីជួយរៀបចំរដ្ឋាភិបាលថ្មី ដឹកនាំ និងគ្រប់គ្រងប្រទេសកម្ពុជា មុនដកកងទ័ពចាកចេញពីប្រទេសកម្ពុជាទាំងស្រុងនៅក្នុងឆ្នាំ១៩៨៩។

មកដល់ពេលនេះ កម្ពុជា មានសន្តិភាពពេញលេញ ឯវៀតណាម ក៏ដូចគ្នា។ ក្នុងពេលកំពុងមានសន្តិភាពពេញលេញនេះ រដ្ឋាភិបាលកម្ពុជា និងវៀតណាម បាន និងកំពុងរក្សាបាននូវទំនាក់ទំនងយ៉ាងល្អជាមួយគ្នាស្ទើរគ្រប់វិស័យទាំងអស់។ គិតត្រឹមឆ្នាំ២០២៤នេះ កម្ពុជា និងវៀតណាម មានទំនាក់ទំនងទ្វេភាគីរយៈពេល៥៧ឆ្នាំហើយ។ កម្ពុជា និងវៀតណាម បានចាត់ទុកគ្នាទៅវិញទៅមកថា ជាអ្នកជិតខាង​ល្អ​ មិត្តភាព​ប្រពៃ​ណី​ កិច្ចសហប្រតិបត្តិការ​លើ​គ្រប់​ជ្រុងជ្រោយ​ និង​និរន្តរភាព​យូរអង្វែង​។ ភាគី​ទាំងពីរ​ បាន​រក្សា ​និង​លើក​កម្ពស់​ប្រសិទ្ធ​ភាព​នៃ​យន្តការ​សហប្រតិបត្តិកា​ររវាង​ប្រទេស​ទាំងពីរ​តាមរយៈបក្ស ​រដ្ឋាភិបាល និងរដ្ឋសភា ពង្រឹង​ការផ្លាស់ប្តូរ​ទស្សនកិច្ច​កិច្ចប្រជុំ ​និង​ទំនាក់ទំនង​រវាង​ថ្នាក់ដឹកនាំ​ជាន់ខ្ពស់ និង​គ្រប់​លំដាប់ថ្នាក់​។

នៅពេលនេះ កម្ពុជា មាននាយករដ្ឋមន្រ្តីថ្មី គឺសម្តេចធិបតី ហ៊ុន ម៉ាណែត។ នៅក្នុងខែធ្នូ ឆ្នាំ២០២៣កន្លងទៅនេះ សម្តេចនាយករដ្ឋមន្រ្តីកម្ពុជា បានអញ្ជើញទៅបំពេញទស្សនកិច្ចផ្លូវការនៅក្នុងប្រទេសវៀតណាម និងបានជួបពិភាក្សាការងារជាមួយ​ប្រធានរដ្ឋវៀតណាម ថ្នាក់ដឹកនាំកំពូលៗនៃរដ្ឋាភិបាល រដ្ឋសភា និងថ្នាក់ដឹកនាំកំពូលៗនៃគណបក្សកុំម្មុយនីសវៀតណាម ដើម្បីពង្រីក និងពង្រឹងទំនាក់ទំនងទ្វេភាគីឱ្យកាន់តែប្រសើរឡើងបន្ថែមទៀត។ នៅក្នុងជំនួបជាមួយសម្តេចធិបតី ហ៊ុន ម៉ាណែត នាយករដ្ឋមន្រ្តីវៀតណាម បានសម្តែងនូវការជឿជាក់ថា ក្រោមការដឹកនាំប្រកបដោយកិត្តិបណ្ឌិតរបស់សម្តេចនាយករដ្ឋមន្ត្រី នាវាកម្ពុជា នឹងកាន់តែអភិវឌ្ឍខ្លាំងក្លាទៅមុខបន្ថែមទៀត ឆ្ពោះទៅសម្រេចបាននូវចក្ខុវិស័យកម្ពុជាឆ្នាំ២០៣០ និង២០៥០ ជាក់ជាមិនខាន។

នាយករដ្ឋមន្រ្តីកម្ពុជា-វៀតណាម បានវាយតម្លៃខ្ពស់លើលទ្ធផលនៃកិច្ចសហប្រតិបត្តិការទ្វេភាគីក្នុងរយៈកាលកន្លងមក ព្រមជាមួយនឹងការដាក់ចេញនូវទិសដៅក្នុងការបន្តពង្រឹង និងពង្រីកកិច្ចសហប្រតិបត្តិការលើគ្រប់វិស័យ ឱ្យទទួលបានលទ្ធផលជាផ្លែផ្កាបន្ថែមទៀត ដើម្បីផលប្រយោជន៍ទៅវិញទៅមកសម្រាប់ជាតិ និងប្រជាជនទាំងពីរ ជាពិសេស វិស័យនយោបាយ ពាណិជ្ជកម្ម វិនិយោគ ទេសចរណ៍ សុខាភិបាល អប់រំ ការតភ្ជាប់ ការពារជាតិ សន្តិសុខ ការងារខណ្ឌសីមា និងការបោះបង្គោលព្រំដែន។ សមភាគីទាំងពីរ ក៏បានផ្លាស់ប្តូរយោបល់ផងដែរអំពីកិច្ចការតំបន់ និងសាកល ដោយបានបង្ហាញនូវការពេញចិត្តចំពោះការគាំទ្រគ្នាទៅវិញទៅមកនៅលើវេទិកាអន្តរជាតិនានា ដូចជា ក្របខ័ណ្ឌអង្គការសហប្រជាជាតិ អាស៊ាន និងអនុតំបន់មេគង្គ ជាដើម៕

ដោយ៖ វណ្ណ សុគន្ធា

The post បទអត្ថាធិប្បាយ៖ មាន «ថ្ងៃ៧ មករា» ទើបកម្ពុជា មានសុខ សន្តិភាព ការអភិវឌ្ឍ និងមានអ្វីៗគ្រប់បែបយ៉ាងដូចសព្វថ្ងៃនេះ! appeared first on Kampuchea Thmey Daily.

លោក លី ម៉េងសាន ប្រធានមន្ទីរ អប់រំ យុវជន និងកីឡា ខេត្តកំពង់ចាម បានឲ្យដឹងថា ឆ្នាំនេះមានកីឡាចំនួន ៦ប្រភេទដែលបានដាក់ពាក្យប្រកួតកីឡាមហាជន ជ្រេីសរេីសដណ្តេីមពានរង្វាន់ជេីងឯកទូទាំងខេត្តកំពង់ចាម និងដេីម្បីអបអរសាទរទិវាថ្ងៃជ័យជំនះ ៧មករា។ លោកបញ្ជាក់ទៀត កីឡាទាំង៦ប្រភេទនោះមានដូចជា កីឡាបាល់ទាត់បុរស-នារី បាល់ទះបុរស-នារី វាយសី វាយកូនឃ្លី បាល់បោះ និងបេតង់ ដែលសរុបក្រុមទាំងអស់មាន ១៤១ក្រុម និងមានកីឡាករកីឡាការីសរុប ១១៦៤នាក់ ដែលត្រូវចូលរួមប្រកួតចាប់ថ្ងៃទី៤ ខែមករា ឆ្នាំ២០២៤ តទៅ។

ថ្លែងក្នុងពិធីបេីកការប្រកួតកីឡាមហាជនថ្នាក់ខេត្តនេះ លោក អ៊ុន ចាន់ដា អភិបាលខេត្តកំពង់ចាម បានលេីកឡេីងថា កីឡារស់នៅក្រោមសន្តិភាព ដូច្នេះ នេះជាការរំលឹក និងអបអរសាទរថ្ងៃ៧មករា ដែលជាថ្ងៃកំណើតទី២ ជាថ្ងៃដែលផ្តល់កំណើតឱ្យពួកយេីងមានថ្ងៃនេះ មានអ្វីៗដូចសព្វថ្ងៃ ហេីយជាការដឹងគុណស្ថានិបឯក សម្តេចតេជោ ដែលបានរំដោះប្រជាជនកម្ពុជាចេញពីរបបប្រល័យពូជសាសន៍ ដែលមានរយៈពេល ៣ឆ្នាំ ៨ខែ ២០ថ្ងៃ ព្រមទាំងបានសម្លាប់ជាតិសាសន៍ឯង យ៉ាងរង្គាលព្រៃផ្សៃបំផុត មិនធ្លាប់មានក្នុងប្រវត្តិសាស្រ្តពិភពលោក។

ទន្ទឹមនឹងនេះដែរ លោកបន្តថា បេីគ្មានថ្ងៃ៧មករា ពលរដ្ឋខ្មែរមិនអាចជួបជុំសប្បាយរីករាយដូចពេលនេះឡេីយ ហេីយពួកគេបានប្តេជ្ញាចិត្តបន្តរួមគ្នាថែរក្សាសុខសន្តិភាពដែលមានបច្ចប្បន្នរហូតដល់ថ្ងៃអនាគត ដេីម្បីឲ្យមានការអភិវឌ្ឍ រីកចម្រេីនជឿនលឿនជាបន្តបន្ទាប់ទៀត៕

អត្ថបទ៖ ឡេក ចាន់ពេជ្រ

The post កីឡា ៦ប្រភេទ យកទៅប្រកួតដណ្តេីមពានរង្វាន់ ដេីម្បីអបអរសាទរថ្ងៃ៧មករា នៅខេត្តកំពង់ចាម appeared first on Kampuchea Thmey Daily.

៤៥​ឆ្នាំ បាន​កន្លងផុតទៅ គឺជា​រយៈពេល​វែង​បង្គួរ​មួយ​នៃ​ប្រវត្តិសាស្ត្រ​កម្ពុជា ប៉ុន្តែ​នៅក្នុង​ដំណាក់កាល​នេះ ក្រោម​ការដឹកនាំ​របស់​បក្ស​ប្រជាជន​បដិវត្តន៍​កម្ពុជា (​បច្ចុប្បន្ន​គណបក្ស​ប្រជាជន​កម្ពុជា​) និង​អតីត​រដ្ឋាភិបាល​នៃ​សាធារណរដ្ឋ​ប្រជាមានិត​កម្ពុជា បន្ទាប់​មកជា​រដ្ឋ​កម្ពុជា​រហូតមក​បច្ចុប្បន្ន ជា​ព្រះរាជាណាចក្រ​កម្ពុជា ដែលមាន​សម្តេច​អគ្គមហាសេនាបតី​តេ​ជោ ហ៊ុន សែន ជាម​គ្គុ​ទេស​ក៏​ដឹកនាំ​ដ៏​ឆ្នើម​បានធ្វើ​ឲ្យ​មាតុភូមិ​កម្ពុជា ត្រូវបាន​សង្គ្រោះ​ចេញផុត​ពីរ​បប​ប្រល័យពូជសាសន៍ ឆ្លងកាត់​នូវ​ការលំបាក​សព្វបែបយ៉ាង ដែលជា​ផលវិបាក​នៃ​របប​ដ៏​យង់ឃ្នង​នោះ ឆ្ពោះ​មកកាន់​ដំណាក់កាល​នៃ​សុខសន្តិភាព កា​រប​ង្រួ​បង្រួម​ជាតិ ឯកភាព​ជាតិ និង​ការអភិវឌ្ឍ​ដូច​ពេលបច្ចុប្បន្ន។

ក្នុង​រយៈពេល ៤៥​ឆ្នាំ អ្វីៗ​បាន​ផ្លាស់ប្តូរ​ដោយ​ស្មាន​មិន​ដល់ នោះ គឺជា ៤៥​ឆ្នាំ នៃ​ដំណើរ​កម្ពុជា​ដែល​ត្រូវបាន​សង្គ្រោះ​ចេញពី​របប​ប្រល័យពូជសាសន៍ ឆ្លងកាត់​ការលំបាក​ស្មុគស្មាញ​ឆ្ពោះ​មកកាន់​ការឯកភាព សាមគ្គីភាព កា​រប​ង្រួ​បង្រួម​ជាតិ ក្រោម​ម្លប់​នៃ​សុខសន្តិភាព ដែល​ទទួលបាន​ពី​នយោបាយ​ឈ្នះ​ឈ្នះ​។ ប្រទេសជាតិ​ក៏មាន​ការអភិវឌ្ឍ​ជា​លំដាប់​រហូតមកដល់​ប​ច្ចុ​ប្បន្ន ដោយ​ប្រែក្លាយ​ពី​ប្រទេស​ដែល​អន់ថយ ក្រីក្រ ក្លាយជា​ប្រទេស​ដែលមាន​កំណើនសេដ្ឋកិច្ច​ខ្ពស់ និង​បាន​ឆ្លងកាត់​ដោយ​ជោគជ័យ​ពី​ប្រទេស​មាន​ចំណូល​ទាប ក្លាយជា​ប្រទេស​មាន​ចំណូល​មធ្យម​កម្រិត​ទាប ព្រមទាំង​កំពុង​ប្រឹងប្រែង​ដើម្បី​ក្លាយជា​ប្រទេស​មាន​ចំណូល​មធ្យម​កម្រិត​ខ្ពស់​នៅ​ឆ្នាំ​២០៣០ និង​ជា​ប្រទេស​មាន​ចំណូល​ខ្ពស់​នៅ​ឆ្នាំ​២០៥០ ។

ជាមួយនឹង​ការ​រស់​ឡើងវិញ​ដ៏​អស្ចារ្យ​នេះ យើង​មិន​ភ្លេច​រំឭក​នូវ​មេរៀន​ជា​ប្រវត្តិសាស្ត្រ ពី​អតីតកាល​ដ៏​ជូរចត់​នោះ​គឺ រដ្ឋប្រហារ ថ្ងៃ​១៨ ខែមីនា ឆ្នាំ​១៩៧០ បាន​រុញច្រាន​ប្រទេស​យើង​ឲ្យ​ធ្លាក់​ទៅក្នុង​ភ្លើងសង្គ្រាម និង​របប​ប្រល័យពូជសាសន៍​កម្ពុជា​ប្រជាធិបតេយ្យ។ សង្គមជាតិ​ទាំងមូល​ត្រូវ​ទទួលរង​នូវ​ភាព​ក្រឡាប់ចាក់ ដែល​គ្មាន​អ្នកណា​អាច​គិតស្មាន​ដល់ ។ មាតុភូមិ​កម្ពុជា​ដ៏​អភ័ព្វ​របស់​យើង​បានប្រែក្លាយ​ទៅជា​គុក​ឥត​ជ​ញ្ចាំ​ង ជា​វាលពិឃាត ជោគជាំ​ដោយ​ឈាម និង​ទឹកភ្នែក​របស់​ប្រជាជន ។ ជោគវាសនា​របស់​ប្រជាជន​កម្ពុជា ប្រឈមមុខ​នឹង​ការវិនាស​សាបសូន្យ​ពីលើ​ពិភពលោក។

ផ្តើម​ចេញពី​មូលហេតុ​នេះ អ្នកស្នេហាជាតិ​កម្ពុជា​ដែល​សេសសល់​ពី​ការកាប់សម្លាប់​បាន​ក្រោកឈរឡើង​ពូត​ដៃ​សាមគ្គី​គ្នា ឆ្ពោះទៅរក​ការសង្គ្រោះ​ជាតិ ។ នៅ​ថ្ងៃ ២០ ខែ មិថុនា ឆ្នាំ​១៩៧៧ សម្តេច​តេ​ជោ ហ៊ុន សែន ដែល​កាលនោះ​ជា​មេបញ្ជាការ​ទ័ព​មួយរូប​បានចេញ​ដំណើរ​ភៀសខ្លួន​ទៅ​ប្រទេស​វៀតណាម​ជាមួយ​មិត្ត​រួម​អាវុធ​មួយចំនួន ដើម្បី​ស្វែងរក​ការជួយឧបត្ថម្ភ​ក្នុង​ការតស៊ូ​រំដោះជាតិ ។ នៅ​ថ្ងៃទី​១២ ខែឧសភា ឆ្នាំ ១៩៧៨ កងកម្លាំងប្រដាប់អាវុធ​សង្គ្រោះ​ជាតិ​កម្ពុជា​ត្រូវបាន​បង្កើតឡើង។ នៅ​ថ្ងៃទី​២៥ ខែឧសភា ឆ្នាំ​១៩៧៨ កងទ័ព និង​ប្រជាជន​នៅ​ភូមិភាគ​បូព៌ា​បាន​ក្រោកឈរ​ប្រឆាំងនឹង​របប ប៉ុល ពត ក្រោម​ការដឹកនាំ​របស់​សម្តេច ហេង សំរិន និង​សម្តេច ជា ស៊ីម ព្រមជាមួយ​នឹង​ចលនា​តស៊ូ​ដែលមាន​រួចមកហើយ​នៅ​ខេត្តកោះកុង នៅ​ភូមិភាគ​ឦសាន និង​ចលនា​ប្រឆាំង ប៉ុល ពត ផ្សេងៗ​ទៀត ។ ការរួបរួម​នៃ​ចលនា​ទាំងនេះ​បាន​ឈានដល់​ការបង្កើត​រណសិរ្ស​សាមគ្គី​សង្គ្រោះ​ជាតិ​កម្ពុ​ជានា​ថ្ងៃ ២ ធ្នូ ឆ្នាំ​១៩៧៨ ដែលជា​អង្គការ​ចាត់តាំង​ន​យោ បាយ​តែមួយគត់​តំណាងឱ្យ​ឆន្ទៈ និង​ផលប្រយោជន៍​របស់​ប្រជាជន​កម្ពុជា ។ រណសិរ្ស​សាមគ្គី​សង្គ្រោះ​ជាតិ​កម្ពុជា និង​កងកម្លាំងប្រដាប់អាវុធ​បដិវត្តន៍​កម្ពុជា ដែលមាន​ការគាំទ្រ​ពេញទំហឹង​ពី​សំណាក់​ប្រជាជន​នៅ​ទូទាំងប្រទេស ព្រមទាំង​ទទួលបាន​ការជួយឧបត្ថម្ភ​ដ៏​ស្មោះសរ​ពី​សំណាក់​កងទ័ព​ស្ម័គ្រចិត្ត​វៀតណាម និង​ពី​កម្លាំង​ស្នេហា​សន្តិភាព និង​យុត្តិធម៌​នានា​នៅលើ​ពិភពលោក បាន​វាយ​ផ្តួលរំលំ​របប​ប្រល័យពូជសាសន៍ សម្រេចបាន​ជ័យជម្នះ​ជា​ប្រវត្តិសាស្ត្រ​នា​ថ្ងៃ ៧ មករា ឆ្នាំ ១៩៧៩។ ជ័យជម្នះ ៧ មករា បាន​សង្គ្រោះ​ទាន់​ពេល​វេលា​នូវ​អាយុជីវិត​ប្រជាជន​កម្ពុជា​រាប់លាន​នាក់ ដែល​នៅ​រង់ចាំតែ​សេចក្តីស្លាប់ បានធ្វើឱ្យ​រាល់​តម្លៃ ទាំង​ខាង​ស្មារតី និង​សម្ភារៈ​របស់​ប្រជាជាតិ​ខ្មែរ​ដែល​ត្រូវបាន​កសាង​ពូន​ជ្រំ​ក្នុង​ប្រវត្តិសាស្ត្រ​រាប់ពាន់​ឆ្នាំ​របស់ខ្លួន ហើយ​បាន​ស្រកស្រុត​ស្ទើរ​រលាយ​សាបសូន្យ​បាត់អស់​នៅក្នុង​របប​ប្រល័យពូជសាសន៍ ប៉ុល ពត គ្រានោះ រស់​ឡើង​មកវិញ បាន​បិទ​ទំព័រ​ដ៏​ខ្មៅ​ងងឹត​បំផុត​នៃ​ប្រវត្តិសាស្ត្រ​កម្ពុជា ហើយ​បើក​ឡើង​នូវ​សករាជ​ថ្មី គឺ សករាជ​នៃ​ឯករាជ្យ សេរីភាព ប្រជាធិបតេយ្យ និង​វឌ្ឍនភាព​សង្គម ជូន​ដល់​ប្រជាជាតិ​ដ៏​កម្សត់​នៃ​យើង បាន​ផ្តល់ជូន​ប្រជាជន​កម្ពុជា​នូវ​សិទ្ធិសេរីភាព​គ្រប់យ៉ាង ក្នុងការ​ធ្វើជា​ម្ចាស់​លើ​ជោគវាសនា​របស់ខ្លួន​ពិតប្រាកដ។

ជ័យជម្នះ ៧ មករា ១៩៧៩ ក៏បាន​រួមវិភាគទាន​ដ៏​សកម្ម ដល់​សន្តិភាព និង​ស្ថិរភាព​នៅក្នុង​តំបន់​ផងដែរ ។ ប្រជាជន​កម្ពុជា​បាន​ប្រសិទ្ធ​នាម​ថា ថ្ងៃ ៧ មករា ១៩៧៩ គឺជា​ថ្ងៃកំណើត​ទី​ពីរ​របស់ខ្លួន បើ​គ្មាន​ជ័យជម្នះ ៧ មករា ក៏​យើង​គ្មានអ្វីៗ​នៅថ្ងៃនេះ​ដែរ​។ នេះ​ជា​សច្ចធម៌​ប្រវត្តិសាស្ត្រ ដែល​គ្មាន​ជន​ណា ឬ កម្លាំង​ណា​អាចមក​បំភ្លៃ ឬ បំផ្លាញ​បានឡើយ ។ ស្មារតី ៧​មករា ស្ថិតនៅ​ជានិច្ច ក្នុង​ដួងចិត្ត​របស់​ប្រជាជន​កម្ពុជា​។ ស្មារតី ៧​មករា គឺជា​កម្លាំង​យ៉ាង​ធំធេង ដែល​ធ្វើ​ឲ្យ​យើង​យកឈ្នះ​បាន​លើ​គ្រប់​ឧបសគ្គ និង​ការលំបាក​សព្វ​យ៉ាង ក្នុង​ដំណើរ​ការកសាង និង​ការការពារ​មាតុភូមិ​កម្ពុជា​។ ស្មារតី ៧​មករា គឺ​: សាមគ្គីភាព វីរភាព និង​ជ័យជម្នះ​។​

ដើម្បី​ចូលរួម​អបអរសាទរ​ខួប​អនុស្សាវរីយ៍ លើក​ទី​៤៥​ឆ្នាំ នៃ​មហា​ជ័យជម្នះ ៧ មករា ប្រជាជន​កម្ពុជា​ទូទាំងប្រទេស​ខិតខំ​អនុវត្ត​ឲ្យ​បាន​នូវ​រាល់​បណ្តា​ភារកិច្ច​សំខាន់ៗ​របស់​រាជរដ្ឋាភិបាល​កម្ពុជា សម្រាប់​នីតិកាល​ទី​៧ នៃ​រដ្ឋសភា​នោះ គឺ​ប្តូរផ្តាច់​ការពារ​ឲ្យ​បាន​ដាច់ខាត ឯករាជ្យ អធិបតេយ្យភាព​ជាតិ បូរណភាព​ទឹកដី​នៃ​ព្រះរាជាណាចក្រ​កម្ពុជា ការពារ​ឲ្យ​បាន​សុខសន្តិភាព និង​សណ្តាប់ធ្នាប់​សង្គម ព្រមទាំង​ធានា​នូវ​សិទ្ធិសេរីភាព​គ្រប់យ៉ាង​របស់​ប្រជាជន ផ្អែកលើ​រដ្ឋធម្មនុញ្ញ និង​បទបញ្ញត្តិ​ច្បាប់​ជា​ធរមាន​។ អនុវត្ត​ឲ្យ​បាន​ជោគជ័យ​គោលនយោបាយ​ការបរទេស ដោយ​ប្តេជ្ញា​បន្ត​ការពារ​ផលប្រយោជន៍​ស្នូល​របស់​កម្ពុជា បន្ត​រួមចំណែក​កាន់តែ​សំខាន់​ក្នុង​បុព្វហេតុ​សន្តិភាព ស្ថិរភាព លើ​ពិភពលោក​។ បន្ត​ថែរក្សា​ស្ថិរភាព​ម៉ាក្រូសេដ្ឋកិច្ច ដើម្បី​ធានាបាន​ចីរភាព​នៃ​កំណើន​ប្រកបដោយ​បរិ​យា​ប័ន្ន តាមរយៈ​ម្ខាង​ការ​គ្រប់​គ្រង់​អតិផរណា​ឱ្យ​ស្ថិតក្នុង​កម្រិត​សមស្រប ការរក្សា​ស្ថិរភាព​អត្រា​ប្តូរប្រាក់ ការបង្កើន​ទុនបម្រុង​របស់​ជាតិ និង​ការរក្សា​លំនឹង​ជីវភាព​ប្រជាជន និង​ម្ខាង​ទៀត ការកែទម្រង់​កាន់តែ​ស៊ីជម្រៅ និង​មុត​ស្រួច ពិសេស​ចំពោះ​បញ្ហា​ប្រឈម​ដែលមាន​ចរិត​ជា​រចនាសម្ព័ន្ធ និង​អន្តរ​ស្ថាប័ន សំដៅ​លើកកម្ពស់​ពិពិធ​កម្ម​សេដ្ឋកិច្ច បង្កើន​ផលិតភាព និង​ភាព​ប្រកួតប្រជែង​របស់​កម្ពុជា ។ លើកកម្ពស់​ការតាំង​ចិត្ត​ខាង​នយោបាយ ក្នុងចំណោម​ក្រសួង ស្ថាប័ន​នានា ដើម្បី​ជំរុញ​អនុវត្ត​ដោយ​ឆន្ទៈ​មុត​ស្រួច ស្រុះដៃ​គ្នា និង​ប្រកបដោយ​ប្រសិទ្ធភាព​ឲ្យ​សម្រេចបាន​លទ្ធផល​ផ្លែផ្កា តាម​ការ​រំពឹង​ចង់បាន​របស់​ប្រជាជន​ជា​ម្ចាស់ឆ្នោត នូវ​កម្មវិធី​នយោបាយ​របស់​រាជរដ្ឋាភិបាល និង​យុទ្ធសាស្ត្រ​បញ្ច​កោណ ដំណាក់កាល​ទី​១ ដោយ​ដាក់ចេញ​នូវ​យុទ្ធសាស្ត្រ​កម្មវិធី​ផែនការ​សកម្មភាព និង​យន្តការ​សម្របសម្រួល​ជំរុញ​ការអនុវត្ត​ព្រមទាំង​ប្រព័ន្ធ​តាមដាន ត្រួតពិនិត្យ និង​វាយតម្លៃ​ដែលមាន​ភាព​ប្រទាក់ក្រឡា​គ្នា គ្រប់​ជ្រុងជ្រោយ មាន​សង្គតិភាព និង​គ្របដណ្តប់​លើ​គ្រប់ផ្នែក។

ពេលនេះ យើង​កំពុង​បោះជំហាន​ចូលឆ្នាំថ្មី ឆ្នាំ​២០២៤ ជាមួយ​ក្តីសង្ឃឹម​ចំពោះ​ជោគជ័យ​នៃ​ដំណើរ​ជាតិ​របស់​យើង ឆ្ពោះ​ទៅមុខទៀត ។ ហេតុនេះ​ប្រជាជន​កម្ពុជា​ទូទាំងប្រទេស​ប្តេជ្ញា​បន្ត​រួបរួមគ្នា​ជុំវិញ​រាជរដ្ឋាភិបាល​នៃ​ព្រះរាជាណាចក្រ​កម្ពុជា ក្រោម​ដំបូល​រដ្ឋធម្មនុញ្ញ និង​ម្លប់​ដ៏​ត្រជាក់​នៃ​អង្គ​ព្រះមហាក្សត្រ ព្រះ​ករុណ​ព្រះបាទ​សម្តេច ព្រះបរមនាថ នរោត្តម សីហមុនី ព្រះមហាក្សត្រ​នៃ​ព្រះរាជាណាចក្រ​កម្ពុជា ជាទី​សក្ការៈ​ដ៏​ខ្ពង់ខ្ពស់​បំផុត ដើម្បី​សម្រេច​បាន​សមិទ្ធផល​ថ្មីៗ​ទៀត និង​ការពារ​ឲ្យ​បាន​ដាច់ខាត​នូវ​សមិទ្ធផល ៧ មករា ជា​ប្រវត្តិសាស្ត្រ ដោយ​មិន​អនុញ្ញាត​ឲ្យ​បុគ្គល​ណាមួយ ក្រុម​ណាមួយ​បំផ្លិចបំផ្លាញ​ទៅវិញ​បានឡើយ។ ក្នុង​ស្មារតី​នេះដែរ ប្រជាជន​កម្ពុជា​ទូទាំងប្រទេស​ប្តេជ្ញា​បន្ត​ថែរក្សា​ការពារ​ស្មារតី ៧ មករា នោះ​គឺ សាមគ្គីភាព វីរភាព និង​ជ័យជម្នះ ។ ស្មារតី ៧ មករា មានគុណ​តម្លៃ​ជា​អមតៈ ទាំង​ក្នុង​រយៈពេល ៤៥​ឆ្នាំកន្លងមក និង​ក្នុងការ​បន្តដំណើរ​ទៅមុខទៀត​សម្រាប់​ជាតិ និង​ប្រជាជន​កម្ពុជា៕

The post វិចារណកថា ៖ ស្មារតី ៧​មករា ស្ថិតនៅ​ជានិច្ច ក្នុង​ដួងចិត្ត​របស់​ប្រជាជន​កម្ពុជា appeared first on Kampuchea Thmey Daily.

ការបញ្ជាក់​ប្រាប់​កម្ពុជា​ថ្មី​របស់​លោក ឡុង ឌី​ម៉​ង់ នេះ បាន​ធ្វើឡើង​បន្ទាប់ពី​លោក​បានរៀបចំ​មី​ទ្ទិញ​អបអរសាទរ​ខួប​អនុស្សាវរីយ៍​លើក​ទី​៤២ ទិវា​ជ័យជម្នះ​៧​មករា (៧ មករា ១៩៧៩ – ៧ មករា ២០២១) សាធារណរដ្ឋ​កូរ៉េ (​កូរ៉េ​ខាថ​ត្បូង​) កាលពី​ថ្មីៗ​នេះ​។

លោក​ឯកអគ្គរាជទូត​កម្ពុជា​បាន​ថ្លែងប្រាប់​កម្ពុជា​ថ្មី​ កាល​ពី​ម្សិលមិញ​ថា នៅក្នុង​អង្គពិធី​នោះ លោក​បានលើកឡើង​ពី​ខ្លឹមសារ​អត្ថន័យ​របស់​ថ្ងៃ ៧​មករា ថា​តើ​អ្វី​ទៅជា​អត្ថន័យ​របស់​ថ្ងៃ ៧​មករា និង​ការតស៊ូ​រំដោះប្រទេស និង​រំដោះប្រជាជន​កម្ពុជា ឲ្យ​រួច​ផុតពី​របប​ប្រល័យពូជសាសន៍ ព្រមទាំង​ដើមហេតុ ដែល​នាំ​ឲ្យ​មាន​ការតស៊ូ រើ​បម្រាស់​រំដោះប្រទេស​នេះ​។ ជាមួយគ្នា​នោះ​ក៏បាន​លើកឡើង​ពី​អត្ថន័យ អំពី​មូលហេតុ និង​អំពី​វីរភាព​របស់​កងទ័ព​រណសិរ្ស​សាមគ្គី​សង្គ្រោះ​ជាតិ​កម្ពុជា រួមជាមួយ​កងទ័ព​វៀតណាម ក្នុងនោះ​មានការ​ចូលរួម​ពី​ប្រជាជន​កម្ពុជា​ផងដែរ ដើម្បី​រើ​បម្រាស់​ចេញពី​របប​យង់ឃ្នង​ខ្មែរក្រហម​។

បើ​តាម​លោក ឡុង ឌី​ម៉​ង់ នេះ​គឺជា​សច្ចធម៌​ពិត​នៃ​ប្រវត្តិសាស្ត្រ ដែល​បាន​កើតឡើង​នាពេល​កន្លងមក ដូច្នេះ​ត្រូវធ្វើ​យ៉ាងណា​ឲ្យ​ស្មារតី​ថ្ងៃ ៧​មករា ស្ថិតនៅ​គង់វង្ស​ជា​ដរាប ពីព្រោះ ៧​មករា គឺជា​និមិត្តរូប នៃ​សាមគ្គី​ជាតិ ជា​មិត្ត​និមិត្តរូប នៃ​ការ​ផ្សះផ្សារ​ជាតិ ការបង្រួបបង្រួម​ជាតិ និង​ការកសាង អភិវឌ្ឍន៍​ប្រទេស ដែល​សុទ្ធតែ​មានការ​ចូលរួម​ពី​ប្រជាជន​គ្រប់​ស្រទាប់វណ្ណៈ​ទាំងអស់ ដើម្បី​ប្រែក្លាយ​ប្រទេស​កម្ពុជា​ពី​បាតដៃ​ទទេ ក្រោម​ឈាម និង​ទឹកភ្នែក គំនរ​ផេះផង់ ឲ្យ​មានការ​អភិវឌ្ឍ​ដូច​សព្វថ្ងៃនេះ​។

ជាមួយនឹង​ការ​លើក​ឡើង​ខាងលើ​នេះ​ លោក ឡុង ឌី​ម៉​ង់ អះអាង​ថា ដោយសារតែ​មនោគមវិជ្ជា ដោយសារតែ​បញ្ហា​នយោបាយ បានធ្វើ​ឲ្យ​មនុស្ស​យល់​ខុសៗ​គ្នា ហើយ​មុន​ពេល​ដល់​ថ្ងៃ ៧​មករា នេះ តែងតែមាន​ការខ្វែងគំនិត​គ្នា ដោយមាន​ការលើកឡើង​អំណះអំណាង​រៀងៗ​ខ្លួន​ទាក់ទង​បញ្ហា​ថ្ងៃ ៧​មករា នេះ​។ ទោះជា​យ៉ាងណាក៏ដោយ លោក​ថា ថ្ងៃ ៧​មករា គឺជា​សច្ចធម៌​ពិត នៃ​ប្រវត្តិសាស្ត្រ ដែល​ប្រជាពលរដ្ឋ​ទាំងអស់ រួមទាំង​អ្នកប្រឆាំង ៧​មករា ផង ក៏បាន​រស់រានមានជីវិត ដោយសារ​ថ្ងៃ ៧​មករា នេះដែរ​។

ជាមួយគ្នា​នោះ លោក ឡុង ឌី​ម៉​ង់ ផ្ដាំផ្ញើ​ថា យើងទាំងអស់គ្នា​ត្រូវធ្វើ​យ៉ាងណា​ឲ្យ​ស្មារតី ៧​មករា នេះ គង់វង្ស ស្ថិតស្ថេរ​តទៅ ពីព្រោះ ៧​មករា ជា​ស្នាដៃ​របស់​យុវជន​ជំនាន់​មុន ហើយ​ដែល​ពេលនេះ យុវជន​ជំនាន់​ថ្មី ត្រូវតែ “​រក្សា​ចាស់​បង្កើត​ថ្មី​” ខិតខំ​ប្រឹងប្រែង​រៀនសូត្រ ប្រមូលផ្តុំ​រាល់​បទពិសោធន៍ និង​គំរូ​ល្អៗ ហើយ​នៅពេល​ត្រឡប់​ទៅ​ប្រទេស​យើង​វិញ ចូលរួម​កសាង​អង្គភាព គ្រួសារ ក៏ដូចជា​ប្រទេសជាតិ​យើង​ឲ្យ​រីកចម្រើន​តទៅ​។

គួរ​រំលឹក​ថា នៅក្នុង​ឱកាស​ខួប​លើក​ទី​៤២ នៃ​ទិវា​ជ័យជម្នះ​៧​មករា ដែល​ទើបតែ​កន្លងទៅ​ថ្មីៗ​នេះ លោក ឡុង ឌី​ម៉​ង់ ឯកអគ្គរាជទូត​កម្ពុ​ជាប្រចាំ​សាធារណរដ្ឋ​កូរ៉េ បានរៀបចំ​មី​ទ្ទិញ​អបអរសាទរ​ខួប​អនុស្សាវរីយ៍​លើក​ទី​៤២ ទិវា​ជ័យជម្នះ​៧​មករា (៧ មករា ១៩៧៩ – ៧ មករា ២០២១) លើ​របប​ប្រល័យពូជសាសន៍​ប៉ុលពត តាមរយៈ​ប្រព័ន្ធ​អន​ឡាញ (Zoom) ដែលមាន​តំណាង​សមាជិក​-​សមាជិកា សកម្មជន​អ្នកគាំទ្រ​រាជរដ្ឋាភិបាល ពី​គ្រប់​តំបន់​ទូទាំងប្រទេស​កូរ៉េ ប្រមាណ​១៧០​នាក់ ចូលរួម​។

​អង្គ​មី​ទ្ទិញ​តាមរយៈ​អន​ឡាញ ដែលមាន​រយៈពេល​១​ម៉ោង និង​៣០​នាទី​នោះ មាន​ការគោរព​ភ្លេងជាតិ ច្រៀង​បទ​ពង្សាវតារ​ខ្មែរ ទស្សនា​វីដេអូ​ឯកសារ​ប្រវត្តិសាស្ត្រ និង​អាន​សារ​របស់​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា​៕

ដោយ ៖ កោះ​កែវ

សូមចុចអាន ៖ ពលករ​ធ្វើ​ច​ត្តា​ឡី​ស័ក​៣៧៥៤​នាក់​ នៅ​ខេត្តបន្ទាយមានជ័យ​ទទួល​អំណោយ​ពីស​ម្តេច​តេ​ជោ​

សូមចុចអាន ៖ ​អតីត​រង្វង់​មូល​ព្រឹក​ស្ទះ​ល្ងាច​ស្ទះ មាន​ស្ពាន​អាកាស​​ប្រវត្តិសាស្រ្ត​ លើក​ដំបូង​ មិន​ធ្លាប់​មាន​នៅ​ស្រុកខ្មែរ​

The post លោក ឡុង ឌី​ម៉​ង់​ ៖ ថ្ងៃ​៧​មករា គឺជា​សច្ចធម៌​ពិត នៃ​ប្រវត្តិសាស្ត្រ ហើយ​អ្នកប្រឆាំង​និង​ថ្ងៃ​៧​មករា ក៏បាន​រស់រាន​មាន​ជីវិត​ដោយសារ​ថ្ងៃ​នេះ​ដែរ appeared first on Kampuchea Thmey Daily.

ការប្រកួត​កីឡាវាយកូនគោល​នា​ឱកាស​នោះ ប្រព្រឹត្តទៅ​នា​ថ្ងៃ​ព្រហស្បតិ៍ ៩​រោច ខែបុស្ស ឆ្នាំជូត ទោស័ក ព​.​ស ២៥៦៤ ត្រូវ​នឹង​ថ្ងៃទី​៧ ខែមករា ឆ្នាំ​២០២១​នេះ នៅ​ទីលាន​ប្រកួត Vattanac Golf Resort ជាយ​រាជធានី​ភ្នំពេញ ដោយមាន​ការអញ្ជើញ​ចូលរួម​ប្រកួត​ពី​ឯកឧត្តម អស់លោក​ជា​ថ្នាក់ដឹកនាំ​ក្រសួងមហាផ្ទៃ​ជាច្រើនរូប​ទៀតផង​ដែរ៕

The post ​អគ្គស្នងការដ្ឋាន​នគរបាលជាតិ​ អញ្ជើញ​ចូលរួម​ការប្រកួត​កីឡាវាយកូនគោល ដើម្បីអបអរសាទរ​ទិវា​ជ័យជម្នះ ៧​មករា​ appeared first on Kampuchea Thmey Daily.

លោក​ឃួ​ង ស្រេង អភិបាល​រាជធានី​ភ្នំពេញ បាន​បញ្ជាក់​ថា ថ្ងៃ​០៧​មករា​១៩៧៩ -០៧​មករា​២០២១ មាន​អាយុកាល​៤២​ឆ្នាំ​ហើយ​។ ថ្ងៃ​០៧ មករា ជា​ថ្ងៃ​ប្រវត្តិសាស្ត្រ​ដែល​បងប្អូន​ប្រជាពលរដ្ឋ​កូនចៅ ជំនាន់​ក្រោយ​ទាំងអស់​ត្រូវ​ចងចាំ ព្រោះ​ជា​ថ្ងៃ​ដែល​សម្ដេច​តេ​ជោ​ហ៊ុន សែន​បាន​រំដោះ​ប្រជាពលរដ្ឋ​ចេញពី​ការ​កាប់សម្លាប់​របស់​បន​ក្បត់​ប៉ុលពត​។

សម្ដេច​តេ​ជោ ហ៊ុន សែន មិន​ត្រឹមតែ​រំដោះប្រទេស​ចេញពី​ការ​កាប់​សម្លាប់​ប៉ុណ្ណោះ​ទេ។ តែ​សម្ដេច​នៅបាន​កសាង​អភិវឌ្ឍន៍​ប្រទេសជាតិ​ចេញពី​ចំណុចសូន្យ​ឲ្យ​ប្រទេស​មានការ​អភិវឌ្ឍន៍​រីកចម្រើន​លើ​គ្រប់​វិស័យ​ថែមទៀត និង​បាន​ធ្វើ​ឲ្យ​កំណើនសេដ្ឋកិច្ច​កើនឡើង​ជាប្រចាំ។ ​អ្វី​ដែល​ជា​ភាព​ជាក់ស្តែង​នោះ គឺ​មកដល់ពេលនេះ សម្រាប់​រាជធានី​ភ្នំពេញ​មាន​អគារ​ខ្ពស់ៗ ចាប់ពី​៧​ជាន់​ឡើង​ទៅ រហូតដល់​ទៅជា​ង​២០០០​អគារ ដែល​បាន​បង្ហាញ​ឲ្យ​ពិភពលោក មើល​ឃើ​ថា កម្ពុជា​មានការ​អភិវឌ្ឍ​រីកចម្រើន​យ៉ាងខ្លាំង​ក្រោម​ការដឹកនាំ​របស់​សម្ដេច​តេ​ជោ​។

បន្ថែម​ពី​នេះ​ទៀត ក្នុង​រយៈពេល​ចុងក្រោយ​នេះ ក្រោម​ការដឹកនាំ​របស់​លោក​ឃួ​ង ស្រេង ជា​អភិបាល​រាជធានី បាន​ដាក់​បណ្ដាញ​ធំៗ ទំហំ ១​ម៉ែត្រ​; ១​ម៉ែត្រ​កន្លះ​; ២​ម៉ែត្រ​; ២​ម៉ែត្រ​កន្លះ នៅ​តាម​បណ្ដោយ​ផ្លូវ​មួយចំនួន ការ​ស្ដារ​លូ ប្រឡាយ រាប់​ម៉ឺន​គីឡូម៉ែត្រ​និង​ការស្ថាបនា​ស្ថានីយ​បូមទឹក ជាមួយនឹង​ការបន្ថែម​នូវ​ម៉ាស៊ីនបូមទឹក​នៅ​តាម​បណ្ដា​ស្ថានីយ​សំខាន់ៗ​មួយចំនួន​នោះ គឺ​បានធ្វើ​ឲ្យ​រាជធានី​ភ្នំពេញ​លែងមាន​ការ​លិចលង់​ទៀត។

រាជធានី​ភ្នំពេញ គិត​មកដល់ពេលនេះ​យើង​មាន​ស្ថានីយ​បូមទឹក​ចំនួន​១៤​កន្លែង​ហើយ ក្នុង​នោះ​រួមមាន ស្ថានីយ​បូមទឹក​បឹងត្របែក ស្ថានីយ​បូមទឹក​បឹងទំពុន ស្ថានីយ​បូមទឹក​លូ​ប្រាំ ស្ថានីយ​បូមទឹក​បុរី ១០០​ខ្នង ស្ថានីយ​បូមទឹក​ទូល​សំពៅ ស្ថានីយ​បូមទឹក​កប់​ស្រូវ ស្ថានីយ​បូមទឹក​ស្វាយប៉ាក ស្ថានីយ​បូមទឹក​ព្រះ​ពន្លា ស្ថានីយ​បូមទឹក​ទួលគោក​ទី​១ ស្ថានីយ​បូមទឹក​ទួលគោក​ទី​២ និង​ស្ថានីយ​៤​កន្លែង​ទៀត​នៅមុខ​រាជវាំង​និង​ព្រះ​គ​ន្ល​ង់​។ ជា​ទិសដៅ​បន្ត​នៅ​ឆ្នាំ​២០២១​ខាងមុខនេះ រដ្ឋបាល​រាជធានី​ភ្នំពេញ ក៏បាន​លើក​គំរោង​ស្តារ​ប្រឡាយ​ចំនួន​១២​ខ្សែ​ក្នុងចំណោម​ប្រឡាយ​៣៧​ខ្សែ​ដែល​ត្រូវ​ស្តារឡើងវិញ​ផងដែរ​។

មកដល់ពេលនេះ រាជធានី​ភ្នំពេញ​របស់​យើង​មាន​ស្ពាន​អាកាស​ថ្មើរជើង ចំនួន​៤​កន្លែង​ក្នុង​នោះ​រួមមាន នៅ​តំបន់​ជម្ពូ​វ័​ន្ត ខណ្ឌ​ពោធិ៍​សែន​ជ័យ មាន​ចំនួន​២​កន្លែង និង​នៅ​តំបន់​ភ្លើងស្តុប​នាង​គង្ហីង មាន​ចំនួន​១​កន្លែង និង​នៅ​ផ្សារ​ដើម​គរ​មាន​មួយ​កន្លែង​ទៀត ដែល​បាន​បើកសម្ពោធ​ដាក់​ឲ្យ​ប្រើប្រាស់​ជា​ផ្លូវការ​កាលពី​ការ​ចុង​កក្កដា​ឆ្នាំ​២០២០​កន្លង​មក​នេះ ហើយ​បើ​តាម​គម្រោង រដ្ឋបាល​រាជធានី​ភ្នំពេញ និង​កសាង​ស្ពាន​អាកាស​ថ្មើរ​ជើង​ចំនួន​២៥​ទីតាំង​ទៀត​នៅក្នុង​រាជធានី​ភ្នំពេញ ដើម្បី​ឆ្លើយតប​ទៅនឹង​ប្រទេសជាតិ មានការ​អភិវឌ្ឍ​និង​ទីក្រុង​មាន​ភាព​ស៊ី​វិ​ល័យ និង​បង្ក​លក្ខណៈ​ងាយស្រួល ដល់​ប្រជាពលរដ្ឋ​ឆ្លងកាត់​ផ្លូវ​ប្រកបដោយ​សុវត្ថិភាព​។ យើង​ក៏មាន​ស្ពាន​អាកាស​ចំនួន​៦ កន្លែង គឺ ស្ពាន​អាកាស​ក្បាលថ្នល់ ស្ពាន​អាកាស​ស្ទឹងមានជ័យ ស្ពាន​អាកាស​៧​មករា ស្ពាន​អាកាស​៥​មករា ស្ពាន​អាកាស​ស្តុ​ប​ផ្សារ​ដី​ហុយ និង​ស្ពាន​អាកាស​ចោមចៅ ដែល​ស្ពាន​នេះ​ក្រុមការងារ​បាន​នឹង​កំពុង​បើក​ការដ្ឋាន​ស្ថាបនា​យ៉ាង​ញាប់ដៃ​ញាប់​ជើង​។

យើង​មាន​សួនច្បារ​សាធារណៈ​ជាច្រើន​កន្លែង ដោយ​សួនច្បារ​វា​មិន​ត្រឹមតែ​ជា​កន្លែង​ទាក់ទាញ​នូវ​ភ្ញៀវ​ជាតិ​អន្តរជាតិ​ប៉ុណ្ណោះ​ទេ ប៉ុន្តែ​វា​ក៏​ជា​កន្លែង​មួយ សម្រាប់​ប្រជាពលរដ្ឋ​បាន​ហាត់ប្រាណ​ផង​ដែរ ដោយហេតុថា ការហាត់​ប្រាណ​ជា​ឱសថ​ដ៏​សក្ដិសិទ្ធិ ក្នុង​ការ​ព្យាបាល​ជម្ងឺ​គ្រប់​ប្រភេទ។

លោក​ឃួ​ង ស្រេង បាន​ថ្លែង​ថា ទាំងអស់​នេះ គឺជា​សមិទ្ធផល​ជា​ប្រវត្តិសាស្ត្រ​ដ៏​ថ្លៃថ្លា​បំផុត​របស់​ប្រជាជន​កម្ពុជា​គ្រប់រូប គ្រប់​ជនជាតិ គ្រប់​ជំនឿ​សាសនា គ្រប់​និន្នាការ​នយោបាយ ដែល​យើងទាំងអស់គ្នា​ត្រូវ​រួមគ្នា​ការពារ​ថែរក្សា ពូន​ជ្រំ មិន​ឲ្យ​បុគ្គល​ណា ក្រុម​ណា​ឬ​បរទេស​ណា​មក​បំផ្លាញ​ទៅវិញ​បាន​ឡើយ​៕

ដោយ ៖ ស្រីរ័ត្ន

The post រយៈពេល៤២ឆ្នាំមកនេះ កម្ពុជា​មាន​ការអភិវឌ្ឍន៍​យ៉ាង​ខ្លាំង ​ក្រោយ​ថ្ងៃ៧មករា appeared first on Kampuchea Thmey Daily.

បើ​គ្មាន​ថ្ងៃ​៧​មករា​ ក៏គ្មាន​ថ្ងៃ​២៣​តុលា​នាទី​ក្រុង​ប៉ារីស​ដែរ​ ហើយ​បើ​មិន​មាន​ថ្ងៃ​ទាំង​អស់នេះ​ក៏គ្មា​ន​អ្វីៗ​នា​ពេល​ប​ច្ច​ប្ប​ន្ន​នេះ​ដែរ ដូចនេះ​សមាជិក​សមាជិកា​របស់​គណបក្ស​ប្រជាជន​កម្ពុជា​និង​ប្រជា​ពល​រដ្ឋ​គ្រប់រូប ត្រូវ​ចងចាំ​ ​និង​ដឹងគុណ​ជានិច្ច​នៅ​ថ្ងៃកំណើត​ទី​២​របស់​យើង​ទាំ​ង​អស់​គ្នា​នេះ​។​

ទាំងនេះ​គឺជា​កា​រលើ​ក​ឡើង​របស់​លោក​សុខ​សម្បត្តិ​ប្រធាន​គ​ណកម្មាធិការ​គណបក្ស​ខណ្ឌ​ព្រែក​ព្នៅ​ក្នុង​កិច្ចប្រជុំ​ប្រចាំខែ ​របស់​គណ​កម្មា​ធិកា​រ​គណបក្ស​ប្រជាជន​កម្ពុជា ​ខណ្ឌ​ព្រែក​ព្នៅ នា​ថ្ងៃ​ទី​១៩ ខែ​ធ្នូ​ឆ្នាំ​២០២០​នេះ ​នា​សាល​ប្រជុំ​គណបក្ស​ប្រជាជន​កម្ពុជា​ខណ្ឌ​ព្រែក​ព្នៅ​។​

លោក​បន្ត​ថា​ លោក​សុំ​ឲ្យ​ក្រុមការងារ​ទាំងអស់​ ទាំង​ថ្នាក់​ស​ង្កា​ត់​និង​ខណ្ឌ​ត្រូវ​មាន​ស្មា​រ​​តី​ទ​ទួល​ខុស​ត្រូវ​ខ្ពស់​ជាពិសេស​ត្រូវ​គោរព​តាម​នឹង​អនុវត្ត​ឲ្យ​បាន​នូវ​គោលនយោបាយ​ទិសដៅ​ របស់​គណៈ​បក្ស​ជាពិសេស​ត្រូវ​មាន​មនោសញ្ចេតនា​ជាប់​ជា​មួយ​ប្រជាពលរដ្ឋ​ទូទៅ​ដូច​អ្វី​ដែ​ល​ស​ម្តេចអគ្គមហា​សេ​នា​បតី​តេ​ជោ​ ហ៊ុន សែន​ បានគិត​គូ​ពី​ប្រទេសជាតិ​និង​ប្រជាពលរដ្ឋ​ ខិតខំ​នាំមក​នូវ​សន្តិភាព​និង​ការ​អភិវឌ្ឍ​រហូតដល់​ទទួល​បាន​ជោគ​ជ័​យ​ សម្រាប់​ប្រទេសជាតិ​និង​ប្រជាពលរដ្ឋ​ទាំ​ង​មូល​។​

លោក​បញ្ជា​ក់​ថា​​ យើង​មាន​ថ្ងៃនេះ​ក៏ដោយ​សារ​គណបក្ស​ប្រជា​ជន​កម្ពុជា​ ក្រោម​ការដឹកនាំ​ដ៏​ឈ្លាស​វៃ​​ប្រកបដោយ​គ​តិ​បណ្ឌិត​របស់​ស​ម្តេច​ប្រមុខ​ ​ពិសេស​ស​ម្តេ​ច​អ​គ្គមហា​សេនាបតី​តេ​ជោ​ហ៊ុន សែន​នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​​ ដែល​ដឹកនាំនិង​កសាង​ប្រទេសជាតិ​តាំងពី​បាតដៃ​ទទេ​រហូត​មាន​សុខ​សន្តិភាព ស្ថិរភាព​នយោបាយ​ពេញលេញ​ និង​មានការ​អភិវឌ្ឍ​រីក​ចំរើន​លើ​គ្រប់​វិ​ស័យ​មក​ដល់​ប​ច្ច​ប្ប​ន្ន​នេះ​។​ ជា​ចុងក្រោយ​លោក​ សុខ សម្បត្តិ​ ក៏បាន​ជំរុញ​ឱ្យ​ម​ន្ដ្រី​ទាំងអស់​ ជាពិសេស​សមាជិក​ក្រុមការងារ​ចុះ​ជួយ​សង្កា​ត់​ទាំង​៥ ត្រូវ​ប​ន្ដ​ខិតខំ​ដោយ​យកចិត្តទុកដាក់​ចុះ​ជួយ​ប្រជាពលរដ្ឋ​នៅ​តាម​មូលដ្ឋាន​ជាប្រចាំ​ពិសេស​នៅ​ពេល​ប្រជាពលរដ្ឋ​ជួប​ការ​លំបាក​តែ​ម្ត​ង ព្រោះ​ការបោះឆ្នោត​សង្កាត់​ឆ្នាំ​២០២២​មិន​យូ​ទេ​ ដូច្នេះ​យើង​ត្រូវ​ពង្រឹង​ខ្លួន​យើង​ចា​ប់​ពី​ពេលនេះ​ត​ទៅ ហើយ​ត្រូវតែ​បន្ត​សហការ​​និង​សាមគ្គីភាព​ផ្ទៃក្នុង​ឲ្យ​បា​ន​ល្អ​ ត្រូវ​ហ៊ាន​លះបង់​ដើម្បី​បក្ស​ទាំង​អស់​គ្នា ​ដើម្បី​គណៈ​ប​ក្ស​ប្រជាជន​កម្ពុជា ​យើង​ទទួល​ជ័យ​ជំ​នះ​នា ​ការបោះឆ្នោត​ថ្នាក់​សង្កាត់​ឆ្នាំ​២០២២ និង​បន្ត​ឈ្នះ​ក្នុង​ការ​បោះឆ្នោត​សកល​ឆ្នាំ​២០២៣ខាងមុខ​បន្ត​ទៀត​៕

អត្ថបទ ៖ ឧ​ត្ត​រ៉ា​

The post ប្រជាពលរដ្ឋ​គ្រប់រូប ត្រូវ​ចងចាំ​និង​ដឹងគុណ​ជានិច្ច​នៅ​ថ្ងៃកំណើត​ទី​២​របស់​យើងទាំងអស់គ្នា​នេះ​ appeared first on Kampuchea Thmey Daily.