នៅក្រោមផែនការចាកចេញពីការបិទខ្ទប់ ក្នុងទីក្រុងធំបំផុតរបស់ប្រទេសអូស្រ្តាលី, ប្រជាជនដែលមិនចាក់វ៉ាក់សាំង ត្រូវប្រឈមមុខនឹងការពន្យារពេលសេរីភាព ដែលនឹងត្រូវផ្តល់ជូនប្រជាពលរដ្ឋជាបណ្តោះអាសន្ននៅចន្លោះថ្ងៃទី១១ខែតុលាដល់ថ្ងៃទី១ខែធ្នូ។

លោកស្រី Berejiklian និយាយថា មនុស្សដែលជ្រើសរើសមិនចាក់វ៉ាក់សាំង អាចត្រូវបានហាមឃាត់មិនឲ្យចូលហាង ភោជនីយដ្ឋាននិងកន្លែងកម្សាន្ត សូម្បីតែបន្ទាប់ពីរដ្ឋ ដកការរឹតត្បិតទាំងអស់ប្រឆាំងនឹងពួកគេនៅថ្ងៃទី១ខែធ្នូក៏ដោយ។

លោកស្រី Berejiklian បានប្រាប់សារព័ត៌មាន Seven News នៅថ្ងៃអង្គារថា “អាជីវកម្មជាច្រើន បាននិយាយថា ពួកគេនឹងមិនទទួលយកអ្នកណាដែលមិនចាក់វ៉ាក់សាំងឡើយ។ ជីវិតសម្រាប់អ្នកដែលមិនបានចាក់វ៉ាក់សាំង នឹងពិបាកខ្លាំងណាស់ ដោយគ្មានកំណត់”។

ប្រព័ន្ធពីរកម្រិត ដែលត្រូវបានរចនាឡើងដើម្បីលើកទឹកចិត្តមនុស្សកាន់តែច្រើនឲ្យទៅចាក់វ៉ាក់សាំង បានទទួលរងការរិះគន់ចំពោះទាំងការដាក់ទណ្ឌកម្មលើក្រុមងាយរងគ្រោះដែលមិនមានលទ្ធភាពចាក់វ៉ាក់សាំង និងចំពោះកង្វះផ្តល់នូវការលើកទឹកចិត្តពិតប្រាកដសម្រាប់អ្នកស្ទាក់ស្ទើរចាក់វ៉ាក់សាំង។

ហាងស្រា ហាងកាហ្វេ កន្លែងហាត់ប្រាណនិងហាងកាត់សក់ នឹងបើកដំណើរការឡើងវិញនៅថ្ងៃទី១១ខែតុលានៅរដ្ឋ New South Wales ហើយការរឹតបន្តឹងបន្ថែមទៀត នឹងត្រូវបន្ធូរបន្ថយនៅពេលដែល ៨០ភាគរយនៃមនុស្សពេញវ័យរបស់ខ្លួន បានទទួលថ្នាំបង្ការពេញលេញ ដែលគេរំពឹងថានឹងទទួលបាននៅត្រឹមចុងខែតុលានេះ។

ប្រទេសអូស្រ្តាលី កំពុងព្យាយាមបើកឡើងវិញឲ្យបានលឿន តាមរយៈអត្រានៃការចាក់វ៉ាក់សាំងខ្ពស់ បើទោះបីជាមានការឆ្លងខ្លាំងនៅក្នុងទីក្រុងធំៗទាំងពីររបស់ខ្លួន គឺស៊ីដនីនិងមែលប៊នក៏ដោយ៕

ប្រែសម្រួល៖ Vann Vann

ប្រភព៖ Reuters

ចុចអាន៖ មន្ទីរពេទ្យញូវយ៉ក បណ្តេញបុគ្គលិក ព្រោះបដិសេធ ចាក់វ៉ាក់សាំងកូវីដ

The post អ្នកមិនចាក់វ៉ាក់សាំងនៅស៊ីដនី ប្រឈមមុខនឹងភាពឯកោ appeared first on Kampuchea Thmey Daily.

លោក Nick អាយុ ៣១ ឆ្នាំ ដែលធ្វើការជាអ្នកបើកឡានឲ្យក្រុមហ៊ុនវិស្វកម្មមួយ បាននិយាយថា “ខ្ញុំមិនចង់ចាក់វ៉ាក់សាំងទេ ប៉ុន្តែខ្ញុំត្រូវតែចាក់ បើមិនដូច្នោះទេ ខ្ញុំគ្មានការងារធ្វើឡើយ”។

កាលពីសប្តាហ៍មុន រដ្ឋាភិបាលបានពិចារណា លើគោលនយោបាយ “អត់ចាក់វ៉ាក់សាំង គ្មានការងារធ្វើ” ដើម្បីបញ្ចៀសការបិទខ្ទប់ ហើយសម្រាលស្ថានភាពដល់អាជីវកម្មនានា។

មកដល់ពេលនេះ អូស្រ្តាលី ត្រូវបានគេមើលឃើញថា មានភាពល្អប្រសើរជាងប្រទេសជាច្រើនទៀត នៅក្នុងចំណោមប្រទេសអភិវឌ្ឍន៍ អំឡុងវិបត្តិជំងឺរាតត្បាត ដោយមានករណីតិចជាង ៣៧,០០០ ករណី។ ចំនួនអ្នកស្លាប់បានកើនឡើងដល់ ៩៤៤ នាក់គិតត្រឹមថ្ងៃពុធ បន្ទាប់ពីមនុស្សពីរនាក់ទៀត បានស្លាប់នៅក្នុងទីក្រុង ស៊ីដនី។

ប៉ុន្តែដោយសារតែប្រជាជនតិចជាង ២៥ភាគរយបានចាក់វ៉ាក់សាំងពេញលេញនោះ អូស្ត្រាលីកំពុងតស៊ូដើម្បីចៀសវាងការបិទខ្ទប់ចុះឡើងៗ។

អ្នកជំនាញមួយចំនួនព្រមានថា ការបិទខ្ទប់បែបនេះ អាចធ្វើឲ្យសេដ្ឋកិច្ចអូស្រ្តាលី ដែលជាសេដ្ឋកិច្ចធំជាងគេលំដាប់ទី១៣ របស់ពិភពលោក ធ្លាក់ចូលទៅក្នុងវិបត្តិជាលើកទី២ ក្នុងរយៈពេលប៉ុន្មានឆ្នាំខាងមុខនេះ។

រដ្ឋាភិបាលសហព័ន្ធនិងរដ្ឋ បានប្តេជ្ញាបញ្ចប់ការបិទប្រទេសនៅពេលដែល ៧០ភាគរយនៃប្រជាជនជិត២៦​​លាននាក់របស់ប្រទេស ទទួលបានវ៉ាក់សាំង៕

ប្រែសម្រួល៖ Vann Vann

ប្រភព៖ Reuters

ចុចអាន៖ អង់គ្លេស ប្រកាសមានអ្នកស្លាប់ប្រចាំថ្ងៃដោយសារកូវីដខ្ពស់បំផុត ចាប់តាំងពីខែមីនា

The post នៅ ស៊ីដនី អត់ចាក់វ៉ាក់សាំង គ្មានការងារធ្វើ appeared first on Kampuchea Thmey Daily.