ព័ត៌មានអន្ដរជាតិ
ជប៉ុន រកឃើញសារធាតុកខ្វក់ក្នុងដបវ៉ាក់សាំងមួយប្រភេទទៀត លើកនេះមិនមែន Moderna ដូចមុនឡើយ
ប្រទេសជប៉ុនបានរកឃើញសារធាតុកខ្វក់បន្ថែមទៀត នៅក្នុងដបវ៉ាក់សាំង ប៉ុន្តែលើកនេះគឺជារបស់ក្រុមហ៊ុន Pfizer នៅមណ្ឌលចាក់ថ្នាំបង្ការក្នុងទីក្រុងចំនួន៣ ដែលជាហេតុជំរុញឲ្យអាជ្ញាធរមូលដ្ឋាន ស្នើសុំឲ្យក្រុមហ៊ុន បើកការស៊ើបអង្កេតជាបន្ទាន់។
ទីភ្នាក់ងារសារព័ត៌មាន Japan Times បានរាយការណ៍កាលពីថ្ងៃទី១៥ខែកញ្ញាឆ្នាំ២០២១ថា មន្ត្រីនៅមណ្ឌលចាក់ថ្នាំបង្ការក្នុងខេត្ត Kanagawa ក្បែរទីក្រុងតូក្យូ និងខេត្ត Osaka ភាគខាងលិចប្រទេសជប៉ុន បានរកឃើញសារធាតុកខ្វក់នៅក្នុងដបវ៉ាក់សាំងកូវីដរបស់ក្រុមហ៊ុន Pfizer ដែលមិនទាន់បើកចំនួន៥ដប។
សារធាតុកខ្វក់នោះ គឺជាបំណែកពណ៌សអណ្តែត ហើយដបចំនួន៣ ត្រូវបានរកឃើញនៅមណ្ឌលចាក់ថ្នាំបង្ការទីក្រុង Sagamihara ក្នុងខេត្ត Kanagawa ចន្លោះថ្ងៃសៅរ៍ដល់ថ្ងៃអង្គារ ខណៈដបមួយទៀត ត្រូវបានរកឃើញកាលពីថ្ងៃអាទិត្យនៅទីក្រុង Kamakura ក្នុងខេត្ត Kanagawa ចំណែកដបចុងក្រោយ ត្រូវបានរកឃើញនៅទីក្រុង Sakai ក្នុងខេត្ត Osaka កាលពីថ្ងៃអង្គារ។
មន្រ្តីនៅក្នុងទីក្រុងទាំងបី និយាយថា ពួកគេបានអំពាវនាវឲ្យក្រុមហ៊ុន Pfizer វិភាគលើសារធាតុកខ្វក់ទាំងនេះ។
គួរបញ្ជាក់ថា កាលពីខែសីហាថ្មីៗនេះ ក្រសួងសុខាភិបាលជប៉ុន បានផ្អាកវ៉ាក់សាំងកូវីដ-១៩ របស់ក្រុមហ៊ុន Moderna ប្រហែល ៦៣ លានដូស បន្ទាប់ពីរកឃើញសារធាតុកខ្វក់ពណ៌ខ្មៅ នៅក្នុងដបវ៉ាក់សាំងជាច្រើន។
ក្រោយមក ក្រុមហ៊ុន Moderna បានបញ្ជាក់ថា សារធាតុនោះ គឺជាភាគល្អិតនៃដែកអ៊ីណុកហើយបានបញ្ជាក់ម្តងហើយម្តងទៀតថា វាមិនបង្កគ្រោះថ្នាក់ដល់អ្នកទទួលវ៉ាក់សាំងក៏ដោយ។
ក៏ប៉ុន្តែ ប្រទេសជប៉ុន បានអះអាងថា ជនជាតិរបស់ខ្លួនចំនួន៣នាក់ហើយ បានស្លាប់បន្ទាប់ពីចាក់វ៉ាក់សាំង Moderna ដែលមានផ្ទុកសារធាតុទាំងនេះ៕
ប្រែសម្រួល៖ Vann Vann
ប្រភព៖ Thairath
ចុចអាន៖ ជប៉ុន មានអ្នកស្លាប់ថែមទៀត បន្ទាប់ពីចាក់វ៉ាក់សាំង Moderna
-
ជីវិតកម្សាន្ដ១ សប្តាហ៍ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៤ ថ្ងៃ ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
ព័ត៌មានអន្ដរជាតិ៧ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ១ ថ្ងៃ ago
សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា
-
បច្ចេកវិទ្យា៦ ម៉ោង ago
កុំពឹងផ្អែកលើប្រព័ន្ធសន្តិសុខ App ធនាគារទាំងស្រុង ត្រូវពង្រឹងសុវត្ថិភាពបន្ថែម
-
ព័ត៌មានអន្ដរជាតិ៥ ថ្ងៃ ago
រូបភាពបុរសម្នាក់លើឆ្នេរ អង់គ្លេស ក្លាយជាព័ស្តុតាងថា បានឆ្លងភពចូលមកឆ្នាំ ១៩៤៣
-
ព័ត៌មានជាតិ៦ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានអន្ដរជាតិ៥ ថ្ងៃ ago
តើទីក្រុងណា ស្ទះចរាចរណ៍ខ្លាំងជាងគេ នៅអាស៊ីអាគ្នេយ៍?