ជាពិសេសនោះគឺ បន្លែទាំងនេះ​ ក៏អាចជួយក្នុងការសន្សំ​សំចៃក្នុង​វិធីមួយផ្សេងទៀត។

១ ស្ពៃ Celery

យក​ដើម​ស្ពៃ កាត់ជា​ពីរ​អ៊ីញ​ពី​គល់​ដើម​ស្ពៃ​ ហើយ​ដាក់​ក្នុង​ចាន​ដែលចាក់ទឹក​ប្រហែល​ពាក់​កណ្ដាល​ និងទុក​ក្នុង​រយៈពេល​ពីរ​បី​ថ្ងៃ នោះ​ស្លឹក​ថ្មី​នឹង​ផុស​ចេញពី​កណ្ដាល​ដើម​​ មកជាក់មិនខាន។ នៅពេលអ្នកឃើញឫសដុះ អ្នកអាចយកផ្នែកនេះ​ ​ទៅដាក់​ក្នុងដី នោះវានឹង​លូតលាស់​ជា​ផលដំណាំ ​សម្រាប់​ទុក​ហូប​ពេល​ក្រោយ។

២​ ការ៉ុត

ទោះបីជាអ្នកមិនអាចដាំការ៉ុតទាំងមូលឡើងវិញក៏ដោយ ប៉ុន្តែ​អ្នក​អាច​កាត់​គល់​ការ៉ុត ​ដែល​បំរុង​បោះ​ចោល​​ មក​ដាំ​​​ក្នុង​ដី​បាន​។ នៅ​ពេល​ដែល​ឫស​ដុះ​ប្រវែង ១-២ អ៊ីង អ្នក​អាច​ប្រមូល​ផល​ជា​បន្លែ​ ដែល​អាច​បរិភោគ​បាន។

៣ ស្ពៃតឿ

កាត់​ផ្នែក​ខាងក្រោម​នៃ​ឫស​ស្ពៃតឿប្រហែល១ទៅ២អ៉ីញ បន្ទាប់មក​ត្រាំ​វា​ក្នុង​ទឹកកន្លះកែវ​ ក្នុង​រយៈពេល​ប្រហែល ២សប្តាហ៍ អ្នក​នឹង​ឃើញ​ឫស និង​ស្លឹកថ្មី​លូតលាស់មិនខានទេ។

៤ ខ្ទឹមស

ប្រសិនបើអ្នកមានខ្ទឹមសដែលនៅសល់ ដាក់វានៅក្នុងកែវទឹក រួចទុកវា​នៅលើគែមនៃបង្អួច។ ក្រោយមក ​ខ្ទឹមស​នឹង​ចេញ​ពន្លក​នៃ​ស្លឹក​របស់​វាជាក់ជាមិនខានទេ។ ម៉្យាងទៀត ​អ្នក​ក៏​អាចកាត់ស្លឹកបៃតងណាមួយ មកធ្វើម្ហូបបានដូចគ្នា។

៥ សាឡាត់

កាត់គល់សាឡាត់ប្រហែល ២ អ៊ីង ហើយដោតឈើចាក់ធ្មេញ​ចូល​ទៅ​ទ្រ ក្បាល​សាឡាត់​នៅ​លើ​ធុង​ដែល​ដាក់​ចាន​ទឹក​មួយ។ ឈើចាក់ធ្មេញ នឹងជួយទ្រសាឡាត់ដើម្បីកុំឲ្យបាក់ក្បាល ​ហើយជួយពន្លឺតការលូតលា់កាន់តែលឿន និង​ដើម្បីកុំ​ឲ្យ​ក្រឡាប់ នៅពេលដែលឫសកើតមក ក្រោយអាច​យក​ទៅ​ដាក់​ក្នុង​ដីបាន។ ​ក្នុង​រយៈពេល​តែ​ពីរ​បី​សប្ដាហ៍​ប៉ុណ្ណោះ អ្នក​អាច​ប្រមូល​ផល​ស្លឹក​ហើយ​បរិភោគ​បាន។ វិធីសាស្ត្រ​នេះ​ អាច​ត្រូវ​បាន​ប្រើ​សម្រាប់​សាឡាត់​គ្រប់​ប្រភេទ។ លើស​ពី​នេះ​ទៀត​សាឡាត់​ជា​ច្រើន​ អាច​ត្រូវ​បាន​ដាំ​ទាំង​មើម​នៅ​ក្នុង​ផើង​ដូចគ្នា​ផង​ដែរ។

៦ ស្លឹកខ្ទឹម

ស្លឹកខ្ទឹម​​ជា​រុក្ខជាតិ​ដែល​ធន់​ទ្រាំ​ខ្លាំង និង​អាច​បង្កើត​ឡើង​វិញ​ដល់​ទំហំ​ពេញ គ្រាន់តែកាត់វាឡើង ១/២ឬ ២ អ៊ីញពីឫស ដើម្បីប្រើសម្រាប់ដាំឡើងវិញ ដោយការជ្រមុជក្នុងទឹក។ នៅពេលដែលឫស​ចាប់ផ្ដើម​ដុះ​នៅ​ក្នុង​ទឹក នោះពន្លក​ស្រស់នឹង​រុញឡើង ហើយលាតសន្ធឹង​ ដែលអ្នកអាចយកទៅដាំនៅក្នុងដីបាន។

៧ ខ្ទឹមបារាំង

ប្រសិនបើអ្នកមានខ្ទឹមបារាំងទាំងមូល មកផ្សាំវាជាផលដំណាំបាន។ វិធីធ្វើ​គឺ​កាត់​ខ្ទឹមបារាំង​នៅ​ខាងក្រោម ហើយ​ទុក​​ឲ្យ​​ស្ងួត​មួយថ្ងៃ​ មុន​នឹង​ដាក់​ចូលក្នុង​កែវ​ដែល​ពោរពេញ​ដោយ​ទឹក ហើយទុកវាចោល ប៉ុន្តែវាត្រូវបានណែនាំ​ឲ្យ​ផ្លាស់ប្ដូរ​ទឹក​ជា​រៀងរាល់​ថ្ងៃ​ ដើម្បីការពារការលូតលាស់របស់បាក់តេរី៕

ប្រែសម្រួល៖ សាង ស្រីល័ក្ខ

ចុចអាន៖តិចនិក ៩ យ៉ាង ការពារសក់សំពោង ឲ្យរលាស់ស្អាតវិញ

ចុចអាន៖គន្លឹះ ៦ យ៉ាង ជួសជុលម៉ាស៊ីនបោកគក់ ដោយខ្លួនឯង ជួយសន្សំប្រាក់បានច្រើន

The post កុំបោះចោល ! បន្លែ ៧ ប្រភេទនេះ អាចយកទៅដាំ ឡើងវិញបាន appeared first on Kampuchea Thmey Daily.