តាមធម្មតា ក្បួនដង្ហែត្រូវបានចូលរួមជាអធិបតីដោយមន្រ្តីមកពីប្រទេសផ្សេងៗ។ ទោះបីជាយ៉ាងណា ពេលនេះគេមើលឃើញថា អនុរដ្ឋមន្រ្តីក្រសួងការពារជាតិរុស្ស៊ីលោក Alexander Formin គឺជាមន្រ្តីបរទេសតែម្នាក់គត់ដែលបានចូលរួមក្នុងពិធីនេះ។

មេទ័ពមីយ៉ាន់ម៉ា លោក Min Aung Hlaing និយាយថា “រុស្ស៊ីគឺជាមិត្តយ៉ាងពិតប្រាកដ”។

សហរដ្ឋអាមេរិក អង់គ្លេសនិងសហភាពអឺរ៉ុបសុទ្ធតែបានដាក់ទណ្ឌកម្ម ដើម្បីឆ្លើយតបទៅនឹងរដ្ឋប្រហារយោធា។

ទំនាក់ទំនងការពារជាតិរវាង មីយ៉ាន់ម៉ានិងរុស្ស៊ី មានការរីកចម្រើនយ៉ាងខ្លាំងក្នុងរយៈពេលប៉ុន្មានឆ្នាំចុងក្រោយនេះ។ ទីក្រុងមូស្គូ បានផ្តល់ការបណ្តុះបណ្តាលដល់ទាហានរាប់ពាន់នាក់និងបានលក់អាវុធទៅឲ្យយោធាមីយ៉ាន់ម៉ាផងដែរ។

ថ្លែងលើកញ្ចក់ទូរទស្សន៍ជាតិដើម្បីអបអរសាទរទិវាកងកម្លាំងប្រដាប់អាវុធ លោក Min Aung Hlaing បានសន្យាជាថ្មីម្តងទៀតថា នឹងរៀបចំការបោះឆ្នោតប៉ុន្តែមិនបានប្រាប់កាលបរិច្ឆេទទេ។

មេដឹកនាំយោធាមីយ៉ាន់ម៉ាបានសន្យាថា នឹងការពារលទ្ធិប្រជាធិបតេយ្យ ស្របពេលយោធាបានព្រមានក្រុមបាតុករ ប្រឆាំងនឹងការធ្វើបាតុកម្មតាមដងផ្លូវ។

លោក Min Aung Hlaing បាននិយាយក្នុងការផ្សាយផ្ទាល់ នៅថ្ងៃសៅរ៍នេះថា “កងទ័ពព្យាយាមរួមដៃគ្នាជាមួយប្រជាជាតិទាំងមូល ដើម្បីការពារលទ្ធិប្រជាធិបតេយ្យ។ អំពើហិង្សាដែលប៉ះពាល់ដល់ស្ថិរភាពនិងសន្តិសុខដើម្បីធ្វើការទាមទារ គឺមិនសមរម្យទេ”។

លោកបានបន្ថែមថា កងទ័ពត្រូវតែដណ្តើមអំណាចដោយសារតែ សកម្មភាពខុសច្បាប់របស់មេដឹកនាំដែលជាប់ឆ្នោតតាមបែបប្រជាធិបតេយ្យលោកស្រី អ៊ុងសាន ស៊ូជី និងគណបក្ស សម្ព័ន្ធជាតិដើម្បីប្រជាធិបតេយ្យ របស់លោកស្រី។

គួរបញ្ជាក់ថា មនុស្សជាង៣២០នាក់ ត្រូវបានបាញ់សម្លាប់នៅក្នុងការបង្ក្រាបបាតុកម្មចាប់តាំងពីរដ្ឋប្រហារថ្ងៃទី១ខែកុម្ភៈមក៕

ប្រែសម្រួលដោយ៖ Vann Vann

ប្រភព៖ BBC

ចុចអាន៖ មេទ័ពមីយ៉ាន់ម៉ា ប្តេជ្ញាការពារលទ្ធិប្រជាធិបតេយ្យ

The post មានមន្ត្រីបរទេសតែម្នាក់គត់ ចូលរួមក្នុងទិវាកងកម្លាំងប្រដាប់អាវុធ មីយ៉ាន់ម៉ា appeared first on Kampuchea Thmey Daily.

ប្រព័ន្ធផ្សព្វផ្សាយក្នុងស្រុកបាននិយាយថា កម្លាំងសន្តិសុខបានបើកការចូលបង្ក្រាបទៅក្នុងផ្ទះមួយនៅក្នុងទីក្រុងធំបំផុតទី ២ នៃប្រទេស Mandalay កាលពីថ្ងៃអង្គារ ហើយបានបើកការបាញ់ប្រហារ និងបណ្ដាលឲ្យក្មេងស្រីអាយុ ៧ ឆ្នាំម្នាក់បានស្លាប់ ។

ក្រុមសិទិ្ធមនុស្សក្នុងស្រុកនិយាយថា យ៉ាងហោចណាស់មានមនុស្សចំនួន ២៧៥ នាក់ត្រូវបានសម្លាប់ទាក់ទងនឹងការបង្ក្រាបកាលពីថ្ងៃពុធ ។

ស្របពេលជាមួយគ្នានេះទូរទស្សន៍រដ្ឋបានរាយការណ៍អំពីការហាត់សមទ្រង់ទ្រាយធំមួយដែលបានកើតឡើងនៅទីក្រុងណៃពិដោ មុនទិវាកងកម្លាំងប្រដាប់អាវុធ ។

ទន្ទឹមនឹងនេះដែរសវនាការរបស់តុលាការសម្រាប់លោកស្រី អ៊ុងសាន ស៊ូជី ដែលគ្រោងធ្វើកាលពីថ្ងៃពុធក៏ត្រូវបានពន្យារពេលភ្លាមៗផងដែរ ។

បន្ថែមពីនេះក្រុមបាតុករប្រឆាំងនឹងរដ្ឋប្រហារជាង ៦០០ នាក់ត្រូវបានគេរាយការណ៍ថាត្រូវបានដោះលែងនៅថ្ងៃដែលយោធាប្រារព្ធទិវាកងកម្លាំងប្រដាប់អាវុធ ។

រហូតមកដល់ពេលនេះក្រុមអ្នកតវ៉ាមិនមានការដើរតាមផ្លូវនោះទេ ហើយផ្ទុយទៅវិញបានសម្តែងការប្រឆាំងរបស់ពួកគេចំពោះយោធាដោយស្នាក់នៅផ្ទះដោយស្ងប់ស្ងាត់ និងធ្វើបាតុកម្មប្រកបដោយប្រសិទ្ធភាព ។

ខណៈពេលដែលយោធាត្រៀមសម្រាប់ការប្រារព្ធទិវាកងកម្លាំងប្រដាប់អាវុធរបស់ខ្លួនអ្នកតំណាងនៃប្រទេសជាច្រើនដែលត្រូវបានអញ្ជើញឲ្យចូលរួមក្នុងព្រឹត្តិការណ៍នេះទំនងជាមិនចូលរួមឡើយ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ កុមារីអាយុត្រឹម៧ឆ្នាំ ត្រូវយោធាបាញ់សម្លាប់ពេលកំពុងអង្គុយលើភ្លៅឪពុកក្នុងផ្ទះ ក្លាយជាជនរងគ្រោះក្មេងបំផុតនៅមីយ៉ាន់ម៉ា

ចុចអាន ៖ “ខ្ញុំមិនអាចទ្រាំបានទេលោកប៉ា ខ្ញុំឈឺណាស់” ពាក្យចុងក្រោយរបស់ក្មេងស្រីអាយុ៧ឆ្នាំដែលត្រូវយោធា មីយ៉ាន់ម៉ាបាញ់សម្លាប់

The post មិនខ្វល់រឿងបាតុកម្ម! យោធា មីយ៉ាន់ម៉ា កំពុងហាត់សមត្រៀមប្រារព្ធទិវាកងកម្លាំងប្រដាប់អាវុធ appeared first on Kampuchea Thmey Daily.