អ្នកជំនាញខ្លាចថា ថ្នាំដែលមានតម្លៃថោកនេះ អាចរាំងស្ទះដល់ការលូតលាស់របស់ទារកនៅក្នុងផ្ទៃ។

ការសិក្សាជាច្រើន បានភ្ជាប់ថ្នាំនេះ ទៅនឹងជំងឺផ្លូវចិត្ត (ADHD), ជំងឺអូទីស្សឹម, ធ្វើឲ្យកូនស្រីមិនងាយនឹងចេះនិយាយ និងការថយចុះ IQ។

ក្រុមអ្នកស្រាវជ្រាវដាណឺម៉ាក បានទទូចឲ្យស្រ្តីមានគភ៌គ្រប់រូប លេបថ្នាំនេះនៅកម្រិតប្រសិទ្ធភាពទាបបំផុត ក្នុងរយៈពេលខ្លីតាមដែលអាចធ្វើទៅបាន។

ការសិក្សាបន្ថែមទៀត គឺត្រូវការជាចាំបាច់ដើម្បីពិនិត្យឲ្យបានហ្មត់ចត់ថាតើ ថ្នាំដែលត្រូវបានគេស្គាល់ថា អាសេតាមីណូហ្វេន នៅសហរដ្ឋអាមេរិកមួយនេះ អាចប៉ះពាល់ដល់ទារកក្នុងផ្ទៃយ៉ាងដូចម្តេច។

ស្របពេលជាមួយគ្នានោះដែរ សេវាសុខភាពជាតិអង់គ្លេសហៅកាត់ NHS បាននិយាយថា ថ្នាំប៉ារ៉ាសេតាមុល ត្រូវតែជាថ្នាំប៉ារ៉ាសេតាមុល ដែលមានសុវត្ថិភាពចំពោះស្រ្តីមានគភ៌ ហើយពិពណ៌នាថា វាជាថ្នាំបំបាត់ការឈឺចាប់ជម្រើសទី១ សម្រាប់ស្រ្តីមានផ្ទៃពោះ។

គួរបញ្ជាក់ថា ប្រហែលពាក់កណ្តាលនៃស្រ្តីមានផ្ទៃពោះ បានរាយការណ៍ថា បានប្រើថ្នាំប៉ារ៉ាសេតាម៉ុលអំឡុងពេលមានគភ៌ ហើយតួលេខ បានឡើងដល់ទៅ ៦៥ ភាគរយឯណោះនៅសហរដ្ឋអាមេរិក។

ការព្រមានអំពី ការលេបថ្នាំប៉ារ៉ាសេតាម៉ុលអំឡុងពេលមានផ្ទៃពោះ ត្រូវបានបោះពុម្ពផ្សាយកាលពីថ្ងៃព្រហស្បតិ៍ទី២៣ខែកញ្ញា នៅក្នុងទស្សនាវដ្តី Nature Review Endocrinology៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ ៥ យ៉ាងអាចមិនដឹង ហើយប្រើថ្នាំប៉ារ៉ាសេតាម៉ុលខុស ដែលបណ្ដាលឲ្យគ្រោះថ្នាក់ដល់ជីវិត

The post ថ្នាំប៉ារ៉ាសេតាម៉ុល ធ្វើឲ្យប៉ះពាល់ដល់ការលូតលាស់របស់ទារក នៅក្នុងផ្ទៃ appeared first on Kampuchea Thmey Daily.

លោក Nguyen Trung Nguyen ប្រធានមជ្ឈមណ្ឌលត្រួតពិនិត្យជាតិពុល នៃមន្ទីរពេទ្យ Bach Mai ក្នុងទីក្រុងហាណូយ បាននិយាយថា គ្រូពេទ្យទើបតែជួយសង្គ្រោះអ្នកជំងឺម្នាក់ ដែលខ្សោយសរីរាង្គ ដោយសារការពុលថ្នាំ ប៉ារ៉ាសេតាម៉ុល។

អ្នកជំងឺឈ្មោះ Nguyen Thi T. អាយុ៧២ឆ្នាំមកពីខេត្ត Bac Giang គឺមានជំងឺទឹកនោមផ្អែម លើសឈាម ឡើងកូលេស្តេរ៉ុលនិងជាតិខ្លាញ់ និងអង់ស៊ីមថ្លើមកើនឡើង។

ឧបទ្ទវហេតុនេះ បានកើតឡើង បន្ទាប់ពីលោកយាយ T​ ជឿតាមអ្នកជិតខាងរបស់គាត់ក្នុងការប្រើប្រាស់វិធីព្យាបាល ដោយមិនធ្វើតាមការណែនាំរបស់វេជ្ជបណ្ឌិត។

អ្នកជិតខាងបានបញ្ជាក់ថា ថ្នាំនេះអាចព្យាបាលជំងឺគ្រប់ប្រភេទ។ លោកយាយ T បានទិញថ្នាំពីអ្នកលក់ក្នុងភូមិ ហើយប្រាប់ឲ្យលេបមួយថ្នាំ១០គ្រាប់។

បន្ទាប់ពីលេបបាន១០ថ្ងៃ លោកយាយចាប់ផ្តើមអស់កម្លាំង ក្តៅខ្លួន លែងឃ្លានអាហារនិងហើមពោះ។

លោកយាយត្រូវបានគេបញ្ជូនទៅមន្ទីរពេទ្យ Bac Giang ហើយរកឃើញមានជំងឺរលាកថ្លើម និងរលាកតម្រងនោមស្រួចស្រាវ រួមជាមួយជំងឺរ៉ាំរ៉ៃដែលមានក្នុងខ្លួនគាត់៕

ប្រែសម្រួល៖ Vann Vann

ប្រភព៖ Tuoi Tre

ចុចអាន៖ ជប៉ុន រកឃើញសារធាតុកខ្វក់ក្នុងដបវ៉ាក់សាំងមួយប្រភេទទៀត លើកនេះមិនមែន Moderna ដូចមុនឡើយ

The post លោកយាយ វៀតណាម ម្នាក់ ពុលថ្នាំ ប៉ារ៉ាសេតាម៉ុល appeared first on Kampuchea Thmey Daily.

ប៉ុន្តែបើអ្នកប្រើខុស​អាចបណ្ដាលឲ្យមានគ្រោះថ្នាក់ដល់ជីវិត។

ប៉ារ៉ាសេតាមុលសមស្របសម្រាប់រាងកាយរបស់យើងក្នុង​កម្រិត ១០-១៥ មិល្លីក្រាម​ក្នុង ១ គីឡូក្រាម​នៃ ទម្ងន់​រាងកាយ

ទម្ងន់​រាងកាយ ២២-៣៣ គីឡូក្រាមលេប ៣២៥ មិល្លីក្រាម ។

ទម្ងន់​រាងកាយ ៣៣-៤៤ គីឡូក្រាម​លេបថ្នាំ​ប៉ារ៉ាសេតាម៉ុល ១ គ្រាប់​កន្លះ។

ទម្ងន់​លើសពី ៤៤ គីឡូក្រាម​លេបថ្នាំ​ប៉ារ៉ាសេតាមុល​ចំនួន ២ គ្រាប់ ។

ទម្ងន់​រាងកាយ ៣៤-៥០ គីឡូក្រាមលេបថ្នាំ ៥០០ មិល្លីក្រាម ។

ទំងន់​រាងកាយ ៥០-៦៧ គីឡូក្រាម​លេបថ្នាំប៉ារ៉ាសេតាមុល ១ គ្រាប់​កន្លះ (មិនលើស​ពី ៥ ដងក្នុង​មួយថ្ងៃ) ឬ​លេបថ្នាំប៉ារ៉ាសេតាមុលចំនួន ២ គ្រាប់ (រហូតដល់ ៤ ដងក្នុងមួយថ្ងៃ) ។

សរុបមកកុំទទួលទានលើសពី ៤.០០០ មិល្លីក្រាម​ក្នុង​មួយ​ថ្ងៃ។

លេបថ្នាំ​ប៉ារ៉ាសេតាមុល​ក្នុង​ពេល​លឿនពេក

ប៉ារ៉ាសេតាមុល​គួរតែត្រូវញុំាដាច់ពីគ្នាពី ៤-៦ ម៉ោង ដូច្នេះប្រសិនបើមានរយៈពេលតែ ២-៣ ម៉ោង​ប៉ុណ្ណោះ​សូម​កុំលេបវាម្តងទៀត ហើយមិនចាំបាច់​ញ៉ាំ​បន្ទាប់ពីញ៉ាំអាហារឡើយ។ នៅ​ពេលមានការ​ឈឺចាប់​អ្នក​អាចញ៉ាំវាបាន។

លេប​ថ្នាំ​ប៉ារ៉ាសេតាមុល​ជាប់​គ្នា​យូរ​ថ្ងៃពេក

មនុស្សជាច្រើនអាចព្យាបាលរោគសញ្ញាគ្រុនផ្តាសាយដោយខ្លួនឯងនៅផ្ទះ។ ដូច្នេះ​ប៉ារ៉ាសេតាមុល​ត្រូវ​បាន​គេយកដើម្បីកាត់បន្ថយការឈឺក្បាល។ ទោះយ៉ាងណា ប៉ារ៉ាសេតាមុល​មិនគួរលេបលើសពី ៥ ថ្ងៃជាប់គ្នាឡើយ។ ប្រសិនបើអ្នកនៅតែមានគ្រុនក្តៅ​ បន្ទាប់ពីថ្នាំនៅតែមាន​ប្រសិទ្ធភាពដដែល ​ជាការប្រសើរជាង​ ដែល​អ្នកត្រូវទៅជួប​គ្រូពេទ្យ​​ ដើម្បី​ធ្វើរោគវិនិច្ឆ័យ​ឲ្យ​បានហ្មត់ចត់។

អ្នកជំងឺដែលមានជំងឺថ្លើម ជំងឺតម្រងនោម គួរតែពិគ្រោះជាមួយវេជ្ជបណ្ឌិតមុនពេលប្រើថ្នាំ​ប៉ារ៉ាសេតាមុល

ថ្វីបើប៉ារ៉ាសេតាមុលគឺជាថ្នាំប្រឆាំងនឹងរោគដែល​មានសុវត្ថិភាពបំផុតក៏ដោយ ប៉ារ៉ាសេតាមុលអាចមានផលប៉ះពាល់ដល់អ្នកជំងឺដែលមានជំងឺថ្លើម ជំងឺតម្រងនោម ការលេបថ្នាំប៉ារ៉ាសេតាមុលអាចបង្កើនឱកាសនៃការពុលថ្លើម និងខ្សោយថ្លើមធ្ងន់ធ្ងរ។ ដូច្នេះអ្នកជំងឺដែលមានជំងឺតម្រងនោមនិងថ្លើមគួរតែពិគ្រោះជាមួយវេជ្ជបណ្ឌិត មុនពេលទទួលទាន ហើយពួកគេអាចពិចារណាពីហានិភ័យឬពិចារណាផ្តល់ថ្នាំបំបាត់ការឈឺចាប់ផ្សេងទៀតជំនួសវិញ។

កុំប្រើប៉ារ៉ាសេតាមុល “អន្ទាក់“

ប៉ារ៉ាសេតាមុលគឺជាថ្នាំដែលអាចទទួលទាន​បាន លុះត្រាតែមានរោគសញ្ញា។ ប្រសិន​បើមិនមាន​រោគសញ្ញាហើយលេបថ្នាំ​មុនពេលចេញក្រៅ ឬធ្វើ​សកម្មភាពដែលមាន​ហានិភ័យ ​នោះ​គឺជា​ការ​ធ្វើខុស ​ព្រោះ​វាអាចបង្កើនហានិភ័យ​នៃ​ការស៊ាំនឹងថ្នាំ។

ប្រុងប្រយ័ត្ន​ចំពោះ​ការ​ប្រើប្រាស់​ថ្នាំ​ប៉ារ៉ាសេតាមុល

ប្រសិន​បើ​គ្រុន​ក្ដៅ​មិន​ថយចុះក្នុងរយៈពេល ៣ ថ្ងៃទេ​ ទាំងចំពោះកុមារនិងមនុស្សធំ​ ឬការ​ឈឺចាប់ចំពោះកុមារ​មិនធូរស្បើយក្នុងរយៈពេល ៥ ថ្ងៃ ឬការឈឺចាប់ចំពោះមនុស្សពេញវ័យ​មិនធូរ​​ស្រាល​ក្នុង​រយៈ​ពេល ១០ ថ្ងៃ សូមទៅជួបគ្រូពេទ្យ​ដើម្បី​ពិនិត្យរោគសញ្ញា​នៃ​ជំងឺ​ធ្ងន់ធ្ងរ។

សូមប្រយ័ត្ននៅពេល​ប្រើប៉ារ៉ាសេតាមុល រួមផ្សំជាមួយថ្នាំដទៃទៀត​ដូចជា ថ្នាំបន្ធូរសាច់ដុំ ​និង​អ័រហ្វេនណាដិន។ រក្សាទុកឱសថនៅកន្លែងស្ងួត ឆ្ងាយពីពន្លឺព្រះអាទិត្យ និងទុកថ្នាំ​ឲ្យ​ឆ្ងាយពីកុមារ៕

ប្រែសម្រួល៖ សាង ស្រីល័ក្ខ

ចុចអាន៖ឈប់យល់ច្រឡំ! ថ្នាំទាំងនេះមិនអាចព្យាបាលកូវីដឲ្យជាសះស្បើយបាន ១០០ ភាគរយឡើយ

ចុចអាន៖សង្កេតមើលខ្លួនឯងឲ្យមែនទែន! ច្បាស់ៗពីអាការឈឺក្បាលបែបណា ដែលចាត់ទុកថាឆ្លង​ Delta

The post ៥ យ៉ាងអាចមិនដឹង ហើយប្រើថ្នាំប៉ារ៉ាសេតាម៉ុលខុស ដែលបណ្ដាលឲ្យគ្រោះថ្នាក់ដល់ជីវិត appeared first on Kampuchea Thmey Daily.