ប្រភពដដែល បានឱ្យដឹងទៀតថា គណនីតេឡេក្រាមទាំងនោះ បានបង្កើតសេណារីយ៉ូប្រឌិតផ្សព្វផ្សាយរូបភាព ប្រតិបត្តិការធនាគារ ក្រដាស់ប្រាក់ គ្រឿងអលង្ការ និងសកម្មភាពផ្សេងៗ ដោយអះអាងថា ការផ្ទេរប្រាក់វិនិយោគទៅក្រុមខ្លួន បានផលចំណេញខ្ពស់ក្នុង រយៈពេលខ្លី។ ការទាក់ទាញឱ្យជនរងគ្រោះធ្លាក់ក្នុងអន្ទាក់នៃការឆបោកនេះ បាននិងកំពុងធ្វើសកម្មភាពយ៉ាងសកម្ម ជារៀងរាល់ថ្ងៃ ក្នុងបណ្តាញ Telegram ដូចរូបភាពជូនភ្ជាប់ក្នុងឧបសម្ព័ន្ធ។ ហេតុនេះ ដើម្បីកុំឱ្យមានការយល់ច្រឡំ ក្រុមអ្នកនាំពាក្យនៃ ក.អ.ក. បញ្ជាក់ថា លោក ស៊ុន ចាន់ថុល ឧបនាយករដ្ឋមន្ត្រី មិនមានជាប់ពាក់ព័ន្ធជាមួយក្រុមឆបោកខាងលើឡើយ។

ទន្ទឹមនោះ ក្រុមអ្នកនាំពាក្យនៃ ក.អ.ក. បានអំពាវនាវដល់អជ្ញាធរមានសមត្ថកិច្ច ពាក់ព័ន្ធនឹងការបង្ក្រាបបទល្មើសឆបោកតាមប្រព័ន្ធអនឡាញ ដែល ក.អ.ក. កំពុងសហការយ៉ាងជិតស្និត បន្តជំរុញពន្លឿនចាត់វិធានការលើករណីនេះ។ ជាមួយគ្នានេះ ក.អ.ក. អំពាវនាវដល់សាថារណជន មេត្តាប្រុងប្រយ័ត្នចំពោះការផ្សព្វផ្សាយពាក់ព័ន្ធនឹងការវិនិយោគដែលគ្មាន អត្តសញ្ញាណច្បាស់លាស់ និងសូមរាយការណ៍ទៅកាន់សមត្ថកិច្ចប្រសិនបើបានជួបប្រទះករណីសង្ស័យ។

បន្ថែមពីនេះ ក.អ.ក. ក៏បានសំណូមពរដល់ បណ្តាញសារព័ត៌មាន ចូលរួមជាមួយសមត្ថកិច្ច ក្នុងការផ្សព្វផ្សាយបញ្ជ្រាបការយល់ដឹង ជាសាធារណៈ ឱ្យបានទូលំទូលាយអំពីវិធីកំណត់អត្តសញ្ញាណនៃការឆបោក និងវិធីបង្ការការពារផងដែរ៕

The post អ្នកនាំពាក្យបញ្ជាក់ថា តេឡេក្រាមឈ្មោះ  “OCIC ក្រុមហ៊ុនវិនិយោគ” គឺជាក្រុមឆបោក និងស្នើឱ្យពលរដ្ឋប្រុងប្រយ័ត្ន appeared first on Kampuchea Thmey Daily.

នៅក្នុងឯកសារចុះថ្ងៃទី ២១ ឧសភា និងចុះហត្ថលេខាដោយអនុប្រធាននាយកដ្ឋានទូរគមនាគមន៍នៅក្រសួងបច្ចេកវិទ្យា ក្រុមហ៊ុនទូរគមនាគមន៍វៀតណាម បាន​ទទួលបញ្ជា ឱ្យចាត់វិធានការបិទតេឡេក្រាម ហើយរាយការណ៍អំពីវាទៅក្រសួងត្រឹមថ្ងៃទី ២ ខែមិថុនា ខាងមុខ។

បើតាមរ៉យទ័រ ក្រសួងបច្ចេកវិទ្យាកំពុងធ្វើសកម្មភាព ក្នុងនាមនាយកដ្ឋានសន្តិសុខអ៊ិនធឺណិតរបស់ប្រទេស បន្ទាប់ពីប៉ូលិសបានរាយការណ៍ថា ៦៨ ភាគរយ នៃ តេឡេក្រាម ឆាណែល (Telegram Channel) និងក្រុម (Group) ចំនួន ៩ ៦០០ ក្នុងប្រទេសវៀតណាម បានរំលោភច្បាប់។ ក្នុងនោះរួមមាន​ការក្លែងបន្លំ ការជួញដូរគ្រឿងញៀន និង «ករណីដែលគេសង្ស័យថា ពាក់ព័ន្ធនឹងអំពើភេរវកម្ម» ក្នុងចំណោមសកម្មភាពខុសច្បាប់ផ្សេងទៀត ដែលមាន​នៅលើកម្មវិធីផ្ញើសារនេះ។

ឯកសាររបស់ក្រសួងបាននិយាយថា ក្រសួងបានស្នើឱ្យអ្នកផ្តល់សេវាទូរគមនាគមន៍ដាក់ចេញនូវដំណោះស្រាយ និងវិធានការបិទសកម្មភាពរបស់តេឡេក្រាម ក្នុងប្រទេសវៀតណាម។

ជុំវិញបញ្ហានេះ ក្រុមហ៊ុនតេឡេក្រាម បាននិយាយថា ខ្លួនមាន​ការភ្ញាក់ផ្អើលចំពោះបទបញ្ជាវៀតណាម និងថា ខ្លួនបានទទួលបានទទួលការជូនដំណឹងជាផ្លូវការពីអាជ្ញាធរសារគមនាគមន៍វៀតណាម ជាមួយនឹងកាលកំណត់ឆ្លើយតប ត្រឹមថ្ងៃទី ២៧ ឧសភា។

រ៉យទ័របាន​ស្រង់សម្ដីមន្ត្រីក្រសួងបច្ចេកវិជ្ជាមួយរូប ដែលបាននិយាយថា បទបញ្ជាវៀតណាមបានធ្វើឡើង បន្ទាប់ពីក្រុមហ៊ុនតេឡេក្រាមបរាជ័យក្នុងការចែករំលែកទិន្នន័យអ្នកប្រើប្រាស់ជាមួយរដ្ឋាភិបាល ​ដើម្បីជាផ្នែកមួយ​នៃការស៊ើបអង្កេតឧក្រិដ្ឋកម្ម។ ប៉ូលិស និងសារព័ត៌មានរដ្ឋវៀតណាមបានព្រមានម្តងហើយម្តងទៀត អំពីឧក្រិដ្ឋកម្មដែលអាចកើតមាន ការក្លែងបន្លំ និងការបំពានទិន្នន័យនៅលើតេឡេក្រាម ឆាណែល និងក្រុម៕

The post វៀតណាមបញ្ជាឱ្យបិទតេឡេក្រាមក្នុងប្រទេសខ្លួន appeared first on Kampuchea Thmey Daily.

តាមសេចក្តីជូនដំណឹងរបស់រដ្ឋបាលរាជធានីភ្នំពេញបានឱ្យដឹងថា មានជនអនាមិកបាន ប្រើប្រាស់ Profile ក្លែងបន្លំជាអភិបាលរាជធានីភ្នំពេញក្នុងបណ្ដាញតេឡេក្រាម(Telegram) ក្នុងរូបភាពឆបោក ដោយក្លែងបន្លំឈ្មោះ និងរូបភាពរបស់លោក ឃួង ស្រេង។

បណ្តាញតេឡេក្រាម(Telegram) ពិតរបស់អភិបាលរាជធានីភ្នំពេញមានបង្ហាញលេខទូរស័ព្ទ012 849 666 ។

រដ្ឋបាលរាជធានីភ្នំពេញសូមស្នើអាជ្ញាធរមានសមត្ថកិច្ចពាក់ព័ន្ធទាំងអស់ និងសាធារណជនដែលបានចាញ់បោកជនអនាមិកនេះ ត្រូវចាត់វិធានការតាមផ្លូវច្បាប់ជាធរមានជាបន្ទាន់៕

អត្ថបទ ៖ ស្រីរ័ត្ន

The post តេឡេក្រាមរបស់អភិបាលរាជធានីភ្នំពេញ ត្រូវបានជនអនាមិកបន្លំប្រើប្រាស់ appeared first on Kampuchea Thmey Daily.

យោងតាមក្រសួងប្រៃសណីយ៍ និងទូរគមនាគមន៍ចេញសេចក្ដីប្រកាសនៅថ្ងៃទី ២១​​ ខែសីហា ឱ្យដឹងអំពីសារបោក​បញ្ឆោតទៅអ្នកប្រើប្រាស់ពីបណ្ដាលចោរព័ត៌មានវិទ្យា មានទម្រង់ដូច ឬប្រហាក់ប្រហែលខ្លឹមសារ​ដូច្នេះ«អ្នកប្រើប្រាស់​ជាទីគោរព៖ Telegram គឺជាកម្មវិធីផ្ញើសារតាមកុំព្យូទ័រដោយផ្តោតលើសុវត្ថិភាព និងល្បឿន។ គណនីរបស់អ្នក​មិនត្រូវបានផ្ទៀងផ្ទាត់អស់រយៈពេលជាយូរ ដើម្បីសុវត្ថិភាខាងលើនេះ គឺជាការពិពណ៌នាផ្លូវការ តាមតំណ៖ https://​telegram… ប្រព័ន្ធនឹងលុបចោលគណនីដោយបង្ខំបន្ទាប់ពី 24 ម៉ោង»។

បើតាមក្រសួងប្រៃសណីយ៍ នៅក្នុងករណីដែលអ្នកប្រើប្រាស់ចុចលើតំណភ្ជាប់ និងធ្វើការបំពេញលេខទូរសព្ទ និងលេខកូដ តាមរយៈតំណភ្ជាប់បោកបញ្ឆោតនោះ ចោរព័ត៌មានវិទ្យានឹងអាចចូលទៅគ្រប់​គ្រងគណនីតេឡេក្រាម​របស់អ្នកប្រើប្រាស់បាន។

ដើម្បីបង្ការការលួចគណនីតេឡេក្រាម អ្នកប្រើប្រាស់មិនត្រូវចុចទៅលើតំណភ្ជាប់ ឬបំពេញព័ត៌មាន ឬធ្វើតាមការណែនាំ​ណាមួយតាមរយៈសារបោកបញ្ឆោត ដែលទទួលបាននោះទេ។ ប្រសិនបើអ្នកប្រើប្រាស់បានចុច ឬបំពេញព័ត៌​មានតាមរយៈសារបោកបញ្ឆោត ត្រូវមានចំណាត់ការជាបន្ទាន់ ដោយស្វែងយល់ពីរបៀបបិទ (Terminate) តាមរយៈវីដេអូអប់រំ របស់ក្រសួងប្រៃសណីយ៍ និងទូរគមនាគមន៍។

សូមបញ្ជាក់ថា សម្រាប់ព័ត៌មានបច្ចេកទេសពាក់ព័ន្ធនឹងបញ្ហានេះ អ្នកប្រើប្រាស់អាចស្វែងយល់បន្ថែមក្នុងគេហទំព័ររបស់ ^«ការិយាល័យឆ្លើយតបបញ្ហាបន្ទាន់នៃកុំព្យូទ័រ (CamCERT)^» នាយកដ្ឋានសន្តិសុខបច្ចេកវិទ្យាគមនាគមន៍និងព័ត៌មាន នៃក្រសួងប្រៃសណីយ៍ និងទូរគមនាគមន៍៕

អត្ថបទ៖ ផល ធារិត

The post ក្រសួងប្រៃសណីយ៍ ប្រកាសឱ្យបង្ការការវាយប្រហារ​បោកបញ្ឆោតតាមរយៈប្រព័ន្ធតេឡេក្រាម​ពី Hecker appeared first on Kampuchea Thmey Daily.

ការកំណត់មុខងារ Two-Step Verification ជារឿងសំខាន់ សម្រាប់ពង្រឹងប្រព័ន្ធមុខងារសុវត្ថិភាពគណនីបណ្តាញទំនាក់ទំនងសង្គម ដែលមុខងារនេះ​មានស្រាប់នៅក្នុង​បណ្តាញទំនាក់ទំនងសង្គមតេឡេក្រាម (Telegram)។ ការកំណត់មុខងារនេះ ជាជំហានទី១​ ដើម្បីជួយធ្វើយ៉ាងណាឱ្យគណនីយើង មិនត្រូវបានជនទុច្ចរិត hack យកគណនីរបស់យើងបានដោយងាយស្រួល។

ដើម្បីដឹងថា គណនីតេឡេក្រាមរបស់លោកអ្នក បានបើកមុខងារនេះរួច គឺគ្រាន់ចូលទៅកាន់ setting រួចស្វែងរកពាក្យ Privacy and Security ។ បើសិនជាឃើញថា​ “On” បានន័យថា​ គណនីតេឡេក្រាមរបស់លោកអ្នក បើកដំណើរការមុខងារពង្រឹងសុវត្ថិភាពនោះរួចហើយ ប៉ុន្តែបើសិនជាឃើញពាក្យថា​ “Off” បានន័យថា គណនីបណ្តាញទំនាក់ទំនងតេឡេក្រាមរបស់អ្នកមិនមានសុវត្ថិភាពទេ ពោល គឺងាយនឹងឱ្យជនទុច្ចរិត hack បានដោយងាយ។

ការបើកដំណើរការលើមុខងារ Two-Step Verification ប្រៀបបីដូចជាបានចាក់សោរផ្ទះមួយជាន់ តែជំហាននៃការពង្រឹង​សុវត្ថិភាពលើ​ការប្រើប្រាស់​បណ្តាញទំនាក់ទំនងសង្គម គឺត្រូវបន្តទៅជំហានបន្តបន្ទាប់ទៀត។ ជាជំហានបន្ទាប់ លោកអ្នកត្រូវប្រាកដថា មុខងារផ្សេងទៀតក៏ត្រូវបានកំណត់ផងដែរ ពិសេសមុខងារ Phone Number ព្រោះថា​បើសិនជាជនអានាមិក មិនស្គាល់ពីទិន្នន័យលេខទូរស័ព្ទរបស់លោកអ្នក​ ជនទុច្ចរិតទាំងនោះក៏មិនអាចស្វែងរកវិធីបោកបន្លំលោកអ្នកតាមគ្រប់មធ្យោបាយដោយងាយដែរ។

គួរបញ្ជាក់ថា មុខងារ Phone Number ជាមុខងារមួយកំណត់ បើសិនជាលោកអ្នកចង់រក្សាការសម្ងាត់ មិនចង់​ឱ្យ​លេខ​ទូរស័ព្ទរបស់លោកអ្នកបង្ហាញជា​សាធារណៈ និងសូម្បីតែមនុស្សដែលលោកអ្នកស្គាល់ គឺអាចកំណត់ពាក្យថា “Nobody” ។ ប៉ុន្តែបើសិនជាចង់បង្ហាញលេខផ្ទាល់​ខ្លួនសម្រាប់តែអ្នកដែលលេខទំនាក់ទំនងទូរស័ព្ទរបស់លោកអ្នក​ គឺកំណត់លើពាក្យថា “My Contact” ។

ក្រៅពីមុខងារទាំងពីរខាងលើ​​ លោកអ្នកក៏អាចកំណត់លើមុខងារដទៃទៀត ដែលអាចកំណត់បានសូម្បីតែមិនអនុញ្ញាតឱ្យនរណាម្នាក់ទាញអ្នកចូលក្នុងគ្រុប ឬឆានែលរបស់គេបានដោយពុំបានដឹងមុន ដែលមានក្នុងកម្មវិធីតេឡេក្រាមស្រាប់ ដើម្បី​ជួយ​ពង្រឹង​សុវត្ថិភាព​បណ្តាញទំនាក់ទំនងសង្គមកាន់តែខ្ពស់។

បើតាមអ្នកជំនាញផ្នែកចំណេះដឹងបច្ចេកវិទ្យា និងសន្តិសុខឌីជីថល ពន្យល់ដែរថា ការកំណត់មុខងារទាំងអស់ខាងលើនេះ ជាផ្នែកមួយជួយរក្សាសុវត្ថិភាពបន្ថែមលើវិធីការពារដែលលោកអ្នកមានប៉ុណ្ណោះ។ មួយវិញទៀត ក្នុងករណីដែលគណនីបណ្តាញ​ទំនាក់​ទំនង​សង្គមរបស់លោកអ្នកត្រូវបានជនអានាមិកយកទៅប្រើប្រាស់ គឺអាចដាក់ពាក្យបណ្តឹងទៅកាន់ នាយកដ្ឋានប្រឆាំងបទល្មើសបច្ចេកវិទ្យា ដើម្បីដោះស្រាយជូនបាន៕

The post ធ្វើម៉េច ដើម្បីប្រាកដថា​ប្រព័ន្ធតេឡាក្រាមរបស់អ្នកកំពុងរក្សាសុវត្ថិភាពបានល្អ? appeared first on Kampuchea Thmey Daily.