ព័ត៌មានអន្ដរជាតិ
“ខ្ញុំមិនអាចទ្រាំបានទេលោកប៉ា ខ្ញុំឈឺណាស់” ពាក្យចុងក្រោយរបស់ក្មេងស្រីអាយុ៧ឆ្នាំដែលត្រូវយោធា មីយ៉ាន់ម៉ាបាញ់សម្លាប់
កុមារីអាយុ៧ឆ្នាំម្នាក់ ត្រូវបានបាញ់សម្លាប់ដោយកងសន្តិសុខនៅក្នុងប្រទេសមីយ៉ាន់ម៉ា ដែលធ្វើឲ្យកុមារីរូបនេះ ក្លាយជាជនរងគ្រោះក្មេងជាងគេបំផុត នៅក្នុងការបង្ក្រាបបន្ទាប់ពីរដ្ឋប្រហារយោធាកាលពីខែមុន។
សមាជិកគ្រួសារបាននិយាយថា ក្មេងស្រីនេះត្រូវបានសម្លាប់នៅឯផ្ទះរបស់នាងក្នុងទីក្រុង Mandalay។
បងស្រីរបស់កុមារី Khin Myo Chit បានប្រាប់ BBC ថា ភ្នាក់ងារប៉ូលិសបានចូលឆែកឆេរផ្ទះទាំងអស់នៅក្នុងសង្កាត់របស់ពួកគេនៃទីក្រុង Mandalay កាលពីរសៀលថ្ងៃអង្គារ ដើម្បីស្វែងរកអាវុធនិងធ្វើការចាប់ខ្លួន។
នាង May Thu Sumaya អាយុ២៥ឆ្នាំបាននិយាយថា “ពួកគេបានធាក់ទម្លាយទ្វារ។ នៅពេល ទ្វារ.របើក ពួកគេបានសួរឪពុកខ្ញុំថាតើមានមនុស្សផ្សេងទៀតនៅក្នុងផ្ទះដែរឬទេ?”។
នៅពេលគាត់និយាយថា គ្មាន ពួកគេបានចោទគាត់ថា កុហកហើយចាប់ផ្តើមឆែកឆេរផ្ទះ។
ពេលនោះគឺជាពេលដែលក្មេងតូច Khin Myo Chit រត់ទៅរកឪពុកហើយអង្គុយនៅលើភ្លៅរបស់គាត់។ បន្ទាប់មក ប៉ូលិសបានបាញ់ហើយ ត្រូវចំកុមារីតែម្តង។
នៅក្នុងបទសម្ភាសន៍ដាច់ដោយឡែកជាមួយប្រព័ន្ធផ្សព្វផ្សាយសហគមន៍ Myanmar Muslim Media, ឪពុករបស់ពួកគេឈ្មោះ U Maung Ko Hashin Bai បានរំលឹកពាក្យចុងក្រោយរបស់កូនគាត់។ “នាងនិយាយថា ខ្ញុំមិនអាចទ្រាំបានទេលោកប៉ា ខ្ញុំឈឺណាស់”។
បុរសជាឪពុកនិយាយថា កូនស្រីរបស់គាត់បានស្លាប់ត្រឹមតែកន្លះម៉ោងក្រោយមកខណៈពេលដែលនាងត្រូវបានដឹកតាមឡានទៅព្យាបាល។ ប៉ូលិសក៏បានវាយនិងចាប់ខ្លួនកូនប្រុសអាយុ១៩ឆ្នាំរបស់គាត់ផងដែរ។
ទោះបីជាយ៉ាងណាក៏ដោយ យោធាមិនទាន់ធ្វើអត្ថាធិប្បាយអំពីការស្លាប់នេះទេ។
ក្រុមសិទិ្ធកុមារនិយាយថា កុមារជាង២០នាក់ស្ថិតក្នុងចំណោមមនុស្សរាប់សិបនាក់ ដែលត្រូវបានសម្លាប់។
សរុបទៅ យោធានិយាយថា មនុស្សចំនួន១៦៤នាក់ ត្រូវបានសម្លាប់នៅក្នុងការតវ៉ាប៉ុន្តែក្រុមសកម្មជន ជំនួយសម្រាប់អ្នកទោសនយោបាយ (AAPP) បានដាក់ចំនួនអ្នកស្លាប់រហូតដល់ទៅ ២៦១នាក់ឯណោះ៕
ប្រែសម្រួលដោយ៖ Vann Vann
ប្រភព៖ BBC
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?